معندكش نت , النت فصل , محتاج نت ضروري ! معاك موبايل نوكيا و خط فودافون ؟.. أدخل حالاً [الأرشيف] - موقع الدي في دي العربي

مشاهدة النسخة كاملة : معندكش نت , النت فصل , محتاج نت ضروري ! معاك موبايل نوكيا و خط فودافون ؟.. أدخل حالاً

Eng.3mrlizm

21-05-2008, 09:20 AM

http://www3.0zz0.com/2008/05/21/04/732196645.gif
السلام عليكم و رحمة الله و بركاته

أكيد و انت بتقرأ إسم الموضوع .. لم تكون فكرة كاملة عن محتوي الموضوع

مش هطول في الكلام

و ندخل في الموضوع علطول

تعمل إيه إذا انت شغال و النت فصل أثناء حاجة مهمة !!
شغال Dial Up و فاتورتك ملهلبة !؟
معندكش نت .. و مش عاوز تشترك عشان إستخدامك محدود .. بس أوقات بتحتاج وجود نت ؟؟

طيب معاك تليفون نوكيا و أي خط تليفون شغال فيه خدمة الواب ؟

إذا كان الجواب : نعم

إن شاء الله هتاخد نت من الموبايل للكمبيوتر و هتستفيد إن شاء الله من الموضوع ده

اذا انت من الناس اللي بتعاني من الحالة الأولي .. يبقي الموضوع هيسعفك إن شاء الله
و اذا من الناس اللي في الحالة الثانية .. يبقي إن شاء الله هتترحم كتير
اذا انت من الحالة الثالثة .. يبقي إن شاء الله الموضوع هيعجبك

ملخص الموضوع

* شرط وجود هاتف نوكيا و ** أي خط محمول مفعلة به خدمة الواب

* إخترت نوكيا عشان مجربتش أنواع أخري لكن الموضوع إن شاء الله ينفع مع أنواع أخري (و خاصة سامسونج) لكن لا أعلم الطريقة
** بالنسبة للخط اللي سيتم الشرح عليه بإذن الله .. فودافون

هــــا م

مع العلم .. أن الخدمة ستكون مدفوعة الأجر في الشبكات الأخري ( Mobinil و Etisalat ) أما في فودافون لوجود عرض أو ما شابه ذلك
لذلك تكون الخدمة مجاناً

أو علي حسب وجود عروض من هذه الشركات .. و سيتم مناقشة هذه النقطة تفصيلاً إن شاء الله في نهاية الموضوع .. فيرجي المتابعة

أولاً متطلبات الهاتف
*هاتف نوكيا , **خط محمول , كابل USB
* سيتم الشرح علي N73
** سيتم الشرح علي خط فودافون

ثانياً متطلبات الكمبيوتر
برنامج PC Suite

- - - - - - - - - - -

لتسهيل الشرح و إجراءه بسرعة

سيتم تلوين عناوين الخطوات المجراة علي الهاتف باللونالأحمر و عناوين الخطوات المجراة علي الكمبيوتر باللون الأزرق

- - - - - - - - - - -

نبدء الشرح

بسم الله الرحمن الرحيم

أولاً : التأكد من تشغيل خدمة الواب علي الخط

لعملاء فودافون :
الإتصال بخدمة العملاء من المحمول 888
و من أي خط أرض 16888
لعملاء إتصالات :
من المحمول 333
لعملاء موبينيل :
من المحمول 110
من أي خط أرضي 16110

ستقوم بطلب إعدادات الإنترنت (WAP)
إتبع تعليمات ممثلي خدمة العملاء
و أهم نقطة في الخطوة دي .. غلق التليفون و فتحه بعد إنتهاء الإعداد

بعد ( إعادة التشغيل )

ثانياً : التأكد من وجود نقاط الوصول Access Points في الهاتف

كما ذكرت سابقاً سيتم الشرح علي *هاتف N73 و **خط فودافون
* معظم هواتف نوكيا .. الطريقة شبيهة للغاية** نفس الخطوات تقريباً

إفتح القائمة الرئيسية
Menu --> Tools --> Settings --> Connection --> Access Points
http://www3.0zz0.com/2008/05/21/05/457519569.gif
و تتأكد من وجود أكسس بوينت بإسم
Vodafone WAP*
* في حالة خطوط أخري .. يتم إختيار المناظر لها Ex. Etisalat WAP

