الموضوع: استفسار عن مثبطات الشهية

كنت عايز استفسر عن الاعراض الجانبية لمثبطات الشهية خصوصا لو ليها اعراض مع مرضي الضغط والقلب وبصفة خاصة Mirapro-N

بسم الله الرحمن الرحيم

النهاردة ان شاء الرحمن هنتكلم عن أشهر الأدوية المتوفرة بالصيدليات لانقاص الوزن,وهنقسمها على حسب الدور اللى بتقوم به لانقاص الوزن,ولكن قبل ما أبدأ أنا بنصح بالرياضة وبالأخص الجرى والمشى السريع وكمان تمارين شد عضلات البطن وتليين المفاصل لأن الرياضة ,أسلم وأفضل الطرق لانقاص الوزن دون التأثير على صحة الانسان ودون تقليل طاقته وقدرته على العمل أوالتأثير على نضارة الوجه ده كان أولا.
ثانيا اتباع نظام غذائى يعتمد فى المقام الأول على الخضروات والفاكهة والبروتينات ثم القليل من الكربوهيدرات والدهون (يعنى تأكل كل اللى نفسك فيه ولكن بحدود ونسب معينة,عشان حسم الانسان محتاج لجميع انواع الغذاء حتى الدهون).
ثالثا: استخدام بعض الأدوية التى تساهم فى انقاص الوزن ,وزى ما قولنا فى البداية هنقسم هذه الأدوية على حسب نوع عملها(mechanism of action):-
1) أدوية تقفل المستقبلات المسؤلة عن امتصاص الجلوكوز (Glucose Receptors )فى جدار الأمعاء الدقيقة ,لذلك تمنع استفادة الجسم من الكربوهيدرات الى يتناولها الانسان وتخرج مع البراز.
أمثلة هذا النوع من الأدوية Chitocal الشيتوكال.
2)أدوية تساعد على زيادة استهلاك الجلوكوز وحرقه فى أنسجة وخلايا الجسم
مثل Cidophageالسيدوفاج.
3)أدوية تثبط انزيم الليبيز فتمنع هضم الدهون فى الأمعاء وبالتالى تمنع امتصاصها
مثل Orlistat الأورليستات.
4)أدوية تحتوى على Epinephrineوالذى يقوم بزيادة معدلات حرق الغذاء فى الجسم مما يؤدى الى انقاص الوزن ولكن لا يستخدم مع مرضى ضغط الدم العالى
مثال على هذا النوع Slimymax
5)أدوية تؤدى الى امتلاء المعدة فيصبح المساحة المتاحة للطعام صغيرة
مثل Bran,Apple lite
6)أدوية تعمل على اثباط الشهية
مثل Slim,Mirapro-N,Diet patch
7)أدوية تحتوى على أعشاب وخلاصة نباتات تسبب انقاص الوزن عن طريق الاسهالLaxative ,أو عن طريق زيادة ادرار البول Diuretic
فى الحقيقة أنا لا أنصح باستخدام هذا النوع من الأدوية لأن الوزن بيزيد مرة تانية فور توقف الدواء,كما أن هذا النوع يؤد الى الجفاف لأن الجسم يفقد كمية كبيرة من الماء
هذه الأدوية مثلRegime tea,Herbal tea,Lax tea,Plantago

اتمنى ان تكون قد استفدت

نظرا لانتشار الكلام عن السمنه والتخسيس اتيت لكم بهذه التجميعه من المنتديات فى نظره سريعه عن العلاج

ومستنية آرائكم وخبراتكم

هناك موازنة يجب ان نقر بها جميعا ونستوعبها فى موضوع التخسيس وهى

ان الجسم يحتاج كم معين من السعرات الحرارية يوميا لاداء وظائفه وامداد الجسم بالطاقة والحيوية لاداء مهامه

وده بيختلف من شخص لاخر بالتأكيد

اذن

1_ معدل السعرات الداخل للجسم بالطعام ّّ(أكبر من ) معدل الحرق
=تراكم دهون(سمنة)

2_معدل السعرات الحرارية الداخلة للجسم(أقل من) معدل الحرق = نقص الوزن

3_معدل السعرات الحرارية الداخل للجسم = معدل الحرق اذن ثبات فى الوزن
وبالتالى فالواضح ان تحريك اى من الكفتين يؤدى للنتائج المطلوبة

