مجرد سؤال..هل يمكنك الاعتماد على صلاه الاستخارة قي الزواج؟؟

[janedark]

هل يمكنك الاعتماد على صلاه الاستخارة قي الزواج؟؟

--------------------------------------------------------------------------------

الحياة تبنى على أساس الواقع ولاتبنى على أساس الأحلام,

فالاحلام ليست مصدراً معتمداً عليه في الدين أو العرف أو القانون,فلايمكن أن نفسّر الأمور أو نخطط لها على أساس حلم,قد يكون من "أضغاث أحلام" ليس إلا.
فوراء الأحلام أسباب كثيرة,وقد ينتج بعضها انعكاساً لمعاناة الانسان فيكون صورة لآلامه أو آماله,فلا الحلم الايجابي يمكن اعتماده باعثاً على العمل ولاالحلم السلبي يمكن اعتماده رادعاً عن العمل وصاداً عنه,لأن كلاهما يمكن أن يحلم بهما الإنسان وفقاً للحالة النفسية التي يعيشها و الظروف التي يمر بها..

ويمكن أن تكون أحلام البعض صادقة ولكن من يستطيع إثباتها وتفسيرها فضلاً عن الحكم بها واتخاذ موقف بموجبها.
وبناءً على ذلك لايمكن اعتماد تفسيرك للحلم ولاتفسير أهلك,فكلكم تحلمون,والحلم يبقى مجرد حلم,لاحكم.


أما صلاة الاستخارةفهي ليست مقدمة للاحتلام,ولايعني الحكم نتيجة لها,وإنما الصلاة لغرض توكيل الأمر الى الله تعالى ليختار للانسان ماينفعه وما هو مصلحته.

إذنادرس قضيتك على أساس الواقع والوقائع,لا الاحلام ولا الاوهام,واستعن بالله تعالى في جميع أمورك وتوكل عليه,وكما قيل في المأثور:- (إعقل وتوكل).

[an an]

السلام عليكم
هو فعلا موضوع مهم
علي فكرة الاستخارة ليست احلاما فقط لا هي احساس او تيسير للامر
والرسول صلي الله عليه وسلم كان يسخير في شراء النعال
فالاستخارة مش احلام وبس

[geen2000]

بسم الله الرحمن الرحيم
اولا اشكرك علي الموضوع الرائع ده
ثانيا موضوع الاستخاره ده سنه عن رسول الله صلي الله عليه وسلم وجاء في اكتر من حديث
ونحن نعتمد في كثير من امورنا الحياتيه علي الكتاب والسنه
زي ما قال رسولنا الكريم
( تركت لكم ما ان تمسكتم به لن تضلوا بعدي ابدا كتاب الله وسنتي )

لكن موضوع الجواز دا امر اخر
دا موضوع حياه كامله
مش مجرد امر عابر
المفروض نحكم فيه العقل والقلب
وتحكيم العقل اولا
يعني كل جوانب الزواج هل الشخص مناسب ظروفه مناسبه
هوا دا الشخص الي هكمل معاه حياتي ولالا
ويجي بعد كدا تحكيم القلب
بعد ما يكون مناسب
هل انا قبلاه ولالا
والقبول هوا اول درجات الحب
وبيجي بعده الارتياح والحب وكده
ايوه (الارتياح) ودا موضوعنا
لما الانسان تتوفر فيه كل الشروط الي تخلي فيه قبول مبدئي علي الجواز
لكن مش عارفين نحدد مشاعرنا هل في ارتياح ولالا
يبقي الاستخاره هيا الحل الامثل للمشكله دي


وبعدين زي ما بتقول المقوله بتقول ( اعقل وتوكل )
كمان في مقوله بتقول (لا خاب من استشار) فما بالك وانت تستشير رب العالمين

[lost_4_ever]

صلاة الاستخارة ما هى الا اشارة من الله علام الغيوب
فكيف لا اعتمد عليها فى موضوع يستمر الا علم الغيوب
ومن اعلم من الغيب من الله

