تأسيس رابطة "للعاطلين عن العمل" في مصر [الأرشيف] - موقع الدي في دي العربي

مشاهدة النسخة كاملة : تأسيس رابطة "للعاطلين عن العمل" في مصر

sherif dandy

19-02-2008, 04:39 PM

ايه رأيكم يا جماعه لو نعمل رابطة للعاطلين فى مصر تحاول تحل مشاكلهم و تساعدهم
و يمكن الرابطه تكبر معانا و تبقى نقابه و نسجلها وساعتها اعتقد انها حتبقى اكبر نقابه فى مصر و العالم العربى و يمكن فى العالم كله لانها حتضم عدد مهول من الشباب العواطلى
و يبقى ليها انتخابات لرئيس نقابة العاطلين و نائب رئيس نقابة العاطلين و أعضاء مجلس نقابة العاطلين زى نقابة المحاميين و المهندسين و الممثلين
و نطلع بقى مصايف و نعمل شقق بالقسط و تأمين صحى على اسر العاطلين و ممكن نعمل كمان نادى نقابة العاطلين عشان العواطليه يتجمعو فيه بدل القهاوى و كده نبقى عملنا انجاز وطنى يحسب لنا على مر العصور و الدنيا تبقى حلوه مع العواطليه

لو عجبتكو الفكره اى واحد عاطل عايز يشترك يسجل نفسه و طبعا لازم يجيب شهاده من اتنين عواطليه انه عواطلى حسن السير و السلوك و يقولنا على قصته مع البطاله
اما لو معجبتكوش مش مهم لان احنا كده كده عواطليا!!!!

sizar_eg

20-02-2008, 12:33 PM

نقابة عواطليه اه و الله فكره و انا مستعد امسك نقيب العواطليه و نعمل مسابقات للعواطليه في الطاوله والضمنه واطول نفس شيشه بس ربنا يستر واصحاب القهاوي ميعملوش احتجاج و ممكن نعمل لجنة الانتخه ودي تنظم اوقات فراغ العواطليه وتشوف الشكاوي بتاعتهم الشاي و الشيشه ايه اخبارهم كويسين ولا لا كدا يعني

sherif dandy

20-02-2008, 02:33 PM

medo22mohamed

21-02-2008, 09:43 AM

هههههههههههههههههههههه يا شباب كفاية احباط بقى وتوكوا على الرزاق سبحانه وتعالى واسعوا بجد ربنا هيوفقكوا ادخلو على الموضوعين دول فيهم وظائف كتيرة بجد :

1 - موضوعى الشخصى والله فى شغل بجد اسمه (انسى البطالة)
2 - موضوع اسمة (وظائف) للاستاذة المؤمنة بالله

sameh200579

21-02-2008, 10:41 PM

من الافضل توفر المجهود والوقت عشان تتعب وتلف على شغل كويس
بدل ماتسعى لعمل نقابة للعاطلين تشجعهم على الارتباط فيها
وكمان هتعملها تأمين صحى!! طب يدوروا ليه على شغل بقا كفاية عليهم النقابة.
والا هما هيقطعوا نفسهم !!!!!!!!!!!!!!!
نقابة وكمان شغل والله حرام !!!!!!!!!!!!
هوا دا فعلا تفكيرنا ونرجع نقول مفيش شغل والشغل متعب ومفيش
ومفيش ومفيش

نصيحة لأبناء سنى ندور على حلول لمشاكلنا بدلا من تعميقها

sameh200579

21-02-2008, 11:08 PM

يا شباب انا بقول لو بجد اى حد مش بيشتغل (عواطلى يعنى) ممكن يحكى ظروفه هنا و يسجل نفسه يمكن ربنا يكرمنا و تلاقى حد يسمعلنا و فعلا تتعمل النقابه و يتحقق حلم كل عاطل و نبقى لينا كيان فى البلد دى و محدش يكسف من التانى احنا كلنا فى الهوا سوا:glasses:

ويتحقق حلم كل عاطل .......أنا آسف لازم ارد هوا دا حلم كل عاطل !!!!! ياريت ياجماعة تردوا بامانة وتقولوا رأيكم لحسن اكون انا مابفهمشى .

