أهداف اول نقابه للعاطلين عن العمل فى مصر (نرجو التثبيت)

[sherif dandy]

طبعا انا بشكر كل اللى ردو عليا فى موضوعى (تأسيس رابطه للعاطلين عن العمل فى مصر) و اكيد اللى قهم الموضوع كويس عرف انى كنت بحاول اثير قضيه مهمه جدا و لكن بشكل كوميدى (كوميديا سوداء) لشباب جيلنا الا و هى البطاله
و اكيد كلنا عارفين اد ايه المشكله ده (منغصه) حياة كام مليون شاب مصرى و تعتبر مشكلة العصر الحالى فى مصر خاصة و فى الالعالم العربى عامة
و فى ناس كتير جدا مش عارفه ان ممكن عمل نقابه بجد تضم العاطلين عن العمل وان فى نقابات زيها كتير فى امريكا و كثير من الدول الاوروبيه و الدول المتقدمه بس مش معنا كده انها بتساعد العطلين على الانتخه و الكسل و البطاله و لكن هى نقابات محترمه ليها اهداف حقيقه و نبيله مثل :

فرصة عمل شريفة لكل من هو فى سن العمل

صرف بدل بطالة لمن هم فى سن العمل ولا تتوفر لهم فرصة عمل

دخول العاطليين فى مظلة التامين الصحى

توفير دورات و برامج تأهيليه لكل عاطل تؤهله للدخول فى سوق العمل


و اهداف تانيه كتير تخليى الموضوع يستاهل اننا نحاول نعمل زيه
و على العموم انا مستنى رددكو و الناس اللى هاجمتنى بشراسه يا ريت يكونو فهو القصد من الموضوع و من النقابه
و ان شاء الله نتقابل كلنا فى (نقابة العواطليه)


تأسييس رابطه للعاطلين عن العمل فى مصر
http://www.dvd4arab.com/showthread.php?p=1047882206

[medo22mohamed]

يا استاذ خلى عندك ثقة فى الله دى من اساسيات دينك اكيد الظروف صعبة بس اليأس من الكفر

سيبك من الاحباط الناس عاوزة اللى يصحيها وينهض بيها

ودوروا على شغل بجد حتى لو هتقدم فى 20000 شركة والله ربنا هيكرم كل شخص على قد تعبوه


قال تعالى : (ولئن شكرتم لازيدنكم )


يارب الامة تصحى والشباب يعمل بس بنسية انه يكون ناجح ويعز دينة وامته وكل دقيقة فى شغلة بياجد عليها اجر لانها بنية

اتمنى الكل يتوفق


نحري دون نحرك يا رسول الله

أمة واحدة -قرأنها واحد

الصحوة الإسلامية العالمية

[medo22mohamed]

رجاء من المشرف الغاء المواضيع المحبطة للشباب احنا محتاجين نكون ايد واحدة عشان ننهض ببلادنا وامتنا

قال تعالى : (كنتم خير امة اخرجت للناس تأمرون بالمعروف وتنهون عن المنكر)


يارب نفوق ونرجرج للصلاة والقران والعبادة


تعرفوا سبب نقص الرزق ايه هو عدم الطاعة

(ان العبد لتحرم الرزق بالذنب يصيبه)

تخيلة اللى مبيصليش واللى بيشتم واللى بيمشى مع بنات ونسى دينه ورسولة وربنه

(نسوا الله فنسيهم)


كله مرتبط ببعضة لو انسان ملتزم بالدين ربنا هيكون معاك وهيوفقك



ومتنسوش انك كلك على بعضك مخلوق للعبادة واعمار الارض

قال تعالى : (قل إن صلاتى ونسكى ومحياي ومماتى لله رب العالمين )

يعنى كل حياتنا لله حتى الاكل باكل عشان اعرف اطيعة واذاكر لانه امرنى بكده واشتغل عشان مكلش حرام ولا اكل ولادى حرام وعشان اعز الاسلام


احنا عاوزن المسلم الناجح الطموح وكفاية احباط محدش يرضى يكون ذليل الا لله



اتمنى للجميع التوفيق وبجد نفسى نفوق من غفلتنا


نحري دون نحرك يا رسول الله

أمة واحدة -قرأنها واحد

الصحوة الإسلامية العالمية

[medo22mohamed]

