رسائل لكل فتاة تعانى من الفراغ العاطفى [الأرشيف] - موقع الدي في دي العربي

مشاهدة النسخة كاملة : رسائل لكل فتاة تعانى من الفراغ العاطفى

drb0sy

14-03-2008, 10:28 PM

الحمد لله والصلاة والسلام على رسول الله فقد كثرت الشكوى من بعض الفتيات لأوضاعهن وأحوالهن وما يشعرن به من الوحدة والفراغ العاطفي و ما يترتب على ذلك من الحزن والأسى والعزلة أو اللا مبالاة للدين والعادات وآداب المجتمع.

http://img442.imageshack.us/img442/9654/sadgirlor1.jpg

إن هذه الحالة "أعني الفراغ العاطفي" لدى الفتاة لها أسباب وعوامل كثيرة. من أهمها:

* حرمان الأسرة لهذه الفتاة من العاطفة والمشاعر .
* النظرة الإجتماعية والموروث الثقافي والبيئي يلعب دورا كبيرا في طبيعة التعامل مع الفتاة ومخاطبتها والتواصل معها.

إن الأسرة من الأبوين والإخوة عليهم مسؤلية عظيمة تجاه الفتاة ومشاعرها واهتماماتها. يجب عليهم أن يعتنوا بهاويعملوا على تنشئتها على تعاليم الدين والأخلاق الفاضلة ويعطونها ما تحتاجه من العاطفة والمشاعر الجياشة والإهتمام بكل متطلباتها واحتياجاتها الخاصة التي لا تتنافى مع الشرع والخلق. يجب عليهم أن يملئوا حياتها الوجدانية ويشبعوا رغباتهاويحاولوا ملء فراغها فى كافة المراحل بمايفيدها مثل تحبيب القراءة وممارسة الرياضة منذ الصغر

إن الفتاة حال المراهقة لها متطلبات نفسية خاصة,
تحتاج إلى من يتواصل مع فكرها وعاطفتها ولغتها ومشاكلها ، وهذا الأمر لا يحتاج إلى عناء كبير من الأسرة أو بذل وقت كثير.وانما الى تفهم لظروف وخصائص تك الفترة الحرجة فى حياة كل فتاة
ففي كثير من الأحيان تحتاج الفتاة إلى من يصغي لهمومها ويتفاعل معها ولو بلغة العيون و ملامح الوجه. المهم في النهاية يتم احتواء الفتاة وتحقيق سعادتها وولائها للأسرة وشعورها بالإطمئنان والأمان الإجتماعي.

إن إهمال الفتاة خطيئة وأعظم جرما

مثال لذلك:أن يقسو الوالدان أو الإخوة على الفتاة ويسومونها سوم العذاب من ضرب وإهانة واستهزاء وتهكم وامتناع من تلبية رغباتها وحرمانهاومحاربة ارائها وتطلعاتها ونظرتها الجديدة للحياة فى تلك المرحلة
، بل أعظم من ذلك ظلمها بعدم تزويجها من الكفء الذي ترضاه أو تزويجها برجل لا ترتضيه ولا تهوى معاشرته ، والأم تتحمل نصيبا كبيرا في ذلك.

إن الفتاة إذا أهملت وأوصدت في وجهها الأبواب وانقطعت عنها الأسباب وصارت محرومة من البسمة والفرحة والكلمة الطيبة والقلب الحنون والبيت الدافئ بالحنان وصادف ذلك ضعف إيمان وقلة وعي حملها ذلك على البحث عمن يتواصل معها ويعوضها الحرمان ويشبع عاطفتهاخارج المنزل وخارج نطاق الاسرة

ولو كان بالعلاقة المحرمة وكثير من شباب السوء يستغلون ضعف الفتاة وشتاتها ويوقعون بها.

او باللجوء لصديقات السوء"ومااكثرهن فى تلك المرحلة بالذات"حيث تلجأ الفتاة لاشباع رغبتها فى التعرف على عالم المرأة الغامض التى هى على وشك الدخول اليه وتستمع بشغف لكل مايلقى فى آذانها بدون اى رقابة وهو ماقد يكون أمرا شديد الخطورة.

http://img442.imageshack.us/img442/9729/treeyz9.jpg

إن هذه المشكلة بسيطة إن شاء الله إذاتم تداركها في البداية وعولجت من قبل الأسرة الواعية.

وهناك بعض الفتيات اللائى تأخر بهن سن الزواج فى اطار الظروف الحالية ولسنا بصدد مناقشتها هنا مم يجعلهن يشعرن بفراغ عاطفى هائل

http://img442.imageshack.us/img442/5900/emptyheartep6.jpg

دعونى ألخص حل المشكلة في تلك الرسائل العاجلة فأقول لكل فتاة تعانى هذا الفراغ أيا كان السبب:

1- لا تيأسي أبدا واعلمي أن هذا بلاء من الله وامتحان لك ليرى ماذا تفعلين فاصبري واحتسبي الأجر من الله.

2- إن كنت حرمت من الأصحاب أوالاحباب فأنت بحمد لله تتمتعين بالصحة والعافية والجمال والذكاء وكثير من الصفات الحسنة. فوجهي نظرك إلى ما حباك الله به من النعم واستثمري ذلك ولا تلتفتي إلى ما نقص منك وفاتك.

3- أحسني الظن بالله ولا تنظري إلى هذه المشكلة ياليأس والحزن بل أنظري لها بعين العبرة والفائدة واعلمي أنها تشتمل على فوائد كثيرة منها أن تراجعي نفسك وتصححي مسيرتك وتزيدى من هواياتك ومعارفك.

4- قوي صلتك بالله بالذكر والقرآن والدعاء واملئي قلبك بحب الله والرسول صلى الله عليه وسلم والصالحين. واستعيني به وتوكلي عليه فقد تنشغلى فى المستقبل القريب ببيت واولاد ماقد يلهيك عن التفرغ للعبادة فاغتنمى تلك الفرصة الذهبية وتقربى الى الله بكل الصور.

5- هذا واقعك وقدرك كتب عليك لحكمة فيجب عليك أن تتعاملي معه بحكمة و أن تصلحي حالك بنفسك فتكيفي معه وابحثي عن حلول مناسبة وفرص جديدة.

