الموضوع: ( كهربائى )اى استفسار بخصوص الشغل او اسعار خامات الكهرباء الفرق بين الاصلى والمضروب

المشاركة الأصلية كتبت بواسطة abozeed

بس البتشينو دي فيها كتير قوي ضرب في السوق ،،، اعرف منين التكنو دي اصلي ولا مضروب

وانت الشكل تقصد شكل الوش ولا شكل البريزة نفسها

لا ما انت تجيب من محل مضمون او تخلي الكهربائي هو اللي يجيبهملك
مفاتيح التكنو شكلها واحد اللي هي المفاتيح الضخمه دي او العريضه

المشاركة الأصلية كتبت بواسطة hima877

لا ما انت تجيب من محل مضمون او تخلي الكهربائي هو اللي يجيبهملك
مفاتيح التكنو شكلها واحد اللي هي المفاتيح الضخمه دي او العريضه

طيب ايه اسماء المحلات المضمونة اللي في العتبة اللي بتبيع بتشينو اصلي وياريت لو اسعار التكنو والعادي بالمرة لو تعرف ويبقى جزاك الله كل خير

وسؤال اخير ربنا يكرمك
سبليتر توزيع الدش اجيبه من باب اللوق ولا من العتبة برضه ،، وسعره تقريبا كام؟

وينفع اوصل اسبليتر على سبليتر ولا هلاقي واحد 4 او 5 خطوط؟

المشاركة الأصلية كتبت بواسطة abozeed

طيب ايه اسماء المحلات المضمونة اللي في العتبة اللي بتبيع بتشينو اصلي وياريت لو اسعار التكنو والعادي بالمرة لو تعرف ويبقى جزاك الله كل خير

وسؤال اخير ربنا يكرمك
سبليتر توزيع الدش اجيبه من باب اللوق ولا من العتبة برضه ،، وسعره تقريبا كام؟

وينفع اوصل اسبليتر على سبليتر ولا هلاقي واحد 4 او 5 خطوط؟

اسال علي موزع البتشينو في العتبه وهو معروف هناك
وسعر اللقمه العاديه حوالي 5 ونص او 6 جنيه انما التكنو معرفش دلوقتي بكام
اسبليتر توزيع الدش ممكن تجيبه من اي محل دش وده سعره حوالي 4 او 5 جنيه وفيه منه 4 و5 خطوط

المشاركة الأصلية كتبت بواسطة hima877

اسال علي موزع البتشينو في العتبه وهو معروف هناك
وسعر اللقمه العاديه حوالي 5 ونص او 6 جنيه انما التكنو معرفش دلوقتي بكام
اسبليتر توزيع الدش ممكن تجيبه من اي محل دش وده سعره حوالي 4 او 5 جنيه وفيه منه 4 و5 خطوط

طيب دلوقتي انا لسه راجع من باب اللوق ،،، الراجل هناك قالي السبليتر ده لتوزيع صورة مش اشارة ،، وعلشان توزع اشارة لازم تكون الـ lnb هيا بعدد المخارج

اعمل ايه دلوقتي؟؟؟

حد يفيدني الله يكرمكوا ،، انا محتاس ،، اجيب اسبليتر وعوضي على الله ولا اعمل ايه؟

بسم الله ماشاء الله ولا قوة إلا بالله
تبارك الله
واضح ان حضرتك شغلك وخبرتك رائعين
حبيت اشكرك فعلا علي خدماتك للاعضاء
ربنا يجعله في ميزان حسناتكانا كنت عاوز استفسر من حضرتك علي كام سؤال بعد أذنك

انا لسه هبدأ اوضب في الشقة هي لسه علي المحارة كنت عاوز اعمل اساسيات الكهربا صح فا ايه رائيك اجيب سلك 6 ملي للتكيفات و 3 ملي للارضيات و2 ملي او ملي ونص في السقف واجيب 6 ملي الصاعد الي هو نازل للعداد هل التوزيع الي انا عامله ده كويس !؟ انا ان شاء الله هاجيب السويدي للكابلات وسلك الدش هجيب بكرة سلك ايطالي وايه افضل انواع الاتوماتيك والحجات التانية بتاعت الكهربا
وان شاء الله هتابع معاك لو في اسااله جديدة

