الموضوع: المجلس القومي للشباب

يسم الله الرحمن الرحيم

هو ممكن الموضوع دا مايكنشي مكانه المناسب هنابس مش عارفه مكانه فين بس انا حاسه ان الموقع دا هو بيتي استفدت منه كتير وله فضل كبير عليه حتي الوظيفه اللي انا فيها دلوقتي كان هو السبب بعد ربنا سبحانه وتعالي اني اقدم فيها بجد كل مابدخل هنا واكون مضايقه بلاقي نفسي استريحت لاني الاعضاء هنا بتساعد بعض وروحهم حلوه حتي في اشد المحن ربنا يكرمنا جميعا ويحقق لنا كل اهدافنا
انااسمي نورهان وحاصله علي بكالوريوس تجاره و مش هقول اكتر من اللي زملائي قالوه في الظلم اللي بنتعرض ليه من المجلس القومي للشباب
واليكم الامثله لبعض الخريجين اللذين يعملون بنظام المكافئه الشامله:
الحقونا
لعنة شباب الخريجين نظام المكافأة الشاملة
مقدم المشكلة: مي محمد على ابراهيم
وظيفة مقدم المشكلة: مشرفة برلمان
ويعمل بـ: مركز شباب الحرمين _الاسكندرية
اللى من يهمة الامر :.... السلام عليكم ورحمة الله وبركاته.. انا خريجة حقوق دفعة 2007 بتقدير تراكمى جيد مرتفع وسنى 24 سنة .. وبعد حوالى سنتين على تخرجى اعلن عن فتح فرص عمل لجميع المؤهلات من المجلس القومى للشباب بمراكز الشباب فى جميع المحافظات ويشترط التقدير لا يقل عن جيد .... وبالفعل قدمت اوراقى بالقاهرة وبعد شهرين تم قبولى الحمد لله وتم توظيفى بمركز شباب وتعاقدت بنظام المكافأة الشاملة اى لا يوجد لي اى تامين او حوافز او اى حق مثل الموظفين المعينين سوى الاجازات والتى هى 21 يوم اعتيادى ومنهم 6 عارضة براتب 300 جنيه وتم استلامى العمل يوم 5/7/2009 وكانت ساعات العمل 6 ساعات والفترات صباحى ووسط ومسائى ... واخترت انا الفترة الصباحيه من الساعه 8 صباحا حتى 2 ظهرا وفجأة صدر قرار تعسفى بدون اى وجه حق بالغاء اى اجازات للشباب الخريجين من اول 1/1/2010 وبالتالى تم الغاء الاجازات اللتى فى العقد والغاء الاذونات والتأخير وليس لنا غير يوم واحد فى الاسبوع راحة وهو الجمعة واى يوم نتغيب فيه بسبب اى ظرف يخصم من المرتب...حاولنا ان نفهم الوضع من المجلس القومى للشباب بارسال الفاكسات وفى جميع الحالات يرد ان هذه لائحة جديدة ولن نغير بها اي شئ...وبقى الحال على ما هو عليه واى يوم تاخير يتم التقفيل ويتم خصم يوم كامل من المرتب... وفجأه صدر قرار اخر تعسفى باقالة المديرين الحالين بالمراكز الشبابية وتمكين شباب الخريخين بشهادة ببكاليورس خدمة اجتماعية من مركز المدير التنفيذى بدون اى خبرة او تدريب سابق والخيريجين نفس دفعتى وسنى مما جعلنا فى مهب الريح بسبب قله خبراتنا وخبراتهم واشتكى الكثير والكثير من الموظفين والمدراء القدامى لكن بلا فائدة كان الرد انها لائحة وقرار السيد د/صفى الدين خربوش رئيس المجلس القومى للشباب ... وبقى الحال ايضا على ما هو عليه...ونحن الان فى شهر10 نفاجأ بصدور قرار تعسفى اخر وهو امتداد ساعات العمل الرسمية الي 8 ساعات من الساعه 10 صباحا حتى 1 ظهرا ومن الساعه 5 عصرا الى 10 مساءا والغاء الفترة الوسط وانت تعلم يا سيدى الفاضل معظم اماكن مراكز الشباب تكون بمناطق شعبيه بعض الشئ فكيف على بنت سنها 24 سنه انت تخرج من مركز شباب الساعه 10 مساءا يوميا كيف يرضى السيد د/صفي الدين خربوش هذا على البنات ألسنا مثل بناته ؟؟ انا الان مهددة بالاقاله عن العمل بسبب المواعيد الغريبه اللى لا ينص عليها اى قانون او دستور وتخالف قانون المرأة .... اريد ان افهم فقط هل هى طريقة للتقليل عددنا؟؟ هل ندمت الحكومة من تعاقدهم معنا ويريدون الرجوع فى قرارهم ؟؟ نحن كنا متفوقين دراسيا والان نعامل بهذا الشكل ؟؟ لماذا لا اعلم ؟؟ انا اريد فقط حقى فى العقد الذى تعاقد عليه وهو 21 يوم اجازة واعادة مواعيد العمل اللى الوضع الطبيعى لتناسب جميع الشباب بلا اكراه او تقييد....ولاعتراف بنا اننا شباب خريجين ولسنا وصمة عار.... وشكرا لاهتمامكم وارجو الرد. ويمكن اى ارفاق عدد من الاوراق مثل العقد وقرارات اللائحة الجديدة عند طلبهم والسلام عليكم ورحمة الله وبركاتة.


