انا كنت عايز اخد رائيكو في حكاية عمل المرئة

[HETLAR 2]

بسم الله الرحمن الرحيم

طبعا كل واحدة حاتشوف العنوان دة حتبقا عايزة تقوم تقتل الي كاتب الموضوع :41: بس بجد تعالو نشوف الموضوع من كذا واجهت نظر تعالو نشوف اية الي كان قبل تحرر الرئة و اية الي حصل بعد تحرر المرئة

قبل تحرر المرئة
كانت الست بتوعد في البيت بتربي العيال احسن تربية و دة طبعا عمل مهم ماكنش في نسب ادمان عالية ماكنش فية حكاية الجواز العرفي البنات كان معظمهم محتشم كانت الست بتوعد تصنع الاكل في البيت مكانش في طوابير عيش كانت بتخرج اجيال كويسة كانت الدنيا مش زحمة زي دلوقتي عشان مافيش ستات بتشتغل و مافيش ستات بتسوق و ياوالك من سواقة الستات يعني الضياع كلو بس مش مشكلتنا دية
كانت في فرص عمل كتيرة للشباب عشان مافيش ستات بتشتغل


بعد التحرر
الست مشيت بمبداء الزمن هو الي بيربي و التربية دور المدرسة
نسب الادمان زادت اوي - الدنيا بقت زحمة و المرور بئا يخنق عشان الستات الي بيسوقو:31:
اصبح في زواج عرفي عشان بئا مافيش رقابة
الرجالة بئو مش لائين شغل عشان الستات بئو بيشتغلو
اصبحت الخلاعة حاجة عادية في الشوارع

انا عايز اعرف رائيكو في الموضوع
مع اني عارف ان نص الناس حيجو يقولولي ان الست نص البتنجان و انها ليها دور كبير في المجتمع و هيا سبيل التاخر او التقدم الي بيوهمو نفسهم انو بيحصل

[سارة كامل]

عمل المراة مش عيب ولا حرام

لكنة مش دورها اللى اتخلقت علشانة

ولماذا خلقنا الله ؟

لكى نعبدة

اما الشغل والاكل والزواج وكل شئ

هى اعمال تعيننا على الاصل الذى خلقنا لة

موضوع جيد ,,, وجعلة الله فى ميزان حسناتك

وفى رعاية الله

[HETLAR 2]

عمل المراة مش عيب ولا حرام

لكنة مش دورها اللى اتخلقت علشانة

ولماذا خلقنا الله ؟

لكى نعبدة

اما الشغل والاكل والزواج وكل شئ

هى اعمال تعيننا على الاصل الذى خلقنا لة

موضوع جيد ,,, وجعلة الله فى ميزان حسناتك

وفى رعاية الله

طبعا كلامك زي الفل بس بردو العمل عبادة
و كمان الست اما تربي اولادها تربية حسنة و تخرج من تحت ايدها جيل كويس دي ليها الجنة

[fuoka]

موضوع حلو جدا يا هتلر
وانا مش مع ان البنت تشتغل
شغل المرأة جوة بيتها
تاخد بالها من جوزها ومن ولادها
وكمان البنات اللي بتشتغل دي
لما تقعد في البيت
يبقي الولاد اللي مش لاقي شغل ده هيشتغل ويعرف يتجوز
يعني انا ليا واحدة صحبتي بتشتغل وباتخد 1000 تقريبا او اكتر ومعاها صحابها البنات
لما دول يقعدو ويشتغل بدالهم ولاد
علي ما اعتقد هو ده الصح
بس تقول لمين ومين يسمع

وميرسي علي موضوعك

[HETLAR 2]

موضوع حلو جدا يا هتلر
وانا مش مع ان البنت تشتغل
شغل المرأة جوة بيتها
تاخد بالها من جوزها ومن ولادها
وكمان البنات اللي بتشتغل دي
لما تقعد في البيت
يبقي الولاد اللي مش لاقي شغل ده هيشتغل ويعرف يتجوز
يعني انا ليا واحدة صحبتي بتشتغل وباتخد 1000 تقريبا او اكتر ومعاها صحابها البنات
لما دول يقعدو ويشتغل بدالهم ولاد
علي ما اعتقد هو ده الصح
بس تقول لمين ومين يسمع

وميرسي علي موضوعك

والاهي عندك حق
بس غريبة ان البنات مئيدين الموضوع انا تصورت انهم هايهجموة
شكرا لمرورك

[el rayk gedan]

موضوع جميل يا hetlar وبيناقش قضية مهمة..