( خطوة تأكيدية )

يتم الذهاب إلي Menu --> Internet --> Web

http://www3.0zz0.com/2008/05/21/05/647063172.gif

إفتح Options --> Settings --> Access Point

و التأكد من أن نقطة الوصول الإفتراضية هي Vodafone WAP

http://www3.0zz0.com/2008/05/21/05/570434382.gif

ثالثاً : تستيب Nokia PC Suite و التأكد من تعريف التليفون علي الكمبيوتر بعد تستيب Nokia PC Suite

http://www3.0zz0.com/2008/05/21/05/395810333.jpg

رابعاً : شبك الهاتف بالكمبيوتر عن طريق وصلة USB الخاصة به

و إختيار الوضع PC Suite طبعاً

http://www3.0zz0.com/2008/05/21/05/646609676.jpg

خامساً : ضبط برنامج Nokia PC Suite ليتمكن من إستعمال الهاتف كمودم إنترنت
http://www3.0zz0.com/2008/05/21/05/970926638.jpg

http://www3.0zz0.com/2008/05/21/05/472361186.jpg
و يتم إختيار Connect to the Internet

http://www3.0zz0.com/2008/05/21/05/646309287.jpg

سوف تظهر هذه الشاشة .. يتم الضغط علي Settings و إتباع الصور

http://www3.0zz0.com/2008/05/21/05/981481174.jpg

http://www3.0zz0.com/2008/05/21/05/208190810.jpg

http://www3.0zz0.com/2008/05/21/05/168920281.jpg

http://www3.0zz0.com/2008/05/21/05/145903097.jpg

في حالة Mobinil

http://www3.0zz0.com/2008/05/21/05/940591424.jpg

في حالة إتصالات .. سيتم إن شاء الله حل مشكلة عدم تواجدها بالقائمة عن طريق بيانات نقطة الإتصال
ثم الضغط علي Finish

- - - - - - -

المرحلة النهائية

1 - التأكد من وجود تغطية

2 - الإتصال النهائي :
أ) غلق الإتصال الحالي (كابل أو دايل أب ) سواء بالفصل أو Disable
ب) إجراء الإتصال عبر المودم بالضغط Connect

http://www3.0zz0.com/2008/05/21/06/765817680.jpg

يتم الإتصال و التأكد من عمله بظهور هذه الشاشة

http://www3.0zz0.com/2008/05/21/06/573814322.jpg

الحمد لله تم الإتصال

و تستطيع الآن من خلال الكمبيوتر إجراء كافة العمليات التي تحتاج إنترنت , ذلك عبر الإنترنت المقدم من مزود الخدمة الخاص بجوالك

و مثال للداونلود من خلال هذا الإتصال

http://www3.0zz0.com/2008/05/21/06/557565467.jpg

و أستحلفكم بالله تدعوللي بالنجاح نضيف هذا العام

Eslαm

21-05-2008, 09:26 AM

الف شكر لك يا اخي علي الموضوع الرائع دا

وفي انتظار المزيد من مواضيعك المميزة

Eng.3mrlizm

21-05-2008, 09:49 AM

فيديو يؤكد الإتصال هــنــا (http://www.youtube.com/watch?v=nKfDWRfS2mQ)
- - - - -
ملحوظة : سيتم مناقشة مجانية الخدمة من عدمها في الشركات الثلاثة تباعاً و عدم الحكم السيئ علي الموضوع .. لأنه مجرب بنسبة 100 %

و كان مجانياً 100 % علي خط فودافون منتهي الرصيد .. ( الذي تم الشرح عليه )
- - - - -
ملخص ما وصلت اليه بشأن تكاليف الخدمة او مجانيتها

Vodafone .. إذا كان في خطك رصيد أكبر من 6 جنيهات سيتم محاسبتك .. لذلك لابد أن يكون الرصيد أقل من ذلك و يستحسن إستعمال خط رصيده منتهي

و هذه و الله أعلم علي حسب كلام البعض إن الشبكة بها ثغرة تسمح بمجانية النت مع إنعدام الرصيد

مع العلم انها مجربة من اعداد كبيرة من المشتركين .. و لكن التجربة علي الهواتف النقالة

