الموضوع: شرح تنزيل السوفت وير لأى جهاز سونى اريكسون ( تم تحديث ال A2uploader )

فى الموضوع ده هحط شرح تنزيل السوفت وير لأى جهاز سونى اريكسون
سواء قديم او جديد ماعدا اجهزة ال smartphones زى ال P1 وال X1 وال G900


تنزيل السوفت مش خطر زى مانتوا فاكرين ...مش خطر طول مانتوا ماشيين مع الشرح بالملى ... لكن ده ميمنعش ان ممكن حد يغلط و يعمل حاجة تبوظ التليفون - فى اسوأ الحالات - او تخليك تبدأتنزيل السوفت من الاول - فى اى حالة تانية -

فعشان كده انا و ال dvd4arab بنخلى مسؤوليتنا عن اى خطأ يحصل ناتج عن خطأ المستخدم - اللى هو انتم يعنى -


الموضوع ان شاء الله هيبقى على كذا مشاركة

1- تنزيل سوفت لأجهزة ال A2 عن طريق برنامج A2 Uploader
2- تنزيل سوفت عن طريق برنامج ال XS لأصحاب ال CID52
3- تنزيل سوفت عن طريق برنامج setools لأصحاب ال CID52
4- تنزيل سوفت عن طريق برنامج farmanager لأصحاب الCID52 وال CID53
5- ملفات السوفت لكل اجهزة السونى اريكسون الجديدة والقديمة
6- تحويل السوفت لأى موبايل (CrossFlashing)



يفضل قراية المشاركة دى قبل البدء

1-تنزيل سوفت لأجهزة ال A2 عن طريق برنامج A2 Uploader

التليفونات ال A2

C510, C702, C902, C905, G502, G705, K630, K660, K850, T700, V640, W595, W705, W715, W760, W890, W902, W910, W980, Z750, Z770, Z780.

* الحاجات اللى هنحتاجها


1- تعريف ال Usb Flash Drivers
نزل البرنامج و سطبة وهو هيعرفها لوحده

2- برنامج A2 Uploader V.3

3- ملفات السوفت Main+FS+custom
اختار موبايلك و حمل ال3 ملفات



.

خلاص حملت ملفاتك ...موبايلك مشحون يلا بينا

الواجهة الرئيسية للبرنامج



اضافة ملفات السوفتوير
دوس ADD واختار ال main (امتداده .mbn )وبعدين دوس add تانى واختار ال FS (امتداده .fbn ه)



دوس على Flash



البرنامج هيطلب منك انك توصل التليفون وانت دايس على C



اقفل التليفون...شيل البطارية وحطها ...دوس على C ووصل الكابل


البرنامج دلوقت هيبدأ فى عملية تنزيل السوفت
بعد ما البرنامج ينتهى من التفليش ( تنزيل السوفت ) هيكتبلك ready



دلوقت افصل التليفون ... وبعدين دوس على file sustem tool ووصل التليفون
وصل التليفون بنفس الطريقة ( ادخال الكابل مع الضغط على ال C (

خد ملف ال customize.xml وحطة فى المسار ده
tpa/preset/custom واسحب ملف ال custom بالماوس

افصل التليفون ..شيل البطارية وحطها تانى ...شغل التليفون ...

مبروك ...


الموضوع الاصلى

الباسوورد للملفات هى dvd4arab

2- تنزيل السوفت ببرنامج ال XS

تحميل برنامج ال XS++

تنزيل ال USB Flash Drivers

لمعرفة موبايلك ال platform بتاعة ايه ادخل الموضوع ده

للموبايلات ال DB2012 - DB2020


كل موبايل بنعمل معاه نفس الطريقة
ملف ال main فى مكانة وال Fs فى مكانة وال CDA بنختار نوع الموبايل وفى القايمة بتبقى M_EAST_N_AFR او C_ASIA (اللى تحتيها) وده حسب اسم ملف ال FS


بالنسبة للموبايلات ال DB2000 - DB2010

نفس الخطوات ولكن فى ال CDA بنختار EMEA6


بالنسبة لل w550 متعلمش على flash file system ولا customize

يعنى تضيف ملف ال main بس

3- تنزيل سوفت عن طريق برنامج setools لأصحاب ال CID52

تحميل برنامج ال Setools

تحميل ال USB Flash Drivers
تنزيل ملف ال main بس ... هو اصلا فى تنزيل السوفت ال Main هو المهم



1- اختار نوع موبايلك

2- دوس add وحدد مكان ملف ال main وال FS لو عايز

3- دوس flash و بعدين وصل الموبايل وانت دايس على C

بس كده

4- تنزيل سوفت عن طريق برنامج farmanager لأصحاب الCID52 وال CID53



الطريقة انا واخدها بالكامل من الموضوع ده للعضو AMITTAB لكن انا مخليها لتنزيل ملف ال Main بس ...

