السينـما وتناولها للعلاقات بين ادم وحواء

[P.R.E.S.T.I.G.E]

تحتوى السينما الامريكيه على الكثير من الافلام التى تعالج العلاقات المعقده بين الرجل والمرأه

والمقصود بالمعقده انها العلاقات التى تتضمن تصرفات غير مفهومه او مبرره من جانب الطرفين

كل اسبوع سنناقش فيلم يتناول هذا النوع من العلاقات

لماذا السينما الامريكيه بالذات

لانها فى اغلب انتاجها تحاول احترام عقل المشاهد على العكس من هنا مثلا

ماهو الغرض من الموضوع فى هذا القسم بالتحديد

محاوله تفسير تصرفات بطلى الفيلم هل هى منطقيه من وجهه نظركم

هل تعرضت انت شخصيا لهذه المواقف او بعضها

اتمنى ان يكون الموضوع مفيد

سأبدأ هذا الاسبوع بالفيلم الرائعshall we dance

http://img410.imageshack.us/img410/5033/84896843al9.jpg (http://imageshack.us)


الذى سبق انتاجه فى السينما اليابانيه عام 1996

اظن ان تفاصيل فريق العمل لاتهم سوى رواد قسم السينما

لكن ساعرف اولا الابطال الاساسيين

جون كلارك .....ريتشارد جير

جينيفر لوبيز .......بولينا

بيفيرلى كلارك .....سوزان ساراندون



جون كلارك انسان يبدو انه يملك كل شىء زوجه مخلصه تحاول جاهده ان توازن بين عملها وبيتها

وزوجها وابنتها جينا الى هنا والامور تبدو طبيعيه لكن جون كلارك يشعر ان هناك حلقه مفقوده

فى حياته شئ ما لايدرى ماهو

عند عودته من عمله بالقطار يمر على نافذه ستوديو رقص لعده ثوان ...هو غير مهتم بالرقص اطلاقا

لكن ما لفت انتباهه هو مشهد تلك السيده التى تنظر للشارع فى صمت احس انه حزين

فى اليوم التالى يشاهد نفس المشهد لكنه يفاجأ بانها تنظر له مباشره دون اى تعابير على وجهها

فيحاول الابتسام لكنها ترفع وجهها وتواصل الشرود

يلتحق جون كلارك بمدرسه الرقص رغبه فى التعرف على سر هذه المرأه الحزينه ويحاول ان يتكلم

معها بود لكنها تصده وتركز على تعليمه الرقص هو وزملاؤه الملتحقين


http://img405.imageshack.us/img405/2559/84113636oh5.jpg (http://imageshack.us)


كالشاب البدين الذى نكتشف بعد ذلك ان خطيبته طلبت منه تعلم الرقص حتى ترضى به والمرأه غريبه

الاطوار التى تمتلك صوتا كالرجال لكنها تريد تعلم الرقص وزميله فى العمل الاصلع

الذى يرتدى باروكه حتى لايتعرف عليه احد

ينتظم جون فى المدرسه شيئا فشيئا تلاحظ بيفيرلى انه تغير واصبح يتأخر فى العوده للمنزل وتفتح

ابنته عليه باب غرفته لتجده يقوم بخطوات رقص مضحكه

فتقرر بيفرلى ان تستعين بمحقق خاص مختص بالنزاعات الزوجيه لتتبع زوجها لشكها فى وجود

امرأه اخرى سبب هذا التغير

من اجمل الجمل التى قيلت فى السينما من وجهه نظرى عندما سألها المحقق عن سبب زواجها فقالت

ان الانسان يرغب دائما فى وجود شخص اخر يشاهد معه المواقف التى يتعرض لها يوميا كى لا يشعر ان حياته غير مهمه

يتقدم جون فى المدرسه ويتعرف اكثر على بولينا التى اصبحت تستريح له

تعلم بيفيرلى بأمر المدرسه فتندهش من اهتمام زوجها بالرقص فى هذه السن ولكنها لاتظهر معرفتها امامه

جون يصبح اكثر مرحا وتفاؤلا

يشترك جون فى مسابقه عالميه بعد ان يقنع بولينا بان تدربه جيدا فى اروع مشاهد الفيلم

ويقنع زميله الاصلع بعدم ارتداء الباروكه

يشترك جون مع المراه غريبه الاطوار فى المسابقه وتسير الامور بشكل جيد لكنه لايعلم ان زوجته

وجينا ضمن المشاهدين تنادى عليه ابنته لتشجيعه لكنه يرتبك ويوقع شريكته وينسحب

يصارح زملاء العمل بأمر الرقص وهو مبتسم بعد ان كان يخجل من ذلك

ثم يذهب لزوجته فى عملها ليطلب عفوها عندما علم ان الشئ اذى كان يبحث عنه موجود بجانبه طوال الوقت

http://img410.imageshack.us/img410/7593/photo02wt3.jpg (http://imageshack.us)

تأتيه دعوه من بولينا له ولزوجته لحضور حفله بمناسبه سفرها لتوديعها قتقنعه بفيرلى بالذهاب

ليرقص معها بحضور زوجته اخر رقصه

وينتهى الفيلم وتبقى اسئله حائره عن عدم رضا الانسان بحاله

بغض النظر عن اختلاف الثقافات التى اظهرها الفيلم وثقافتنا فان العلاقات الانسانيه واحده

اعتقد ان كثير منا يصادفه هذا الموقف

هل كانت بيفرلى صبوره اكثر من اللازم ام كانت واثقه من قدرتها على عبور الموقف بسلام؟؟؟

هل تغير النزوات العابره حياه الانسان وشخصيته ؟

[im lover]

بغض النظر عن اختلاف الثقافات التى اظهرها الفيلم وثقافتنا فان العلاقات الانسانيه واحده

اعتقد ان كثير منا يصادفه هذا الموقف

هل كانت بيفرلى صبوره اكثر من اللازم ام كانت واثقه من قدرتها على عبور الموقف بسلام؟؟؟

هل تغير النزوات العابره حياه الانسان وشخصيته ؟


ابو تريكة يا فنان ورينا كمان وكمان

بجد بعد غيبة رجعتلنا بموضوع جبار ..

وحشتنا والله مواضيعك و وحشنا كلامك اوي ..

اما بالنسبة للموضوع ..

خد عندك يا سيدي ..

هو سيبك ان كانت بيفرلي صبورة او واثقة من قدراتها

هي نظرت الي بيتها فقط وحاولت الا يهدم هذا البيت عندما شكت

في خيانة زوجها جون بس هي فكرت بعقلانية شديدة كي تحافظ علي كيانها وعلي

صورتها في المجتمع حيث انه يشاركها حياتها وهذا علي ما اظن ما كونت

فكره عنها عن طريق هذه الكلمات ..


ان الانسان يرغب دائما فى وجود شخص اخر يشاهد معه المواقف التى يتعرض لها يوميا كى لا يشعر ان حياته غير مهمههو كلامها يدل علي عقلانية شديدة وفي نفس الوقت انانية رهيبة

حيث انها تنظر الي الموضوع من اين تري كيانها ..

ومن ناحية اخري ان يري زوجها كم هي عظيمة ..


اما بالنسبة للنزوات العابرة ..

هي فعلا تغير من حياة الانسان وشخصيته ... ولكن ..

لفترة عابرة ايضا ..

