فريــــ؛ــق عمـــ؛؛ـل المجلــــ؛ـــة ...الدخول ضرورى

[HiL@Ry]

السلام عليكم ورحمة الله وبركاتة

أخوتى وأخوانى الأعزاء فى الاول كل سنه وحضراتكم طيبين ...

ثانيا : نحتاج لفريق عمل لمجلة آدم وحواء ..ويتم التنسيق معهم أن شاء الله حتى نخرج بالعدد الأول

بعد تأخير دام أشهر ...فمن يرى فى نفسه المقدرة على ذلك أرجو أن يرشح نفسه ..وأن يذكر

الباب الذى يمكن أن يناقشه أو أبداء نبذة عن الموضوع الذى سيدخل به المجلة ...وسيتم عرض لكم الشرح المبداى للمجله

ولكن بعد أن نرى مرشحين أن شاء الله ..( شرط وحيد ..أن يكون من رواد منتدى آدم وحواء ) ..وسيتم تكريم الاعضاء ان شاء الله ..

تحيتى لكم ..فى انتظاركم أن شاء الله

[wolf176]

والله يا منى شىء يسعدنى انى اكون اول المرشحين لانى بحب القسم هنا واحب انه يتقدم .. انا ممكن اناقش فى باب القضايا باسلوب ساخر اظن ده اسلوب لذيذ وفعال بالنسبة للمجتمع الى احنا فيه لان الشعب المصرى بيحب الضحك وبذات لو قضايا بشكل ساخر اظن بتدى مساحة اكتر لفهم القضية مع حرية فى السرد والرد بدون تقيد من الكاتب او القارئ ...على العموم انا معظم موضيعى فى القسم بالاسلوب ده وانتو الى ممكن تحددو وشكرا

بالتوفيق والتقدم لقسم ادم وحواء

[drb0sy]

اهلا يامنى

موضوع مميز واحلى مافيه ان لو قبلتونى معاكم هبقى سعيدة بالعمل معاكى ياقمر

انا برشح نفسى

وعندى موضوع حلو يخص سلوكيات الطفل بين الطبيعة والمرض

وممكن اطلعك عليه على الخاص
يعنى فى حاجات كتير عندى تربط بين الامومة والطفولة والطب باسلوب شيق لكل ام

فى كمان حاجات زى موضوعى اللى فى التوقيع"مؤشرات انتهاء امر الرجل لدى المرأة "

ولو عاوزة تحقيق عن لى نوع من الامراض زى الام والجنين من الالف الى الياء
او اى حاجة طبية

سؤال وجواب

اى حاجة زى كدة انا ممكن اقدمها بردو ونتفق على المواضيع

وان شاء الله تبقى حاجة مشرفة وفكرة جميلة

[lyonaids]

السلام عليكم ..،

الفكرة كويسة اوي يا جماعة وأنا معاكو لو عايزين وتحت امركو ..،

في بس تلات نقط http://img505.imageshack.us/img505/4671/presko6.png....،


* ان المجلة المفروض تبقي شايلة شخصية القسم بمعني انها متخصصة وتحمل طابع القسم هنا
واهتمامات اعضاءه بشكل خاص علي عكس مجلة الديفيدي اللي كانت متنوعة ولللمنتدي كلة
بشكل عام ....،

* لازم يبقي التنسيق بين الاعضاء بتوع المجلة طبعا بعيد عن هنا لان مينفعش الترتيب للمجلة
وللشغل فيها يبقي قدام القارئ قبل مدة الصدور وبكدا هيحصل حرق للمواضيع !! :whistle:


* عن نفسي انا ممكن اعمل بحث او تحقيق عن ..: الزواج العرفي ( زاد جدا يا جماعة ):thumbdown:
وبطريقة سهلة وبسيطة مدعم بالصور لضمان متابعته ..،او موضوع يعبر عن قسم ادم ..يهم
الرجل بشكل خاص ويمكن للكل متابعته بشكل عام ..،





غير كدا اي حاجة تانية انا تحت امركو ..،




وانشاء الله القسم دايما في تقدم وكل سنة وانتو طيبين :jap:







..

[HETLAR 2]

ممكن اعرف معاد المجلة امتي عشان اشوف بعد امتحناتي ولا لاء
بس انا ممكن تكون موضوعاتي فيها شوية سياسة

[™Mo7aMMeD SaLeM]

السلام عليكم ..،


الفكرة كويسة اوي يا جماعة وأنا معاكو لو عايزين وتحت امركو ..،

في بس تلات نقط http://img505.imageshack.us/img505/4671/presko6.png....،


* ان المجلة المفروض تبقي شايلة شخصية القسم بمعني انها متخصصة وتحمل طابع القسم هنا
واهتمامات اعضاءه بشكل خاص علي عكس مجلة الديفيدي اللي كانت متنوعة ولللمنتدي كلة
بشكل عام ....،

* لازم يبقي التنسيق بين الاعضاء بتوع المجلة طبعا بعيد عن هنا لان مينفعش الترتيب للمجلة
وللشغل فيها يبقي قدام القارئ قبل مدة الصدور وبكدا هيحصل حرق للمواضيع !! :whistle:


* عن نفسي انا ممكن اعمل بحث او تحقيق عن ..: الزواج العرفي ( زاد جدا يا جماعة ):thumbdown:
وبطريقة سهلة وبسيطة مدعم بالصور لضمان متابعته ..،او موضوع يعبر عن قسم ادم ..يهم
الرجل بشكل خاص ويمكن للكل متابعته بشكل عام ..،





غير كدا اي حاجة تانية انا تحت امركو ..،




وانشاء الله القسم دايما في تقدم وكل سنة وانتو طيبين :jap:








..


