الموضوع: وظائف فى مدينتي ( شركه طلعت مصطفى )

السلام عليكم

النهاردة اهم وظائف وفرصة ممتازة ان شاء الله تبقى من نصيبكم ولمختلف التخصصات

وظائف فى مدينتى (شركة طلعت مصطفى)

والشركة دى من اكبر الشركات فى مصر ومدينتى دى احد افخم واكبر المشروعات فى مصر والمشروع شغال كويس جدا بالرغم من كل الدوشة اللى حاصلة حواليه

مطلوب الوظائف التالية

- مهندسين مدنى وكهرباء وميكانيكا
- موظفى خدمة عملاء
-موظفى استقبال
-سكرتيرات
-موظفى تليفونات
-مشرف شئون عاملين
-مشرف إدارى
-مديرة انشطة الطفل
-مساعد مدير قسم الاشراف الداخلى
- مشرف اول اشراف داخلى

ترسل الطلبات والسيرة الذاتية مرفق بها صورة حديثة خلال اسبوعين إلى العنوان التالى:

36\34 شارع مصدق الدقى 12311 الجيزة

تليفون
33312000
او فاكس
37491171


(توفر الشركة وسائل لنقل العاملين لمختلف الجهات)

طيب المرتبات هتكون في حدود كام ومكان العمل هيكون فين؟

الف شكر ياباشا وربنا يوفق إن شاء الله

المشاركة الأصلية كتبت بواسطة x_man937

طيب المرتبات هتكون في حدود كام ومكان العمل هيكون فين؟

الحقيقه انا مقدرش افيدك لان الاعلان دا نازل كدا قولت اجيبهولكم
تستفيدوا منه بس فيك تكلمهم فى التليفون تستفسر براحتك

طيب هما عاوزين مهندسين كهرباء باور ولا اتصالات يا جماعة محدش يعرف

تسلم ايدك يغالى وشكرا ليك

تسلم على الموضوع الرائع دى شركه محترمه جدا ربنا يجعل لحد مننا النصيب فيها ان شاء الله

يا جماعه الشركه بتاعت الاسكندريه للانشاءات دى ملهاش حل بس كشركه بتنفذ خدمات مش مرتبات
يعنى مرتباتها تعبانه و دى الللى سمعته و الله اعلم

جزاك الله خيرا
وأن شاء الله يكون في ميزان حسناتك

المشاركة الأصلية كتبت بواسطة tirokoky2000

يا جماعه الشركه بتاعت الاسكندريه للانشاءات دى ملهاش حل بس كشركه بتنفذ خدمات مش مرتبات
يعنى مرتباتها تعبانه و دى الللى سمعته و الله اعلم

يا شباب المرتبات بالنسبه للمهندسين حلوه اوي
لان اختي شغاله فيها
لكن غير كده انسوا
انا روحت هناك عن طريق اختي طبعا
وقالوا لي المرتب 800 جنيه
وظيفه شئون عاملين
بطلع من البيت الساعه 6 الصبح يعني بصحي الساعه 5 الفجر عشان اركب اوتوبيس الشركه الساعه 7 من ع الهرم
عشان اكون فالموقوع اللي علي طريق مصر السويس الكيلو 45
الساعه 8.30 الصبح وامشي من هناك الساعه 5 العصر عشان ادخل بيتنا الساعه 7.30
ده بجانب ان التعامل وحش اوي لان اغلب اللي بتعامل معاهم فنيين وكده
ولك ان تتخيل بقي قولت لا وجريت وسبتها

هو التقديم عن طريق ارسال بالبريد ولا تسليم باليد الاوراق

هما بيكونو عزوين خبرة فى الوظائف دى وهل لو عوزين خبرة هل خبرة كبيرة

فعلا يا جماعة الاعلان نازل في جريدة اهرام الجمعة وروحت يوم الاثنين الشركة في ش مصدق وسلمت السي في وهيتصلوا بالناس بعد مدة الاعلان تخلص وهي اسبوعين
بس عاوزين نعرف نظام الشغل في قسم خدمة العملاء والمرتبات وكدا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا جبتلكم الاعلان زى ماهو موجود يا شباب ويمكن ظروف الشغل دا
زى ما حكاها زميلنا هنا تكون مش مناسبه ليه علشان كدا سابها
بس ممكن تكون مناسبه لحد تانى وال800 جنيه كويسين مش وحشين لموظفين الاستقبال
والسكرتاريه وغيرهم احنا بندور على شغل بالعافيه ومش لاقيين
وكمان النوع دا من الوظايف مبيعلنوش عن المرتبات للناس اللى بتسال
المرتب كام ؟ انا بصراحه لو كنت قريبه للشغل دا كنت هقدم كفايا
انهم هيرحمونى من خنقه المواصلات دى لوحدها بمليون جنيه

جميل جد ا وشكرا علي موضوع هايل ده بس هما لو اتصصلوا بيك حيشغلوك علي طول ولا فيه بعد كده انترفيو واختبارات ذكاء ولغه والذي منه