طبعا فى حالة اننا عاوزين ننقص الوزن لازم نستخدم المعادلة رقم 2

كيف؟؟؟؟؟؟؟؟؟؟؟؟؟؟؟؟؟؟؟؟؟؟

بوسيلتين لازم نمشيهم سوا

اولا :لازم نقلل السعرات الحرارية اللى بناكلها عن طريق نظام غذائى وبالتالى نلجأ لريجيم

وقد نلجأ للأدوية للمساعدة فى الرجيم

وهناك طريقان فى الادوية

اولا: ادوية تعمل بطريقة طبيعية

وهى امنة لمرضى الضغط وليس لها اى اضرار جانبية

1_ الكروميوم

وهو على رأس الادوية الطبيعية التى تقلل من نسبة الكوليسترول فى الدم وطريقة عملها انها تحول السكريات (المادة الاولية للنشويات اثناء عمليات الايض) الى دهون مخزنة فى الكبد سهلة الحرق(جليكوجين) وتمنع تحولها الى دهون تتراكم فى الجسم وبذلك مع وجود رياضة يومية حتى ولو مشى سريع لمدة ساعة يقوم الجسم بحرق كل الغذاء بسهولة وبالتالى حرق الدهون المتراكمة لامداده بالطاقة ولا ضرر منه على مرضى الكبد الدهنى "FATTY LIVER"

وهو متوافر بسعر يسير فى اكثر من منتج مثل

"كروماكس 30 كبسولة ب 24 جنيه " وهاى كروم وغيرها
ويؤخذ كبسولة مع 2 كوب ماء كبير قبل الاكل بربع ساعة 3 مرات يوميا

2_ شيتوزان

وعيوبه ان فكرة عمله قائمة على ان مادة الشيتوزان تعمل على تغليف المواد الدهنية وعدم امتصاصها فيتخلص منها الجسم فى عملية الاخراج اما من لا يحتوى طعامه على دهون كثيرة ولكنه لا يؤثر على النشويات او السكريات لذا فهو غير فعال بمفرده

3_الردة (اقراص البران)

تعتمد على انها تنتفخ بالمياه وتتطلب شرب كمية كبيرة من المياه فتنتفخ داخل المعدة مما يسبب الاحساس بالشبع ولكنها مملة لاحتياج الفرد كم كبير من الاقراص قبل كل وجبة

وقد استفادت شركات الادوية من هذه النباتات وقامت بعمل بعض العقاقير المحتوية على خليط من هذه النباتات لعموم الفائدة مثل

TOP GING cap

وهو الحقيقة فوق الممتاز لاحتوائه على كروميوم وشاى اخضر وزنجبيل بالاضافة لنبات الجرسينيا اللى ليه تأثير كبير على تنشيط مركز الشبع دون التأثير على الجهاز الهضمى

FATTACHI CAP

وبرده عقار مفيد جدا وذلكلاحتوائه على كروميوم وبسيليوم وده عقار يعمل كملين وذلك لان نقص الاكل والرجيم دايما بيكون مصحوب بامساك فمهم جدا تناول ملين وياحبذا لو طبيعى للمحافظة على حركة الجهاز الهضمى وتجنب اعراض الامساك من شرخ شرجى وصداع وخلافه

فى بقى حاجة احب انبه ليها وهى كارثة تسمى شاى الريجيم

ده بقى اذى بكل معنى الكلمة لانه كل اللى بيعمله انه بيبوظ الجهاز الهضمى
الشاى ده بيقوم عمله على انه بيسبب اسهال شديد ويفرغ المعدة من كل محتوياتها قبل الهضم وبالتالى كأنك مش بتاكل وبتخس بس بعد كدة بيصيب الامعاء بشبه شلل يعنى متمشيش غير بيه ومن غيره امساك وتعب وخلل فى نظام المعدة علاوة على نقص فى المعادن والعتاصر الغذائية الهامة
ويعود ذلك لاحتوائه على كمية كبيرة من نبات السنا(السنامكى) المعروف بأثره المسهل ويستخدم فقط للامساك الحاد وليس المزمن لضرره على عضلات الامعاء

الشاى الاخضر ايضا له اضراره من الامساك والارق لان الجرعة اللى بنحتاجها للتخسيس بتبقى كبيرة وليها اضرار على الجهاز العصبى اما فى الجرعات القلقلة العادية كمشروب فلع فوائد عديدة1_

