دعوة لحضور التجمع الأول فى تاريخ منتديات المصارعه (أعضاء ومشرفين) بالاسكندرية

[®MATRIX]

بسم الله الرحمن الرحيم
السلام عليكم ورحمة الله وبركاته

إن شاء الله هايكون التجمع للأعضاء والمشرفين ولأعصدقاء منتديات المصارعة سواء كانوا مشرفين أو أعضاء والتجمع وهايكون فى مدينة الأسكندرية عروس البحر الأبيض المتوسط

الميعاد هايكون يوم الجمعة 14 مارس لمشاهدة مباراة الأهلى والزمالك فى كافتيريا قصر الشوق بجرين بلازا
وإن شاء الله الأهلى يفوز على الزمالك :whistle::2:
فسريعاًَ كدا سجل حضورك فى الموضوع ده :whistle::2:

ومفيش أعذار واللى هايقول ورايا ظروف أو أى حاجة يفضى نفسه

وأنا أهو أول واحد يسجل حضورة لأنى راشق فى أسكندرية من هنا ورايح

منتظر تأكيد الحضور من الجميع (أهل الأسكندرية والقاهرة وباقى المحافظات )

وفى المشاركة التالية هاقول برنامج التجمع وميعاد ومكان التجمع

[®MATRIX]

أول التجمع هايكون الساعة 2العصر بعد صلاة الجمعة فى محطة الرمل وتحديدا أمام تمثال سعد زعلول فى محطة الرمل الموجود فى الصورة التالية

http://img137.imageshack.us/img137/4654/12nv8.jpg

بعد مانتجمع كلنا نذهب لمحمد أحمد نتغدي فيه وناكل أكلة تمام
بعد مانخلص أكل نروح نقعد على أي كافتريا حتى نذهب لجرين بلازا الساعة 4 المغرب وتحديداًَ لكافتيريا قصر الشوق وهى كافتيريا جميلة كنت حضرت فيها نهائى كأس الأمم الماضى فى أخر تجمع مع المشرفين الأعزاء

وللمشرفين وألأعضاء الأعزاء القادمين من المحافظات الأخرى
هاقولكم على وصفة سهلة خالص
أنتوا هاتروحوا طبعاًَ على الموقف الكبير
هاتركبوا ميكروباص للمنشية ونقولوا للسواق نزلنا فى محطة الرمل
هاتلاقوا تمثال سعد زعلول فى وشكوا أول ماتنزلوا محطة الرمل
بس
والناس اللى هاتيجى بالقطر .. ياخدوا من محطة مصر تاكسى لحد محطة الرمل (بجوز جنيهات 2 جنية بس)
والناس اللى هاتيجى عن طريق الأتوبيس المكيف وهاينزلوا سيدى جابر
يركبوا الترام لحد محطة الرمل وهايلاقوا تمثال جدو سعد وراهم على طووول.
بس ياسيدى أنت وهو

أما بالنسبة للناس اللى عايزة تيجى على الماتش على طول
فهاينزلوا من المواصلة اللى وخداهم من محافظتهم مدخل سموحة وبعدين ياخدوا تاكسى لحد جرين بلازا (2 جنية) وتكون كارم السواق كمان

وياريت ياجماعة متتأخروش عن الساعة 4 لأن الماتش الساعة 6

منتظر تأكيد الحضور من جميع المشرفين والأعضاء الأعزاء

بس معلش ياجماعة الحديث فى الأمور فى المنتدى هايكون محدود جداًَ لأن أنا شخصياًَ لا أستطيع أن أبوح بالأمور الأشرافية إلا بحدود.

تحياتى.

[MIRO_89]

ممكن تحجزلي تذكرة سفر في اليوم ده صد رد ارجع اخر النهار

كان نفسي اكون معاكو بس للأسف مفيش نصيب

بس مش كنت خليت التجمع في القاهرة يامحمد ؟؟؟ عشان سهول الوصول لأعضاء المحافظات وكدة

[®ABU MARIAM]

بجد احنا لسه فيها ممكن نشوف ونقرر الافضل والرأى لماتريكس ههههههه
انا موافــــق على الاسكندريةان شاء الله
وهاجى ان شاءالله ويارب مايكون فى ظروف يارب عشان طبيعة شغلى مختلفة شوية
لانى نفسى اتعرف معكم عن قرب وده شرف لى

[®MATRIX]

ميرو أنا ابعتلك طيارة خاصة بوينج 757 تاخدك أنت و باقى الأعضاء المصرين والأمارتين
انا بينى وبينك قولت تجمع أسكندرية علشان ناس كتير وانا منهم مش بيحبوا تجمعات القاهرة
ولو فيه ناس معترضة على المكان ممكن يعملوا تجمع مع نفسهم ويكون المكان القاهرة زي ماهم عايزين.