فالنزوة كانها نزهة .. عندما تنتهي نزهتك .. تنتهي نزوتك

وغالبا تاتي النزوة بعد سن الاربعين حيث يريد الرجل او المراءة ..

تذكر الماضي وايام الشباب .. بهذه النزوة ...

وانا من وجهة نظري ان النزوة تغير من الانسان كليا .. ولكن لفترة محدودة

عندما تنتهي .. يعود الشخص الي افضل حال ما كان عليه ..

وبجد يا صافي انت مشكلة والله ..

بتتكلم في مواضيع جامدة اوي واحسن حاجة عملتها ان اللي مش هايقرا

مش هايفهم ...:mdr:

وتسلم يا صاحبي علي التوبيك الجميل ده ..

ومستنين باقي اقسامه ..

وبالتوفيق باذن الله ..

[P.R.E.S.T.I.G.E]

درش والله انت واحشنى اكتر يامان

ومبسوط والله ان الموضوع عجبك

واتفق معاك فى نقطه ان بيفرلى سابت الامور ماشيه على طبيعتها

بس السؤال هنا دى كانت ثقه منها فى جون ولا ثقه فى نفسها ولا عشان متهدش بيتها ؟

وفعلا الواحد مش بيحس بقيمه الحاجه الا اما تروح منه

النزوات موجوده يادرش وكتيره

وفعلا ساعات الانسان بيخرج منها احسن من الاول

ده يتوقف على كيفيه تعامله معاها

شكرا يادرش على ردك الجميل نورت الموضوع ونورتنى :glasses:

[lyonaids]

عزيزي ابو تريكة ..:lol:

موضوعك اكيد حلو ..رغم ان فكرته صعب تقبلها ..
.وصعب ان يتحول النقاش في الفيلم :
من فكرة الفيلم نفسها ككل ..لحاجة منه او اتنين علي العلاقة بين الراجل والست او الولد والبنت ..،

بس انشاء الله يبقي في تفاعل ..،

بالنسبة لفيلم ..shall we dance ؟؟


العنوان بجد حلو جدا ..سؤال بيسأله لنفسة او للناس ..هل يحتم عليا اني اخون ؟؟؟؟
( طبعا باعتبار ان الخيانة هنا بيرمز لها بالرقص ..وخاصة مع بطلة الفيلم جينيفر لوبيز ..بولينا ..)

باختصار عن الفيلم ممكن نخرج ب ...


بصراحة ومن الاخر ..

نص المغامرات العاطفية او الخيانات الزوجية عامة ...بتبقي في صالح الزواج نفسه انه يستمر ..!!!!!!!!
طالما كان الزواج ده مليان مشاكل ..وخاصة لو في اطفال...:whistle:

كتير اوي افلام بتناقش النقطة دي ..ان مغامرة الزوج دي لفترة ..كانت سبب اساسي انه مينفجرش او يتهور ويتخذ قرار نهائي بتدمير حياته الزوجية ..!!!
منهم فيلم ..unfaithful بتاع ريتشارد جير بردو ..( بكرهه علي فكرة :mdr:)

هنا الزوجة في الفيلم عاقلة جدا جدا ..ومقدرة للأمور صح ...ولكن عليها نقطة ..انها في الأخر
عرفت بالعلاقه ما بينهم وكان رد فعلها مش مناسب بدرجة كافية ..وهو فعلا زي منتا قلت
اختلاف عاداتهم وتربيتهم عننا خلتهم كدا ...وردود افعالهم كدا ...، انا عن نفسي شايف ان الزوجة باردة هنا حبتين .. :whistle:

يعني لو في مصر ..كانت راحت ردحتلها في صالة الرقص ..وخدتها اتنين :41:
وده بمثابة انزار قوي جدا للتانية دي عشان تبطل مشي مع جوزها يعني ..!!! ولا ايه ...؟؟؟ ( ده علي فرض ان في مدارس رقص في مصر اصلا ..:mdr: )




منور بجد يا واد يا بوتريكة ..ومتحرماش منك ومن مواضيعك ..

مجهود كويس منك .. اشكرك عليه ...واتمني ليك التوفيق دايما ..،:jap:

[P.R.E.S.T.I.G.E]

عزيزي ابو تريكة ..:lol:



موضوعك اكيد حلو ..رغم ان فكرته صعب تقبلها ..
.وصعب ان يتحول النقاش في الفيلم :
من فكرة الفيلم نفسها ككل ..لحاجة منه او اتنين علي العلاقة بين الراجل والست او الولد والبنت ..،

بس انشاء الله يبقي في تفاعل ..،

بالنسبة لفيلم ..shall we dance ؟؟


العنوان بجد حلو جدا ..سؤال بيسأله لنفسة او للناس ..هل يحتم عليا اني اخون ؟؟؟؟
( طبعا باعتبار ان الخيانة هنا بيرمز لها بالرقص ..وخاصة مع بطلة الفيلم جينيفر لوبيز ..بولينا ..)

باختصار عن الفيلم ممكن نخرج ب ...


بصراحة ومن الاخر ..

نص المغامرات العاطفية او الخيانات الزوجية عامة ...بتبقي في صالح الزواج نفسه انه يستمر ..!!!!!!!!
طالما كان الزواج ده مليان مشاكل ..وخاصة لو في اطفال...:whistle:

كتير اوي افلام بتناقش النقطة دي ..ان مغامرة الزوج دي لفترة ..كانت سبب اساسي انه مينفجرش او يتهور ويتخذ قرار نهائي بتدمير حياته الزوجية ..!!!
منهم فيلم ..unfaithful بتاع ريتشارد جير بردو ..( بكرهه علي فكرة :mdr:)

هنا الزوجة في الفيلم عاقلة جدا جدا ..ومقدرة للأمور صح ...ولكن عليها نقطة ..انها في الأخر
عرفت بالعلاقه ما بينهم وكان رد فعلها مش مناسب بدرجة كافية ..وهو فعلا زي منتا قلت
اختلاف عاداتهم وتربيتهم عننا خلتهم كدا ...وردود افعالهم كدا ...، انا عن نفسي شايف ان الزوجة باردة هنا حبتين .. :whistle:

يعني لو في مصر ..كانت راحت ردحتلها في صالة الرقص ..وخدتها اتنين :41:
وده بمثابة انزار قوي جدا للتانية دي عشان تبطل مشي مع جوزها يعني ..!!! ولا ايه ...؟؟؟ ( ده علي فرض ان في مدارس رقص في مصر اصلا ..:mdr: )




منور بجد يا واد يا بوتريكة ..ومتحرماش منك ومن مواضيعك ..


