★█████████ ثــــــ،ـــــورة الـــبــنـــ،ــــات █████████ ★

[lyonaids]

:diablo:


أميرة فودة تتحدث اليكم ...: :42:









مش عارفة

ليه الكل

فاكر ان المجتمع البناتي ..



مجتمع تافه وهايف ودماغة فاضية !!!:31:













اعتقاد أن البنات ما وراهاش حاجة غير الكلام فى الموضة وتسريحات الشعر والماكياج

و مين عاكسنى ومين بصلى مين هايموت ويكلمنى ..http://www.dvd4arab.com/images/icons/icon10.gif





وان فيه جزء منهم بيتوتى يعنى مالهوش غير فى شغل المطبخ والقعدة أمام التليفزيون وحفظ الاغانى والافلام..


ومين قال ايه ويقصد ولا مايقصدش ..:thumbdown:







طبعا أنا مابتكلمش عن المرأة المصرية لانى عارفة انكم هتقولوا دى واخدة حقها تالت ومتلت


وليها دور فى البرلمان وبقيت وزيرة وعضوة فى الاحزاب وكمان ممكن تخلع وتطلق زى ماهى عايزة..:he:






لكن أنا بتكلم عن البنت المصرية اللى لسه مشافتش دنيا المرمطة


واللى الكل بيبصلها على انها كائن ضعيف مسالم وممكن يستغل بسهولة ويسلم برضه بسهولة..

يعنى مش أكتر من انها سمكة ممكن اصطيادها بطعم مناسب وجذاب..

وبعدين شويها وأكلها بالهنا والشفا " احتمال "

بس اللى أكيد ان مش كل البنات راكدين فى الميه ولو طلعوا منها يموتوا..


ــــــــــــــــــــــــــــــــ


فيه بنات كتير عايشين على الارض وشايفين الدنيا وفاهمين قطارها ماشى ازاى ومحطاته فين .. :whistle:


ودول بنات ذكية وبتفهم, بيشوفوا من بعيد لبعيد وبيتعلموا من بعيد بدون مايقربوا للخط الاحمر..


بس للأسف الناس برضه بتبصلهم على انهم متحررين وعارفين اللى فيها وبتعتبر ذكائهم نوع تانى ممكن يستغل أسوأ استغلال

علشان كده تلاقى الناس بتتعامل مع النوع ده من البنات ببجاحة وبأقصر الطرق وده باعتبار ان ذكاءهم هايخليهم يمشوا أمورهم..



ــــــــــــــــــــــــــــــــــ



وفيه بنات بقى بتجيب من الاخر لانهم عارفين ان مهما عملوا
ومهما راحوا موصومين بوصمة انهم بنات فى مجتمع الولد




واللي فيه هو بس اللى من حقه يعمل أى حاجة ويقول اللى هو
عايزه من غير ماحد يعلق , والغريبة ان لسه فيه ناس لحد
دلوقتى بتردد جملة " دا ولد وهو حر مفيش حاجة هاتضره " .








أما البنت فلازم يقفولها على الوحدة ويراقبوا تصرفاتها
وقالت ايه ولمين وكانت واقفة بتتكلم وهى بتضحك ولا وهى مكشرة


ده باعتبار ان البنت لما تضحك أو تبتسم وهى بتتكلم :
تبقى خرجت عن حدود الادب وتبقى بترسم وبتعيش الدور..






ولو اتكلمت وهى مكشرة تبقى برضه بترسم دور الادب والبنت اللى عايشة حياتها جد..

وياما تحت السواهى دواهى وراء التكشيرة دى أكيد فيه مليون سر وسر..


أما بقى لو البنت هادية بطبعها أو رقيقة يبقى يا سلام على السهوكة والرسم اللى على تقيل



ويبقى هما دول البنات اللى نافعة واللى بتحاول تمشى أمورها بالصوت الهادى والمياصة والسهوكة..











ايه فى ايه؟! خلاص خنقتونا لاكده عاجب ولاكده عاجب ساكتين وحشين بنتكلم برضه وحشين..

