هل أنت مع أو ضد [الأرشيف] - موقع الدي في دي العربي

lyonaids

23-03-2008, 11:54 PM

السلام عليكم ..،

فكرتك حلوة أوي أوي
... مش عارف بقي هيا مكانها هنا ولا لأ .:whistle:

..لان في قسم للمواضيع دي في المنتدي العام

اذن ممكن تبقي هنا بس نخلي بقي كلامنا في المواضيع اللي تهم القسم
..و ماشاء الله انتي خدتي بالك من النقطة دي
...وفعلا اول مشاركة كويسة جدا

واجابتي أهي :
(معلش اضطريت اوضحها عشان ميقومش خناقة علي ردي :mdr:)

مع الشات بين الولد والبنت اللي مش ليهم علاقة ببعض

( لان في شات كويس بين الولد والبنت مثلا لو شغل او زمالة او استفادة... ده رايي )

للي بعدي ...:

لبس البنت للبنطلون

معاه او ضده ؟؟

asa65

24-03-2008, 12:00 AM

شكراً ليكي علي التوبيك الهايل ده
و ان شاء الله اشارك معاكو بعدين
بعدين بقي
باي

SHADIMETALLIAN

24-03-2008, 12:00 AM

السلام عليكم ..،

للي بعدي ...:

لبس البنت للبنطلون

معاه او ضده ؟؟

ضد
لان الاعصاب ساعات مبتستحملش بصراحه :whistle:

اللي بعده,

مع او ضد عمل زوجتك لوقت متاخر (يعني بترجع الساعه 5 مثلا )؟؟؟؟؟؟

an an

24-03-2008, 12:01 AM

شكرا لمشاركتك يا ليو
علي فكرة انا مكنتش قصدي انزله هنا خالص وان كنت عماله ادور عليه جوة منتدي ادم وحواء بس يالا جت سليمه
يكون مشكور جدا لو مشرف المنتدي يجعله في صفحه ادم وحواء مش داخل منتدي ادم

وشكرا يا ليو لانك لفت نظري وهستني ردك تاني

lyonaids

24-03-2008, 12:06 AM

لا انا شايف ان برة في لعبة الصراحة

خلاص ممكن يبقي هنا بعد اذن انسة مني مشرفة القسم طبعا

بس نتكلم علي المواضيع اللي تهم القسم ( قسم أدم ) ده رايي

وخلاص متكرريهوش برة ..:mdr: و اكيد مني بردو ليها رايها وكلمتها الاولي والاخيرة..،

an an

24-03-2008, 12:12 AM

ضد
لان الاعصاب ساعات مبتستحملش بصراحه :whistle:

اللي بعده,

مع او ضد عمل زوجتك لوقت متاخر (يعني بترجع الساعه 5 مثلا )؟؟؟؟؟؟

انا كبنت ارفض اني ارجع من الشغل متاخرة وكمان محبش الراجل اللي يسيب مراته ترجع متاخرة اللي بعدي هل انت مع او ضد الزواج عن طريق النت

im lover

24-03-2008, 01:10 AM

اللي بعدي هل انت مع او ضد الزواج عن طريق النت

ان ان موضوع هايل بجد ..

بس ياريت مايخرجش عن نطاق قسم ادم زي ليو ما قال

بس فكرة جميلة اوي .. تسلمي عليها

وانا هشارك معاكوا..

وبالنسبة لسؤالك ..

ضد

ومليون ضد لانها في الاساس علاقة مبنية علي الغش والخداع

استحالة تنتج زواج ناجح وهي في الاصل علاقة فاشلة ..

السؤال للي بعدي..

هل انت مع او ضد الحب من اتجاه واحد

drb0sy

24-03-2008, 01:31 AM

موضوع جميل يا ان ان

تسلم ايدك ياقمر

بس عاوزة اسأل ياترى ممكن نكرر الاسئلة؟؟

بيتهيألى ممكن وكل واحد يعلل بقى رايه

اجابتى على مصطفى باشا ان طبعا ضد الحب من طرف واحد لانه مش بيجنى الا الحسرة وانكسار القلب والمرار

س: هل انت مع أو ضد حرية استخدام النت فى الصداقة او الCHATTINGبعد الزواج؟؟حتى لو بغرض الصداقة

dina_246

24-03-2008, 01:34 AM

طبعا موضوع حلو وهيطرح اسئلة كتيرة اوى
واجابتى ضد طبعا الشات بعد الزواج
سؤالى هل انت مع ام ضد الزواج من اجنبية

drb0sy

24-03-2008, 01:40 AM

انا ضد الزواج بأجانب لان بغض النظر عن اى شىء اختلاف الطباع ولاعادات والتقاليد ممكن يولد سيل لا ينتهى من المشاكل للطرفين

دى وجهة نظرى وبتفرق طبعا من ولد لبنت

الى بعدى ...كرر

HETLAR 2

24-03-2008, 03:50 AM

انا ضد الزواج بأجانب

الي بعدي
انتا مع ولا ضد الارتباط الي بيسامة ارتباط عاطفي

starsong

24-03-2008, 06:26 AM

الي بعدي
انتا مع ولا ضد الارتباط الي بيسامة ارتباط عاطفي

مع

لأن ارتباط عاطفى مع أنسجام فكرى غالبا ما يؤدى الى حياة سعيدة

سؤالى :

أنت مع و لا ضد

الجواز من بنت ليها أصدقاء ولاد و مش ناوية تترك صداقتهم بعد الجواز !

M!ĐǾNH0

24-03-2008, 08:39 AM

ضد طبعا
ليه انشالله بعد الجواز يبقي ليها صحاب ولاد ويتقابلوا كدا وعادي
دا يبقي احنا رجاله مش ولابد كدا

اللي بعدي انت ضد ولا مع اجبار الشاب علي الزواج من قريباته؟؟؟

dina_246

24-03-2008, 02:38 PM

ضد طبعا
مينفعش نجبر على شاب دلوقتى يتجوز مين دة البنت خدت حقها وبقت بتقدر ترفض
المشكلة دى موجودة مع حد اعرفه وبجد الانسان دة مش عارف يعمل ايه مش مرتاح للبنت دى اللى هى قريبته طبعا ولا قادر يزعل اهله
سؤالى
هل انت مع ام ضد ان تتزوج الفتاة وهى لازلت تدرس؟

HETLAR 2

24-03-2008, 03:15 PM

ضد طبعا يعني خلاص مش قادر استني اما تخلص و كمان حتذاكر و لا تخلي بالها من البيت لاء صعبا اوي

سؤالي
هل انتا مع ولا ضد اسامة منير

asa65

24-03-2008, 05:01 PM

سؤالي
هل انتا مع ولا ضد اسامة منير

يا ريت تعدل السؤال
هل انتا مع ولا ضد البتنجان والبتنجان بالانجليزي يعني
( egg plant)
http://img210.imageshack.us/img210/1162/10366846rt5.jpg
يبقي ترجمة السؤال هل انت مع او ضد نبات البيض
انا طبعاً ضد نبات البيض ده مش انا لوحدي ده انا و قنوات ميلودي و نص شباب مصر السوي(مش سايكو يعني)
سؤالي بقي
لو اتعرض عليك تتجوز بنت اجنبيه متحرره تقبل وللا لأ
يعني مع او ضد الزواج من اجنبيه

Wanna Help

24-03-2008, 05:35 PM

لو اتعرض عليك تتجوز بنت اجنبيه متحرره تقبل وللا لأ
يعني مع او ضد الزواج من اجنبيه
أنا ضد الزواج من أجنبية.....

سؤالي أنت مع انك تشتغل اما تخلص في مصر ولا تسافر برة؟؟؟

M!ĐǾNH0

24-03-2008, 05:51 PM

لا ياباشا انا هنا بالنسبه ليا ضد مينفعش اسافر لظروفي الخاصه مع اني عندي الحمدلله فرص كتير اوي بس بالنسبه للشباب انا مع جدا

سؤالي انتوا مع ولاضد مجانيه التعليم؟؟؟؟؟؟

m-samy

24-03-2008, 06:05 PM

لا ياباشا انا هنا بالنسبه ليا ضد مينفعش اسافر لظروفي الخاصه مع اني عندي الحمدلله فرص كتير اوي بس بالنسبه للشباب انا مع جدا

سؤالي انتوا مع ولاضد مجانيه التعليم؟؟؟؟؟؟

مع طبعا
لان التعليم ده هو الحاجة اللى تقدر تبنى بيها بلد على اساس سليم(اليابان موقفتش على رجلها الا لما علمت ولادها كويس)
بس طبعا ميبقاش تعليم مجانى وطالع عينك دروووووس ههههههههه

سؤالى بقى:
ممكن ترتبط بحد اكبر منك,بس فرق السن من شهرين لسنة مثلا مش تلات اربع سنين؟

Wanna Help

24-03-2008, 06:10 PM

سؤالى بقى:
ممكن ترتبط بحد اكبر منك,بس فرق السن من شهرين لسنة مثلا مش تلات اربع سنين؟
__________________

لأ طبعا ضد

سؤالي بقي انت مع حركة أبو تريكه بتاعة تضامنا مع غزة ولا لأ؟؟؟؟

asa65

24-03-2008, 07:44 PM

سؤالي بقي انت مع حركة أبو تريكه بتاعة تضامنا مع غزة ولا لأ؟؟؟؟

طبعاً مع
الواد راجل فعلاً والحركه دي خلتني احترمه جداً مع اني ماليش في الكوره
السؤال بقي
انت مع قنوات التلفزيون و الاعلام الموجه وللا مع الاعلام الحر

an an

24-03-2008, 10:11 PM

SHADIMETALLIAN

24-03-2008, 11:09 PM

والله يا جماعه متشكرة لمشاركتكم معايا
وبالنسبه للسؤال احيانا بيكون نافع بس ببعض الشروط ان يكون ليه قنوات مفيده تكسب بيها ثواب يعني احيانا و احيانا وكل واحد وحسب استخدامه
اللي بعدي هل انت مع عمل المرأة والا ضد واقصد ان كان عملها دون اختلاط
يعني هل انت مع المبدا والا ضد؟

مع
بس يكون محترم.....وترجع البيت بدري....يعني علي الضهر كده
عشان مش عايز اتجوز علي مراتي بصراحه :glasses:

اللي بعده
هل انت مع او ضد موسيقي الميتل؟؟؟؟؟

لو ينفع نتخلي عن قاعده مع و ضد
فيبقي لسؤال
ايه رأيك في موسيقي الميتل؟؟؟؟؟؟

HETLAR 2

24-03-2008, 11:27 PM

لاء مش معاها عشان بتبقا جنون و مافيهاش فن اوي كلها خبط و كتير منها بيبقا فية كلمات كفر

اية رائيك في قرار اتحاد الكرة بعدم معاقبة شادي محمد عندما شاور علي جزمتة لجمهوة الزمالك

SHADIMETALLIAN

25-03-2008, 01:05 AM

لاء مش معاها عشان بتبقا جنون و مافيهاش فن اوي كلها خبط و كتير منها بيبقا فية كلمات كفر

اية رائيك في قرار اتحاد الكرة بعدم معاقبة شادي محمد عندما شاور علي جزمتة لجمهوة الزمالك

اهلا يابو هتلرررر
ده انا كنت بدور عليك بعد ماتش الاهلي والزمالك
انت كنت فين يا رااااجل؟؟؟!!!!!!

بالنسبه للسؤال
طبعا مع الاتحاد
لاني لو عاقب شادي هيكون قرار ظالم..وبيكيل بمكيالين....ده في ناس قلعت الجزمه كلها
ومحدش عاقبهااااا......مش كده ولا ايه؟؟!!!
ده غير اني حكايه شادي شاور علي الجزمه....اشاعه مغرضه من الجماهير المعاديه
وحاجه تاني بقي يا مان
انصحك تسمع ميتل...قبل ما تحكم عليه :glasses:
لاني اللي قلته مش منطقي خاااالص

اللي بعده,
مع او ضد ختان الاناث؟؟؟؟؟!!!

lyonaids

25-03-2008, 01:15 AM

SHADIMETALLIAN

25-03-2008, 01:27 AM

يا بشرية بلاش المواضيع برة القسم يا واد يا شادي انتا وهتلر :mdr:ههههههه

انا مش ضد ختان الاناث .. ومتقيد بفتوي الازهر في دي !!

بص يا شاديـــــي ي ي ي

هو انتا سألتش ؟؟

ولا انا جاوبتش ؟؟ :mdr: طب بص يا سيدي ..؟؟

انتا مع او ضد ..

الخلع

يا باشااااا مفيش مشاكل خالص
ده حتي المناوشات دي بتخلي المواضيع مثيره

القسم هنا مفهوش اثاره بالمره
الا في مواضيعك انت وكام عضو يتعد علي الصابع الواحد
مع اني المفروض يبقي قسم اكتر من شيق يا ليو...صح؟؟

بالنسبه للسؤال,

مع طبعا...لاني الدين بتاعنا بيقول كده
ده غير اني لما الست تخلع....مبتخدش مليم من الراجل
يعني مصلحه جامده:glasses:

اللي بعده,
هل انت مع او ضد
تدريس التربيه الجنسيه في المدارس؟؟؟؟؟

drb0sy

25-03-2008, 01:30 AM

مع جداااااااااااااا

اللى بعدى
انت مع ولا ضد الزواج المبكر للشباب

من عشرين ل23 كدة

drb0sy

25-03-2008, 01:37 AM

هل انت مع او ضد
تدريس التربيه الجنسيه في المدارس؟؟؟؟؟
[/FONT][/SIZE][/CENTER]

انا مع بس بشرط

المناهج تكون متوافقة وديننا الاسلامى وعاداتنا وتقاليدنا
وقبلها يتم تأهيب المعلمين نفسيا لمثل تلك المناهج
علشان منكحلهاش نعميها

اللى بعدى نفس سؤالى السابق
انت مع ولا ضد الزواج المبكر للشباب ؟

takki

25-03-2008, 02:53 AM

انا عجبني جدا الموضوع قوي بصراحة و
انا ضد الزواج المبكر لان قولتها قبل كدة وهقولها تاني
الشاب اللي لسة صغير عمرة ماهيتحمل مسؤلية بيت في يوم
لازم الحياة هتاخدة ويبقي عايز يروح مع اصحابة هنا وهنا
ويكلم دي ويهظر مع دي ويخرج مع دي لانة لسة شباب
واكيد اكيد شهر ولا اتنين وهيجي لة حالة ملل من مراتة
ساعتها اية في الحالة دي يغير ويشتري واحدة جديدة ولا اية ...!!

