mralberto
02-03-2008, 01:51 PM
الأخوة الخبراء في الموبايلات امبارح شفت واحد بيشتري موبايل صيني مش عارف أقول لكم ايه عن مميزاته لأنها بجد ممتازة و به تليفزيون و شغل عليه القنوات قبل ما يمشي من المحل ده غير صوته الجبار إللي يسمع شارع بحاله ده غير إنه نقي خالص ده غير برضه سعره الخيالي تخيلوا ده كله بـ 1150 جنيه بس أنا عايز أشتريه بس إللي خايف منه إنه صيني و خايف يشتغل شهر و بعدين مينفعش حتى حصالة للفلوس فياريت لو فيه حد جرب الأنواع الصيني دي أو يعرف حد جربها يقول لي إيه ظروفها في الشغل عليها و بتعيش و لا لأ ؟؟ و ألف شكر ليكم كلكم