الموضوع: مشكله فى تعريف المايك على ويندوز سفن

السلام عليكم ورحمه الله وبركاته


المشكله عندى انى منزل ويندوز سفن على الجهاز بس فى حاجه مطلعه علينى
الميك عندى مش بيشتغل غير لما اشيل الجاك واوصله تانى
بمعنى ان الميك لما اشغله لازم اشيل الجاك واوصله تانى
ولو عملت رسترت الجهاز ولا حاجه علشان اشغل الميك تانى لازم بردو اشيل الجاك واوصله تانى
وطبعا الحوار ده مغلبنى مع انى كنت منزل اكس بى ومكنش عندى المشكله دى فمش عارف اعمل ايه
فياريت لو حد عنده حل يقولى عليه وله جزيل الشكر علشان انا بجد اتخنقت
وكل شويه اغير النسخه واقول يمكن عيب منها

السلام عليكم

لا بص هو ممكن التعريف الخاص بكارت الصوت

في اكس بي انت اكيد كنت بتعرف الكارت بنفسك سواء من الاسطوانة او من على الهارد ديسك

اما في ويندوز 7 انا اعتقد على جهازك ويندوز بيعرف الكارت تلقائيا

وبيحط generic درايفر يعنى تعريف عام لفئة من الكروت بس مش مخصص للكارت بتاعك

حاول تعرف نوع كارتك بالضبط وتدور على الانترنت على موقع الشركه وتشوف التعريف وتنزله وتعرفه بنفسك

وان شاء الله يتظبط

بالتوفيق ومستنى ردك

السلام عليكم

شكرا على ردك يا اخ احمد بس المشكله مش كده لان انا بعرف التعريفات من على اسطوانه الجهاز لانها موجوده معايه يعنى انا منزل التعريفات الاورجنال بتاعت الجهاز نفسه وبردو المشكله موجوده

تعريفات اوريجينال من الاسطوانة؟
غالبا التعريفات دي هتكون بتاعت ويندوز اكس بي او فيستا حسب تاريخ شرائك للجهاز

ليه متحاولش تنزل التعريف الجديد من على الانترنت وتجربه؟

اسمع كلامى بس مش هتخسر حاجة

اولا انا بشكرك على المتابعه
ثانيا الاسطوانه بتاعت التعريفات فيها دعم لويندوز 7
ثالثا لو مشكله تعريفات هيبقى الميك مش شغال خالص بس المايك بيشتغل على الجهاز
ولما بكلم حد فى الياهو انا بسمعه وهوه مش بيسمعنى غير لما اشيل الجاك واوصله مره تاني يعنى الميك بيشتعل معايا بس لازم اشيل الجاك واعيد تركيبه فى كل مره اعمل ريسترت للجهاز هيه دى المشكله

الشكر لله

طب نفكر في حاجة تانية

ايه رايك ناخد بصة كده جهازك راكب ازاى ومداخل الصوت بتاعتك وضعها ايه؟

يعنى مثلا معظم الاجهزة دلوقتى بيكون فيها فتحات سماعات ومايك في الكيسة من برة غير طبعا اللى في كارت الصوت نفسه.

ياترى لو عندك الفتحات دي، المشكله نفسها بتتكرر سواء كان في الفتحات المباشرة في الكارت (او البوردة لو الكارت بيلت ان) او كان في الفتحات الخارجية؟

تانى حاجة، نشوف ويندوز متعرف على اجهزة التسجيل عندك ازاى، من جنب الساعه اقف بالماوس على علامة السماعه ورايت كليك واختار Recording devices

وهات صورة من النافذة اللى هتظهر قدامك

منتظر ردك
سلام

الحمد لله احب اشكرك كمان مره على المتابعه بس تقريبا المشكله كده اتحلت والحمد لله

الف مبروك والحمد لله

بس اتمنى لو تعرفنى عملت ايه

الله يبارك فيك
هوه تقريبا كان فى جاك مش واخد تفعيل فى ال
Realtek HD Audio Manager
وهوه ده الى كان عامل المشكله بس الحمد الله اتحلت
بس الى انا مستغربله ان المخرج الى انا عملتله تفعيل ده مش مركب فيه جكات يعنى ملهوش لزمه تفعيله فقولت اجرب اعمله تفعيل لقيته اشتغل :D