تحياتى.

[MIRO_89]

وانا في انتظار الطائرة

بس طبعا يكون احلى لو كل الاعضاء اتجمعوا في مكان واحد هيكون احلى

[®MATRIX]

مهو إن شاء الله ياميرو كل الأعضاء والمشرفين هاتتجمعوا فى مكان واحد.

[WWE_CHAMPION20]

يعنى كنت تقول امبارح والله كنت جيت
بس انا وعدت ناس انى هسافر لهم يوم 10 يا خسارة والله بس برؤدوا هحاول
ولو كان ف القاهرة كان بقى احسن اهو الواحد عارفها اكتر م اسكندرية
ع العموم هحاول انا من المنوفية
واتمنى يا ابو مريم انى تعطى العضو ماتريكس شهادتين 3 بسبب فكرتة
لانى كنت بفكر نفس الفكرة
وكنت هعمل دعوة للناس ييجوا عندى عشان يشوفو الرسلومانيا ع التليفزيون
اصل هشوفها على الشو تايم على الشو سينما
وهشتريها باذن الله

[WWE_CHAMPION20]

عاجبنى توقيعك اوى يا استاذ ميرو انك بتتعذب عشان الديفيدى واقع
مش اكتر منى انا الديفيدى بردوا واقع عندى ولسة فاتح حالا
دا غير ان النت كان باز بس الحمد لله اتعدل

[®MATRIX]

بجد احنا لسه فيها ممكن نشوف ونقرر الافضل والرأى لماتريكس ههههههه
انا موافــــق على الاسكندريةان شاء الله
وهاجى ان شاءالله ويارب مايكون فى ظروف يارب عشان طبيعة شغلى مختلفة شوية
لانى نفسى اتعرف معكم عن قرب وده شرف لى

ممممممم
طب انا هاتبهدل كدا وانا قلتلك ليه هههههه
بس ماعلينا
احنا أتفقنا أن التجمع يكون فى أسكندرية خلاص
وأكيد لينا الشرف نشوفك ياغالى ومتنساش تجيب خطيبتى مريم معاك بقا من حقها تشوف اللى هايبقى عريسها كمان 18 سنه هههههههه

[®MATRIX]

يعنى كنت تقول امبارح والله كنت جيت
بس انا وعدت ناس انى هسافر لهم يوم 10 يا خسارة والله بس برؤدوا هحاول
ولو كان ف القاهرة كان بقى احسن اهو الواحد عارفها اكتر م اسكندرية
ع العموم هحاول انا من المنوفية
واتمنى يا ابو مريم انى تعطى العضو ماتريكس شهادتين 3 بسبب فكرتة
لانى كنت بفكر نفس الفكرة
وكنت هعمل دعوة للناس ييجوا عندى عشان يشوفو الرسلومانيا ع التليفزيون
اصل هشوفها على الشو تايم على الشو سينما
وهشتريها باذن الله

طب والله فكرة حلوة نشوف الراسيلمنيا مع بعض بس تكون فى أى بلازا مثلاًَ
مهو انا برضه بشوف العروض المشفرة مباشر بس تبقى حلوة نشوفها فى مكان مفتوح كافية مثلاًَ بس المشكلة أنها بتبقى 3 الصبح وبتنتهى 6.30 والتوقيت ده بيبقى مشكلة للناس المسافرة بس عن نفسى لو التجمع فى أسكندرية الوقت مش هايبقى مشكلة لكن لو القاهرة فعن نفسى مستحيل أجى
عموما هانبقى نشوف وقتها
وانت شوف ظروفك من 10 الى 14 أربع ايام بحالهم يعنى من السهل تيجى.

[Mr_Ahmedvip4u]

أتمنى هذه المرة بشدة أن أتـواجد معكم يامحمـد ،،
لكن الله أعلم ظروفى هتكـون إيه ؟
كمان انا داخل على شغل جديد ..إدعيلى !!
خير خير.. إن شاء الله مبدئيا أسجل حضورى ..
وإن شاء الله هتابع معاك الموضوع
وربنا يسهل وأقدر أحضر .. بجد أتمنـى !!

[®MATRIX]

لا ياخويا متهزرش وتقول اتمنى وظروفى والكلام ده
هازعل منك لو مجتش يااحمد أمال مين اللى هايبقى المراسل الأخباري بتاعنا هههههه
وربنا يوفقك فى شغلك الجديد يابو حميد
بس برضه هاتيجى ، شكلك زملكاوى ههههههه
منتظر تأكيدك للحضور.