6- أشغلي نفسك بالبرامج النافعة والإبداع ولا تستسلمي للفراغ القاتل والتحقي بالأنشطة الحسنة وطوري من قدراتك وإمكانياتك. وحاولي إدخال السرور على الآخرين وإسعادهم فإن هذا من أعظم أسباب انشراح الصدر.

7- اعتني بجمال نفسك ومظهرك فى حدود ماسمح به شرع الله
واحترمي ذاتك وطوريها للأحسن بالقراءة و الهوايات المفيدة.

8- تفائلي وانظري إلى الحياة بنظرة حلوة واعلمي أن هذه المرحلة ستزول بإذن الله عما قريب فتماسكي وحافظي على دينك وخلقك.

9- احذري أشد الحذر من اللجوء إلى الصداقات المحرمة والعلاقات المشبوهة وتيقني أن هذا الطريق وإن كانت بدايته جميلة لكن ينتهي إلى خسارة عظيمة وخزي في الدنيا وحسرة وندامة في الآخرة.ولا تثقي بأحد مهما أظهر لك حسن النية وخاطبك بالألفاظ الحسنة وعبارات الحب والغرام.

10- تواصلي مع والديك وإخوانك وقوي صلتك بهم وتحاوري معهم وأوصلي لهم شكواك بطريقة لبقة ومناسبة ولا تنتظري منهم العطاء وتقتصري على اللوم والشكوى بل أنت بادريهم المشاركة واعتني باهتماماتهم ومواضيعم ولو كانت تافهة.

فإذا عملت بهذه الوصايا وغيرها من الأمور النافعة ستكون الحياة حلوة في نظرك وتشعرين بالسعادة بإذن الله.
بل وسيفتح الله فى وجهك ابواب الخير ويتفطق ذهنك عن المزيد والمزيد باذن الله مماينفع اسرتك واخوانك ومجتمعك.

وأخيرا فأنت تمتلكين القدرة والثقة وقادرة إن شاء الله على حل مشكلتك وإصلاح حالك وتغيير حياتك إلى الأفضل فحاولي ولا تيأسي وثقي بالله.
أسأل الله أن يفرج هم كل فتاة ويكشف كربها ويسعدها في الدارين ويحفظها من كل سوء

http://img264.imageshack.us/img264/7286/do3aajpgxm0.png

.

DR MO7@MED

14-03-2008, 10:37 PM

lyonaids

14-03-2008, 10:45 PM

السلام عليكم ..،

رغم ان الموضوع مش ليا :

بس طببببعا ...منور ..:40: هههههههه

الكلام جميل اوي يا بوسي ..وموضوعك مهم ..

تنسيق كعادتك رائع .. ( بس اللغة جد اوي اوي .. :mdr: ) ..

والفراغ العاطفي عند البنات ..زيه زي الشباب ..

بمعني لو في بنت بردو مالهاش علاقات ..هيقابلها ولد اكيد ..بدون علاقة ..!!!
لأن العلاقة تتطلب وجود الطرفين .. :whistle: ولا ايه ..
(طبعا مش بتكلم علي مصر حيث نسبة البنات اكبر من الولاد ..)

ووالله بجد انا ليا اصحاب شباب ليهم نفس المشكلة وبيشتكو ..

وبيبصو للي حواليهم وبيدايقو علي نفسهم ..، لما العلاقات دلوقتي بقت في منتهي السهولة تتعمل
وهما عشان محترمين زيادة .او لهم اخوات :
.وخايفين ينساقو لعلاقات عملا بمبدأ كما تدين تدان : عندهم فراغ عاطفي بردو ..!

بمعني ان المشكلة عامة ..ولا تخص البنت لوحدها وان كان عند البنت بصورة زيادة حبتين ..

اعتقد مفيش احسن من النصايح العشرة اللي في اخر موضوعك كحل وعلاج للمشكلة دي ..

مع التركيز علي اهمية عدم اقامة علاقات محرمة او مشبوهة تحت اي ظرف ..،

في النهاية بشكرك شكرا جزيلا علي مجهودك ..

واتمني لكي كل التوفيق ..،

...

drb0sy

15-03-2008, 01:15 AM

بجد والله موضوع هايل جدا وربنا يجازيكي بيه خير يااارب
المشكله كلها بتتمثل اولا واخيرا فالاهل وياريت يفهموا ازاي يعاملوا اولادهم ويربوهم صح وكمان القرب من ربنا مفتاح الراحه والسعاده الدائمه

تحياتي ليكي عالموضوع الاكثر من رائع وتقبلي مروري

اشكرك ياد/محمد اشكر مرورك وردك الجميل ودعاءك ,جزانا واياكم كل الخير ان شاء الله
وحقا فان النصيب الأكبر فى هذه المشكلة هم الاهل فاهمالهم لتبنى الفتاة او الفتى فى مرحلة المراهقة ومراعاتهم له واهمالهم الحرص على التوعية والنصح والفهم السليم لواقع الحياة الذى يفتقر شديدا ل"الدنيا البمبى " التى يزينها الشيطان للعشاق يجعل الولد او الفتاة يشبوا على احلام مخالفة للواقع وقد ينحرفون عن الطريق القويم الى طرق جانبية لا تؤدى بهم الا لحطام القلب وخسائر نفسية ومعنوية ان لم تكن اكثر من ذلك او قد يشعرون وتشعرن بالحسرة لعدم معايشتهن قصص حب "وهمية " كاالتى تلقى فى اذانهن وهن جاهلات للنعم التى لاتعد ولا تحصى والتى منحهن الله اياها...ايضا فى حالة تأخر سن الزواج فيكون للاسرة العائل الاكبر فى ازالة هذا الهم من فوق كهول الفتيات بغمرهن بالحنان والاستقرار الاسرى والايمان بالله وبث روح الجماعة والبعث على الاندماج فى المجتمع لنسيان الهموم والتعامل بطريقة ايجابية مع الواقع

اشكرك يامحمد وشرفنى مرورك

drb0sy

15-03-2008, 01:36 AM

السلام عليكم ..،

رغم ان الموضوع مش ليا :

بس طببببعا ...منور ..:40: هههههههه

انت طبعا منور اى موضوع ياليو كونك قريته بس امال لو علقت كمان عليه
يبقى خد شهادة الايزو واكيد ياصديقى العزيز منور:whistle:

الكلام جميل اوي يا بوسي ..وموضوعك مهم ..