ونبقى لينا كيان فى البلد دى وماحدش يكسف التانى .....
ازاى يعنى يبقى ليكم كيان وازاى ماحدش هيكسف التانى طب امنتك امانة ايه الاحسن تقول بدور على شغل ومش لاقى والا بشتغل او عضو فى نقابة العاطليين !!!!!!!!!!!!

أنا آسف مرة أخرى بس الايجابية تفرض عليا لما ألاقى حاجة غريبة من وجهة نظرى أرد وماأسكتشى

شكرا وأتمنى التوفيق فى الأنتخابات

sameh200579

08-03-2008, 12:06 AM

فين ردودكم ياجماعة

sherif dandy

13-03-2008, 03:25 PM

يا جدعان انتو نمتو كده ليه انتو مكسوفين عشان عواطليه
طب ايه رايكو بقى انا مستعد اطلع على ميدان التحرير و اقف جنب تمثال الشهيد عبد المنعم رياض و اصرخ و اقول باعلى صوتى
انا عااااااااااااااااااااااااااااااطل
يا جماعه مش عيب انك تكون عاطل العيب انك تسكت و تفضل زى منتا عاطل و كده انت عاطل حتى انك تعبر عن انك عاطل

نداء عاجل الى كل عاطل

قدم نفسك هنا و ان شاء الله الناس حتسمع صوتنا
يا جماعه العاطلين قوه لا يستهان بها فى مصر
عايزين نستغلها

و ربنا يكرمنا و نقدر نبنى مبنى للنقابه زى بتاع نقابة الصحفيين

(لو لم اكن عواطليا لوددت ان اكون امريكيا:31::15:!!!)

mfetoh77

13-03-2008, 03:33 PM

مفيش وظيفه وعايز وظيفه؟؟؟؟؟؟؟ مش عارف تدور؟؟؟؟؟؟ عندك وظيفه وعايز تعلن عنها وتساعد الناس؟؟؟؟ صاحب شركه وعايز موظفين؟؟؟؟؟ نفسك تشتغل في مجال ومش عارف اه متطلباته او اه الشهدات او الاماكن ال تحصل عليها منه؟؟؟؟ طيب و الحل؟؟؟؟ الحل بسيط مع المنتدي الاول من نوعه في العالم العربي منتدي الوظائف(وظائف اليوم المنتدي مجاني وغرضه مساعدت الناس وتوفير فرص عمل www.today-jobs.com زوره وساعد شخص انه يحصل علي وظيفه او دور علي وضيفه

sherif_dandy

13-03-2008, 03:44 PM

sherif dandy ??????????

موضوعك حلو بس اسمك غريب اوى

sherif dandy

13-03-2008, 06:08 PM

انت أحسن رد ليك انى مردش عليك اساسا
لانك مش بس سارق الاسم بتاعى
كمان بجح و بتستظرف
يعنى سورى و بدون زعل
(حرامى و اهبل)

sherif_dandy

13-03-2008, 06:18 PM

طيب انا مغلطتش فيك ومش هغلط فيك
هسيبك انت ترد على نفسك و اقرأ كويس البيانات

بس يا ريت متبقاش اعمى فى قرائه البيانات كويس

دة تاريخ تسجيلك وظاهر عندك جنب اسمك على الشمال
فوق عدد المشاركات
تاريخ التسجيل: Apr 2007

و دة تاريخ تسجيلى انا

تاريخ التسجيل: Mar 2007

عرفت بقا مين الحرامى و الاهبل ؟

sherif_dandy

13-03-2008, 06:20 PM

و الغريب اننى مغلطتش فيك
( و مش غريب انك تكون عاطل ) ( اصل اغلب الوظايف عايزه ناس محترمين )

sizar_eg

13-03-2008, 06:28 PM

اولا بالنسبه للأخ شريف داندي المزيف انا مش هاقولك اكتر من ان انت عار على الاسم دا و مش من الذوق ان انت تاخد اسم واحد محترم تنسبه ليك دا ان دل فيدل على انك شخصيه غير محترمه بالمره وانسان تافه ودا باين من ردك و معلش يا شريف (الاصلي) للاسف البطاله فعلا خلت الشباب تافهه وعديمة الاهتمام بأي شئ والدليل الاخ شريف داندي (المزيف) ربنا يستر ومستوانا ميوصلش لأوطى من كدا لان فعلا الشباب امثال شريف (المزيف دا) ملو البلد ودا سبب تأخر البلد والجهل والبلاوي الزرقا اللي احنا بنشوفها