أما جديد هذا الموضوع .. هو إستغلال إنترنت الموبايل كمصدر إنترنت للكمبيوتر

يمكنك قراءة هذه المواضيع لمعرفة المزيد و فهم المضمون
موضوع 1 (http://www.dvd4arab.com/showthread.php?t=933181).. موضوع 2 (http://www.dvd4arab.com/showthread.php?t=933132).. موضوع 3 (http://www.dvd4arab.com/showthread.php?t=942014)

Etisalat .. تتم فيها المحاسبة كالآتي :
جنيه واحد يومياً بحد أقصي 5 ميجا بايت تشمل (تصفح و تحميل و رفع) .. بعد تعدي ال 5 ميجا تتم المحاسبة كل ميجا زائدة بـ 5 جنيهات

و في حالة عروض معينة علي إستخدام الإنترنت فإنها ستسري علي إستخدامك
مثال : في حالة نزول عرض تصفح مجاناً 10 ميجا في الأسبوع لن تتم محاسبتك قبل نفاذ الـ 10 ميجا

Mobinil .. يتم فيها المحاسبة بالكيلوبايت .. لا أتذكر سعر الكيلوبايت و ليس بها أية عروض

نصيحة من العبد لله .. لا تجرب الفكرة علي خطوط أخري لأن هذه العملية تستنفذ أحجام كبيرة من البيانات و بالتالي إستهلاك كم كبير من الرصيد
و لا تظن أن الـ 5 ميجا في إتصالات (كمثال) أنها حجم بيانات كبير
لا .. ممكن ان تنفذ في تصفح موقعين أو ثلاثة خاصةً في حالة وجود مواد مرئية .. صور عالية الجودة .. فيديو .. صوت

Eng.3mrlizm

21-05-2008, 10:14 AM

ملاحظات علي الخدمة :
- يوجد بطء نسبي في تحميل البيانات .. و لكن يغفر لها لأن إستخدامها في الحالات الطارئة
- نفس سرعة الدايل أب تقريباً
- يستطيع شخص مسافر و معه لابتوب .. الإستفادة من الفكرة
- توفر عن إستخدام الدايل الملهب للفاتورة
(و طبعاً الفكرة نفسها موجودة من فترة و لكن تطبيقها بالصورة دي هو الجديد .. و تستعمل في الخارج بطريقة كبيرة و لذلك تكون أجهزة المودم المستقلة المباعة رخيصة و سعر الخدمة رخيص .. بعكس أسعار خدمة المودم المستقل في مصر مرتفعة للغاية .. إضغط هـنـا (http://etisalat.com.eg/portal/page?_pageid=82,1&_dad=portal&_schema=PORTAL&siteAlias=etisalat&sitePath=Etisalat_Portal_Ar&kpAlias=services_ar&pageAlias=usbmodem_ar)لمشاهدة عرض مودم مستقل من إتصالات )

الف شكر لك يا اخي علي الموضوع الرائع دا

وفي انتظار المزيد من مواضيعك المميزة

العفو يا إسلام و شرفت الموضوع بمرورك

kingkemo

21-05-2008, 01:54 PM

a7med86

21-05-2008, 02:29 PM

انت عشرة على عشرة وان شاء الله ربنا هيكرمك بس ذاكر انت واعمل اللى عليك واحنا بندعيلك وربنا معاك

Mr..WhO

21-05-2008, 02:37 PM

الف شكر يا بوب ع الموضوع الجامد ده
و ان شاء الله هجرب و اقولك

muhammed0erfan

21-05-2008, 06:32 PM

اولا شكرا ليك عالموضوع وممتاز.. بس الحوار ده مش نافع

muhammed0erfan

21-05-2008, 06:52 PM

مش شغال ف فودافون

muhammed0erfan

21-05-2008, 06:53 PM

ولو هيشتغل لازم يشتغل وانتا معاك رصيد

Eng.3mrlizm

21-05-2008, 08:56 PM

شكرا ليك يا مان
وهل أنت متأكد أن الطريقة دى ملهاش دعوة بالرصيد ولا ممكن تاخد من الرصيد
أرجو الرد ولو أنا عندى 6 جنية مثلا متخلش ولا هيدخل بس أول ما الرصيد يقل يبقا ببلاش
أرجو التوضيح للأفادة
وشكرا ليك على الموضوع الجامد دة

العفو يا كيمو .. نقطة إن يسحب رصيد و لا لأ فيها شوية جدال لأن الموضوع شغال عند البعض أه و البعض لأ .. و الله أعلم إن الثغرة في خطوط أه و التانية لأ
و عموماً الرصيد كان وقتها 3 جنيه