نعم
ساعتمد عليها وانا مطمئن

[دلبييرو]

طبعا دا ربنا هو الهادى

[Wanna Help]

بسم الله الرحمن الرحيم
طبعا يا كاتب الموضوع صلاة الاستخارة شئ أساسي المفروض في كل حياتنا في كل صغيرة وكبيرة لأنك بذلك تكون قد توكلت علي الحكيم العلام لأنك بتلك الصلاة تتبرأ من حولك وقوتك وعلمك المتناهي في الصغر وتعتمد علي علم العليم الخبير

عموما حضرتك بتصلي الصلاة دي وبتتبعها بالدعاء المأثور وبعدين بتقوم بالعمل دا ان كان فيه توفيق من الله فانه الخير وان لم يكن كذلك فانه الشر

وهدانا الله واياكم الي الصلاح والفلاح في الدنيا والأخرة

[elpop211]

السلام عليكم ورحمة الله .... اثنين من شيوخ مصر الكرام احترمهم واقدرهم واستمع وانصت لكلامهم ولا للفتواى لأنهم بيتكلمو في امور الدين وليست مسأله شرعيه تجيب بحلال وللا حرام،ولأني رأيت فيهم المقوله اللي بتقول " الدين يسر " الشيخ خالد الجندي والدكتور مبروك عطية ...
الدكتور مبروك عطية كان كلامو في النقطة اللي الاستاذ صاحب الموضوع بيتكلم فيها وان الواحد يعتمد على الاستخاره في الزواج.. وكان كلام الدكتور كالآتي وهو ان حضرتك تطبق منهج الله وتعتمد عليه ولما تحتار في امر من امور حياتك تلجألو وترفه يديك وتستخيره وتطلب منو يبصرك ولما يهديك لحل مناسب ولما تتجوزها وتبعد عن شرع الله وتتوه في مشاكلك مع زرجتك وابنائك وتنسى ربك اللي طلبت منو الاستخاره ترجع تقول ليه يارب ماقلتليش اني هلاقي المشاكل دي كلها وتروح تقول للناس دي وشها وحش عليا طيب فين ربنا في حياتك وكتابو بعد ما تزوجت البنت دي يعني تطبق شرع الله قبل الزواج وتلغيه بعد الزواج ...
اظن الكلام مفهوم وواضح جدا
اما كلام الشيخ الجليل خالد الجندي كلامه في نصائح بسيطه للشباب قبل الزواج وانا اول مرة اسمع منو الكلام دا بصراحه وفعلا حبيت الكام كلمة دول ... قال:
ان اي بيت فالدنيا محتاج اربع عمدان عشان يقوم عليهم هذا البيت الا بيت الزوجيه ومش بمعنى الشقه، قصدو انك تفكر في مسأله الزواج والارتباط ببنت الحلال 3حاجات او 3 عمدان
1- تطبيق منهج الله وكتابه
2- الموده والسكن النفسي
3- الرحمه
اذا اخذت بالـ 3 حاجات تولى الله ورفع عنك العمود الرابع وليبارك الله في بيتك وزوجتك ...
دا كان كلام الناس دي ومش كلامي لأني لا افتى ولا اقول كلمة تخص الدين الا اذا كانت من قول الشيوخ الموثوق فيهم
ولكن اتعجب جدا من البنت اللي بتتزوج من شاب يتعاطى المخدرات واقصد المخدرات اللي في سجاير... بل والمصيبه انها بتبقى عارفه من ايام ما بتتخطب وهوا بياكل عقلها ويسكتها ويقولها بعد الجواز بعد الجواز بس اكيد بطريقه حلوة عشان تسكت ... وتسألأها انتي ساكته ليه تقول انها بتحبو وانهم عايشين قصة حب كبيرة، الا اذا كان ماسك عليها حاجه او .....
مش عارف اقول ايه بس ، وبتحب واحد بتاع نواصي وبتاع مخدرات