الموضوع: كريم فولدكـس + كريم توب فور

السلام عليكم

ازيك يا دكتور احمد totti10it

اخبارك ايه

انا كان ليا استفسار صغير
عايز اعرف الحاجات دى مفيده فى مجالها
وله ليها اضرار وغير مجديه

كريم فولدكـس
كريم توب فور

وهل هى متوفره بجميع الصيدليات
ام تتوافر بصيدليات بعينها


وبشكر دكتور احمد وكل مشرفيين القسم

السلام عليكم

اولا
انا اسف جدا لتأخرى فى الرد أنى امبارح كنت مشغول جدا فى امور شخصية كده


ثانيا

فولدكس كريم ده بتاع تفتيح ب36 جنيه
لكن الحقيقفة انا ماجبتوش عندى قبل كده ومش عارف تركيبه ايه بالظبط

لو حد من الزملا هنا احتك بيه هو ممكن يفيدك اكتر

ثالثا
التوب فور طبعا معروف و موجود فى كل صيدلية

وهو تركيبة عبارة عن
1- بيتاميثازون : ده طبعا كورتيكوستيرويد معروف انه مضاد للإلتهابات و الحساسية
2- جنتاميسين : ماد حيوى قاتل للبكتريا
3- تولنفتات : مضاد للفطريات
4- ايودوهيدروكسى كينولين : مضاد للبكتريا و الكانديدا

مشكال التوب 4 بتظهر فى بعض الحالات

1- الاستعمال لفترة طويلة
2- الاستعمال بكميات كبيرة او دهان لمساحة واسعن من الجلد
3- فى حالات الرضع و الاطفال

و المشاكل دى اهمها
1- البيتاميثازون : بيعمل تثبيط لافرازات الغدة الكظرية لو تم امتاصاص جرعة كبيرة منه و دخولها للدم
2-كمان ممكن يعمل ارتفاع فى ضغط الدم خصوصا للأطفال
3- ممكن البيتاميثازون لو دخل الدم يفرز مع لبن الام المرضعة

4- استعمال مضاد حيوى ( الجنتاميسين 9 لفترة طويلة ممكن يؤدى الى نمو انواع من البكتريا مقاومة للمضاد الحيوى المستخدم

الله عليك يا دكتور وعلى ردودك الجامده دى
اللى متعود عليها من قسم الهاردوير
متميز فى كل الاقسام ماشاء الله

بالنسبه لتأخيرك فى الرد
عادى يا دكتور ولا يهمك
انا قولت انا شكلى كده كتب الموضوع
فى يوم اجازة صيدلية المنتدى ههههههه
هى ملهاش نفس تاخدلها يوم اجازه هى كمان وله ايه

طب يا دكتور هو ينفع الاتنين يستخدموا مع بعض
ولو فى حالة حمل مثلا
مش مستحسن الاستخدام

ياريت يا دكتور تجاوبنى الى النقطتين دول

1- ازاى الاتنين نستخدمهم مع بعض
2- لو فى حالة حمل هيبقى فى اثار جانبيه
وله مافيش علاقه بين الاستخدام والحمل


على فكره انا مكسل اروح لدكتور وعندنا الدكتور احمد بالمنتدى
ويا عالم يمكن الدكتور اللى اروحله ده يكون على اده وله حاجه

فدكتور احمد اهوه مضمون

وبالمره الواحد يوفر ال 15 جنيه اللى كنت هدفعه فى مركز رابعه
تمن الكشف
هههههههههه


جزاك الله كل خير يا دكتور

لا ياحبيبى
بلاش استعمال مع الحمل

طالما فى حمل يبقى تستحمل شوية

قصدى على صاحبة الحمل يعنى هى اللى تستحمل شوية

و بعد عن ادوية اداوية الا للضرورة فقط و تحت اشراف طبيب النسا اللى متابعه معاه او معاها

ماشى كلام الدكتور هستحمل شويه
قصدى يعنى اللى تبعى وسألتنى السؤال ده
هتستحمل شويه

______________________


حاجه مهمه جدااااااااااا يا دكتور
وخاصه بيا انا المره دى

انا عايز اروح للدكتور علشان يكتبلى على
حبوب منومه

لانى عندى حاله غريبه
لما بيبقى عندى اى مشوار مهم الصبح مثلا
مش بعرف انام قبله خالص
بيبقى عندى ارق وبفضل طول الليل افكر فى الموضوع
اللى هعمله الصبح