المشاركة الأصلية كتبت بواسطة abozeed

طيب دلوقتي انا لسه راجع من باب اللوق ،،، الراجل هناك قالي السبليتر ده لتوزيع صورة مش اشارة ،، وعلشان توزع اشارة لازم تكون الـ lnb هيا بعدد المخارج

اعمل ايه دلوقتي؟؟؟

حد يفيدني الله يكرمكوا ،، انا محتاس ،، اجيب اسبليتر وعوضي على الله ولا اعمل ايه؟

طيب هي حاجه بالعقل كده اذا كان ده المفروض يبقي ايه لزمة الاسبليتر
وبعدين انت عمرك شوفت حد منزل 4 او 5 سلوك من الطبق للشقه
امال ايه لومة الديسيك
والله انا قولت اللي عندي وشوف انت هتقتنع بكلام مين

المشاركة الأصلية كتبت بواسطة _mero_

بسم الله ماشاء الله ولا قوة إلا بالله

تبارك الله
واضح ان حضرتك شغلك وخبرتك رائعين
حبيت اشكرك فعلا علي خدماتك للاعضاء
ربنا يجعله في ميزان حسناتكانا كنت عاوز استفسر من حضرتك علي كام سؤال بعد أذنك

انا لسه هبدأ اوضب في الشقة هي لسه علي المحارة كنت عاوز اعمل اساسيات الكهربا صح فا ايه رائيك اجيب سلك 6 ملي للتكيفات و 3 ملي للارضيات و2 ملي او ملي ونص في السقف واجيب 6 ملي الصاعد الي هو نازل للعداد هل التوزيع الي انا عامله ده كويس !؟ انا ان شاء الله هاجيب السويدي للكابلات وسلك الدش هجيب بكرة سلك ايطالي وايه افضل انواع الاتوماتيك والحجات التانية بتاعت الكهربا
وان شاء الله هتابع معاك لو في اسااله جديدة

اولا للتوضيح بس
انا لسه ابتديت ارد علي الاعضاء من فتره قريبه
انما اللي المفروض تشكره هو صاحب الموضوع الاصلي واللي تعب مع الاعضاء من البدايه
والله اللي انت بتقوله ده كلام جميل وتاسيس حلو
بس الارضيات ياريت تخليها 4 ملي والسقف 2 ملي
ولو انت قصدك السلك اللي نازل للعداد اللي هو جاي من الصاعد اللي بره للعداد يبقي ده خليه 16 ملي نحاس ولو انا فهمت بتاعت العداد دي غلط وانت قصدك علي حاجه تانيه يبقي وضحلي معلش
افضل انواع الاوتوماتيك والحاجات التانيه خليك في البتشينو الاصلي وريح دماغك
ولو في اساله تانيه قولها انا ان شاء الله متابعك

أنا نازل كمان ساعتين أشترى مستزمات اكهراء الى الكهربائى طلبها
حد يعرف مين الموزعين المضمونين فى العتبه؟
منين أجيب أسلاك السويدى وغزاى اعرف الاصلى من المضروب
أعرف إزاى ان الخراطيم اللى هشتريها علاء الدين؟

الشقه 155 متر والكهربائى طلب التالى
65 علبة ماجيك
6 لفة خرطوم 16 مم علاء الدين
-----
2 لفة خرطوم Flexible 11 مم
2 لفة خرطوم Flexible 16 مم
و دول طلبهم ماركة السويدى
-------

2 لفة سلك 2 مم
3 لفة سلك 3 مم
2 لفة سلك 4 مم
1 لفه سلك تليفون واحد جوز

برضه السويدى لكن طلبهم ألوان

-----

لوحة عداد 24 خط بالسكينه
هو إيه أحسن وأنضف نوع

-----

علبه عداد 3 فاز
3 بواط 10*15
1 بواط 20*20
7مفاتيح بتشينو عشان التكييفات وغسالات الملاب والاطباق
------------------