مجهود كويس منك .. اشكرك عليه ...واتمني ليك التوفيق دايما ..،:jap:



عزيزى الاكسلانس

انا مش معاك فى اول حته دى باعتبار ان الفيلم رومانسى بالدرجه الاولى وبيناقش مشكله مشاعر

بالنسبه لرد فعل الزوجه انا شايفه عاقل جدا

لان سنها وسن زوجها لايسمح باى تهور او قرارات انفعاليه

وفعلا تصرفها جاب نتيجه فى الاخر

وبولينا فعلا سافرت وسابتهم وجوزها رجع لها افضل من الاول

شكرا ليك ياليو نورت يامان :glasses:

على فكره انا نسيت اقول ان الفيلم ده اتعمل منه كالعاده نسخه عربى اسمه ماتيجى نرقص

وانا مشفتهوش الحمد لله

[dina_246]

فكرة الموضوع حلوة جدا
وفعلا الفيلم اتعمل عربى مع الفارق طبعا
فى فيلم عربى قديم اتعمل عن نفس الفكرة تقريبا موضوع النزوة والبطلة متكلمتش لدرجة ان كل الناس كانوا عارفين وهى مرضيتش تاخد اى موقف عشان تحافظ على بيتها
وفى الاخر انكشفوا وحسوا بالذنب لانهم ظلموا انسانة فضلت صابرة عشان بتحب جوزها
المشكلة فى ليه بتحصل النزوة دى
انا شايفة انه روتين الحياة ممكن يدفع للتغيير يعنى الزوج يدور عالجديد فى خارج نطاق البيت
بس اظن الوقاية خير من العلاج وان التغيير لازم يبقى سمة فى البيت ومنخليش الروتين يسيطر علينا عشان محدش يدور عالتغيير بره البيت
مستنيين الفيلم الجاى

[P.R.E.S.T.I.G.E]

فكرة الموضوع حلوة جدا
وفعلا الفيلم اتعمل عربى مع الفارق طبعا
فى فيلم عربى قديم اتعمل عن نفس الفكرة تقريبا موضوع النزوة والبطلة متكلمتش لدرجة ان كل الناس كانوا عارفين وهى مرضيتش تاخد اى موقف عشان تحافظ على بيتها
وفى الاخر انكشفوا وحسوا بالذنب لانهم ظلموا انسانة فضلت صابرة عشان بتحب جوزها
المشكلة فى ليه بتحصل النزوة دى
انا شايفة انه روتين الحياة ممكن يدفع للتغيير يعنى الزوج يدور عالجديد فى خارج نطاق البيت
بس اظن الوقاية خير من العلاج وان التغيير لازم يبقى سمة فى البيت ومنخليش الروتين يسيطر علينا عشان محدش يدور عالتغيير بره البيت
مستنيين الفيلم الجاى

طبعا يادينا الروتين ده مشكله كبيره خصوصا لما الحياه بتاخدنا وننسى التجديد

عشان كده الرجل بيحب المرأه المتجدده

ومع ان البطل كان عنده كل حاجه تقريبا فى الفيلم

لكن كانت فى حاجه ناقصه

وكانت لازم النزوه دى عشان يكتشفها

شكرا ليكى ونورتى يا دينا

[Demeter]

ايوة... ايه هى الحاجه الناقصه دي؟؟؟... و مش المفروض لما واحد يحس ان فى حاجه ناقصه يقوم يكلم مراته و يناقشها؟؟.. ولا يروح يدور على غيرها و السلام

انا لو جوزي راح اتعلم الرقص... ده انا اقطعه و اضربه فى الخلاط و اشربه بعدها... معندناش رجاله ترقص

بصراحه انا مش عارفه ازاي الزوجه ممكن تصبر على خيانه زوج؟؟.. هو طبعا صح انها تصبر... و تستعين بالله... بس بتجيب اعصاب منين؟؟؟

انا شايفه ان الزوج هو اللى غلطان.... كان يحاول يصلح الاول... قبل ما يبيع....

و فعلا على رأي دينا الروتين هو اللى ممكن يعمل كده... الروتين و مشاغل الحياة و المسئوليات

الفيلم انا مشوفتوش .. و كنت فى رحله و شوفت الفيلم العربي بتاعه بالاجبار.. بس نمت لانى مستحملتش اتفرج على يسرا و الواد الغتيت اللى كان فى التجربه الدنماركيه ده

ابو تريكه الموضوع جامد يا ابنى

[P.R.E.S.T.I.G.E]

ايوة... ايه هى الحاجه الناقصه دي؟؟؟... و مش المفروض لما واحد يحس ان فى حاجه ناقصه يقوم يكلم مراته و يناقشها؟؟.. ولا يروح يدور على غيرها و السلام

انا لو جوزي راح اتعلم الرقص... ده انا اقطعه و اضربه فى الخلاط و اشربه بعدها... معندناش رجاله ترقص

بصراحه انا مش عارفه ازاي الزوجه ممكن تصبر على خيانه زوج؟؟.. هو طبعا صح انها تصبر... و تستعين بالله... بس بتجيب اعصاب منين؟؟؟

انا شايفه ان الزوج هو اللى غلطان.... كان يحاول يصلح الاول... قبل ما يبيع....

و فعلا على رأي دينا الروتين هو اللى ممكن يعمل كده... الروتين و مشاغل الحياة و المسئوليات

الفيلم انا مشوفتوش .. و كنت فى رحله و شوفت الفيلم العربي بتاعه بالاجبار.. بس نمت لانى مستحملتش اتفرج على يسرا و الواد الغتيت اللى كان فى التجربه الدنماركيه ده

ابو تريكه الموضوع جامد يا ابنى

لا ماتقلقيش ياامنيه هنا مش بيتعلموا الرقص

هنا بيقعدوا على القهوه

لاحظى ان الفيلم مفهوش خيانه وموصلش للدرجه دى

ياريت تتفرجى عليه وتنسى الفلم العربى ده نهائى نصيحه اخويه

فرق السما والارض فعلا

نورتى الموضوع ياامنيه :glasses:

[bigsonson2003]

بص يا برنجى فيه مشكلة عند الافلام هنا وتحديدا ايناس الدغيدى
الحاجة ايناس عايزاها مليطة وتشبع فيها ظيطة عشان كدا من رؤيتها الفظيعة للفيلم خلت يسرا لوبيز وعزت جير والحاجة ايمى ساراندون تعمل ادوار الفيلم الروعة دا غير طبعا الشاب اللى بيمثل بشعر صدره تامر هجرس اللى لسة عايش ايام احمد رمزى وفتحة القميص وبيمثل بحواجبه كعادة ابطال السينما بتوعنا
يا جدعان الفيلم الاجنبى كان ناقص يبيعوا سبح فى الفيلم انما ايناس هانم حبشته بحبة مشاهد للكبار فقط وبصراحة تتجلى علاقة ادم بحوا وهو بيقول لايمى البسى هدومك !!!! يا سلاااااااااام
للاسف يا لورد الفيلم ااجنبى عرف ازاى يوصلك فكرة ان الملل ممكن يقتل الحب بصورة رشيقة جذابة ورمى فى النص حتة الشاب الطخين اللى بيرضى البنت بتاعته بأنه يتعلم الرقص
نفسى بجد نعمل بعثات تعليمية للتمثيل هناك يتربوا ويتعلموا الادب ويتعقدوا شوية بدل ماحنا ربنا ابتلانا بممثلين من عينة مصطفى حشيش ولا نرمين الفقى اللى لسة طالعة نوغة فى مدرسة ولا محمود قابيل يا نهار ابيض يا جدعان انا بتعقد
والى اللقاء فى فيلم اخر

[P.R.E.S.T.I.G.E]