وأنا كنت رديت قبل كدا فى موضوع ليا على نفس السؤال ودى كانت اجابتى..


أولا الشغل للراجل شاء أم أبى فا هو لازم يشتغل ويصرف ع البيت وده مش كلامى ده كلام ربنا...أذا أحنا متفقين على النقطه دى ومفيش خلاف فيها...
نيجى بقى لشغل الست...ودى نقطة الخلاف والى هنحاول نوضحها...
الزوجة...مش مفروض عليها الشغل...لكن لو أشتغلت تبقى للأسباب دى...
أن البيت مصاريفه كتير والزوج مش مستريح مديا...وبالتالى الست بتشتغل عشان تساعد...مع العلم أن الزوج مايقدرش ياخد قرش من الزوجة بدون أذنها...يعنى حتى جوزك الى بيصرف عليكى مايقدرش ياخد منك حاجه من مرتبك ألا بأذنك...وممكن يبقى معاكى فلوس وتتطلبى من جوزك أنه يشتري ليكى لبس مثلا...ولو دفعتى من مرتبك يبقى زوق منك وتقدير لتعب جوزك...لكن لو مدفعتيش من معاكى...يبقى معلكيش شئ... وده برده مش كلامى ده كلام ربنا....بس خدى بالك لو أشتغلتى ومساعدتيش فى المصاريف يبقى تقعدى من الشغل أحسن وبيتك أولى بيكى....
طيب...نيجى للسبب التانى...أن جوزك مستريح مديا...وأنتى معاكى شهاده كبيرة ومستخسرة شهادتك دى وعايزة تشتغلى بيها....
فى الحالة دى أشتغلى...لكن بشرط...
شغلك مايبقاش على حساب بيتك...يعنى متدخليش البيت بعد جوزك وتكونى مخلصة كل وجباتك المنزلية...وحتى لو لسة جاية مع جوزك من الشغل...متلوميش حد غير نفسك...عشان أنتى أشتغلتى بمزاجك محدش ضربك على أيدك...وخصوصا أن زى ماقولنا أن شغلك مصلحة شخصية...لكن شغل جوزك مصلحة للبيت كلة...
أذن شغل الست عشان زى ماقولنا مصاريف البيت كتير....
أو عندها وقت فراغ كبير وعاوزة تستغلة بدل ما هى أعقده طول النهار فى البيت...مثلا يكون شغل الزوج بيحتاج سفر وبيات بره البيت كتير فى الحالة دى ممكن الزوجة تشتغل عادى...لأن مفيش حد مستنيها ولا محتاجها فى البيت....وفى نفس الوقت متبقيش مثلا دكتورة طوارئ..واليوم الى تقابلوا بعض فية يجيلك تليفون تقومى تلبسى هدومك وتقوليلة معلش بقى ياحبيبى أنت عارف ظروف شغلى..
ودى كانت الاسباب المقنعة لشغل الست من وجهة نظرى...أما شغل الست فى الاصل غير مقبول....
أما بالنسبة للبنات بتوع المساواه والكلام بتاع فاتن حمامة ده...والكلام ده مش لـكل البنات...ده للبنات بتوع المساواة
ممكن نقولهم أدام أنتوا عايزين مساواة...وتبقوا زى الرجالة بالظبط...
ممكن تطلعوا تشتغلوا بالفاس والكوريك...وتشتغلوا شيالين...وزبالين...وحددين...ومكوجية...ونجارين..ولا المساواة فى اقعدة المكاتب وبس....
ويارب أكون جاوبت على سؤالك...

[lyonaids]

السلام عليكم...،


موضوع مهم جدا ....،



وانا مع الرايق في كل كلامه وموافقه عليه ..

الكلام اللي كتبه ده هو معظم اللي كنت عايز اقوله ...،

وشكرا ..،

[HETLAR 2]

للبنات بتوع المساواة
ممكن نقولهم أدام أنتوا عايزين مساواة...وتبقوا زى الرجالة بالظبط...
ممكن تطلعوا تشتغلوا بالفاس والكوريك...وتشتغلوا شيالين...وزبالين...وحددين...ومكوجية...ونجارين..ولا المساواة فى اقعدة المكاتب وبس....
ويارب أكون جاوبت على سؤالك...