هل انت مع او ضد
الارتباط الجامعي .. !!
لان بقي اي حد بيقابل اي حد بيحب اي حد

احمد ارنولد

25-03-2008, 02:55 AM

الصراحه انا مع الزواج المبكر ........ بس مش باستهبال

يعنى المقصود يكون الشاب قادر ماديا وعقليا <يعنى يقدر يتعامل مع المشاكل والامور بحكمه> وكمان البنت تكون واعيه وعارفا يعنى ايه بيت وعيال وكده.....صح ؟

وبالنسبه للاخ اللى كان بيتكلم عن موسيقى الميتل .........
احب اقوله انا مش بحبها ..لا دانا بموت فيها وطبعا على راس القائمه فريق ايفنسنس
انا اسف يا جماعه لو طولت عليكم

والسؤال للبعدى

ايه رايكم بلعبه كمال اجسام < اللى بيربو فيها عضلات دى ..ها >

وارجو اعرف راى الشباب ...سلام

احمد ارنولد

25-03-2008, 03:07 AM

SHADIMETALLIAN

25-03-2008, 03:28 AM

انا اسف جدا يا تاكى مشاركتك مظهرتش عندى غير لما رديت على السؤال اللى قبلك......... ع العموم

انا ضد التعارف الجامعى لانو كله بيكدب على كله اي نعم مش كله هههههههه.......بس الحكايه دى مش ظريفه يعنى انا مقبلش اتجوز واحده كان ليها علاقات بالجامعه حتى لو علاقه واحده ......وده لانى عمرى م عملت كده فمقبلش مراتى تكون كده مش كده يا حلوين؟؟؟؟؟

المهم سوالى زى م هو

ايه رايكم بلعبه كمال اجسام < اللى بيربو فيها عضلات دى ..ها >

وارجو اعرف راى الشباب ...سلام

صباحو ميتل هيدز يا حاج احمد
بس عايزك ترتقي بقي.....دووووووووووووووووووووووس يعني

اما الاجابه علي السؤال فهي
مع
انا عن نفسي بحب اللعبه وبمارسها كمان
بس مكدبش عليك....محبش شكل الناس اللي في البوسترات دي
ارنولد وروني كولمان والعالم دي

لاني بفضل ال natural bodybuilding
مع قليل من المقويات (وليس المنشطات)

اللي بعده,
مع او ضد
ممارسه الجنس بالفم؟؟؟!!!
(معلش عارف انو جريء....بس ده اتناقش عادي في الفضائيات...ومن الحاجات القليله اللي مش عارف اخد فيها موقف شخصي لغايه دلوقت..او مش مستعجل يعني :glasses:)

starsong

25-03-2008, 12:45 PM

لا يا Shadimetallian معلش يا ريت تغير السؤال أحسن لانه فعلا بيدخل فى منطقة مينفعش نتكلم فيها هنا على الملأ و فى منتدى محترم زى دى فى دى
أما أن الفضائيات تناولته فده مش غريب على كتير من الفضائيات اللى
بعيده عن أى رقابه و اللى بتفسد فى المجتمع أكتر ما بتنفعه !

air_man707

25-03-2008, 01:04 PM

موضوع جرىء وجميل جداً لكن هيدخل فى مناطق شائكة كتير لأن إحنا عرب ومنتمين لأصول تحترم العلاقات وتضع روابط (ده غير الدين طبعاً).
لكن ليا رأى فى موضوع الأخ im lover إلى رفض الزواج عبر الإنترنت ,,وصراحه أنا مش عارف هو قال ليه ضد ومليون ضد وان العلاقه أساساً خداع فى خداع والكلام ده كله مع إنى شايف إن مش كل الناس كدابين ولا غشاشين إلا إذا كانت لك يا عزيزى im lover تجربه شخصيه خاصه بالموضوع ده.
أنا عن نفسى عندى طفل والحمد لله عنده سنه ومتزوج وأقولك شىء أنا شخصياً متعرف على زوجتى من الإنترنت وخطبتها وإتجوزتها كأى شىء طبيعى فى الدنيا كلها .
نيجى بأه للسؤال
هل أنت مع أم ضد الإنترنت المحدود.
سؤال بدون الخوض فى المناطق المظلمه.
وبارك الله فيكم

احمد ارنولد

25-03-2008, 05:34 PM

يعنى كنت بقول انا الصراحه مع الانتر نت المحدود لانى شايفه مفيد جدا ع الاقل بالنسبه ليا لانى الصراحه منكرش خيره عليا وده طبعا من غير مندخل فى الاماكن المظلمه.....لانى الصراحه مش بخاف من العتمه.هههههههه تمام

بالنسبه لسؤالى ممممممم طيب

انت مع ولا ضد باراك اوباما ولا هيلارى كلنتون

have agood time

احمد ارنولد

25-03-2008, 05:39 PM

an an

25-03-2008, 07:49 PM

ضد مفيش حد منهم يستاهل تبقي مع
اللي بعدي هل انت مع زواج الاقارب او ضد؟

love_story_boy

25-03-2008, 08:12 PM

ايوه طبعا مع زواج الاقارب بالذات في مجتمع شرقي اغلب البنات بتكسف تتقول بحبك بحد بتحبه

اللي بعدي بقي :
انت مع الجواز اصلا ولا ضد ؟؟؟؟

an an

25-03-2008, 08:22 PM

مع وده لان النبي صلي الله عليه وسلم قال تناكحو تكاثرو فاني اباهي بكم الامم يوم القيامه لكن انا ضد اهي جوازة والسلام
وشكرا لمرورك
اللي بعدي هل انت مع او ضد من يرتدي الحجاب اثناء رمضان فقط

dodo_dode

25-03-2008, 08:47 PM

للاسف انا مع وضد فى نفس الوقت محدش يزعل منى
مع:انك تلاقى واحده تحبك وتخاف عليك وتشكيلها همومك وتلاقى الصدر الحنين اللى ترتاح عليه
ضد: انها تخنقك وتخلص اللى فى جيوبك على حاجات فاضيه وتشألك كل شويه رايح فين وجى منين واتأخرت ليه
اللى بعدى بقى :
انت مع اللى الجواز من اكتر من واحدة ولا ضد

air_man707

25-03-2008, 08:48 PM

بكل تأكيد ضد .
وأطلق على هذه الطائفه الرمضانيين (يعنى ميعرفوش ربنا غير فى رمضان).
طبعاً فى ناس كتير معتقده إن الحجاب ده هو التخلف بعينه وفرض ذكورى على المرأه للسيطره الأبديه على ما يسمى بالكائن الضعيف وده طبعاً ملوش مرجعيه دينيه أصلاً.
فى بأه حاجه إسمها تبرج الجاهليه الأولى والناس فاكره إن أيام الجاهليه مكنتش الست بتتحجب وده إعتقاد خاطىء لأن النساء كانت بتتحجب بس كانت إلى تتطلع خصله من شعرها مثلاً بره الحجاب أو تشمر على ساقيها والمشاوير دى.
عموماً السؤال التالى
هل أنت مع التوريث أم ؟؟؟؟؟؟
أحسنك تجاوب بالإجابه المعهوده .لأن التوريث فى الجامعه والشغل والمصنع مش فى إلى بالى بالك بس.

dodo_dode

25-03-2008, 08:50 PM

انا اسف عبال ما رديت كان an an سبقنى
انا ضد من يرتدى الحجاب فى رمضان بس
ليه ما تخليهاش على طول
نفس سؤالى اللى فات

air_man707

25-03-2008, 08:58 PM

اللى بعدى بقى :
انت مع اللى الجواز من اكتر من واحدة ولا ضد

أنا مع الزواج من أكثر من واحده (بشروط)
طبعاًُ مش هأقول الأسباب لأن الأسباب كلنا عارفينها زى مرض الزوجه أو عدم الإنجاب أو سفر الرجل بإستمرار أو أو أو وطبعاً حكمة ربنا فى الموضوع ده أكبر من أن نفهمها كبشر وبالتالى أول شىء ييجى فى دماغى الست لو جوزها إتجوز عليها إنه خاين وغشاش وكده ومدورتش ليه جوزها بص على غبرها.
بالتوفيق
ولازال سؤالى هل أنت مع التوريث أم ضد

an an

25-03-2008, 10:13 PM

ضد بس مش في كل الاحوال يعني لو يستحق مفيش مشكله اما لو كان ميستحقهلش يبقي حرام وزي ما الرسول قال اذا كان وسد الامر غير مستقيه ضيعت الامانه وبالتالي فانتظر الساعة ده معني الحديث
اللي بعدي هل انت مع زواج الولد والبنت وهما في نفس السن والا ضد؟

احمد ارنولد

26-03-2008, 12:04 AM

اه انا معاه بس يكون مبنى على التفاهم العقلانى

وانا مش شايف فيها حاجه وحشه.........بالمناسبه ههههههه

انا والدى ووالدتى فرق السن بينهم 6 شهور تقريبا

المهم سؤالى هل انت مع ام ضد الجيل الجديد اللى ظهر

بالسينمااليومين دول ....وليه ؟؟؟؟؟؟

سلام يا حلوين

love_story_boy

26-03-2008, 02:52 PM

ده جيل فاشل وعيال بستتقل دمهم جدا

المهم انت مع او ضد المعووونه الامريكيه ؟؟؟

an an

26-03-2008, 04:47 PM

بصراحة ضد لانهم بيكونو عايزين يفرضوا السيطرة علي الدول اللي بتديها معونة وزي ما سمعت انهم عايزين يغلقوا المعاهد الازهريه يعني دي واحدة من الضغط علي الدول
اللي بعدي هل انت مع اوضد انك تقدم تنازلات لشريك حياتك؟

lyonaids

26-03-2008, 07:48 PM

مع طبعا ..، لو في حب يبقي في تنازلات عن طيب خاطر مفيش مشكلة .

مع او ضد ..،

الخلع ...

an an

26-03-2008, 08:45 PM

أنا مع الخلع بشروط ان تكون المرأه فعلا مش عارفه تحصل علي الطلاق بسبب جبروت الرجل واساءه معاملتها
ام الخلع لمجرد انه مبقاش عجبها لسبب تافه فانا ضد
اللي بعدي هل انت مع او ضدالرحلات المدرسية المختلطة؟

احمد ارنولد

27-03-2008, 05:22 PM

ضد طبعا لان كلها سفاله
واذا كان فيها حد محترم فبقول له انا اسف بس ولاد الحرام مخلوش لولاد الحلال حاجه ..هههه
وعشان تكونوا بالصوره انا ساعات بكون نفسى اطلع الرحلات(لانها طول السنه ووفى اى يوم يناسبك+ ان اماكن زياراتها حلوه) بس بسمع على اللى بيحصل فيها... فبجتنبها

للى بعدى

انت مع او ضد قناه ميلودى تيونز(بتاعت الاغانى الاجنبيه)

و ... سلام يا حلوين

an an

27-03-2008, 05:33 PM

طبعا ضد ضد ضد
انا عمري مااتفرجت عليها ولا فكرت اتفرج عليها اصلا
ده كفايه الانتها المقززة
اللي بعدي هل انت مع الغيرة ليس فقط بين الرجل والمراه اقصد بصفه عامه ولا ضد

asa65

27-03-2008, 05:54 PM

مع الغيره طبعاً بس بشروط
انها تبقي محسوسه بس مش بطريقه منفره للمرأه
و بالنسبه لزوجتي في المستقبل(بعد 18 سنه كده)
يا اما هجيبلها ضره في البيت وش
سؤالي
مع او ضد الضرائب الجمركيه بذمه مش شعارات وخلاص

DR MO7@MED

27-03-2008, 06:39 PM

اولا احب اشكرك علي موضوعك يا ان ان
مش عارف ازاي مشفتوش قبل كدا

انا ضد الضرايب الجمركيه وخصوصا اللي بيحصل عندنا فمصر اللي القانون فيها مش بيتطبق عالكل

انت مع او ضد الحكومه؟

an an

27-03-2008, 09:00 PM

ربنا يكرمك يا استاذ محمد انا اللي تشرفت بدخولك للموضوع
اما بالنسبة للحكومة والله انا فيه حاجات كتييييييييير ضدها واولها الحكومه اللي سايبه الفقراءمش لاقين شئ يتغطو بيه في الشتاء وده في اماكن كتير والدي شافها بعينه
ربنا يستر وميتقبضش علينا
اللي بعدي هل انت مع او ضد تعدد الزوجات ده ليس من الناحيه الدينيه طبعا انا قصدي كوجهه نظر هل انت مع او ضد؟

DR MO7@MED

27-03-2008, 09:07 PM

سؤال حلو يا ان ان
عارفه لسا كنا بنتكلم فيه انا واصحابي
انا ضد تعدد الزوجات انا مع الاستقرار الاسري وبعدين هو الواحد عارف يتجوز وحده لما يجيب تانيه ههههههههههههههههه وبعدين دا لو حتي حصل الواحد مش هيعرف يعدل بينهم
انت مع او ضد؟؟

ستار اكاديمي

an an

27-03-2008, 09:31 PM

ضد ضد ضد
خاصه المهازل اللي بتحصل فيها
اللي بعدي نفس السؤال

lyonaids

27-03-2008, 09:37 PM

بدون الدخول في تفاصيل كتير خاصة اني لسة شايف حتة منه بالصدفة فيها واحدة وواحد بيلعبو مع بعض عالسرير اول ما صحيو من النوم !!