بص يا برنجى فيه مشكلة عند الافلام هنا وتحديدا ايناس الدغيدى
الحاجة ايناس عايزاها مليطة وتشبع فيها ظيطة عشان كدا من رؤيتها الفظيعة للفيلم خلت يسرا لوبيز وعزت جير والحاجة ايمى ساراندون تعمل ادوار الفيلم الروعة دا غير طبعا الشاب اللى بيمثل بشعر صدره تامر هجرس اللى لسة عايش ايام احمد رمزى وفتحة القميص وبيمثل بحواجبه كعادة ابطال السينما بتوعنا
يا جدعان الفيلم الاجنبى كان ناقص يبيعوا سبح فى الفيلم انما ايناس هانم حبشته بحبة مشاهد للكبار فقط وبصراحة تتجلى علاقة ادم بحوا وهو بيقول لايمى البسى هدومك !!!! يا سلاااااااااام
للاسف يا لورد الفيلم ااجنبى عرف ازاى يوصلك فكرة ان الملل ممكن يقتل الحب بصورة رشيقة جذابة ورمى فى النص حتة الشاب الطخين اللى بيرضى البنت بتاعته بأنه يتعلم الرقص
نفسى بجد نعمل بعثات تعليمية للتمثيل هناك يتربوا ويتعلموا الادب ويتعقدوا شوية بدل ماحنا ربنا ابتلانا بممثلين من عينة مصطفى حشيش ولا نرمين الفقى اللى لسة طالعة نوغة فى مدرسة ولا محمود قابيل يا نهار ابيض يا جدعان انا بتعقد
والى اللقاء فى فيلم اخر

ازيك يابو على منور ياكبير

انا لما عرفت انهم سرقوا الفلم حلفت مادخله

عشان متأكد ان ايناس الدغيدى ويسرا والباقى بوظوا الفلم وشوهوه تماما

ياراجل احنا مبنعرفش حتى نسرق فلم كويس

وفعلا الشاب التخين ده قصته ممكن تتعمل فيلم لوحدها

كتير بيحاولوا يطلبوا طلبات صعبه من احبائهم

والشاب كان بيعانى فعلا فى الفلم عشان يرضى خطيبته

اكيد الفلم العربى محاولش يوصل اى حاجه مفيده كالعاده فلم وخلاص

بصراحه يامان shall we dance جواه شويه مشاعر تقيله فعلا

وكلها بأسلوب لذيذ زى مانت بتقول

نورت الموضوع ياباشا :glasses:

[™Mo7aMMeD SaLeM]

بسم الله الرحمن الرحيم ...

سلام الله عليكم اجمعين ...
عزيزى أبو تريكة .... الموضوع جامد جدا .... وفعلا المشاعر الانسانية تقذف بالانسان بعيدا ليبحث عما يفتقده ..... فى داخله ...

وأعتقد أن الموضوع له تناول أخر وجه نظرنا له نور الشريف فى مسلسله عيش أيامك ... أعتقد أن الظروف والملابسات ... متشابهة كثيرا مع بطل الفليم الموجود .. ( مع العلم أنى لم أرى الفليم .. ) فامتك نور الشريف الزوجة الصاحلة التى تبحث جاهدة وتعمل جاهدة لارضاء زوجها وتخلص فى تربية اولادها ...
ولكنه افتقد كثيرا فى شبابه ففقد حبه ... وفقد حتى إختياره فى التعليم .. ( تبع التنسيق ... ) وفقد حتى رضاه عن عمله الذى يكرهه ...
فولد بداخله مشاعر تحمل من التناقض الكثير والكثير ... عدم الرضاء بقضاء الله ... وعلمه بأن زوجته ... مخلصة له ... ووفائها لم يشفع لها .. أمامه ... فيذهب للطبيب النفسى ليروى له ما بداخله .. من مشاعر متناقضة ...
وإرادته فى تغيير حياته ... وتعويض ما فقده فى عمره الذى مضى ... فغير من مظهره الخارجى ( نيو لوك ) وأعترض على كل مالا يرضيه ... وأراد استعادة حبه القديم حتى فى العمل أعترض على السياية التى تعمل بها الشركة ...
فكم كلغه هذا ... كلفه زوجته ... كلفه غياب الحب إللى الابد .. كلفه ... نفسه التى لم يعد يثق بها ...

فالمشاعر الرجل بعد الاربعين من عمره ... خصوصا فى مثل هذه الحالات التى نحن بصددها ... مشاعر متناقضة تحتاج إلأى الاحتواء ... من جانب الزوجة .. التى انشغلت بتربية أبنائها ...وإرضاء زوجها ( عملها فى البيت .. وعدم تحمله أى شىء فى تربية أولاده ... ) وأغفلت مشاعره التى هو أيضا أخفها عنها ....


ولا أحب الخوض فى هذا كثير وأعتقد أن أول ما أريده أن يصل هو أن مشاعر الرجل بإختلاف ثقافته وشخصيته ... وظروفه التى هو بها ... فبعد بلوغه سن الاربعين ,,, تتكون لديع مجموعة من المشاعر المتناقضة ... فى نفسه ... وتتكون رغبات ما فى نفسه ...
يحاول أن يصل إليها ... لاقتناص السعادة الذى ظل طوال حياته محروم منها ....
وقد بين الاعضاء الذين سبقونى فى الرد الاسباب فى هذا ومنهم من انتقد الزوجة ومنهم من وصفها بالذكاء ...





هو سيبك ان كانت بيفرلي صبورة او واثقة من قدراتها .
انا أعتقد
أنها واثقة من نفسها كثيرا لانها لو كانت غير ذلك لابدعت المشاكل ... وأهدمت بيتها ...

هي نظرت الي بيتها فقط وحاولت الا يهدم هذا البيت عندما شكت

في خيانة زوجها
لا أعتقد أن هذه خيانه لانها لم تصل للخيانة الصريحة ...
ا جون بس هي فكرت بعقلانية شديدة كي تحافظ علي كيانها وعلي

صورتها في المجتمع حيث انه يشاركها حياتها وهذا علي ما اظن ما كونت

فكره عنها عن طريق هذه الكلمات ..

ان الانسان يرغب دائما فى وجود شخص اخر يشاهد معه المواقف التى يتعرض لها يوميا كى لا يشعر ان حياته غير مهمه

هذه الكلمات كانت لها مفهوم لدى أنها علمت أن هذه مرحلة يمر بها كل رجل فى مثل سن زوجها ... وانه يحتاج لمثل هذه النزوة ...
هو كلامها يدل علي عقلانية شديدة وفي نفس الوقت انانية رهيبة

حيث انها تنظر الي الموضوع من اين تري كيانها ..

ومن ناحية اخري ان يري زوجها كم هي عظيمة ..

زوجها يتعبرها ملاذه عند أزمته ولكنه يريد أن يمر بهذه التجربة بمفرده ( هربا من قيود زوجته .. وبحثا عن نفسه التى فقدها ... وقبل كل شىء إرضاء لنفسه ولغروره )
اما بالنسبة للنزوات العابرة ..

هي فعلا تغير من حياة الانسان وشخصيته ... ولكن ..

لفترة عابرة ايضا ..
أنا متفق هنا لانالنزوة تكون لفترة عابرة وتأثيرها يكون لفترة قصيرة ولكنه قد يكون له مدلاولا على تغيير الزوج بعد ذلك....

فالنزوة كانها نزهة .. عندما تنتهي نزهتك .. تنتهي نزوتك

وغالبا تاتي النزوة بعد سن الاربعين حيث يريد الرجل او المراءة ..

تذكر الماضي وايام الشباب .. بهذه النزوة ...
صح كده ده اللى انا بقوله ...






