عاوز اشنرى موبايل أخيرا !..بس معرفش اى حاجة خالص !..مطلوب كل النصائح !

[werty]

بقالى زمان بسمع عن الأختراع اللى اسمه الموبايل :detective2:
و بلاقيه عند 99% من البشر
انما مكنتش عاوز اشتريه عشان معنديش اساسا ناس كتير اعرفها هتتصل بيا عليه او انا اتصل بيهم, و كمان موجود اغلب الوقت فى البيت
المهم بقى الموضوع طق فى دماغى انه اجيب واحد بس مش عشان الأستخدام الحقيقى, ده بس عشان لم واحد يقلى نمرة الموبايل كام اقله :glasses:
الهم بقى, انا عاوز كل المصايح و الأسرار اللى عندكم عشان اعرف اجيب محمول صغير على قدى كده , يعنى اروح فين, و اطلب إيه بالظبط من الراجل (انا قريب من شارع عبد العزيز اللى هو ملك بيع الموبيلات), و بعدين إيه حكاية الكرت و الخط دى و اطلبها منين و المطلوب منى هيبقى إيه و كام و فين ؟
و الأهم, انا هدفع كام عشان الموبايل فى اول مرة, و كما هدفع فاتورة قد إيه فى الشهر لو انا مستخدمتوش خالص إلا فى الأستقبال او بالكتير مكالمة واحد قصيرة فى الشهر, و كمان انا هدفع فين ؟
و حاجة كده اخيرة يمكن شكلها عبيط, بس هو مفيش إرشادات سريعة كده بسيطة لأستخدام الجهاز نفسه فى أول مرة ؟
انا عارف انه الموضوع شكل اللى كاتبه من العسر الحجرى, بس انا عارف انكم كلكم ناس من سنة 3000 مش 2000 ! و هتردو عليا بكل المطلوب ! :jap:
مستنى الردود ! :wink: