الموضوع: مقارنة بين اللحمه المجمدة والمجففة (بسطرمه)واللحمة البلدي والتونة المعلبه ؟؟؟

هو سؤال محيرني بصراحه وحبيت اعرف اجابته قبل ما أطرد من المنتدي ___
في ناس بتقولك ان اللحمه البلدي مفيده وأفيد من المستورده طب هل المستورده دي مفهاش بروتين خالص؟؟ بمعني اني لو جبت نص كيلو كبده ب 7 جنيه مثلا وأكلتها ؟ حيبأه كأني مغذيتش جسمي ب بروتين خالص؟؟ انا ال اعرفه ان دي لحمه ودي لحمه اه جايز واحده تكون بقالها فترات كبيره جدا وهي مجمده عشان كده رخيصه بس اشمعنا بأه التونة بيقولو عليها مفيدة برغم أنها برضو بتتحط ف مواد حافظه وتتفتح بعد كذا شهر يعني مش طازة و اشمعنا البسطرمه برغم انها لحمه مجففه وبتتحط فالشمس عشان تتصنع والدبان يتلم عليها بأه وبرغم كل هذا يجي واحد يقولك البسطرمه دي غنية بالبروتين ده حتي كيلو منها ب60 جنيه _ ال أنا عاوز أوصله للناس هو هل اللحوم المجمده والفراخ والاسماك المجمده هل دول مفهموش فايده خااااالص ومفهاش نسبه بروتين نهائيا ؟؟ اصل لو فيها الواحد يقضيها لحمه وسمك كل يوم ارخص وافيد من المكملات بكتير _ده طبعا اقصد المجمده مش البلدي _ ارجو الرد وشكر

اكيد طبعا اللحوم المجمد فيها بروتينات بس الفكرة ان الانسان لما بياكل لحمة الجسم بيمتص البروتين الموجود فيها بنسبة 60%

انما المكملات الغذائية زى الواى بروتين سهل الامتصاص يعنى اكل مهضوم وجاهز بالنسبة للجسم يعنى وطبعا ان فى بروتينات غير بنائة للعضل زى البروتين ال فى الفول الصويا غير بناء للعضل الا بنسبة صغيرة جدا انما الواى بروتين فية 32 جرام بروتين فى الاسكوب الواحد بناء للعضلات

انت لو وصلت في اليوم ب 4000 سعر حراري او اكتر من احتياجاتك من السرعات الحرارية في فترة الضخامة مش محتاج المكمل في حاجة
بس اكل صحي مش عك علشان ميرميش معاك دهون كتير
يعني هيكونوا 6 وجبات بعد رمضان
من تونة وبياض البيض وارز او مكرونة او بطاطاس مسلوقة ولبن خالي الدسم اساسي وممكن لحمة او صدور فراخ
هتلاقي نفسك عديت سرعاتك الحراية واكلك مضبوط يبقا مفش شك انك بتضخم صح
غير كدة والله العظيم في ناس عاملة اجسام جامد من الاكل
المشكلة في فترة التنشيف بتكون محتاج 50 جرام بروتين بعد التمرين ودي صعب تجيبها من الاكل شوية بس والله في ناس بتظبطها بشوية بروتين علي شوية دهون مفيدة واهي الحكاية ماشية
بالتوفيق

عايز بس اضيف حاجة صغيرة .. هو كلامك على ان اللحمة المستوردة بتبقى رخيصة .. هى رخيصة فعلا بس مش عشان مجمدة و كدة .. لا .. يعنى مثلا دول اروبا و اسيا و امريكا نادر جدا لما بياكلو كبدة ..بيخافوا منها اوى و بيعتقدوا ان الكبد مصفى سموم الجسم فبيبعدوا عنها ..فبيرموها او بيصدروها برخص التراب .. بس سيبكم منهم دول عالم سيس هههههههههه احنا معدتنا تاكل الزلط ..و لو مثلا اللحمة الصومالى او البرازيلى الكيلو ب15 جنيه ده عشان مش بيصرفوا عليها فى تربيتها .الدول دى عندهم مراعى حشائش طبيعية زى السافانا .. ف مش بيتكلفوا تماما ...
يعنى كبدة مستوردة او لحمة صومالى و برازيلى دوس باحتك .. لكن ابعد عن المصنوع زى البرجر و الكفتة و الحاجات دى بيبقوا ضايفين حاجات الله اعلم بيها و كلو فى الفرامة ..
ربنا معاك