وفى الاخر هنفضل فى نظر الناس حبة بنات تافهة وهايفة مهما عملنا


والحل الاكيد ان كل بنت تعيش زى ما هى عايزة
وميهمهاش أى حد ولا كلام الناس كده كده بيتكلموا بسبب أو من غير سبب يبقى مفيش فايدة من خوفنا..

ومافيش أحسن من التنفيض وتكبير الدماغ للكل.

. مش احنا بنات هايفة..???





أوكى احنا راضيين بس ماحدش بقى يحاسبنا..

وأهى هيافة بهيافة.. المهم نعيش مبسوطين مش مقهورين.:sarcastic:









..

[lyonaids]

المقالة دي اتنشرت في الدستور بتاريخ 25 /1 /2006 ..

و كلامها كله بالنص بقلم الأنسة.::41:


أميرة فودة :thumbdown:


عايزين رأي الناس في الكلام ده :thumbdown:


..عن نفسي شايف ان نصه صح ..:whistle:


وحبة حاجات تانية لا تعليق عليها غير:

انها سايكو ..!! (ترالاللي يعني http://www.dvd4arab.com/images/icons/icon10.gif)

[koky25]

والله يا ليو هي عندهاحق في حاجات كتييييييير

بس انا شايفة ان المسئوليه كلها بتقع على البنت نفسها وشخصيتها

يعني انتي بنت متعلمة ومثقفة ليكي كيان وشخصية

مش من المفروض ابدا انك تستسلمي لتقاليد وعادات اسمحلي اقول عنها انها من احط واغبي واحقر ما يكون

انا شايفة ان البنت الصح اللي بتعمل الصح والمحترمة متخفش ومتترددش

للازم تحارب عشان تنال حريتها واستقلالها الصح

مشكووووووور يا ليو موضوع رائع كالمعتاد

[elazazy]

السلام عليكم ورحمه الله وبركاته

هو احسن رد للوليه دى غير انها لاسعه :)

كبر ياعم

المهم انت ايه اخبارك عشان وحشنى وربنا

ابقى ابعتلى ايميلك تانى عشان مش لاقيه :(

سى يو يا جمييييييييييل

[tabekh]

لا عزاااااااء للنساء

[amr_elsharkawy]

انت اية رايك يا ليوناديز......................؟

[tabekh]

احــــــــــــم احـــــــــــــم
شوف يا ليو يا اخويا ... مش هقولك موضوع متميز واكذب عليك
لانه بيزيد اشتعال فى منطقه مشتعله منذ القدم
ولكن ....
انا بهنيك على الصوره اللى موجوده فى الموضوع بجد :rofl:

وياريت المواضيع اللى بتناقش نفس المشكله دى تبقى موثقه يالصور :he:

اهو علشان نلاقى حاجه تستاهل تعليق ونكون بعيدين عن المنطقه اياها

[™Mo7aMMeD SaLeM]

الـــــــــــــــــــــــو إفتـــــــــــــــــح السكـــــــــــــــــــة ....

إحــــــــــــــــــم ودستور يا سيدنـــــــــــــــــا ....

تعالى هنا كده ... :slap:
بص يا ليو يا ابنى ....


البنت الملتزمة بدينها ومتمسكة باللى إتربت عليه ( الصحيح منه يعنى ) ....
أكيد هيا دى البنت اللى هاتفرض على جميع الناس وأولهم (التخين ) إحترامها وعدم التلسين عليها بأى حاجة ...:questionmark:

الالتزام ده اكتر شىء يحفظ البنت من كل الكلام ده ... لان الملاحظ فى المقال إنه مجرد تعابير عن ( كلام الناس وتعليقاتهم على تصرفات البنات ) ....

وكمان الموضوع شائك والناس بتتكلم فيه منذ أمد بعيد يعنى من 10 ... 20 سنة كده ...

ومش بقصد البنات بس ...
لاء أعتقد إنك سمعت عن كل اللى إتقال على الشباب وتفاهتهم وإنهم جيل لايعتمد عليه ...
أعتقد إن لو حالة التهديم العامة اللى حاصلة فى كل جانب من جوانب الحياة المصرية ...