ابصم بالعشرة علي الكلام دة

[dina_246]

انا شايفة ان المساواة ان الست تشتغل جوا البيت هو دة اللى الستات اتخلقوا عشانه والرجل يشتغل برا البيت انما مش مساواة ابدا انى اشتغل برا البيت وجوا البيت وهو يشتغل برا بس
اشمعنى انا اتعب برا البيت واتعب كمان جواه والله ربنا كرمنا وقالنا نفضل فى البيت
الست اللى بتدور عالمساواة فى الشغل برا البيت عمرها ماتبقى مرتاحة
والاهم من دة كله ان البيت والولاد محتاجين حد يرعاهم دة غير ان اهتمامها بنفسها هيقل وهيبقى منقصر بس على اهتمامها بنفسها خارج البيت
حاجات كتير اوى اوى لو قعدت فى البيت يارب الستات يفهموا دة
انا عن نفسى مقتنعة بيه طبعا واعرف بنات كتير اقتنعوا بكدة صحيح كانوا زهقانين فى الاول انما مجرد ما الاطفال بتيجى مبيبقاش فى زهق

[HETLAR 2]

انا شايفة ان المساواة ان الست تشتغل جوا البيت هو دة اللى الستات اتخلقوا عشانه والرجل يشتغل برا البيت انما مش مساواة ابدا انى اشتغل برا البيت وجوا البيت وهو يشتغل برا بس
اشمعنى انا اتعب برا البيت واتعب كمان جواه والله ربنا كرمنا وقالنا نفضل فى البيت
الست اللى بتدور عالمساواة فى الشغل برا البيت عمرها ماتبقى مرتاحة
والاهم من دة كله ان البيت والولاد محتاجين حد يرعاهم دة غير ان اهتمامها بنفسها هيقل وهيبقى منقصر بس على اهتمامها بنفسها خارج البيت
حاجات كتير اوى اوى لو قعدت فى البيت يارب الستات يفهموا دة
انا عن نفسى مقتنعة بيه طبعا واعرف بنات كتير اقتنعوا بكدة صحيح كانوا زهقانين فى الاول انما مجرد ما الاطفال بتيجى مبيبقاش فى زهق

والاهي حق في الي انتي بتقولية و لو بجد الست قعدت في البيت حجات كتير حاتتغير
بس بردو حتبقا ليها عيوب اهمها انها حتبئا فاضية و حتزهئ الراجل في عشتة رايح فين جي منين كنت مع مين الكلام دة كلو

[koky25]

شوف يا هتلر
موضوعك حلو جدا كموضوع للمناقشة
لكن انت مدخل كذا حاجة في بعض وراميها على عمل المرأه

تعالي نشوف

قبل تحرر المرئة
كانت الست بتوعد في البيت بتربي العيال احسن تربية و دة طبعا عمل مهم ماكنش في نسب ادمان عالية ماكنش فية حكاية الجواز العرفي البنات كان معظمهم محتشم كانت الست بتوعد تصنع الاكل في البيت مكانش في طوابير عيش كانت بتخرج اجيال كويسة كانت الدنيا مش زحمة زي دلوقتي عشان مافيش ستات بتشتغل و مافيش ستات بتسوق و ياوالك من سواقة الستات يعني الضياع كلو بس مش مشكلتنا دية
كانت في فرص عمل كتيرة للشباب عشان مافيش ستات بتشتغل



بعد التحرر
الست مشيت بمبداء الزمن هو الي بيربي و التربية دور المدرسة
نسب الادمان زادت اوي - الدنيا بقت زحمة و المرور بئا يخنق عشان الستات الي بيسوقو
اصبح في زواج عرفي عشان بئا مافيش رقابة
الرجالة بئو مش لائين شغل عشان الستات بئو بيشتغلو
اصبحت الخلاعة حاجة عادية في الشوارع



التربية:
زمان ودلوقتي الست بردوا هي اللي بتربي
لكن زمان ماكنش فيه دش وموبيلات وانترنت
ماكنش فيه للاطفال الا حدوتة قبل النوم يدوبك يسمعوها ويروحوا يناموا
كانوا حلوين كده ويشرحوا القلب
اطفال دلوقتي اجارك الله عارفين وفاهمين كل حاجة من قبل ما يتولدوا اساسا

