المساعد الشخصي الرقمي

مشاهدة النسخة كاملة : هدية كل ام وكل حماه في عيد الام .....اصبحت مشكلة كبيرة

afandina33
09-03-2008, 07:57 PM
بسم الله الرحمن الرحيم

اصدقاء واعضاء منتدي الدي في دي العربي

اصبحت هداياعيد الام تشكل مشكلة عند اختيارها


ماذا تختار او تختاري لوالدتك او حماتك "" مع العلم انهم لا ينقصهم شيء ""
هل تهديها بطقم من الفضة ام عباءة ام هدية رمزية ؟؟؟؟؟؟؟؟؟؟؟؟؟

وهل سيرضيها اختيار هدية رمزية ام سيكون ردها لك """ انك مش مقدرها او استرخصت ""

نرجوا من الاعضاء الكرام ترك اقتراحاتهم وافكارهم لارضاء الامهات والحموات



ارجوا التثبيت لحين الانتهاء من عيد الام 21/3/2008
Demeter
09-03-2008, 09:12 PM
اهو انا متابعه الموضوع .. و متابعاه اوي كماااااان

موضوع العبايه ده صعب اوي... لان ممكن ميطلعش مقاس ماما... و طقم الفضه يعني هتحطه فين؟؟؟

طب اجيب حاجه للمطبخ؟؟؟... برده مش محتاجه

طب لو اجيب حاجه لماما نفسها... اجيب اييييييييه... ممكن عبايه بيت؟..

انا بعاني المشكله دي مع اخواتي كل سنه... و مع صحابي... مع كل الناس اصلا

متابعه ان شاء الله
zaheratef
09-03-2008, 09:19 PM
مشكلة برضه
geen2000
10-03-2008, 12:52 AM
وفيها ايه لما تبقي هديه رمزيه
يعني ورد
او تورته وكل سنه وانتي طيبه وخلاص
انا هعمل كدا لاني معييش فلوس
بس لو معايا كنت هجيب حاجه دهب بس بصراحه الدهب بقي ب 150 جنيه يعني اقل حاجه هتعدي ال2000 جنيه
مشيها رمزيه بقي وخلاص
Demeter
10-03-2008, 12:56 AM
اصل يا geen الواحد بيخاف خصوصا من الحماوات

فى حماوات .. اللهم احفظنا ... بيقارنو بين الهدايا.. و بين هديتك و غلاوتها عندك
romanza
10-03-2008, 01:25 AM
بصراحة ماما ممكن يعدي العيد ومش اجيبلها لو مش معايا

ومش بتزعل مني

بس بجيب هدية رمزية حتى لو وردة

بس دلوقتي بقى حماتي

أجيب اييييييييييييييييييييييه مش عارفة
love_story_boy
10-03-2008, 01:32 AM
بقولكم ايه بقي

دي لا باظت ولا خربت ولا جابت جاز

البنات بيتكلموووا عن الهدايا طووول السنه وفي اي مناسبه ههههههههههههههههههههه

يعني تخلي نفسها اخت عشان اخوووها خطب ومبسووط ليه مش يجبلها هديه زي خطيبته

تخلي نفسها ام وهي متجوزه عشان جوزها في عيد الام يجبلها هديه

اه مش ام عيالك يعني عيالك هما اللي يجبولي هديه يعني ؟؟؟

طبعا الحبيبه في عيد ميلادها مش هتجبلها هديه ؟؟

في عيد ميلادك مافيش هديه ؟؟

عيد جوازنا ؟؟

اول مره اتقابلنا ؟؟

اول يووم في شغلك ؟؟

عيد ميلاد اولادنا ؟؟

بصراحه الواحد ما ملاحق الموضوع كل اللي بيردووا فيه بنات كان الامر مسلم بيه ان الواحد يجيب هديه مش مهم ظروووفه بقي

جميل اننا نقدر الام بس اللي مش جميل اننا نكدر آدم ههههههههههههههههههههههههههههههههههههههههههه
geen2000
10-03-2008, 01:57 AM
اصل يا geen الواحد بيخاف خصوصا من الحماوات

فى حماوات .. اللهم احفظنا ... بيقارنو بين الهدايا.. و بين هديتك و غلاوتها عندك




والله عندك حق الحموات مش بيعجبها اي حاجه
مهما عملتي وتفضل تقارن حتي لو انتي جبتي هديه احسن هتحسسك انك اقل برده
geen2000
10-03-2008, 01:59 AM
بصراحة ماما ممكن يعدي العيد ومش اجيبلها لو مش معايا