و عدلت الرد انا طبعا عشان بس كان في الفاظ مش كويسة مني

اعتقد اني ضــــــــــــــــــــد برنامج تجميع زبالة شباب الوطن العربي مع اسفل بنات خلقها ربنا في احقر فكرة تليفزيونية لهدف احقر واحقر
ومش عارف الصراحة الهداوة اللي انا فيها دي مش متعود كدا من نفسي !!

اللي بعدي

نفس السؤال

SHADIMETALLIAN

27-03-2008, 09:41 PM

ضد طبعا
دي مساخررررررررررررر يا راجل
تعبونا معاهم

http://www.youtube.com/watch?v=di2QRehiFCU

اللي بعدي
مع او ضد
تدريس التربيه الجنسيه؟؟؟؟!!!

™Mo7aMMeD SaLeM

27-03-2008, 09:56 PM

أكيد ضدد تدريس التربية الجنسية لاننا مجتمع ليه أطاره الاخلاقى .ز وطبعا الاسلام محدده لينا ..

أما اللى بيحصل فى تدريس التربية الجنسية .. برة ..
شىء يعنى مش عارف أوصفه الا بالمهزلة ده برة فما بالك لو أتدرست عندنا ..
وأكبر مثال ..
شوف الطلبة بيبقوا عامليم أزاى فى درس التكاثر فى مادة العلوم فى الصف الثالث الاعدادى ..
للى بعدى نفس السؤال ...

SHADIMETALLIAN

27-03-2008, 09:58 PM

اه
انا سمعت اني بره...بيدرسو نظري وعملي
متعرفش صح ولا غلط؟؟؟؟؟!!!!!:glasses::glasses:

™Mo7aMMeD SaLeM

27-03-2008, 10:25 PM

اه

انا سمعت اني بره...بيدرسو نظري وعملي

متعرفش صح ولا غلط؟؟؟؟؟!!!!!:glasses::glasses:

والله بقى انا ما أقدرش أحكم بصحة كلامك ...
بس الافلام الاجنبى كلها بأتيدك ...
:glasses::glasses:

an an

27-03-2008, 10:45 PM

انا برضه ضدها جدا لانها بتنشر الفساد والدنيا مش ناقصه
اللي بعدي هل انت مع او ضد ان واحد يروح لاكتر من عروسه في اسبوع واحد علشان(ينقي)واحدة منهم

™Mo7aMMeD SaLeM

27-03-2008, 10:55 PM

والله شىء جميل أوى ده تطبيق نظام الخبطة بس انتقلنا من مرحلة الصور للذهاب لبيت العروسة نفسه ...
والله أختراعات يا مصر ..
أكيد ضدد ..
اللى بعدى ...
انت مع أوضدد شغل الشباب ... فى أى مجال فيه شبهة ( حرمانية ) ؟
رغم
الظروف الحالية ...
وشكرا ..

DR MO7@MED

28-03-2008, 04:11 AM

سؤالك فالجون يا محمد

انا ضد مهما اضطرتني الظروف لانها مسالة مبدا

اللي بعدي نفس السؤال

™Mo7aMMeD SaLeM

28-03-2008, 04:00 PM

سؤالك فالجون يا محمد

انا ضد مهما اضطرتني الظروف لانها مسالة مبدا

اللي بعدي نفس السؤال

يا حول الله يعنى السئوال لف لف ..
ورجع ليا تانى ..
أنا أكيد ضدد شغل أى شاب فى عمل فيه أى شبهة حرمانية ..
حتى لو كانت الظروف ايه ...
بس مفيش حد ينكر إنه تحت ضغط الظرووف أغلب الشخصيات بتركع قدامها ..
للى بعدى بفس السئوال بس زود عليه حتة بقى ..
وهيى ممكن تشتغل فى عمل فيه شبه حرمانية ... ولو أشتغلت هاتخده عمل مؤقت ولا مستديم .. ؟؟؟

DR MO7@MED

28-03-2008, 05:01 PM

يا حول الله يعنى السئوال لف لف ..
ورجع ليا تانى ..
أنا أكيد ضدد شغل أى شاب فى عمل فيه أى شبهة حرمانية ..
حتى لو كانت الظروف ايه ...
بس مفيش حد ينكر إنه تحت ضغط الظرووف أغلب الشخصيات بتركع قدامها ..
للى بعدى بفس السئوال بس زود عليه حتة بقى ..
وهيى ممكن تشتغل فى عمل فيه شبه حرمانية ... ولو أشتغلت هاتخده عمل مؤقت ولا مستديم .. ؟؟؟

هههههههههههههه
انت تاني

مانا قلتلك يابو حميد المساله مسالة مبدا وتربيه ودين قبل دا كله
فطبعا انا ضد مهما اضطرتني الظروووف يا بو حميد

اللي بعدي انت مع او ضد

زواج الاقارب

an an

28-03-2008, 05:45 PM

والله هو انا مش ضد المبدا كله بس هو انا حاسة ان الافضل لا
اللي بعدي هل انت مع او ضد الارتباط بمن هو او هي اقل في المستوي الاجتماعي؟

DR MO7@MED

28-03-2008, 06:09 PM

طبعا مع

الحب مفيهوش فوارق طبعا

كررررررررر

an an

28-03-2008, 06:25 PM

والله احيانا بيكون مش صح
وده حصل مع كتير من صحباتي انهم وافقو علي شخص اقل منهم كتيير بس تعبو
واللي انا اقصده المستوي الاجتمتاعي مش المادي
اللي بعدي كرر

DR MO7@MED

28-03-2008, 08:14 PM

والله احيانا بيكون مش صح
وده حصل مع كتير من صحباتي انهم وافقو علي شخص اقل منهم كتيير بس تعبو
واللي انا اقصده المستوي الاجتمتاعي مش المادي
اللي بعدي كرر

المشكله يا ان ان بتزيد مع البنات وعندك حق تكاد تكون مستحيله لانها هتسبب مشاكل كتير جدا
يعني مينفعش واحده تتجوز واحد اقل منها سواء ماديا او اجتماعيا لانها تحب تحس انه راجل وهو كمان مش هيرضي لنفسه كدا
بس بالنسبه للراجل ممكن ياخد واحده اقل منه اجتماعيا وماديا لاني بشوف انه اقوي وممكن يواجه المجتمع طالما الانسانه دي محترمه واخلاقها كويسه يبقي اكيد مفيش مانع انه يرتبط بيها

كررررررررررررر

™Mo7aMMeD SaLeM

28-03-2008, 11:13 PM

المشكله يا ان ان بتزيد مع البنات وعندك حق تكاد تكون مستحيله لانها هتسبب مشاكل كتير جدا

يعني مينفعش واحده تتجوز واحد اقل منها سواء ماديا او اجتماعيا لانها تحب تحس انه راجل وهو كمان مش هيرضي لنفسه كدا
بس بالنسبه للراجل ممكن ياخد واحده اقل منه اجتماعيا وماديا لاني بشوف انه اقوي وممكن يواجه المجتمع طالما الانسانه دي محترمه واخلاقها كويسه يبقي اكيد مفيش مانع انه يرتبط بيها

كررررررررررررر

أهه أنت اللى بتجيلى برجليك ..
هههههههههههههه
أنا عموما ضد زواج الاقارب ... لانه زى ما الناس كلها عارفة على حسب الاحصائات الطبية اللى مش جديدة ..
بيؤثر على الذرية ..
وليه مساوىء تانية كتير ..
بس لما الحب بيكون طرف فى العلاقة ... أكيد بيبقى محبب للاسرة كلها ..
وحاصل على مباركة العيلة ...
أما على العامل الاجتماعى أنا مش بشجع أى زواج وفيه فوارق أجتماعية بين الطرفين .. لانه الدين بيحبذ على الكفائة فى الزواج .. من كل الجوانب ..
ولو حصل وفيه فروق لاى من الجانيبن ..
الحياة لن تكون .. فى مسارها الصحيح ..
للى بعدى نخرج من حكاية جواز الاقارب دى بقى ..
هل انت مع أو ضدد .
فكرة .. صداقة الجنسين ؟

™Mo7aMMeD SaLeM

28-03-2008, 11:26 PM

أهه أنت اللى بتجيلى برجليك ..
هههههههههههههه
أنا عموما ضد زواج الاقارب ... لانه زى ما الناس كلها عارفة على حسب الاحصائات الطبية اللى مش جديدة ..
بيؤثر على الذرية ..
وليه مساوىء تانية كتير ..
بس لما الحب بيكون طرف فى العلاقة ... أكيد بيبقى محبب للاسرة كلها ..
وحاصل على مباركة العيلة ...
أما على العامل الاجتماعى أنا مش بشجع أى زواج وفيه فوارق أجتماعية بين الطرفين .. لانه الدين بيحبذ على الكفائة فى الزواج .. من كل الجوانب ..
ولو حصل وفيه فروق لاى من الجانيبن ..
الحياة لن تكون .. فى مسارها الصحيح ..
للى بعدى نخرج من حكاية جواز الاقارب دى بقى ..
هل انت مع أو ضدد .
فكرة .. صداقة الجنسين ؟

™Mo7aMMeD SaLeM

28-03-2008, 11:32 PM

an an

29-03-2008, 02:41 AM

لا انا ضد ضد ضد ان واحد يصادق غير جنسه لانه بيفتح باب الشيطان وهو حرااااااام
وبعدين ربنا خلق رجاه كتييييير وبنات كتييييير فكل واحد يصاحب اللي من جنسه
اللي بعدي كرر

HETLAR 2

29-03-2008, 02:46 AM

ضد اوييييييييييييييييييييييييييييييييييييييييي

كرر

lyonaids

29-03-2008, 02:49 AM

ضد طبعا ..مينفعش صحوبية بين جنسين مختلفين بالمرة ..

زي ماقال دكتور مصطفي محمود
الطبيعة بتفرض نفسها علي الطرفين لانها عايزة طرف تالت وهو طفل ...!!
وده اللي عبر عنه الدين بان اجتماع الولد والبنت بيبقي الشيطان تالتهم .
..اعتقد ان مفيش غير زمالة الكلية او الشغل وفي اطار محترم وفي وسط ناس ..،

اللي بعدي ..،

مع او ضد

شئ جميل جدا وعاجبني ..اوووووووي :mdr:

بنت محجبة ..بس لابسة بنطلون !!
( مش بتحس ان في حاجة غير منطقية في شكلها ؟؟!!!)

HETLAR 2

29-03-2008, 02:59 AM

يا عم ليو انتا دايمن مولع المواضيع
رائيي انهم بيستهبلو بس دة ابسط تعبير
كرر

starsong

29-03-2008, 03:40 AM

مع لبس البنت للبنطلووووووووون لو كان واسع و فضفاض و غير مجسد

ضد لبسها البنطلوووووون لو كان ضيق و محزق و مثير

سؤالى : هل توافق على الزواج ( زواجك الأول ) من بنت مطلقة !؟

drb0sy

29-03-2008, 03:58 AM

ممممم حد يجاوب علشان العب معاكم

انت محدد بنت

يالا ياشباب حد ييجى

SHADIMETALLIAN

29-03-2008, 04:03 AM

مع لبس البنت للبنطلووووووووون لو كان واسع و فضفاض و غير مجسد

ضد لبسها البنطلوووووون لو كان ضيق و محزق و مثير

سؤالى : هل توافق على الزواج ( زواجك الأول ) من بنت مطلقة !؟

اعتقد صعب شويه (ضد)

اصلي في حاجات كده مش عايزها تفوتني :2:
وهذه ليست سطحيه...ولكنها حب استطلاع :glasses:

اللي بعده,
هل انت مع او ضد
فيلم حين ميسره؟؟؟

drb0sy

29-03-2008, 04:06 AM

والله انا مشوفتش الفيلم بس اللى قريته عنه ان المناظر الخادشة كان ممكن تفهم بالايحاء بدل التصريح الخادش للحياء

انما الفيلم متعرض لطبقة دونية بحتة والتعليق لمااشوفه بقى

اللى بعدى هل انت مع ولا ضد التعارف عن طريق الانترنت بين الجنسين؟؟؟

starsong

29-03-2008, 04:36 AM

مع طبعا ! لكن بشرط و الله علشان مصلحتكم لو انتوا الاتنين مش مرتبطين و لقيتوا الكلام بينكم بيزيد يبقى لازم على الأقل تشوفوا صور بعض بدرى بدرى( انا اتحطيت فى موقف زباله :icon1366: )

كررررررررررررررررر

drb0sy

29-03-2008, 03:15 PM

انا مع بس بحدود والاطار لا يخرج عن تعارف او صداقة

ولو خرج يتم فرملته فوراااااااااااااا

اللى بعدى ...كرر

an an

29-03-2008, 03:21 PM

لو عن طريق الشات يعني انه يعرف اسمي واعرف اسمه والكلام ده انا ضد اوي
لكن لو زي المنتدي ده كده مفيش كلام خاص بين اتنين بس عادي لكن انا ضد يكون الكلام بين اتنين وبس
اللي بعدي كرر

HETLAR 2

29-03-2008, 03:46 PM

حسب نوع التعارف يعني لو كانت زمالة عادية يعني مثلا زعلان من حاجة يقول او تقول عادي او صداقة عادية بس ماتتعداش النت

الي بعدي
انتا مع ولا ضد مواضيع ليو

an an

29-03-2008, 03:54 PM

أكيد مع بس يشمعني مواضيع ليو بالذات؟
انا مع لان مواضيعه محترمه وهادفه غير كدا كمان مواضيعه وردوده غير هجوميه علي شخص معين
وعموما انا مع المواضيع المحترمة بصفه عامة
اللي بعدي هل انت مع او ضد اتباع الموضه؟