الادمان:
ملوش اي علاقة بعمل المرأه
هو زاد لكن سببه هو الاحباط واليأس وقله القيمة اللي بحسوا بيها شبابنا
كتر الفلوس في ايديهم اللي بيدوهالهم اهاليهم اللي مظنش انا انهم تعبانين فيها
زاد لانه مخطط مرسوم بدقة من عدو قاعد على حدودنا بيدخلنا كل اللي يحبوا قلبك من الادمان والبلاوي السودا اللي عنده

الاكل :
هي برضوا اللي بتعمل الاكل دا بعلكس
زمان ماكنش متوفر ليها الامكانيات المتاحة دلوقتي اللي بتساعدها تعمل نفس النوع والكمية في وقت اسرع بكتيييييييييير من زمان


البس المحتشم:

دي راجعة لضميرها وتربيتها
بس على فكره ارجع كده للافلام القديمة وشوف كانوا بيلبسوا ايه
عارف هي مش لبس
هي طريقة واسلوب
مش عارفة اوصلهالك ازاي
بس شوف شادية وهي لابسه مايوه مثلا
وحط جنبها نادية الجندي وهي لابسه نفس المايوه
اكيد هتلاقي فرق

طوابير العيش:
يا راجل يا مفتري
حتي العيش عايز تحمله علي المرأه
راجع ضميرك يا عم

الجواز العرفي :
الاتنين بيجوزوا
شباب x بنات
اللي اتنين عايزين الحرق

اما الزحمة
فأحب الفت انتباهك اننا زمان كنا 40 او 30 مليون
دلوقتي احنا 80 مليون وعلى فكره سبب الزيادة كتر الخلفة
عشان الراجل المحروس ابو زيد الهلالي عايز يخلف الولد اللي هيشيل اسمه تقول اسم صلاح الدين الايوبي

نقطة كمان اساسا كل مبني سكني مصمم علي ان يكون الدور الارضي والاول على الارض مخصص للجراجات
لكن جشع اصحاب العمارات بيخليهم يقسموه محلات ويبعوه
فبتالي هتلاقي عربيات راكنه وعربيات ماشية وحاله تخنق

اما بقي الشباب اللي مش لاقي شغل
فمعلش اسمحلي
اصلنا هنا شعب متأرنن عيب نشتغل اي شغلانه
نساافر بره نمسح البلاط ونلمع الجزم لكن في بلدنا يع عيب
فرص الشغل كتير
احنا بس اللي بنبص للعالي
اقسم بالله انا لو شاب ومش لاقي شغل
اشتغل في بنزينة
افرش في الشارع وابيع هدوم
هلاقي شغل مش هغلب

اخيرا

نسيت اقول رأي في عمل المرأه
مهم جدا وضروري
عشان تتعلم وتثقف نفسها وتاخد خبرة في الدنيا والحياه
تتعلم تختار زوج يقف جنبها ويسندها
زوج يشاركها حياتها وتشاركه حياته
يربوا سوا اولادهم
كده كفاية
سلام

[HETLAR 2]

ليا رد عاليكي يا كوكي بس بكرة عشان انا تعبان فحت

[HETLAR 2]

ليا رد علاكي يا كوكي بكرة انشاء الله عشان انا تعباااااااااااااااان فحت

[دلبييرو]

سيبوها تشتغل ليقولو علينا متخلفين

[HETLAR 2]

التربية:
زمان ودلوقتي الست بردوا هي اللي بتربي
لكن زمان ماكنش فيه دش وموبيلات وانترنت
ماكنش فيه للاطفال الا حدوتة قبل النوم يدوبك يسمعوها ويروحوا يناموا
كانوا حلوين كده ويشرحوا القلب
اطفال دلوقتي اجارك الله عارفين وفاهمين كل حاجة من قبل ما يتولدوا اساسا

.................................................. .................................................. .................
طاب ماهو المفروض الست تعلم العيال ازاي يستخدمو الحجات دية عشان يستخموها كويس ولا اية

.................................................. .................................................. .................

