المساعد الشخصي الرقمي

مشاهدة النسخة كاملة : ارجو نصيحه بخصوص السوزوكي ماروتي

abotrikaaaa
20-03-2008, 10:29 AM
ياريت يا جماعه حد يقولي عن عيوب سوزوكي ماروتي بامانه ؟وايه مميزاتها عن اي عربيه في سعرها؟اصلي ناوي عليها فياريت تفيدوني
Eng.3mrlizm
29-07-2008, 04:08 PM
هو محدش رد ليه أتمني حد يرد علينا بإفادة
thegoodhacker
29-07-2008, 04:26 PM
بص يا سيدي الماروتي عربية جميلة جدا و عملية داخل المدينة لان حجمها الصغير بيجعلها سهلة جدا في المناورة و في ركن السيارة و حققت مبيعات كويسة جدا في الفترة الاخيرة علشان اسعار البنزين و التراخيص
موتورها 3 سلندر - 800 سي سي بيخليها اقتصادية جدا في البنزين و ترخيصها حيبقي منخفض بس في نفس الوقت مش حتقدر تصد معاك في سفر كل شوية......
قطع غيارها متوفرة و رخيصة في نفس مستوي رخص قطع غيار الفيات 128 كده
عيوبها : شنطتها صغيرة جدا - و كمان صالونها ضيق و كمان يعيب السيارة انها منخفضة نوعا ما
Eng.3mrlizm
30-07-2008, 02:09 AM
بص يا سيدي الماروتي عربية جميلة جدا و عملية داخل المدينة لان حجمها الصغير بيجعلها سهلة جدا في المناورة و في ركن السيارة و حققت مبيعات كويسة جدا في الفترة الاخيرة علشان اسعار البنزين و التراخيص
موتورها 3 سلندر - 800 سي سي بيخليها اقتصادية جدا في البنزين و ترخيصها حيبقي منخفض بس في نفس الوقت مش حتقدر تصد معاك في سفر كل شوية......
قطع غيارها متوفرة و رخيصة في نفس مستوي رخص قطع غيار الفيات 128 كده
عيوبها : شنطتها صغيرة جدا - و كمان صالونها ضيق و كمان يعيب السيارة انها منخفضة نوعا ما

شكراً علي ردك و تطيبك خاطرنا و في كلام جديد ماكنتش أعرفه عنها عرفته منك .. بس كنت محتاج أعرف التفاصيل الخفية في الموتور العفشة من جوه أقصد يعني حمالة قاسية و لا كل شوية تعطل و صيانة و تتعبني معاها ؟

و هل منها في السوق دلوقتي تقفيل ياباني و لا مصري بس ؟ و الفرق في السعر قد ايه اتمني ماكنش هتقل عليك
لكن أنت الوحيد اللي عبرتنا و شكلك فاهم ياريت تفيدنا
thegoodhacker
30-07-2008, 02:52 PM
من ناحية الاعطال و المشاكل ما تقلقش منها خالص هي عربية كويسة جدا بشهادة اللي امتلكها.........
بالنسبة لموضوع التقفيل فمفيش منها ياباني ولا مصري لان كلها تقفيل هندي ....... الميكانيكا ياباني بس الصاج و الاكسسوارات هندي
max1414
30-07-2008, 04:34 PM
أخى الفاضل تسمحلى اضيف
طالما العربيه اشتغلت تاكسى ونجحت يبقى متخافش منها

وعلى العموم هيا مبتجيش كامله ولا مكيفه ( يعنى حياه صعبه شويه )
بس مع الوقت ممكن تسنترها وتركب زجاج كهربا ومفتاح ريموت وتبقى كده من الاخر

بس فى ملاحظه : الدركسيون بتاعها خشن حبتين (مش زى الادا طبعا!!!!!)

ودمتم سالمين
Eng.3mrlizm
30-07-2008, 04:47 PM
أخى الفاضل تسمحلى اضيف
طالما العربيه اشتغلت تاكسى ونجحت يبقى متخافش منها

وعلى العموم هيا مبتجيش كامله ولا مكيفه ( يعنى حياه صعبه شويه )
بس مع الوقت ممكن تسنترها وتركب زجاج كهربا ومفتاح ريموت وتبقى كده من الاخر

بس فى ملاحظه : الدركسيون بتاعها خشن حبتين (مش زى الادا طبعا!!!!!)

