الموضوع: يا جماعة عايز رأيكو فى خشب mdf فى عمل الاثاث المنزلى ؟؟؟؟ ارجو الافادة ضرورى

بسم الله الرحمن الرحيم

انا كنت عايز اسأل اصحاب الخبرة على الخشب نوع mdf
شوفت فى عروض فى معارض الاثاث المنزلى و بتبقى عبارة عن : " افرش بيتك بالكامل ب ...... " و الاسعار لما شوفتها كانت بتتراوح من 20 الف الى 30 الف جنيه عبارة عن ( غرفة نوم - غرفة اطفال - انتريه - صالون - سفرة - مطبخ ) فلما سألت على نوع الخشب فقالولى ان نوعه mdf
فأنا كنت عايز اعرف و ارحو الافادة اذا كان خشب ال mdf كويس و يستحمل ولا لأ ؟؟
اللى انا سمعته اراء مختلفة . ناس تقولى ان ال mdf عمره ميستحمل و عبارة عن كارتون مضغوط و غير عملى نهائى .. و ناس تانية قالتلى ان الناس واخدة فكرة عنه غلط و هو كويس جدااا و يستحمل بس عيبه انه بيبوظ من المياه .. يعنى ماينفعش فى المطبخ ولكن يبقى حلو جداا جداا فى الغرف و ناس كتير شغالة بيه
فأنا واللهى مش عارف أه النظام ؟؟؟ خاصة ان طبعا فرق السعر بينه و بين الاخشاب الاخرى مش صغير
فارجو الافادة واسف جداا على الاطالة
تحياتى للجميع

الحاجة التانية اللى عايز اسالكو فيها هى الابواب المصفحة
انا بصراحة هعمل باب شقة جديد ... وناس قالولى ان احسن اركب باب مصفح ضد السرقة
وفعلا سألت عليه و شوفته .. وهو فى اقفال امان كتير من ثلاث جوانب و سمك الباب نفسه كبير و مصنوع من الحديد ... بس عيبه انه صينى .. وانا بصراحة خايف لحسن ممكن الكالون يعلق او يبوز او المفاتيح بتاعته تبوز .. خاصة انه باب حديد و صعب ان حد يكسره لو حصل فيه حاجة ... فأنا مش عارف هل ممكن الكلام ده يكون صح و أبعد عنه و لا لآ وهو فعلا شغال و مفهوش اى مشاكل ... خاصة ان فعلا محتاج اركب باب ذى ده كأمان



ارجو المساعدة و الافادة فى الموضوعين ... و تحياتى للجميع

بالنسبة للـ mdf الباكريه أحسن طبعا لأن الـ mdf ده خشب صناعي مش طبيعي
الأسعار اللي بتقول عليها دي حسب الشركة وحسب المساحة لكن عموما الـ mdf ميزته انه شكله حلو أرخص من الباركيه وتنظيفه سهل
لو انت مقتدر يبقى اعمل باركيه أفضل
بالنسبة للأبواب المصفحة في الحقيقة ماجربتهاش
لكن المعروف أكتر منها هو انك تعمل باب حديد أدام الباب الخشب العادي بتاع الشقة
ولو هتعمل الباب بالشكل ده يبقى تاخد بالك من الشبابيك برضه
مالوش لازمة تعمل باب مصفح وانت سايب الشبابيك عادية