المساعد الشخصي الرقمي

مشاهدة النسخة كاملة : لماذا.....الكونج فو!!!

Jackie_Chan
20-02-2008, 07:48 PM
بسم الله الرحمن الرحيم





اذا سألت 5 اشخاص يمارسون الفنون القتاليه...ماذا تلعب؟؟؟

الأول : كونج فو
الثاني : كونج فو
الثالث : كونج فو
الرابع: كاراتيه
الخامس: تايكواندو





احد المواضيع التي لفتت انتباهي واردت الحديث معكم عنها...لماذا يختار اغلب لاعبوا الفنون القتاليه الكونج فو لتصبح لعبتهم؟؟

اخذت افكر واتناقش مع مدربين ومع زملائي في هذا الموضوع وقد الممت مجموعه من الأسباب تجعل اللاعبون يمارسون الكونج فو من ضمنها




1 - الأنتشار من خلال الأعلام:-

فمعظم الأفلام الأجنبيه تتحدث عن الكونج فو ويكون بطلها يمارس الكونج فو (بروسلي - جاكي شان - جيت لي)
وهناك افلام كثيره ليست للممثلين السابق ذكرهم تتحدث عن الكونج فو ايضا مثل (كونج فو هاسل)





2 - مشاهدة الكونج فو يهزم رياضات اخرى

لم يكتفي ممثلوا الكونج فو بذلك بل تطرق بعض الممثلين مثل جيت لي بممارسة الكونج فو ضد رياضه اخرى في احد افلامه وتغلبه على هذه الرياضه





3 - الكونج فو لعبه شامله (ارجل و ايدي و طرح)





4 - التنوع في الفن القتالي

ينقسم الكونج فو الى اساليب وسندا فيمكن للاعب ان يختار ماذا يريد ان يتعلم... هل يريد الأحتكاك ولا يخاف من المواجهه بذلك سيقوم بممارسة السندا .
ام يريد ان يدرس فن قتالي بطولاته بعيده عن الأحتكاك ويريد ان يكتسب مرونه ولياقه عاليه بذلك سيقوم بممارسة الأساليب





5 - وجود الأسلحه والطاقه الداخليه

معرفة بعض اللاعبين بوجود طاقه داخليه ممكن ان يتعلموها تساعدهم على القتال وايضا لوجود اسلحه كثيره جدا فالكونج فو يريدون ممارستها وتعلمها





6 - شاولن وبعض الأساطير والخرافات التي تتحدث عن الكونج فو مما يزيد اللاعب تشويقا لمعرفة ماهي هذه الرياضه





7 - عدم الألمام او الجهل بالرياضات الأخرى





8 - الأكتفاء بما يمارسه الأصدقاء اوالأقارب من الكونج فو وتقليدهم




9 - ............... الخ



الكثير والكثير يمكن ان يقال عن هذا الموضوع لذلك اريد منكم ان تخبروني عن وجهة نظركم



والسلام عليكم
™Mr EtSh
20-02-2008, 10:09 PM
اولا شكرا على الموضوع الجميل وانا هاعلق على كل نقطه موجوده
اذا سألت 5 اشخاص يمارسون الفنون القتاليه...ماذا تلعب؟؟؟

الأول : كونج فو
الثاني : كونج فو
الثالث : كونج فو
الرابع: كاراتيه
الخامس: تايكواندو
يعنى ياراجل 3 كونغ فو وواحده كارتيه وواحده تايكواندو ومافيش واحه مصارعه ولا واحد كيك بوكس ولا حتى ملاكمه

احد المواضيع التي لفتت انتباهي واردت الحديث معكم عنها...لماذا يختار اغلب لاعبوا الفنون القتاليه الكونج فو لتصبح لعبتهم
معاك حق فى كده ان الجميع بيحب الكونغ فو بس طبعا الميول للالعاب الاخرى كتير مش كلو كونغ فو فقط بدليل وصول الالعاب الاخرى للاولمبيات وحصلها على مراكز متقدمه واكيد كل شى اتغير بعد هذه البطوله دى وبقى دلوقتى الاهتمام بالالعاب الاخرى كتير مش بلعبه واحده

فمعظم الأفلام الأجنبيه تتحدث عن الكونج فو ويكون بطلها يمارس الكونج فو (بروسلي - جاكي شان - جيت لي)
وهناك افلام كثيره ليست للممثلين السابق ذكرهم تتحدث عن الكونج فو ايضا مثل (كونج فو هاسل)


معاك برده بس انت نسيت ان فى افلام تانيه تكلمت عن رياضيات اخرى
على على مافتكر سيندريلا مان محمد على افيندر هولى فيلد سلسله روك واكيد شوفت فيلم الكيك بوكس بتاع الواد التيلندى مش عارف بقا اسم الفيلم دول الى فكرهم حاليا على ما اتذكر يعنى الافلام تحدثت عن رياضيات اخرى مش كونغ فو فقط
لم يكتفي ممثلوا الكونج فو بذلك بل تطرق بعض الممثلين مثل جيت لي بممارسة الكونج فو ضد رياضه اخرى في احد افلامه وتغلبه على هذه الرياضه


مع انى مش بحب التشبه بما يحدث فى الافلام لان انت اكيد عارف ان بيبقا فيه اتفاق على بعض الحركات التى تحدث فى الافلام يعنى انت لو شوفت فيلم جيت لى القبل الاخير لما كان بيصارع على الحلبه ومعاه مصارع كان ضخم جدا اعتقد ان كان فيه اتفاق على بعض الحركات اكيد رغم حبى لجيت لى لكونه ممثل او لاعب كونغ فو فا انا بحبو جدا
واكيد لكا واحد لعبته الذى يتفوق بيها الكونج فو لعبه شامله (ارجل و ايدي و طرح)
معاك برده بس الكيك بوكس فى رائى تعتبر اعنف من الكونغ فو لانك لو لاحظت ان ممكن لاعب الكونغ فو يكسب المباراه اذا خرج المنافس مرتين فى نفس الجوله خارج البوساط او وقعو كم طرحه لانها بتديه كذا نقطه مش عارف كم بصراحه وده مش تقليل من الكونغ فو لا ابدا فا اعتقد ان مايتعلم الطرحات شى جميل جدا وكان نفس اتعلمها اما لو لاحظت الكيك بوكس فا انت على الحلبه مقدمكش غير انم تلعب عشان تجيب نقط فى 3 جولات فى 3 دقائق عكس الكونغ فو جولتين فى 2 دقيقه فاعتقد ان الكيك بوكس يعتبر من اعنف الرياضيات القتاليه والى انا بحبها جدا
ينقسم الكونج فو الى اساليب وسندا فيمكن للاعب ان يختار ماذا يريد ان يتعلم... هل يريد الأحتكاك ولا يخاف من المواجهه بذلك سيقوم بممارسة السندا .
ام يريد ان يدرس فن قتالي بطولاته بعيده عن الأحتكاك ويريد ان يكتسب مرونه ولياقه عاليه بذلك سيقوم بممارسة الأساليب
مقدرش اختلف معاك فيها بس الكارتيه برده فيها كده اساليب او بمعنى كاتات وكوماتيه الى حد ما الكونغ فو يعتبر فى الكوماتيه اقوى من الكارتيه