فعايزك يا دكتور ترشحلى افضل حبوب اخدها لما الحاله دى تكون عندى
علشان اقولها للدكتور ويكتبهالى فى الروشته واقدر اجبها من الصيدليه بدون مشاكل

والحمدلله اطمن الواحد مش بيعانى من اى مشاكل صحيه نهائى
يعنى الحبوب اللى هتكتبلى اسمها
انشاء الله مش هيبقى ليها اى اثار جانبيه

تاعبك معايا والله يا دكتور

ايه يا عم اللى انت بتقوله

انا اقول لك على دوا علشان تخلى الدكتور يكتبهولك فى الروشتة؟؟؟!!!!!!!





امال يبقى انت تروح له ليه بقى؟

المشاركة الأصلية كتبت بواسطة totti10it

ايه يا عم اللى انت بتقوله

انا اقول لك على دوا علشان تخلى الدكتور يكتبهولك فى الروشتة؟؟؟!!!!!!!





امال يبقى انت تروح له ليه بقى؟

يا سلام

انت مثلا يا دكتور قولتلى على اسم دوا حلو
وانا بثق فى كلامك طبعا

فهروح واقوله اكتبلى الدوا ده فى الروشته يا دكتور
علشان ده دوا كويس
وهكمل واقوله
وطبعاى زى مانت عارف مش بيردوا يصرفوا الحبوب المنومه
الا بروشته

بس كده وهيكتبه عادى
وهصرفه عادى

ايه يا دكتور هى الصيدليه عملت اضراب تانى علشان مصلحة الضرايب
وقافله
_____________

بقولك ايه يا دكتور ايه رأيك فى

زانكس Xanax

معلش يا دكتور
عايز رأيك فى دول كمان

Temazepam // Loprazolam // Bromazepam



Propranolol

Oxprenolol

معلش معلش معلش

ايه يا عم انت هتودينا فى داهية كده

الحاجات دى مش بتتصرف الا بروشتات

و كمان لازم يكون دكتور اللى كاتبهالك

مش بتتصرف بالمزاج كده

و بعدين انت عايز الحاجات دى ليه؟؟
ايه شوية قلق عاديين و مؤقتين
مش مستاهلين انك تقلب الدنيا كده


اتقل شوية

المشاركة الأصلية كتبت بواسطة totti10it

ايه يا عم انت هتودينا فى داهية كده

الحاجات دى مش بتتصرف الا بروشتات

و كمان لازم يكون دكتور اللى كاتبهالك

مش بتتصرف بالمزاج كده

و بعدين انت عايز الحاجات دى ليه؟؟
ايه شوية قلق عاديين و مؤقتين
مش مستاهلين انك تقلب الدنيا كده


اتقل شوية

ايوه عارف انها مش بتتصرف غير بروشته

مانا هروح للدكتور اقوله ايه رأيك فى زانكس مثلا لحالتى يا دكتور
لول قالى كويس خلاص

فانا كنت عايز اسم حاجه اخد رأى الدكتور فيها
لو قالى كويسه خلاص هيكتبهالى لو قالى مش محتاجها
خلاص هجيب اللى هيكتبهولى


انا هاخد رأيه فى الزانكس ده
وعلى فكره اللى قايلى على الزانكس
دكتور برضه بس دكتور فى الامتياز
بس بيهم كويس جدا فى الادويه
وبيجيب امتياز علطول فى الكليه

انااول مره ابعت سؤال عندكوا بس ياريت لو حد يعرف هل كريم فولدكس لتفتيح بشره الوجه كويس ولا لا؟ وصابونه azoلحب الشباب كويسه بردوا ولا لآ؟ ارجو الرد في اقرب وقت

انتو هناولا

ارجو الرد بسرعه

المشاركة الأصلية كتبت بواسطة !!{V.I.R.U.S}!!

ارجو الرد بسرعه

هوهن انا موش فاهم يا سيدى الفاضل ، الموضوع قديم ، ايه اللي مخلي حضرتك بتشارك فيه ، و حاجة تانية حضرتك عاوزنا نرد على ايه ؟؟
حضرتك ما سألتش ، لو الكلام على الفولدكس انا اجيبلك تركيبته

شوف حضرتك انتا عاوز ايه و انا تحت امرك

سلام