انت عشرة على عشرة وان شاء الله ربنا هيكرمك بس ذاكر انت واعمل اللى عليك واحنا بندعيلك وربنا معاك

العفو يا أحمد .. و شكراً علي ردك الذوق ده يا جميل

الف شكر يا بوب ع الموضوع الجامد ده
و ان شاء الله هجرب و اقولك

العفو يا جميل .. و يارب يشتغل معاك

اولا شكرا ليك عالموضوع وممتاز.. بس الحوار ده مش نافع

العفو يا محمد .. و الخوار نافع علي الأقل معايا و كنت منتظر إنك أول تقول إنه نفع معاك

مش شغال ف فودافون

الخط اللي تمت التجربة عليه كان فودافون !!! :004_scry:

ولو هيشتغل لازم يشتغل وانتا معاك رصيد

طيب فسرلنا ياريت إيه اللي حصل !؟

و عموماً كل خط فودافون له 5 ميجا بايت في اليوم (في حالة الثغرة مش شغالة عند واحد) و دول يكفوا و زيادة من يتصفح الإيميل أو الأخبار (مسنخدم خفيف)

- - - - - - -

ملحوظة : أكرر مرة أخري هذه الطريقة لا يمكن الإعتماد عليها كلياً في الإتصال بالإنترنت خصوصاً للمستخدمين الثقيلين

بل عملت الموضوع كحلول مؤقتة لبعض مشاكل النت (إنفصال , في حالة السفر , منطقة ليس بها خدمة إنترنت أرضي .. إلخ ) و ليس المعني هو إننا نفصل DSL و نعتمد عليه

Mr.Albert

21-05-2008, 09:02 PM

™ Mr.Bluetooth

21-05-2008, 09:07 PM

موضوع رائع فعلا تسلم ايدك ياعموووووور وجارى التجربه

™ Mr.Bluetooth

21-05-2008, 09:16 PM

يا جماعه ممكن افهمك حاجه فى فودافون وده متأكد منه لانى لسه مكلم الخدمه من البيت 25292888 وعلى طول متابع العروض فودافون واب ليك خمسه ميجا مجانا كل يوم بس لازم يكون معاك رصيد بدايه 6 او خمسه جنيه ولو عديت 5 ميجا يوما بتتحاسب الكيلو بايت ب 5 قروش والميجا 5 جنيه

muhammed0erfan

21-05-2008, 10:20 PM

استحاله انو يخش اصلا عشان كذا حاجه .. اولا الموضوع ال انا عملتو كان عن النت ببلاش ف الموبايل وكان بيخش وانتا مش معاك رصيد ع اي برنامج هفهمك ازاي اما انتا تفتح مثلا برنامج Turbo msn ‎وتيجي تخش بيقولك ايه .. بيقولك ان ف الاكسس بوينت وانتا تختار منهم .. بس تختار فودافون واب .. وبكده هيخش وانتا مش معاك رصيد بس مثلا ف حاجات ميرضاش يخش عليها زي بروزر نوكيا الاصلي اول اما تدخل وتدوس كونكت هيفصل عالطول ع انتا مش معاك رصيد والحكايه دي هتحصل اما تجرب تخش عالنت من الكمبيوتر عن طريق التلفون .. هيخش امتي بقا .. اما يبقا معاك رصيد وكده هيحاسبك بال5 ميجا لكن حكايتي انا ببيبقا مش معاك رصيد وتخش لأي أي برنامج ومفيش حدود للميجا

muhammed0erfan

21-05-2008, 10:22 PM

استحاله انو يشتغل

Eng.3mrlizm

21-05-2008, 10:59 PM

استحاله انو يشتغل

خلاص يا جميل إستحالة إنه يشتغل .. اذا عاوز تشارك تاني في الموضوع تبقي المشاركات في مشاركة واحدة

و بعدين انا مش هأكذب و هأقول إنه إشتغل من غير رصيد

و ياريت مشرفنا أحمد Mr.Bluetooth
يبقي يشوف المشاركات بتاعتي في الموضوع ده (http://www.dvd4arab.com/showthread.php?t=933132) و يشوف خاصة المشاركة دي (http://www.dvd4arab.com/showpost.php?p=1048959512&postcount=11) معمولة بأي بي إيه .. عشان مش معايا الخط اللي عملت منه المشاركة دلوقتي .. إذا كان معايا كنت كتبت مشاركة هنا حالاًَ و كان يشوفها .. لكن الخط مع واحد صاحبي معاه n73 برضه راح يجربها في بيته و إشتغلت برضه علي جهازه