ومش بتزعل مني

بس بجيب هدية رمزية حتى لو وردة

بس دلوقتي بقى حماتي

أجيب اييييييييييييييييييييييه مش عارفة








عارفه انا مره جبت لحماتي خاتم دهب بعته مع انه كان حلو وغالي قوي
ومرهجبتلها جاكت وشطنه قالت حلو وملبستوش ولا مره
Demeter
10-03-2008, 07:43 PM
ايه يا جماعه... فين الردووووووووود... فين الافكااااااااااااار؟؟؟؟؟

محدش جاب هدايا قبل كده؟؟؟؟

انا اللى شوفتهم بيجيبو.... مثلا واحده كانت عارفه ان حماتها عايزة خلاط... فجابتلها خلاط.... يعني عرفت انها محتاجه حاجه معينه فجابتها ده القصد.... بس ده للي ليها علاقه بحماتها يعني.... سيبوكو من الناس دي

شوفت برده اللى جابو قماش ... بس قماش نوعه حلو و غالى
و ده طبعا مش هيغنى عن الورد و التورته اللى لازم يتجابو

شوفتى ايه تاني يا بت يا امنيه... شوفتى ايه يا ربي....

تصدقو ممكن نجيب انتيكات.... يعني فازة حلوة مثلا... تابلوه شيك.. فى تابلوهات بتبقى خشب و فيها شغل بالنحاس و بتبقى شيك اوي... و اسعارها حلوة كمان

ايه رأيكم فى كلامى.. يا جماعه انهارده 10 و يا دوب لسه عشرة ايااااااااام بس... و طبعا مش هنحسب يوم 21.... افكاااااااار هاتو افكااااااااااااااااااااااااااار
Demeter
10-03-2008, 07:46 PM
حلو برده يا جين موضوع الشنطه ده.... يعني لو شنطه جلد شيك يبقى حلو اوي
drb0sy
10-03-2008, 10:28 PM
ممكن طقم شنطة وشوز جلد طبيعى الناس الكبار بيعزوا اوى الجلد الطبيعى هيبقى سعره معقول لو لحماتك ومش غالى زى الدهب

ممكن كمان تشوفى حاجة فى البيت حتى لو هى مش محتاجاها تكون شيك ودى لماما او حماتك زى مثلا طقم كاسات شيك مستورد او طقم صوانى لذيذ او حاجة للمطبخ زى بتاع العرايس طقم توابل شيك كدة يعنى بونبونيرة رقيقة طبق فاكهة....

ممكن كمان ياستى لو مامتك من عشاق الفن الاصيل او حماتك تنزلى تجيبلها مجموعة شرايط لسومة او فريد او وردة حاجة كدة فى الحدود اللى تحبيها وتكون اصلية يعنى بيتهيألى فى منافذ بيع صوت القاهرة وعالم الفن ممكن تلاقى المجموعة جوا علبة قطيفة شيك وهتبقى هدية ظريفة

ممكن كمان تجيبلها اسطوانات لو عنده جهاز كاسيت فيه اسطوانات

ممكن عباية بيت شيك ومعاها زجاجة بيرفيوم هادية او النوع اللى بتفضله وممكن معاها طرحة او خمار حسب مابتلبس

ولو لحماتك اعملى عبيطة وحطى تمن غالى على علبة البيرفيوم

او ممكن شال حرير شيك وهيبقى تمنه معقول والحاجات دى هتلاقيها فى المولات باسعار متفاوتة والوان جميلة

وممكن حاجة جديدة لو ماما بتخرج وبتشتغل اشتريلها صن بللوك مستورد وايشارب شيك او هو لوحده كفاية( دى حتة كدة جديدة من عندى )

وممكن لو انتى مخطوبة بقى تاخدى انتى وخطيبك فمامتك وحماتك وتعزموهم وتعملوا خروجة فى حتة شيك او مفتوحة ومش هتكلف كتير وتشتركى فيها انتى وخطيبك مع هدية رمزية

و.....