معرفة بعض اللاعبين بوجود طاقه داخليه ممكن ان يتعلموها تساعدهم على القتال وايضا لوجود اسلحه كثيره جدا فالكونج فو يريدون ممارستها وتعلمها

حتى الان لم ارى بدليل قطعى وجود هذه الطاقه فاالطاقه اكيد نابعه من اى شخص سواء كان لاعب كونغ فو او لاعب اى لعبه قتاليه اخرى مع اعتقادى ان الانسان هو الى بيولد الطاقه الداخليه دى مش لعبه معنيه الى برده مع بعض الشى ان اكيد اللعبه بتكون مؤثره فيه

عدم الألمام او الجهل بالرياضات الأخرى
ده برده شى خطير ويجب معرفه جميع الاعاب حتى ولو كانت معلومات عامه

شكرا يا ابو حميد على الموضوع الجميل وتقبل تحياتى لك
gogo079
21-02-2008, 07:14 AM
مشكوووووووووووووووووووور على الموضوع الرائع والاكثر من رائع
kotsomoto
21-02-2008, 01:45 PM
موضوع جامد يابو حميد وشكرا يا اتش على التفاعل بس ليا تعليق على كذا نقطه انت قلتها وناس كتير غيرك قالتها :
أولا : أعتقد ان احمد ميقصدش ان مفيش افلام اتعملت لرياضات تانيه غير الكونغ فو , هو يقصد ان الاغلبيه العظمه اتعملت للكونغ فو .
ثانيا : فعلا احمد معاة حق حاليا اكتر لعبه دفاع عن النفس ليها شعبيه فى مصر هى الكونغ فو , بس دة مش معناة ان الالعاب التانيه ملهاش جمهور او انها ضعيفه والدليل فعلا زى مانت قلت انجازات الاولمبياد دى كلها واللى الكونغ فو لسه داخل فيها السنه دى وكمان نازل اساليب بس مش ساندا .
ثالثا : موضوع الحركات المتفق عليها فى الافلام , دى حاجه اكيدة بس موضوع الراجل الضخم دة عادى دانت يا راجل ممارس فنون قتاليه والمفروض عارف ان الجسم مش هيفرق قدام لاعب محترف .
رابعا : الكيك بوكس !!! عنيفه جدا جدا جدا وانا معاك فى دى بس القتال مش عنف وبس , العنف عنصر واحد من عناصر كتير لازم تتوفر فى المقاتل , بس للاسف موضوع الطرحات والقتال الارضى اللى كله بيتكلم عنه اليومين دول مش موجود فى الكيك بوكس ودى نقطه ضعف مهمه , وانا معاك ان الكونغ فو كان فى ناس كتير بتركز على الطرح علشان بيجيب نقط كثيرة بس دلوقتى اوعدك انك هتشوف شكل تانى لان القوانين اتغيرت وبقى الطرح عليه نقطتين بس يعنى زيه زى الركل فى الجزع وبما ان الطرح بيستنفز طاقه عاليه فكل لاعب بعد كدة هيفضل استخدام القدم او اليد عن محاوله طرح , واللى المفروض ان كله بيقول انه مش موجود فى الكونغ فو وطالعين بالجيوجتسو السما علشانه , الواحد مبقاش عارف يلاقيها منين ولا منين , جماعه انتقدو الكونغ فو علشان بيقولو انه مش فيه قتال ارضى , وحتى اللى على درايه شويه بالكونغ فو انتقدة علشان فى ناس كتير بتركز عليه , والله اللعبه دى صعبت عليا وربنا يكون فى عونها .
وانا معاك يا اتش فى اخر 3 نقط وفعلا ميختلفش عليهم اتنين .
Jackie_Chan
21-02-2008, 03:48 PM
اولا شكرا على الموضوع الجميل وانا هاعلق على كل نقطه موجوده

يعنى ياراجل 3 كونغ فو وواحده كارتيه وواحده تايكواندو ومافيش واحه مصارعه ولا واحد كيك بوكس ولا حتى ملاكمه


معاك حق فى كده ان الجميع بيحب الكونغ فو بس طبعا الميول للالعاب الاخرى كتير مش كلو كونغ فو فقط بدليل وصول الالعاب الاخرى للاولمبيات وحصلها على مراكز متقدمه واكيد كل شى اتغير بعد هذه البطوله دى وبقى دلوقتى الاهتمام بالالعاب الاخرى كتير مش بلعبه واحده


معاك برده بس انت نسيت ان فى افلام تانيه تكلمت عن رياضيات اخرى
على على مافتكر سيندريلا مان محمد على افيندر هولى فيلد سلسله روك واكيد شوفت فيلم الكيك بوكس بتاع الواد التيلندى مش عارف بقا اسم الفيلم دول الى فكرهم حاليا على ما اتذكر يعنى الافلام تحدثت عن رياضيات اخرى مش كونغ فو فقط

مع انى مش بحب التشبه بما يحدث فى الافلام لان انت اكيد عارف ان بيبقا فيه اتفاق على بعض الحركات التى تحدث فى الافلام يعنى انت لو شوفت فيلم جيت لى القبل الاخير لما كان بيصارع على الحلبه ومعاه مصارع كان ضخم جدا اعتقد ان كان فيه اتفاق على بعض الحركات اكيد رغم حبى لجيت لى لكونه ممثل او لاعب كونغ فو فا انا بحبو جدا
واكيد لكا واحد لعبته الذى يتفوق بيها
معاك برده بس الكيك بوكس فى رائى تعتبر اعنف من الكونغ فو لانك لو لاحظت ان ممكن لاعب الكونغ فو يكسب المباراه اذا خرج المنافس مرتين فى نفس الجوله خارج البوساط او وقعو كم طرحه لانها بتديه كذا نقطه مش عارف كم بصراحه وده مش تقليل من الكونغ فو لا ابدا فا اعتقد ان مايتعلم الطرحات شى جميل جدا وكان نفس اتعلمها اما لو لاحظت الكيك بوكس فا انت على الحلبه مقدمكش غير انم تلعب عشان تجيب نقط فى 3 جولات فى 3 دقائق عكس الكونغ فو جولتين فى 2 دقيقه فاعتقد ان الكيك بوكس يعتبر من اعنف الرياضيات القتاليه والى انا بحبها جدا

مقدرش اختلف معاك فيها بس الكارتيه برده فيها كده اساليب او بمعنى كاتات وكوماتيه الى حد ما الكونغ فو يعتبر فى الكوماتيه اقوى من الكارتيه


حتى الان لم ارى بدليل قطعى وجود هذه الطاقه فاالطاقه اكيد نابعه من اى شخص سواء كان لاعب كونغ فو او لاعب اى لعبه قتاليه اخرى مع اعتقادى ان الانسان هو الى بيولد الطاقه الداخليه دى مش لعبه معنيه الى برده مع بعض الشى ان اكيد اللعبه بتكون مؤثره فيه


ده برده شى خطير ويجب معرفه جميع الاعاب حتى ولو كانت معلومات عامه

شكرا يا ابو حميد على الموضوع الجميل وتقبل تحياتى لك


شكرا ياباشاعلى ردودك الجميله اللي بتنور موضوعاتي...كلامك فعلا مظبوط وانا لا اختلف معاك بس انت فهمتني غلط