زيادة المكافآت الشاملة للعاملين بمراكز الشباب بنسبة 30%
قرر المجلس القومي للشباب زيادة المكافآت التي يتقاضاها العاملون الشباب بالمكافأة الشاملة داخل مراكز الشباب بنسبة 30% بدءاً من أول يوليو المقبل.

وأوضح رئيس المجلس القومي للشباب الدكتور محمد صفى الدين خربوش، في تصريح له اليوم الخميس، أنه يتم الاستعانة بهؤلاء الشباب والفتيات داخل مراكز الشباب بمختلف محافظات الجمهورية للعمل كمديري مراكز، ومشرفي أنشطة الحاسب الآلي، والمكتبات والأنشطة الرياضية لسد العجز في العاملين داخل هذه المراكز.

وأشار الدكتور خربوش إلى أن عدد العاملين بهذا النظام داخل مراكز الشباب يبلغ 14 ألفا و304 من الشباب والفتيات من حملة المؤهلات الجامعية والمتوسطة ومن الخدمات المعاونة، يتم الاستعانة بهم لتطوير الخدمات الشبابية والإدارية والثقافية التي تقدمها مراكز الشباب، موضحا أن المجلس يتحمل قيمة تلك المكافآت من موازنته المالية، وأن الهدف من الزيادة مراعاة الظروف الاجتماعية والاقتصادية الحالية.

بواسطة : ص كامل عبد الكريم
إلى وزير الشباب
الجمعة 22 اكتوبر 2010 1:12 ص
كيف نكون تابعين للحكومه ونقوم باعمال كثيره وليست لنا اى مزايا لا اجازه ولا تامين اجتماعى ولا تامين صحى نعامل وكاننا عمال يوميه ده القطاع الخاص بيعامل معاملة القطاع الحكومى حيث ان لهم اجازه سنويه واجازه عارضه وتامين صحى اما نحن ولا حاجه وحتى لو صدقت الزياده ماذا تعنى فى ظل هذه الظروف الصعبه اقتصاديا أغيثووووووووووووووووووووووووووووووووووووونا

بواسطة : مهدور حقة
بنى سويف
الثلاثاء 19 اكتوبر 2010 2:02 م
وبعدين هو احنا لازم يعنى نعمل اضراب وممكن الاضراب يوصل مع الحاقدين الى تخريب ف البلد وترجعوا تفتحوا خراطيم الماية والاعتقالات والكلام الفاضى دة ما تمنعوا كدة من الاول هو دة مش حقنا 180 جنية يعملوا اية ياعالم وكمان مقسم اليوم ع فترتين يعنى مفيش شغل تانى حرام عليكم بجد حرام حسبى الله ونعم الوكيل