ارفض هذه الفكرة السخيفة خليها لليهود والنصارى اللى بيحربونا
قلدوا الغرب فى الكويس مش فى الاحباط

[sherif dandy]

ارفض هذه الفكرة السخيفة خليها لليهود والنصارى اللى بيحربونا
قلدوا الغرب فى الكويس مش فى الاحباط

يا عم المسلم اوى انت ليه بتتكلم فى حاجه تانيه خالص غير اللى احنا بنتكلم فيها
ايه اللى جاب الايمان و الاسلام و الكفار و اليهود للاحنا بنتكلم فيه
يا اخى و الله انا مسلم و الحمد لله و مؤمن و عارف دينى كويس
و مفيش فى الموضوع اى يأس او قنوط من رحمة الله
يا اخى افهم انا بتكلم فيه ايه كويس و بعدين رد زى مفهمت

[tifa_tyger]

رجاء من المشرف الغاء المواضيع المحبطة للشباب احنا محتاجين نكون ايد واحدة عشان ننهض ببلادنا وامتنا

قال تعالى : (كنتم خير امة اخرجت للناس تأمرون بالمعروف وتنهون عن المنكر)


يارب نفوق ونرجرج للصلاة والقران والعبادة


تعرفوا سبب نقص الرزق ايه هو عدم الطاعة

(ان العبد لتحرم الرزق بالذنب يصيبه)

تخيلة اللى مبيصليش واللى بيشتم واللى بيمشى مع بنات ونسى دينه ورسولة وربنه

(نسوا الله فنسيهم)


كله مرتبط ببعضة لو انسان ملتزم بالدين ربنا هيكون معاك وهيوفقك



ومتنسوش انك كلك على بعضك مخلوق للعبادة واعمار الارض

قال تعالى : (قل إن صلاتى ونسكى ومحياي ومماتى لله رب العالمين )

يعنى كل حياتنا لله حتى الاكل باكل عشان اعرف اطيعة واذاكر لانه امرنى بكده واشتغل عشان مكلش حرام ولا اكل ولادى حرام وعشان اعز الاسلام


احنا عاوزن المسلم الناجح الطموح وكفاية احباط محدش يرضى يكون ذليل الا لله



اتمنى للجميع التوفيق وبجد نفسى نفوق من غفلتنا


نحري دون نحرك يا رسول الله

أمة واحدة -قرأنها واحد

الصحوة الإسلامية العالمية

والله عندك حق الشباب مش ناقصه أحباط

وبعدين هو داخل في قسم الوظائف يعني ألي داخل القسم ده يدور علي شغل مش علشان يشوف حد بيهرج ويستهزأ بالشباب ويجبلهم أحباط يجماعه
بجد ألي يقدر يساعد الأخر يساعده وألي مش عارف مفيش داعي أنه يستهزأ بيه ويارب ما أكون أزعجت حد بكلامي ده وشكراً.

[sherif dandy]

شكرا على الفهم العالى جدا و الاحباط اللى انت عملتوه لينا كلنا

[الباروطى]

انا باشتغل

ولكن هدفك نبيل وفكرة حقيقى جميلة

انا مستعد للمساعدة معك فى تحقيقها
وشكرا

[sherif dandy]

انا باشتغل

ولكن هدفك نبيل وفكرة حقيقى جميلة

انا مستعد للمساعدة معك فى تحقيقها
وشكرا

اخيراااااااااااااااااااا يا جدعان
اخيرا حد قرا الموضوع صح و فهم اللى انا عايز اقوله
طبعا انا باشكرك يا استاذ باروطى على رفع روحنا المعنويه رغم انك راجل شغال و لكن اكيد انت كنت فى يوم من الايام عاطل و بتدور على شغل زينا بالظبط مما يدل على انك حاسس بآلام العاطلين امثالنا
و ان شاء الله يكون بينا لينك عشان نبتدى نشوف افكار نحاول نغير بيها الوضع المقلوب اللى احنا فيه و انا باشكرك جداااااا

[sherif dandy]

ايه يا جماعه 120 مشاهده و 12 رد بس
متشتركو فى الاستفتاء على الاقل
يمكن نوصل لحاجه
ايه السلبيه دى:31:

[sherif dandy]

أظن رغم ضعف التصويت الا ان النتيجه واضحه

[hesham3650]