HETLAR 2

29-03-2008, 04:02 PM

اشمعنا مواضيع ليو عشان بتعمل جدل كتير
الموضة مع الحجات الي تناسبني بس
كرر

an an

29-03-2008, 05:20 PM

احيانا كتير وده الغالب بكون ضدها لانها لا تناسب المحجبات مثلنا
اللي بعدي كرر

DR MO7@MED

29-03-2008, 05:58 PM

انا كمان بكون ضدها الاصل فالملابس للمراه لاتشف ولا تصف وتكون محتشمه طالما توفرت الشروط دي تباه كويسه اوي بس فالغالب مش بتكون متوفره

انت مع او ضد الغيره؟؟؟؟؟؟؟

an an

29-03-2008, 06:09 PM

الغيرة الطبيعيه التي تجعل الانسان يتقدم ده عادي
اما الغيرة العمياء التي تؤدي للقد فانا ضدها
اللي بعدي هل انت مع او ضد الانطباع الاول

ah_sheko

29-03-2008, 06:14 PM

والله مفيش صداقه بين الراجل والست وبعدين تسئلهم يقلولك اصل مش عارفهالشغل وكشكول المحاضرات على اساس ان مفيش بنات بتحضر او العكس مفيش ولاد دى حجج ودايما بتقلب بحب ثم فشل00000000000اللى بعدى نفس السؤال بس نزود عليه الصداقه بين الجنسين على النت والحب على النت هل مع او ضد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

DR MO7@MED

29-03-2008, 06:27 PM

الغيرة الطبيعيه التي تجعل الانسان يتقدم ده عادي
اما الغيرة العمياء التي تؤدي للقد فانا ضدها
اللي بعدي هل انت مع او ضد الانطباع الاول

سؤال حلو يا ان ان انا مش مع الانطباع الاول وهقولك ليه لان انت ممكن تقابلي ناس كتير لاول مره ظروفهم فاليوم دا مش كويسه او مخنوقين من حاجه فالبالتالي هاخد عنهم انطباع مش كويس لكن صدقيني العشرعه هي اللي بتبين الناس علي حقيقتهم ممكن اكون مصاحب واحد بقالي سنين واكتشف بعد كدا اني كنت غلطان مع ان الانطباع الاول له عندي كان كويس

وبالنسبه لاحمد شيكو ايه يا مان انت كنت بترد علي موضوع تاني ولا ايه هههههههههههههههه
عموما بالنسب لسؤالك انا مش مع الحب عالنت

كرررر سؤال ان ان الانطباع الاول

an an

29-03-2008, 10:56 PM

انا كتييير بكون مع الانطباع الاول كتير بيكون لي وجهه نظر والاقيها صح
اللي بعدي هل انت مع او ضد الزواج باجنبي\اجنبية

SHADIMETALLIAN

29-03-2008, 11:32 PM

انا كتييير بكون مع الانطباع الاول كتير بيكون لي وجهه نظر والاقيها صح
اللي بعدي هل انت مع او ضد الزواج باجنبي\اجنبية
علي حسب الغرض منه
يعني ممكن يحصل حب بين اتنين اجانب...زي اي اتنين بني ادمين
يبقي ايه المشكله لما يرتبطو

انما عشان الهجره والفلوس والحاجات دي
فبصراحه بعتبر ان ده زي اللي باع نفسه
وان كانت الظروف صعبه

اللي بعده,
مع او ضد
تقبيل العريس لعروسته في الكوشه قدام المعازيم وكده؟؟

(بصراحه اللي خلاني اسئل تالسؤال ده...اني كنت قاعد في فرح
والعريس مش مستحمل...ولا مش قادر يصبر...وشغال الله ينور
فسمعت واحد بيكلم مراته وبيقول ان كده عيب..دي المفروض حاجه بينهم
مع العلم اني اي فرح فيه كده)

HETLAR 2

30-03-2008, 12:43 AM

مش مع ولا ضد دية حاجة عادية يقبلها يقتلها دي مراتة بس يستحسن مش قصاد الناس

الي بعدي
اية رائيك في (مع او ضد يعني ) الغاء الوزرات في ليبيا

DR MO7@MED

30-03-2008, 07:13 AM

برده مش مع او ضد لان انا مش ليبي اولا وثانيا دي حااجه داخليه تخصهم
القذافي دا دماااغ ممكن يعمل اي حاجه

انت مع او ضد عمل المراه؟؟؟

an an

30-03-2008, 08:20 PM

انا مع وانا بشتغل الحمدلله في مكان محترم ومش مع لاني امراه لا لاني مش شايفه انه غلط
وعلي فكرة انا بشتغل الحمدلله في مكان مفيهوش اختلاط وده شرطي علشان اكون مع كمان برجع بدري
اللي بعدي كرر

DR MO7@MED

30-03-2008, 08:37 PM

انا كمان مع بس بالشرط اللي انت قولتيه لو اتحقق يباه كويس جدا جدا

انت مع او ضد الشبكه الكبيييره للعروسه وكمان المهر؟؟؟

DR MO7@MED

30-03-2008, 08:37 PM

an an

30-03-2008, 08:53 PM

استاذ محمد جزاك الله خيرا لمشاركتك المستمرة للموضوع والله انا بكون سعيدة جدا لارائك
اما بالنسبه للسؤال انا ضد لان الرسول صلي الله عليه وسلم قال اذا جاءكم من ترضون دينه وخلقه....
لكن انا ضد برضه التنازل زيادة عن اللزوم لان ده من باب التكافؤ وده في الشرع
اللي بعدي هل انت مع الزواج ممن يغير دينه لاجلك؟

DR MO7@MED

30-03-2008, 09:03 PM

ربنا يكرمك يا ان ان علي كلامك الهايل دا
وبعدين موضوعك من الاساس هايل جدا جدا ومفيد لكل الاعضاء انا عن نفسي بجد بيفيدني جدا اني اعرف راي اللي حواليا مش اباه متمسك برايي بس ومش شايف غيره
بس ياريت راي الناس يكون زيك كدا فموضوع المهور لان الاغلب مش بيطبق الحديث دا ودا عن تجربه

اما عن الزواج من واحده تغير دينها عشاني فانا رافض تماما
والاانا كمان اغير ديني عشانها
تغيير الدين دا بالاقتناع بربنا والدين نفسه مش عشان انسان

كررررررررررر

an an

30-03-2008, 09:39 PM

ضد ضد ضد
لان اللي بغير دينه بالسهل انه يغيرمبادئ اخري
كرر

DR MO7@MED

30-03-2008, 10:51 PM

هههههههههههه هو هيرجعلي تاني

انا ضد طبعاومش 3 ضد بس لا اربعه هههههههه

انت مع او ضد الاضراب العام في 6 ابريل القادم؟؟؟

lyonaids

30-03-2008, 11:26 PM

ضد الأضراب لانهم حددو المعاد بتاعه ..أي نعم مفيش طريقة غير كدا ..

بس هيحصل قلق كتير اوي وقتها وربنا يستر عالناس ..

ثانيا في ناس سلبية متعرفش اي حاجة اساسا يعني انا لو بشتغل مش هروح الشغل ماشي

واحد النهاردة مهندس 30 سنة سألناه مش هتروح الشغل ولا هتروح

قال ..:

هو في اييييه ؟؟؟ !!!!!!!!!!!!!!!!

فهموه قالوله كذا كذا عشان الغلا ..

قالهم :

طب وايه علاقة الحكومة بالغلا ؟؟؟؟؟!!!!!!!!!!!!!!!!!!!!!!!!

صدقني صدقني صدقني ...احنا نستاهل الاكتر والابشع ..بجد احنا مواطنين تفرس !!

اللي بعدي ...،

مع او ضد ..

مشاركة البنات معانا هنا في قسم أدم ؟؟!!!

DR MO7@MED

31-03-2008, 01:43 AM

انا مع طبعا لان كل واحد بيعرف التاني بيفكر ازاي ويفهم النص التاني

بس ساعات في بنات بيعملوا مشاكل لما مواضيع بتتكتب تهاجم المراه

بس مش عارف يا اخي انا برده مع تواجدهم هنا عالاقل كل واحد يفهم

التاني بيفكر ازاي لان ادم مش عايش لوحده وحوا نص المجتمع ومعظم

المواضيع فقسم ادم بتهم الطرفين

كرررررررررررر

lyonaids

31-03-2008, 07:19 AM

انا مع طبعا مش غلط ان البنات تبقي معانا في القسم ...

انا عن نفسي مش ممانع

كرر السؤال ..،

starsong

31-03-2008, 12:48 PM

مع طبعا ! هو أحنا كنا عاملين قسم ادم ليه يعنى ؟ مش علشان البنات تدخله :he:

طبعا المنندى هنا فرصة كويسة جدا لتقارب وجهات النظر بين الجنسين و

محاولة التغلب على المشاكل اللى ممكن تحصل بينهم !

سؤالى :

أنت مع و لا ضد تولى المرأة منصب القاضى فى مصر ؟:21:

DR MO7@MED

31-03-2008, 01:44 PM

انا ضد عشان المراه تغلب عليها العاطفه ودي

وجهة نظري مع اني مش

برفض عمل المراه

بس في حاجات مينفعش تدخل فيها زي القضاء والماذون

كررررر مع اضافة وظيفة الماذون؟؟

air_man707

31-03-2008, 02:42 PM

lyonaids باشا مبروك على الترقيه المستحقه وأنا عارف إنى مقصر فى حقك كتير وفى حق القسم بس إنت عارف باه الشغل والمسؤليات كده.
نيجى بأه للسؤال .
من خلال الدين المرأه لها نصف ما للذكر أى إن شهادتها لاتجوز بشكل فردى ومابالك بالقضاء الذى يجب أن نرى فيه الرجل (صفة القوامه التى وهبها الله للرجل).
طبعاً نسترجع الماضى لم أرى أى قاضيه فى عصر الدوله الإسلاميه وهى قمة تكريم المرأه وقمة العزه وما إلى ذلك .
المرأه دورها معروف كمساند للرجل فى قرارته ولكن الرأى الأول والأخير يرجع لترجيح العقل لا القلب .
طبعاً كلنا نعرف الحديث ( النساء ناقصات عقل ودين).
طبعاً فى ناس كتير تختلف فى تفسير الحديث ولكن الحديث مفسر نفسه بدون أدنى شك .
طيب صفة القضاء أو الحكم صفه ربانيه إختص بها الله عبادة وكرم بها الأنبياء والرسل للقضاء فى أحكام معاصره لهم وليتعلم الناس منها فى حياتهم ولكن كل ما أراه فى قصص حياة الأنبياء هو تكريم للمرأه ومعرفة دورها فى المجتمع و التركيز عليها ونصوص القرآن الكريم توضح ذلك بشكل جلى ولم أرى إمرأه نزل عليها الوحى وتسلمت واجب الرساله أو النبوه وإنما الإيحاء كان محدود كحادثة أم سيدنا موسى أو السيدة مريم العذراء.
اما المأذونيه فالقضاء قد ينصف السيده المحاميه التى تطلب أن تصبح مأذون ولكن كنت أحب أن أستمع لرأى دار الفتوى فى هذا الأمر .
أما عن رأيي الشخصى فأظن إنها وظيفه تمرس الرجل فيها وإتخذ عند البعض كشاهد أو كقاضى عدل أو مخلص نزاعات أو إصلاح أمر بين رجل وزوجتة على وشك الطلاق وأظن إن السيده المأذونه قد تتعاطف مع الزوجه أو أن تكون فى أيام الدم وبالتالى كى تتلو القرأن فى عقد القران أو تعقد قرأن من أصله وكلنا نعلم وجوب الطهاره .. هل ستضع حائل عندما تسلم على رجل يده فى يدها لتقرأ عقد القران ...
كيف أصلاً أن تجلس فى مجلس الرجال وتتحدث معهم (الله أعلم).
طبعاً أنا ضد وتلك كانت أسبابى.

السؤال التالى هل أنت مع وجود أحزاب معارضه أم لأ؟؟؟

™Mo7aMMeD SaLeM

31-03-2008, 03:18 PM

أكيد مع وجود أحزاب معارضة بس تبقى بنفس قوة الحزب الحاكم ..
أو على الاقل تقل عنه فى القوة بخطوات ..
لتحقيق تدوال السطلة ..
وكده بقى ووتنافس من أجل مصلحة الشعب وخدمته اللى هتابقى مقدمه على أى مصلحة والهدف هايبقى المصلحة العامة ..
وده لا ينفى وجود الفساد فى أى نظام سياسى والنبى لو كان أيه . هايبقى فيه فساد برضه .. بالذات عندنا ..
للى بعدى ..
انت مع أو ضد الحزب الحاكم فى سياسته .. فى مصر .. يلا بقى ؟

DR MO7@MED

31-03-2008, 03:35 PM

ايه يا محمد السؤال دا انت عاوز تقفل التوبيك ولا ايه

ههههههههههههههههههه

انا طبعا ضد سياية الحزب الحاكم سياسة التدمير والسلطه المفرده وتدمير باقي الاحزاب وحبس المعارضه دا غير السياسه الفاشله فادارة البلد
الناس بات ماشيه تكلم نفسها من الغلا والمعيشه الزفت
دا غير وضع المستشفيات المتردي واللي انا شاهد عليه بنفسي
يا اخي بجد الواحد جواه كلام كتيييير بس بجد الواحد زهق ومل وقرف
تقرا الجرايد الحكوميه تلاقي الحياه بمبي ووردي مش عارف هم مش شايفين الناس هم حاسين بيهم ولا لا
بجد خلاص كدا كفايه عليهم اوووووووووووي
بلاش يا محمد تجيب السيره دي تاني ههههههههههه
كررررررررررررررر لحسن الواحد اتخنق ومش لاقي سؤال هههههههههههههه

an an

31-03-2008, 10:41 PM

انا ضد ولله الحمد
علي فكرة انا كده كل شويه بدبس في سؤال سياسي وبرده اللي ساله استاذ محمد ربنا يستر و ميتقبضش عليا
اللي بعدي هل انت مع المدارس المختلطه في السن الكبير ام ضد؟
يالا نخرج من السياسه

lyonaids

31-03-2008, 10:48 PM

انا مع طبعا ..طبعا يعني ..