بواسطة : ابراهيم
والله زمان
دة يتاع دكان البقالة بيأمن على العمالة الموجود عنده ولة ايام راحة فكيف نحن المتعاقدين نشتغلف فى كل الانشطة والالتزامات المالية الموجودة بمركز الشباب والعمل الحكومى ولايؤمن علينا على الاقل ووجود ايام راحة او اجازة مرضية بأجر يعنى لو تعبت اموت ان واسرتى من الجوع واخيراً جاى تقولى انك عايز تخلينى اشتغل قترتين فى اليوم انت عايز اية بالطبط عايز تمشينا ولا…

بواسطة : كريم
شكوى سوء معامله
الثلاثاء 5 اكتوبر 2010 9:27 ص
القرارين الاخيرين بالشباب والرياضه الخاصين بالاجازات والعمل بنظام الفترتين بالنسبه للمتعاقدين هل ده يرضى ربنا كتير من المتعاقدين وخاصه البنات مش بيشتغلوا فى بلدهم وبيسفرا هل فى الظروف اللى موجوده فى البلد وانتشار الجريمه يسافروا بالليل وبالنهار وبالنسبه لل30% الزياده اللى قررتوها على النت وفى الجرايد فين ال30%دول ولا هو كلام على الورق وخلاص والله ا… إقرأ المزيد ..

بواسطة : مصطفى
الاضراب الحل
السبت 2 اكتوبر 2010 1:00 ص
مفيش غير اننا نعمل اضراب هو دة الحل الوحيد لاننا بعتنا فاكسات واشتكينا وبردة مفيش حل اين العدل حسبى الله ونعم الوكيل الاضراب هو الحل

بواسطة : والله الواحدجه يقبض وكان معشم نفسه وبيبص ملقاش زياده ....لا تعليق
الاحد 26 سبتمبر 2010 9:12 م


بواسطة : مش مهم
اين الزيادة
السبت 25 سبتمبر 2010 11:10 ص
لا زيادة في المكافات ونريدالتثبيت بدل الزيادة

بواسطة : أحد العاملين بالعقود الشاملة
اين الزيادة؟؟؟؟؟؟؟؟؟؟؟؟؟؟؟؟؟؟؟؟؟
الاثنين 20 سبتمبر 2010 12:51 ص
احنا في شهر 10 والقبض وصل بعد انتظار 3 شهور وما فيش اي زيادة ياريت يتفض مشكور كاتب الخبر عن الزيادة ويرد بنفس المنشيت والوضوح أين الزيادة وياريت الرد

بواسطة : هانى محمد
العاملين بنظام المكافئه الشامله
الخميس 2 سبتمبر 2010 10:43 ص
والله يا جماعه انتوا بضيعوا وقت على الفاضى انا كنت زيكم وجتلى فرصه سفر للخارج كل الى عايزة بتعشوش الوهم انهم يسبتوكم دة بيضحوا عليكم والله وخاصه صفى الدين خربوش دة بيضحك عليكم بالفلوس دى ومحمد عبد العال كل الى هقوله اتقى الله يا صفى الدين خربوش انته ومحمد عبد العال فى الناس الغلابه دول

بواسطة : amr adel
شوية اهتمام
الجمعة 13 اغسطس 2010 3:44 م
بجد احنا العاملين بنظام المكفائة الشاملة بدانا نشعر بعدم الاهتمام من قبل المجلس القومي للشباب وذلك بسبب تجاهل كافة المسولين بطلباتنا والي اليوم لم يتم العتراف بنا كموظفين نظامين دلوقتي نتقاضا مرتباتنا كل 3 اشهر وفي مكتب البريد التابع بالمحافظة بالاضافة اننا لم نعامل في الامتيازات الاخري للموظفين النظامين لذالك نود من سيادتكم المسساوة وان تنظرو الين… إقرأ المزيد ..

بواسطة : تامر محمود عبدالله
اين زياده العقود

بواسطة : احمد عبدالله
التثبيت
السبت 5 اكتوبر2010 9:08 م
كيف نكون تابعين للحكومه ونقوم باعمال كثيره وليست لنا اى مزايا لا اجازه ولا تامين اجتماعى ولا تامين صحى نعامل وكاننا عمال يوميه ده القطاع الخاص بيعامل معاملة القطاع الحكومى حيث ان لهماجازه سنويه واجازه عارضه وتامين صحى اما نحن ولا حاجه وحتى لو صدقت الزياده ماذا تعنى فى ظل هذه الظروف العبه اقتصاديا

