الموضوع: ماهو الافضل المطبخ الخشب ام الالوميتال ؟

السلام عليكم ورحمة اله وبركاته

انا كنت ناوى اعمل مطبخى الوميتال ولكن ناس مجربه قالت لى انه مش متين زى الخشب وسحصل انه بعد 5 سنين بدا الابواب تقع ويحصل فيه مشاكل
و واحد تانى قالى انه عامل مطبخه خشب من 15 سنه وشكلة زى الجديد بفضل ماده بيندهن بيها الخشب بتخليه يتغسل

وبصراحه انا كمان بحس المطابخ الخشب اشيك واقيم كمان

ايه رايكم كمان لو حد عنده صور لمطابخ خشب ياريت يبعتهالى

وشكرا

upppppppppppp

السلام عليكم ورحمة الله وبركاته
بصراحة موضوعك شدنى لانى انا كمان بفكر فى موضوع المطبخ ده
انا كان عندى مطبخ الوميتال عاش 11 سنه من غير ما يشتكى بصراحة كان ممتاز وتنظيفو سهر جد مجرد فوطة مبلوله تنظفو
بعدين جددت المطبخ وعملتو خشب بس كان نوع الخشب مش قد كده طبعا المفصلات خلال شهر كانت بدأت تطلع من مكنها والادراج مكنتش مريحة
كمان الخشب من برا كان محتاج اهتمام جامد جدا علشان اللمعان
والمشكله ان مع الزيت والدخان الى ديما متواجدين فى المطبخ بيدى شكل مش حلو على الخشب وانا كنت بلمعو بالبولش كريم
وكمان مريت بتجربة مريرة ربنا مايكتبها على مطبخ حد ابدا
ان المطبخ اتعرض لحريق والنار مسكت فى الخشب بس الاوميتال مش بتمسك فيه النار
المهم انى لسه هعمل مطبخ جديد بالنسبه للمقارنه الخشب ارقى ومنو اشكال احلا وهتلاقى فيه مديلات رائعة واذا نوع الخشب كويس اكيد هيستحمل وكمان ركز فى المفصلات بتاعت الابواب والادراج
الاوميتال اشكالو محدوده بس خفيف ومش مكلف زى الخشب
ده الى انا اتوصلتلو فى مقارنتى وارجو اذا عندك رئى تفيدنى فيه

احنا عندنا شقتين واحد فيها مطبخ خشب بقالوا فوق ال20 سنه وشغاااااااااااال تمام والتانى الوميتال بقالوا 4 سنين مش اد كده الحقيقه فى الاستحمال

احسن حاجه الخشمنييوم

احسن حاجه الخشمنييوم

شكرا على ردودكم يا جماعه
و بالنسبة للناس اللى بتقول الخشمونيوم كام سعر المتر وازاى بيتحسب يعنى القطعة اللى تحت لوحدها واللى فوق لوحدها ولا الاتنين مع بعض.؟

احنا بصراحة عامليين مطبخ الومينتال بقالو اكتر من 9 سنين و زي الفل
و مفيش و لا حتي مقبض وقع
اظن ان الرك علي اللي بيعملك
و تشكيلتة كبيرة و خفيف و منظرة حلو و سهل التنظيف
لو تحب اجيبلك الرجل اللي عملنا تستفسر منة تحت امرك
بس كمان الخشب كويس اوي
ف حالة الخشب النوع النضيف و اللي يعملهولك يمون راجل فاهم شغلة
و الخشب متيين اوي بردة