الروتين ده مشكله كبيره خصوصا لما الحياه بتاخدنا وننسى التجديد

عشان كده الرجل بيحب المرأه المتجدده

ومع ان البطل كان عنده كل حاجه تقريبا فى الفيلم

لكن كانت فى حاجه ناقصه

وكانت لازم النزوه دى عشان يكتشفها




الروتين .. والتعود يولد الملل وحب التغيير ... خصوصا للمثقف الذى يعلم أن التغيير يرده إلى أفضل مما هو عليه ...




انا مش معاك فى اول حته دى باعتبار ان الفيلم رومانسى بالدرجه الاولى وبيناقش مشكله مشاعر

بالنسبه لرد فعل الزوجه انا شايفه عاقل جدا

لان سنها وسن زوجها لايسمح باى تهور او قرارات انفعاليه

وفعلا تصرفها جاب نتيجه فى الاخر

وبولينا فعلا سافرت وسابتهم وجوزها رجع لها افضل من الاول





اعتقد أننا متفقين على مدى كمية المشاعر والتناقضات التى يناقشها الفليم ...
وللزوجة أيضا فأنا أصفها كما وصفتها بالعقلانية ... وخوفا على بيتها التى ضيعت سنين عمرها فى بنائه فكيف تهدمه فى قرار ...
ولهذا أيضا ...
لان سنها وسن زوجها لايسمح باى تهور او قرارات انفعاليه

وفعلا تصرفها جاب نتيجه فى الاخر ...

وشكرا لك عزيزى أبو تريكه ...

[™Mo7aMMeD SaLeM]

بسم الله الرحمن الرحيم ...

سلام الله عليكم اجمعين ...
عزيزى أبو تريكة .... الموضوع جامد جدا .... وفعلا المشاعر الانسانية تقذف بالانسان بعيدا ليبحث عما يفتقده ..... فى داخله ...

وأعتقد أن الموضوع له تناول أخر وجه نظرنا له نور الشريف فى مسلسله عيش أيامك ... أعتقد أن الظروف والملابسات ... متشابهة كثيرا مع بطل الفليم الموجود .. ( مع العلم أنى لم أرى الفليم .. ) فامتك نور الشريف الزوجة الصاحلة التى تبحث جاهدة وتعمل جاهدة لارضاء زوجها وتخلص فى تربية اولادها ...
ولكنه افتقد كثيرا فى شبابه ففقد حبه ... وفقد حتى إختياره فى التعليم .. ( تبع التنسيق ... ) وفقد حتى رضاه عن عمله الذى يكرهه ...
فولد بداخله مشاعر تحمل من التناقض الكثير والكثير ... عدم الرضاء بقضاء الله ... وعلمه بأن زوجته ... مخلصة له ... ووفائها لم يشفع لها .. أمامه ... فيذهب للطبيب النفسى ليروى له ما بداخله .. من مشاعر متناقضة ...
وإرادته فى تغيير حياته ... وتعويض ما فقده فى عمره الذى مضى ... فغير من مظهره الخارجى ( نيو لوك ) وأعترض على كل مالا يرضيه ... وأراد استعادة حبه القديم حتى فى العمل أعترض على السياية التى تعمل بها الشركة ...
فكم كلغه هذا ... كلفه زوجته ... كلفه غياب الحب إللى الابد .. كلفه ... نفسه التى لم يعد يثق بها ...

فالمشاعر الرجل بعد الاربعين من عمره ... خصوصا فى مثل هذه الحالات التى نحن بصددها ... مشاعر متناقضة تحتاج إلأى الاحتواء ... من جانب الزوجة .. التى انشغلت بتربية أبنائها ...وإرضاء زوجها ( عملها فى البيت .. وعدم تحمله أى شىء فى تربية أولاده ... ) وأغفلت مشاعره التى هو أيضا أخفها عنها ....


ولا أحب الخوض فى هذا كثير وأعتقد أن أول ما أريده أن يصل هو أن مشاعر الرجل بإختلاف ثقافته وشخصيته ... وظروفه التى هو بها ... فبعد بلوغه سن الاربعين ,,, تتكون لديع مجموعة من المشاعر المتناقضة ... فى نفسه ... وتتكون رغبات ما فى نفسه ...
يحاول أن يصل إليها ... لاقتناص السعادة الذى ظل طوال حياته محروم منها ....
وقد بين الاعضاء الذين سبقونى فى الرد الاسباب فى هذا ومنهم من انتقد الزوجة ومنهم من وصفها بالذكاء ...





هو سيبك ان كانت بيفرلي صبورة او واثقة من قدراتها .
انا أعتقد
أنها واثقة من نفسها كثيرا لانها لو كانت غير ذلك لابدعت المشاكل ... وأهدمت بيتها ...

هي نظرت الي بيتها فقط وحاولت الا يهدم هذا البيت عندما شكت

في خيانة زوجها
لا أعتقد أن هذه خيانه لانها لم تصل للخيانة الصريحة ...
ا جون بس هي فكرت بعقلانية شديدة كي تحافظ علي كيانها وعلي

صورتها في المجتمع حيث انه يشاركها حياتها وهذا علي ما اظن ما كونت

فكره عنها عن طريق هذه الكلمات ..

ان الانسان يرغب دائما فى وجود شخص اخر يشاهد معه المواقف التى يتعرض لها يوميا كى لا يشعر ان حياته غير مهمه

هذه الكلمات كانت لها مفهوم لدى أنها علمت أن هذه مرحلة يمر بها كل رجل فى مثل سن زوجها ... وانه يحتاج لمثل هذه النزوة ...
هو كلامها يدل علي عقلانية شديدة وفي نفس الوقت انانية رهيبة

حيث انها تنظر الي الموضوع من اين تري كيانها ..

ومن ناحية اخري ان يري زوجها كم هي عظيمة ..

زوجها يتعبرها ملاذه عند أزمته ولكنه يريد أن يمر بهذه التجربة بمفرده ( هربا من قيود زوجته .. وبحثا عن نفسه التى فقدها ... وقبل كل شىء إرضاء لنفسه ولغروره )
اما بالنسبة للنزوات العابرة ..

هي فعلا تغير من حياة الانسان وشخصيته ... ولكن ..

لفترة عابرة ايضا ..
أنا متفق هنا لانالنزوة تكون لفترة عابرة وتأثيرها يكون لفترة قصيرة ولكنه قد يكون له مدلاولا على تغيير الزوج بعد ذلك....

فالنزوة كانها نزهة .. عندما تنتهي نزهتك .. تنتهي نزوتك

وغالبا تاتي النزوة بعد سن الاربعين حيث يريد الرجل او المراءة ..

تذكر الماضي وايام الشباب .. بهذه النزوة ...
صح كده ده اللى انا بقوله ...







الروتين ده مشكله كبيره خصوصا لما الحياه بتاخدنا وننسى التجديد




عشان كده الرجل بيحب المرأه المتجدده

ومع ان البطل كان عنده كل حاجه تقريبا فى الفيلم

لكن كانت فى حاجه ناقصه

وكانت لازم النزوه دى عشان يكتشفها




الروتين .. والتعود يولد الملل وحب التغيير ... خصوصا للمثقف الذى يعلم أن التغيير يرده إلى أفضل مما هو عليه ...




