الموضوع: حصريا : استخدام رامات 4 جيجا فاكثر مع ويندوز7**32 بت 4GB Ram &More with windows7 x86

أقدم لكم اليوم

طريقة استخدام رامات 4 جيجا فاكثر على نسخ الويندوز 32 بت
Use of 4GB Ram In Windows x86 (32Bit


من المعروف أن الويندوز 32 بت تستخدم 3 جيجا رامات على الأكثر
من رامات الكمبيوتر حتى وإن كانت أكثر من 3 جيجا
ولحل هذه المشكلة يتم استخدام هذه الطريقة

حمل الملف وفك الضغط عنه
دوبل كليك على الأيقونة المشار لها فى الصورة




سوف تأتى نافذة عمل الباتش اضغط كمابالصورة




انتظر حتى تأتى هذه النافذة

اكتب Y لإزالة العلامة المائية من جانب الساعة



عند الأنتهاء سيطلب الباتش منك ريستارت الكمبيوتر
وسوف يت ذلك تلقائيا

بعد الريستارت ستأتى شاشة البوت هذه
وفيها خيارين
إما تشغيل الويندوز أكبر من 128 Windows [ Version 6.1.7600] >128 GB Memoryوهذا هو الأفتراضى الآن والذى يمكنك من استخدام رامات 4 جيجا فأكثر
أو Windows 7 ودى الوندوز العادية التى لاتستطيع استخدام رامات أكثر من 3 جيجا




إلى الآن يمكنك استخدام رامات 4 جيجا فأكثر على الويندوز 32 بت

سؤال 1) هل يمكن إلغاء شاشة البوت واستخدام الويندوز أكبر من 128 Windows [ Version 6.1.7600] >
128 GB Memoryفقط

الأجابة :نعم ولكن لاينصح بذلك ويفضل ترك الأختيارين بحيث يمكنك استخدام أى منهما
إذا حدثت اى مشكلة

كيف يتم إلغاء شاشة البوت واستخدام الويندوز أكبر من 128 ميجا فقط ؟

افتح قائمة ستارت ومنهاRun
اكتب هذا الأمر msconfig
ثم دوس على Boot
علم على Windows 7
ثم دوس على Delete
اعمل ريستارت للكمبيوتر وسوف لاتاتى شاشة البوت ويتم اسخدام الويندوز أكثر من 128
Windows [ Version 6.1.7600] >128 GB Memory
والتى تدعم استخدام رامات 4 جيجا فأكثر على ويندوز 32 بت

تابع الصور









سؤال 2) هل يمنك إلغاء الباتش والعودة للويندوز العادية؟
نعم بشرط ألا تكون حذفت الويندوز العادية من شاشة البوت

كيف يتم ذلك ؟

- اجعل الويندوز العادية هى الويندوز الأفتراضى

افتح قائمة ستارت ومنهاRun
اكتب هذا الأمر msconfig
ثم دوس على Boot
علم على Windows 7
ثم دوس علىٍ Set as Default
سيطلب الكمبيوتر ريستارت دوس على Restart







بعد الريستارت سيصبح الويندوز Windows 7 هو الإفتراضى

افتح قائمة ستارت ومنهاRun
اكتب هذا الأمر msconfig
ثم دوس على Boot
علم على Windows [ Version 6.1.7600] >128 GB Memory
ثم دوس علىٍ Delete

Download

Mediafire

هنا


تحميل موفق إن شاء الله

ممتاز
متألق يا دكتور والله
باتش رائع بجد

تسلم ايدك .جزاك الله خيرا

انا بسجل اعجابي الشديد بمواضيعك يا د.حسن انا جربت فعلا الموضوع واعتقد ان في فرق

ودي صوره قبل التسطيب


وده بعد التشغيل



شكرا جزيلا د. حسن طبعا الفرق بيظهر في السطر التالت في خناه system من كل صوره

لكن انا مش فاهم السطر الاول اتغير ليه والتقيييم للجهاز اصبح باهت يا ريت تفسير من حضرتك يا دكتور .

المشاركة الأصلية كتبت بواسطة ΣlSĄYΣD.FΘ2SĦ

انا بسجل اعجابي الشديد بمواضيعك يا د.حسن انا جربت فعلا الموضوع واعتقد ان في فرق

شكرا جزيلا د. حسن طبعا الفرق بيظهر في السطر التالت في خناه system من كل صوره

لكن انا مش فاهم السطر الاول اتغير ليه والتقيييم للجهاز اصبح باهت يا ريت تفسير من حضرتك يا دكتور .

الله يبارك فيك يا ا\ سيد
السطر الأول اتغير علشان كدة الكمبيوتر محتاج أبديت ورفرش لل Performance
دوس على السطرالأول
وبعدين rate this computer
وبعدين Update my score
وبعدين refresh now
هتجيلك النافذة دى انتظر لغاية أما تنتهى واعمل ريستارت وبعد كدة روح شوف الـ System properties

المشاركة الأصلية كتبت بواسطة engh3

الله يبارك فيك يا ا\ سيد
السطر الأول اتغير علشان كدة الكمبيوتر محتاج أبديت ورفرش لل performance
دوس على السطرالأول
وبعدين rate this computer
وبعدين update my score
وبعدين refresh now
هتجيلك النافذة دى انتظر لغاية أما تنتهى واعمل ريستارت وبعد كدة روح شوف الـ system properties

الحقيقه اني فعلا قافل السيرفس بتاعه الاب ديت ،، لان الاب ديت بيعملي مشاكل مع برامج تانيه وعلشان كده انا قفلته ، وانا مش محتاج موضوع التقييم ده في اي شئ انا بس كنت بستفسر ليه وعموما يا د. حسن الغرض الرئيسي من الموضوع تم و قدرت اخلي رمات الجهاز تقرا كلها والفضل يرجع لربنا وليك ،، انا مش حعمل اب ديت و انا حكتفي بالاضافه الجديده اللي تمت وجزاك الله خير الجزاء ،،، تمنياتي ليك بدوار الصحه والتوفيق ،، سلام عليكم .