عشان الشباب تفرج عن نفسها حبتين والبنات بردو وعلنا يعني ..،

انا شايف ان كفاية نفاق لحد كدا ..وان الوزارة تعمل نفسها اخلاق ...مش راكبة بصراحة

واولا واخيرا هيا اختياري اللي عايز يدخل المدارس دي اهلا وسهلا

التقي المحترم ميخشش ..،

اللي بعدي ..نفس السؤال ..،

™Mo7aMMeD SaLeM

31-03-2008, 11:05 PM

الله بقى ايه الاحراج ده ..
بص يا عمنا ..

الدين بيقول حاجة ..
وثوابت مجتمعنا أو عادات مجتمعنا بتقول حاجة ..
واللى بيحصل حاجة تانية خالص ..
وتربينا القديمة بيتوصل حاجة ..
والجديدة بتوصل حاجة تانية ..
والاجيال الجديدة ..
محتارة .. جامد ..
وأنا منهم
يعنى راى متناقض تلت شويات ...

للى بعدى ..
رأيك فى...
أن النت ممكن يشكل ثقافة أنسان ...
انت مع أو ضدد

DR MO7@MED

31-03-2008, 11:09 PM

انا مع طبعا لان النت دا عالم كبييير يا واد يا محمد بتتعرف فيه علي ناس كويسه من خلالهم تعرف حاجات حلوه كتير وناس وحشه برده ممكن تستفيد منهم اقل حاجه هيعرفوك ان الدنيا مش حلوه اوي
بس المفروض انك بتدخله برضه بشخصيتك ورايك وبتعرف اراء اللي حواليك وتحاول تفهمهم وتعرف هم بيفكروا ازاي

كرررررررررررررر وبلاش سياسه هههههههههه

lyonaids

31-03-2008, 11:15 PM

مش بيكون الثقافة كلها

هو بيأثر فيها بالزيادة او النقصان تبعا لاستيعاب الشخص معلومات

يعني بيزود معارفه و يوسع افقة وادراكه والله اعلم ..:mdr:،

اللي بعدي ..

مع او ضد ..،

الخلع ..،

HETLAR 2

31-03-2008, 11:23 PM

مع طبعا
عشان في رجالة بتفتري زيادة عن اللزوم و كمان افرد في واحد بيشخر و هوا نايم الست تعمل اية ؟

كرر

DR MO7@MED

31-03-2008, 11:33 PM

مع طبعا
عشان في رجالة بتفتري زيادة عن اللزوم و كمان افرد في واحد بيشخر و هوا نايم الست تعمل اية ؟

كرر

انا مع طبعا

لان اللي بتطلب الخلع دي اكيد اتبهدلت جامد مع الانسان دا

ولون في ستات بيطلبوه لاسباب تاافهه ودول استثناء للقاعده

اللي بعدي انت مع او ضد الحضري؟؟؟؟

HETLAR 2

31-03-2008, 11:42 PM

مع طبعا لئنها ليست غلطتة انها مبادئ النادي الاهلي الذي تربي فية و تربي علي مباديئة حتي فعل مثلهم و هذة ليس المرة الاولي للاعيب في النادي الاهلي يهرب ابراهيم سعيد هرب و راح بلجيكا و رجع تاني
و كمان الدليل علي عدم وجود مبادئ هيا انهم مابيجبوش سيرت لاعيب رد سجون و مرتشي زي احمد السيد لاء و اية بيلعب اساسي و ماسكين في الحضري مع انو ادلهم كتير و استحملهم كتير دا الحضري عدا عالية 4 مواسم عسل و استحملهم تبقا دية اخرتة
لاء انا معاة

كرر

™Mo7aMMeD SaLeM

31-03-2008, 11:47 PM

بصوا
بقى انا عاوز أرد على ليو فى حاجة ..
ان الخلع .؟؟
ده حق دينى للزوجة ..

يعنى احنا مالناش دخل .. اننا نتكلم فى ..
موافقة أو معارضه ..
للحق . ده ...

ووبعدين بالنسبة للحضرى انا معاه فى حقه فى الاحتراف بس الطريقة .. اللى طلع بيها ..
وكمان الاسلوب ..
وبعدين لازم ما ننساش حاجة ..
وهيا ..
انه أوقى أسطورة حصلت فى الكورة المصرية برمتها ..
للى بعدى كرررررررررر

an an

31-03-2008, 11:58 PM

انا ضد طريقته في الهروب انا بعتبره هروب وبعدين ده خلي اهله يغضبه عليه فما بال الناس التانيه؟
اللي بعدي هل انت مع او ضد الزاج بمن هي اكبر منك سنا/ و انتي هل تقبلين الزواج باصغر منك سنا او ضد؟

DR MO7@MED

31-03-2008, 11:59 PM

يوم ما هنتكلم عن المباديء يباه بنتكلم عن الاهلي
والحضري بالسلامه الاهلي مش عاوزه واحنا كمان مش عاوزينه
وانا ضد الهااااارب
وبالنسبه لسؤال ان ان انا شايف اللي بيحدد العلاقه هو الحب والتفاهم بين الطرفين مش مهم السن يعني هو اكبر هي اكبر بس هي مش اكبر كتييييير ههههههههههههههه المهم يكون هناك تفاهم
كررررررررررررر

an an

01-04-2008, 12:20 AM

انا ارفض الزواج بمن هو اصغر مني لان دايما بحس ان الاكبر مسؤل عن الاصغر وانا عايزة اكيد اكون مسؤله من راجل مش مسؤله عنه
كررررررررر

DR MO7@MED

01-04-2008, 12:32 AM

هههههههههههههه والله كنت عاوز اقول اهم حاجه انها تحس برجولته سواء اصغر او ااكبر المهم انه يكون مسئول عنها ووجهة نظرك احترمها جدا
كرررررررررررر

HETLAR 2

01-04-2008, 01:24 AM

هيا ليها مميزات و عيوب
المميزات ان الواحد يسطعبت و ياخد منها المصروف عشان هو الصغير
هيا تتطلع الاول علا المعاش و هو يوعد يغصها

العيوب
ان هيبقا منظرو اولا اوي قصاد الناس
مش هيبقا لية كلما عاليها

اية رائيك في حكاية الارتباط العاطفي

DR MO7@MED

01-04-2008, 01:37 AM

يعني ايه ارتباط عاطفي انا مش فاهم قصدك حب يعني

انا عندي الحب = الجواز

انت مع او ضد الزواج المبكر؟

HETLAR 2

01-04-2008, 01:49 AM

انا بقصد الارتباط العاطفي الحجات الغريبة الي بتحصل في الكليات يعني من الاخر واحد يوعد يحب في واحدة كام سنة و يخرجو و تلفونات (مسخرة يعني )
الجواز المبكر
انا معاة عشان لية كذا ميزا بس تقصد كام سنة يعني لو 22 او 25 حلو اوي

كرر

DR MO7@MED

01-04-2008, 02:57 AM

انا معاه طبعا لانه حمايه للشاب والبنت

كررررر

drb0sy

01-04-2008, 02:58 AM

انا ضد الزواج المبكر

للشباب لان كل يوم بيزيد خبرة وبعد التعب يرتاح مع اللى اختارها شريكة لحياته

مع الزواج المبكر للفتيات

اللى بعدى ...كرر

™Mo7aMMeD SaLeM

01-04-2008, 05:50 PM

انا ضد الزواج المبكر

للشباب لان كل يوم بيزيد خبرة وبعد التعب يرتاح مع اللى اختارها شريكة لحياته

مع الزواج المبكر للفتيات

اللى بعدى ...كرر

ضدد من الالف للياء ..
وغير تجار ب الحياة ..
وأكتساب الخبرة ..
والكلام ده كله ..
أول حاجة ..
أستعداد كل من الطرفين .. للدخول فى العلاقة الزوجية .. جسديا .. روحيا ... عاطفيا .. نفسيا .. تعليميا ..
وتحمل مسئولية وعبىء الزواج ..
للى بعدى كرر

DR MO7@MED

01-04-2008, 06:22 PM

معلش يا عم محمد انا معاه طبعا

الرسول عليه الصلاة والسلام قال:من استطاع منكم الباءه فليتزوج

يعني القدره علي الزواج وطبعا مش محدده بسن وايام الرسول كان الكل بيتجوز صغير خوفا من الفتنه فيبقي ايه الحال واحنا فزمن اساسا كله فتنه
دا رايي الشخصي

انت مع او ضد اضراب 6 ابريل؟؟

فتاه اسلامية

01-04-2008, 10:34 PM

الموضوع جميل اوى احب ابدى بالرد انا ضد ده جدا

lyonaids

02-04-2008, 01:52 AM

ضد الأضراب لانهم حددو المعاد بتاعه ..أي نعم مفيش طريقة غير كدا ..

بس هيحصل قلق كتير اوي وقتها وربنا يستر عالناس ..

مع او ضد ..

لبس البنطلون مع الحجاب ..؟

air_man707

02-04-2008, 11:05 AM

يأخى أنا كل مره تطلع قرعتى فى سؤال جديد والله يا lyonaids إنت بتهرج .
عموماً أنا أقولك أنا ضد لبس المرأه البنطلون من أساسه وضد كبير موز موز عارف ليه لأن إحنا بنأخد الإستثناء قاعده يعنى نقول البنت عايزه تلبس بنطلون طيب أوك مفيش مشاكل بس يكون واسع وتلاقى ياخويا البنطلون عمال يكرمش ويضيق شويه ويصغير عليها ويقصر وفجأه أصبح بنتاكور أو سترتش .. يبأه بلاش أحسن ونتقى مواطن الشبهات وخصوصاً إن الحجاب مع البنطلون ده أنا بأعتبره من تبرج الجاهليه الأولى .
إلى بعدى
هل أنت مع أم ضد
الشــــــــــات مع البنــــــــات

drb0sy

02-04-2008, 12:08 PM

ههههههههههه

تصدق انا قبل مااشوف السؤال كنت هسأل نفس السؤال

انا مع الشات مع البنات بم انى بنوتة
والله ممكن يعمل للبنت صداقة كويسة ممكن متكونش موجودة فى الواقع

اما مع الشباب فممكن بس بحدود

اللى بعدى: هل انت مع/ ضد الشات مع الجنس الاخر؟

إنًسَانِ

02-04-2008, 12:51 PM

اللى بعدى: هل انت مع/ ضد الشات مع الجنس الاخر؟

مش ضد الشات علي المواقع العامة التي يشارك فيها مجموعة من اليوزارات - جمع user-
لكن ليس شات خاص بين رجل وامرأة لا يطلع عليه غيرهما، ممكن يكون بابٌ من أبواب الفتنة.

اللي بعدي هل انت مع او ضد عمل السيدة في مناصب مهمة في المجتمع ؟؟

air_man707

02-04-2008, 12:57 PM

هل انت مع/ ضد الشات مع الجنس الاخر؟
أنا ضد بس ده رأيي الشخصى .
هتقولى ليه وكده ... الصراحه الدنيا إلى إحنا فيها معدش فيها أمان وخصوصاً ظهور شباب على النت كلامها معسول وكده وفى الأخر يقنع البنت إلى بيكلمها أو الواد إلى بتكلمه بحاجات غلط ويعتقد إنها فتاه أو ولد مثالى لامثيل له ولا يمكن تعويضه فى الواقع وفجأه تلاقى الإعجاب بأه حب والحب تطور للقاء وحاجات من هذا القبيل .
أنا مثلاً إتكلمت مع الجنس الأخر بس لم أتعدى كلام على مستوى العموم والحوارات العاديه جداً ..
صديت بنات كتير وأعجبت ببنات كتير لكن معرفش كان فى حاجه بتصدنى بشده تجاه هذا الموضوع ...
أه على فكره وده سر متقوليش لحد .
البنت إلى كلمتها على النت بشكل موسع وتخطينا حدود الكلام العام
(حالياً مراتى).

السؤال الى بعده.
هل أنت مع أم ضد تغيير بنود الدستور ؟؟
ولماذا ومع التعليل والشرح بالرسم .

air_man707

02-04-2008, 01:14 PM

ردك أسرع من ردى يا إنًسَانِ .
عموماً أنا موافق إن الست تشتغل وتدى الوطن شىء من إلى أخدته من الوطن زمان ..
إنما القيادات والمراكز والسلطه دى عايزه تفرغ وحاجات تانيه كتير وسهر بالليل وإجتماعات وده هيخلى الست تتخلى عن كونه ست أساساً وتنسى إيه الواجب الأساسى من وجودها فى المجتمع .

السؤال الى بعده.
هل أنت مع أم ضد تغيير بنود الدستور ؟؟
ولماذا ومع التعليل والشرح بالرسم .

starsong

02-04-2008, 01:49 PM

السؤال الى بعده.
هل أنت مع أم ضد تغيير بنود الدستور ؟؟
ولماذا ومع التعليل والشرح بالرسم .

ليه يا عم الحج كده بتقلب علينا المواجع ليه ما احنا كنا ساكتين و خلاص

الدستور الموضوع مش قران منزل يعنى دى قوانين البشر وضعوها فطبيعى انها

تكون قابلة للتعديل من فترة لأخرى بما يحقق مصالح الناس ! و لكن

القضية و مربط الفرس أخوى الكريم هى كيفية تعامل السلطة الحاكمة و

تطبيقها للدستور يعنى الدستور أساسا فيه مواد كتير جدا بتصب فى

مصلحة المواطن البسيط لكن للأسف الشديد طريقة تعامل السلطة مع الدستور

فقط من أجل الأهواء و المصالح الشخصية و ملء الكرووووووش !