انا ماكنش قصدي بعنوان الموضوع اني اقول مميزات الكونج فو او اقول ان الأفراد بيحبوا يلعبوا كونج فو علشان كذا وكذا

بالعكس انا في الموضوع ده عايز اخلي الأفراد تتعرف على الألعاب الأخرى... والحاجات اللي انا ذكرتها دي سلبيات لو اتعدلت الناس حتتعرف اكثر على الألعاب الأخرى وحتبقى منتشره زي الكونج فو

وبالنسبه لموضوع الطاقه الداخليه دي مالهاش دعوه بالكونج فو لأن في ناس كتير بتربط الكونج فو بالطاقه الداخليه ويفتكروا ان دي حاجه بيتعلموها فالكونج فو فقط فحبيت اقول بس ان دي رياضه متعلقه بالنفس تدريبها مالوش علاقه بالكونج فو لكن انت لو اتعلمتها ممكن تستخدمها فالكونج فو او اي رياضه قتاليه اخرى وممكن حتى ماتستخدمهاش فالفنون القتاليه خالص.....هي دي كانت وجهة نظري من تصحيح وضع هذه النقطه فقط

وشكرا مره اخرى لردك الشامل
Jackie_Chan
21-02-2008, 03:54 PM
موضوع جامد يابو حميد وشكرا يا اتش على التفاعل بس ليا تعليق على كذا نقطه انت قلتها وناس كتير غيرك قالتها :
أولا : أعتقد ان احمد ميقصدش ان مفيش افلام اتعملت لرياضات تانيه غير الكونغ فو , هو يقصد ان الاغلبيه العظمه اتعملت للكونغ فو .
ثانيا : فعلا احمد معاة حق حاليا اكتر لعبه دفاع عن النفس ليها شعبيه فى مصر هى الكونغ فو , بس دة مش معناة ان الالعاب التانيه ملهاش جمهور او انها ضعيفه والدليل فعلا زى مانت قلت انجازات الاولمبياد دى كلها واللى الكونغ فو لسه داخل فيها السنه دى وكمان نازل اساليب بس مش ساندا .
ثالثا : موضوع الحركات المتفق عليها فى الافلام , دى حاجه اكيدة بس موضوع الراجل الضخم دة عادى دانت يا راجل ممارس فنون قتاليه والمفروض عارف ان الجسم مش هيفرق قدام لاعب محترف .
رابعا : الكيك بوكس !!! عنيفه جدا جدا جدا وانا معاك فى دى بس القتال مش عنف وبس , العنف عنصر واحد من عناصر كتير لازم تتوفر فى المقاتل , بس للاسف موضوع الطرحات والقتال الارضى اللى كله بيتكلم عنه اليومين دول مش موجود فى الكيك بوكس ودى نقطه ضعف مهمه , وانا معاك ان الكونغ فو كان فى ناس كتير بتركز على الطرح علشان بيجيب نقط كثيرة بس دلوقتى اوعدك انك هتشوف شكل تانى لان القوانين اتغيرت وبقى الطرح عليه نقطتين بس يعنى زيه زى الركل فى الجزع وبما ان الطرح بيستنفز طاقه عاليه فكل لاعب بعد كدة هيفضل استخدام القدم او اليد عن محاوله طرح , واللى المفروض ان كله بيقول انه مش موجود فى الكونغ فو وطالعين بالجيوجتسو السما علشانه , الواحد مبقاش عارف يلاقيها منين ولا منين , جماعه انتقدو الكونغ فو علشان بيقولو انه مش فيه قتال ارضى , وحتى اللى على درايه شويه بالكونغ فو انتقدة علشان فى ناس كتير بتركز عليه , والله اللعبه دى صعبت عليا وربنا يكون فى عونها .
وانا معاك يا اتش فى اخر 3 نقط وفعلا ميختلفش عليهم اتنين .


شكرا ياكابتن احمد على ردك وفعلا هو ده اللي كنت اقصده
وانت اثرت نقطه مهمه برضه ان الكونج فو مش لعبة اوليمبياد هو دخل السنه دي فقط وده كان متوقع لأن مش ممكن الصين تقام فيها الأوليمبياد ومايكونش فيها الكونج فو .

وياكابتن احمد الكونج فو ماتظلمش ولا حاجه ده فن قتالي بقاله مئات السنين ومازال مستمر وسيظل كذلك ان شاء الله
™Mr EtSh
21-02-2008, 05:47 PM
موضوع الحركات المتفق عليها فى الافلام , دى حاجه اكيدة بس موضوع الراجل الضخم دة عادى دانت يا راجل ممارس فنون قتاليه والمفروض عارف ان الجسم مش هيفرق قدام لاعب محترف .

انا كان قصدى ان التشبه بالافلام عشان ناخد منها دليل يعنى مش بيكون قوى واكيد زى ما قولت بيكون فى حركات متفق عليها ومعرفو كل واحد هايعمل ايه وبالسبه لحكايه الراجل الظحم مش قصدى انو هايكسب جيت لى انا قصدى انو هايتعبو عمال مايعرف يعمل معاه حاجه ده كان قصدى

الكيك بوكس !!! عنيفه جدا جدا جدا وانا معاك فى دى بس القتال مش عنف وبس
ده كان رد على نقطه للموضوع مش انها رياضه عنيفه بس تعتبر القوى قى الركلات لانك لو لحظت لاعب الكونغ فو ببيكون لابس هوجو يعنى مهما كانت الضربه قويه مش بتاثر اكتر من عدم وجود الهوجو(ماحوظه انا مش فاكر اسمو اوى مش عار بقا اسمو كده صح ولا لا) فى الكيك بوكس وده مش تقليل للكونغ فو بالعكش الكونغ فو فى اعتقادى انها اساسا الالعاب والالعاب مشتاقه من الكونغ فو لانها الاقدم بالنشبه للتاريخ
وبالنسبه لموضوع الطرحات كويس انهم عدلو القوانين لانها بجد ماكنتش مقياس للاعب اكتر من الركلات
وبالنسبه لظلم الرياضه الكونغ فو انا مش معاك فيها لان الكونغ فو رياضه انا كت بحبها جدا واكيد هيا من اكتر الالعاب شعبيه زى بقيه الالعاب الاخرى هيا البطوله الوحيده الى ماكنتش وخده حقها فيها هيا الالومبيات لكن الحمد الله دخلت حالياالاولمبيا وان شاء الله مصر تعمل فيها حاجه
kotsomoto
22-02-2008, 08:47 AM
يا جماعه حد يطلعلى اقتباس على كلمه ( مظلومه ) من ردى , انا مقلتش انها مظلومه انا قلت صعبانه عليا من كتر الناس اللى بتهاجم فيها بدون درايه بيها
أما عن كلامك يا اتش بالنسبه لموضوع الهوجو ( هو اسمه هوجو فعلا ) فأنا معاك فيه وغلبتنى انت فى النقطه دى , بس من غير الهوجو دة مكنتش الكونغ فو هترجع تانى بعد ما الاتحاد القديم بتعها اتلغى من كتر الاصابات والشكاوى اللى اتقدمت لوزارة الشباب والرياضه لان اللعبه فعلا كانت عنيفه جدا , انما دلوقتى ربنا يستر على وليانا :) ويكون فى عونى انا من اللى بشوفه فيها هههههههه انا بهزر اوعى تصدق الحمد لله لسه فى ناس جامدة اوى بسم اله ما شاء الله .
وشكرا ليكم .
adoulabos
22-02-2008, 12:20 PM
--أولا أحب أن أقول ما يشوق المشاهدين في الكونغ فو هو ذلك الطيران والشقلبات الهوائية وحركاته مساعدة كثيرا في البريك دانس

