الموضوع: وزاره العدل مصلحه الخبراء

السلام عليكم
ياجماعه حد مقدم فى مسابقه الخبراء ياترى الامتحان امتى؟ وحد عارف هم عايزين كام واحد ياريت اى حد عارف اى معلومه يئولهالنا وشكرا ليكم

ايه ياجماعه ماحدش قدم فيها؟

انا معرفش ممكن حد يدلنا او يقول ايه الموضوع ده بالضبط

ريحو بالكم رحت وسئلت التقديم لأبناء العامليين وابقي سلملي علي العدل

المشاركة الأصلية كتبت بواسطة awad434

السلام عليكم
ياجماعه حد مقدم فى مسابقه الخبراء ياترى الامتحان امتى؟ وحد عارف هم عايزين كام واحد ياريت اى حد عارف اى معلومه يئولهالنا وشكرا ليكم

معلش بقى بس احب ابلغك ان التعيين لابناء العاملين فقط سواء فى مصلحة الخبراء او فى مصلحة الشهر العقارى اللى كانت طلبة من قريب اوى والاعلانات اللى بيعملوها دى مجرد اجرائات روتينية لان اى وظيفة حكومية لازم يتعمل اعلان عنها وانا كنت هقدم فى الشهر العقارى بس كلمت ناس شغالين هناك وقالولى اللى هيتعينوا متحددين مين هم قبل اصلا الاعلان ما ينزل فى الجرايد
وفى الاخر اقولك ربنا معاك ومعانا كلنا وان شاء اللة ربنا يوفق الجميع ...لكن ما باليد حيلة هى دى بلدنا :busted_r: :busted_r: :busted_r: :busted_r: :busted_r: :busted_r: :busted_r: :busted_r:

ياجماعه لا انا روحت امبارح ولائيت اسامى الناس اللى اتقدمت بصوره صحيحه يعنى الناس اللى بعتت فى الميعاد وورقهم صح ومترتب صح وتم تحديد معاد للاختبار وهو يوم 3/4 بس الميعاد حيتعدل فامش عارف امتى لكن مافيش حاجه اسمها ابناء عاملين اللى حينجح فى الاختبار حيتقبل بس ده مش معناه ان مافيش وسايط لا فيه وكتير كمان بس هى مش لابناء العاملين بدليل ان اسمى نزل فى الاسامى اللى اتقبل ورقهم

اه وبالنسبه للاخ حسن داوود اللى راح سئل للتقدم وقالوله التقديم لابناء العاملين بس احب اقوله ان التقديم كان فى شهر 12 ولمده 15 يوم كان داخل فهم العيد والتقديم مش بالسؤال ده عن طريق البريد الاعلان كاتب ان مش حيستقبلو الورق المسلم باليد يعنى ياجماعه ماتفقدوش الامل وبالنسبه للشهر العقارى والله العظيم الوزير اصدر قرار بمنع تعيين ابناء العاملين يعنى زيهم زى ااى حد متقدم للوظايف ياجماعه بلاش احباط قدموا الورق واعملوا اللى عليكم والامر فى اد ربنا ماتفقدوووووووووووش الامل

ياتري هو لسه فيه تقديم ولو فيه ممكن حد يقول ازاي والعنوان وجزاكم الله خيراااااااا

للاسف التقديم كان 15 يوم بس من 24/12 لغايه 7/1 بس وان شاء الله لو فى اى حاجه تانيه حئولكم عليها وربنا يسهل لينا بشغل كويس كلنا

طيب ونتيجة الشهر العقارى امتى؟؟؟؟؟؟؟؟؟؟؟؟

مش عارف بس لو حنقيس زى الخبراء يبئى بعد شهرين يعنى على شهر 4 كده وربنا يسهل ولو حد عرف اى حاجه يبلغنا

الى الاخ الىعرف اسماء المتقدمين فى مصلحه الخبراء مكن يا اخى تقولى ازاى عرفت الاسماء انا من اسكندريه ومقدم من زمان جزاك الله خيرا افيدنى مكن...................

يااخوانى جزاكم الله خيرا بخصوص موضوع مصلحه الخبراء
ممكن حد يفيدنى انا من اسكندريه
وعايز اعرف ازاى اعرف اسمى نزل هناك ولا لسه افيدونى افادكم الله وادخلكم جناته

معلش اتاخرت عليك فى الرد بص ياسيدى انت لازم تروح القاهره زى مانا عملت او لو ليك حد هناك ماشى وتشوف اسمك نزل هى متوزعه سنين تخرج وجامعات وميعاد الاختبار يتحدد اخر الشهر وربنا يسهل

ايه ياجماعه مافيش اخبار انا بتصل بيهم من يومين وتليفونهم مشغول على طول مافيش حد من القاهره يئولنا امتى الاختبار؟؟؟؟؟؟؟؟؟ حد يساعدنا