عقوبه فتح نت كافيه او اعمال كومبيوتر دون الحصول على ترخيص

[semsm]

لابد من تعريف الأنترنت قاتونى وهو ((استغلال مصنفات سمعية وسمعية بصرية )) يعاقب القانون في مادته رقم (7) من القانون 38 لسنه 1992 الاتى ((يحظر على كل من صاحب الحق ومن يزاول نشاط استغلال المصنفات السمعية والسمعية البصرية ، سواء كان شخصا طبيعيا أو اعتبارياً ، إنتاج أو نسخ أو تصوير أو تسجيل أو تحويل أو عرض أو طرح للتداول أى من هذه المصنفات بأى طريقه إلا بعد الحصول على ترخيص من وزارة الثقافة . ويصدر قرار من وزير الثقافة بتعيين الجهة المختصة بمنح الترخيص وشروطه وإجراءاته والرسم المستحق على إصدارة . أو تجديده بما لا يجاوز ألف جنية سنويا .)) والعقوبة في الماده 47 مكرر فقرة 1 (( يعاقب على مخالفة الماده 7مكرر بالحبس مدة لا تجاوز سته أشهر وبغرامة لاتقل عن ألف جنية ولا تزيد عن ثلاثة آلاف جنية . أو بأحد هاتين العقوبتين )) اى أن العقوبة سته أشهر حبس أو غرامه لاتقل عن الف جنية ولا تزيد عن ثلاثة آلاف جنية .

[bad_boys]

ولا مادر افتيك في الموضوع ده بس رجاء لما حد يالك علي الايجابه الي ربنا يخليك ودبحلك ديك

[semsm]

اخى العزيز من الواضح انك لم تقرا الموضوع

الاجابه فى الموضوع

[ahmed_221]

شكرا اخى العزيز سمسم على المعلومات القيمه

الاخ باد بوى انت فهمت كلامه ازاى يسمسم انا بدور فى القاموس اهو

تحياتى ليك

[yalaa13]

وهل يتم مصادرة الاجهزه

[semsm]

يتم التحفظ عليهم لاتخاذ قرار اما بالمصادره او الرد

ولكن فى كلتا الحالتين اجهزتك هتكون اتبهدلت سواء فى المخازن او الوظفين اللى ممكن يبدلوا فيهم

حتى وان حكم لك بالاسترداد فامامك وقت كبير على استردادها

والله اعلم

[yalaa13]

حسنا الله ونعم الوكيل

[misho5210]

موضوع جميل يا سمسم ومتزعلش يا yalaa13

[عصام روؤف]

موضوع حلو وانا عند ابن خالتى محل كمبيوترات وانا كنت واقف فيه واتمسكنا امن دولة مش عارف لية المهم علشان يعرفوا ان فيه حد بيخش عندنا من الثنيين لكن كان اكتر اللى بيجى فاشلين المهم هو ولا عامل ترخيص ولا اى حاجة وفى الشارع متأمنين من المصنفات مشغل جواسيس على الشارع علشان اى عربية مصنفات والغريب ان هما جاءوا مرة وكان فى واحد بتاع فيديو جمبينا راحوا ضربوه لانوا بصراحة كان بيأجر شرايط فيديو للافلام اللى فى السينما وعبوا شوال شرايط وبعد كا شلوط على المين واتقفل المحل وما اتفتحش تانى وطبعا ماسبوش محلنا لكن الغريب فى الامر ان هما جاءوا عندنا وجينا نقفل المحل راح قال لنا انتوا هاتقفلوا لية انتوا بتعملوش حاجة غلط بس هو وبيتكلم شتم اللى واقف فى المحل ما يهمش بس هما بيقولوا لما بتيجى المصنفات من بلاغ بتيجى لواحد فقط حتى لو فيه واحد فاتح جنبه مخالف للقوانين فهل دة صحيح
والسلام عليكم

[m_elmogy]

بص ياباشا ... هي المصنفات يا إما تنزل حمله على منطقة معينة بكل ما فيها من محلات ، أو تنزل على بلاغ لمحل معين بالذات .... وفي كل الأحوال حيأخذوا الأجهزة وحتتبهدل لحد ما ترجعها حتى لو عندك تراخيص للمحل وللسوفت ووير (لأنه مش معقول الضابط حيرجع بإيده فاضية) ....

[mdogs]

سؤال :

تم الحكم فى قضيه مصنفات بمصادره الجهاز و دفع غرامه 5000 جنيه

بالرغم ان نص القانون غرامة لاتقل عن ألف جنية ولا تزيد عن ثلاثة آلاف جنية

فلماذا تم الحكم بخمسه رغم ان الحد الاقصى ثلاثه الاف

على فكره الحكم صدر بدفع غرامه و المصادره لعرض مصنفات سمعيه و بصريه بدون ترخيص

و هذا الحكم فى جلسه الاستئناف




رجاء التوضيح ... ضرورى ,, لمعرفه السبب هل هو تقاعص المحامى ام ماذا

[hanywi]

عزيزى الحكم اسطمبة واحدة 5000 غرامة مع الغلق و المصادرة
هانى وليم المحامى

[m_elmogy]

إنت بس ياإما مقريتش نص المادة أو قرأت نص مادة أخرى والمتهم نازل المحكمة على إتهام آخر
عموما أنا فعلا أرى إن أغلب قضايا المصنفات من هذا النوع عقوبتها غرامة 5000 أو حتى 10000 والمصادرة