لانسر بطة موديل 93

[boo...]

للبيع سيارة لانسر بطة موديل 93

مواصفاتها :

اوتوماتيك - 4 زجاج كهرباء - تكييف - بور - جنوط 17" نظيفة جدا - زينون - طقم صوت حلو

اللون :

فيرانى ميتالك "زى لون الانسر البومة " العربية مرشوشة سكنز كلها "بره بس طبعا "

الحالة :

ممتازة جدا ولا تحتاج لمصاريف والعربية شكلها حلو ونظيفة جدا

ودى نمرة موبايلى لأى استفسار 0100500647

اه العربية فى المنصورة وللاسف مفيش امكانية اسافر بيها اللى عاوز يشوفها ممكن اجيله فى اى مكان فى المنصورة

المطلوب :

50 الف باذن الله و ممكن نتفاهم فى حدود المعقول وهجيبلكم صور ليها قريب

عربية تهبل بجد

سبب البيع ناوى اجيب عربية اجدد واعلى فى الفئة

[max1414]

مطلوب صور للعربيه
لو كده ممكن اجيلك المنصوره
بس حنتفاهم فى السعر كتير

[boo...]

ان شاء الله الصور موجودة بس حتة السعر دى ممكن نتناقش فيها فى حدود المعقول يعنى مش كتير زى ما انت متخيل وومكن تكلمنى على الخاص واشوف عرضك كام علشان نكون متفهمين قبل ما تجيلى

الصور هرفعها قريب ان شاء الله

[عمرو بوكا]

ياباشا العربية جميلة من عندك بس الخمسين اللى انت بتتكلم فيهم اشترى متسوبيشى لانسر كريستالة حالتها ممتازةكمان لو حيبت موجوده

[bmya]

ربنا يوفقك بس السعر عالي جدااااااااااااااااااا

[boo...]

معلش يا جماعة انا قلت هتفاهم فى السعر وانا شايف 50 الف مش كتير عليها

لأنك لو جبتها فاضية و نظيفة هتقف من 43 ل 44 الف فما بالك بقى بالزيادات اللى فيها

اولا اوتوماتيك يعنى اغلى من المانيوال من 2000 ل 3000 جنيه

الزينون بكام ؟

ده كفاية طقم الجنط ال 17 " نوع نظيف " مش الصينى شوف سعره بكام من غير كوتش
ده الكاوتش المستعمل للجنط ال 17 فى حدود 250-300 جنيه

وفيها طقم صوت محترم

والعتب اللى انا مركبهولها وتنفيخ الاكصدامين مركبلهم تنفيخات بتوع لانسر ايفلوشن 94 والله مكلفنى جامد

وكمان العربية مرشوشة قريب كلها بوية سكنز باكتر من 3000 جنيه

العربية شكلها سبور خالص

وانا هحاول اصورهاكم بس المشكلة انى مشغول اليومين دول علشان الامتحانات

[modern academy]

محتاجين الصور يا باشا بجد والعربية دي بصراحة انا بحترمها جدا لانها فعلا جامدة وياريت مش تتاخر علينا في الصور
ولو كدة انا ممكن اجيلك واقابلك عند السلاملك كدة مثلا ولا حاجة لاني باجي المنصورة كتير
بس هنتفاهم في السعر ان شاء الله

[boo...]

محتاجين الصور يا باشا بجد والعربية دي بصراحة انا بحترمها جدا لانها فعلا جامدة وياريت مش تتاخر علينا في الصور
ولو كدة انا ممكن اجيلك واقابلك عند السلاملك كدة مثلا ولا حاجة لاني باجي المنصورة كتير
بس هنتفاهم في السعر ان شاء الله

انا تحت امرك يا باشا ولو من غير فلوس المهم انك مقدر العربية وعارف قيمتها انت اول ما هتشوفها هتحلف بيها

البطة من انظف العربيات اللى نزلت فى اللانسر

انا ببيع علشان اولا محتاج فلوس كاش اليومين دول

ثانيا ناوى اجيب حاجة عالية ممكن بوما 2006 او اى حاجة فى ال 2000

والله العظيم العربية انا بحافظ عليها بس المشكلة فى الجو التراب على طول بتتوسخ غير كده انا والله بعمل كل حاجة فيها على طول

[boo...]

مازال العرض مستمر يا جماعة

[modern academy]

فين الصووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووور
انت نسيتني ولا ايه يا باشا
انا علي العموم احتمال كبير اجي جامعة المنصورة الاسبوع الجي بس مش عارف بالتحديد امتي بالظبط لو كدة هتصل عليك ان شاء الله قبلها ونتفق علي الميعاد عشان اشوف العربية
بس بجد حط صورة حتي للعربية اشوفها بس مش اكتر لاني من عشاق موديل اللانسر دة بصراحة

[a77med]

ياريت صور للعربية ياباشا والسعر النهائى

[boo...]

معلش يا جماعة اعذرونى علشان الامتحانات انا هخلص يوم 12/6 باذن الله

انا النهاردة والله العظيم روحت المرور رخصتها و دفعتلها كل حاجة يعنى اللى هياخدها مش هيدفع مليم

وبالنسبة للجنو انا احتمال اغيرها واجيب طقم 15 جديد بكاوتش سرعات جديد برده علشان الجنط ال 17 كاوتشه غالى

فلو حد عاوزها بال 17 يقولى برده

والصور هرفعها قريب جدا

يا جماعة لو حد عاوز العربية فاضية يقول برده انا ممكن اشيل طقم الصوت والسى دى بلاير والزينون والجنوط

وهسيب التنفيخات والاكسسوارات الهامشية وممكن نتفاهم فى السعر هيكون حنين اكتر من كده لأن الحاجات اللى هشيلها دى غالية

والله الموفق

ممكن ابدل مع تويوتا كرولا 93-96 "السحلية" بس تكون حالتها نظيفة

[medo_r10_sheka]

الصورررررررررررررررررررررررررررررررررررررررررررر

[boo...]

مازال العرض مستمر

[modern academy]

مازال العرض مستمر ايه ؟
فين الصور يا اخ؟

[hambosi]

الصووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووور فين؟

[boo...]

الصور باذن الله النهاردة
وتم تخفيض السعر الى 48 الف جنيه

[boo...]

لسه ما اتبااااعتش

[modern academy]

هو مافيش صور ولا ايه؟
عامة دة شئ يرجعلك وكل مرة تقولنا انهاردة لا 12 -6
لا مش عارف ايه
عامة ياسيدي ربنا يباركلك في العربية المجهولة الشكل بتاعتك
سلام

[rehab702001]

فين الصورة لو تكرمت