منتظر ردكم فى أسرع وقت

المشاركة الأصلية كتبت بواسطة hima877

بعد اذن صاحب الموضوع انا هرد علي بعض الاسئله مجرد اني اساعد الناس معاك بس
انا برضه كهربائي وشغال في محل كهربا
وانا مش بتعدي علي موضوعك
الموضوع هيفضل باسمك وهتفضل انت صاحبه
بس انا شايف ان في ناس تايهه ومش عارفه تعمل ايه وشكلك مشغول وانا عارف طبعا ان وقتك دايما مشغول
وانا برضه اوقات كتيره مشغول وهرد برضه وانا فاضي
وبكرر انك انت صاحب الموضوع ولو هتتضايق يا ريت تراسلني وتقولي

السلام عليكم ورحمة الله وبركاته

كل الحب والاحترام والتقدير لجميع اعضاء المنتدى العظيم
لا استطيع ان اصف لكم مدى سعادتى عندما وجدت ان الموضوع ما زال قائم ولم تطويه الصفحات
وادعوا الله ان يكون من باب العلم الذى ينتفع به


واعتزر بشده عن الانقطاع هذه الفتره واعتزر لكل من انتظر الرد او اتصل على هاتفى وكان مغلق


وخالص الشكر والتقدير للاخ hima877 على المجهود الرائع الذى بذله لتعم الفائده للجميع واقول له اخى الكريم سعدت كثيرا بردك على الاعضاء وارجوا منك الاستمرار ولنتعاون على فعل الخير سويا وليس المهم من هو صاحب الموضوع ولكن الاهم ان يساعد الانسان اخيه الانسان دون ان ينتظر منه جزاء او شكورا
لك جزيل الشكر والحب والاحترام والتقدير

المشاركة الأصلية كتبت بواسطة hima877

طيب هي حاجه بالعقل كده اذا كان ده المفروض يبقي ايه لزمة الاسبليتر
وبعدين انت عمرك شوفت حد منزل 4 او 5 سلوك من الطبق للشقه
امال ايه لومة الديسيك
والله انا قولت اللي عندي وشوف انت هتقتنع بكلام مين

برضه مفهمتش ،، يعني اجيب سبليتر واحط فيه السلك على ضمانتك؟؟ :)

السلام عليكم ورحمة الله وبركاته
أنا صراحة دخلت من فترة ولقيت الأخ هيما هو اللى بيرد ، مع انى فاكر زمان مان أسمه السيسى ، مافهمتش صراحة!
بس كده أنا فهمت الحوار ، ربنا يكرمكم انتو الاتنين وجزى الله خيرا كل من يساعد اخوانه لوجه الله

أنا كنت عايز أخد رأيكم فى حوار حاعمله عندى فى الشقة وتقولولى حوار زى ده تقريبا كده يتكلف كام لو صنايعى شاطر اللى حيعمله ( أنا عايز أجرة الكهربائى فقط بدون الخامات والمفاتيح وخلافه )
الشقة فى عمارة قديمة ومساحتها 100 مترتقريبا

1. مد أسلاك كهرباءجديدة فى أسقف الشقة كلها ( من البواط وحتى الفيش والنجف)
2. نقل العداد لخارج الشقة وتركيب وش للعداد فى مكانه الجديد وتمحير الجزء اللى حواليه
3. تغيير مفاتييح اللوحة الرئيسية بالكامل ( 12 مفتاح)
4. عمل وصلة للتكيف لغرفة النوم الصغرى بمواسيرها+ محارتها + مفتاح للتكييف
5. عمل كهرباء المطبخ بالكامل من جديد ( تغيير الماسورة من البواط لأسفل وماسورة جديدة بعرض المطبخ وتركيب 5 نقاط فيها )
6. تركيب وصلة للجرس
7. عمل وصلتين لسلك الدش بمواسير تحت الأرض وحتى مكان الريسيفير فى غرفتى النوم و مد سلك دش بهم+محارتهم
8. نقل مكان لمبة البلكونة + الغاء عدد اتنين ابليكه غير مستخدمين + الغاء وصلة نيون غير مستخدمة
9. تركيب مفتاحى مروحة فى الغرفتين
10. تركيب مفتاحى تكييف فى الريسبشن والغرفة الرئيسية
11. فك كل وشوش الكهرباء واعادة تركيبهم بعد الانتهاء من الدهانات
12. تركيب جميع المراوح والنجف فى الشقة بعد الانتهاء من الدهانات