تنسيق كعادتك رائع .. ( بس اللغة جد اوي اوي .. :mdr: ) ..

اشكرك على مدح التنسيق..بعض مما عندكم
وعن اللغة الجد فبعض المواقف تحتاج شىء من الشدة وتحتاج لوقفة جادةواخذ خطوة ايجابية حاسمة ولا تحتمل الهزل
وانت كما تعرف اعتز باللغة و"أنا احبه" :0:

والفراغ العاطفي عند البنات ..زيه زي الشباب ..

بمعني لو في بنت بردو مالهاش علاقات ..هيقابلها ولد اكيد ..بدون علاقة ..!!!
لأن العلاقة تتطلب وجود الطرفين .. :whistle: ولا ايه ..
(طبعا مش بتكلم علي مصر حيث نسبة البنات اكبر من الولاد ..)

ووالله بجد انا ليا اصحاب شباب ليهم نفس المشكلة وبيشتكو ..

وبيبصو للي حواليهم وبيدايقو علي نفسهم ..، لما العلاقات دلوقتي بقت في منتهي السهولة تتعمل
وهما عشان محترمين زيادة .او لهم اخوات :
.وخايفين ينساقو لعلاقات عملا بمبدأ كما تدين تدان : عندهم فراغ عاطفي بردو ..!

بمعني ان المشكلة عامة ..ولا تخص البنت لوحدها وان كان عند البنت بصورة زيادة حبتين ..

اعتقد مفيش احسن من النصايح العشرة اللي في اخر موضوعك كحل وعلاج للمشكلة دي ..

مع التركيز علي اهمية عدم اقامة علاقات محرمة او مشبوهة تحت اي ظرف ..،

في النهاية بشكرك شكرا جزيلا علي مجهودك ..

واتمني لكي كل التوفيق ..،

...
عزيزى Lyonaids حقيقى الكلام ممكن يوجه للشاب والفتاة الكلام عام ولكنى آثرت مخاطبة الفتيات لانهن غالبا الاكثر رقة والاكثر رومانسية وخيالا حالما كما أ،هن الاكثر خسارة من التجارب الفاشلة والاكثر انسياقا وراء العواطف قبل تحكيم العقل "ده الطبيعى مش بتكلم على بنات اليومين دول اللائى يصح على اكثرهن الكلمة العامية القائلة >يتدب فى عينيهم رصاصة...لالا صاروخ اسكود والله > "

ايضا هن الاتى يتعرضن للفراغ اكثر من الاولاد الذين قد يشغلون اوقاتهم بالعمل او الدراسة او او ..بنسبة اكثر من الفتيات الاتى يلجأن لقعدة البيت وماتحويه من فراغ,كما انهن الاكثر حديثا عن الحب والزواج والقصص التى تتناقل بيينهن ...الى اخره.

أنا بتكلم على الغالبيةالمحترمة وخاصة فى فترتى المراهقة وفترة تأخر الزواج وهاتين هما اكثر فترتين قد تضعف فيهما الفتاة نتيجة للفراغ العاطفى

ودعوتى لكل شاب وفتاة لم يجد الحب الذى يبارك ويتمم بالزواج
املؤا قلوبكم بحب الله
اعملوا على تنمية مجتمعاتكم وتقوية انفسكم بالقرب من الله ومراعاته وانظروا الى نعمه التى لاتعد ولا تحصى والتى يغمر كل منا بها

واخيرا اشكرك على مرورك وتعليقك واتمنى من الله ان يمن علينا جميعا بارضا والسعادة فيمارزق

boshkash88

15-03-2008, 02:21 AM

drb0sy

15-03-2008, 06:34 PM

السلام عليكم ورحمة الله وبركاته

بصراحة ....... مش عارف أعلق بأى كلام ؟!!

أعلق على أهمية الموضوع .. ولا روعته .. ولا حسن تنظيمه ..؟!!

فعلاً لا يوجد من الكلام ما يوفى حق هذا الموضوع ... كالعادة

متألقة فى مواضيعك يا بوسى بجد لقد أثرتى الحديث حول نقطة شائكة

جداً ومهمة جداً ويجب التعامل معها بكل الحرص والإهتمام لا تركها

وإهمالها بحجج واهية وعدم مراعاة العواقب الوخيمة التى سوف تترتب على

هذا الإهمال ..... لكن نقول إيه إحنا فى مجتمع يحتاج إلى إعادة تأهيل من الألف إلى الياء لا أن يتم إصلاح ما به من أعطاب لسبب أن العطب قد أصاب

قلب المجتمع وبالتالى عند إصابة القلب لا بد وأن يتم عمل إعادة بناء

من أول وجديد زى ما بيقولوا .... على العموم ربنا يهدى كل المسلمين لما

فيه الخير لنا جميعاً وأعتذر للإطالة

والسلام عليكم ورحمة الله وبركاته

اشكرك اخى الكريم على ردك الرائع وادعوك للتفاؤل الى حدما فالصورة ليست بهذا السوء فالامل لايزال قائما على شباب اليوم الذين هم وهن اباء وامهات الغد ولو فكروا بمثل تفكيرك اكيد الجيل القادم سوف يقوم على سواعد اباء على وعى وفهم لابنائهم ولما يدور حولهم بالمجتمع وتغير الظروف المحيطة بالابناء وبالتالى رعايتهم خير رعاية وبالتالى فلاح المجتمع بأسره
الامل فينا ياشباب ربنا يزيل الغمة ويفرج الكرب ويحمى اخواننا واولادنا

اشكرك اخى العزيز واتمنى لك كل التوفيق

Demeter

18-03-2008, 12:25 AM

بسم الله ما شاء الله على الموضوع... تسلم ايدك يا بوسى و ربنا يجعله فى ميزان حسناتك و يفيد كل الناس

فعلا بنات كتير عندهم فراغ عاطفى بسبب البيت اولا .. و بسبب تأخر سن الزواج ثانيا

لان تقاليدنا و عادتنا ان عيب البنت تحب... و لو الام عرفت ان بنتها بتحب هتطين عيشتها و سنينها...
حتى البنت بتبقى محرومه من حنان الاب و الام احيانا.... لان الاب كتير بنفسه بيبعد البنت عنه بسبب معاملته الجافه و قسوته... و عدم تفهمه ليها و تقربه

و البنت لما تدور على الام... تلاقيها بتعاقبها على كل صغيرة و كبيرة.. فتخاف منها... و بالتالى هتبطل تحكيلها... و بالتالى المسافه هتبعد بين الاهل و البنت

فالبنت مش هتلاقى غير اصدقاء المدرسه او الكليه... و بتتشد غالبا لاصدقاء السوء لانها بخبرتها متقدرش تفرق بين الصح و الغلط

فحل المسألة اولا و اخيرا من البيت و بالتوعيه السليمه من ناحيه الاب و الام

و حل مسألة تأخر سن الزواج .. مش بإيدينا... بإيد الظروف الاقتصاديه اللى منقدرش نغير حاجه فيها...