بس سيبكم منهم دول عالم سيس هههههههههه احنا معدتنا تاكل الزلط

ههههههههههههه والله عندك حق عالم فرافير بسهيا لو علي الزلط بس تهون

بص هى كلها لحمة سواء مصرى او مستورد كلها لحمه وكلها الياف فيها نسبة بروتين عاليه
كيلو اللحمة فيه 60 % ماء او مبمعنى اصح Drip يعنى سائل منفصل عبارة عن املاح وفيتامينات وبروتينات ذائبة فى الماء
كيلو البسطرمة غالى لا كيلو البسطرمه عبارة عن لحمه بيتم تسويتها هوائيا يعنى بدون ما النار تلمسها لحد ما تجف تماما من الرطوبه الموجوده فيها فلو جبت كيلو لحمه تمنه50 جنيه وعايز تعمله بسطرمة هيصفى على 400 جرام بالكتير اوى والبسطرمة اصلا بيكون فيها البروتين عشان كده نسبته عاليه وكمان بيكون افضل قطع لحم فى الذبيحة اللى بيتم تصنيعها ما ينفعش تكون حتت نصف نصف لا لازم تكون حتت من العروق زى ما بيقولوا الجزارين موز هههههههه وما يكونش فيها اى دهون اطلاقا علشان كده غاليه
المستورد البرازيلى رخيص لسبب صغير اوى ان هناك الفقير اكله هو اللحمة زى ما الفقير هنا اكله العيش الحاف مزارع السافانا والاعشاب حاجة ربانى وعلى مساحات خيالية ولذلك التربيه هناك سهلة جدا ورخيصة جدا

استراليا بردو دعت ان الدول تاخد من عندها لحوم كانجرو لان الاعداد زادت عندها جدا ...

ما تيجو نقعدلنا شهرين تلاته فى البلاد اللى بتوزع اللحمة دى يا رجالة هههههههههههههههههههههههه

شايف الخير هناك عامل ازاى واحنا هنا عاملين ازاى مع ان عندنا مساحات بالعبيط لكن نقول ايه على راى عمرو دياب واصلين لدرجه تخلف محدش فى الدنيا وصلها ههههههه

واذا ضاقت فنجوى دعائى حسبى الله ونعم الوكيل

اخوية درع انا هاجي معاك يا عم اكلي جاموسة كد ولة حاجة وعندك حق والله يا باهر واصلين لدرجة تخلف مفيش حد وصلها

البسطرمة مش محبذة هى صحيح عنية بالبروتين لكن نسبة الصوديوم فيها عالية جدا

اشطه يا رجاله يعني اقضيها لحمه من ام 16ج __وكبده متلجه>من ام 12 ج وتونة من ام 4 ج ؟؟؟ وافوكني من المنشطات ولا مش ححصل من اللحمه دي ع احتياجي اليومي من البروتين ؟

اضرب يا وحش بالتوفيق بس متنساش اخواتك فى القسم (:

اى حاجه احسن وافيد من المنشطات والهرمونات على الاقل مش هتجبلك جينو و حاجه

__ هل تعلم انك بدل متجيب علبه واي بروتين ب 500 جنيه تقدر تشتري ستين كيلو كبده من ام عشره جنيه بس الله اعلم بأه تطلع كبده كلاب تأكلها وتهوهو ولا كبده قططه تأكلها وتنو نو وجايز حظك يكون حلو و تطلع حمير تأكلها وتنعر ولا حصان وكل ورافص _اهو كله من عائلة البروتين_ انا نفسي ازيد عشره كيلو بس _بنسبه للاحصنة ياجماعه ساعات بشوف حصان بيبأه معضل وكله عضلات ولا ارنولد ف شبابه ماشأ الله هو ياتري بياخد منشطات ولا طبيعي كده؟ مع انه مبيأكلش بروتين ده بيأكل برسيم

المشاركة الأصلية كتبت بواسطة mr_lonely2006

عايز بس اضيف حاجة صغيرة .. هو كلامك على ان اللحمة المستوردة بتبقى رخيصة .. هى رخيصة فعلا بس مش عشان مجمدة و كدة .. لا .. يعنى مثلا دول اروبا و اسيا و امريكا نادر جدا لما بياكلو كبدة ..بيخافوا منها اوى و بيعتقدوا ان الكبد مصفى سموم الجسم فبيبعدوا عنها ..فبيرموها او بيصدروها برخص التراب .. بس سيبكم منهم دول عالم سيس هههههههههه احنا معدتنا تاكل الزلط ..و لو مثلا اللحمة الصومالى او البرازيلى الكيلو ب15 جنيه ده عشان مش بيصرفوا عليها فى تربيتها .الدول دى عندهم مراعى حشائش طبيعية زى السافانا .. ف مش بيتكلفوا تماما ...
يعنى كبدة مستوردة او لحمة صومالى و برازيلى دوس باحتك .. لكن ابعد عن المصنوع زى البرجر و الكفتة و الحاجات دى بيبقوا ضايفين حاجات الله اعلم بيها و كلو فى الفرامة ..
ربنا معاك

ههههههههههههههههههههههههههه فعلا عالم سييييييييس
و كلامك كله ما شاء الله منطقي

اللحمه المجمده مش حلوه خالص وابعد عنها احسن
اولا مدبوحه بطريقه غير مطابقه للشريعه وده لوحده كفايه انك متكلهاش , ثانيا طرق نقلها وتخيزنها سيئه جدا وبتعرضها للمكروبات والتعفن , ثالثا فيادتها تاكد تكون معدومه لانها ممكن تقعد شهور من لما تتبدح لحد متوصلك
مفيش احسن من اللحمه البلدى الطازه ولحمة الفراخ والسمك