--ثانيا أنت رأيت الكونغ فو فقط في أفلام بريسلي وجاكي وجاتلي وأنا رأيت ستيفن سيغال يهزم الكونغ فو في فلمين من أفلامه وكذلك يهزم الساموراي

--ثالثا رايضة الكونغ فو تشتمل على كل عظلة من عظلات الجسم وعملية استخراج الطاقة عملية حقيقية يمكنك رفع أو دفع أضعاف وزنك بها

--رابعا هوليود لها اضافات كثيرة في هذه الناحية فتتصور أنها روعة بالفعل لكن بريسلي لم يعتمد على الهوليود بل كان حقيقة وهو روعة فعلا

--رابعا كنت أكره هذه الرياضة للخيال الذي فيها كأن يدور 3 دورات ويطير مسافة 4 م في السماء ويهزم جيش في لحظة واحدة
والآن من أحب ما أحب الكونغ فو لأنها حقيقة كأن يقفز حائط ويضرب 4 أو 5 في وقت واحد وخير مثال النينجا وهو يعتمد على الكونغ فو والنينجا حقيقي وليس شخصية أفلام أي حقيقي في سرعته وفي قفزه وفي ضربه

هذا والسلام ومن له رأي آخر أرجو أن يفيدنا ودمتم في رعاية الله وحفظه
"أخوكم"
شركة مافيا
22-04-2008, 12:50 AM
انا امرس الكنو فو من فتره وليه فوائد كتير ياخلى الواحد نشيط وشديد الانتباه ويرفع من قدرته العضليه والنفسيه والتركيز والتوزن وتصبح اهد من ذى قبل
شركة مافيا
22-04-2008, 12:53 AM
انا من مصر وعندى 21 سنه وايميلى
boo0k
22-04-2008, 03:11 AM
السلام عليكم اعتقد ان السبب قد يكون لتنوع التقنيات
وذلك لسبب كبر حجم الصين فتقنيات القتال كثيره مما يجعلها مشتمله على اشكال القتال بصفه عامه بمعنى جنوب الصين له شكل يختلف عن الشمال وكذلك القوميات فكل قوميه تمارس بشكل مما يجعل المشاهد ينبهر بكثرة التقنيات وهذا بجانب صخب افلام الثمانينات وامر اخر وهو قدم الفن وغموض الكثير من فنياته حتى على من يمارسون الكونغ فو نفسه والله اعلم
Jackie_Chan
22-04-2008, 08:21 PM
--أولا أحب أن أقول ما يشوق المشاهدين في الكونغ فو هو ذلك الطيران والشقلبات الهوائية وحركاته مساعدة كثيرا في البريك دانس

--ثانيا أنت رأيت الكونغ فو فقط في أفلام بريسلي وجاكي وجاتلي وأنا رأيت ستيفن سيغال يهزم الكونغ فو في فلمين من أفلامه وكذلك يهزم الساموراي

--ثالثا رايضة الكونغ فو تشتمل على كل عظلة من عظلات الجسم وعملية استخراج الطاقة عملية حقيقية يمكنك رفع أو دفع أضعاف وزنك بها

--رابعا هوليود لها اضافات كثيرة في هذه الناحية فتتصور أنها روعة بالفعل لكن بريسلي لم يعتمد على الهوليود بل كان حقيقة وهو روعة فعلا

--رابعا كنت أكره هذه الرياضة للخيال الذي فيها كأن يدور 3 دورات ويطير مسافة 4 م في السماء ويهزم جيش في لحظة واحدة
والآن من أحب ما أحب الكونغ فو لأنها حقيقة كأن يقفز حائط ويضرب 4 أو 5 في وقت واحد وخير مثال النينجا وهو يعتمد على الكونغ فو والنينجا حقيقي وليس شخصية أفلام أي حقيقي في سرعته وفي قفزه وفي ضربه

هذا والسلام ومن له رأي آخر أرجو أن يفيدنا ودمتم في رعاية الله وحفظه
"أخوكم"



شكرا على ردك
Jackie_Chan
22-04-2008, 08:22 PM
انا امرس الكنو فو من فتره وليه فوائد كتير ياخلى الواحد نشيط وشديد الانتباه ويرفع من قدرته العضليه والنفسيه والتركيز والتوزن وتصبح اهد من ذى قبل



الحمد لله انك قدرت تستفيد من رياضتك وان شاء الله تبقى بطل فيها
Jackie_Chan
22-04-2008, 08:27 PM
السلام عليكم اعتقد ان السبب قد يكون لتنوع التقنيات
وذلك لسبب كبر حجم الصين فتقنيات القتال كثيره مما يجعلها مشتمله على اشكال القتال بصفه عامه بمعنى جنوب الصين له شكل يختلف عن الشمال وكذلك القوميات فكل قوميه تمارس بشكل مما يجعل المشاهد ينبهر بكثرة التقنيات وهذا بجانب صخب افلام الثمانينات وامر اخر وهو قدم الفن وغموض الكثير من فنياته حتى على من يمارسون الكونغ فو نفسه والله اعلم


شكرا على ردك ياغالي ... والى الأن تهتم هوليود على الحديث على الكونج فو حتى في اخر فيلم لجاكي شان والذي يشاركه البطوله جيت لي فهو فيلم صريح عن رياضة الكونج فو وتطرق للحديث عن الأساليب (القرد - السكير - الأفعى - المانتوس - وغيرها...)
mostafafawzyzak
26-04-2008, 08:28 AM
السلام عليكم


ايه حنرجع تانى للكونغ فو هو احنا ملناش
يا جدعان ارجمونى انا كريهت الكلمه دى هو احنا نخلص من الكورة نخش فى الكونغ فو ما علينا