و كلنا مفيش فى ايدينا غير اننا نستعين بالله... هو مولانا... و هو على كل شئ قدير... هو خير الرازقين.. ربنا كبير و رحيم اوي

ربنا يسعد كل البنات و يصلح حالنا جميعا

شكرا يا بوسى موضوعك مفيد جدا

lyonaids

18-03-2008, 12:39 AM

آثرت مخاطبة الفتيات لانهن غالبا الاكثر رقة والاكثر رومانسية وخيالا حالما كما أ،هن الاكثر خسارة من التجارب الفاشلة والاكثر انسياقا وراء العواطف قبل تحكيم العقل

اسفhttp://www.dvd4arab.com/images/icons/icon10.gif

مش قادر اسكت :41:

الكلام ده :

علميا غلط .!!! إفك ...
خالي من الصحة ومضر بالصحة :diablo:

..وارجو البحث فيه عالنت :ouch:

drb0sy

18-03-2008, 04:54 PM

اسفhttp://www.dvd4arab.com/images/icons/icon10.gif

مش قادر اسكت :41:

الكلام ده :

علميا غلط .!!! إفك ...
خالي من الصحة ومضر بالصحة :diablo:

..وارجو البحث فيه عالنت :ouch:

أنا اسفة يامونى هرد على ليو الاول

لانه بيعرف ازاى يستفزنى بلاقى ايدى بتجرى على الكيبورد تهااااااااااجم هههههههه

انا مش هدور ياليو على النت

انا بدور جوا القلوب الحزينة...والنفوس الساكنة المكسورة...مش بدور وسط الفتيات اللائى يعرضن نفسهن عرضا على الشباب...وبعدها يقولوا الفتاة دى لعبية وسابت فلان علشان اللى اغنى منه

بتكلم على الفتاة التى تتحمل مدى مسئولية كلمة فتاة "وهن اللاتى يجب القاء الضوء عليهن"

الفتاة التى تعنى الحياء والخجل والخوف
التى لاتسعى الى الحب ولكن يتسرب اليها من كل صياد يأبى ان تمر فريسة امامه دون ان يترك بصمته على قلبها البرىء

الفتاة التى غالبا ماتفتقر الى الخبرة وتلقى بنفسها فى عالم الاحلام

تحلم بالفستان الابيض والبيت السعيد والفارس المقدرام الذى سيتعدى الحدود ليختطفها وتعيش معه اجمل قصة حب عرفها الوجود

كل فتاة بتحلم انها تعيش احلى قصة حب فى الوجود

مندفعة فى عواطفها

حنينة بطبعها..والا كيف تكون اما واختا وكيف انهن ناقصات عقل؟؟؟

لان الحنان يغلب على طبعهن

لقد فتح ردك امامى مواضيع كثيرة لسنا هنا بصدد مناقشتها

ولكن لا انكر اطلاقا ان لكل قاعدة شواذ ولكنى هنا اقدم الدعوة لكل فتاة كبر سنها او صغر تطمح فى الاستقرار العاطفى ...الذى ندر هذه الاوقات..واقدم لهن تلك النصائح "وايضا لكل شاب يشعر بذلك الفراغ" ان يشغلن وقتهن بما قد يملأ هذا الفراغ او يرجئه لوقته الصحيح

ودعوة اساسية لملا القلوب بحب الله الذى يفتح النفس لتقبل الحياة ورؤية اجمل مافيها

انا هنا ياعزيزى ابحث عن الجواهر الثمينة الصامتة

المختفية خلف الجدران فاللؤلؤ الطبيعى يندر وجوده ويتطلب البحث عنه الغوص لاعماق البحار ويستحق مشقة البحث عنه لما له من قيمة

كلامى موجه لكل جوهرة تتمنى ان تعيش فى استقرار عاطفى ونفسى ولكن هى لاتزال كامنة داخل بيتها حافظة لكرامتها

اشكرك عزيزى ويارب اكون اقنعتك ومستعدة لكل مناوشاتك الرقيقة وهذا هو هدف عرض المواضيع لاقتناع كل الاطراف

تقبل تحيتى

lyonaids

18-03-2008, 05:24 PM

إن

الحمدلله نحمده ونستعينه ونستهدية ونستغفره ونعوذ بالله من شرور انفسنا ومن سيئات اعمالنا من يهده الله فلامضل له
ومن يضلل فلن تجد له وليا مرشدا أما بعد ...،!!!!

أنا :diablo:

لو

اتكلمت

بالفصحي ..:

هبقي وحش ..، :41:

ده اولا ..، :40:

ثانيا ..:

الفونت الكبير ..يعني صوت عالي ..:mdr:

الكلام الكتير .... يعني موقف ضعيف ....( هع .. http://www.dvd4arab.com/images/icons/icon10.gif)

ماشي انتي صح ..

يعني ماشي ..

البنات حلوين وامامير واحلي الكائنات واجمل المخلوقات ...واحنا الولاد صراصير البلاعات .. :31:

والبنات رومانسيات وحلوات وهيمانات وحالمات وملائكات ...وكل عيلة آت ..!!! http://www.dvd4arab.com/images/icons/icon10.gif

قطط مغمضين ...ورومانسيين ..وعلي قلوبهن واقعييييييين http://smiles.dll3.com/smiles/12/cfef6715ac100f3c31baf82daa60264c.gif..!!

مقلناش حاجة ..

بس الولاد..:

أكتر ..!!!!!!!!!