ثانيا ادوية ثؤثر على مركز الشبع فى الجهاز العصبى المركزى بطريقة كيميائية

1_ ميرابرو كبسول

واسمحولى اسميه الملك لأنه اقوى عقار للتغلب على الجوع
مفعوله ساحر
بس للاسف اعراضه الجانبية كتير لو تجاوزنا الجرعة المسموح بها
وهو كبسولة واحدة يوميا بعد الافطار بساعة ولا يجب ان يتجاوز العلاج مدة 28 يوم بعدها راحة لمدة لاتقل عن 3 شهور ثم لو فى حاجة ممكن يتكرر بعد ال 3 شهور

وغالبا ان شاء الله مش بنحتاج لتكرار كورس العلاج

2_ السيبوترامين

(بمنتجاته المعروفة الكتير اوى)
وده بيسبب نرفزة شديدة وارق ومحظور لمرضى الضغط المرتفع

وبصراحة نصيحة ان اى حد عاوز يعمل دايت زى ماقولنا فى الاول يزود نشاطه ويقلل الاكل ولو مقدرش يقلل الاكل يستعين بنوع من الادوية

واحب اوضحلكم ان المعدة مرنة فهى تتمدد وتتقلص
وبالتالى بالتعود على كم الاكل يمكن تحديد كم الاكل اى انه بالتعود على كم قليل من الاكل يتقلص حجم المعدة ويمكن بعد قليل الاستغناء عن الدوا المساعد

بالنسبة لبعض الناس اللى بيلجؤاللأيروبكس لانقاص الوزن احب بس اوضح ان الايروبكس نظام لاعادة توزيع الدهون فى الجسم ولايفيد فى التخسيس اما الجيمانيزيوم فهو المفيد فى حالات التخسيس والمبذول فيه من مجهود يساعد على حرق السعرات الحرارية الزائدة

ايضا احب اوضح انه اى حد يضيف معلومة اكيد يكون صيدلى او طبيب ويكون متأكد منها
وا اللى بيعترض ويقول" ازاى ربنا يديلنا عقل واحنا نؤذيه"وده رد لاحدى العضوات فى تعليق على موضوع استخدام الادوية فى التخسيس احب اقول ان من يستخف بموضوع السمنةاكيد لم يعانى من السمنة ومالها من اضرار نفسية وصحية وان العقل مش هنضره ابدا مادام استخدمن الدوا فى الحدود المسموح بها وان الموضوع مطروح ويضافله معلومات جديدةبواسطة طبيب او صيدلانى وماهو الا خلاصة استشارة اطباء او صيادلة وهما اكثر اثنين خبيران بالدواء واستخدامه

وان اى دواء يعتبر سم اذا لم يستخدم بالطريقة الصحيحة

الاسماء التجارية والعلمية للمستحضرات المذكورة بالترتيب

1-الاسم العلمى ّّ: الكروم
الاسم التجارى :عدة اسماء تجارية لهذه المادة افضلها التالى :

*"كروماكس كبسول " أو "CHROMAX CAP"

(24 جنيه للعلبة 30 كبسولة والشريط 8 جنيهات )

*"هاى كروم اقراص " أو " HI CHROME"
( 12 جنيه للعلبة 30 قرص سعر الشريط 4 جنيهات )

2-الاسم العلمى : شيتوزان

الاسم التجارى :
*"شيتوكال كبسول " أو "CHITOCAL CAP"
(120 جنيه للعلبة 60 كبسولة والشريط 20 جنيه)
*"ديلفات كبسول " أو "DELFAT CAP"
(27 جنيه للعلبة 30 كبسولة وسعر الشريط 9 جنيهات)

3-الأسم العلمى "أقراص الردة "
والاسم التجارى : "BRAN TABLETS"
والسعر 5جنيه لل60 قرص و 7جنيه لل100 قرص

4-TOP GING CAP او توب جينج وده الاسم التجارى للكبسولات وهى خليط من مواد طبيعية والسعر 45جنيه للعلبة 3 شريط سعر الشريط15 جنيه

5-FATTACHI CAP او فاتاشى كبسول وده بردو الاسم التجارى والسعر34 جنيه للعلبة 20 كبسولة وسعر الشريط 17 جنيه