أخوى العزيز الدستور بيحتوى على مئات المواد التى تحفظ حقوق المواطنين

و لكن لا ينظر اليها او يتم التعامل معها بما ينفع النظام الحاكم فقط

دون المواطن ! للأسف المجال هنا لا يتسع للكلام أكتر من كده او ضرب

الأمثلة .. و سامحنى انا نسيت فرشة الألوان فمش هقدر أوضح بالرسم :glasses:

السؤال للى بعدى :

هل أنت مع تثبيت هذا الموضوع ولا ضد ؟:whistle:

DR MO7@MED

02-04-2008, 02:59 PM

هههههههههههه

سؤال جامد جدا

انا مع تثبيته طبعا لانه موضوع هااااااااااااايل

كررررررررر

an an

02-04-2008, 07:04 PM

اولا انا بشكركم علي الردود
وثانيا انا متشكرة ان السؤال ده جه علي بالكو اللي هو ثثبيت الموضوع ده انا طبعا مينفعش اقول انا مع او ضد بس اقدر اقول اني مبسوطه انكم في قالو مع وان طبعا بشكرهم و هسيب اللب بعدي يرد لاني ممردتش

DR MO7@MED

03-04-2008, 01:01 AM

انا مع زي ماقلت قبل كدا ويريت هيلاري تثبته

انت مع او ضد احمد شوبير؟؟؟

an an

03-04-2008, 01:07 AM

مع اني معرفوش كويس بس احيانا بتفرج عليه بس انا ضده
لانه شغال هجوم في الكل عمال علي بطال
هل انت مع او ضد الزواج بمن هي \هو اقل منك في المستوي التعليمي واقصد بكثير او ضد؟

DR MO7@MED

03-04-2008, 01:10 AM

انا ضد طبعا لان هتكون في فوارق فالتفكير وحاجات تانيه كتير
بس لو كان الفرق مش كبير يباه ممكن بس انت اخترتي الفرق الكبيييييير
فالسؤال

كررررر

an an

03-04-2008, 01:16 AM

والله يا محمد دايما رافع معناوياتي وعلي طول ماشاء الله مع اسئلتي علي الخط وسبحان الله انا مؤيده رايك
لان الفوارق الثقافيه بتؤثر بالسلب جدا اكون انا بتكلم في حاجه واللي قدامي والله ما هو فاهم ده منتهي الاحراج ليا وليه
اللي بعدي هل انت مع او ضد الشغل في الخارج والبهدله برة اهو علشان التجربة او ضد؟

air_man707

03-04-2008, 01:17 AM

ضد كبيره أوى أوى ..
بس مش فى كل الحالات لأن فى ناس مش متعلمه وبأمانه بأقعد أستمع إليه زى ما يكون بأستمع لمصطفى محمود أو العقاد فى زمانه ...
لكن دى حالات فرديه لا تتعدى اليد الواحده إنما أنا ضد طبعاً

السؤال إلى بعده
هل أنت مع إلغاء الدعم أم ضد.

air_man707

03-04-2008, 01:20 AM

وبعدين معاكوا بأه هو أنا هأقعد أكتبر كتير كده ولا إيه؟؟؟
أما بالنسبه للعمل فى الخارج لو بعيد عن مصر فأنا طبعاً مع مع مع أى حد يجيبلى عقد عمل ولو حتى فى السودان أنا موافق.

السؤال إلى بعده
هل أنت مع إلغاء الدعم أم ضد.

an an

03-04-2008, 01:24 AM

لا اله الا الله ليه بس كده باين عليك مخنوق علي الاخر
اما بالنسبه لسؤال الدعم هو فين اصلا الدعم علشان يتلغي هو لو كان في دعم يكون كميه الغلابه بالمنظر ده؟
اللي بعدي كرررر

DR MO7@MED

03-04-2008, 01:29 AM

ههههههههههههههه

والله يا ان ان انا معاكي هو في دعم اصلا بس نتكلم عن الدعم البسيط اللي الحكومه بتحطه فانا معاه طبعا وضد الغاؤه ولونه ملغي اصلا هههههههههههههههههههههه
انت مع او ضد وزير التموين الحالي؟؟؟

air_man707

03-04-2008, 01:31 AM

أنا مع إلغاء الدعم طبعاً
لأن الدعم متشال أساساً من قبل العصر إلى إحنا فيه بزمان
يعنى لو الدعم ده يتحط فى إيد أمينه ويتوزع صح على الناس يا إما يدعموا السلع الأساسيه إلى الناس محتجاها ويبطلوا سرقه بأه حرام عليهم كفايه كده.
السؤال التالى .
هل أنت مع فضح الحكومات عبر الفضائيات أم ضد.
مع الشرح بالرسم.

an an

03-04-2008, 01:33 AM

DR MO7@MED

03-04-2008, 01:34 AM

طب مش كنت ترد علي سؤالي ههههههههههه

عالعموم انا مش مع فضح الحكومات بره مش كل مصري مخنوق من البلد اول ميخرج منها يشتمها ويشتم اللي فيها

كرررررررررررر

DR MO7@MED

03-04-2008, 01:36 AM

ايه ده هو كمان فيه وزير تموين
يا اخي بص علي التموين هو اه احسن من ما فيش بس مثلا بص علي الرز ياعيني عليه محتاج سنه علشان يستوي ده حتي الفول اللي لغوه كان لا يصلح للاستخدام الادمي ولا الحيواني بجد انا بيصعب عليا الناس الفقيره طيب قول احنا الحمد لله ربنا مقدرنا علي شراء ما نحتاجه طيب الناس دي تعمل اييييييييييه
الي بعدي كررررررر

هههههههههههههههه
الاسئله كلها اتلخبطت
انا كنت عارف ان في وزير تموين بس فالقرن الكام مش فاكرررر
ههههههههههه
وبعدين بلاش سياسه
الفول ولرز تماااااااااااااااااام ههههههههههههههه
اللي بعدي كرررر سؤال وزير التموين؟
وانت مع او ضد طريقة التعليم عندنا؟؟

an an

03-04-2008, 01:37 AM

معلش انا جيت اجاوب علي التموين لقيتك سبقت بس هجاوب من غير رسم لاني ولله الحمد افشل انسانه في الرسم انا احب فضح الحكومه بين المصرين مع بعض بس ما احبش حد من برة يدخل
اللي بعدي جاوب علي موضوع التموين ولو تكرمت علي السؤال ده كمان لان الاسئله مهمه جدا بجد

DR MO7@MED

03-04-2008, 01:43 AM

هههههههههههههه

انا طبعا مش مع وزير التموين لاني مش شايفله اي دور

وكمان مش مع فضح مصر بره

وبالنسبه للاخ اللي سال عالتعاليم انا مش عاجبني نظام التعليم فمصر
هههههههههههههههه

كررر سؤال التعليم؟؟؟؟؟؟؟

an an

03-04-2008, 01:54 AM

طبعا ضد ضد ضد انا مدرسه ابتدائي والله والله والله اسلوب التعليم يعقد
انا بتطلع روحي عقبال ما بوصل المعلومه للتلاميذ يا ريت تشوفو المناهج تتعقدو
اللي بعدي هل انت مع او ضد المستشفيات المجانيه؟

drb0sy

03-04-2008, 01:57 AM

مع طبعا بس مشروطة بمراعاة الضمير

قلبتوا يه سياسة

هل انت مع او ضد تعدد الزوجات؟؟

DR MO7@MED

03-04-2008, 02:00 AM

انامع طبعا لاني اكتر واحد شايف الناس محتاجاهلها اد ايه ومش معاهم فلوس يروحوا خاص

بس المشكله للاسف ان الحكومه مش بتدعمهاكويس ودي مشكله كبيره بالنسبالي بكون عاوز اشتغل ومش بلاقي اي ادوات وبضطر يا اما اشتريها علي حسابي يا اما نقدم طلبات بالعجز والنقص فالادوات والادويه وحلني باه لحد ما يبانلنا صاحب ويجيلنا حاجه
وياريت بجد ياخدوا بالهم منها شويه لانها بجد مهمه لناس كتيييير فالبلد دي

كرررررررررررر

DR MO7@MED

03-04-2008, 02:02 AM

بالنسبه لسؤال الدكتوره بوسي انا ضد
لان الانسان مش هيعرف يعدل مهمها حصل بينهم
واعتقد ان الدين محدد الاسباب ليها يعني مش عمال علي بطال ويكون في سبب وكمان تكون بموافقة الاولي
والمهم انه هيعمل مشاكل لا حصر لها
وبعدين الشاب دلوقتي مش عارف يتجوز واحده من الاساس ههههههههههه
كرر سؤال المستشفيات وتعدد الزوجات؟؟

air_man707

03-04-2008, 11:17 AM

إيه يا جماعه هو أنا أدخل ألاقى الأسئله بالكوم ..
سؤالين مره واحده كده !!!
طيب أوك
بالنسبه لتعدد الزوجات أكيد لأ مش معاه خالص وعلى رأى الأخ kareematwy2004 هو أنا عارف أأكل واحده لما أتجوز التانيه.
أما بالنسبه لسؤال المستشفيات والعلاج المجانى فأنا معاه طبعاً جداً لأن فى ناس كتير مصاريف العلاج بالنسبالها ذبح وموت وترهق الأسره وخصوصاً إرتفاع أسعار العلاج والأدويه ,,, ثم تعالى هنا دا كل من هب ودب يتعلج على نفقه الدول حتى لو معاه مال قارون ,إشمعنى الفقير ما يتعالجش مثلاً ..
إلى بعدى
السؤال هل أنت مع تصدير خير بلادنا لإسرائيل ؟؟؟ أم ضد

™Mo7aMMeD SaLeM

03-04-2008, 01:40 PM

إلى بعدى
السؤال هل أنت مع تصدير خير بلادنا لإسرائيل ؟؟؟ أم ضد
أكيد مليون لاء ..
مستحيل انى أقبل أصدر خير بلدى لناس لسه بيمارسوا ضددنا مليون حرب من كل الجوانب اللى تهدم الانسان نفسه .. اللى بتهدم الارض ..
كل افعالهم بتوكد أنهم لا يستحقوا حتى أطلاق عليمه لقب بشر ..
للى بعدى ..
كررررررررررر
وشكرا

an an

03-04-2008, 01:59 PM

ضد ضد ضد لانهم مايستهلوش اي خير وبعدين احنا بنوردلهم و بنستورد منهم اسمده مسرطنه وبيموت اطفال كتير اوي وشوفو مستشفي الاورام
اللي بعدي هل انت مع اوضد ان واحدة تروح تولد برة في امريكا علشان ابنها يكون معاه الجنسية المريكيه زي ما كانت شرين المغنية عايزة تعمل والا ضد؟

starsong

03-04-2008, 02:08 PM

اوك دى اجابتى

لو لم أكن مصريا لحمدت الله أنى لم أكن مصريا

كررررررررررر

an an

03-04-2008, 02:28 PM

انا ضد المفروض اني مروحش اعمل جنسية لبلد اصلا كارهه هويتي كعربيه
اللي بعدي كرر

™Mo7aMMeD SaLeM

03-04-2008, 02:41 PM

وأنا راى كده برضه ..
للى بعدى كررر

DR MO7@MED

03-04-2008, 02:54 PM

انا ضد طبعا مش معني ان مصر فيها غلط اعمل كدا وبعدين الغلط فالناس فينا احنا

انت مع او ضد قرارات القمه العربيه؟؟؟

™Mo7aMMeD SaLeM

03-04-2008, 03:50 PM

بص بقى يا دكتور محمد ..

بجد بجد أنا ماليش دعوة بالحورات دى .. يا عمنا الحاجة الوحيدة اللى أتفق عليها القادة العرب
هيا
هيفاء وهبى ..

وبعد كده أتفقنا على أن لا نتفق ..

للى بعدى كررر
وشكرا ..

DR MO7@MED

03-04-2008, 03:56 PM

ههههههههههههههههه

حرام عليك يا محمد انت عارف اساساهم مخادوش اي قرارات للاسف الحمد لله

ههههههههههههههه

بس جامده بتاعت هيفاء دي

انت مع او ضد الكليبات ؟؟

takki

03-04-2008, 04:25 PM

مع الكليبات الكويسة فقط المحترمة
انتا ضد او مع
6 ابرايل القادم ...!!

DR MO7@MED

03-04-2008, 08:10 PM

والله انا معاه لسبب واحد اني هاخد اجازه يومها ههههههههههههه
عارف بجد الواحد مبقاش حاسس ان ممكن اي حاجه تحصل فالبلد دي او تتقدم مش عارف ليه بس بجد اللي عاجبني انها خطوه كويسه ان الناس معظمها اجتمعت علي حاجه واحده
بس بجد انهم يحددوله معاد من زمان كدا دا صعب اووووي اوي لان البلد هتباه مشحونه وكمان الرئيس امر بتدخل الجيش والتنظيم يعني هيباه يوم مش عادي وربنا يستر

انت مع او ضد حسن شحاته وموقفه من الحضري؟

starsong

03-04-2008, 08:41 PM

أنا مع حسن شحاته فى ضم الحضرى و لعبه لمباراة الأرجنتين

على فكرة انا اهلاوى جدا جدا لكن قصة ترك الحضرى للأهلى مش لازم أبدا

نربطها بلعبه للمنتخب و الحضرى لم يسىء لمصر ( على فكرة الأهلى مش مصر !!!! )

كمان انا شايف ان الموضوع أخد أكبر من حجمه لكن دى طبيعة اللمصريين

بيحبوا بعنف و بيكرهوا كمان بعنف !