والله ومن غير ما اجيب ادلة ..والله وبالدراسات العلمية والابحاث وكلام الدكاترة النفسيين والخبرا والعلما ..،
والله العظيم تلاتة وقريتها اكتر من مرة ....: ان الرجل عاطفي اكتر من المرأة .
.وفي الحب بيبقي مثالي اكتر
و هو الطرف اللي بيقي مضحي اكتر .....

وممكن تدورو عالنت وتشوفو ..انا بتكلم بشكل عام
مش علي شرائح معينة وده مش كلامي

بطلو بقي ..

بطلوووووو :7:

مش هتكلم تاني والله في الموضوع ده :thumbdown:
اساسا مفيهوش كلام .
.ده خلصان والنبي بقي يا بوسي كفاية إفك بقي ي ي:41:

:ouch:!

lyonaids

18-03-2008, 05:35 PM

انا هنا ياعزيزى ابحث عن الجواهر الثمينة الصامتة:31:

المختفية خلف الجدران :oh:

فاللؤلؤ الطبيعى يندر وجوده ويتطلب البحث عنه الغوص لاعماق البحار ويستحق مشقة البحث عنه لما له من قيمة

اييييييييييييه :33:

عالم:41:

البحااار :53:
ده ..؟؟؟؟ :33:

( انتيييييييييي في مصررررررر؟؟؟؟؟؟ :31:
مبتشوفيييييييش البناتتتتتتتتتت :31:)

كلامى موجه لكل جوهرة تتمنى ان تعيش فى استقرار عاطفى ونفسى ولكن هى لاتزال كامنة داخل بيتها حافظة لكرامتها

ماشي ..اسمعو يا جواهر الكلام ..

هما فين بقي الجواهر دول ..؟؟؟ انا الصراحة

لحد دلوقتي

اللي شفته ..:

جوهرة واحدة اتنين وصغيرين عايزين ميكروسكوب عشان يتشافو :41:

كلامك يا بوسي محسسني اننا في محل جواهرجي http://www.dvd4arab.com/images/icons/icon10.gif

طب اتحد اي حد انه يجيبلي جواهر غير اللي بتغني (علي وش المية عالكورنيش ):31:

انا همشي قبل ما افرقع الماوس ولا اشطر الكيبورد الي نصفين متتاليين متوازيين متساوي الساقيييييين :31:

مش ممكن والله الكلام دددددده :41:

love_story_boy

18-03-2008, 05:41 PM

drb0sy

18-03-2008, 07:20 PM

ياجماعة الكلام موجه الى كل من يجد فيه نصيحة

يعنى للفتييات او الفتيان

:15:ياليو انا مش بقول ان البنات :heart:حلوين والولاد وحشييييييييين :harhar1:

الاتنين دلوقتى فيهم الحلو والوحش.:2:

ومتقلبش صباع الجودة :great: فى مواضيعى الى :thumbdown:

كدة الموضوع انحرف عن غرضه:53:

ياليو البنات بتقعد فى البيت والشباب بينزلوا الشغلللللللللل

البنات بتحس بالفراغ اكتر ولو انحرفت العواقب وخيمة ومش هكتر عشان الموضوع ميتحولش عن هدفه:38:..البنات بتجيب العار لما الموضوع ميتلمش من الاول
والوقاية خير من العلاج

يعنى تفتكر ولد عنده فراغ عاطفى هينزل يزور دور الايتام ودور المسنين؟؟:thumbdown:

هيتبرع فى تعليم الكبار ومحو الامية؟؟

الرجل هينزل يشتغل ويرمى نفسه فى اى شغلانة علشان على الاقل يكون نفسه لغاية ماتيجى بنت الحلال:detective2:
انا بتكلم على البنات ياليو المحترمات
بتكلم على البنت اللى ممكن تكون زى اختك وقريبتك وكل بنت بتحتفظ بالتقاليد وتحافظ عليها

ازاى تفكر صح
وتبعد عن الكابة وتنعى حظهااو الانحراف:15:

يارب تكون فكرتى وصلت:whistle:

مش قصدى اقارن بين الاتنين

لست انا هذا الرجل التافه :39:

عارفة اننا فى ايام مايعلم بيها الا ربنا:53:

والحب نادر ان وجد
:sadwalk:
والشغل نادر بردو:15:

بس انا بتكلم فى نقطة تانية

وانت بكرة ياليو تبقى اب"أو بعد بكرة يعنى"

وتعيش اللى بحكى عليه ده

وساعتها بقى هتعرف قدر المسئولية الملقاة على كاهلك

وهتحس بكلامى وتفتكره

بكرة تقول بينك وبين نفسك بوسى قاااااااالت
وعلى فكرة انا مش بتخانق والله:11:

ولازم تيجى وتنور الموضوع ومتنساش تلف اللمبة اللى طفت دى:31:

حتى لماتلاقيه تانى صفحة تيجى تسلم وتمشى :53:

منور والله ياليو بس هدى نفسك انت بس اوعى حد يزعلك
وعلى فكرة اقرا كدة رد امنية

هتلاقيه موفى كل حاجة...جابت الغرض وشددت على النقط اللى احنا بنلف حواليها

وانا بكتب بخط كبير علشان الشاشة عندى بعافية ونظرى بقى ...

السن ليه حكمه بردو ياابنى:15:

استحملونى

drb0sy

18-03-2008, 07:27 PM

شكرا علي الموضوووع ونننتظر احلي منك

بس انا شايف انك رجعتي الشاب برضوو من ضمن الاسباب مع اننا اصلا مش لينا علاقه بالموضوع ده لو حصل لبنت يعني

عامه احنا سيرتنا متجابه في كل حاجه ده العادي وشكرا تاني ليكي

سيدى الفاضل تشرفت بمرورك الكريم وسعيدة بتشريفك ليا فى اغلب مواضيعى

برجاء توجيه اللوم ليا لو فى فى الموضوع الاصلى اى مساس بالشباب او حقوقهم او اى كلمة تخصهم او تعيب فيهم

الشاب هو اخى وهو ابنى فى المستقبل وشريك حياتى فى المستقبل ايضا
كيف اعيبه وهو نصف المجتمع

انا يااخى لست من هؤلاء الفتيات التافهات اللتى تثير الانتباه بالمناداة بالمساواة

ادعوك للقراءة ثانية والتعليق على الموضوع وليس النظر فقط للردود التى هى رد فعل

اشكرك ومنتظرة ردك تعليقا على الكلمات سالفة الذكر

ربنا يهدينا كلنا شباب وبنات الى مايحب ويرضى ويرزقنا الهدوء والسلام النفسى والعفاف فى القول والقلب

جزاكم الله خيرا

lyonaids

18-03-2008, 07:34 PM

ياجماعة الكلام موجه الى كل من يجد فيه نصيحة

يعنى للفتييات او الفتيان

ياليو انا مش بقول ان البنات :heart:حلوين والولاد وحشييييييييين

الاتنين دلوقتى فيهم الحلو والوحش.