و للمرة المليون : الموضوع مش النقطة الأساسية فيه إننا نشغل نت مجاناً ... الهدف الأساسي تشغيل الموبايل كمودم
و النقط فرعية منها تكاليف الخدمة و من ضمنها مجانية أو عدم مجانية إنشاء الإتصال من خط فودافون

Eng.3mrlizm

21-05-2008, 11:06 PM

يا باشا مفيش كلمات تعبر عن إعجابي بالموضوع الهايل و الرائع ده 0
مجهود جبار فعلا اللي إنت عامله ألف شكر على الموضوع و على الطريقة و على كل شيئ به إنت ماسبتش أي حاجة عن الموضوع إلا لما قلتها و يارب تنجح نضيف السنة يارب و بتقدير جيد جدا كمان ألف شكر يا مان بجد على الموضوع الرائع ده 0

يا باشا العفو علي كلامك الذوق .. و أتمني تجرب الموضوع و تقولنا تعليقاتك علي الخدمة

موضوع رائع فعلا تسلم ايدك ياعموووووور وجارى التجربه

العفو يا أبو حميد .. و قولنا ايه اللي انت وصلتله

يا جماعه ممكن افهمك حاجه فى فودافون وده متأكد منه لانى لسه مكلم الخدمه من البيت 25292888 وعلى طول متابع العروض فودافون واب ليك خمسه ميجا مجانا كل يوم بس لازم يكون معاك رصيد بدايه 6 او خمسه جنيه ولو عديت 5 ميجا يوما بتتحاسب الكيلو بايت ب 5 قروش والميجا 5 جنيه

كلام سليم .. و فعلاً هو ده المفروض .. يعني موضوع إنه يشتغل بدون رصيد هو ده اللي عاوزين نوصل فيه لحل لأنه شغال بطريقة عشوائية أو ياريت حد يعرف يوصل لمعلومات أكيدة يقولها عشان نفهم أكتر الموضوع ماشي إزاي

muhammed0erfan

21-05-2008, 11:24 PM

خلاص يا جميل إستحالة إنه يشتغل .. اذا عاوز تشارك تاني في الموضوع تبقي المشاركات في مشاركة واحدة

و بعدين انا مش هأكذب و هأقول إنه إشتغل من غير رصيد

و ياريت مشرفنا أحمد Mr.Bluetooth
يبقي يشوف المشاركات بتاعتي في الموضوع ده (http://www.dvd4arab.com/showthread.php?t=933132) و يشوف خاصة المشاركة دي (http://www.dvd4arab.com/showpost.php?p=1048959512&postcount=11) معمولة بأي بي إيه .. عشان مش معايا الخط اللي عملت منه المشاركة دلوقتي .. إذا كان معايا كنت كتبت مشاركة هنا حالاًَ و كان يشوفها .. لكن الخط مع واحد صاحبي معاه n73 برضه راح يجربها في بيته و إشتغلت برضه علي جهازه

و للمرة المليون : الموضوع مش النقطة الأساسية فيه إننا نشغل نت مجاناً ... الهدف الأساسي تشغيل الموبايل كمودم
و النقط فرعية منها تكاليف الخدمة و من ضمنها مجانية أو عدم مجانية إنشاء الإتصال من خط فودافون

مالك يعم مزعل نفسك كده ليه الحوار ده هيشتغل لو معاك رصيد ومش هيشتغل وانتا مش معاك بس كده وانتا محسسني انك اشتريت المنتدي ده براحه بس ونبي

Eng.3mrlizm

21-05-2008, 11:44 PM

مالك يعم مزعل نفسك كده ليه الحوار ده هيشتغل لو معاك رصيد ومش هيشتغل وانتا مش معاك بس كده وانتا محسسني انك اشتريت المنتدي ده براحه بس ونبي