الكونغ فو الى بيحبب الناس فيها زى ما قال الاخ adoulabos انه حركات شقلبه وحاجات بيتمنهاها شباب كتير
( الحمد لله حنبقى قاعدين فى الجبلايه) ههههههههههه لكن الكونغ فو ممكن نقول علشان هو ابوا الالعاب كلها فليه الشهره دى
انا مره وانا فى النادى بسئل واحد من الى بيلعبوا الكونغ فو انت ايه الى عجبك فى الكونغ فو قالى طب هو انت ايه الى عاجبك فى الكاراتيه قالى طب هو انت ايه الى عاجبك فى اللعبه الى انت بتلعبها دى يقصد الكاراتيه
فقولت للكابتن بتاعى قالى سيبك منهم دول تحت ضغط تدريبى بيشربوهم فى التدريب ان الكونغ فو اللعبه التى لا تقهر بقى عندهم الاول والاخير الكونغ فو يعنى لا مهرب منه ومستحيل تقدر تغير الى فى عقلهم
معلش طولت عليكم بس انا بحترم جدا رياضه الكونغ فو مع انى ليا شويه تحفظ عليها
وانا فعلا بمارس الرياضه دى دلوقتى مش حب اد مهوا اراده فى العلم
اسف على الاطاله مره اخرى
والسلام عليكم ورحمه الله وبركاته
BAssAM AmR
26-04-2008, 10:19 AM
السلام عليكم ورحمة الله وبركاته
اولا انا سعيد بموضوعك الجميل بس ليا شوية تعليقات
------------------------------------------------------
اولا حب الناس للكونغ فو : ده شىء بيرجع للتعريف الاعلامى باللعبة بمعنى ان شوف عدد الافلام اللى طلعت بتتكلم فى اللعبه ديه وطبعا الحركات اللى بتؤدى فيها وده احد اسباب ان الناس تهتم بيها .
----------------------------------------------------
ثانيا : ان ابطال الافلام تهزم ابطال الرياضات الاخرى : وعلى سبيل المثال فى فيلم جيت لى لما دخل وضرب مدرسة كاراتيه كلها .
مش حنقول انه لم يثبت عكس ذلك فى الواقع والاول او الاخر ده كلام افلااااام
---------------------------------------------------------------
انا حرجع لنقطه انا شايف انها مهمه وهى الاهتمام الاعلامى باللعبه
دلوقتى فى دول كتير جدا ابتدت تعطى لعبتها الوطنية اهتمام عالى فى الافلام
زى ما قال اخى العزيز osha_mady عن الافلام التايلاندية بس التصحيح انه مش لاعب كيك بوكس هو لاعب مواى تاى واسمه tony jaa واستخدم فى الفيلم كتير من حركات فن الكابوريا البرازيلى ( لاحقا ان شاء لله حضع موضوع تعريف للعبتين دول) وبصراحه انا شوفتله فيلمين وتمثيلة رااائع جدا وحركاته كويسة اوى اوى .
--------------------------------------------------------
النقطه الاخيرة ان فى مصر اصلا فى رياضات كتيرة اوى مش موجوده مع انها ذات صيت عالمى زى: كابوريا- مواى تاى (فيه بس قليل جدا) - جو جيتسو - هابكيدوا
ملحوظة : حتى لو فيه مدرب بيدرب الالعاب ديه برده مفيش اتحاد رياضى ليها يعنى برده لسه مخرجتش للنور
وده سبب لاننا محبوسين فى كام فن قتالى ومنعرفش غيرهم

وده رأيى المتواضع وانا سعيد بمناقشتى معاكم
واسف لو طولت عليكم
Jackie_Chan
26-04-2008, 01:41 PM
السلام عليكم


ايه حنرجع تانى للكونغ فو هو احنا ملناش سيره فى ام القسم ده غير الكونغ فو
يا جدعان ارجمونى انا كريهت الكلمه دى هو احنا نخلص من الكورة نخش فى الكونغ فو ما علينا

الكونغ فو الى بيحبب الناس فيها زى ما قال الاخ adoulabos انه حركات شقلبه وحاجات بيتمنهاها شباب كتير
( الحمد لله حنبقى قاعدين فى الجبلايه) ههههههههههه لكن الكونغ فو ممكن نقول علشان هو ابوا الالعاب كلها فليه الشهره دى
انا مره وانا فى النادى بسئل واحد من الى بيلعبوا الكونغ فو انت ايه الى عجبك فى الكونغ فو قالى طب هو انت ايه الى عاجبك فى الكاراتيه قالى طب هو انت ايه الى عاجبك فى اللعبه الزباله الى انت بتلعبها دى يقصد الكاراتيه
فقولت للكابتن بتاعى قالى سيبك منهم دول تحت ضغط تدريبى بيشربوهم فى التدريب ان الكونغ فو اللعبه التى لا تقهر بقى عندهم الاول والاخير الكونغ فو يعنى لا مهرب منه ومستحيل تقدر تغير الى فى عقلهم
معلش طولت عليكم بس انا بحترم جدا رياضه الكونغ فو مع انى ليا شويه تحفظ عليها
وانا فعلا بمارس الرياضه دى دلوقتى مش حب اد مهوا اراده فى العلم
اسف على الاطاله مره اخرى
والسلام عليكم ورحمه الله وبركاته





بسم الله الرحمن الرحيم


اولا شكرا على ردك ولو اني ليا تعقيب على كام نقطه كده

ايه حنرجع تانى للكونغ فو هو احنا ملناش سيره فى ام القسم ده غير الكونغ فو
يا جدعان ارجمونى انا كريهت الكلمه دى هو احنا نخلص من الكورة نخش فى الكونغ فو ما علينا


اولا مافيش حاجه اسمها حنرجع تاني لرياضة كذا احنا هنا في قسم للفنون القتاليه وكل عضو حر في انه يفتح الموضوع اللي هو عايزه طالما ماخرجش عن قواعد المنتدى ... زي مانت فتحت موضوع عن رياضة الكراتيه (مع ان فيه مواضيع كثيره في هذا القسم عن هذه الرياضه) لكن انا ماقولتلكش في موضوعك ارحموني اوا انا كاره اللعبه دي



الكونغ فو الى بيحبب الناس فيها زى ما قال الاخ adoulabos انه حركات شقلبه وحاجات بيتمنهاها شباب كتير
( الحمد لله حنبقى قاعدين فى الجبلايه) ههههههههههه لكن الكونغ فو ممكن نقول علشان هو ابوا الالعاب كلها فليه الشهره دى


احد الأسباب فعلا اللي بتحبب الناس في الكونج فو ان فيه حركات شقلبه وحركات تستدعي لياقه عاليه وانا مش شايف ان ده عيب او مش سبب يحبب الناس في هذه الرياضه... لكن مش معنى كده اننا نبقى قرود لما نلعبها ... صح؟





انا مره وانا فى النادى بسئل واحد من الى بيلعبوا الكونغ فو انت ايه الى عجبك فى الكونغ فو قالى طب هو انت ايه الى عاجبك فى الكاراتيه قالى طب هو انت ايه الى عاجبك فى اللعبه الزباله الى انت بتلعبها دى يقصد الكاراتيه
فقولت للكابتن بتاعى قالى سيبك منهم دول تحت ضغط تدريبى بيشربوهم فى التدريب ان الكونغ فو اللعبه التى لا تقهر بقى عندهم الاول والاخير الكونغ فو يعنى لا مهرب منه ومستحيل تقدر تغير الى فى عقلهم


وليه ماتقولش ان اللاعب ده غيور على لعبته زي مانت غيور على لعبتك هو علشان قالك كده يبقى تحت ضغط تدريبي او المدرب لاعب في دماغه ... حتى لو المدرب بتاعه فالتدريب قاله كده عن فنه القتالي ده مش عيب امال انت عايزه يقوله ان رياضة الكونج فو رياضه ضعيفه ولو لاعبت بيها اي رياضه تانيه حتتغلب .