6-MIRA PRO CAP أو ميرابرو كبسول وده الاسم التجارى والسعر 20جنيه للعلبة 20 كبسولة وسعر الشريط 10 جنيهات

7-سيبوترامين هيدروكلورايد ده الاسم العلمى أى 'SIBOTRAMINE HCL "

وهناك اسماء تجارية كثيرة سأدرج لك افضلها بالترتيب والاسعار

* ميريديا 10 مجم كبسول "MERIDIA 10MG CAP"
(سعر الشريط 7 كبسولات 48.30 جنيها )
** ميريديا 15مجم كبسول "MERIDIA 15MG CAP "
(سعر الشريط 7 كبسولات 59.50 جنيها )
* سليماكس 10مجم كبسول "SLIMAX10MG CAP"
(45 جنيه سعر العلبة 30 كبسولة وسعر الشريط 15 جنيه )
** سليماكس 15 مجم كبسول "SLIMAX 15MG30CAP "
(60 جنيه سعر العلبة 30 كبسولة وسعر الشريط 20 جنيه )
*سيبوتريم 10 مجم كبسول SIBOTRIM 10 MG CAP"
(45 جنيه للعلبة 30 كبسولة و15 جنيه للشريط 10 كبسولات )
** سيبوتريم 15 مجم كبسول "SIBOTRIM 15MG CAP "
( سعرلعلبة 30 كبسولة 57 جنيه والشريط 10 كبسولات 19 جنيه)
* ريجيتريم 10مجم كبسول "REGITRIM 10 MG CAP "
(سعر العلبة 30 كبسولة 40 جنيه وسعر الشريط 13.50 جنيه )
** ريجتريم 15 مجم كبسول REGITRIM 15MG CAP"
سعر العلبة 30 كبسولة 60 جنيه والشريط 10 كبسولة 20 جنيه )

ومنتجات السيبوترامين كلها العلبة 30 كبسولة تكفى شهرلانه يستخدم كبسولة واحدة يوميا بعد الافطار بساعة
واود انبه انه يجب عند اتباع اى نظام غذائى تناول فيتامين خارجى لضمان تعويض النقص فى الفيتامينات الاساسية وعدم الخروج منه بانيميا حادة او اى نوع كان من الاضرار وهذه الفيتامينات مثل
فيتاماكس بلس كبسول / سيرفيفيت بلس كبسول / سوبرافيت كبسول /فيتاماونت للارهاق/...وغيرها كتير

حبيت أقول تحديدا للأخوه اللي بيعانوا من السمنه أو يعرفوا حد عانى منها وأدت معه للمضاعفات التي لا نرغبها

كأمراض القلب والسكر

ده تحديدا ً اللي عايز سريعا ً ألقي الضوء عليه المرضى اللي بيعانوا من زياده في نسبه الكوليسترول أو الدهون عامه

patients with hyperlipidemia , hypercholesterolemia

المرضى دول بيتلقوا العلاج الدوائي لكن في نقطتين لمّا يركزوا فيهم هايبقوا أفضل في ممارسه أنشطتهم و حتى مع تلقي العلاج هاتبقى النتائج أفضل بإذن الله تعالي

ببساطه أهم نوعين من أنواع الدهون LIPIDS في الجسم

نوعين
1 - الدهن عالي الكثافه HDL ( صديقنـــــــا )
2 - الدهن منخفض الكثافه LDL ( عدوّنــــــا )

أى خطوه لزياده نسبه الــ HDL الصديق و كل خطوه نقلل بيها الــLDL العدو كده يبقى بنقلل المشكله
الحاجات اللي بتزوّد الدهون الصديقه HDL و بتقلل في نفس الوقت LDL العدو
- ممارسه الرياضه البدنيه : من المشي و الجري و ركوب الدراجات
- تقليل الوزن : الرياضه عامل فيها و النظام الغذائي و بعدهم أو معاهم العلاج الدوائي
- التوقف عن التدخين و شرب الخمور والبعد عن التوتر النفسي
- التغذيه : الحرص على تناول الأغذيه المحتويه على الألياف زى الفاكهه والخضروات و البعد عن كل الأغذيه الدسمه والأغذيه المصنوعه بزيوت مهدرجه ( hydrogentaed oils ) و الحرص على تناول زيوت مثل زيت الزيتون و زيت الأفوكادو

