الموضوع: شركة الحفر المصرية؟؟؟؟؟؟؟؟

حسبي الله ونعم الوكيل في الشركه واللي فيها انا اعمل في الشركه منذعامين في جهاز 49 ومنذ اواخر شهر 1/2009 انتهي عقد البريمه مع شركة بلاعيم للبترول ومنذ ذلك التاريخ وانا وباقي زملائي عاطلون بحجة وجود عقد جديد للبريمه يبدأ في 1/5/2009 مع شركة جابكو واللي يضحك ان الشركه قامت بارسال خطابات بالفصل للغالبيه بسبب انتهاء العقد القديم بين الشركة (البريمه) و بلاعيم للبترول وقد اخبرنا المسؤلين بأن ليس لتلك الخطابات اية قيمه علي ضوء توقيع العقد الجديد مع جابكو وفي كل يوم نسمع كلام مختلف مره هانشتغل في نص 4 ومره اول 5 ومره هانرجع الي بلاعيم تاني ومره مش هانشتغل خالص ومره هانمشي من الشركه خالص

ربنا معاكم ان شاء الله وترجعوا تشتغلوا

ياريت ياجماعة اللى يعرف حاجة عن اخبار الشركة يكتب ويقول اى حاجة هنا اى حاجة

ايلى اعرفة ان شركات البرتول حاليا بتسرح الموظفين ايلى عندها
وبتتفنن فى الاساليب ايلى منها تقدر تمشى الناس
حضرتك دى سياسة,,شركات البترول الكبيرة زى هاليبرتون وشلامبر جير وويزرفورد
بتعمل فحوصات طبية للعاملين فيها وايلى بيثبتلة انه بيتناول مخدرات او صحتة فيها حاجة بتمشية على طول,,وكل دة عشان الازمة الاقتصادية

سبها لله ربنا على الطالم والمفترى ان شاء الله البد دى هتخرب من الظلم الاى فيها

انا نفس حالتك ولكن مع اختلاف ان انا لسه ما اشتغلتش انا ليه واحد صحبى شغال فى بتروجت بعقد ولما عقده قرب ينتهى قالى هات ورقك علشان يتعملك عقد معاه بس فى شركه تانيه وهى شركه جى اس الكوريه وانا طبعا لسه متخرج دور مايو 2008 من كليه التجاره المهم مضيت العقد فى شهر عشره 2008 يوم تسعه والى الان ماشتغلتش فى المشروع اللى انا ماضى فيه ولا انا ولا هو ومع العلم انهم ضيعوا عليا فرص كتير فى الشغل وكنت برفض على اساس ان وقت الشغل قرب والمشروع اللى انا فيه فى ليبيا وهما معاهم كل حاجه حتى البسبور علشان التأشيره انا مش عارف اعمل ايه اخد الورق والغى العقد ولا ااستنى انا عاوزك تقترح عليااعمل ايه بأعتبارك شغال فى شركه بترول

يا جماعه الصبر شويه المهندس اليكس والمهندس اسامه
قالوا اليومين دول العمليه صعبه ولكن الظروف لما تتحسن ان شاء الله كل واحد يرجع لمكانه شركه الحفر دي شركه كويسه وشكرا

اي حد يا جماعه يعرف اي شئ عن شركات الاستكشاف ياريت يفيدنا
ياريت حد يتكلم عن شركات الاستكشاف يعني من ناحيه المرتب وكمان نظام شغل الاستكشاف
يعني اي معلومات عن الناس الي بتشتغل في الاستكشاف

الكلام الجديد ان الشركة هتصفى على اخر السنه والشريك الاجنبى هيمشى حد عنده معلومات تانيه اللى يعرف حاجة يقول ولكم جزيل الشكر

