الموضوع: حد يعرف مول صن سيتي الجديد بالقرب من ستي ستارز؟

فيه مول بيشطب خلاص ويضع اللمسات الاخيرة اسمه صن سيتي مول بالقرب من ستي ستارز حد يعرف نروحه ازاي؟ او على الاقل للي مايعرفش اسهل وافضل طريقة نروح ستي ستارز ازاي

تركب من رمسيس اتوبيس بيقعد يقول عباسية صلاح سالم اول مكرم النادي الاهلي

هتركبه وتقوله نزلني عند اول عباس العقاد هتنزل ياسيدي وهتاخد شمالك هتلاقي سيتي ستارز

او ممكن تركب تاكسي من رمسيس ب10 جنيه او بكتيره 15 من رمسيس لسيتي ستارز

علفكره مول الصن سيتى ده هيبقى اجمد مول فى مصر وهتشوفوا
اولا لو عاوز تروح مول صن سيتى هو فى طريق الاتوستراد وممكن تروحلوا من طريق المطار
لو عاوز تروح سيتى ستارز اركب من رمسيس اى عربيه اول عباس او مكرم وانزل اول مكرم هتلاقى شارع على شمالك كده امشى فيه هتلاقى سيتى ستارز على يمينك ز
وممكن من هناك من عند سيتى ستارز تاخد تاكسى لغايه الصن سيتى

المشاركة الأصلية كتبت بواسطة حماده هـــــيرو

علفكره مول الصن سيتى ده هيبقى اجمد مول فى مصر وهتشوفوا
اولا لو عاوز تروح مول صن سيتى هو فى طريق الاتوستراد وممكن تروحلوا من طريق المطار
لو عاوز تروح سيتى ستارز اركب من رمسيس اى عربيه اول عباس او مكرم وانزل اول مكرم هتلاقى شارع على شمالك كده امشى فيه هتلاقى سيتى ستارز على يمينك ز
وممكن من هناك من عند سيتى ستارز تاخد تاكسى لغايه الصن سيتى

الله يبارك فيك , ازاي بقى بالتفصيل تعرف؟ اقصد يعني صن سيتي مول

يا جماعة صن سيتى مش ناحية سيتى ستار اصلا
صن ستى على طريق الاتوسترات من بين مساكن شيرتون ومدينة نصر
لو انت جى من رمسيس ممكن تركب حاجة تنزلك اول مكرم عبيد وهناك هتلاقى ميكروبصات بتقول موقف العاشر تركب وقله عايز انزل عند مول صن سيتى الجديد على طريق الاتوسترات وان هتشوفه هيبقى على شمالك وانت جى وحاطط صور اعلانات ضخمة

او فى طريقة تانية انك تركب من رمسيس اى حاجة مساكن شيراتون وغالبا هيكون اتوبيس او منى باص وتنزل عند ملف الاتوستراد وتركب اى ميكروباص رايح رابعة هيكون على ايدك اليمين

موقف العاشر مدينة نصر؟ الي بتروح منه مواصلات لتجمعات القاهرة الجديدة؟

لا يا باشا مش موقف العاشر بتاع مدينة نصر ده اسمه موقف الحى العاشر
أينما انت عاوز موقف العاشر ده غير عاشر مدينة نصر
أنت زى ما الناس بتقولك أركب من رمسيس لاول مكرم ومن أول مكرم عبيد شوف الميكروباصات اللى بتروح موقف العاشر مش الحى العاشر خلىى بالك وقولة نزلنى عند مول صن سيتى هوة فى طريق المطار
ويا رب اكون عرفت اوضحلك والبتوفيق

اللي اعرفه ان فيه مدينه جديده بتتشطب خلاص اسمها صن سيتي او مدينه الشمس ويمكن تقصد المول المرفق مع المدينه دي هو في مدينه نصر وبجوار مساكن الشيراتون وموجوده علي طريق الاوتوستراد ومواصلاتها كتيره من نادي السكه او رمسيس او العباسيه اسال السواق وهو هيدللك
لكن بالنسبه انه جنب سيتي ستارز جديده دي

هل ينفع نروح نقدم فيه الايام دي

هما طالبين فى وظائف ايه ياجماعه طيب حد يفهمنا

لسة يا جماعة ما تفتحش مافيش اى وظايف هو ان شاء الله هيفتح 2011

تروح ازى اى حاجة رايحة موقف الشريتون هو عندو يالظبط من عبد المنعم رياض ب 1جنية الاتوبيس الاحمر الجديد - وهو واخد توكيلات كتير وفية كارفور ومحلات كتير ان شاء الله لما يفتح اعمل لكم اعلان

مش فى مدينة نصر اصلا ناحية مساكن شيراتون قبل بنزينة موبيل عالاوتوستراد المول ده كبير جدا واكيد حيطلبوا ناس بس مش دلوقتى لسة بيتشطب ايلى عايز يروح ينزل مساكن شيراتون ويطلع عالاوتوستراد

هههههههههه والله يا جماعة مقصرتوش بس في نفس الوقت اتلخبطت!
بصوا يا جماعة انا في عين شمس ومتاح لي الاتي : اتوبيسات بتروح عبد المنعم رياض- اتوبيسات بتروح المطار ودة اسهل حاجة ليا بس مش عارف مطار الماظة ولا مطار القاهرة؟ مطار القاهرة القديم والجديد قريبين مني جدا- ميكروباصات بتروح رمسيس - ميكروباصات بتروح الموقف العاشر الي هو قرب هايكستيب (مش عارف هو دة المقصود ولا ايه) - المترو
احسن واسهل حاجة في دول ايه؟

ها يا جماعة؟ حد عارف احسن طريقة؟

بص يا صديقى انت تاخد اى مواصلة اكنك رايح لمطار القاهرة - مساكن شيراتون تمام كده ... وبعدين قولوه عايز انزل مساكن شيراتون حينزلك فى الملف وهوا بيلف رايح المطار ..... تنزل فى الملف فى ميكروباصات رايحة مدينة نصر- السيدة عائشة..... تاخد اى واحد منهم وقولوه عايز انزل عند المول الجديد او بنزينة موبيل هما الاتنين قريبين من بعض تقريبا وكده انت وصلت الا لو عايز تتمشاها تنزل مساكن شيراتون وتاخد الاتوستراد على طول اكنك رايح مدينة نصر بتاع نص ساعة او تلت ساعة وكده او كده وصلت متلخبطش نفسك