[WWE_CHAMPION20]

طب والله فكرة حلوة نشوف الراسيلمنيا مع بعض بس تكون فى أى بلازا مثلاًَ
مهو انا برضه بشوف العروض المشفرة مباشر بس تبقى حلوة نشوفها فى مكان مفتوح كافية مثلاًَ بس المشكلة أنها بتبقى 3 الصبح وبتنتهى 6.30 والتوقيت ده بيبقى مشكلة للناس المسافرة بس عن نفسى لو التجمع فى أسكندرية الوقت مش هايبقى مشكلة لكن لو القاهرة فعن نفسى مستحيل أجى
عموما هانبقى نشوف وقتها

وانت شوف ظروفك من 10 الى 14 أربع ايام بحالهم يعنى من السهل تيجى.


والله هحاول بجد انى اجى
ربنا يسهل

[Mr_Ahmedvip4u]

ههههههه والله يامحمد أنا نفسى فى الصحبة الحلوة دى ،،
كمان أنا عاشق لحاجة إسمها إسكندرية
فما بالك بتجمع زى ده وكمان فى إسكندرية ،،
صدقنى والله هحاول وأتمنى أنى أكون موجود ،،
وهبقا المراسل الإخبارى ياعم هههههههههه ..
أنا بحب الأهلى وبشجع الزمالك أحيانا بس أنا محااااايد ..
إن شاء الله لحـد يوم التجمع تكون الأمور على ما يرام وأقدر أتواجد ..

[WWE_CHAMPION20]

طب ممكن زى ما قلت يا ماتريكس
نعمل التجمع ليلة الرسلومانيا
وبردوا ف اسكندرية ومش مهم السفر بالنسبة لى
بس نشوف الباقى

[®MATRIX]

أحنا حددنا الميعاد خلاص ياغالى مينفعش نلغيه !
ممكن نبقى نعمل تجمع تانى يوم الراسلمنيا وخصوصا أنها فى نهاية الشهر.

[WWE_CHAMPION20]

خلاص ماشى
بس عايز الناس ال هتروح تقول انها رايحة

[®ABU MARIAM]

ان شــــاء الله ننوى الخير وربنا يسهل وهتكون كل حاجة سهلة ان شاء الله

[MAN-UTN]

كان نفسي اكون معاكم والله

بس للاسف مقدرش واكيد انت عارف السبب يا ماتركس

شفلي حل بقى هههههههه

اه انا حملت السلسه ومشتغلتش ياريت تساعدني انا مستنيك

[xXxdeshxXx]

ههههههههههه قصر الشوق تاني يا محمد

طب ما تعمل تغيير المرة دي

وخليها الفيشاوي زي ما كان

بس تحجز بقي من بدري يا جميل

واوعي تجيب حد زملكاوي معانا لحسن تبقي مجزرة

وانا مقدرش اقول اني رايح من دلوقتي

والي فية الخير يقدمة ربنا

[WWE_CHAMPION20]

انا اهلاوى واتمنى عدم حضور الزملكاوية عشان بيصعبوا علية

[WWE_CHAMPION20]

انا بهزر يا جماعة وبلاش نقلبها ا هلى وزمالك
ولا ابو مريم هيقفل الموضوع ويحول ماتريكس للتحقيق وغرامة خمسين قرش ههههههههههههههههه

[MIRO_89]

ههههههههه متقلقش ياباشا لو حد هيتوقف هيكون انت والغرامة هتكون كبيرة

انا متضايق ان كل الناس بتقول مش هتقدر ياجدعان التجمعات دي مبتتعوضش وبالنسبة لأهل القاهرة يتفقوا على مكان يتقابلوا فيه ويسافروا مع بعض احسن

[WWE_CHAMPION20]

لاء خلينا كلنا ف مكان واحد احسن
ويا سلام لو وسط الدلتا هو داة المنتصف بتاع الكل
يعنى شبين الكوم ومتخافوش المشاريب على حسابى
بس انتوا ال هتاكلونى ههههههههههههههههههههه

[®ABU MARIAM]

ارجوكم ياشباب عدم الخوض فى اهلى وزمالك لان التحذيرات شديدة فى هذا الامر حتى لو كان بضحك

وانت ياعبد الحميد الغرامة خمسين قرش طب قول جنيه ههه

[khaledbebo9]

شكرا يا باشا على الفكره الممتازه بصراحه..
بس يا ترى استاذ وليد حا يحضر

[Mr_Ahmedvip4u]

لاء خلينا كلنا ف مكان واحد احسن
ويا سلام لو وسط الدلتا هو داة المنتصف بتاع الكل
يعنى شبين الكوم ومتخافوش المشاريب على حسابى
بس انتوا ال هتاكلونى ههههههههههههههههههههه

هعـزمك على واحـد سندوشت أى حاجة عند صفصـف ياميـدو ..
ولا تحب تاكل كشـرى من عند مصـر ،، ولا أصـالة أحسن ،،:whistle:
أقولك خليها مشاريـب .. مش ناقصين غرامات ،، :sleep:

[®MATRIX]

طب انا يااحمد عايز ساندوتش حلاوة بالقشطه من عند أبو كريم.