انا مش معاك فى اول حته دى باعتبار ان الفيلم رومانسى بالدرجه الاولى وبيناقش مشكله مشاعر

بالنسبه لرد فعل الزوجه انا شايفه عاقل جدا

لان سنها وسن زوجها لايسمح باى تهور او قرارات انفعاليه

وفعلا تصرفها جاب نتيجه فى الاخر

وبولينا فعلا سافرت وسابتهم وجوزها رجع لها افضل من الاول





اعتقد أننا متفقين على مدى كمية المشاعر والتناقضات التى يناقشها الفليم ...
وللزوجة أيضا فأنا أصفها كما وصفتها بالعقلانية ... وخوفا على بيتها التى ضيعت سنين عمرها فى بنائه فكيف تهدمه فى قرار ...
ولهذا أيضا ...
لان سنها وسن زوجها لايسمح باى تهور او قرارات انفعاليه

وفعلا تصرفها جاب نتيجه فى الاخر ...

وشكرا لك عزيزى أبو تريكه ...

[P.R.E.S.T.I.G.E]

وعليكم السلام ورحمه الله وبركاته

عزيزى outforkill


بصراحه انا مشفتش المسلسل بس انت ربطت كويس اوى بين الاتنين

هيا المشكله مش جديده فعلا انما هيا مشكله دايمه


طبعا مش كل الرجال بتبقى عندهم المشاعر المتناقضه دى

انما الموجود دايما وملهوش سن هو حب الاكتشاف

وده اللى عمله بطل الفيلم بس هوا لحق نفسه

ممكن غيره مايقدرش

نورت ياoutforkill

وياريت تشرفنى باسمك :glasses: :glasses:

[™Mo7aMMeD SaLeM]

انا اسمى محمد سالم

[P.R.E.S.T.I.G.E]

اهلا بيك يامحمد

وبالتوفيق دائما

[om mohmmad]

فكرة الملل موجودة اكيد
انا للاسف ماشفتش الفلم الاجنبى
لكن للاسف شوفت العربى وبصراحة اتشليت وانحرق دمى
وكنت هفرقع طبعا وحسيت انو فكرتو سفيه مالهاش قيمة
عموما انا مع الاخ ال قال ان ساعات النزوة او الخيانة الزوجية بتكون السبب فى كسر الملل ورجوع الزوج الى بيته مرة اخرى

[P.R.E.S.T.I.G.E]

فعلا كل صحابى اللى شافوا الفيلم العربى قالوا كده :42:

بس مش دايما موضوع النزوه ده بيكون مفيد ياام محمد

ساعات ممكن يهدم اسره بحالها :whistle:

شكرا ليكى على مشاركتك

[P.R.E.S.T.I.G.E]

العرض القادم



Next







http://img181.imageshack.us/img181/9596/photo28en6.jpg (http://imageshack.us)

[rorobsa]

موضوع رائع وانا نفسى تتكلموا عن فيلم the lake house

[love_story_boy]

موضوع مظبوووط تمام

شكرا ليك

[P.R.E.S.T.I.G.E]

موضوع رائع وانا نفسى تتكلموا عن فيلم the lake house

شكرا ليكى

lake house انا الصراحه مشفتهوش بس عارف قصته واسمع انه جامد

ان شاء الله هيبقى موجود معانا :glasses:

[P.R.E.S.T.I.G.E]

موضوع مظبوووط تمام

شكرا ليك

شكرا ليك يامان بس انت مقلتش رأيك فى الفيلم :glasses:

[HETLAR 2]

لماذا السينما الامريكيه بالذات


لانها فى اغلب انتاجها تحاول احترام عقل المشاهد على العكس من هنا مثلا


ماهو الغرض من الموضوع فى هذا القسم بالتحديد


محاوله تفسير تصرفات بطلى الفيلم هل هى منطقيه من وجهه نظركم


هل تعرضت انت شخصيا لهذه المواقف او بعضها


اتمنى ان يكون الموضوع مفيد

اولا موضوع اكتر من رائع و بجدشكرا عالية
و حكاية السينما الامريكية مشكلها مفيد بس في مناها بيعالج قضاية

و الفيلم دة زي فيلم ماتيجي نرقص شوية

هل كانت بيفرلى صبوره اكثر من اللازم ام كانت واثقه من قدرتها على عبور الموقف بسلام؟؟؟


هل تغير النزوات العابره حياه الانسان وشخصيته ؟

لاء هي ماكنتش صبورة بس هي ماكنتش عايزة تخرب ببيتها و مان التانية خلاص مسافرة

و شكرا ليك و عايزين تعرف حتنزل فيلم كل اد اية

[HETLAR 2]

العرض القادم



Next







http://img181.imageshack.us/img181/9596/photo28en6.jpg (http://imageshack.us)

وادي الفيلم عشان الناس تشوفو عشان يعرفو يتناقشو


منقول من love god



The Holiday (2006) DVDRip


http://www.megaupload.com/?d=MUPIHAF0
http://www.megaupload.com/?d=WHZOYBHW
http://www.megaupload.com/?d=C5PK3SZH
http://www.megaupload.com/?d=HD7JROU1
http://www.megaupload.com/?d=5F6SKXZN
http://www.megaupload.com/?d=3W6LQ43A
http://www.megaupload.com/?d=XODTB50O
http://www.megaupload.com/?d=4DMXWGN5


OR
The.Holiday[2006]DvDrip[Eng]-aXXo


http://rapidshare.com/files/46109643...p.aXXo.avi.001
http://rapidshare.com/files/46109636...p.aXXo.avi.002
http://rapidshare.com/files/46109573...p.aXXo.avi.003
http://rapidshare.com/files/46109673...p.aXXo.avi.004
http://rapidshare.com/files/46109566...p.aXXo.avi.005
http://rapidshare.com/files/46109607...p.aXXo.avi.006
http://rapidshare.com/files/46109590...p.aXXo.avi.007
http://rapidshare.com/files/46109581...p.aXXo.avi.008
http://rapidshare.com/files/46109469...p.aXXo.avi.009

[P.R.E.S.T.I.G.E]

شكرا ليك على رأيك والفيلم كل اسبوع



ومجهود حلو منك وضع الروابط عشان الناس اللى مشافتش الفيلم




مع انها مش شغاله




بس ياريت هيلارى تقولنا الكلام ده مناسب للقسم هنا ولا ايه ؟



شكرا ليك على المشاركه :glasses:

[P.R.E.S.T.I.G.E]

فيلم الاسبوع

the holiday


http://img175.imageshack.us/img175/8760/photo28xf9.jpg (http://imageshack.us)


البدايه صادمه ايريس (كيت وينسلت) تحب (كاسبر) زميلها فى صحيفه الديلي تلجراف

لكنها تعرف انه لايحبها بنفس القدر تقدم له هديه الكريسماس لكنه ينسى هديتها لتفاجأ

بعدها بثوان بخبر خطبته الى زميله اخرى

اماندا (كاميرون دياز) تواجه صديقها (ايثن) بخيانته وتصر ويعترف فى النهايه اماندا

تعمل فى مجال الترايلرز trailers للافلام تنشغل باعلان الفيلم القادم او تدعى الانشغال

بالرغم من اضطراب افكارها الواضح لزملاء العمل

بينما (ايريس) تفضل البكاء

من بلدين مختلفين(ايريس) و(اماندا) لكن ما جمع بينهما فقدان الحبيب فى نفس الفتره

تبحث (اماندا) فى الجوجل عن مكان تقضى فيه اجازه تدفن فيه احزانها لكنها وهى تبحث

تحاول ان تبكى فلاتستطع كما اتهمها صديقها السابق (ايثن) بانها لاتستطيع البكاء
كباقى النساء