كفاية عليكوا كدة دلوقتى والى اشعار اخر لمانفكر فى الهدايا ان شاء الله

موضوع جميل تسلم الايادى وياريت ياهيلارى تثبتيه فعلا مدة عشان اى حد محتار يدخل يلاقى حاجة مناسبة ليه
وياريت كمان اللى يقدر يجيب اسعار يقوله مع الهدية
Demeter
10-03-2008, 11:06 PM
و الله يا بوسى انتى ميه ميه....خدي البوووووووسة دي منى ليكي

انتى الوحيده اللى قلتى هدايا حلوة

شكلى كده هجيب لماما عبايه بيت.. عشان انا جبتلها مرة شال ... بس مكانش حرير الصراحة يعني
haader2
10-03-2008, 11:19 PM
يعنى اى حاجة رمزية هتوفر الموضوع بس هى اغلى من اى هدية فى الدنيا دى كلها
geen2000
11-03-2008, 12:47 AM
ممكن نجيب طرحه او شال
وممكن نجيب ساعه ماركه كويسه
وممكن جاكت او عبايه خروج
وممكن ودا الاسهل نسال ماما هيا عوزه ايه ونجيب الي هيا محتاجاه
Demeter
11-03-2008, 02:38 AM
ماهو مشكله العبايه هى المقااااااااااس يا جدعان

اكيد مش هقول لماما تعالى اجيبلك هديه مش هقولك هى ايه بس عايزاكى تقيسيها.... بس مش هقولك عشان هى مفاجأه
Demeter
11-03-2008, 02:41 AM
ممكن نجيب طرحه او شال
وممكن نجيب ساعه ماركه كويسه
وممكن جاكت او عبايه خروج
وممكن ودا الاسهل نسال ماما هيا عوزه ايه ونجيب الي هيا محتاجاه






و الله يا جين انتى تمام التمام... مروقه نفسك على الاخر... عجبنى اوي موضوع اننا نسأل ماما ده

بس ليه ساعه ماركه كويسه هتدخل فى 300 جنيه... انا مش اعده على باب البنك الاهلى... بما انى جبت شال... و مجبتش طرحه ولا عبايه بيت...

فهجيب بوكيه ورد ببتاع 20 جنيه و السلام.... كمان الورد بيغلى يوميها مش عارفه ايه الاستغلال الازلى ده... شكلى هفتح محل ورد
geen2000
11-03-2008, 04:25 AM
و الله يا جين انتى تمام التمام... مروقه نفسك على الاخر... عجبنى اوي موضوع اننا نسأل ماما ده

بس ليه ساعه ماركه كويسه هتدخل فى 300 جنيه... انا مش اعده على باب البنك الاهلى... بما انى جبت شال... و مجبتش طرحه ولا عبايه بيت...

فهجيب بوكيه ورد ببتاع 20 جنيه و السلام.... كمان الورد بيغلى يوميها مش عارفه ايه الاستغلال الازلى ده... شكلى هفتح محل ورد






والله عندك حق الورد بيزيد الضعف في عيد الام وعيد الحب
لو هتفتحي محل ورد انا اشاركك فيه
afandina33
14-03-2008, 12:20 AM
يا جماعة احنا عاوزين افكار غير الهدايا الشائعة (العباية وطقم المطابخ )
وفي نفس الوقت عاوزين هدية مش غالية زياده عن اللزوم


انا عامل الموضوع عشان فعلا محتار جدا


واتمني الموضوع يتثبت عشان تعم الفائدة ع الجميع

ومستني مشاركات اكتر لان اكيد في ناس عندها افكار جديدة
afandina33
16-03-2008, 05:21 PM
ياريت افكار تانية مع ان موضوع بوكيه الورد ده عجابني
romanza
17-03-2008, 01:16 AM
أنا والحمد لله جبت الهدايا خلاص