ومتقلبش صباع الجودة فى مواضيعى الى

كدة الموضوع انحرف عن غرضه

ياليو البنات بتقعد فى البيت والشباب بينزلوا الشغلللللللللل

البنات بتحس بالفراغ اكتر ولو انحرفت العواقب وخيمة ومش هكتر عشان الموضوع ميتحولش عن هدفه..البنات بتجيب العار لما الموضوع ميتلمش من الاول
والوقاية خير من العلاج

يعنى تفتكر ولد عنده فراغ عاطفى هينزل يزور دور الايتام ودور المسنين؟؟

هيتبرع فى تعليم الكبار ومحو الامية؟؟

الرجل هينزل يشتغل ويرمى نفسه فى اى شغلانة علشان على الاقل يكون نفسه لغاية ماتيجى بنت الحلال
انا بتكلم على البنات ياليو المحترمات
بتكلم على البنت اللى ممكن تكون زى اختك وقريبتك وكل بنت بتحتفظ بالتقاليد وتحافظ عليها

ازاى تفكر صح
وتبعد عن الكابة وتنعى حظهااو الانحراف:15:

يارب تكون فكرتى وصلت:whistle:

مش قصدى اقارن بين الاتنين

لست انا هذا الرجل التافه :39:

عارفة اننا فى ايام مايعلم بيها الا ربنا:53:

والحب نادر ان وجد
:sadwalk:
والشغل نادر بردو:15:

بس انا بتكلم فى نقطة تانية

وانت بكرة ياليو تبقى اب"أو بعد بكرة يعنى"

وتعيش اللى بحكى عليه ده

وساعتها بقى هتعرف قدر المسئولية الملقاة على كاهلك

وهتحس بكلامى وتفتكره

بكرة تقول بينك وبين نفسك بوسى قاااااااالت
وعلى فكرة انا مش بتخانق والله:11:

ولازم تيجى وتنور الموضوع ومتنساش تلف اللمبة اللى طفت دى:31:

حتى لماتلاقيه تانى صفحة تيجى تسلم وتمشى :53:

منور والله ياليو بس هدى نفسك انت بس اوعى حد يزعلك
وعلى فكرة اقرا كدة رد امنية

هتلاقيه موفى كل حاجة...جابت الغرض وشددت على النقط اللى احنا بنلف حواليها

وانا بكتب بخط كبير علشان الشاشة عندى بعافية ونظرى بقى ...

السن ليه حكمه بردو ياابنى:15:

استحملونى

اااااااه كدا فهمت قصدك ..انا قريت كلامك الاخراني http://vb.arabseyes.com/images/smilies/coffee.gif

..ووصلت.:40:

.بحسب يعني مصممة ان بردو البنات حلوين والولاد حادقين ... :ouch:

وبعدين اللمبة راكبة كويس ..ومش محتاج الفها ..

كل الحكاية بس اني ببقي متابع زائر ..عشان مش بحب اخش انفزبل زي مشرفين كتير .

.بطلي :53:

بقي :31:

العك http://smiles.dll3.com/smiles/16/5ee1e18c804342b4813d642991bcd7cc.gif

ده يا بوسي انا راجل دوغري .. :detective2:

ولا للإنفزبل ولو كنت من المشرفين :lol:

drb0sy

18-03-2008, 07:35 PM

[QUOTE]ان المشكلة عامة ..ولا تخص البنت لوحدها وان كان عند البنت بصورة زيادة حبتين ..

اعتقد مفيش احسن من النصايح العشرة اللي في اخر موضوعك كحل وعلاج للمشكلة دي ..

مع التركيز علي اهمية عدم اقامة علاقات محرمة او مشبوهة تحت اي ظرف ..،

في النهاية بشكرك شكرا جزيلا علي مجهودك ../]QUOTE]

الكلام ده ياليو اعظم ماقولت فيه خلاصة الموضوع

احييك عليه ...اشكرك لاضافاتك القيمة التى تضفى بريقا خاصا على المواضيع

drb0sy

19-03-2008, 10:20 PM

بسم الله ما شاء الله على الموضوع... تسلم ايدك يا بوسى و ربنا يجعله فى ميزان حسناتك و يفيد كل الناس

رٍبنا يخليكى ياقمر تسلمى انتى يامنورانى

فعلا بنات كتير عندهم فراغ عاطفى بسبب البيت اولا .. و بسبب تأخر سن الزواج ثانيا

لان تقاليدنا و عادتنا ان عيب البنت تحب... و لو الام عرفت ان بنتها بتحب هتطين عيشتها و سنينها...
حتى البنت بتبقى محرومه من حنان الاب و الام احيانا.... لان الاب كتير بنفسه بيبعد البنت عنه بسبب معاملته الجافه و قسوته... و عدم تفهمه ليها و تقربه

و البنت لما تدور على الام... تلاقيها بتعاقبها على كل صغيرة و كبيرة.. فتخاف منها... و بالتالى هتبطل تحكيلها... و بالتالى المسافه هتبعد بين الاهل و البنت

كلام سليم 100% يامونى ودى كارثة لان البنت بتبقى كلها شغف انها تتعرف على العالم الجديد عالم الانوثة ولو امها ملحقتهاش بالفهم السليم والاستجابة السريعة وفتح باب الحوار بينها وبين ابنتها فان اجراس الخطر تدق بقوة...

فالبنت مش هتلاقى غير اصدقاء المدرسه او الكليه... و بتتشد غالبا لاصدقاء السوء لانها بخبرتها متقدرش تفرق بين الصح و الغلط
فحل المسألة اولا و اخيرا من البيت و بالتوعيه السليمه من ناحيه الاب و الام

و حل مسألة تأخر سن الزواج .. مش بإيدينا... بإيد الظروف الاقتصاديه اللى منقدرش نغير حاجه فيها...