شرح خطوه بخطوه لكسر CID 53 تنزيل سوفت و باتشات مع Far Manager

لتحميل برنامج ال far manager

تحميل ال USB Flash Drivers
1 - أفتح برنامج الفارمنجر اضغط f11 وأعمل زى الصوره



وبعدين نختار زى الصوره دى



أضغط على .....JUMP DOWN أو إضغط ENTER

طبعا إنت قافل موبايل إضغط على C وركب الكابل وهتلاقيه بيحمل معاك هتظهر الشاشه دى



نختارالوضع oflash زى الصوره
وننتظر حتى يتم الإتصال كما فى الصوره التاليه



من النافذة اليمين ( واجهة المستخدم ) مش الشمال عد الى الخلف بالضغط على ".." زى الصوره



نذهب الى المكان الذى وضعنا به الملفات الخاصه بالسوفت وير ويفضل وضعها بالقرب من البرنامج

لتنزيل ملف MIAN نضغط عليه كليك يمين ثم كوبى



هتظهر الرساله دى



وبعدين أضغط yeqh flqsh it زى الصوره دى



هيحمل شويه زى كده



تستنى لما يخلص خالص وهو هيقولك ان العمليه نجحت أضغط OK





بعد الانتهاء نرجع الى الخلف باستخدام ".." على الشمال زى الصوره اللى جايه



موافقة لكي يتم حفظ البياناتـ على الهاتف وقطع الاتصال

ثم اغلق البرنامج وافصل الهاتف

المكتبة الشاملة لملفات السوفتوير

مشاركة محجوزة لل Cross flashing

كده الموضوع خلص الحمد لله

انا عندى كذا سؤال
انا معايا z770i ولما بشغل موسيقى بتهنج وعندى الصور لما بفتحها هما يكونو مربعات جنب بعض المفروض كل المربعات يكون فيها صور بس وانا بقلب بلاقى مربعات فاضيه ومش بيكون فيها الصور..هل ده عيب فى السوفت وير ؟
.................................................. ...
لما انزل سوفت وير جديد كل حاجه على الجهاز بتتمسح ؟
.................................................. ...
انا استخدم ايه لجهازى من السوفت ويرز اللى انت رافعهم فوق؟
.................................................. ...
لو وديت جهازى للتوكيل وانا معايا الضمان هينزلولى سوفت وير وانا واقفه والا الجهاز بيعد عندهم فتره؟...عشان قبل كده وديت جهازى الاولانى وغيرو البطاريه
.................................................
سورى اسئلتى كتير

المشاركة الأصلية كتبت بواسطة mona rai

انا عندى كذا سؤال
انا معايا z770i ولما بشغل موسيقى بتهنج وعندى الصور لما بفتحها هما يكونو مربعات جنب بعض المفروض كل المربعات يكون فيها صور بس وانا بقلب بلاقى مربعات فاضيه ومش بيكون فيها الصور..هل ده عيب فى السوفت وير ؟
.................................................. ...
لما انزل سوفت وير جديد كل حاجه على الجهاز بتتمسح ؟
.................................................. ...
انا استخدم ايه لجهازى من السوفت ويرز اللى انت رافعهم فوق؟
.................................................. ...
لو وديت جهازى للتوكيل وانا معايا الضمان هينزلولى سوفت وير وانا واقفه والا الجهاز بيعد عندهم فتره؟...عشان قبل كده وديت جهازى الاولانى وغيرو البطاريه
.................................................
سورى اسئلتى كتير

الموسيقى ..بتهنج ... يعنى ايه ؟؟؟ يعنى الاغنية بتقطع ولا مش بتشتغل من اصله ؟؟؟ ... وهل اى اغنية بتهنج ؟؟؟
هل هو بيهنج وانت بتقلب الاغانى فى الميوزيك بلاير ؟؟؟؟ الميمورى كارد قد ايه ؟؟
ياريت اجابات
-----------
لو نزلت ملف ال Main بس مفيش حاجة بتتمسح ...لكن لو Main و FS كله بيتمسح
-------------------
انا مش حاطط سوفت ال z770 عشان مش لاقيه ....لو لقيته هضيفه
-------------------
السوفت فى التوكيل ببلاش ...والجهاز بيقعد عندهم يومين

على فكره انا جربت موضوع السوفت ده بتاع التوكيل لما ما عرفتش مكان توكيل اكسيوم دلوتى فين لانهم بيصفو فا مشيو من اماكن واماكن لا فا طبعا مش هعد با الف وراهم فا سالت فى دلتا قالو اوك وببلاش طالما الموبيل ليه ضمان فى اكسيوم واعد يوم واحد بس وبا تمام وعلى فكره زيه زى السوفت الى هناااااا