sherif_dandy

13-03-2008, 06:35 PM

يا اخى بالله عليك مفيش حاجه اسمها اصلى و مزيف
الراجل اسمه شريف و تشابه اسماء لما كتب داندى
و انا استغربت لما لقيت اسمه وحبيت اتعرف عليه
و ضيفته عندى على الايميل وراسلته و هو مردش
و من خمس دقايق بس اكتشفت رده عليا فى الموضوع دة
انا مدخلتش عشن اقول حد سرق اسمى او اقتبسه
ده كلام عبيط و شخص عبيط اللى يتكلم فى حاجه زى دى
انا داخل اعلق على اسلوبه فى الكلام بس
و الله يكون فى عون جميع العاطلين

ويشفى صاحب الموضوع ده ( اصل قله الادب دلوقت بقت مرض )

sherif dandy

13-03-2008, 06:38 PM

انا فعلا مش بصيت على تاريخ التسجيل اللى فارق شهر واحد او ايام
لكن انا بصيت على تاريخ ميلادى لان ده اسمى من و انا عندى عشر سنين
و مسجل فيه على 50 منتدى او اكتر يعنى سهل جدا اى حد ياخد الاسم
ده غير الاميل بتاعى اللى بقاله سنين طويله

و الغريب اننى مغلطتش فيك
( و مش غريب انك تكون عاطل ) ( اصل اغلب الوظايف عايزه ناس محترمين )

و الغريب بردو انك تتريئ عليا عشان انا عاطل و انت عامل موضوع و حاطط اللينك بتاعه
http://www.dvd4arab.com/showthread.php?t=828328
يدعو للبطاله و الكسل و الانتخه و مساعدة اليهود

و على العموم انا اسف لو كنت زعلت عشان دى اخلاق العاطلين امثالى
و اللى بدعو كل عاطل انه يتمسك بيها

sherif_dandy

13-03-2008, 07:00 PM

للمره المليون انا مدخلتش وقولت عليك نصاب عشان
انت ترد عليا وتقول لى حرامى واهبل

و للاسف انت حولت الموضوع بتاعك من موضوع مهم
و مفيد ويمكن يكون مثمر وذات قابليه
الى موضوع متدنى جدا وغير جدير بالقرائه
و سبق وقولت لك ان موضوعك جميل

لكن هقول ايه ؟
اذا كنت انت عندك اصرار بقا تتكلم عن اسمك
من وانت عندك عشر سنين هههههههههههههه

ربنا يهديك و انا مسامحك على شتايمك
المهم ربنا يسامحك مش العبد اللى يسامحك

بس ابقا اقرا الموضوع بتاعى كله قبل ما تتهمنى بمساعده اليهود
ولا اقول لك ؟
حاول انت متبقاش زى اليهود فى تصرفاتهم
و احترم اخوك المسلم واتق الله وهتلاقى ربنا فرجها عليك
وترتاح من البطاله مع ان البطاله هى اللى هترتاح منك ههههههههه

hanyhh

15-03-2008, 12:11 PM

[size="4"][size="6"][size="5"]ياجماعه ماينفعش التفكير السلبى اللى احنا بنعمله وبنفكر فيه ده بدل ماندور على شغل ونحاول نحسن مستوانا ونشتغل أى شغل المهم اننا نكبر فيهرايحيين تفروا يالى اسمك شريف داندى انت على انك تقوى موقف العاطل وتخليه بدل مايقول انا بدور على شغل وربنا يسهل , يقول انا عواطلى بلا فخر ياأخى دنتوكمان عندنا نقابه ياأخى ده تفكير غريب والله ياعم داندى حاول تبقى إيجابى أكتر من كده على فكره انا مستنى ردك لأنى مشتاق أرد على كلامك ويانا يانت سلام.

hanyhh

15-03-2008, 12:12 PM

medo22mohamed

15-03-2008, 12:36 PM

من الاخر سيبكوا من الاحباط ده ده الياس من الكفر .......فقوا بقى ازاى مسلمين يبقوا كده - دوروا قدموا فى الالاف الشركات هتلاقوا والله صدقونى على قد ما تتعبوا هتلاقوا ربنا مبيضيعيش تعب حد

