اكبر هايبر ماركت فى مصر و الشرق الاوسط ( سوق السيده عائشة )

**mkyalex** · 15-02-2009 02:03 AM

أكبر هايبر ماركت فى مصر و الشرق الاوسط

صراحة انا اول مرة ازور المنطقه هناك لكن بجد كنت مبهور تخيل مكان به جميع الاشياء من الابرة حتى المعدات الثقيلة و شويه كان يمكن الاقى معدات حربية و اقمار صناعية ( ده الى كان ناقص ) جديد و مستعمل
حتى الحيوانات و الحيوانات النادرة المحظور صيدها

المكان بالقرب من القلعة

نبدء بقسم الملابس

و نشوف فسم الاداوات المنزلية

و المواد الغذائية بس نصيحةاوعى تقرب اصل الصلاحية اوشكت على الانتهاء

و السجاد و المفروشات كمان

و الموبيلياو الاثاث كله جديد فى جديد

حتى السيراميك و اطقم الحمامات يا جدعان

**mkyalex** · 15-02-2009 02:37 AM

نكمل

نشوف الساعات و العملات القديمة

و لعب الاطفال

نيجى بقى لقسم المستعمل ( الخرده )
تخيل اى حاجة و حتلاقيها ان شاء الله

حتى عربية الكبده بتاعت اللمبى تباع خرده

نيجى بقى لحديقة الحيوان و العجب العجاب
ده المتحنط

الثعابين
طب الى حيشترى ثعبان حيعمل بيه ايه حيخلى ابنه يلعب بيه ؟؟

سبحان الله شوف الحرباء متلونة بلون الثعابين

و تلون الحرباء بلون القفص

و تلون الحرباء بلون الطيور

النسر المصرى ( معلومة محظور صيده )

**mkyalex** · 15-02-2009 04:00 AM

طبعا السلاحف موجوده تكمل مجموعة الزواحف

نخش على الاحياء المائية
جميع انواع اسماك الزينه و فيه عرض كمان اشترى 5 سمكات ب 10 ج بس
العرض سارى حتى نفاذ الكمية

نيجى بقى للأنتيكات و التحف

نيجى بقى لللقطات الطريفة

زى مركز الشباب المغلق ( مركز شباب مبارك )

ولا ده فكهانى ولا جزار

ولا مكتب زواج أم فتحى

انا انتهيت اليوم
لكن دلوقت عرفت هم سموه سوق الجمعة ليه
عشان من كبره تحتاج جمعة كاملة تلف فيه
انا صورة جزء صغيير جدا هناك انا كنت محتاج 10 كاميرات و 20 ساعة عشان اصور كل حاجة
عيد حب سعيد :)

**وردوياسمين** · 15-02-2009 12:56 PM

شكــرا جزيــلا مصطفــى ...

تصــويــر جميــل جـــدا ...

نقــل لنــا الواقــع بشكــل مـذهـــل

شكــرا جزيــلا لمشــاركتنــا هــذة الجــولــة فــي أحــد أســواقنــا المصــريــة

تعليقــاتـك على الصــور جميــلة جــدا

خــالــص تحيـــاتي

احترامي

**dodi4200** · 15-02-2009 01:03 PM

فعلا حاجه جميله جدا
كل الصور عجبتنى خصوصا صور تلون الحرباء بلون البيئه اللى حوليها
شكرا ياغالى على المجموعه الاكثر من رائعه دى وفى انتظار مزيدك

**Mohmmed Zaky** · 15-02-2009 08:25 PM

فكرة الموضوع جميل جدا
وصور جميله طبعا

انا رحت سوق الجمعه مره زمــــان واتعجبت لهذا الكم من السلع
فعلا كل ما تتخيله موجود

لكن المشكله انك لازم تاخد معاك واحد خبير فى الفصال وإلا هيتضحك عليك
هههههههههههههههه

**maloush7al** · 16-02-2009 02:51 AM

شكرا لك يا استاذ مصطفى على الموضوع الجميل
كأننا جوة السوق...شكرا على مجهودك

**MӨΉΛMΣD** · 16-02-2009 03:00 AM

الصراحة صور تحفة والله
وتصوير أكثر من رائع
ونفسى أروح سوق الجمعة
تسلم أيدك يا أستاذ

**dardeird** · 19-02-2009 06:31 PM

آه ياعيني ،، أه يارجلي
دوختنا معاك يا أخي
mkyalex
بصراحه موضوع رائع نقل لنا بصورة صادقة
واحد من الأسواق الأكثر شعبية بالقاهرة
وتقبل تحياتي

**JAMEY_MJD** · 20-02-2009 01:20 AM

تصوير رائع وتعليقات تحفة والله يا مصطفى

وصور الخردة بتفكرنى بمسلسل لن اعيش فى جلباب ابى

تسلم ايدك يا مصطفى والمجهود الرائع ده فى التصوير

خالص تحياتى ..