ودمتم سالمين

هو انا ماشوفتهاش تاكسي قبل كدة و لا اتخيل انها تاكسي عشان اللي هيشغلها تاكسي بيقضي علي نفسه .. العربية صغيرة علي تاكسي

و انا عارف ان مينفعش يركبلها تكييف .. عشان اذا اتركب و اشتغل العربية مش هتقوم

و شكراً علي معلومة الدركسيون دي .. نفسي فعلاً في نوعية المعلومات دي
Eng.3mrlizm
30-07-2008, 04:52 PM
من ناحية الاعطال و المشاكل ما تقلقش منها خالص هي عربية كويسة جدا بشهادة اللي امتلكها.........
بالنسبة لموضوع التقفيل فمفيش منها ياباني ولا مصري لان كلها تقفيل هندي ....... الميكانيكا ياباني بس الصاج و الاكسسوارات هندي

فعلاً الشكوي منها قليلة و معظم الشكاوي بتبقي من حجمها و دي طبعاً حاجة اللي بيشتري العربية شايفها قبل ما يجيبها يعني بعدها المفروض مايشتكيش بالنسبة للتقفيل .. انا سمعت من سنة كدة تقريباً ان لها تقفيل ياباني و مصري مش فاكر سمعت من مين لكن متأكد إني سمعت الموضوع ده قبل كدة عموماً شكراً علي المتابعة
max1414
31-07-2008, 09:11 AM
أخى الفاضل تسمحلى اضيف
طالما العربيه اشتغلت تاكسى ونجحت يبقى متخافش منها

وعلى العموم هيا مبتجيش كامله ولا مكيفه ( يعنى حياه صعبه شويه )
بس مع الوقت ممكن تسنترها وتركب زجاج كهربا ومفتاح ريموت وتبقى كده من الاخر

بس فى ملاحظه : الدركسيون بتاعها خشن حبتين (مش زى الادا طبعا!!!!!)

ودمتم سالمين

ممكن فى القاهره مافيش تاكسى

بس عندنا فى اسكندريه شغاله والحياه حلوه ومافيش مشاكل

وبالنسبه للضيق ده ممكن تكون ضيقه بس مش زى ال 126 طبعا يعنى معقوله وشبابيه
والاحلى من كده انها 4 باب طبعا
moudy_79
31-07-2008, 10:18 AM
السلام عليكم وحكة الله

الماروتي بها مشاكل عديدة من ناحية الموتور والعفشة فهي ضعيفة جدا جدا جدا مع المطبات هي مع اختي يعني استخدام بناي جدا ولكن مع ذلك انا ما انصحش حد يشتريها وخصوصا انها خفيفة جدا على الطرق السريعة مثل الدائري أو المحور ودي نصيحتي لك يا أخي

اتمنى قبولي كصديق لكم
mindvision
31-07-2008, 03:44 PM
بناء علي تجربة شخصية مع احد الاصدقاء لي.. الماروتي عربية ممتازة... ولم اكن اتوقع بها انها تستطيع ان تحمل 5 ركاب !!! فعلا العربية شالت 5 ركاب ولمده 3 ايام تم السفر بها يوميا والرجوع من والي الاسكندرية دون اي مشكلة ... عربية جميله جدا بناء علي تجرتبي الشخصية مع صديقي..
وهي فعلا موجودة تاكاسي من وانا ركبت تاكسي منها قبل كده وكويسة جدا... وهي تقفيل هندي مالقيتش منها تقفيل مصري..
ahmadzowail
06-08-2008, 04:06 PM
يا جماعة العربية دي معايا دلوقتي بقالها حوالي خمس سنين
انا معايا ماروتي موديل 2000 و حبيت اني اشارككم بالرأي
بإختصار انا شايف ان دي عربية ممتازة جدا بالنسبة لحجمها و سعرها , و تقدر تقول عنها انها فعلا حمالة اسية
قطع غيارها اسعارها معقولة و لا تعتبر غالية هي طبعا مش برخص الفيات بس برضه معقولة
المشكلة انها نادرة شوية ومتلاقيهاش عند اي حد , انا شخصيا معرفش غير محل واحد في شارع دمشق هو اللي بتعامل معاه علطول
لو حنتكلم عن العيوب فهي بنظري قليلة جدا , طبعا في العيوب الشكلية زي ان الشنطة صغيرة جدا و ماتشلش حاجة كبيرة
الكنبة بتاعتها تاخد اتنين مرتاحين وممكن تاخد تلاتة لة رفيعين , مافيهاش تكييف و متستحملش انه يركبلها , سحبها ضعيف في مطالع الكباري بالذات لو راكب فيها اوزان , اعتقد فيما عدا كده هي ممتازه
اقتصادية جدا في البنزبن بتعمل 450 كم في التفويله (28 لتر) , سهلة المناورة و الحركة و بتركن في اي دخنيقة , دركسيونها خفيف , و العربية عالية مابتحكش في المطبات , بس فتيسها غلس شوية حركته مش سلسة , صيانتها سهلة جدا عن اي ميكانيكي , يعني ده اللي في دماغي دلوقتي عنها و لو عندك اي سؤال تاني إسأله
Eng.3mrlizm
06-08-2008, 04:34 PM
ممكن فى القاهره مافيش تاكسى