كرررررررررررر السؤال

air_man707

03-04-2008, 09:28 PM

حضرى مين يا جماعه أنا مش موافق على السؤال ده يكون هنا أصلاً
صحيح الراجل من نفس المحافظة بتاعتى ورافض الحركة دى أصلاً بس مع إحترامى أنا مش بأتفرج على الكوره غير للمتعه بيها ككوره أكتر من كده وداخليات مدربين ولاعبين إنشاله يقطعوا بعض ..
دا راجل بيدخله نص مليون شهرى والتانى واخد مليون دولار يعنى بعيد عنك حياتى عذاب .
إلى بعدى ..
هل أنت مع الكلام فى الحياة الشخصيه للاعبين أم ضد.

an an

03-04-2008, 09:30 PM

انا بصراحة نفسي ان الحضري يتأدب شويه علشان ميفتكرش ان مفيش غيرة زي ما احمد حسام كان فاكر في نفسه
اللي بعدي هل انت مع او ضد دخول التلاميذ المسلمين مدارس لغات راهبات؟؟؟؟؟؟

air_man707

03-04-2008, 09:56 PM

والله يا أختى الكريمه أنا كنت فى مدارس راهبات فرنسسكات
وحالياً غيروها للنوتردام ..
طبعاً كان التعليم لذيذ وحلو ومفيش أى حاجه لها علاقه بالدين خالص غير حصة الدين ولاحد بيقولى إنت مسلم ليه والكلام ده .
بصراحه ناس فى غاية الإحترام والله على ما أقول شهيد وحتى يومنا هذا فى الحفل السنوى بتاع العرفان و الخريجين بأروح وبيرحبوا بينا جداً ومفيش أى مشاكل ..
يعنى بإختصار أنا مع ده مش ضده فى حالة إذا كان الواحد متأكد من إن المدرسه دى كويسه ..
أفتكر إن إخواتنا إلى بيدرسوا فى الخارج فى دول ملهاش مله أساساً بيعرفوا يحافظوا على دينهم ودين أولادهم.

إلى بعدو
السؤال .هل أنت مع الإنترنت المحدود أم ضده.؟

an an

03-04-2008, 10:24 PM

معلش ممكن اسأل يعني ايه السؤال ده علشان مفهمتش معلش ياريت تفهمني ومتكنش مضايق انك هتوضح

HETLAR 2

03-04-2008, 10:41 PM

معلش ممكن اسأل يعني ايه السؤال ده علشان مفهمتش معلش ياريت تفهمني ومتكنش مضايق انك هتوضح

انا ممكن افهمك
هو يقصد الانترنت الي ب 45 في الشهر و ليك 2 جيجا بس
انا طبعا ضدة

starsong

03-04-2008, 11:01 PM

الأنترنت المحدود ممتاز جدا لو أنت مش غاوى دوانلود أفلام و حاجات زى كده يعنى غاوى تصفح اكتر

انا كنت بدفع 95 ج اشتراك خط 256 عادى
دلوقتى بدفع 85 ج لخط 512 و 5 جيجا داونلود مش بستخدم نصهم !

كررررررررررررررررررررر

DR MO7@MED

04-04-2008, 02:04 AM

انا مش معاه لاني بعمل داونلووود كتييير اوي

كررررررررر

air_man707

04-04-2008, 02:20 PM

والله يا جماعه هو لو يخلوا الداون لوود مثلاً 12 جيجا ولا حاجه وحياة طنط كيتى هأغير على طول من غير تفكير إنما بأه الواحد ساعات ييجى فى شهر يداون لوود كتير وييجى شهر تانى يكون قليل ..
ثم أنا عايز أقول حاجه إن فى الحالتين الداون لوود محدود ..
يعنى أقصى داون لوود تقدر تعمله فى الشهر لو مش محدود هو 100جيجا شهرى ..
وده على لسان أحد المهندسين العاملين فى السنترال التابعين لشركة التركيبات بالسنترال.
عموماً السؤال إلى بعده هيوضح السؤال ده.
السؤال :
هل أنت مع فرض وصاية الحكومه على الشعب أم ضد؟؟؟

HETLAR 2

04-04-2008, 03:09 PM

هل أنت مع فرض وصاية الحكومه على الشعب أم ضد؟؟؟

تقصد اية بوصاية الحكومة ؟؟؟؟؟؟؟؟؟

air_man707

04-04-2008, 03:22 PM

يا جماعه هو أساساً كده كده محدود أصلاً .
عن لسان أحد العاملين بشركه من الشركات الكبرى فى مصر قالى إن أقصى داون لوود لل256 هو 80 جيجا شهرى يعنى مش مفتوح ولا حاجه إنما هى قيمه قصوى تعتبرها الشركه مش هيقدر يوصلها مستخدم يعنى .
بس برضه محدوووووود محدووود يا ولدى.
السؤال إلى بعده ..
هل أنت مع فكرة إطلاق قمر صناعى جديد 201 نايل سات أم ضد.

air_man707

04-04-2008, 03:25 PM

عزيزى HETLAR 2 الوصايه هى إن واحد كبير معتقد إن الناس إلى حواليه كلهم أطفال وهو الوحيد الكبير العاقل وهو الوحيد إلى له الحق إنه يفكر لهم ..
كده السؤال بأه إتنين.
هل أنت مع فكرة إطلاق قمر صناعى جديد 201 نايل سات أم ضد.
هل أنت مع فرض وصاية الحكومه على الشعب أم ضد؟؟؟

HETLAR 2

04-04-2008, 03:50 PM

هل أنت مع فكرة إطلاق قمر صناعى جديد 201 نايل سات أم ضد.
لية لاء

هل أنت مع فرض وصاية الحكومه على الشعب أم ضد؟؟؟

ايوة مع الفكرة دية بس لو اطبقت صح يعني زي ايام محمد علي كدة

كرر

DR MO7@MED

04-04-2008, 03:52 PM

والله لما الحكومه تلاقي تاكل الناس عيش حااااااف يبقي تطلع القمر حتي مش تعمل قمر صناعي بس

وبالنسبه للوصايه فانا رافضها تماما الكلمه اللي بيستغلوها فتزوير الانتخابات وغيره علي ان الشعب لسا غير ناضج واحنا فاهمين احسن ونعرف نحدد هو عاوز ايه انا ضد ضد ضد

كرررررررررر

HETLAR 2

04-04-2008, 04:03 PM

وبالنسبه للوصايه فانا رافضها تماما الكلمه اللي بيستغلوها فتزوير الانتخابات وغيره علي ان الشعب لسا غير ناضج واحنا فاهمين احسن ونعرف نحدد هو عاوز ايه انا ضد ضد ضد

اذا كان دة شعب متخلف يبقا ازاي عايز مش يبقا في وصاية شوف نسبت المتعلمين اد اية
و كمان شوف افضل فترة في القرون الاخيرة لمصر كانت امتي
حتلاقيها ايام محمد علي شوف الراجل دة عمل اية
كرر

air_man707

04-04-2008, 04:27 PM

إرادة الشعب فوق كل شىء .
ومش ممكن أبداً نفصل الشعب عن الحكومه بأى حال من الأحوال لأن دول المفروض إنهم ممثلى الشعب أو بيمثلوا عليهم أيما كان التعبير صحيح .
تغيير إرادة الشعب شىء حقير (من وجهه نظرى)
يعنى واحد يزور فى الإنتخابات ويطلع فى التلفزيون ويقول لا مساس والشفافيه فوق كل شىء والنتيجه 99.9999999% والأخ إلى أناقص كان نايم وصحى متأخر .
طيب فين المنتخبين أصلاً إذا كان فى ناس مقاطعه الإنتخاب وناس بره مصر (المغتربين عاملين مشكله جامده فى الموضوع ده).
الوصايه أشكال كتيره ولكن لازم يكون فى مبادىء.
فين مبادىء الثورة
فين القضاء على الإقطاع
فين القضاء على الإحتكار
فين إنهاء سيطرة رأس المال على الحكم .
من الأخر كلام وصايه وبس إنما تطبيق (بخ) وكبيره كمان .

نيجى بأه للنايل سات 201 المزمع إنشاءه ده ..
القمر بتاعنا واخد فوق الـ 90% من محطات المنطقه العربيه والشرق الأوسط وكلها محطات وكلام وخلاص إنما مفيش محطة واحده متخصصه للإتصالات
مفيش شىء مفيد فين الإنترنت الفضائى ..(بخ)
فين الإتصالات عبر الأقمار الصناعيه ..... (بخ)
طبعاً واحد يسألنى ليه النت مش فضائى ومعمم فى مصر حتى الأن ؟؟؟
أقولك :
مع كلامى بشكل ودى مع أحد الناس إلى شغاله فى جهه أمنيه (عليا)
قال:
النت فى مصر يجب السيطره عليه عشان المغرضين والمصريين الى بسوء فهم بيشوهوا سمعة مصر من خلال المدونات وإرسال تقارير للخارج عبر الإنترنت و مراقبتهم عن طريق الشبكات بخط التليفون مش معقده زى المراقبه عبر الأقمار الصناعيه بأى حال من الأحوال.(ده كلام واحد بيتكلم على أساس إننا عصابه مش شعب).

وكرررررررررررررررر

DR MO7@MED

04-04-2008, 06:20 PM

انا كمان ضد الوصااايه بجميع انواعها ومعاملتنا علي اننا شعب قاصر

انت مع او ضد زواج الاقارب؟؟

™Mo7aMMeD SaLeM

04-04-2008, 06:44 PM

زواج الاقارب تانى .. مليون لاء ليه ..
للحفاظ على قوة النسل .
القادم ..
تبعا لما ذكر فى الطب الذى ليس بحديث ز. ولما ورد فى أثر عن عمر بي الخطاب . وبجد الجواز ده بينتهى بمأسى ..
للى بع دى كررررر .

air_man707

04-04-2008, 07:13 PM

طبعاً ضد (العرق دساس).
والسؤال إلى بعده.
هل أنت مع حكم إعدام المغتصب أم ضد.

DR MO7@MED

04-04-2008, 08:17 PM

طبعا مع وياريت محدش يقولي اصل دوافعه كذا واسبابه كذا والبنت هي اللي غلطانه عشان اكيد دا انسان سافل لان المحترم مهما شاف البنت ماشيه غلط مش هيبوصلهاوبعدين دا في سفله كمان بيعملوا دا مع بنات محترمين جدا يعني مش لازم اللي لابسه غلط لا دي طبيعه فيه ولازم نخلص المجتمع من امثاله
وبعدين دا بيدمر حياة انسانه ومش بتعرف تعيش طبيعي بعد كدا يعني بتعيش كانها ميته
والعين بالعين والسن بالسن

كررررررررر

an an

04-04-2008, 09:21 PM

القاتل يقتل ولو بعد حين
بس اللي لنا ضده ان ناس غريبه عن الارض و الحكم هما اللي قررو ده
اللي بعدي هل انت مع او ضد ادخال مصطلحات انجليزيه عند التحدث

DR MO7@MED

04-04-2008, 09:32 PM

لا طبعا انا مع الحفاظ علي لغتنا وهويتنا كعرب وضد ادخال المصطلحات الغربيه

كررررررررررر

an an

04-04-2008, 09:41 PM

ضد لان فيه ناس بتستخدمها علشان المظاهر وبس
بس فعلا زي ما قال محمد اننا لازم نحافظ علي اللغه
وبعدين دي لغة القرأن الكريم
اللي بعدي هل انت مع او ضد المصطلحات الجديدة؟

DR MO7@MED

04-04-2008, 09:47 PM

انا فالاول مفهمتش السؤال انت تقصدي روش وطحن والكلام دا صح

عالعموم انا ضدها بس الصراحه وعشان اكون صادق اوقات بستخدمها مع اصحابي بس مش كتير

ومينفعش استخدمها مع كل الناس لان لكل مقام مقال

كررررررررر

™Mo7aMMeD SaLeM

04-04-2008, 10:31 PM

أنا ضدد قلبا وقالبا ..

بس فيه حاجة .

انى بستعملها غصب عنى .. مش مع أكتر اصحابى بس بستعملها ليه مش عارف ..
للى بعدى كرر ..

takki

04-04-2008, 10:49 PM

انا معاها طبعا دي احلي حاجة بنعبر بيها
عن بعض الحالات اللي بنكون فيها

اللي بعدي ضد او مع
الحب وعذابة وجراحة هههههههههههه
(اصل مش لاقي حاجة اقولها وفاضي)

an an

04-04-2008, 10:49 PM

انا بستخدمها علي سبيل التهريج مع اخواتي او مامتي و برضه مع بعض صحباتي لكن مش مع الكل طبعا
اللي بعدي هل انت مع او ضد المرتبات التحفه في مصر؟؟؟؟؟؟؟؟؟؟؟

air_man707

04-04-2008, 11:36 PM

حبايبى ..
والله وحشتونى موت موت الكام ساعه دول وبينى وبينكم كده أنا مسافر بكره وجاى كمان إسبوع (الشغل يعنى بأه).

بالنسبه لسؤال الأخت an أقولك حاجه ظريفه وهتعرفوا إذا كنت مع أو ضد .
مرتب عسكرى المرور 70ج
مرتب عميد رئيس مرور منطقه بعد العلاوات 70ألف ج.

مرتب سكرتيرة شركة ميكب للملابس 450ج بالبدالات.
مرتب سكرتيرة وزير الإستثمار 35 ألف جنيه .

مرتب مهندس فى المجلس المحلى 250ج
مرتب رئيس المجلس المحلى (حسب التساهيل).

مرتب طبيب بمستشفى الأربعين 250ج
مرتب طبيب بمستشفى شرم الشيخ الدولى 2500

مرتب معيد بكلية هندسة البترول بجامعة قناة السويس 350ج
مرتب مهندس بترول بشركة بتروبل 3500ج.
وطبعاً بعد العرض الهايل ده .أقدر أقولكم إنى ضد بالقوى قوى قوى .
ياريت التوزيع لخير بلادنا يكون بالعدل .
السؤال التالى :
هل أنت مع تعويم عملة الدوله أم ضد ولماذا؟؟

an an

05-04-2008, 05:42 PM

ترجع بالف سلامه باذن الله
اما سؤالك انا ضد طبعا اينعم هو متعوم جاهز بس انا ضد برضه
اللي بعدي كرر

DR MO7@MED

05-04-2008, 09:10 PM

والله من اللي انا شايفه انه لما جه يعوم غرق للاسف

يعني انا ضد

انت مع او ضد المظاهرات؟؟؟

an an

05-04-2008, 10:10 PM

ليه الاحراج ده
انا قولتلكو هتحبسوني عن قريب
كتير انا بكون مع يعني اليومين دووووووول انا مع جدا
اللي بعدي هل انت مع او ضد التعليم المجاني اللي في اليومين دول؟؟؟

™Mo7aMMeD SaLeM

05-04-2008, 10:12 PM

انت مع او ضد المظاهرات؟؟؟

أنا برضه اللى عاوز أقفل اللعبة ..