أزعل !! أزعل من مين ! .. انت اللي زعلان من ايه مالك !؟ :666:
هو عشان قولتلك كلمة حق تزعل ؟ ايوة طريقتك في المشاركة غلط مينفعش تدخل ترقع مشاركات ورا بعض في نفس الموضوع و دي مش أول مرة تعملها .. دي طريقتك في كل مواضيعك ..
و ده مش رد اللي انت كاتبه ده .. ايه اشتريت المنتدي !! اتكلم بطريقة كويسة عشان ماتتكرهش في المنتدي

سلام

muhammed0erfan

22-05-2008, 01:09 AM

اصل انتا بترد رد ناشف مفهوش حاجه مسكره وانا برد كده ع انا برد من موبايلي ع اما بكتب كلام كتير بيهنج مش بنقطكو بالكلام وياريت يجماعه ال مش معاه رصيد ودخل معاه النت ف الكمبيوتر عن طريق موبايلو ف حاله فودافون يقول

muhammed0erfan

22-05-2008, 01:11 AM

اهو وانا زعلان من انك بتشرط ازاي اشارك ومحدش يشرط ع حد

نــوران

22-05-2008, 05:04 AM

ربنا ينجحك وينجحني ان شاء الله
انا عاوزه اسأل لو سمحت هوا فتح الماسنجر علي الموبيل بيسحب رصيد ولا لأ يعني شات وبس علي الماسنجر من غير تصفح:glasses:

muhammed0erfan

22-05-2008, 05:17 AM

لو انتي فودافون ومش معاكي رصيد تقدري تخشي وتكتبي جوا اي برنامج بيخش ع فودافون واب يعني عندك مثلا اكسس بوينت فودافون انترنت دا له برامج واكسس بوينت فودافون واب له برامج ودا مبيتعرفش إلا اما تخشي عالبرنامج وتختاري الاكسس بوينت ولو كنتي معاكي رصيد هتبقي متحدده ب5ميجا بس اذا خلصتيهم هيحاسبوكي عال1ميجا الزياده ب5ميجا وف حاله مش معاكي فلوس مش هتبقي متحدده بأي حاجه بس هتبقي متحدده بفودافون واب بس

solom_solox

23-05-2008, 11:05 AM

الف شكر على الموضوع الهايل
بس عندى سوال انا معايا نوكيا 6120 ازاى اشغل علية الخدمة دى
ارجو الرد
شكراا

محمد غمرى

23-05-2008, 04:08 PM

موضوع رائع وجارى التجربه

™Mido§Mashakl™

23-05-2008, 06:40 PM

باشا ازيك بيطلب منى يوزر نيم وباسوورد مش عارف بتوع ايه دول

SoomyNora

23-05-2008, 07:53 PM

موضوع رائع فعلا..........ألف شكر

بن العربي

02-08-2008, 02:47 PM

موضوع رائع فعلا تسلم ايدك ياعموووووور

elassi_571

02-08-2008, 04:24 PM

مشكوووووووووووور جدا يا Eng.3mrlizm
الطريقه دى فعلا اكيده وشغاله تمام
انا كنت اكتشفتها بالصدفه
وكنت مجربها على موبايل 6120 كلاسيك
فى شهر رمضان اللى فات
والنت كان عندى حلو يعنى كان اسرع من الدايل اب
وتسلم ايديك

m_star

02-08-2008, 04:50 PM

موضوع رائع فعلا تسلم ايدك

sharshar1984

02-08-2008, 11:21 PM

لو حد وصل نت الموبايل ع الكمبيوتر وكان ممعهوش رصيد والنت اشتغل ع الكمبيوتر ; يا ريت يقول ; وشكرا مقدما

oucha4

04-08-2008, 03:36 PM

:glasses: allah ybareklak

forall_4islam

02-09-2008, 03:15 AM

ربنا يكرمك والله يا ابني

هاجرب وابقى أقول لك مع اني واثق في كل كلمة انت قلتها

الموضوع منطقي أصلا

جزاك الله خير

body_temo

03-09-2008, 11:48 AM

أصللللللللللللللللللللي
بجد موضوع جاااااااااااااااامد
و جاري التجربة

mostafa88888

03-09-2008, 06:59 PM

طب لو معايا خط اتصالات ادخل على النت ازاى

لانه مش موجود فى القائمة

هل يوجد ليها حل؟

Eng.3mrlizm

04-09-2008, 01:27 AM

طب لو معايا خط اتصالات ادخل على النت ازاى

لانه مش موجود فى القائمة

هل يوجد ليها حل؟

هو أكيد يا باشا لها حل و إن شاء الله قريب نعرفه

بس إدعيلي إني ألاقي حل لجهازي .. عشان الـ n73 اللي كان معايا إديته لوااحد قريبي

و معايا n82 دلوقتي و الموبايل حصله كارثة و مش عارف أعمل به حاجة خالص

ربنا يستر و يرجع زي الأول ... عشان حقيقي أنا مضايق جدا جداً من التليفون ده دلوقتي