الادمان:
ملوش اي علاقة بعمل المرأه
هو زاد لكن سببه هو الاحباط واليأس وقله القيمة اللي بحسوا بيها شبابنا
كتر الفلوس في ايديهم اللي بيدوهالهم اهاليهم اللي مظنش انا انهم تعبانين فيها
زاد لانه مخطط مرسوم بدقة من عدو قاعد على حدودنا بيدخلنا كل اللي يحبوا قلبك من الادمان والبلاوي السودا اللي عنده
.................................................. .................................................. .................
بس كلامك كدة غلط لائن مش معظم المدمينين فقراء و كمان لو امهم رابتهم علي التدين ماكنوش ذهبو للادمان
.................................................. .................................................. .................

الاكل :
هي برضوا اللي بتعمل الاكل دا بعلكس
زمان ماكنش متوفر ليها الامكانيات المتاحة دلوقتي اللي بتساعدها تعمل نفس النوع والكمية في وقت اسرع بكتيييييييييير من زمان
.................................................. .................................................. .................
هيا دلوقتي بئت فاضية تعمل حاجة اصلن دي مش فاضية شوفي اي واحدة بتشتغل بتوعد اد اية في الشغل
.................................................. .................................................. .................

البس المحتشم:

دي راجعة لضميرها وتربيتها
بس على فكره ارجع كده للافلام القديمة وشوف كانوا بيلبسوا ايه
عارف هي مش لبس
هي طريقة واسلوب
مش عارفة اوصلهالك ازاي
بس شوف شادية وهي لابسه مايوه مثلا
وحط جنبها نادية الجندي وهي لابسه نفس المايوه
اكيد هتلاقي فرق
.................................................. .................................................. .................
انا مش اقصد زمان زمن شادية لاء انا اقصد من كذا قرن قبل اما يتولد قاسم امين .................................................. .................................................. .................

طوابير العيش:
يا راجل يا مفتري
حتي العيش عايز تحمله علي المرأه
راجع ضميرك يا عم

.................................................. .................................................. .................
انا اقصد ان الست زمان كانت هيا الي بتخبز العيش في بيتها يعني مش محتاجة حاجة من برة

.................................................. .................................................. .................

الجواز العرفي :
الاتنين بيجوزوا
شباب x بنات
اللي اتنين عايزين الحرق
.................................................. .................................................. .................
ايوة بس لو الست قاعدة في البيت كانت حاتتجوز عرفي ازاي
انا مش اقصد ان الراجل زي الفل لاء خالص
.................................................. .................................................. .................

اما الزحمة
فأحب الفت انتباهك اننا زمان كنا 40 او 30 مليون
دلوقتي احنا 80 مليون وعلى فكره سبب الزيادة كتر الخلفة
عشان الراجل المحروس ابو زيد الهلالي عايز يخلف الولد اللي هيشيل اسمه تقول اسم صلاح الدين الايوبي
.................................................. .................................................. .................
اة دي حتة غباء من الراجل بس علي فكرة العدد مش سبب التاخر شوفي الصين و الهند كام مليار
.................................................. .................................................. .................

نقطة كمان اساسا كل مبني سكني مصمم علي ان يكون الدور الارضي والاول على الارض مخصص للجراجات
لكن جشع اصحاب العمارات بيخليهم يقسموه محلات ويبعوه
فبتالي هتلاقي عربيات راكنه وعربيات ماشية وحاله تخنق
.................................................. .................................................. .................
اة دي عندك حق فيها بس شوفي السعودية بغير سواقت ستات عملا اية زي الفل.............................................. .................................................. .....................

اما بقي الشباب اللي مش لاقي شغل
فمعلش اسمحلي
اصلنا هنا شعب متأرنن عيب نشتغل اي شغلانه
نساافر بره نمسح البلاط ونلمع الجزم لكن في بلدنا يع عيب
فرص الشغل كتير
احنا بس اللي بنبص للعالي
اقسم بالله انا لو شاب ومش لاقي شغل
اشتغل في بنزينة
افرش في الشارع وابيع هدوم
هلاقي شغل مش هغلب
.................................................. .................................................. .................
ايوة يعني مثلا واحد يتعلم و يدخل جامعة و في الاخر يشتغل في بنزينة و كمان شوفي هنا حاياخد كام و هناك حياخد كام .................................................. .................................................. .................