الله يجازيك خيرا على الشرح .

ما شاء الله عليك يا دكتور

مجهووود جبااااااااار

شكراً لك و سوف اجرب هذا الموضوع قريباً

طيب لو سمحت
لو انا منزل 2 ويندوز
واحده اكس بي علي السي
والتانيه 7 علي الدي
اعمل ايه عشان اخلي الاتنين يقروا اكتر من 3 جيجا رامات؟

موضوع جيد جدا
أحب اضيف ان الموضوع ده عبارة عن استخدام تكنولوجيا اسمهاPhysical Address Extension او اختصارا PAE ودى تكنولوجيا تسمح للمعالجات من طراز x86 او بمسمي اكثر تقنيه معالجات 32 بت، تسمح لتلك المعالجات بالتعامل مع رامات اكبر من 4 جيجابايت. هذه التكنولوجيا اخترعتها Intel سنة 1995 ثم طورتها شركة AMD لتسمح بالوصول الى 52 بت.

ما هو 32 بت وما علاقته بحجم الرامات؟ ولم من المعروف ان نظام 32 بت يتعامل مع 4 جيجا بايت رامات بحد اقصي؟

عندما يكون نظام التشغيل 32 بت، يعنى هذا قدرة النظام على التعامل مع عمليات او تطبيقات لكل منها حد اقصي من اماكن الذاكره هذا الحد يساوى 2 مرفوعا للأس 32. بحسبة رياضية بسيطه:

كود:

2^32 = 4294967296 byte = 4*(1024)^3 byte = 4 gigabyte

وهذا الحد الاقصي لكمية الرامات المتوفرة لاي برنامج يعمل على نظام 32 بت، لايمكن عمليا او نظريا زيادة هذا الحجم لاي عملية حتى لو كانت الرامات المتوفرة 400 جيجا بايت. تظل كل عملية محدده بـ 4 جيجا بايت لا اكثر.

الجديد في تكنولوجيا PAE هو فتح المجال امام المعالج لتوزيع كامل الرامات الموجوده على كل العمليات او البرامج، بحيث انه لا تجبر كل البرامج على العيش في اطار 4 جيجا فقط، ولكن يسمح باستخدام كامل الذاكره الموجوده مع الوضع في الاعتبار انه لن يسمح لاي عملية ان تتجاوز حدود 4 جيجا لان تلك هى قدرة المعالج اذا كان النظام 32 بت.

اما انظمة 64 بت، فهي بحسبة بسيطه ايضا تستطيع نظريا تخصيص ذاكره عشوائية(رامات) لكل عملية process بحجم 16 ايكسابايت

كود:

2^64 = 18446744073709551616 byte = 16*(1024)^6 byte = 16 exabyte
Notes:
1 exabyte = 1024 petbyte
1 petabyte = 1024 terabyte
1 terabyte = 1024 gigabyte

طبعا مساحة ذاكره مهولة لكل برنامج. على الرغم من ذلك اغلب انظمة التشغيل والتطبيقات لا تحتاج تلك المساحه الهائله والرهيبة من الذاكرة، وبالتالى كل نسخ ويندوز 64 بت تسمح بالتعامل فعليا وبشكل حقيقي مع 16 terabyte او بمعنى اخر 44 بت فقط. وعلى الرغم من ذلك، تصور برنامج يستخدم 16 تيرا بايت من الرامات على جهازك الشخصي؟ صاروخ !

هذا هو الفارق الحقيقي بين نظام 32 بت ونظام 64 بت، الذاكرة المسموح بها لكل تطبيق على حده. في انظمة 32 بت سواء استخدمنا تكنولوجيا PAE ام لم نستخدمها يظل سقف الذاكرة لكل برنامج هو 4 جيجابايت لا اكثر. اما مع انظمة 64 بت فلدينا مع ويندوز حتى 16 تيرا بايت.

جدير بالذكر ان احتياجنا للباتش المذكور في الموضوع هنا ناتج من ان ميكروسوفت حجمت تلك التكنولوجيا في اصدارات ويندوز 32 بت لاسباب خاصة بالتعريفات لبعض الاجهزة يقال ان ويندوز 32 بت يكون غير مستقر اذا ما تم تخطي 4 جيجابايت. والباتش في الموضوع هنا يكسر هذا التحجيم ويفتح الافق لحجم اكبر من الرامات يدجج بها ويندوز.

في الختام
تحياتى لصاحب الموضوع ولكل الاعضاء

السلام عليكم

مشكووووووووووووووور

المشاركة الأصلية كتبت بواسطة mokka3330

طيب لو سمحت
لو انا منزل 2 ويندوز
واحده اكس بي علي السي
والتانيه 7 علي الدي
اعمل ايه عشان اخلي الاتنين يقروا اكتر من 3 جيجا رامات؟

محدش رد عليا ليه؟؟؟؟؟؟؟؟؟؟

المشاركة الأصلية كتبت بواسطة mokka3330

محدش رد عليا ليه؟؟؟؟؟؟؟؟؟؟

نفس الكلام غالبا . .

أستااااااااذ =]