الشركة هتعمل اجتماع يوم الاحد 10\5 علشان تقرر تصرف للعاملين حقوقهم

المشاركة الأصلية كتبت بواسطة اللاهونى

انا نفس حالتك ولكن مع اختلاف ان انا لسه ما اشتغلتش انا ليه واحد صحبى شغال فى بتروجت بعقد ولما عقده قرب ينتهى قالى هات ورقك علشان يتعملك عقد معاه بس فى شركه تانيه وهى شركه جى اس الكوريه وانا طبعا لسه متخرج دور مايو 2008 من كليه التجاره المهم مضيت العقد فى شهر عشره 2008 يوم تسعه والى الان ماشتغلتش فى المشروع اللى انا ماضى فيه ولا انا ولا هو ومع العلم انهم ضيعوا عليا فرص كتير فى الشغل وكنت برفض على اساس ان وقت الشغل قرب والمشروع اللى انا فيه فى ليبيا وهما معاهم كل حاجه حتى البسبور علشان التأشيره انا مش عارف اعمل ايه اخد الورق والغى العقد ولا ااستنى انا عاوزك تقترح عليااعمل ايه بأعتبارك شغال فى شركه بترول

عزيزى
ممكن اعرف منك اكتر عن الموضوع دة لانى فى نفس الحفرة ورقى وباسبورى متاخدين ومافيش معاد لحد الان ممكن تدينى الجديد ميعاد او اخبار عملت انترفيو كشف طبى

آخر الأخبار عن الحفر المصرية ان النهاردة كان في اعتصام للعاملين الذين تم فصلهم تعسفيا للمطالبة بحقوقهم لدى الشركة و قام المعتصمون بسد الطريق المؤدي من والي بوابتي الشركة(الرئيسية الخاصة بالمخازن والادارة والفرعية الخاصة بالورش) و ذلك في موعد خروج العاملين (الساعة 3.15) و تواجدت قوة من الشرطة بعد حوالي ربع ساعة و قامت بتحرير محضر ذكر فيه المعتصمون طلباتهم. أما بخصوص اجهزة الحفر المتوقفة عن العمل عموما و 49 خصوصا فلا جديد و أي كلام عن عقود جديدة هو مجرد تكهنات و استباق للاحداث لأنه حتى الان لم تدخل اي بريمة متوقفة عن العمل عقد جديد سوى جهاز 94 فقط.. و سياسة الشركة المعلنة الخاصة بالأجهزة المتوقفة عن العمل هو الأبقاء على ما الصف الأول للبريمة Senior Staff فقط.. و ربنا يسترها مع الناس كلها.

المشاركة الأصلية كتبت بواسطة sieeemens

آخر الأخبار عن الحفر المصرية ان النهاردة كان في اعتصام للعاملين الذين تم فصلهم تعسفيا للمطالبة بحقوقهم لدى الشركة و قام المعتصمون بسد الطريق المؤدي من والي بوابتي الشركة(الرئيسية الخاصة بالمخازن والادارة والفرعية الخاصة بالورش) و ذلك في موعد خروج العاملين (الساعة 3.15) و تواجدت قوة من الشرطة بعد حوالي ربع ساعة و قامت بتحرير محضر ذكر فيه المعتصمون طلباتهم. أما بخصوص اجهزة الحفر المتوقفة عن العمل عموما و 49 خصوصا فلا جديد و أي كلام عن عقود جديدة هو مجرد تكهنات و استباق للاحداث لأنه حتى الان لم تدخل اي بريمة متوقفة عن العمل عقد جديد سوى جهاز 94 فقط.. و سياسة الشركة المعلنة الخاصة بالأجهزة المتوقفة عن العمل هو الأبقاء على ما الصف الأول للبريمة senior staff فقط.. و ربنا يسترها مع الناس كلها.

ياريت لو تعرف اى حاجة تانية ترد علينا ولكم جزيل الشكر

يا جماعه اشمعنا شركه الحفر المصريه هي الي بتسرح العماله
سدقوني فيه ناس لسه متعينه في شركات بترول خلال الايام الي فاتت
وفي ظل الازمه العالميه ومع ذلك اشتغلوا
يا جماعه ايه السبب الي يخلي شركه زي االحفر المصريه تفصل عمال
عايز اعرف السبب
وبعدين الشركات التانيه لسه شغالين اشمعنا الحفر
اريد تفصيلا كاملا عن شغل شركات الاستكشاف واريد الراتب كام لو حد اشتغل في شركه استكشاف انا بكالوريوس تجاره
اريد معلومات عن شغل واختصاصات شركات الاستكشاف و مميزاتها
اريد كل مايتعقل بالاستكشاف
افيدونا يرحمكم الله
افيدونا

حد يرد علي الموضوع ده