[WWE_CHAMPION20]

عايزين ناس كمان

[Mr_Ahmedvip4u]

إيه الحكاية هههه داخلين على طمـع ولا إيه ،،
ماشى يامحمدهجيبلك حلاوة بالقشطة ..:sadwalk:
منتش عايز عصير ولا حاجة تتشرب بالمرة :whistle:
خللى الغرامـة مرة واحـدة .. فلسنا خلاص :15:

[®MATRIX]

لا شكراًَ خلى العصير عليا

كفاية عليا أشوف واحد بيشجع الزمالك بعد الماتش دي كفاية عندي لا عايز عصير ولا حتى خروف
وأنت قولت أنك بتشجع الزمالك يبقى تستلقى وعدك منى بقا ههههههه

عايزين احمد غانم سلطان يلعب بس ويحاول ينقذ الكورة من الأوت علشان يطلعها كورنر ههههههه
ولا عبد المنصف أونكل اوسه حبيبى هههههه
عايزينه يكمل 30 جون دخلوا فيه من الأهلى بس ياخسارة أبوتريكة مش موجود بس فيه غيرة عادي عادي

[®MATRIX]

نسيت حبيب الجماهير بشير التابعى عايزينة والنبى دا هايبقى خليفة سونج فى الملاعب.

[♥Fi®eDa®k♥]

يا جماعة انتم مش هتتقبلوا في قهوة الديفيدي محمود هيزعل
هههههههههههههههههه
هنخسر فلوس وهطلع برة
معلش يا رجالة مش هينفع احضر علشان المذاكرة
الحورات دي معلش

[The Hardy Boyz]

ياااااااااااااااااااااااااااااااااه لو كانت في الصيف
للاسف المذاكرة منها لله
كان نفسي اكون هناك

[®MATRIX]

ههههههههههه قصر الشوق تاني يا محمد

طب ما تعمل تغيير المرة دي

وخليها الفيشاوي زي ما كان

بس تحجز بقي من بدري يا جميل

واوعي تجيب حد زملكاوي معانا لحسن تبقي مجزرة

وانا مقدرش اقول اني رايح من دلوقتي

والي فية الخير يقدمة ربنا

على إيدك ياعم الظابط
الفيشاوى كانت محجوزة المرة اللى فاتت ومعرفانش نقعد عليها مع اننا رايحين بدري
بينى وبينك انا بقيت بتفائل بقصر الشوق من أيام ما مصر فازت بكاس الأمم
علشان الأهلى بس يطحن الزمالك :2:
وأنا صاحبى الأنتيخ عمر تلاقيك شفته فى تجمع نهائى كاس الأمم..زملكااااوي
دا انا ناويلة على نية مبيته هههههه انما ايه قشطططططططه اصبر بس لما نهزمهم هزيمة ساحقة ماحقة فاحقة ههههههه

منتظر تأكيدك للحضور وخصوصاًَ ان فيه ناس كتير إن شاء الله هاتيجى من القاهرة بس اوعى الكمين يوقفك المرة دي البضاعة دي لو طارت فيها رقاب هاتطير وراها انا بقولك اهو ههههههههه

[guvara]

طبعا انا مش هينفع اجي لان انا عندي قهوة لازم اشوف زابيني هههههههههه
لا والله الشغل هيمنعني مرة تانية بأذن الله

[xXxdeshxXx]

على إيدك ياعم الظابط
الفيشاوى كانت محجوزة المرة اللى فاتت ومعرفانش نقعد عليها مع اننا رايحين بدري
بينى وبينك انا بقيت بتفائل بقصر الشوق من أيام ما مصر فازت بكاس الأمم
علشان الأهلى بس يطحن الزمالك :2:
وأنا صاحبى الأنتيخ عمر تلاقيك شفته فى تجمع نهائى كاس الأمم..زملكااااوي
دا انا ناويلة على نية مبيته هههههه انما ايه قشطططططططه اصبر بس لما نهزمهم هزيمة ساحقة ماحقة فاحقة ههههههه