اخيرا

نسيت اقول رأي في عمل المرأه
مهم جدا وضروري
عشان تتعلم وتثقف نفسها وتاخد خبرة في الدنيا والحياه
تتعلم تختار زوج يقف جنبها ويسندها
زوج يشاركها حياتها وتشاركه حياته
يربوا سوا اولادهم
كده كفاية
سلام
.................................................. .................................................. .................
شكرا ليكي و ارجو ان اكون راديت علي كل نقطة

[HETLAR 2]

سيبوها تشتغل ليقولو علينا متخلفين

طاب ماهيا بتشتغل دلوقتي بيقولو دلوقتي اننا متقدمين

[koky25]

يا هتلر

القضية مش قضية المرأه تعمل او لا تعمل
حتي الصين اللي انت دللت بيها المرأه هناك بتعمل

لكن القضية قضية مجتمع نفسه
قضية فكر متحجر لابد في مخخننا بقالوا قرون
الحياة مشاركة وتفاهم

يعني تخيل معاه زوجين
والاتنين بيشتغلوا
لكن الزوج وبسبب الفكر المتخلف بتاعنا رامي كل حاجة على مراته
اكيد 100% هتفشل

لكن لو تخيلت معايا زوجين تانين
بيشتغلوا
وبيساعدوا بعض
وبيشيلوا كل حاجة مع بعض
يبقي هيربوا عيالهم احسن تربية وهينجحوا

بص يا هتلر
اوعي تفتكر اني بدافع كده وخلاص
لأ
انا شغلي غيرلي حياتي بالكامل
علمني ازاي اكون قوية
ازاي يبقي عندي ثقة في نفسي
ازاي اتعامل مع الناس
ازاي احمي نفسي
والاهم انه ادني خبره للتعامل مع البشر هي اللي خلتني اختار الانسان اللي هكمل معاه حياتي
انسان صح في فكره وتربيته وعقلة وطموحة وكل حاجة

وبردوا مش عايزة اكرر جزء قولته قبل كده

لكن فيه دول كتير جدا
بتحبس المرأه وبتقيد حريتها
والكل عارف بيحصل هناك ايه

فهل القضية بالنسبه لينا الشكل الخارجي ولا الجوهر ؟
هل نمشي على مبدأ
من برا ههالله هالله ومن جوا يعلم الله؟؟؟؟؟؟؟؟

[HETLAR 2]

يا هتلر

القضية مش قضية المرأه تعمل او لا تعمل
حتي الصين اللي انت دللت بيها المرأه هناك بتعمل

لكن القضية قضية مجتمع نفسه
قضية فكر متحجر لابد في مخخننا بقالوا قرون
الحياة مشاركة وتفاهم

يعني تخيل معاه زوجين
والاتنين بيشتغلوا
لكن الزوج وبسبب الفكر المتخلف بتاعنا رامي كل حاجة على مراته
اكيد 100% هتفشل

لكن لو تخيلت معايا زوجين تانين
بيشتغلوا
وبيساعدوا بعض
وبيشيلوا كل حاجة مع بعض
يبقي هيربوا عيالهم احسن تربية وهينجحوا

بص يا هتلر
اوعي تفتكر اني بدافع كده وخلاص
لأ
انا شغلي غيرلي حياتي بالكامل
علمني ازاي اكون قوية
ازاي يبقي عندي ثقة في نفسي
ازاي اتعامل مع الناس
ازاي احمي نفسي
والاهم انه ادني خبره للتعامل مع البشر هي اللي خلتني اختار الانسان اللي هكمل معاه حياتي
انسان صح في فكره وتربيته وعقلة وطموحة وكل حاجة

وبردوا مش عايزة اكرر جزء قولته قبل كده

لكن فيه دول كتير جدا
بتحبس المرأه وبتقيد حريتها
والكل عارف بيحصل هناك ايه

فهل القضية بالنسبه لينا الشكل الخارجي ولا الجوهر ؟
هل نمشي على مبدأ
من برا ههالله هالله ومن جوا يعلم الله؟؟؟؟؟؟؟؟

طاب انتي بتقولي ان الاتنان حيسعدو بعض طاب مين الي حيربي العيال ؟؟؟
يعني الراجل يروح الشغل و يطلع عينو و يجي يلاقي مراتو لسة راجعة من الشغل و هو المفروض يعمل كل حاجة لنفسو