السلام عليكم ..

بصراحة كلامك يا ليو ..
مش هاقدر أقول حاجة بعده ..
الثلاث نقاط اللى أنت قولته .. خدتهم من على الكيبورد بتاعتى ...
وفعلا لازم المجلة تحمل طابع القسم ...
وتتكلم فى كل مشاكل الشباب ..
وكل ما يخص الامومة .. والطفولة ..
ومشاكل الزوجين ...
والاهتمام بالجانب الدينى ... فى الحياة الزوجية .. وطريقة تعامال الزوجين ... كل منهم مع الاخر ..
وأما على انى هارشح نفسى .. أنا مرشح نفسى معاكوا ...... ...

...وشكرا

[سارة كامل]

فعلا المجلة اتاخرت كتير

وان شاء الله تكون جيدة بحجم منتدى الديفيدى وقسم ادم وحواء المتميز

وان ممكن اشارك فى المجلة فى القسم الدينى

وما يخص المراة من هذة الزاية والرجل طبعا

واتمنى التوفيق لجميع

[im lover]

السلام عليكم

يا رب اكون لحقتكوا .. والله فكرة جميلة

بحيكي علي عرضها مرة اخري بعد اختفائها من فترة يا هيلاري

علي العموم احب اني اكون عضو معاكوا ..

وفي مواضيع كتير انا عايز اتكلم فيها .. في المجلة

وبما اني رجل قانون فاهتكلم عن .. الخلع واساسه القانوني

وبردوه هاتكلم عن الجواز العرفي ..

يعني في مواضيع كتير وانشائ الله نكون قد المسؤلية :mdr:

وبالتوفيق للجميع باذن الله ..

[el rayk gedan]

السلام عليكم...

أزيك يامنى..يارب ما كونش أتأخرت...

أتمنى أكون معاكوا..ومواضيعى هتكون على نفس المواضيع الى بعملها عن مشاكل الشباب والبنات الى بتقابلنا فى الحياة..

هو أنا حاليا مش جاهز بيهم دلوقتى لكن وقت ماتبدأى مشروع المجلة أن شاء الله هتلقينى موجود بالمواضيع..

وربنا يوفقك ويوفقنا جميعا..،

[أ. علاء محمود]

السلام عليكم ورحم الله وبركاته
نظرا لسني (33)وخبرتي وقدرتي على الكتابة أقوم بعرض خدمتي عليكم في المشاركة في تلك المجلة ، وللعلم لي موضوعان هنا في هذا القسم ( تضحيات من أجل الخرين )
و ( كيف نصنع علاقة زوجية ناجحة ؟ ) وتستطيعين مراجعتهمالمعرفة طريقتي في الكتابة..
والله الموفق للجميع

[doode2000]

السلام عليكم
اختى الكريمة منى انا اسمى محمد وانا عضو من زمان فى الديفيدى
بس مش بدخل على القسم ده كتير
والنهاردة انا لقيت اللينك الخاص بموضوع المجلة
وانا اتمنى انكم تقبلونى معاكم فى المجلة واكون مسؤل عن التصميمات
وده تصميم عملته لمجلة الديفيدى العربى للفضائيات للمشاهدة من هنا (http://www.dvd4arab.com/showthread.php?t=759546&page=3)
بالاضافة الى كنت عضو فى فريق عمل مجلة اخرى فى منتدى كبير زى الديفيدى
وفى النهاية يكون لى الشرف انى اكون عضو معاكم فى المجلة

[™HYDRO]

لو لسه عايزين انا فيه عندي موضوع كنت بفكر فيه ممكن اشترك بيه معاكو في المجله

لو خلاص شطبتو مفيش مشاكل ^_^

[Jilan Hamdy]

والله المجلة دى ممكن تبقى ظريفة ولو لسة محتاجين حد فأنا معاكم أنا ممكن أكتب عن المنزل سواء ديكورات أو أفكار أو أشياء نصنعها بأنفسنا ..كما إنى ممكن أكتب عن صعوبات التعلم عند الأطفال ( بما إنى أم وأعانى من هذه المشكلة )
وعلى فكرة المواضيع لن تكون منقولة من منتديات أخرى ولكن سأنقلها من مواقعها الأصلية وسأقوم بترجمتها بنفسى
يا ترى حابين الأفكار دى وللا لأ ؟