معلش طولت عليكم بس انا بحترم جدا رياضه الكونغ فو مع انى ليا شويه تحفظ عليها
وانا فعلا بمارس الرياضه دى دلوقتى مش حب اد مهوا اراده فى العلم
اسف على الاطاله مره اخرى
والسلام عليكم ورحمه الله وبركاته


مافيش تطويل ولا حاجه انا سعيد بالنقاش مع كل الأعضاء بس ياريت بلاش نقول كلام جارح عن اي رياضه اخرى انا في الموضوع ده قولت جيت لي في احد افلامه قاتل رياضه اخرى وهزمها وماردتش اقول انه كسب الكراتيه علشان اخواننا اللي بيلعبوا الكراتيه وانت واحد منهم مايزعلوش ... وكويس جدا انك تمارس رياضه اخرى علشان تعرف ايه هي نقاط القوه والضعف في كل رياضه بس المهم تمارسها عند مدرب بيفهم علشان ماتكرهاش اكتر ... ومستني رأيك عن الكونج فو


والسلام عليكم ورحمة الله وبركاته
Jackie_Chan
26-04-2008, 01:43 PM
السلام عليكم ورحمة الله وبركاته
اولا انا سعيد بموضوعك الجميل بس ليا شوية تعليقات
------------------------------------------------------
اولا حب الناس للكونغ فو : ده شىء بيرجع للتعريف الاعلامى باللعبة بمعنى ان شوف عدد الافلام اللى طلعت بتتكلم فى اللعبه ديه وطبعا الحركات اللى بتؤدى فيها وده احد اسباب ان الناس تهتم بيها .
----------------------------------------------------
ثانيا : ان ابطال الافلام تهزم ابطال الرياضات الاخرى : وعلى سبيل المثال فى فيلم جيت لى لما دخل وضرب مدرسة كاراتيه كلها .
مش حنقول انه لم يثبت عكس ذلك فى الواقع والاول او الاخر ده كلام افلااااام
---------------------------------------------------------------
انا حرجع لنقطه انا شايف انها مهمه وهى الاهتمام الاعلامى باللعبه
دلوقتى فى دول كتير جدا ابتدت تعطى لعبتها الوطنية اهتمام عالى فى الافلام
زى ما قال اخى العزيز osha_mady عن الافلام التايلاندية بس التصحيح انه مش لاعب كيك بوكس هو لاعب مواى تاى واسمه tony jaa واستخدم فى الفيلم كتير من حركات فن الكابوريا البرازيلى ( لاحقا ان شاء لله حضع موضوع تعريف للعبتين دول) وبصراحه انا شوفتله فيلمين وتمثيلة رااائع جدا وحركاته كويسة اوى اوى .
--------------------------------------------------------
النقطه الاخيرة ان فى مصر اصلا فى رياضات كتيرة اوى مش موجوده مع انها ذات صيت عالمى زى: كابوريا- مواى تاى (فيه بس قليل جدا) - جو جيتسو - هابكيدوا
ملحوظة : حتى لو فيه مدرب بيدرب الالعاب ديه برده مفيش اتحاد رياضى ليها يعنى برده لسه مخرجتش للنور
وده سبب لاننا محبوسين فى كام فن قتالى ومنعرفش غيرهم

وده رأيى المتواضع وانا سعيد بمناقشتى معاكم
واسف لو طولت عليكم




كلامك مظبوط جدا وفعلا هو ده اللي كنت اقصده من هذا الموضوع ... شكرا جزيلا على مرورك وردك
mostafafawzyzak
26-04-2008, 05:27 PM
بسم الله الرحمن الرحيم


اولا شكرا على ردك ولو اني ليا تعقيب على كام نقطه كده




اولا مافيش حاجه اسمها حنرجع تاني لرياضة كذا احنا هنا في قسم للفنون القتاليه وكل عضو حر في انه يفتح الموضوع اللي هو عايزه طالما ماخرجش عن قواعد المنتدى ... زي مانت فتحت موضوع عن رياضة الكراتيه (مع ان فيه مواضيع كثيره في هذا القسم عن هذه الرياضه) لكن انا ماقولتلكش في موضوعك ارحموني اوا انا كاره اللعبه دي






احد الأسباب فعلا اللي بتحبب الناس في الكونج فو ان فيه حركات شقلبه وحركات تستدعي لياقه عاليه وانا مش شايف ان ده عيب او مش سبب يحبب الناس في هذه الرياضه... لكن مش معنى كده اننا نبقى قرود لما نلعبها ... صح؟








وليه ماتقولش ان اللاعب ده غيور على لعبته زي مانت غيور على لعبتك هو علشان قالك كده يبقى تحت ضغط تدريبي او المدرب لاعب في دماغه ... حتى لو المدرب بتاعه فالتدريب قاله كده عن فنه القتالي ده مش عيب امال انت عايزه يقوله ان رياضة الكونج فو رياضه ضعيفه ولو لاعبت بيها اي رياضه تانيه حتتغلب .






مافيش تطويل ولا حاجه انا سعيد بالنقاش مع كل الأعضاء بس ياريت بلاش نقول كلام جارح عن اي رياضه اخرى انا في الموضوع ده قولت جيت لي في احد افلامه قاتل رياضه اخرى وهزمها وماردتش اقول انه كسب الكراتيه علشان اخواننا اللي بيلعبوا الكراتيه وانت واحد منهم مايزعلوش ... وكويس جدا انك تمارس رياضه اخرى علشان تعرف ايه هي نقاط القوه والضعف في كل رياضه بس المهم تمارسها عند مدرب بيفهم علشان ماتكرهاش اكتر ... ومستني رأيك عن الكونج فو


والسلام عليكم ورحمة الله وبركاته

الحمد لله انت شركت رائى اولا احب اقولك انى قلت ان اللعبه قويه بجد وتستحق بس بتتكلموا عنها زياده عن اللزوم يعنى هى الرياضه دى الى خلقها مخلقش غيرها
وثانيا فين المواضيع الكتير فى القسم عن الكارتيه انا دورت والحمد لله تلت اربع القسم كونغ فو

وكمان مش فيديو ولافيلم الكونغ فو هزم الكاراتيه فيه يبقى ده حكم على اللعبه

الكاراتيه فى منتهى القوة وشوف الفريق الايطالى فى موضوعى واحكم وده مش تمثيل

وثانيا ان مش غيور على لعبتى انا عارف ان لعبتى فيها نقاط سلبيه كتير ونقاط ايجابيه لكن مبكنش اعمى لما حد يكلمنى عن رياضتى ومبكابرش

وموضع قرود ده انا بهزر ولا انت مبتحبش الهزار

والسلام عليكم ورحوة الله وبركاته
Master_sn
28-04-2008, 01:35 PM
بصراحة انا هتكلم عن تجربتي
الكونغ فو بالنسبة للوسط المصري وكونه رياضة دفاع عن النفس فهو فاشل
الخناقات عندنا في مصر يا جامعة بتعتمد على الألتحام مش زي ما بتشوفوا في الأفلام
يعني متتخيلش ان في خناقة واحد هيقف يلعبك بوكس ولا كونغ فو ولا هيكون في بينه وبينه مافة ربع متر حتى
الفكرة كلها ان بيكون في التحام وده اقرب اوي للمصارعة
احنا ياما دخلنا خناقات كتير وحاولنا نطبق فيها فكرة القتال بالكونغ فو بس والله يا كباتن الوضع بيكون مختلف تماما عن انك في النادي

يعني ضربة زي الماي جيرل مثلا عشان تضربها لواحد في خناقة لازم يكون بينك وبينه مسافة بتاعة نص متر على الأقل عشان تعرف تفرد رجلك وانت مين قال لك ان هيكون النص متر ده موجود اصلا