و كلنا مفيش فى ايدينا غير اننا نستعين بالله... هو مولانا... و هو على كل شئ قدير... هو خير الرازقين.. ربنا كبير و رحيم اوي

ربنا يسعد كل البنات و يصلح حالنا جميعا

شكرا يا بوسى موضوعك مفيد جدا

حبيبتى مونى بجد كلامك رغم بساطته الا انه فعلا جاب المفيد

اشكرك ياقمر وربنا يسهلها للجميع ويهدينا ويرزقنا العفة والعفاف والصلاح فى الدنيا والاخرة

msism1988

30-03-2008, 08:32 AM

موضوع رائع جدا

وأتمنى ان تستمع كل فتاة الى هذه النصائح

drb0sy

31-03-2008, 07:27 AM

موضوع رائع جدا

وأتمنى ان تستمع كل فتاة الى هذه النصائح

اشكرك لمشاركتك الجميلة فى الموضوع
وهى فعلا نصيحة لكل فتاة بس مين يسمع ومين يعى

ياريت الكل يسمعها والاهل كمان

اشكرك وشرفت الموضوع واتمنى كل مواضيعى نعجبك

عروبه 1

05-04-2008, 08:26 AM

السلام عليكم انا اختكم في الله عروب هانا عضوه جديده موووت اتمني ااكون واحده من الصحبه اللي تجنن ديه.بجد ياد.بوسي الموضوع بياخد العقل في طريقه عرضه واتمني انك تساعدني لاني جديده ومش عارفه اتعامل مع المنتدي وحاولي لوفيها رخامه تردي عليا بسرعه عشان اقدر اشارك معاك وراسليني عالاميل بتاعي.catcota_7@yahoo.comوسيبك من الاخ ليو عشان شكله بيعز البنات اوي. سلام

pink rose

05-04-2008, 10:41 PM

موضوع هائل فعلا جميل جدا بشكرك على هذه النصائح الغالية

وعلى مجهودك المميز

تقبل تحياتى

mohamed elboshy

07-04-2008, 11:36 AM

بارك الله فيكى يا على النصائح لأخوتك

بثينة سلامة

07-04-2008, 12:53 PM

جزاك الله خيراً فعلاً كلامك مظبوط جداً ودي بقت مشكلة بنات كتير ونصيحك أكثر من رائعة

love_story_boy

07-04-2008, 01:28 PM

سيدى الفاضل تشرفت بمرورك الكريم وسعيدة بتشريفك ليا فى اغلب مواضيعى

برجاء توجيه اللوم ليا لو فى فى الموضوع الاصلى اى مساس بالشباب او حقوقهم او اى كلمة تخصهم او تعيب فيهم

الشاب هو اخى وهو ابنى فى المستقبل وشريك حياتى فى المستقبل ايضا
كيف اعيبه وهو نصف المجتمع

انا يااخى لست من هؤلاء الفتيات التافهات اللتى تثير الانتباه بالمناداة بالمساواة

ادعوك للقراءة ثانية والتعليق على الموضوع وليس النظر فقط للردود التى هى رد فعل

اشكرك ومنتظرة ردك تعليقا على الكلمات سالفة الذكر

ربنا يهدينا كلنا شباب وبنات الى مايحب ويرضى ويرزقنا الهدوء والسلام النفسى والعفاف فى القول والقلب

جزاكم الله خيرا

طبعا في الاول الشرف ليا انا اني ارد علي موضوعاتك اللي غالبا بيكون ليها هدف وفيها كلام مفيد يتقال

بس انا معنديش لوم محدد ليكي انتي بالذات لان الموضوع ليه علاقه بتصور موجود عند اي بنت ان لو حست الوواحده ممكن علشان بعيده عن الولاد مع ان الفراغ العاطفي مش يقصد بيه ضروري فراغ من عاطفه تجاه رجل او العكس تجاه بنت بالنسبالنا
ده انطباع عندي يعني مش اكتر من كده الولد مش بيحتاج حنيه من بنت خالص
بس البنت علي طول عايزه امان وحنيه من الولد او الراجل ايا كان علاقته بيها
وطبعا في الاول وفي الاخر انا عارف انك بتقدري الرجل ومش بتسيئي ليه بموضوعك ده بس انا بحب اقول ارائي بشكل موجز وبرضو بحب اسمع رد الغير بشكل ملخص مش لازم احكي وادي امثله يعني بس اكيد مقتنع بوجهه نظرك ومحترم تجاربك
انا بس هديكي دليل صغير جدا اوووي علي كلامي وقت ما نزلت اغنيه اليسا كل البنات قالوا صح وانتوو مش حنينين وولازم تاخد بالك عليا وسمعتها في ميت تليفون كرنه يعني الموضوع بقي تلاكيك علي سيره الضعف دي

memoomar

07-04-2008, 01:44 PM

السلام عليكم ورحمة الله وبركاته
بارك الله فيكى ياختى فى الله والموضوع جميل جدا وبيمس ناس كتير فى الوقت الحالى اللى معظم الشباب فى الوقت ده مذبذين بين التقرب من الله والانسياق فى رغباتهم ومجارات الاخرين فى تصرفاتهم الغير ملتزمه بقواعد الاسلام وبردو نلتمس العذر للاسره فى الابتعاد قيلا عن الاولاد وانشغالها فى اعباء الحياه الا انهم فى نفس الوقت يقع عليهم بعض اللوم واخيرا اطالب الشباب ونفسى بالصبر وتقوى الله وجزاكم الله خيرا وجلعه فى ميزان حسناتك يوم القيامه
اخوكم فى الله محمود عمر

avaya

07-04-2008, 01:48 PM

موضوع جميل تحيـــــــــــــاتي لكي

عصام روؤف

07-04-2008, 02:47 PM

السلام عليكم

ماأعجبنى بشدّة هذا السطر

6- أشغلي نفسك بالبرامج النافعة والإبداع ولا تستسلمي للفراغ القاتل والتحقي بالأنشطة الحسنة وطوري من قدراتك وإمكانياتك. وحاولي إدخال السرور على الآخرين وإسعادهم فإن هذا من أعظم أسباب انشراح الصدر.