بصوا انا وجهه نظرى طول مأحنا ساكتين عمرنا ما حيبقى عندنا امل وعمر ما حيكون احد سوف يفكر فيك مثل تفكيرك انت فى مصلحتك وطول ماانتم ساكتين كده عمركم ما حتشتغلوا
اظن بأن هناك حـرب فى سوق العمل (لان المتعلمين اصبحوا كتير )
ودى حرب يا انت اللى تقنعهم يا
انتم عارفين النقـــابه دى ممكن تعمل ايه (ممكن تقضى على مشكله الواسطه )
بس فى مشكله اننا لو ساعدنا على انشاء نقابه للعاطلين (لاصبحنا راضيين عن الوضع الحالى ونسعى فى نموه فمن الافضل ان نجتمع فى ان نستقبل المشكله بصدر رحب ونأمل بأن الله عز وجل لن ينسانى ابدا وذلك بقدر ما نفتكره (الله عز وجل )مع زياده كرمه علينا .
وان نسعى ولانصمت ابدا لاننا بذلك نغضب الله (لانكون ضعفاء)
لاحيله فى الرزق ولاشفاعه فى الموت
بكره نشتغل احنا ويطلع غيرنا يعيشوا نفس المأساه (كله بأمر الله حتى لو فى واسطه وربنا مش عايز انسوا)

[sherif dandy]

انتم عارفين النقـــابه دى ممكن تعمل ايه (ممكن تقضى على مشكله الواسطه )
بس فى مشكله اننا لو ساعدنا على انشاء نقابه للعاطلين (لاصبحنا راضيين عن الوضع الحالى ونسعى فى نموه

طبعا اولا شكرا يا هشام على مشاركتك الفعاله
ثانيا انامعاك ان النقابه دى ممكن تلغى مشكله الكوسه (الواسطه) لان ممكن النقابه نفسها تكون واسطه او وسيله لكل باحث عن عمل
و ممكن كمان تلغى وزارة القوى العامله اللى فعلا اثبتت فشلها الذريع و تلعب دور كبير فى حل مشكلة البطاله فى مصر و لو مش عاجبكو اسمها ممكن نغيره يا اخونا ممكن نخليها مثلا نقابة الباحثين عن عمل او اى اسم تانى يعجب الاخوه المعارضين.
اما بالنسبه للرضا عن الوضع الحالى فطبعااهداف النقابه واضحه جدا اننا عايزين نغير الوضع الحالى مش راضيين بيه
مش كده و لا ايه؟؟؟:2:

[qamarmero]

ana m3akom 2na mn alex bs ana bdom soty lekom l2n 2na bnt w bdwr 3la sho3'l omal el 2wlad y3mlo a?

[sherif dandy]

ana m3akom 2na mn alex bs ana bdom soty lekom l2n 2na bnt w bdwr 3la sho3'l omal el 2wlad y3mlo a?

اشكرك يا انسه مروه على ردك
و انتى فعلا اثرتى نقطه مهمه ان دلوقتى الاخوات البنات بقو بلاقو فرص عمل مريحه و بمرتبات كويسه جدا اسهل كتير اوى من الشباب
يعنى يكفى جدا ان البنت تكون مؤهل عالى و حلوه شويه عشان تشتغل فى اى اداره لشركات محترمه جدا و بمرتبات تبدأ من 1000ج و مش مشكله ان الكمبيوتر و الانجليزى يجو بعدين المهم ان البنت واجها كويسه للشركه
و ده اللى شجع الناس انهم يقترحو ان الست هى اللى تشتغل و تصرف على جوزها العاطل و طبعا هى اللى تجيب الشقه و تدفع المهر و الزوج العاطل المسكين يعمل شغل البيت و يعمل الغدا لحد لما الست مراته تيجى بالسلامه من الشغل
و عشان ميحصلش كده انا ليا راى اظن انه حيعجب الشباب و طبعا مش هيجب البنات لكن هو راى و الارزاق على الله
و هو ان ليه الاخوات المتزوجات اللى ليها زوج (آنيها) بيصرف عليها يعنى و البنات المحترمات اللى ليها والد بيجبلها اللى هى عايزاه ميقعدوش فى البيت و يدو فرصه للشباب العواطلى المسكين انه يلاقى الاماكن دى متاحه ليهم؟؟؟؟
و ساعتها أوكد ليكو ان على الاقل 70% من مشكلة البطاله المستعصيه فى البلد
ارجو المشاركه فى هذا الراى سواء بالقبول او الرفض

[zevakoo]

والله فكرة جميله ..هههههههههههههههههههههههههههههههههه
وبالمرة يكون لينا صوت في المجلس هههههههههههههههههههه ينادي بقطع جزء من المعونه لعواطليه مصر ...100/100:jap:

[sherif dandy]

تصدق ممكن؟؟!!!