و عموماً إذا في حد عنده حل لمشكلتي دي .. ينصحني به :questionmark:

الجهاز مش قاري الميموري و لا راضي يفرمته و الميموري نفسها مش راضية تتفرمت علي جهاز تاني و لا الجهاز راضي يقرا ميموري تانية

و رسالة بتظهر طول الوقت

Disk error can’t communicate retry or data will be lost

أعذروني يا جماعة علي عدم الرد لأن مش معايا تليفون سليم الأيام دي
و التليفون الجديد ده قارفني .. انا غلطااااااااااان إني ماجيبتش أي فون و خلصت :31:نوكيا دي مش أول مرة أتقرص منها .. لكن توووووووووبة

medo_messi30

05-09-2008, 04:10 AM

انا جربتها فى نوكيا 6300 و الموضوع اشتغل تمااااااااااام جدااااااا الف شكر

Eng.3mrlizm

05-09-2008, 04:35 PM

مـــــــــــــــــشكـــــــــــــــــور
مــــــــــــــــشكــــــــــــــــور
مـــــــــــــــشكـــــــــــــــور
مــــــــــــــشكــــــــــــــور
مـــــــــــــشكـــــــــــــور
مــــــــــــشكــــــــــــور
مـــــــــــشكـــــــــــور
مــــــــــشكــــــــــور
مـــــــــشكـــــــــور
مــــــــشكــــــــور
مـــــــشكـــــــور
مــــــشكــــــور
مـــــشكـــــور
مــــشكــــور
مـــشكـــور
مــشكــور
مـشكـور
مشكور

مكنتش ترد أحسن من مشكور دي .. عشان عندي حساسية منها خصوصاً إذا كانت معمولة في أشكال

softmagic2000

05-09-2008, 04:36 PM

Eng.3mrlizm

05-09-2008, 04:39 PM

طب لو معايا خط اتصالات ادخل على النت ازاى

لانه مش موجود فى القائمة

هل يوجد ليها حل؟

أهلاً بيك يا مصطفي في الموضوع

من ناحية لها حل .. ليها حل .. بس و الله معايا n82 دلوقتي و الموبايل بيخرف مش عارف أعمل عليه حاجة :15:

و عموماً كحل مؤقت أنت ممكن تدخل علي بيانات الأكسس بوينت في الموبايل

و تسيبها مفتوحة و لما تيجي توصل علي الكومبيتر خلي البيانات مشابهة و قولي عملت ايه

و إدعولي التليفون الداهية ده يشتغل

انا جربتها فى نوكيا 6300 و الموضوع اشتغل تمااااااااااام جدااااااا الف شكر
العفو يا ميدو .. و عشان أرضي ذمتي قدام ربنا

تنبه جيداً إذا خطك بيتاخد منه رصيد و لا لأ عشان الموضوع فضل شغال معايا كذا يوم و الخط خلصان شحن و بعدها معدش راضي يشتغل

mostafa88888

05-09-2008, 06:05 PM

أهلاً بيك يا مصطفي في الموضوع

من ناحية لها حل .. ليها حل .. بس و الله معايا n82 دلوقتي و الموبايل بيخرف مش عارف أعمل عليه حاجة :15:

و عموماً كحل مؤقت أنت ممكن تدخل علي بيانات الأكسس بوينت في الموبايل

و تسيبها مفتوحة و لما تيجي توصل علي الكومبيتر خلي البيانات مشابهة و قولي عملت ايه

و إدعولي التليفون الداهية ده يشتغل

فعلا يا باشا اشتغلت معايا على خط اتصالات

بتكتب فى خانة ال access point

etisalat

و بس

و بتسيب باقى الخانات فاضية

و يا رب التبيفون يشتغل يا عم
و لو ماشتغلش انا جاهز اشتريه من جنيه لعشرة جنيه

Eng.3mrlizm

05-09-2008, 06:54 PM

فعلا يا باشا اشتغلت معايا على خط اتصالات

بتكتب فى خانة ال access point

etisalat

و بس

و بتسيب باقى الخانات فاضية

و يا رب التبيفون يشتغل يا عم
و لو ماشتغلش انا جاهز اشتريه من جنيه لعشرة جنيه

طيب كويس تمام إنه إشتغل معاك

صحيح إيه الكرم ده يا مصطفي :jap:

10 علي n82 :15: اذا كنت رفعت السعر شوية كنت هأوافق :53:

طيب ما تعرفش حل للمأساة اللي أنا بأعيشها دي !!