ومش معنى إن دخلت موضوع يخُص البنات بذلك أكون تدخّلت فى أمور ليس لى شأن بها فالبنت التى تفضّلتم بالكتابة عنها هى أختى برضه وبهذه النصائح قد أخذ فكر بالتطوير الفكرى لديها
وبالنسبة عن هذا السطر لقد قلت إنّه أعجبنى بسبب مقولة قد قالها الشيخ محمّد حسين يعقوب قال إن لم تشغل نفسك بالحق شغلتك بالباطل وهذه الجُملة أعتز بها لجمعها مضمون مانعيش فيه الأن مع التعلّق الدينى طبعاً وبالنسبة لكيفيّة تطبيق ذلك فإنّه لن ياتى من فراغ بل لابد من تفكير وتنمية الفكر وإدّخاره للأشياء التى تمتلكها البنت من موهبة فى شىء قد تحبّه و شىء تستطيع تزويده أو إضافة شىء عليه وبذلك يتم التفوّق الفكرى ومكانة المرأة ترتفع فى وسط من إستطاعوا الوصول للمجد بعلمهم فمن الحلول قد تكون مُساعدة للإرتقاء للبنت فى وقت فراغها كالتالى
1- البحث عن الموهبة الموجودة لديها فى شىء لايكون حرام شرعاً وتبدأ بإحياءه بكل الجوانب والظروف
2- قراءة خمس صفحات يوميّاً على الأقل دون التدكؤ بالكتب الغير مفيدة بل من الكتب الهادفة ولو تكلّمت عليها فهناك الكثير فلتُركّز عن ماسوف يفيدها فى الحياة ويفيد غيرها وتكون بذلك إستفادت وأفادت فى حياتها الدُنيا والأخِرة
3- البحث عن صُحبة صالحة تُعينها على ذكر الله والبُعد عن الصُحبة الغير مُلتزمة فإنّها لن تنفعها بشىء بل ستزيد عليها بالبلاء على ماهى فيه وذلك مايحدث الأن ممّا نراه وأنا أتعجّب عندما أرى واحدة مُنقّبة فى الشارع ومعاها صاحبة فى قمّة التبرّج فكيف إجتمع ذلك على ذلك لاينفع فإنه سيحدث شىء من هذا الأمر فى غضون كام يوم لا~مّا المتبرّجة ستبقى ملتزمة ودة لا أظنه أو تبقى المُنقّبة غير ملتزمة ودة الذى أظنه لسمحها فى الأساس بمصاحبتها والخروج معها فلا تننتظر العواقب الوخيمة أسف دخلت فى أمور اخرى ولكن هذا من الأشياء التى تستفذّنى
4- وضع الحوار الهادف بينها وبين غيرها وعدم تضييع وقتها فى أشياء لاتُملى عليها بشىء غير تضيع الوقت أو الإوهام بأن شىء جميل سيحدث لها من هذا الحوار فلن يحدث شىء خير من وراء ماحرّمه الله أبداً ولو حدث سيكون بعواقب وإبتلاءات أو الوقوع فى شىء قد تندم عليه إلى مماتها
5- هى وضع ورقة أمامها وكتب ماتريده فى حياتها إلى أن تتزوّج هذا الوقت ماذا ستفعل فيه وماذا ستستفيد وماهى الأشياء التى ستوقفها فى هذا الإتجاة وكيفيّة القضاء عليه وعليها بالتخطيط والتفكير ووضع أهداف ثمّ تنفيذها وليس الحياة فقط طلباً للحياة بدون أن تعرف ماذا ستفعله غداً
6- عدم النظر بتاتاً على المستوى التى هى فيه ومستوى غيرها فلابد أن تعلم إنّها فى هذا المستوى قد تكون إبتعدت عن إبتلاءات غارقين بها من هم بمستوى اعلى منها والنظر للمُستقبل بفكر علمى وليس مادّى
7- الصبر والإحتساب من عند الله وتنظيم الوقت وعدم الإنحراف عنه فى بعض الأحيان وستكون بذلك أنجزت من عُمرها بأشياء أفادتها وأفادت بها وتكون كسبت دُنيتها بدلاً من خُسرانِها

وأخيراً انا لو كتبت ساكتب كثيراً لكن انا لاأدخل كثيراً هنا ولكن رأيت هذا الموضوع فى الصفحة الرئيسيّة فدخلته عن شغف من إسم العنوان
وجزاكم الله كل خير وجعلنا جميعاً فى جنّة الرحمن تحت راية لا إلَه إلاّ الله

ate

07-04-2008, 10:49 PM

بجد بجد جزاك الله كل خير على الكلام الرائع ده

أ. علاء محمود

25-04-2008, 09:16 AM

موضوع أكثر من رائع حقيقاً.. ولي تعليق بسيط وهو أن معكٍ كل الحق في كل ما قمتي بذكره ..
أما تعليقي الآخر والمستفيض سترينه إن شاء الله هناك.. في الموضوع الذي يستضيفك ..
هذا إذا سمحتي لي .
لكٍ مني كل تقدير وأحترام

M!ĐǾNH0

26-04-2008, 07:56 AM

بصي بقي بابسمه سيبك من شغل توم وجيري معا ليييييييو بقي
الموضوع اللي انتي عامله ده من احسن المواضيع اللي شفتها موجهه للبنات فعلا
بجد موضوع هايل اوي وكلام جميل وفيه صدق
ياريت نلاقي حاجات زي كدا
موضوع بناء فعلا
ميرسيييييييي بكوووووووووز

M!ĐǾNH0

26-04-2008, 08:02 AM

بس انا ليا تعليق ع الحته دي

إن إهمال الفتاة خطيئة وأعظم جرما

دي عايزه وقفه شويه
فين الدوافع من البنت نفسها فين الفروق النفسيه بين اهل بيت واهل بيت تاني
بس النقط اللي انتي حطتيها لتجنب مشكله الفراغ العاطفي دي
تغطي علي الجمله الاولانيه
تااااااااااااااني
موضوع جميــــــــــــــــل
---------ابسلوتلي------------

وليد محمد ثابت

01-06-2008, 06:18 PM

:boulay:اشكرك جدا :boulay:

سيلامورا

02-06-2008, 06:32 PM

موضوع أكثر من ممتاز
لكي جزيل الشكر

عاشق بلا حب

03-06-2008, 01:13 PM

موضوع جميل ربنا يباركلك