[golden_web_2007]

ارفض هذه الفكرة السخيفة خليها لليهود والنصارى اللى بيحربونا
قلدوا الغرب فى الكويس مش فى الاحباط

فكرة نقابة العاطلين عن العمل فكرة مميزة و لكن ..
تفتكر هتكون ليها تأثير إيجابى فى ظل ظروف القهر الموجودة فى بلدنا ..

و الأخ اللى بيتكلم عن النصارى اللى بيحاربوه ..
هو انت مين اساساً .. حد كلمك ولا حاربك ؟؟؟
أنت بتجرح فى الناس ليه ؟؟ بلاش التعصب الأعمى ده فى الكلام يا أخى ..
أنا مسيحى و أصحابى المسلمين كثيرون و يسود بيننا الحب و الألفة و المودة ..
مش فاهم العناصر اللى زى حضرتك بتاعة الحرب ... اللى شايل سبفه علطول كدا .. هدفهم إيه من إثارة التفرقة بالكلام السطحى ده ...

[sherif dandy]

فكرة نقابة العاطلين عن العمل فكرة مميزة و لكن ..
تفتكر هتكون ليها تأثير إيجابى فى ظل ظروف القهر الموجودة فى بلدنا ..

و الأخ اللى بيتكلم عن النصارى اللى بيحاربوه ..
هو انت مين اساساً .. حد كلمك ولا حاربك ؟؟؟
أنت بتجرح فى الناس ليه ؟؟ بلاش التعصب الأعمى ده فى الكلام يا أخى ..
أنا مسيحى و أصحابى المسلمين كثيرون و يسود بيننا الحب و الألفة و المودة ..
مش فاهم العناصر اللى زى حضرتك بتاعة الحرب ... اللى شايل سبفه علطول كدا .. هدفهم إيه من إثارة التفرقة بالكلام السطحى ده ...


بسم الله الرحمن الرحيم
(لتجدن أشد الناس عداوة للذين آمنوا اليهود والذين أشركوا ولتجدن أقربهم مودة للذين آمنوا الذين قالوا إنا نصارى ذلك بأن منهم قسيسين ورهبانا وأنهم لا يستكبرون)

طبعا ده مش كلامى ده كلام ربنا اللى فى القرءان الكريم
و طبعا انا مش محتاج اوضح ان مفيش اى حرب من النصارى على المسلمين
و انا مسلم و متاكد من ده كويس
و مش حتكلم فى الموضوع كتير لان ده موضوع المفروض ان عمره مشغلنا
و ارجو من الاخوه المشرفين الغاء المواضيع و المشاركات اللى بتفرق بين المسلمين و المسيحين و بتعمل فتنه


اما بالنسبه لموضوع النقابه فطبعا حيكون ليها تاثير ان شاء الله
بس لو تكاتفنا و عملنا حاجه جديه و على اساس

[mandm0777]

شكرا على الموضوع الجامد اوى دة بس هو فى اسفتسار هو فى نقابة فى مصر تستحمل العدد دة كلة مش ممكن
بس نقول اية الحمد لله ان مفيش نقابة لحسن يخدوا منا فلوس فى الدولة دة

[sherif dandy]

شكرا على الموضوع الجامد اوى دة بس هو فى اسفتسار هو فى نقابة فى مصر تستحمل العدد دة كلة مش ممكن
بس نقول اية الحمد لله ان مفيش نقابة لحسن يخدوا منا فلوس فى الدولة دة


طبعا تستحمل و كمان تمول النقابه بدخل زى بقيت النقابات
يعنى هما مش بيخدو فلوس بالعكس دول بيدو

[basem 2020]

فكره عبقريه و يا ريت تتنفذ
انا معاكو يا جدعان بس حد يفهمنى ازاى نشترك