أيه رأيكم ؟ تقريبا كده اجرة كهربائى فى العملية دى جايب معاه واحد يساعده عشان تخلص فى يومين ، تقريبا تبقى فى متوسط كام ؟؟

شكرا جزيلا وجزاكم الله خيرا

انا طبعا بشكر كل الموجودين وشكراجزيلا على مساعدتنا علشان احنا منعرفش حاجة
كنت محتاجة اعرف اسعار الخامات دى بعد ازنكم ضرورى ولو سمحت افضل الانواع ،
60 شاسية
45 بريزة كهرباء
50 تك مفتاح
8 بريزة دش
2 بريزة تليفون
4 خط 63 امبير هاجر فرنساوى
2 اسبط لمبة عيش الغراب 32 وات
5 تك جرس
6 تك سلم
4 بريزة كوة
2 مفتاح مكيف 45 امبير احمر
2 مفتاح سخان 32 امبير اخضر
1 لفة سلك دش ايطالى ابيض
1 لفة لى علاء الدين
2 مفتاح ثلاجة للابواب
1/2 لفة سلك 2 مم سويدى
وشكرا جزيلا

حمدلله ع السلامه يا أ. عمرو السيسى
انا تامر المصرى اللى كلمتك من شويه
واتفقت معاك على شويه شغل فى المحل
ان شاء الله معرفه خير
بالتوفيق

جزى الله خيراً صاحب الموضوع على مساعدته، وانا بشطب شقتي حالياً والحمد لله ولسه امبارح شاري الأدوات الكهربائية من العتبة ومعايا الأسعار وهارفعهلكم ان شاء الله وأفضل الأنواع، وعلى السريع كده هاذكرلكم اللي اتعلمته من خبرتي البسيطة في الكهرباء

- مصنعية الكهربائي بتتراوح في حدود 2000 جنيه إجمالياً مقسمة على 3 مراحل - أول مرحلة ألف جنيه وهي تركيب علب الماجيك والخراطيم وشد كل أنواع السلك - تاني مرحلة وهي تركيب البرايز والشاسيهات وبتدفعله حوالي 500 جنيه - آخر مرحلة تركيب الوشوش ومفاتيح البتشينو والنجف واللمبات وكده وهي ب 500 جنيه برده


- علبة الماجيك البتشينو بتبقى في حدو جنيه ولفة الخرطوم من نوع علاء الدين درجة أولى بتبقى في حدود 75 جنيه اللي هي 5400 جرام أما الدرجة التانية اللي هي وزنها 3500 جرام فقط بتبقى في حدود 40 جنيه وشغالة تمام بدون أي مشاكل


- أفضل علبة مفاتيح أتوماتيك من وجهة نظري هي الفينوس اللي وجهتها بلاستيك وعلبتها صاج علشان تستحمل الشد - وسعرها في حدود 135 جنيه وممكن نوع السيجا إم ب 160 جنيه وهي كلها صاج ومنظرها الجمالي مش بطال


- سعر مفتاح الأتوماتيك حوالي 17 جنيه من نوع هاجر وهو الأفضل في السوق لإنه فرنسي والسعر واحد لكل الامبيرات - يعني 16 أمبير نفس سعر 32 أمبير وهكذا


- أفضل أنواع السلوك هي السويدي وهاتلاقي الأصلي منها في محل جبريل بالعتبة وحسب ما أتذكر ال 2 مم ب 125 جنيه لو هاتاخد 4 أو 5 لفات - وسعر ال 3 مم حوالي 181 جنيه - وسعر لفة سلك التليفون 100 متر السويدي حوالي 63 جنيه - سعر لفة سلك الدش 100 متر السويدي حوالي 227 جنيه - وجبت للعداد سلك 10 مم ب 8.5 جنيه المتر وجبت عشرة متر بس - وجبت سلك نت السويدي كات 6 وأنصح بيه كل الناس اللي هاوية نت واتصالات وكده لإن الأفضل وسعر المتر قطاعي حوالي 3.5 جنيه وانا جبت 50 متر من واحد جنب جبريل لان جبريل مابيبعش قطاعي - من الآخر كده جبريل الأفضل والأرخص في كل أنواع الأسلاك ومفاتيح الأتوماتيك والبتشينو كمان