و لو عملنا قائمه بسيطه سريعه للأغذيه التقليديه والأساسيه للمرضى اللي بيعانوا من السمنه كُل ولا تأكل

اللحوم
كُل : اللحوم الحمراء و الخاليه من الدهن
لا تأكل : اللحم السمينه فعليا ً زى لحم الضآن , الأجزاء الداخليه مخ , ممبار , كلاوي , سجق . الأطعمه السريعه

الطيور
كُل : الدجاج , الحمام , الديك الرومي ( جميعها منزوعه الجلد )
لا تأكل : البط و الأوز

البيض
كُل : البياض
لا تأكل : الصفار

المكسّرات والمسليات
كُل : الحمص , الترمس , حمص الشام
لا تأكل : الياميش ولوازمه من فستق , بندق , جوز إلى آخره

الزيوت
كُل : زيت الزيتون , زيت الأفوكادو , زيت الذره , زيت عبّاد الشمس
لا تأكل : السمن بأنواعه والزبد ( خصوصا الفلاحي بتاعنا دي بالذات لااااااااا )

المشروبات
إشرب : عصير خضروات , عصير فواكه , ممكن شاى وقهوه بإعتدال بسكر قليل أو بدون
لا تشرب : الكولا بإنواعه ( الدايت ماشي ولو إن قلتها أفضل ) , المشروبات عاليه السكر , مبيضات القهوه

العجائن
كُل : الخبر الأسمر ( العيش بتاعنا أبو شلن ده ) , الأرز مطهي بزيوت نباتيه
لا تأكل : المكرونه بالبيض أو اللبن أو المواد الدسمه ( زي المكرونه بالباشاميل )

البحريات
كُل : الأسماك منخفضه الدهون ( غالبيه أكلنا منها ) بس تكون مشويه أو مسلوقه ومنزوعه الجلد
لا تأكل : القشريات جمبري أو ستاكوزا ..., الأسماك العاليه الدهن زى القراميك طده

الألبان
الأفضل : لبن منزوع الدسم , زبادي منزوع القشده , الجبن القريش ( واى جبنه منزوعه الدسم )
الأسوء : القشده , الجبن الدسم , الآيس كريم

الف شكر على الجهد المبذول واسف على تاخير الرد

بجد موضووووووووع هايل يسلمووووووووو

شكرا ليكي يا نهى على الاطلالة الجميلة والمعلومات الى افدتينا بيها
الاخ والصديق صاحب الاستفسار
افضل شيء هو تناول مواد ذغائية تشعرك بالامتلاء ورقم 1 فى هذه المواد الغذائية الالياف(الخضروات والفواكه بالاخص)
مش معنى ذلك ان العقاقير ملهاش لازمة لا ليها طبعا وليها دور كبير جدا واصلا احنا هنا فى القسم بنشجع استخدامها السليم والانواع المفيدة والغير ضارة فقط لان التغذية والمكمل جزء واحد لا يتجزا
فى امان الله

المشاركة الأصلية كتبت بواسطة baher_bop

شكرا ليكي يا نهى على الاطلالة الجميلة والمعلومات الى افدتينا بيها
الاخ والصديق صاحب الاستفسار
افضل شيء هو تناول مواد ذغائية تشعرك بالامتلاء ورقم 1 فى هذه المواد الغذائية الالياف(الخضروات والفواكه بالاخص)
مش معنى ذلك ان العقاقير ملهاش لازمة لا ليها طبعا وليها دور كبير جدا واصلا احنا هنا فى القسم بنشجع استخدامها السليم والانواع المفيدة والغير ضارة فقط لان التغذية والمكمل جزء واحد لا يتجزا
فى امان الله

مشكور اخي باهر

للاسف كل الادوية اللى فيها سيبوترامين اتسحبت من السوق المصرى و رغم انه فعلا كان بيجيبلى اكتئاب الا انه كان فعال فى قمع الشهية بطريقة جبارة و للعلم فى فرق بين الشهية و بين الجوع
الجوع ان بطنك توجعك لانها محتاجة اى اكل يملاها
لكن الشهية ان مخك كل شوية يؤمرك انك تقوم تاكل حتى لو انت مش جعان
السيبوترامين حلو اوى فى الحالة الاخيرة دى بيخلى الاكل حاجة مش مهمة بالنسبة للواحد
انا ناوى اجرب كبسولات الميرابرو دى بس يا رب الاقيها