انا في رأي ان افضل رياضة دفاع عن النفس بشكل فعلي وحقيقي هي اللي بتعتمد على الألتحام اكتر من اي شيء تاني
mostafafawzyzak
28-04-2008, 07:46 PM
بصراحة انا هتكلم عن تجربتي
الكونغ فو بالنسبة للوسط المصري وكونه رياضة دفاع عن النفس فهو فاشل
الخناقات عندنا في مصر يا جامعة بتعتمد على الألتحام مش زي ما بتشوفوا في الأفلام
يعني متتخيلش ان في خناقة واحد هيقف يلعبك بوكس ولا كونغ فو ولا هيكون في بينه وبينه مافة ربع متر حتى
الفكرة كلها ان بيكون في التحام وده اقرب اوي للمصارعة
احنا ياما دخلنا خناقات كتير وحاولنا نطبق فيها فكرة القتال بالكونغ فو بس والله يا كباتن الوضع بيكون مختلف تماما عن انك في النادي

يعني ضربة زي الماي جيرل مثلا عشان تضربها لواحد في خناقة لازم يكون بينك وبينه مسافة بتاعة نص متر على الأقل عشان تعرف تفرد رجلك وانت مين قال لك ان هيكون النص متر ده موجود اصلا

انا في رأي ان افضل رياضة دفاع عن النفس بشكل فعلي وحقيقي هي اللي بتعتمد على الألتحام اكتر من اي شيء تاني

اولا بحب اشكرك على وجه نظرك بس انا ليه تعقيب على بعض كلامك

اولا الماى جيرى فى الكاراتيه مش الكونغ فو
ثانيا انت فى التدريب بتتدرب على المسافه الصخ لكن فى الخناقه مش لازم المسافه صح المهم الحركه صح

وثانيا الكاراتيه والكونغ فو فى الدفاع على التفس فى الحناقات اللعاب قويه فعلا

اخوك : محمد
Master_sn
29-04-2008, 01:19 PM
والله يا اخ محمد لو كانت زي ما بتقول يبقى العيب على المدرب اللي بقاله 3 سنين بيمرني الله يسمحه بقى

بس انا واثق انك مشفتش الخناقات اللي انا اقصدها لأن لو شفتها مكنش هيبقى ده قصدك ابدا
بس يمكن اللي ساكن في مناطق شعبيه هيبقى عارف يعني ايه خناقات وزحمه وكراسي وازاير بتتحدف اللي مش هيبقى قدامك اصلا فرصة تعمل فيها اي فن حركي هو العنف المباشر وبس
بصراحة انا شايف ان اي رياضة تعتمد على الألتحام والجذب والأفلات هي افضل سبيل للدفاع عن النفس في وقت زي ده
وشكرا على تعقيبك
mostafafawzyzak
02-05-2008, 05:19 PM
انا دخلت جميع انواع الخناقات وفى الى كسبته وفى الى الكتره تغلب الشجاعه
ولعلمك انا بتدرب مع الكابتن الاول فى مصر
وممكن فعلا يكون الكابتن بتاعك هو المشكله
حاول تشوف غيره
او ممكن يكون العيب منك
تقبل مرورى
اخوك : محمد
hamadasite
06-05-2008, 02:41 PM
السلام عليكم و رحمة الله و بركاته
الكلام اللى مكتوب ده كله كلام جميل جدا بس ليا تعليق صغير عليه :
1- المدرب اللى بيدرب الفن هل هو مؤهل بما يكفى؟
2- هل هو على دراية بتاريخ الفن الذى يقوم بتدريبه؟
3- هل هو على درايه بمؤسسيه؟
4- هل يعلم الفلسفة القائم عليها هذا الفن؟
5- هل هو عضو مسجل فى جمعيات دوليه او اتحادات دولية؟
يجب على كل مدرب بيدرب فن دفاع عن النفس يكون له مدرب مسجل فى اتحاد دولى؟
انتو بتتكلمو عن "الكو نج فو" تعرفوا معنى الكلمه اساسا؟

.................................................. ..............

يرجى الالتزام باداب الحديث وعدم الخروج! مامعنى هذه الكلمه يرجى التوضيح؟

.................................................. .....................................
غير كده و كده ايه "الكوشو" و ايه "الووشو" ؟
وبالمره ايه هيه "الصندا" و ال " لى تاى كوشو " ؟
حركات الشقلبه اللى اتكلمتو عنها دى محدش يقدر يستعملها فى القتال الا اذا كان يستطيع القتال اساسا
و ذلك لا يتم الا عن طريق معلم مؤهل يستطيع تعليمك كيفية دمج مهارات القتال.
وهذا رد احد اصدقائى يمارس "كو نج فو" ـــــــــ> "تشوى لى فت"
و انا على استعداد لشرح الموضوع بطريقة اكثر تفصيلا اذا اردتم
و السلام عليكم و رحمه الله و بركاته
Jackie_Chan
06-05-2008, 08:59 PM
السلام عليكم و رحمة الله و بركاته
الكلام اللى مكتوب ده كله كلام جميل جدا بس ليا تعليق صغير عليه :
1- المدرب اللى بيدرب الفن هل هو مؤهل بما يكفى؟
2- هل هو على دراية بتاريخ الفن الذى يقوم بتدريبه؟
3- هل هو على درايه بمؤسسيه؟
4- هل يعلم الفلسفة القائم عليها هذا الفن؟
5- هل هو عضو مسجل فى جمعيات دوليه او اتحادات دولية؟
يجب على كل مدرب بيدرب فن دفاع عن النفس يكون له مدرب مسجل فى اتحاد دولى؟
انتو بتتكلمو عن "الكو نج فو" تعرفوا معنى الكلمه اساسا؟
غير كده و كده ايه "الكوشو" و ايه "الووشو" ؟
وبالمره ايه هيه "الصندا" و ال " لى تاى كوشو " ؟
حركات الشقلبه اللى اتكلمتو عنها دى محدش يقدر يستعملها فى القتال الا اذا كان يستطيع القتال اساسا
و ذلك لا يتم الا عن طريق معلم مؤهل يستطيع تعليمك كيفية دمج مهارات القتال.
وهذا رد احد اصدقائى يمارس "كو نج فو" ـــــــــ> "تشوى لى فت"
و انا على استعداد لشرح الموضوع بطريقة اكثر تفصيلا اذا اردتم
و السلام عليكم و رحمه الله و بركاته



بسم الله الرحمن الرحيم

كلامك مظبوط وانا متفق معاك ... وبالنسبه للأسئله اللي انت طرحتها الحمد لله انا على درايه باٍجابتها كلها ولو حبيت اقولك معاني كل كلمه وشرح كل سؤال انت طرحته في ردودو موجزه انا ماعنديش مانع