ستوجد مشكلة كبيرة جدا فى مصر أكبر من اللى حاصل .... :41:

بشكرك بجد يا ليو لانك بتمس مواضيع حساسة ... فى المجتمع المصرى .. بجانب تحيتى على الصبغة الكوميدية ... التى تغلف مواضيعك .... 0

:clap::clap:
وشكرا يا ليو

مع خالص تحياتى
وفى رعاية الله وأمنه ..

محمد

[Demeter]

والحل الاكيد ان كل بنت تعيش زى ما هى عايزة وميهمهاش أى حد ولا كلام الناس كده كده بيتكلموا بسبب أو من غير سبب يبقى مفيش فايدة من خوفنا.

التنفيض وتكبير الدماغ للكل مش احنا بنات هايفة..???


أوكى احنا راضيين بس ماحدش بقى يحاسبنا..
وأهى هيافة بهيافة.. المهم نعيش مبسوطين مش مقهورين.:sarcastic:



هى دي حكمه الموضوع.....

بس مش كل الناس دلوقتى بتبص على البنت من المنظور ده... فى ناس برده مخها كبير

فى اللى بيبص على ان البنت انها كائن طفيلي زائد عن الاحتياجات البشريه... و فى اللى بيبص على انها كائن يعيش و يتعايش

من الاخر يعني... كل واحد يعيش بالطريقه اللى تريحه...

[2ouza]

انا على فكرة على طول متابعة مواضيعك قبل ما اسجل هنا في المنتدى يا ليو لانها بتعجبنى جدا
بجد كلهم جامدين اوى
مرسي

[im lover]

متالق دائما بمواضيعك يا ليو

موضوع جميل ..

بالتوفيق باذن الله ..

[romanza]

الحل الاكيد ان كل بنت تعيش زى ما هى عايزة
وميهمهاش أى حد ولا كلام الناس كده كده بيتكلموا بسبب أو من غير سبب يبقى مفيش فايدة من خوفنا..

ومافيش أحسن من التنفيض وتكبير الدماغ للكل.

دي تمام بس مش زي ما هي تقصد

بمعنى

هي ليه حاطة في دماغها أوي كده ومين قال ومين عمل

السيئة تعم وفيه فعلا بنات كتير هايفة

عشان كده كل واحدة تخليها في نفسها وتثبت نفسها وشخصيتها
ويبقى عندها ثقة في نفسها بغض النظر عن مين بيقول ايه



. مش احنا بنات هايفة..???





أوكى احنا راضيين بس ماحدش بقى يحاسبنا..

وأهى هيافة بهيافة.. المهم نعيش مبسوطين مش مقهورين.


واسعة دي شوية

وأنا ليه آخد الكلام بتاع بنات هايفة على نفسي واتصرف على أساسه؟؟

ومين أساسا يهمني رأيه ده لما يقول كده عشان اتصرف على أساسه؟؟

يعني ليه كلام الناس بالأهمية طالما أنا واثقة في نفسي وعارفة اني مش هايفة ؟؟؟



يعني خلينا نقول المجتمع عبارة عن حلقات

كل حلقة ليها طبعها وصفاتها الشخصية

ليه أنا اروح أحط نفسي جوة الحلقة اللي بيتقال عليها بنات هايفة

هما فعلا هايفين

طيب ليه انا احط نفسي في وسطهم وأدافع مثلا؟؟؟

بصراحة أنا مش معاها

وفي نفس الوقت مش مع تعميم الوصف على كل البنات

وإذا كان فيه تعميم
فده مش هيضرني بشيء طالما انا عارفة نفسي والناس اللي حوالية عارفني

[lyonaids]

شكرا يا جماعة لآرائكم ومروركم الجميل .
وأسف للتأخير..
كل سنة وانتو طيبين ..، ..،

[Wanna Help]

فيه بنات كتير عايشين على الارض وشايفين الدنيا وفاهمين قطارها ماشى ازاى ومحطاته فين ..



