انا بسال وبرجوا تردوا على هل انا هشتغل!!!!!!!!!!!؟؟؟؟

[mahgoubingdvd]

يا جماعه انا بال هقوله لكم دلوقتى هشتغل ولا ايه رايكم ؟ووهل فى عندكم شغل لى؟ وايش يكون؟
يا جماعه انا خريج تجاره دور سبتمبر
وتقديرى هوه مقبول(64.5%) بالظبط باقى 5 درجات على تقدير الجيد
وده بسبب بعض الامور بدون داعى لذكرها
على العلم انى هيه ماده واحده بس وكانت فى السنه الرابعه وفى الترم التانى كمان
بمعنى اصح انا طول الاربع سنوات ناجح وبتقدير جيد الا سنه رابعه وخاصة الترم التانى
ابغى رايكم وحلولكم الرشيده
اشكركم وبشده على الاهتمام
mahgoubingdvd

[mohamed20175]

و من يتقي الله يجعل له مخرجا و يرزقه من حيث لا يحتسب

اعمل اللي عليك و اسعي

لو انكم تتوكلون علي الله حق توكله لرزقكم كما يرزق الطير
تغدو خماصا و تعودو بطانا

يا ما ناس بدأو من الصفر و ربنا وفقه .. ربنا يوفقك و يوفقك جميع المسلمين

[mahgoubingdvd]

والله اشكرك على كلامك الجميل
بس ده مش ياس منى رحمة المولى واسعه
لو ليكم اراء تانيه قولو
انا مستنى ردودك وردودكم
mahgoubingdvd

[ashrafohm]

يا باشا باختصار الشغل على قفا مين يشيل

بس اللي يستحمل أصلاً لأن الشغل مش سهل خالص ، سواء جوه مصر او براها

ومسئولية وضغط فظيع ما تفتكرش انك هتقعد على مكتب حاطط رجل على رجل وتاخد مرتبك آخر الشهر

أخويا على فكرة برضه خريج تجارة ، وتقديره جيد ، لكن واخد كورسات كمبيوتر بعدد شعر راسك ، ومنها منحة وزارة الاتصالات ، وما تفتكرش انه يعني عجوز ، هو متخرج ما بقالهوش ثلاث سنين تقريباً ، لكن الحمد لله بيشتغل في شركة محترمة وليه وضعه فيها وماسك فيها وظيفة محترمة

وما بدأش شغله في الوظيفة دي طبعاً ، لكن الأول برضه تعب وشاف العجب واستحمل لحد ما اترقى كذا مرة وبقى في مكان محترم ، ولسه برضه بيعمل اللي ربنا يقدره عليه علشان يكون أحسن

وأتمنى انك برضه تشد حيلك لأن لسه قدامك كثير اوي وانت عارف بقا الجواز والشقة والمهر والمسئوليات دي ، ما ينعش نظام تستنى الوظيفة والتهريج ده

لازم تحاول طبعاً تظبط نفسك بسرعة في شغل مؤقت وكورساتك كده علشان تقدر تشتغل شغلة محترمة تسد مع متطلبات الحياة اللامتناهية وربنا يوفقك

[احمد فخر]

السلام عليكم ورحمة الله وبركاته
اخي الكريم وببساطة هديك نصيحة هتوفر كتيير جداا عليك في مجالك
الدنيا دلوقتي مش دنيا تقديرات انما خبرات وانجليش وكمبيوتر لذا انصحك وعم تجربة 3 اصدقاء فنفس مجالك وخريجين 2006 و 2005

1-اهم نقطة عملية ليك دلوقتي تروح تتعلم اكسل واكسس وورد باقصي سرعه وعندك كورسات فكل مكان وانصحك بجمعية المراجعين والمحاسبين

2-النقطة الخطيرة جداا دي بقي اوعي تهملها ..روح واتدرب في اي مكتب محاسبة محترم وخد منه خبرة حتي لو هيديك 150 او 200 ولو لمده سنه ونصف مثلا وبعدها بالخبرة دي ممكن تشتغل فالسعودية او الامارات كمان ولو مش عاوز تسافر والله ممكن تشتغل في بنك بس المهم كمحاسب الخبررررة لان الدراسة بتطلعك ميح صدقني متضيعش ثانية من دلوقتي وابدأ انطلق
انا عملت اللي عليا ونصحتك..ومحدش بينصح ببلاش اليومين دول لكن كله لوجه الله
والسلام عليكم ورحمه الله وبركاته