تجد(اماندا) ضالتها بعد العديد من المحاولات فى كوخ صغير فى انجلترا وتراسل صاحبته ايريس على الشات

http://img178.imageshack.us/img178/108/photo27wv6.jpg (http://imageshack.us)

فى نفس اللحظه تترك ايريس الموقد بدون اشعاله وتتنفس الغاز لثوان فى محاوله هزليه

للانتحار فقط لتلوم نفسها على ذلك وتجد رساله جديده على الشات

انا مهتمه باستئجار منزلك

تتكلم ايريس عن اسئجار الكوخ لكن اماندا تقترح تبادل المنازل والسيارات

تسال اماندا هل يوجد رجال فى بلدتك فتجاوبها ايريس زيرو

يتم التبادل على اساس اسبوعين من اليوم التالى

http://img292.imageshack.us/img292/3667/photo26sq0.jpg (http://imageshack.us)

تصل لايريس رساله من كاسبر على الطائره يخبرها بعلمه بالاجازه يسالها عن كيفيه

الوصول اليها فتجيب انها بحاجه لتنسى حبه وسيكون من الافضل ان يتركها تحاول

تعجب ايريس بمنزل اماندا الواسع وتعجب اماندا بكوخ ايريس الدافئ الضيق

ليبدأ الغرباء فى الظهور

مايلز (جاك بلاك) يعمل مع اماندا فى وضع موسيقى الافلام لكنه يفاجأ بسفر اماندا عندما

يذهب لبيتها برفقه صديقته ماجى ويقابل ايريس لتشعر ان هناك شيئا ما سينمو بينهما

http://img292.imageshack.us/img292/7808/jackblack7vb4.jpg (http://imageshack.us)

تفاجأ اماندا بظهور جرام(جود لو) وتفاجا اكثر عندما تعرف انه شقيق ايريس ويتعارفان

وتتطور علاقتهما بسرعه ويدعوها للعشاء

http://img292.imageshack.us/img292/1964/photo09ve5.jpg (http://imageshack.us)

بينما كاسبر يتصل بايريس بحجه اخذ رايها فى بعض المقالات لكنها تسمع صوت خطيبته فتزداد مشاعرها تخبطا

تتعرف ايريس على جارها الرجل العجوز الذى يتضح انه كاتب سينمائى مشهور لكنه يفضل ان يعيش وحيدا

تهتم ايريس به وتصمم على ذهابه لحفله تكريمه لكنه يرفض دائما

اماندا وجرام متحابان الان لكن بالرغم من الوقت الجميل الذى يقضيانه معا الا ان فكره

انها راحله بعد 9 ايام تؤرقها لكنه لا يمنحها ردا قاطعا

http://img213.imageshack.us/img213/5708/photo17ut5.jpg (http://imageshack.us)

مايلز يزور ايريس ويبدأ الاهتمام المتبادل

http://img292.imageshack.us/img292/9006/photo18zc8.jpg (http://imageshack.us)

جرام ينقطع عن الاتصال باماندا فتذهب لبيته لتفاجا انه ليس بمفرده فى المنزل

لكن معه اوليفيا وصوفى ابنتاه الصغيرتان اللتان يدعواها للدخول ويرحبان بها

لتبدأ المفاجات انه ارمل ويقوم بدور الام ايضا وتجادله فى عدم اخبارها بالامر لكنه يرى

انه كان من الافضل عدم اخبارها لانها راحله

وينتهى الكلام بينهما بدون اى قرارات

http://img213.imageshack.us/img213/3600/photo02pn7.jpg (http://imageshack.us)

يكتشف مايلز ان ماجى تخونه فيشكو لايريس التى تصارحه بامرها مع كاسبر ويقدمان

النصائح لبعضهما ويؤلف مايلز موسيقى خصيصا لحفل الكاتب العجوز جار ايريس

وتتصل به ماجى لتراه فى صباح يوم الحفل فيذهب ويعد ايريس بحضور الحفل

تعود ايريس لمنزلها وتفاجا بقدوم كاسبر من انجلترا لها لكنه لايقول شيئا جديدا بل يرى

انه لا مانع من ان يحبها ويحب خطيبته فى نفس الوقت فتطرده ايريس وهى تشعر

بسعاده غامره لانها استطاعت ان تفعل ذلك

تذهب ايريس للحفل

http://img213.imageshack.us/img213/3996/katewinslet9vf1.jpg (http://imageshack.us)


ومايلز يخبرها بانتهاء حبه لماجى بينما تشعر بسعاده لانها اخرجت الرجل العجوز من

وحدته ومايلز يريد الذهاب معها لانجلترا

اماندا تبقى فى انجلترا مع جرام وابنتيه

لينتهى الفيلم بحفل فى بيت جرام بحضور اماندا و مايلز وايريس والطفلتان :glasses:

[lyonaids]

والله يا واد يا صافي انتا جيت في منطقة حساسة حيث انك جايب جود لو
حبيب قلبي واخويا وصديقي بس هو اللي سابني ومشي علي هوليود .:mdr: ههههههههه

استقبل بقي الرغي ده ..:

فيلم هوليداي ..فيلم يمكن يشوفة الناس متكرر وفكرته اتعملت عشرين مرة

وهو بصراحة الفيلم هادي جدا...ومفهوش اثارة ..لأ فيلم ناضج وكل صراعاتة داخل نفسيات الاطراف ..


الفكرة الاساسية هنا

ان ساعات بتبقي المشاكل العاطفية القديمة والانفصال .:
.سبب ودافع ..لدخول الشخص المنفصل ده والمكسور او المجروح في علاقة تانية
جديدة اصح واجمل وافيد ليه ويكون فيها الحب متبادل مش من طرف واحد

..

بيبقي الانفصال ..سبب للتجديد ومحاولة للخروج عن الروتين والبحث عن التغيير للأحسن طبعا

هنا في طرفين منهم (البطلتين ..) ....قررو بعد الحياة الروتينية دي ؟..: البحث عن مكان للراحة مؤقتا ..

ومحاولة الاستجمام ..وفعلا كانت المفاجأة ان كل واحدة بدلت مكان بيت التانية بدون اي تدبير ..

و كل واحدة لقت الشخص المناسب لها واللي ممكن يبادلو بعض مشاعرهم بدون مشاكل ..

اذن الصدف هنا والقدر بيلعب دور ولو مش في الحسبان ..وده اللي مش بنعمل حسابة عامة وسط التلاهي والانشغال بروتين حياتنا اليومي ,,


الفيلم دعوة للتجديد ..وكسر الروتين ..والبحث عن التغيير ..وعدم اليأس من الفرص الضائعة ..بل الأتجاة لأخري علها تكون افضل من سابقتها ...




أخبارنا الفنية انتهت ...طاب مساؤكم ..،:mdr: ههههههههههه




والله لو كملت مش هخلص انا بحب الواد ده يبني يا صافي وكل افلامة بعشقها يبني ..،

اختيار موفق وفي انتظار التالي ...،

سلام يا معلمي ..،:jap:





...