منتظر تأكيدك للحضور وخصوصاًَ ان فيه ناس كتير إن شاء الله هاتيجى من القاهرة بس اوعى الكمين يوقفك المرة دي البضاعة دي لو طارت فيها رقاب هاتطير وراها انا بقولك اهو ههههههههه

هههههههههههههههههه ماشي يا فاضيحي

بس مليش دعوه بيها انا لو اسلام هييجي سبهالو يا خويا

الي عملي فيها الراجل التاني

وانا ولا عايز ابقي صلاح ولا عايز صباح

انا هاخد دور الجندي المجهول فى الفلم دا

انا الي هبلغ عنكم البوليس ههههههههههههه

وتصدق صح الواحد اتفائل بقصر الشوق من وقت منتخب مصر

خلاص هبقي اتابعك بأذن الله

وإن شاء الله هديك الاوكي قريب

[abdo_pro]

صبح ضبح على كل منتدى المصارعة يعنى الناس اللى تقلب وتتقلب يعنى الجرارات اللى بمليون جنيه يعنى سلطان الغرام و...النور قطع..!

انا حاشوف الكلام بامر الله وفيه احتمال اكون معاكم...ربنا يعدلها..

ما شوفناش وليد او احمد يعنى عزمونا على حمام مشوى وكباب وكفتة...هما مش اسكندرانية ولا ايه؟؟؟

[Al Mor3b]

اولا السلام عليكم يارجاله
معلش مش هينفع ابقي معاكم عشان المذاكرة ربنا يخدها
بس كان نفسي ابقي معاكو وانا ليه الشرف والله
وكمان انتو كدة ممكن تضربوني عشان انا زملكاوي ههههههههه
معلش اعزروني

[®ABU MARIAM]

ياجماعة انتوا بتحكوا فى ايه انا عايز تأكيد للحضور هههه

[♥Fi®eDa®k♥]

هههههههههههههههههه
صعب قوي يا ابو مريم اصل في الغالب الناس عندها مذاكرة او
بتشتغل ياعني لو تعملوها في الصيف يوم جمعة ساعة عصاري تبقا احلى

[KiNG MS]

ينفع تبقى فى CAIRO

[dxman]

موعدكش يباشا بس انا عندى فكره كمان ليك
أيـه رأيـك لو كـل مجمـوعـه عايشـه فى مدينـه او محافـظـه معينه عمـلوا تيم يعنى مثلاً تيم الاسماعيليه انا وحبيب البى شريف واخواته ميسى باتيستا وكين ار كى او ..... ومثلا مثلا من الدليتا عبد الحميد وابو حميد مستر احمد مشرف الاخبار ...... وكل تيم يقابلوا كل اسبوع يقضوا اليوم مع بعض ويفكروا ازاى يخلوا فريقهمـ هـو الافضـل فى المنتدى وبكدا يبئى المنتدى جوه وبره النت وكمان قريب من كل الناس .... ايه رأيكمـ

[dxman]

أه يرجاله على فكره لو اتجمعتوا كدا فى المينيا مش هتلاقوا حد لأنها فى اخر مارس يعنى امتحاناااااات واستعدادات وحوارات

[WWE_CHAMPION20]

ممكن الاجتماع القادم يبقى ف القاهرة اسهل للكل

[xXxdeshxXx]

يا شباب دي فرصة وجت ومعتقدش انها تتعوض هنا بمنتديات المصارعة تاني

ومحمد هو صاحب الافكار الجامدة دي

والتجمع هيكون بالاسكندرية إن شاء الله

[WWE_CHAMPION20]

احتمال كبير اجى يا جماعة
ربنا يسهل
وعايز اعرف مين ال هييجى

[®ABU MARIAM]

لحد دلوقتى لم يتم تحديد الحاضرين والميعاد قرب الرجو سرعة التحديد
والتأكيد ولكم جميعا جزيل الشكر

[MIRO_89]

شكل الحوار باظ

[@Bo$h@_Cen]

ياجماعة الماتش بكرة

[xXxdeshxXx]

مفيش حاجة باظت التجمع زي ما هو وهيتم أنهردا إن شاء الله

واخر فرصة للجميع لمن يريد الحضور

[®ABU MARIAM]

شكل الحوار باظ


مفيش حاجة باظت ولاحاجة وهيتم ان شاء الله واللى مش هيجى يبقى غصب عنه أكيد ومن علمى من ماتريكس ان فى ناس كتير رايحة التجمع ويارب يخرج زى ماهو مرسوم اليه