ع العموم انا معاها لانها .. نوع من أنواع التعبير والحرية اللى لازم يكون أطار معين يحدها ..
وانا مش معاها لما بتخرج عن أطارها .. ويحدث فيها مالا يحمد عقباه ..
من تكسير للاملاك الناس .. وتخريب وسلب ونهب وحرق ..
وده مش بيحصل الا عندنا ..
للى بعدى كرر

DR MO7@MED

05-04-2008, 10:33 PM

اللي بعدي هل انت مع او ضد التعليم المجاني اللي في اليومين دول؟؟؟

اكيد طبعا معاه بس الحكومه تحسن المستوي بتاعه شويه لان غير كدا محدش هيتعلم فالبلد
لو اتلغي يعني انا مع التعليم المجاني بس ضد مستواه اللي نفسي يتحسن
انت مع او ضد المظاهرات؟؟؟

هههههههههههههه
ماشي يا بو حميد انا معاها كوسيله من وسائل التعبير عن الراي اللي مش بيوصل
بس تكون سلميه وبدون تخريب

كرررر السؤالين

an an

05-04-2008, 10:40 PM

انا زي ما قولت اني مع المظاهرات بس بدون تخريب
اما عن المدارس المجانية فانا مع المبدأ لكن انا ضد الاستغلال اللي فيها لانهم بيستغلو الناس الفقراء
اللي بعدي هل انت مع او ضد ان المرأة تخلي ابنها تربيه الداده بتاعته؟

™M!DoΘoZ

05-04-2008, 11:43 PM

موضوع جميل يا an an
ضد علشان هيتعلق بالداده اوووووووى

انتا مع الكوسه ولا لا ؟؟؟
يعنى لو قدامك هتستخدمها ولا تؤ ؟؟؟

an an

06-04-2008, 12:14 AM

انا ضدها بس مش في كل الحالات يعني لو انا عارفه شخصيه معينه وعارفه شغلها اشغلها ليه لا اللي نعرفه احسن من اللي منعرفوش
هل انت مع او ضد مقولة العاية تبرر الوسيلة
ونورت الموضوع وانا مبسوطه انه عجبك وشكرا لمرورك وارائك

™M!DoΘoZ

06-04-2008, 12:32 AM

ربنا يخليكى يا جميل
اوقات بتكون الغايه محتاجه وسيله صعبه اننا نعملها
وهيه دى اللى فيها اقول للجمله دى لا
يعنى مش اى غايه علشان اوصلها اعمل وسيله غلط

انت مع الاضطراب بكره ؟؟؟

™Mo7aMMeD SaLeM

06-04-2008, 01:30 PM

لاء طبعا .. للى بعدى كرر

Wanna Help

06-04-2008, 03:29 PM

أنا برده معاه

للي بعدي برده كرر

an an

06-04-2008, 09:40 PM

انا معاه بس ياريت يكون اكتر من يوم علشان يجيب نتيجة
اللي بعدي هل انت مع او ضد الثقة بالناسفي وقتنا هذا؟

starsong

07-04-2008, 02:10 AM

طبعا انا مع الثقة بالناس لكن مع قليل من الحذر .. يعنى حرص و متخونش

و كل ما بتعرفى البنى أدم كويس و ثقتك فيه تزداد نتيجة مواقفه و أخلاقه

بيقل حذرك و خوفك من خيانته

سؤالى :

هل أنت مع حكوووووووووومة نظيف ؟؟

an an

07-04-2008, 05:00 PM

ضد بالثلاثة
اللي بعدي هل انت مع او ضد اعطاء الموبيلات للاطفال؟

™Mo7aMMeD SaLeM

07-04-2008, 05:09 PM

ضد بالثلاثة
اللي بعدي هل انت مع او ضد اعطاء الموبيلات للاطفال؟
ضد بالاربعة المرة دى ...
للاسباب كتيرة بقى ..
للى بعدى ..
انت مع الاضراب اللى حصل أبنارح فى المحلة .. وطريقة تعامل الامن كانت كويسة ..
وشكرا

an an

08-04-2008, 12:18 AM

انا مع الاضراب
بس ضد الشغب وضرب الامن يعني ضد مبدا الشغب

el rayk gedan

08-04-2008, 08:14 PM

فين السؤال يا An An ؟؟

an an

09-04-2008, 09:28 PM

معلش ما اخدتش بالي اني مكتبتش سؤال
وازيك يا رايق نورت الموضوع بقالك كتير مش بتنور المواضيع

وشكرا انك نبهتني
السؤال هو هل انت مع او ضد قياده المرأة للسياره

DR MO7@MED

09-04-2008, 09:45 PM

ازيك ان ان الاول
انا مع طبعا لانها بتحتاجها فاوقات كتير لما تنزل تشتري حاجه وطبعا احسن من التاكسيات والمواصلات والبهدله بس دا طبعا لو خلاص الحكايه مزنقه وجوزها او حد من اهلها مش فاضي ينزل معاها
كرررررررررررر

™Mo7aMMeD SaLeM

09-04-2008, 09:49 PM

يا عمنا

أكيد معاها لانها بتحتاجها فى أوقات كتير .
للى بعدى كررررر

an an

09-04-2008, 11:27 PM

الحمد لله انا كويسه فينكم بقالي كتير مش بشوف مشاركة ليكم يا رب تكونو جميعا بخير
انا طبعا مع مش لاني بنت لا لاننا فعلا بنحتاجها اكتر من البهدله
اللي بعدي هل انت مع او ضد مقوله المساواه بين الرجل والمراة؟

el rayk gedan

09-04-2008, 11:31 PM

أزيك يا An An..

أنا طبعا مع سواقة العربيات للبنت..

بس أوقات وأوقات...

يعنى لما تكون للضرورة ومفيش حد من أهلها موجود...

غير كدا من وجهة نظرى لأ...

لأسباب كتير لو حابة تعرفيها أسألينى عشان مخروجش عن نظام التوبيك..،

an an

10-04-2008, 12:30 AM

اهلا وسهلا بالرايق جدا
طبعا احب اسأل هل انت مع او ضد السواقه للبنات وايه هي الاوقات اللي ينفع فيها
كمان جاوب علي السؤال اللي بعده
وبعدين اسال انت بقي

DR MO7@MED

10-04-2008, 04:14 PM

اللي بعدي هل انت مع او ضد مقوله المساواه بين الرجل والمراة؟

انا ضد جدا لان الرجال قوامون والست واخده حقها كويس جدا جدا والدين كمان بينصفها وخلا الراجل هو المسئول عنها ودا تكريم ليها كمان وطبعا مع كل الاحترام للمراه بس موضوع مساواه لا
بس كلام ماما سوزان واخواتها عن المساواه لا لا

كرررررررررررررر

starsong

10-04-2008, 04:21 PM

لول

الله سبحانه و تعالى بيقول ( و ليس الذكر كالأنثى )
و يقول أيضا ( الرجال قوامون على النساء )

اكيد مش معقول هكدب كلام المولى عز و جل و أصدق كلام تيته شريهان لول

سؤالى :

هل أنت مع فوايد البنووووووووووووك ؟!!

an an

10-04-2008, 04:26 PM

انا ضد لكن سمعت ان الفوايد من البنوك الاسلاميه مش حرام
وانا لي راي ان انا حتي لو معايا فلوس مش لبنك اسلامي وطلعلي فوايد ممكن اديها الفقراء بس مش صدقه ولا زكاة بس احسن ما ترجع تاني بس ان ضد الاستفادة من الفوايد
اللي بعدي كرر

el rayk gedan

10-04-2008, 09:10 PM

هل انت مع او ضد السواقه للبنات وايه هي الاوقات اللي ينفع فيها

من وجهة نظرى...

خروجها والسواقة للضرورة...

طبعا أول أسبابى..عشان ما يحصلش أى فتنة...

ثانيا...تخيلى شاب بسيط مش لاقى شغل ويشوف المنظر ده...ممكن يموت نفسة..

عندك بقى طبعا الاستهتار وغيرة من الاسباب..

وأظن دول كفاية..،

el rayk gedan

10-04-2008, 09:12 PM

أنا شايف أن الفوايد حراااااااام...

starsong

10-04-2008, 09:19 PM

فين السؤال يا رايق ؟

ههههههههههههه كده انا أخدت بتار an an منك :glasses:

و الله موضوع الفوايد ده حير الواحد بس عموما الفلوس لو مدخلتش بيها

مشروع او أشتريت بيها حاجة قيمتها بتروح سواء فى بنك أو لا !

el rayk gedan

10-04-2008, 10:32 PM

ops..!!

هههههههههههه

والله ما أخدت بالى..

بس مفيش تار ولا حاجة يا راجل أحنا أخوات..

وأدى السؤال بتاعى...

هل أنت مع أو ضد الحكومة بتاعتنا والسياسة الى ماشيه بيها..؟؟

DR MO7@MED

10-04-2008, 10:53 PM

ضد ضد ضد ضد

كررررررر

an an

11-04-2008, 12:21 AM

يا جماعة انا قولتلكو هيتقبض عليا كل مرة حظي سياسه في سياسه ولله الحمد كل مرة بكون ضد
انا طبعا ضد لاسباب كثيرة طبعا اكيد الكل مش راضي عنها

el rayk gedan

11-04-2008, 01:20 AM

فين سؤالك؟؟..:mdr:

an an

11-04-2008, 02:59 AM

موضوع الزهايمر ده مش لقيالو حل
وبعدين انتي مستقصدني
عموما السؤال برضه هل انت مع او ضد الحكومة؟

DR MO7@MED

11-04-2008, 03:15 AM

ههههههههههههههههه
ليه بس كدا يا ان ان

ضد ضد ضد

كررررررررر

an an

11-04-2008, 03:26 AM

ضد بالتلاته
اللي بعدي هل انت مع او ضد ان عائلتين يخطبو الولد والبنت اول ما يتولدو
يعني مع والا ضد التقاليد الغريبه ده

DR MO7@MED

11-04-2008, 03:29 AM

ضد ضد

كررررررررر

an an

11-04-2008, 03:40 AM

ضد جدا لان دي تقاليد للاسف مش صح خالص ايه ذنب الاتنين بالوضع ده
اللي بعدي هل انت مع او ضدالعادات والتقاليد في مجتمعنا بشكل عام؟

el rayk gedan

11-04-2008, 03:47 AM

ضد طبعا..

الى بعدى هل أنت مع أو ضد هوس الشباب والبنات بالمطربين؟؟

an an

11-04-2008, 03:49 AM

ضد جدا يعني السول يقول انت مع من احببت
فالافضل اتعلق بحد يفيدني يوم القيامه
وقبل منسي اللي بعدي كرررر

DR MO7@MED

11-04-2008, 03:55 AM

ضد ضد

كررررررر

™Mo7aMMeD SaLeM

11-04-2008, 08:26 PM

ضدد بالقوى ..
للى بعدى كرر ..

air_man707

11-04-2008, 10:02 PM

الأغانى والكلام ده فن وإحنا كلنا بنحب الفن والثقافه بس توصل لدرجة الهوس ونقلد الموضه بتاعتهم بالشكل السخيف ده فأنا ضد .
أما مطرب خلوق ومحترم والناس بتعتبره مثل أعلى مفيش مشاكل إنى أخد بعض الصفات الكويسه فيه إلى حببت الناس فيه.
عموماً كرررررررررررر

an an

11-04-2008, 11:38 PM

انا ممكن اعجب باغنية لكن مش احبها لدرجة اني مقدرش مسمعهاش لا طبعا ده كلام فارغ ومش هينفعني في اخرتي
اللي بعدي هل انت مع او ضد الزواج مع اهل حد من العروسين يعني في بيت مامتها او مامته؟؟؟؟؟؟؟؟

el rayk gedan

11-04-2008, 11:45 PM

مش فاهم السؤال..

تقصدى يعنى يجوزوا الولاد من غير أخد رأيهم ؟؟

لو كدا يبقى ضددددددددددددددد

كرر يابرنس يالى بعدى..،

air_man707

12-04-2008, 12:04 AM

هههههههههههه
عوداً حميداً ليا طبعاً بعد غياب إسبوع فى الشغل الى بقى مش شغل (إستعباد).

نتكلم عن الموضوع يا an an وطبعاُ أفسر لأخويا العزيز el rayk gedan يا عينى عليك يا لذيذ يا رايق .
أنا من وجهة نظرى الشخصيه إن مش هينفع الجواز ده إلا إذا كانوا مش بيحبوا بعض وبس دا لازم يكونوا بيموتوا فى بعض لدرجة الخزعبلات لأن أنا جربت المشوار ده كام يوم بس مش إستقرار وفعلاً الواحد مش هيعرف يأخد راحته فى أى حاجه وخلاف تدخل الأخرين بكل الطرق والأشكال فى نظام حياتى والتدخل فى الخصوصيات ده خلاف فلان قال وفلانه عملت وأختك قالت ومراتك عملت وأختك ولامراتك ولا مامتك ...
ريحت دماغى وإستغنيت عن نص مرتبى فى شقه إيجار جديد والحمد لله كده أحسن بكتييييييييييير.
ومن خلال هذا المنطلق فأنا ضد أما بأه لو الشاب حالته خشب والشابه حالتها بلاستك وخلاص لازم يتجوزا عشان الفتن والكلام ده فأحب أقول إن الأهل ياريت يكونوا واخدين الموضوع بحب مش جميله وخلاص (جميله بكسر الجيم).
ياريت نكررررررر عشان نشوف باقى الردود وأحيي anan على السؤال..(إنتى قاعده ماعنا فى العماره ولا إيه؟؟؟)
شاكرين.
كرررررررررررررررررررر