الموضوع: ازاي اشغل الانترنت على الايفون !!!

السلام عليكم يا شباب
انا عاوز اعرف ازاي اشغل الانترنت على الايفون عن طريق شبكة الاتصالات او السيم كارد.
انا بروح على settings, general, network والفروض هناك الاقي قايمة اسمها cellular data network عشان اضيف فيها اعدادت الانترنت لكنها مش موجودة, انا بحثت على جوجل وجربت برنامج apn editing لكنه ما بيتسطبش لانه معمول للفيروم وير 2.1 وانا على 3.1.2.
ممكن حد يساعدني ؟
وسؤال كمان لو سمحتوا, انا كنت اشتريت الايفون مستعمل من واحد. هل لما بتيجوا تشحنوا الايفون ثري جي بتاعكوا ظهروا بيسخن او بيدفي شوية ؟ وهل مع الاستخدام على الواي فاي او على البرامج بيسخن بردوا؟
ياريت تفيدوني عشان انا قلقان شوية .
منتظر ردودكوا يا شباب.

عليك وعلى الدكتور طه (مشرف القسم)
هو عامل موضوع هنا في المنتدى بيشرح القصة دي بس لفودافون
انت خطك ايه؟
دور بس في المنتدى وهتلاقي الحل إن شاء الله

انا كنت فاكر اني شوفت الموضوع دا وكان تقريبا نتثبت بس مش لاقيه دلوقتي وخاصية البحث في الديفدي تعبانة, طب حد يجاوبني على موضوع السخونة ده.

السلام عليكم:
خد يا سيدي دة رابط موضوع ممكن يفيدك
الان ضبط اعدادات الانترنت والـ Mms للفيرجن 3
بالنسبة للحرارةالايفون عادة معايا بيسخن من ورا من كتر الاستخدام في البرامج والواي فاي والثري جي بس بدرجات متفاوتة ومتقلقش من السخونة دة موضوع عادي والتليفون متصمم يستحمل حرارة عاليةو لما بيوصل لدرجة حرارة خطرة بيبطل شغل لوحده وبيطلعلك على الشاشة تحذير (رسمة مثلث) ويقولك ان الحرارة عالية ولابد من التبريد ويظهرلك السلايد بار بتاعه وعليه رسالة بتقول تقريبا(Slide for Emergency Call)وبتتغير للغات كتيرة عشان تستعمل التليفون في مكالمات الطوارئ بس ولما بيبرد بيرجع يشتغل لوحده.

أنا فاكر مرة نسيت التليفون على تابلوه العربية والزجاج كله مقفول والتليفون لونه أسود والتابلوه أسود وكان الكلام دة الساعة الثانية ظهرا في شهر أغسطس في مدينة جدة(وما أدراك ما جدة في أغسطس) لمدة ساعة إلا ربع وكنت راكن في الشمس والجو شديد الحرارة جدا (حوالي 48 درجة) ولما رجعت للعربية لقيت الرسالة والتحذير اللي قلتلك عليه ولما جيت امسك التليفون اتلسعت في ايدي بدون مبالغة بس لما برد اشتغل ومحصلش فيه اي مشلكة بسبب الحرارة

فى موضوع انا كنت عامله لتشغيل الأنترنت ممكن يفيدك من هنا

انا شاكر جدا جدا جدا ليكوا يا شباب, وربنا يوفقوا.