ودول بنات ذكية وبتفهم, بيشوفوا من بعيد لبعيد وبيتعلموا من بعيد بدون مايقربوا للخط الاحمر..



بس للأسف الناس برضه بتبصلهم على انهم متحررين وعارفين اللى فيها وبتعتبر ذكائهم نوع تانى ممكن يستغل أسوأ استغلال


علشان كده تلاقى الناس بتتعامل مع النوع ده من البنات ببجاحة وبأقصر الطرق وده باعتبار ان ذكاءهم هايخليهم يمشوا أمورهم..

يا ليو بيه......أنا هاعلق علي النقطة دي بس مش أكتر.......
لو انت بتقصد البنات اللي هما لابسين من غير هدوم وبيقولوا علي نفسهم محترمين وكلام من دا.......وان دي حريه وكدا......لا مؤاخذة مش احترام دا خالص خالص.......دي قلة أدب وفهم خاطئ للحرية مش أكتر.....
شكرا ليك يا ليو يا جامد ومستنيك تشارك في موضوع القناوت دا.....الموضوع سخن أوي والعمالقه يتناقشون فيه وعاوز رأيك فيه لأنه مجالك تقريبا....

[boshkash88]

السلام عليكم ورحمة الله وبركاته

إزيك يا ليو .... فينك يا راجل بقالك زمن ما بنشوفكشى (أى كلام) مجرد بداية

بصراحة مواضيعك من كتر ما هى هادفة الواحد ما بقاش عارف ....

(يودى الجون فين):he:

قصدى الواحد ميقدرش يدخل ويقرأ وما يسيبش رد

المشكلة يا إستاذى الفاضل إن فى شوية ناس ودول كتير جداً

مش فاهمين نقطة بسيطة جداً وحساسة جداً

إن الراجل كائن وإنسان .... وله صفات ومتطلبات وقيود وحقوق وقوانين

وأن المرأة أو البنت كائن وإنسانة .... ولها صفات ومتطلبات وقيود وحقوق وقوانين .... أخرى ... تختلف عن الرجل

وذلك لأن المرأة ببساطة شديدة ليست رجل وبالتالى لا يجوز أن ننادى بالمساواة

لأن دى كلمة غلط ولكن يجوز أن ننادى بأن يحصل كل الأفراد على حقوقهم

لا أن يتساووا لأن ده ما ينفعش والعملية مش عافية وخلاص

وبعدين عملية الرقابة الشديدة الزيادة شوية لتصرفات البنت

ما هى إلا فى الأول والآخر صيانة لها وحفظ لها برضه هى مش عند وخلاص

خلاص كفاية كده علشان أنا تعبت نبقى نكمل كلامنا بعدين

وإبقى إسأل يا ليو مش تسافر وتنسانا (أى كلام برضه) مجرد نهاية !!!

[ايجيبشناوى]

انا عن نفسي شايف ان البنت المحترمه بتجبر كل الناس على احترامها يعنى مثلا اى شاب ممكن يهزر مع بنت بطريقه معينه وفى نفس الوقت ما يقدرش يهزر بنفس الطريقه مع بنت تانيه ليه لان دى حاطه لنفسها حدود ومعرفه الناس حدودها وبتجبر الناس على احترامها...

وكلمه اخيره..

يا ريت ما ننشغلش اوى بكلام الناس ونظرات الناس لان الناس اصلا ما بتبطلش كلام...

وشكرا يا ليو على الموضوع المتميز زى كل مواضيعك...

[M!ĐǾNH0]

ايه ياعم ليو الخبره ف البنات دي ياولد
ع العموم الدنيا فيها وفيها ربنا يرزقنا بواحده بنت حلال كدا كويسه

[eng_omar_1]

تعليق وحيد

عندما تكتب المرأة...........اللاسعة!!

[شيشه تفاح]

موضوع طويل اوى

مش عندى مزاج ارد

لما مزاجى يتصلح هجليك يا دميل