ما هو الحل؟؟؟؟؟؟؟؟؟

الحل اننا نسيب البلد دي و نهاجر

أ.د. محمد صفي الدين خربوش
مكتب: 3027475-3469661
الفاكس: 3025400
البريــد الإلكتروني: mkharbos@ndp.org.eg
مش عايزين نبقي سلبيين لازم نعمل حاجه ولو حاجه صغيره علشان نحسسهم اننا بني ادمين ولنا حقوق.
نبعت شكاوي للدكتور خربوش علي الفاكس والايميل بتاعه ولازم يكون عددنا كبير علشان يستجيبوا لطلبتنا . وان شاء الله هكون اول وحده تبعت .
اهم حاجه تكون الشكوي مختصره وتتضمن 3 اشياء :-
ساعات العمل
كيف نكون تابعين للحكومه وليست لنا اى مزايا لا اجازه ولا تامين اجتماعى ولا تامين صحى
اين الزياده اللي تم الاعلان عنها في موقع المجلس والجرائد الرسميه

اسمعينى كويس يا نورهان
العبد الفقير الى الله اللى هوه انا محامى باحدى الجهات الحكوميه
وشغال بعقد مكافاه شامله
فيه مبدا قانونى مفيش اى عبيط يخالفه
وهو ان العقد شريعه المتعاقدين لا يجوز نقضه او تعديله الا باراده الطرفين
وبالتالى العقد اللى انتى مضيتى عليه المفروض هوه اللى يمشى عليكى وعليهم
فاذا مضيتى ان ليكى الحق فى اجازه اعتيادى فيبقى ليكى الحق فيها
حتى لو سى خربوش المخربش لغاها بقرار
لان العقد لا يلغيه قرار
وممكن ترفعى قضيه انتى وزملائك عليه
وحتكسبوها وانتم مرتاحين
اما بالنسبه للعقود المكافاه الشامله بصفه عامه
فليها الحق فى اجازات اعتيادى وعارضه ومرضى وكمان لينا تامينات اجتماعيه وتامين صحى
وربنا يخللنا احمد درويش

المشاركة الأصلية كتبت بواسطة blakdragonk1

اسمعينى كويس يا نورهان
العبد الفقير الى الله اللى هوه انا محامى باحدى الجهات الحكوميه
وشغال بعقد مكافاه شامله
فيه مبدا قانونى مفيش اى عبيط يخالفه
وهو ان العقد شريعه المتعاقدين لا يجوز نقضه او تعديله الا باراده الطرفين
وبالتالى العقد اللى انتى مضيتى عليه المفروض هوه اللى يمشى عليكى وعليهم
فاذا مضيتى ان ليكى الحق فى اجازه اعتيادى فيبقى ليكى الحق فيها
حتى لو سى خربوش المخربش لغاها بقرار
لان العقد لا يلغيه قرار
وممكن ترفعى قضيه انتى وزملائك عليه
وحتكسبوها وانتم مرتاحين
اما بالنسبه للعقود المكافاه الشامله بصفه عامه
فليها الحق فى اجازات اعتيادى وعارضه ومرضى وكمان لينا تامينات اجتماعيه وتامين صحى
وربنا يخللنا احمد درويش

شكرا لاهتمامك وردك بس للاسف العقد اللي انا اخدته ماكنشي فيه غير المرتب والمكان اللي هشتغل فيه والوظيفه وتاريخ استلام العمل بس وماظنش انه كان مكتوب ساعات العمل او الاجازات وانا بصراحه مسألتش في الكلام دا لاني ماكنتش اعرف لان دي اول مره اشتغل فيها.
بس كلام حضرتك وضح لي حاجات كتير بيعملوها معانا زي تغير مواعيد الشغل بطريقه غريبه وكمان لغوا الاجازات السبب في كدا ان العقد مامكتوبشي فيه ساعات العمل و الاجازات .
يعني كدا مش هنعرف ناخد حقنا