هو صح الشغل بيدي للست خبرة في الحياة بس بردو لية تاسير عكسي
يعني مثلا لو انتي مخلفة و بتروحي الشغل مين الي حيربي العيال ؟؟؟؟

بتحبس المرأه وبتقيد حريتها
انا ماقولتش نحبس المرئة هو الستات الي مش بيشتغلو محبوسين

علي فكرة انا مش مع ولاضد لاكن عايز اعرف وجهت نظر الشباب

[koky25]

مين قال يعمل كل حاجة لنفسوا؟؟؟ بقول يعملوها
يا هتلر يعملوها سوا سوا سوا سوا both
بعدين مالها تربية العيال؟؟؟
التربية يا هتلر اسلوب مش تواجد
فيه ستات كتير جدا متفرغين لعيالهم ومع ذلك العيال بضيع

[HETLAR 2]

فيه ستات كتير جدا متفرغين لعيالهم ومع ذلك العيال بضيع
طاب لو في واحدة بتشتغل حاتربي العيال ازاي و امتي ؟؟؟؟؟
انتي بردك دة بتفكرني بالي بيقول طاب ما في ناس بتذاكر و بتسقط لاكن الاغلبية اية ؟؟؟

[koky25]

طاب لو في واحدة بتشتغل حاتربي العيال ازاي و امتي ؟؟؟؟؟
انتي بردك دة بتفكرني بالي بيقول طاب ما في ناس بتذاكر و بتسقط لاكن الاغلبية اية ؟؟؟

قلت قبل كده ان التربية مش تواجد بل اسلوب

ازاي اعلم واربي اولادي على الصح وازاي يمشوا عليه سواء كنت انا موجودة او غير موجودة؟؟

هحاول اختصر الموضوع لانه موضوع كبييييييير جدا

بس اول شرط فيه هو التفاهم بين الزوجين
ماينفعش الام تقول اه ويجي الاب يقول لا

لازم يكونوا هما الاتنين كلمتهم واحده ومباشرة وصريحة وحازمه

القرار اللي بيخدوا لازم يتنفذ مهما كان صعب

اكبر غلطة بتحصل اما بيختلف الزوجين انهم وبأختصار بيشردوا لبعض قدام عيالهم (طب هيحترموهم ازاي)

اكبر غلط انك تسيب الطفل هو اللي يتحكم فيك
لازم يتعلم من صغره ازاي يعتمد على نفسه
يصحي بدري يتشطف يوضب شنطته يعني يهتم بنفسه (دا سواء الام بتشتغل او لا)

فيه وقت لللعب وقت للنوم وقت للصحيان

ومهم قوي انه يكون فيه وقت للقرأءه والهويات

كمان مهم انه في الاجازة يطلعوا كلهم في رحله ويقضوا وقت ظريف

فيه صح يبقي فيه ثواب
فيه غلط يبقي فيه عقاب
يفهم انه اذا غلط هيكون هناك عقاب وهيتنفذ مهما بكي او صرخ

مابيقاش عندك طفل او طفله عمرهم 11 او 12 سنه وتروح تشتري ليهم موبايل

او
لو بتشتغلوا تسيبولهم التليفزيون بالدش كده طول الوقت
لا الدش ليه باس ورد محدش يعرفوا
حتي التليفزيون كمان ولو مفيش اتصرفوا انشاالله تقفلوا على التليفزيون والدش بالمفتاح
متترحوش تجيبوا كمبيوتر وتسيبوهم قاعدين قداموا عمال على بطال من غير رقابة
لو فيه شغل كل حاجة متطلعش غير والاب والام في البيت

للاولاد قبل البنات وخصوصا اما يكبروا شويه
مفيش خروج كل يوم
مفيش تاخير برا البيت
مفيش فلوس عمال على بطال
عايز فلوس حوش من مصروفك

كل اللي فات دا ممكن يحصل سواء كان فيه شغل او لا

لازم يفهموا ان الاهل موجودة او مش موجدوة كل حاجة بيعرفوها وهيعرفوها

لكن الاهم ان كل دا ممكن ينهار لو مفيش تفاهم بين الزوجين

[HETLAR 2]

قلت قبل كده ان التربية مش تواجد بل اسلوب

ازاي اعلم واربي اولادي على الصح وازاي يمشوا عليه سواء كنت انا موجودة او غير موجودة؟؟