Disk error can’t communicate retry or data will be lost

و الميموري مش مقرية .. لنا الله مستخدمي النوكيا .. توووووووووووووبة

Al-Mo7tref

06-09-2008, 12:15 AM

semsem99

09-09-2008, 01:47 PM

أنا عملت كل حاجة بس بتيجي الرسالة دي cannot ‎establish ‎connection يبقي ‏ايه ‏الحل ‏مع ‏العلم ‏ان كل حاجة مظبوطة و النت شغال علي الموبايل

Eng.3mrlizm

09-09-2008, 07:03 PM

الموضوع ده شغال معايا تمام بس بفلوووس مع فودافون
بالرغم ان النت ببلاش عند استخدامي اوبرا ميني .و معايه N73

^^^
يا Eng.3mrlizm جربت تغير كارت الميموري ده خالص و جرب واحد تاني
و لو طلع العيب من الميموري القديمة و صلها بالكابل علي اساس انها Mass Storage و اعملها Disk Defragmenter من الويندوز و Check Disk
حصلت معايا حاجة بعني قريبة من كدة و الله أعلم

إن شاء الله أجربها النهاردة و هأقولك نفعت و لا لأ ... اللي غايظني إنها مش مقرية خاااالص علي n73 إنما علي n82 الداتا مش مقرية و الرسالة دي بتظهر لكن لما أدخل جوة قايمة الذاكرة أشوف في قد ايه مساحة مشغولة و كذلك لما أبعت للتليفون صورة أو كدة بالبلوتوث و أعمل حفظ علي الكارت تتحفظ و المساحة المشعولة تزيد بحجم الصورة يعني الكارت حي يرزق إنما مش بيتقرا علي n73 ولا علي 3110 classic مش عارف ليه .. ربنا يسهل أحاول أعمل طريقتك النهاردة

أنا عملت كل حاجة بس بتيجي الرسالة دي cannot ‎establish ‎connection يبقي ‏ايه ‏الحل ‏مع ‏العلم ‏ان كل حاجة مظبوطة و النت شغال علي الموبايل

و الله يا جميل مش معايا تليفون سليم دلوقتي و مش فاضي أصلاً إني أجرب و لما بأستخدم الكمبيوتر شوية مش بتبقي ساعة طول اليوم علي بعضه

a.sheiko

10-09-2008, 07:59 PM

مرسي ليك كتير يا باشا طيب لو العكس
هتقولي ازاي اقولك انا عندي نت وشغال وعاوز اشغل النت علي الموبيل عن طريق الروتو اعمل ايه يا غالي
وشكرا علي موضوعك الجامده ده

Eng.3mrlizm

11-09-2008, 03:34 AM

مرسي ليك كتير يا باشا طيب لو العكس
هتقولي ازاي اقولك انا عندي نت وشغال وعاوز اشغل النت علي الموبيل عن طريق الروتو اعمل ايه يا غالي
وشكرا علي موضوعك الجامده ده

يا باشا .. إنتظر موضوع عن قريب إن شاء الله في كل اللي انت عاوزه بس الصبر عشان حقيقي مشغول جداً الفترة دي و مش عارف أستعمل الجهاز ساعة علي بعض و أساساً مفيش نفس أنزل مواضيع أو أي حاجة عشان المنتدي بقاله فترة نايم كدة مع العلم إني بأزعل من مشكور و الكلام الجميل ده يعني مش بأنتظر ردود لكن فعلاً حاسس غن المنتدي نايم من فترة
عموماً الموضوع إن شاء الله هيعجبك جداً .. قريباً

ahmdeaa

11-09-2008, 07:29 AM

والله موضوع زى العسل ربنا يوفقك يا رب وتجيب مواضيع احسن من دى