هو مفيش حد هنا متعين في الشباب والرياضه ولا ايه؟؟؟؟؟

http://www.alshabab.gov.eg/web-serv/requirements.asp

انا يا جماعه شغاله في مكان علي بعد نص ساعه مواصلات المشكلة اني بقعد ساعتين عشان الاقي مواصله لاني في مكان مفهوش مواصلات اصلا
فاضطريت اني أأجر تكتك يوديني ويجبني وطبعا بياخد ييجي نص المرتب دي بس في الفتره الصباحيه مابالك في المسائيه كمان يعني المرتب كله طاير
غير كده وكده انا عايشه في قريه بخرج بالنهار بالقوه امال بئه بالليل واجي ككمان 9 بالليل يعني بعد العشا بساعتين الناس هتقول ايه بس ؟
غير كده انا متزوجه وعندي طفله رضيعه محتاجه رعايه مش هفضل رايحه وجايه بيها ع السكه ليل نهار
نفسي الناس دي تفكر شويه ويكون عندها شويه رحمة
وكل ده عشان 300 جنية

المشاركة الأصلية كتبت بواسطة منجاية22

انا يا جماعه شغاله في مكان علي بعد نص ساعه مواصلات المشكلة اني بقعد ساعتين عشان الاقي مواصله لاني في مكان مفهوش مواصلات اصلا
فاضطريت اني أأجر تكتك يوديني ويجبني وطبعا بياخد ييجي نص المرتب دي بس في الفتره الصباحيه مابالك في المسائيه كمان يعني المرتب كله طاير
غير كده وكده انا عايشه في قريه بخرج بالنهار بالقوه امال بئه بالليل واجي ككمان 9 بالليل يعني بعد العشا بساعتين الناس هتقول ايه بس ؟
غير كده انا متزوجه وعندي طفله رضيعه محتاجه رعايه مش هفضل رايحه وجايه بيها ع السكه ليل نهار
نفسي الناس دي تفكر شويه ويكون عندها شويه رحمة
وكل ده عشان 300 جنية

منوره المنتدي يا منجايه دا انا فقدت الامل اني الائي حد هنا شغال في الشباب والرياضه ربنا يصبرنا علي اللي احنا فيه وانا ليه طلب صغير منك هو انك تبعتي شكوي علي الصفحه دي http://www.alshabab.gov.eg/web-serv/requirements.asp

/192619114096611

يجماعه العقد بتاع المكافأة الشاملة اقل مايقال عليه انه انتهاك لحقوق الإنسان لأسباب الآتية :

1 - التفاوت الكبير فى الأجر
حيث أن معهد خدمة اجتماعية يحصل على 500 جنيه وبكالريوس تجارة 400 جنيه وليسانس حقوق 300 جنيه وبكالريوس تربية رياضية 300 جنيه وكذلك ليسانس وثائق ومكتبات
2 - الخلل الإدارى الكبير
حيث أن الحاصل على بكالريوس التجارة والدارس للإدارة يعمل مشرف مالى وإدارى ومعهد خدمة إجتماعية يعمل مدير مركز وكان الأولى بالعمل كمدير مركز خريج تجارة قسم إدارة الأعمال
3 - التأمينات والمعاشات
لايوجد تأمينات ولا معاشات وهنا تسأل كيف تجبر الحكومة أصحاب المشاريع الخاصة بالتأمين على العاملين فى هذه المشاريع وهى لا تقوم بذلك وأعتقادى ان هذا ليس مخالف لقانون العمل فقط وانما مخالف للقانون الإنسانى
4 - التأمين صحى
لا يوجد تأمين صحى يعنى عند حدوث أى مرض للموظف يلقوا به فى الشارع
5 - الحصول عل الراتب
كل ثلاثة أشهر ومن البوسطه من شباك المعاشات على العلم أنا كل موظفى الكفأة الشاملة لم يتجاوزا الثلاثين عاما وكأن الحكومة تقوم بعمل جمعية للموظفين
6 - مواعيد العمل
من الثالثة عصرا وحتى العاشرة مساءا وكاننا نعمل فى كابريه وهناك من يعمل فى مناطق نائية ولايوجد بها مواصلات صباحا فكيف يذهب مساءا كما أن غالبية مراكز الشباب فى أماكن بعيدة الى حد ما عن المنازل فكيف يذهب الموظفين من البنات فى هذا الوقت .

كل هذه الأسباب وأكثر تمكنا من القول ان هذا العقد انتهاك صارخ لحقوق الإنسان
وأن د / صفى الدين خربوش لايصلح لهذا المكان