بس عندنا فى اسكندريه شغاله والحياه حلوه ومافيش مشاكل

وبالنسبه للضيق ده ممكن تكون ضيقه بس مش زى ال 126 طبعا يعنى معقوله وشبابيه
والاحلى من كده انها 4 باب طبعا

يبقي أكيد في تاكسي منها علي الأقل في إسكندرية .. مادام انت من هناك يبقي اكيد متأكد

هي فعلاً أحسن بكتيييييييييييييييييييييييييييييييييير من 126 .. دي حاجة أكيدة ههههه ياراجل هناك فرق :jap:

مرسي يا جميل علي المتابعة

السلام عليكم وحكة الله

الماروتي بها مشاكل عديدة من ناحية الموتور والعفشة فهي ضعيفة جدا جدا جدا مع المطبات هي مع اختي يعني استخدام بناي جدا ولكن مع ذلك انا ما انصحش حد يشتريها وخصوصا انها خفيفة جدا على الطرق السريعة مثل الدائري أو المحور ودي نصيحتي لك يا أخي

اتمنى قبولي كصديق لكم

انت حقيقي أول واحد أسمع منه إن مشاكلها في العفشة كتير .. إزاي بس يا مودي الكلام ده

تصدق بالله واحدة قريبتي معاها ماروتي من 99 ماقلتش عنها كلمة وحشة ولا مرة مع انها بتسافر بيها كتير .. عموماً حصل خير .. ممكن يكون رأيك صحيح عن تجربة ليك أو تجرب لأحد معارفك .. بس هل التجربة دي عن تجربة مع عربية كنت شاريها مستعملة ؟

بناء علي تجربة شخصية مع احد الاصدقاء لي.. الماروتي عربية ممتازة... ولم اكن اتوقع بها انها تستطيع ان تحمل 5 ركاب !!! فعلا العربية شالت 5 ركاب ولمده 3 ايام تم السفر بها يوميا والرجوع من والي الاسكندرية دون اي مشكلة ... عربية جميله جدا بناء علي تجرتبي الشخصية مع صديقي..
وهي فعلا موجودة تاكاسي من وانا ركبت تاكسي منها قبل كده وكويسة جدا... وهي تقفيل هندي مالقيتش منها تقفيل مصري..

شكراً يا احمد باشا علي الرد .. هو انا اطمنت كدة لها أكتر من ناحية السفر لأن كتير قالولي أنها تستحمل السفر عادي يعني بالرغم من موتورها اللي مش بقوة السيارات الأكبر

يا جماعة العربية دي معايا دلوقتي بقالها حوالي خمس سنين
انا معايا ماروتي موديل 2000 و حبيت اني اشارككم بالرأي
بإختصار انا شايف ان دي عربية ممتازة جدا بالنسبة لحجمها و سعرها , و تقدر تقول عنها انها فعلا حمالة اسية
قطع غيارها اسعارها معقولة و لا تعتبر غالية هي طبعا مش برخص الفيات بس برضه معقولة
المشكلة انها نادرة شوية ومتلاقيهاش عند اي حد , انا شخصيا معرفش غير محل واحد في شارع دمشق هو اللي بتعامل معاه علطول
لو حنتكلم عن العيوب فهي بنظري قليلة جدا , طبعا في العيوب الشكلية زي ان الشنطة صغيرة جدا و ماتشلش حاجة كبيرة
الكنبة بتاعتها تاخد اتنين مرتاحين وممكن تاخد تلاتة لة رفيعين , مافيهاش تكييف و متستحملش انه يركبلها , سحبها ضعيف في مطالع الكباري بالذات لو راكب فيها اوزان , اعتقد فيما عدا كده هي ممتازه
اقتصادية جدا في البنزبن بتعمل 450 كم في التفويله (28 لتر) , سهلة المناورة و الحركة و بتركن في اي دخنيقة , دركسيونها خفيف , و العربية عالية مابتحكش في المطبات , بس فتيسها غلس شوية حركته مش سلسة , صيانتها سهلة جدا عن اي ميكانيكي , يعني ده اللي في دماغي دلوقتي عنها و لو عندك اي سؤال تاني إسأله