وعملك لموضوع عن الكونج فو ده شئ يسعدنا كلنا وياريت نشوف منك مواضيع كثيره ومفيده

سعيد جدا بزيارتك للموضوع وشكرا على ردك
hamadasite
29-05-2008, 03:14 PM
و انا موافق انك تقولى على معانى الكلمات اللى انا قلتها بس ده مش قلة ثقه و لكن لنفيد و نستفيد
لأن معظم الناس لا تعلم معانى هذه الكلمات و مؤخرا حتعرف ان كلمة "كونج فو" ستختفى و سيحل محلها كلمة أخرى
و ذلك بناء على عدة اساتذة لل " ووشو " التقليدى اقروا ان كلمة "كونج فو" لا تعنى ال "ووشو"
وبرجاء سرعة الرد حتى استطيع تنظيم بعض المواضيع للتحدث فيها و المساعده
شكرا و برجاء الرد
tariq nour
03-06-2008, 08:25 AM
شكرا على هذا الموضوع الشيق وانا كلاعب كونج فو استفدت منه:glasses:
Jackie_Chan
03-06-2008, 04:50 PM
و انا موافق انك تقولى على معانى الكلمات اللى انا قلتها بس ده مش قلة ثقه و لكن لنفيد و نستفيد
لأن معظم الناس لا تعلم معانى هذه الكلمات و مؤخرا حتعرف ان كلمة "كونج فو" ستختفى و سيحل محلها كلمة أخرى
و ذلك بناء على عدة اساتذة لل " ووشو " التقليدى اقروا ان كلمة "كونج فو" لا تعنى ال "ووشو"
وبرجاء سرعة الرد حتى استطيع تنظيم بعض المواضيع للتحدث فيها و المساعده
شكرا و برجاء الرد


مافيش مشاكل ياباشا انا عملت موضوع جاوبت فيه على جزء من الأسئله هنــــــــــــــــــــــــــــا (http://www.dvd4arab.com/showthread.php?t=933467) وان شاء الله حكمل اجابة اسئلتك بس اخلص امتحانات ان شاء الله

وبأذن الله كلنا نستفيد من بعض

والسلام عليكم
Jackie_Chan
03-06-2008, 05:01 PM
شكرا على هذا الموضوع الشيق وانا كلاعب كونج فو استفدت منه:glasses:


شكرا ياغالي على ردك وانا شايفه انه اول رد ليك ويارب يكون الموضوع عجبك واستفدت منه
ana_7amdy
09-06-2008, 02:51 PM
فعلا الكونغ فو رياضة مميزة
و انا عايز العبها بس المشكله اني تخين شوية فمش عارف ينفع و لا لأ
و لو ينفع يا ريت تكتبلي اماكن مراكز كونغ فو في اسكندرية
و شكرا ليك عالموضوع
Jackie_Chan
09-06-2008, 04:35 PM
فعلا الكونغ فو رياضة مميزة
و انا عايز العبها بس المشكله اني تخين شوية فمش عارف ينفع و لا لأ
و لو ينفع يا ريت تكتبلي اماكن مراكز كونغ فو في اسكندرية
و شكرا ليك عالموضوع




بسم الله الرحمن الرحيم

اولا شكرا على ردك وزيارتك للموضوع

ثانيا بالنسبه انك طخين دي مش مشكله وفي مقوله مشهوره جدا عن الكونج فو ان (الكونج فو كالماء يناسب اي اناء)

ياعني سواء كنت رفيع او طخين او قصير او طويل يمكنك ممارسة الكونج فو لأن فروعه كثيره تناسب جميع الأشخاص

بالنسبه لأماكن تدريب الكونج فو في اسكندريه في اماكن تدريب كثيره جدا انت بس قوللي انت ساكن فين وانا ان شاء الله اقدر اجيبلك مكان يكون قريب منك

والسلام عليكم ورحمة الله وبركاته
ابراهيم منصور13
09-06-2008, 08:35 PM
مشكوووووووووووووووووور
ana_7amdy
10-06-2008, 01:40 PM
شكرا ليك يا باشا عالمتابعة و الرد
و انا ساكن في فيكتوريا بس انا بالنسبالي مش مهم المكان المهم كفاءة المدرب
فيا ريت تقولي على احسن مدرب تعرفه حتى لو في اخر الدنيا حروحله ان شاء الله
و كمان كنت عايز اعرف انا محتاج وقت اد ايه عشان ادخل بطولات و كده
و شكرا ليك يا باشا على تعبك معايا
Jackie_Chan
11-06-2008, 12:02 PM
مشكوووووووووووووووووور


العفو ... وشكرا على ردك
Jackie_Chan
11-06-2008, 12:12 PM
شكرا ليك يا باشا عالمتابعة و الرد
و انا ساكن في فيكتوريا بس انا بالنسبالي مش مهم المكان المهم كفاءة المدرب
فيا ريت تقولي على احسن مدرب تعرفه حتى لو في اخر الدنيا حروحله ان شاء الله
و كمان كنت عايز اعرف انا محتاج وقت اد ايه عشان ادخل بطولات و كده
و شكرا ليك يا باشا على تعبك معايا



بسم الله الرحمن الرحيم

مافيش شكر ولا حاجه ده واجبي

فيه مدرب ممتاز جدا جدا جدا بس المشكله انه مش بيدرب في نادي بيدرب في مكان واسع في زي مزرعه كده كأنها مدرسه للكونج فو

بس المشكله ان المنطقه اللي بيدرب فيها ممكن ماتعجبكش عالعموم فكر وكلمني على الخاص


الوقت اللي بتحتاجه علشان تدخل اي بطوله ده بيرجع ليك انت ومدى اخلاصك في تدريبك كل ماتخلص في التدريب وتؤديه بشكل جيد كل ما مستواك حيزيد بسرعه ان شاء الله

وبالنسبه للبطولات بيبقى فيه بطولات وديه (بتبقى بين المحافظات ) وفيه بطولات رسميه (زي بطولة اسكندريه و الجمهوريه )

البطولات الوديه ممكن تدخل فيها بعد شهرين او 3 من تدريبك اما الرسميه فدي حتحتاج وقت كبير منك علشان تقدر تدخلها لأن بيكون مستواها عالي ولازم تدخل وانت جاهز لكده علشان ماتخسرش وتبدأ تتعقد من اللعبه

معلش انا طولت في الرد بس حبيت افيدك


والسلام عليكم ورحمة الله وبركاته
Anewer1900
22-09-2008, 04:53 AM
موضوع مهم فعلا لان فيه ناس بتلعب الكونغ فو فقط علشان الافلام اللي بيشفوها مش حب في اللعبه ده ونلاحظ ان اغلب ممارسي الكونغ فو من الرجال اما الرياضات الاخري زي الكاراتيه وغيرها من الالعاب فتمارسها النساء والبنات بشكل كبير لانها ليست ملائمه لهم لما فيها من عنف رهيب ومشكور يباشا علي عرض الموضوع
Jackie_Chan
27-09-2008, 11:26 PM
موضوع مهم فعلا لان فيه ناس بتلعب الكونغ فو فقط علشان الافلام اللي بيشفوها مش حب في اللعبه ده ونلاحظ ان اغلب ممارسي الكونغ فو من الرجال اما الرياضات الاخري زي الكاراتيه وغيرها من الالعاب فتمارسها النساء والبنات بشكل كبير لانها ليست ملائمه لهم لما فيها من عنف رهيب ومشكور يباشا علي عرض الموضوع


العفو يا جميل ... وشكرا جدا على مرورك

وبالنسبه لنقطة البنات فأحب اوضح ان الكونج فو فيه الأساليب ودي مناسبه جدا للبنات لأن بطولاتها بتطولات استعراضيه لا اكثر ولا اقل و مافهاش اي فايت بيحصل ودي حاجه مناسبه ليهم