هحاول اختصر الموضوع لانه موضوع كبييييييير جدا

بس اول شرط فيه هو التفاهم بين الزوجين
ماينفعش الام تقول اه ويجي الاب يقول لا

لازم يكونوا هما الاتنين كلمتهم واحده ومباشرة وصريحة وحازمه

القرار اللي بيخدوا لازم يتنفذ مهما كان صعب

اكبر غلطة بتحصل اما بيختلف الزوجين انهم وبأختصار بيشردوا لبعض قدام عيالهم (طب هيحترموهم ازاي)

اكبر غلط انك تسيب الطفل هو اللي يتحكم فيك
لازم يتعلم من صغره ازاي يعتمد على نفسه
يصحي بدري يتشطف يوضب شنطته يعني يهتم بنفسه (دا سواء الام بتشتغل او لا)

فيه وقت لللعب وقت للنوم وقت للصحيان

ومهم قوي انه يكون فيه وقت للقرأءه والهويات

كمان مهم انه في الاجازة يطلعوا كلهم في رحله ويقضوا وقت ظريف

فيه صح يبقي فيه ثواب
فيه غلط يبقي فيه عقاب
يفهم انه اذا غلط هيكون هناك عقاب وهيتنفذ مهما بكي او صرخ

مابيقاش عندك طفل او طفله عمرهم 11 او 12 سنه وتروح تشتري ليهم موبايل

او
لو بتشتغلوا تسيبولهم التليفزيون بالدش كده طول الوقت
لا الدش ليه باس ورد محدش يعرفوا
حتي التليفزيون كمان ولو مفيش اتصرفوا انشاالله تقفلوا على التليفزيون والدش بالمفتاح
متترحوش تجيبوا كمبيوتر وتسيبوهم قاعدين قداموا عمال على بطال من غير رقابة
لو فيه شغل كل حاجة متطلعش غير والاب والام في البيت


للاولاد قبل البنات وخصوصا اما يكبروا شويه
مفيش خروج كل يوم
مفيش تاخير برا البيت
مفيش فلوس عمال على بطال
عايز فلوس حوش من مصروفك


كل اللي فات دا ممكن يحصل سواء كان فيه شغل او لا

لازم يفهموا ان الاهل موجودة او مش موجدوة كل حاجة بيعرفوها وهيعرفوها

لكن الاهم ان كل دا ممكن ينهار لو مفيش تفاهم بين الزوجين

معاكي في كل الي قولتية
بس ازاي بقا تعودهم علي كدة و هيا مش فاضية ؟؟؟؟؟؟؟؟

[koky25]

لو فيه تفاهم هيبقي فيه تنظيم للوقت
داانت هتندهش كمان لو قلتلك انها ممكن تلاقي وقت فاضي مش عارفة تعمل فيه ايه

[HETLAR 2]

ايوة دة لو اتحقق الي بتقولي عالية هاتبئا اسرة سعيدة بس مين الي يعمل كدة و كلامك والاهي مزبوط

[koky25]

جميل
فكر معايا
لو جزء منا عمل كده
وربوا اولادهم كده
الولاد دي هتكبر
وهيعملوا زي اهلهم
شوية شوية هتلاقي الكل بقي كده
مين يعرف
يمكن ساعتها نتقدم ونتعلم ونطلع القمر ونوصل للمريخ وللي بعد المريخ
يمكن ساعتها تقل طوابير العيش ويختفي الادمان والزحمة واجهل والتخلف
ونبي بجد خير شعوب الارض
بس مين يسمع
قول يا رب
ويدينا ويديك طوله العمر
وسلام

[HETLAR 2]

جميل
فكر معايا
لو جزء منا عمل كده
وربوا اولادهم كده
الولاد دي هتكبر
وهيعملوا زي اهلهم
شوية شوية هتلاقي الكل بقي كده
مين يعرف
يمكن ساعتها نتقدم ونتعلم ونطلع القمر ونوصل للمريخ وللي بعد المريخ
يمكن ساعتها تقل طوابير العيش ويختفي الادمان والزحمة واجهل والتخلف
ونبي بجد خير شعوب الارض
بس مين يسمع
قول يا رب
ويدينا ويديك طوله العمر
وسلام

شفتي دور المرئة مهم ازاي دي ممكن تبني نهضة امة عن طريق تنشئة الاطفال