اخرجوا مع مامتكوا خروجة كده شوبينج يعني

شوفوا ممكن يعجبها إيه

أنا من كام يوم خرجت معاها وعجبها بروش أوي بس مش جابته

عشان كنا بنجيب طلبات تانية

بعدها رحت اشتريته وفرحت أوي الحمد لله

ممكن برضه بونشو أو شال هما موجودين دلوتقي في المحلات والأوكازيونات

وحاجات المطبخ على فكرة بيحبوها

شوفوا حاجة غير تقليدية تساعدها في الأكل

حاجة باظبت عندها مثلا

أو جريل لو مش عندها

الأمهات بتحب الحاجات دي برضه

شوفوا هي بتميل لإيه أكتر

أو إيه أكتر حاجة بتحب تلف عليها مثلا في الشوبينج

جزمة وشنطة مثلا

كده يعني

شوفوا اللي ناقصها ايه أحسن وهاتوه هتفرح أوي ان شاء الله

وكل سنة وانتوا طيبين
geen2000
17-03-2008, 02:03 AM
علي فكره انا عملت زيك يا رومانزا
كنت نزله مع ماما وعجبتها شنطه بس كنا مستعجلين ومجابتهاش
نزلت النهارده جبتهالها
وجبت لحماتي جاكت صيفي حلو اوي وسعره كويس
كمان انا بجيب لعمتي هديا في عيد الام جبتلها شنطه
والله الحجات باسعار كويسه اوي ال3 هدايا عملوا تقريبا 350 جنيه
اهه خراب بيوت
بس كل سنه وهما طيبين
a7mos79
19-03-2008, 02:46 PM
ياجماعة انا عندى هدية حلوة ممكن تجبيها لممتك وانا جبتها عفين اية هى ساعة ب 40 جنية فضة وشكلها تحفة دى اللى انا جبتها وهجيب يوم عيد الام بكية ورد عشان ميدبلش من دلوقتى يعنى الحكاية كلها هتتكلف 50 جنية 55 بالكتير ردو عليا وقولولى حلوة ولا لا
lyonaids
19-03-2008, 02:53 PM
والله يا جدعان انا كل عيد ببقي مختلف عن الاخرين :lol: هههههههههه


يعني العيد اللي فات جبتلها النقطة ..http://www.dvd4arab.com/images/icons/icon10.gif

واللي قبله جبتلها الكافية http://www.dvd4arab.com/images/icons/icon10.gif ههههههههههههههههه


مش كفاية اننا هدية ليهم ولا ايه ؟؟؟ :mdr:





لا والله انا عامة يعني بشوف انسب هدية هيا بارفان كويس كدا يكون محترم فعلا ..

عشان كدا كل فشة منه تفتكرني ..:he:هههههههههه


والله بجد وكل عيد بغيرلها البارفان .
.وهيا اساسا بتنسي العيد اللي فات جبتلها ايه فمش بتاخد بالها ان الهدية متكرره :lol:ههههههههههه
والله طيب ده اخري عشان بحتار بجد فعلا .
.ولما العيد بيعدي الاقي افكار هدايا بالهبل والفلوس جت .. :thumbdown:




العيد ده بارفان بردو انشاء الله http://www.dvd4arab.com/images/icons/icon10.gif
a7mos79
19-03-2008, 03:02 PM
انا نها نزلت جبت هدية امبارح لماما اللى هى الساعة انا قواتلكم عليها وجبت لخالتو شفشق مياة زجاج شكله حلو جدا اوى وجبتلها معاه 6 اكواب تقريبا نفس رسمة الشفشق بس شكلهم حلو جدا الشفشق ب 23 و الاكواب 20 بصراحة الاسعار حلوة جدا بس اللى يدور ويعرف يفاصل
a7mos79
19-03-2008, 03:06 PM
انا نها نزلت جبت هدية امبارح لماما اللى هى الساعة انا قواتلكم عليها وجبت لخالتو شفشق مياة زجاج شكله حلو جدا اوى وجبتلها معاه 6 اكواب تقريبا نفس رسمة الشفشق بس شكلهم حلو جدا الشفشق ب 23 و الاكواب 20 بصراحة الاسعار حلوة جدا بس اللى يدور ويعرف يفاصل:2:
moon_boka
19-03-2008, 03:09 PM
http://img151.imageshack.us/img151/8053/79011167bz8.gif
hamada_fo2ad
20-03-2008, 01:28 AM
شكرا على الموضوع الجميل وتقبل تحياتى
elpop211
21-03-2008, 02:37 AM
طب انا عندب فكرة لذيذه جدا جت في دماغي هديه ومش عارف اجيبهالها منين وياريت حد يساعدني ويلحق يرد عليا ....
فكرت اجيبلها البووك بتاع الفلوس ، عارفينو اكيد دا يتجاب منين او اروح عند مين بتاع اللي بيبيع ايه بس؟
لما الاقي هديه معينه معرفش اجيبها منين ؟؟
والهديه حلوة ولذيذه ومتهيألي سعرها حلو ومناسب
يللا اديني فكرت معاكو وقلت اقتراح بس ياريت الكل يساعدني