الموضوع: راحت عليك يا كاتلر ومسكت الفوطه ل فيل هيث

السلام عليكم ورحمه الله وبركاته

عرض ل فيل هيث ف ولايه اوهايو
المكان كان مليان بالمعجبين على احر من الجمر عشان يشوفو 4 مرات بطل اوليمبيا
JAY CUTLERوحامل لقب اوليمبيا الحالىPHIL HEATH
والعرض كان لPHIL HEATH . و JAY CUTLER كان هناك عشان يساعده ! ! ! !
والاثنين استلموا جوايز.

وكاتلر حكى قصته مع PHIL HEATH . انه شافه من سنين ف بطوله واول ما شافه قال مين صاحب الدراعات الجامده دى وقال ان هايكون ليه مستقبل. واول ما قدمه قال اقدملكم منافسى وصديقى. شفتو. المنافس قبل الصديق . بس انا بجد والله بحى كاتلر على روحه الرياضيه

طبعا المقدم ف الاول قعد يتكلم ع كاتلر وعلى الاصابه اللى جاتله ف الباى سيبس.
انا رأى فيل هيث ف ال GOLDEN DAYSبتاعته . وان كاتلر زى ما بيقولوه كده شمعته بتنطفى . وف الاخر بقى يطلع مع الGUEST POSER'S . فين ايامك يا كاتلر.
بس احلى حته انه مسكله الفوطه ف الاخر . عايز يعمل اى حاجه ههههههههه .
الاثنين ابطال من غير كلام . بس فعلان صدق اللى سمىPHIL HEATH .
THE GIFT

واسيبكم مع الفيدو


*VIDEO* Phil Heath Guest Posing at the 2012 Natural Ohio - Flex Online

تصوير اوضح شويه

ألف شكر ليك على الموضوع
وفعلا اللعبة دي زي الكورة عاوزة الشباب وكمان الحاجات اللي العالم دي بتاخده لسنين بتخلي الجسم يبان عليه أوي إنه كبر

فيديو جميل
انا كنت فى الاول بحب كتلر بس اللى يشوف فيل هس يركن كتلر على جمب

كاتلر هوا كاتلر و للي ما يعرفش الاعب الانابوليك الكبير الكابتن جاي كاتلر الراجل دا يا جدعان من اعند من شوفت في تاريخ اللعبه عنده اصابه في الباي و عامل عمليه و طالع روحه و راح بعدها بيومين يلعب رجل و ماتنسوش واخد مستر اولمبيا من مين في 2006 من الغول الكبير الحاج روني كولمان اللي حرم ابطال كتير من اللقب هوا اه روني كان خلاص تعب و كبر بس برده واخدها من فم الاسد
و في النهاية تحياتي للجميع و سمعونا الصقفه العالية للاعب الكبير جاي كاتلر و اجمل و ارق التهاني للاعب الجميل فيل هيث

هيه اللعبه كده. كل واحد ليه فتره وبيجى اللى ياخدها منها. وكل واحد ليه ايامه. وهايجى واحد هايخدها من فيل هيث السنين اللى جايه وهاكذا.
واللعبه دى عايزه العنيد. لان بطوله زى دى من اكبر البطولات مش عايزه واحد مريح.
بالنسبه ل كاتلر عايز يرجع احسن من الاول متغاضى الاصابه ف الباى. عايز يعمل زى دوريان ياتس
وكل واحد فاز ب اوليمبيا كان اسد ف وقته . وكل واحد هايجى ياخدها منه هايبقى اخدها من بقى الاسد برده

ع الشمال صوره دوريان قبل ما يتصاب ف الباى والصوره اللى جمبها وهوه ف اوليمبيا 94 بعد شهور من الاصابه
والصوره اللى تحتهم. الباى عنده اتملت شويه بعدها بكذا سنه بس برده شكلها باين. وسنه 97 اتصاب ف التراى ف نفس الدراع برده.بس ده مامنعوش من الفوز ب اوليبميا سنه 97. بس بعدها ماقدرش يتمرن بنفس الاداء ولا القوه زى الاول بسبب الاصابه اللى ف دراعه الشمال واضطر انه يعتزل.
ف اللعبه دى عايزه واحد عنيد وعنده اراده وعزيمه ومهما يقابله ف حياته المهنيه يقدر يقهرها. بس ف الاخر ماتجيش على نفسك. ودوريان لحق نفسه قبل ما يضر نفسه اكتر واعتزل ف عزه. حفاظا على نفسه. العند ف المنافسه مش ف صحتك ولا ايه يا جماعه

جارى التحميل شكرا

قمة الروح الرياضية التي نفتقدها في عالمنا العربي

THx ^_^

مش عارف احمل الفيديو يا كوتش بس في العموم تسلم الاياد يابرنس

يسلمو اخي وبارك الله فيك