كلنا نصحى بعض ونفوق من غقلتنا -يلا نشارك فى حملة حماية لحماية 10 مليون مدمن مخدرات على الاقل اما تقابل ربنا تقولوا عملت حاجة للاسلام

للوظائف ادخلوا على

انسى البطالة

http://www.dvd4arab.com/showthread.php?t=741997

نحري دون نحرك يا رسول الله

أمة واحدة -قرأننا واحد
الصحوة الاسلامية العالمية

sherif dandy

15-03-2008, 12:47 PM

[size="6"][size="5"]ياجماعه ماينفعش التفكير السلبى اللى احنا بنعمله وبنفكر فيه ده بدل ماندور على شغل ونحاول نحسن مستوانا ونشتغل أى شغل المهم اننا نكبر فيهرايحيين تفروا يالى اسمك شريف داندى انت على انك تقوى موقف العاطل وتخليه بدل مايقول انا بدور على شغل وربنا يسهل , يقول انا عواطلى بلا فخر ياأخى دنتوكمان عندنا نقابه ياأخى ده تفكير غريب والله ياعم داندى حاول تبقى إيجابى أكتر من كده على فكره انا مستنى ردك لأنى مشتاق أرد على كلامك ويانا يانت سلام.

[SIZE="3"]و انا مشتاق انك تكون فاهم حاجه من اللى انت قلته اساسا
طبعا انا برد على الاخ العاطل (hanyhh)
طبعا احنا كنا بنشوف افلام زمان بتاعت الاربعينيات و الخمسينات لما بيطلعو واحد لابس بالطو ميرى صوف و طاقية (ايس كاب) بنى و ماسك عصايه رفيعه و جرنال مخروم من النص كنا بنعرف على طول ان ده مخبر سرى و بيراقب البطل
و من هذا المنطلق اكيد كلنا عرفنامن اسمه الغير معروف معناه(hanyhh)
و استعماله لكلمة الشيطان الاكبر ( لاحظ ان الكلمه تستعمل كتير دلوقتى فى السياسه) و كلمات خليك ايجابى و دور و ابحث
ان الاخ (hanyhh) ما هوالا مخبر سرى للغايه مبعوث من الحكومه المصريه عشان يوقف حملتنا و هدفنا الاسمى لعمل نقابه محترمه تضم العاطلين
و انا كده اتاكدت ان الرساله بدات توصل و صوتنا بدا يتسمع
فابشرو ايها العاطلين و اصمدو
فرجو قريب ان شاء الله

madylouky

27-03-2008, 02:24 PM

يا جماعة الراجل كان قصده خير بس معرفش يعبر .لما يكون فته نقابة للعاطلين هو ده الغلط لكن لما تكوون اسمها جمعية مساعدة العاطلين يبقى ماشى احنا فعلا محتاجبن الجمعية عشان هى اللى تدور على الوظائف الخالية و توظف المؤهل اهذه الوظيفة و تعطى للى لسه مجبيتلوش وظيفة مرتب ليتعايش بيه لحد ماتلاقيله شغل يعنى من الاخر زى أروبا والدول المتقدمه وتوقف المرتب لو العاطل موفقش على العمل المقدم ليه.و مع السلامو عليكو

abu3li2

27-03-2008, 06:06 PM

يااااااااااااااه هو الحال وصل بينا كعاطلين للدرجة دى
والله شىء يحزن ياجماعة

zevakoo

24-04-2008, 12:15 AM

sherif dandy

25-04-2008, 12:59 PM

بجد فكرة جميله بس دي حتزاحم وزارة القوي العامله الغير عامله ...
وياسلام لو يعمللنا بادج كدة نلزقه علي العربيه وشعار خاص بالعواطليه زي بتوع القضاء والمهندسين والتجاريين ونعدي من اي كونتر كمين ... ياااه ...فكرة حلوه بجد :glasses:

و الله فكره جميله موضوع البادج ده
و ارجو من الاخوه المصممين و الديزاينرز الموجودين فى المنتدى انهم يحولو الفكره دى لحقيقه
و يصممولنا بادج يكون يليق بنقابه كبيره كنقابة العاطلين
و يكون مستوحى من فكره البطاله و اثرها على المجتمع المصرى
و حيبقى بكده دخل التاريخ من اوسع ابوابه