أهلاً بيك يا أحمد في الموضوع .. و انت أفدتني كتير بنقطة التفويلة دي .. عشان كنت ناوي اذا إقتنعت بها تماماً و طلعت هي اللي من نصيبي كانت هتتمرمط معايا ببنزين 80 هههههه فكدة ممكن نعيفها من المرمطة مادام مش بتسحب كتير

ألف شكر علي كل كلمة يا أحمد قولتها و ساهمت بيها معانا

و علي رأي العبارة الخليجية الشهيرة : الله يعطيك خيرها و يكفيك شرها
m000dy_83
06-08-2008, 06:36 PM
طيب بقولك ايه ياجميل
اليومين اللى فاتوا دول انا شفت عربيه صينى مع انى مابحبش الصينى ومابعترفش بيه
بس دى لفتت نظرى اوى
اولا هى اتنين باب ولو شفتها جنب السمار مش هاتفرقهم من بعض
بجد شبه غير عادى
بس هى 1100 سى سى وازاز كهربا وتكييف وتشيل 4 افراد مستريح اوى
وسعرها 35000 بس وتقريبا انا متوقع ان الناس هتاكل بعض عليها والحجز هايبقى لشهور قدام
بس للاسف مش عارف اسمها عموما لو تعرف حد بيبيع صينى ادخل عنده والعربيه اللى هاتلاقيها نسخه طبق الاصل من السمارت تبقى هى
Eng.3mrlizm
06-08-2008, 07:20 PM
طيب بقولك ايه ياجميل
اليومين اللى فاتوا دول انا شفت عربيه صينى مع انى مابحبش الصينى ومابعترفش بيه
بس دى لفتت نظرى اوى
اولا هى اتنين باب ولو شفتها جنب السمار مش هاتفرقهم من بعض
بجد شبه غير عادى
بس هى 1100 سى سى وازاز كهربا وتكييف وتشيل 4 افراد مستريح اوى
وسعرها 35000 بس وتقريبا انا متوقع ان الناس هتاكل بعض عليها والحجز هايبقى لشهور قدام
بس للاسف مش عارف اسمها عموما لو تعرف حد بيبيع صينى ادخل عنده والعربيه اللى هاتلاقيها نسخه طبق الاصل من السمارت تبقى هى


طيب ممكن تجيب إسمها ايه

و لو إني برده مش بأعترف إن الصيني عربية أصلاً

هل تقصد انها شبه دي

http://misslissa.files.wordpress.com/2008/05/smart-car.jpg

و شكراً يا جميل علي المساهمة القيمة في الموضوع
max1414
06-08-2008, 08:22 PM
غريبه حكايه اربعه راكب دى

السمارت اساسا بتشيل اتنين بس
( عربيه للناس الحبيبه يعنى )
ههههههههههههههههههههههه
:2::2::2::2::2::2:
Eng.3mrlizm
08-08-2008, 10:53 AM
طيب بقولك ايه ياجميل
اليومين اللى فاتوا دول انا شفت عربيه صينى مع انى مابحبش الصينى ومابعترفش بيه
بس دى لفتت نظرى اوى
اولا هى اتنين باب ولو شفتها جنب السمار مش هاتفرقهم من بعض
بجد شبه غير عادى
بس هى 1100 سى سى وازاز كهربا وتكييف وتشيل 4 افراد مستريح اوى
وسعرها 35000 بس وتقريبا انا متوقع ان الناس هتاكل بعض عليها والحجز هايبقى لشهور قدام
بس للاسف مش عارف اسمها عموما لو تعرف حد بيبيع صينى ادخل عنده والعربيه اللى هاتلاقيها نسخه طبق الاصل من السمارت تبقى هى

اذا تقصد النوبل تبقي كارثة

الصين دي وباء .. حتي السمارت إتقلدت

و 35 ألف .. السمارت بـ 100 ألف و مفيش حد هيركبها في مصر و اللي في مصر هيشتري شبابية بجد هيجيب بيتلز .. عربية مشوفتش سحب أحلي من كدة علي السريع و بنفس التمن تقريباً

فإنهم يعملوا عربية زيها و 4 راكب و بأقل من نصف تمنها

ربنا يستر علينا من الصين دي

غريبه حكايه اربعه راكب دى

السمارت اساسا بتشيل اتنين بس
( عربيه للناس الحبيبه يعنى )
ههههههههههههههههههههههه
:2::2::2::2::2::2:

يا ماكس شوف الفرق !!!؟

http://img.metro.co.uk/i/pix/2007/08/Cars_450x164.jpg

السمارت علي اليمين و النوبل علي الشمال

متقلدة بالمسطرة حتي الجنط شبه بعض

زي ما عملوا مع الماتيز و الشيري