[HiL@Ry]

موضوع مميز كالعاده ...ومن حيث وضع وصلات الافلام ممكن تحط لينك موضوع الفليم ...طبعا اللينك يكون من موقع الديفيدى ...ههههههههه ..وربنا يوفقك دائما ( شريط الادوات عندى مش شغال )

[P.R.E.S.T.I.G.E]

شكرا ياهيلارى على التثبيت

بالتوفيق ليكى وفى انتظار عودتك قريبا

[amour whatever]

موضوع لذيذ

[P.R.E.S.T.I.G.E]

فيلم الاسبوع

Finding Neverland


http://img180.imageshack.us/img180/9030/findingneverlandbigpostgs9.jpg (http://imageshack.us)





جيمس بارى(جونى ديب) كاتب مسرحى واسع الخيال لكن بدايه الفيلم لاتبشر بذلك ربما لان عرضه المسرحى الاول فشل فشلا ذريعا او ربما لان زوجته تضايقت من عدم حضوره لكنه موهوب

وموهبته هذه محل ثقه من المنتج الاساسى له تشارلز فرومان (داستين هوفمان)

نتجه معا لنتعرف على بيت جيمس من البدايه نعرف انه يعيش فى منزل ارستقراطى ويظهر ذلك غالبا فى تصرفات زوجته وحماته بالاضافه الى كونه ينام فى غرفه منفصله عن زوجته

يخرج جيمس مع كلبه الى المتنزه يحاول التأمل...ويتعرف على طفل جميل يلعب مع اخوته بطريقه اكثر من رائعه فيقدم له عرضا وهميا يأخذه فيه ونحن معه الى عالم من الخيال الممتع


http://img522.imageshack.us/img522/2869/freddiehighmore9uk3.jpg (http://imageshack.us)


يتعرف جيمس على سليفيا (كيت وينسلت) وهى ام الاطفال لكن مايجذب انتباهه اكثر من سيلفيا هو بيتر ابنها المنغلق على نفسه وتتطور علاقه جيمس بالاطفال الذين احسوا بمشاعرهم الطفوليه انهم

وجدوا من يستطيع تعويضهم عن اباهم الذى رحل منذ سنوات


http://img170.imageshack.us/img170/8773/johnnydepp3zl4.jpg (http://imageshack.us)


http://img170.imageshack.us/img170/5901/photo06ks3.jpg (http://imageshack.us)



يذهب اليهم جيمس عده مرات للعب مع الاطفال

http://img170.imageshack.us/img170/4599/johnnydepp2zf6.jpg (http://imageshack.us)


وفى احدها تقابله ام سيايفيا لتخبره انها لاتريد صدقته عليهم خاصه بعد ان انتشرت الاقاويل فى المدينه عن علاقه مريبه

ولم يقف الامر عند ام سليفيا بل ايضا زوجته سمعت بتلك الاشاعات المؤسفه

لكن جيمس رغم كل ذلك لايرى انه يفعل خطأ

لكن مايحزن جيمس فعلا هو بيتر خاصه بعد ان اتهمه بالكذب ومحاوله احتلال مكان ابيه المتوفى

وفى خلال ذلك ينجح جيمس فى كتابه مسرحيته الجديده ويدخل فيها حركات بسيطه لكنها مبهره تنال اعجاب واستحسان الجمهور

لكن جيمس حزين لان سيليفيا لم تحضر لشده مرضها فيذهب الى بيتها ليقدم لها وللاطفال مسرحيته الجديده بمجرد انتهاء العرض فى مشهد رائع



http://img210.imageshack.us/img210/994/freddiehighmore7ip0.jpg (http://imageshack.us)

خلال العرض المنزلى ينطفئ مصباح فى اشاره لموت سيليفيا لكن خيال جيمس الواسع يأخذ الاطفال الى عالمه الخاص فى تلك اللحظه (عالم نيفرلاند)

هل تعلمون اسم المسرحيه..........انها بيتر بان

نرى بعد ذلك اروع محاثات الفيلم فى المتنزه بين جيمس وبيتر عن موت سيليفا وعالم نفرلاند

http://img170.imageshack.us/img170/3771/freddiehighmore10al4.jpg (http://imageshack.us)


تعليق

فيلم رائع جدا يروى قصه حقيقيه عن كاتب روايه بيتر بان السير جيمس بارى

طبعا هو اساس الفيلم الخيال لكن واقعيه الخيال ده تخليك تسال نفسك

ليه دايما نظره الناس للعمل الخيرى مثلا ان وراه حاجه مريبه وظهر ده جدا فى الاشاعات الى طلعت على جيمس وسيلفيا ؟

هل الخيال دايما هو المخرج لظروف نمر بها زى جيمس اللى كان واضح انه مش مبسوط مع زوجته عشان كده ادى تفكيره كله للاطفال؟

فكره سيطره المظاهر البراقه على تصرفات الناس طرحها الفيلم خصوصا عندما دعى جيمس سيلفيا واطفالها للعشاء فى منزله مع زوجته وامه

فى النهايه ارى انه فيلم واقعى جدا عن نوايا الانسان وتعارض اهدافه مع اهداف الاخرين

[dina_246]

انا مشفتش الفيلم بس نظرة الناس دايما واحدة وبالذات فى مجتمعنا كتير بنشوف حالات زى كدة واكترهم هى حالة الفيلم ان ارملة بعد وفاة زوجها تجد من يساعدها من اجل اطفالها ولكن الواقع بيقول ان لازم حد يساعدهم ومينفعش نقول ان طالما فى حد بيساعدهم يبقى ليه غرض من وراء دة غير عمل الخير
بالنسبة لخيال البطل وتعامله مع الواقع باستخدام الخيال فانا مع النقطة دى فى الحياة عامة
لو قدر كل واحد يخرج نفسه بره مشكلته ويتخيل انها فيلم بيتفرج عليه هيقدر يلاقى اكتر من نهاية .......
وشكرا على المجهود

[P.R.E.S.T.I.G.E]

انا مشفتش الفيلم بس نظرة الناس دايما واحدة وبالذات فى مجتمعنا كتير بنشوف حالات زى كدة واكترهم هى حالة الفيلم ان ارملة بعد وفاة زوجها تجد من يساعدها من اجل اطفالها ولكن الواقع بيقول ان لازم حد يساعدهم ومينفعش نقول ان طالما فى حد بيساعدهم يبقى ليه غرض من وراء دة غير عمل الخير
بالنسبة لخيال البطل وتعامله مع الواقع باستخدام الخيال فانا مع النقطة دى فى الحياة عامة
لو قدر كل واحد يخرج نفسه بره مشكلته ويتخيل انها فيلم بيتفرج عليه هيقدر يلاقى اكتر من نهاية .......
وشكرا على المجهود


فعلا يادينا دى مشكله ممكن متكونش باينه اوى بس بنشوفها بردو واهم مصدر ليها الاشاعات طبعا

بس انا مفهمتش اوى اخر حته فى كلامك بتاعت اكتر من نهايه :glasses:

شكرا ليكى ونورتى الموضوع

[دلبييرو]

موضوع فوق الراءع وعلى فكرة احلى حاجة انتى عملتها انك ربط الفيلم بالواقع انتا ممكن متكونش عملت كدا بس على فكرة قصة الفيلم دا موجودة

[msism1988]

موضوع قمة فى الروعة

ولى عودة للحديث معكم فى مناقشة هذه الأفلام