- بالنسبة لتوزيع الأسلاك كالآتي: 2 مم للإنارة - 3 مم للبرايز - 4 مم لغسالة الأطباق والملابس والتكييفات من 1.5 حصان لغاية 3 حصان كمان - 10 مم من العداد للوحة المفاتيح


- بالنسبة لارتفاعات العلب: الإنارة على ارتفاع 140 سم - البرايز على ارتفاع 60 سم - علب التكييفات على ارتفاع 150 سم - الأباليك على ارتفاع 180 سم ومخارج اللوح علشان إضائتها على ارتفاع 240 سم - ولو عندك 4 علب في مكان واحد بخلي منتصفهم على ارتفاع 140 سم ولو عندك 3 علب فوق بعض بتخلي منتصفهم على 140 سم برده.
- مش مهم أوي ارتفاع العلب - يعني مش هاتفرق لو ارتفع 5 أو أقل 5 أو عشرة سم لكن المهم إن كل العلب في الأوضة الواحدة تكون على وزنة واحدة - يعني على مستوى واحد - ومن هنا بيبان شغل الصنايعي الشاطر من اللي بيسلق الشغل.


- تأكد إن الصنايعي مش لاحم في السلك اللي داخل الخراطيم علشان ماتبقاش نقط ضعف في المستقبل
- السلك ال 7 شعرة اللي هو موجود في السوق دلوقتي أفضل من المصمت لإنه كله نحاس ومابيحمصش في حين إن المصمت بيحمص مع الزمن وكمان بيحصه فيه نسبة حديد أو ألمونيوم.


- بالنسبة لسلك الدش فدايماً السبليتر بتاع الدش بيبقى نقطة ضعف وتلاقي الأشارة ضعيفة كل النقط ولقيت إن أفضل حل موثوق فيه هو إني أركب 3 إل إن بي في الطبق وكل نقطة متوصلة مباشرة بالطبق - والكلام ده عن تجربة من شقة أخويا وأختي وشقتنا حالياً - هاتلاقي أغلب النقط مش بتلقط غير 30 أو 40 قناة من أكتر من 500 قناة على النايل سات بسبب ضعف الإشارة


- نقط التليفون ماتكترش منها علشان التليفون اللاسلكي دلوقتي بقى بيغطي كل مساحة الشقة وأسهل في التعامل من النقط السلكية وتوفر في التكلفة
- تأكد إن الكهربائي مثبت علب الماجيك في مستوى المحارة أو أقل منها - لإن لو أقل منها ممكن توصلها بالشاسيه بمسمار طويل أم لو بارزة عن المحارة فهاتضطر تكسر وتركب من جديد


- نصيحة أخيرة بعد ماتركب السيراميك روح ربط على العفش وخد أبعاده اكويس وارفعها على الشقة وشوف هل هناك نقط مخفية أو مش هايبقى ليها لازمة بسبب وضع العفش الجديد فاجيب الكهربائي يعدلك العلب وأماكنها من جديد وهي هاتبقى حاجات بسيطة لكن علشان تستفيد من كل النقط الموجودة في الشقة


لو افتكرت حاجة تانية أثناء تشطيب الشقة هاقولكم عليها

المشاركة الأصلية كتبت بواسطة ™ TiTOS

حمدلله ع السلامه يا أ. عمرو السيسى
انا تامر المصرى اللى كلمتك من شويه
واتفقت معاك على شويه شغل فى المحل
ان شاء الله معرفه خير
بالتوفيق <img alt="" title="Rofl" border="0">

السلام عليكم ورحمة الله وبركاته
اخ تامر المصرى لم يوفقنا الله للقاء ولكن ان شاء الله معرفة خير وبالتوفيق فى مشروعك الجديد