ممكن يا دكتور تقالى 3 ملفات بتوع k800 دول كل واحد متخصص فى ايه فى السوفت وايه مووووووع الملف main ده هو انا كنت ممكن انزل سوفت كدا بس من غير الباقى
؟؟

المشاركة الأصلية كتبت بواسطة code086

على فكره انا جربت موضوع السوفت ده بتاع التوكيل لما ما عرفتش مكان توكيل اكسيوم دلوتى فين لانهم بيصفو فا مشيو من اماكن واماكن لا فا طبعا مش هعد با الف وراهم فا سالت فى دلتا قالو اوك وببلاش طالما الموبيل ليه ضمان فى اكسيوم واعد يوم واحد بس وبا تمام وعلى فكره زيه زى السوفت الى هناااااا

ممكن يا دكتور تقالى 3 ملفات بتوع k800 دول كل واحد متخصص فى ايه فى السوفت وايه مووووووع الملف main ده هو انا كنت ممكن انزل سوفت كدا بس من غير الباقى
؟؟

القاموس الشامل لمصطلحات السونى اريكسون

ايوة ينفع ...بس لأنى معرفش رقم ال Fs بتاعك فقلت نغيرهم الاتنين بالمرة

المشاركة الأصلية كتبت بواسطة drfox

الموسيقى ..بتهنج ... يعنى ايه ؟؟؟ يعنى الاغنية بتقطع ولا مش بتشتغل من اصله ؟؟؟ ... وهل اى اغنية بتهنج ؟؟؟
هل هو بيهنج وانت بتقلب الاغانى فى الميوزيك بلاير ؟؟؟؟ الميمورى كارد قد ايه ؟؟
ياريت اجابات
-----------
لو نزلت ملف ال Main بس مفيش حاجة بتتمسح ...لكن لو Main و FS كله بيتمسح
-------------------
انا مش حاطط سوفت ال z770 عشان مش لاقيه ....لو لقيته هضيفه
-------------------
السوفت فى التوكيل ببلاش ...والجهاز بيقعد عندهم يومين

.................................................. ............
الموسيقى بتهنج يعنى بتقطع .بلاقيها وقفت شويه وبعدين كملت وده فى كل الاغانى مش اغنيه معينه
..................................
بيهنج فى اى وقت وانا بقلب الاغانى او لا....والميمورى جيجا
.................................................. .....
انا مش فاهمه تقصد ايه بالجمله دى (لو نزلت ملف ال Main بس مفيش حاجة بتتمسح ...لكن لو Main و FS كله بيتمسح )
.................................................. ....
هو الجهاز لو وديته ومعايا الضمان فى احتمال يبدلو اى حاجه فى الجهاز ...عشان قبل كده وديت جهاز ليا تانى بس ماكنش ليه ضمان وبدلو البطاريه
..........
سورى تقلت عليك

رائع وشكر يشكر الجميع عليه ..

ونأمل المزيد

الله ينور بجد بجد بجد مش لاقي كلام اقوله
طريقة وملفات وكله تمام التمام
الله يباركلك ياعم حسن

الف شكر وياريت المشرفين يظبطو الدنيا بقى عششان الموضوع ياخد الشكل الكويس اللي يستحقه لانه موضوع جبار على فكرة وانا عن نفسي كنت مستنيه من زمان

المشاركة الأصلية كتبت بواسطة mona rai

.................................................. ............
الموسيقى بتهنج يعنى بتقطع .بلاقيها وقفت شويه وبعدين كملت وده فى كل الاغانى مش اغنيه معينه
..................................
بيهنج فى اى وقت وانا بقلب الاغانى او لا....والميمورى جيجا
.................................................. .....
انا مش فاهمه تقصد ايه بالجمله دى (لو نزلت ملف ال Main بس مفيش حاجة بتتمسح ...لكن لو Main و FS كله بيتمسح )
.................................................. ....
هو الجهاز لو وديته ومعايا الضمان فى احتمال يبدلو اى حاجه فى الجهاز ...عشان قبل كده وديت جهاز ليا تانى بس ماكنش ليه ضمان وبدلو البطاريه
..........
سورى تقلت عليك

طب جربى تشيلى الميمورى كارد و تشغلى اغانى من عالفون ميمورى
لو اشتغلت تمام يبقى العيب ممكن من الميمورى ...
لو الميمورى اصلى .. جربى انك ترتبى الاغانى جوه فولدرات ... بحيث ان الفولدر ميزيدش عن 15 اغنية
-------
اقرى الموضوع ده ...او عالاقل اقرى من تحت خالص ..ال Firmware
---------

بيتهيئلى كتر خيرهم يعنى ...مادام لقوا حاجة بايظة بيغيروها


مفيش تقل ولا حاجة

موضوع رااااائع ياحسن كالعادة
تسلم إيديك
مثبت