هل تعتبر نفسك ذكياً ؟ وتتغلب على ألغاز الألعاب بذكائك .. إذن أجب على هذا السؤال

[SHAKSHAK]

بسم الله الرحمن الرحيم

أخوانى أعضاء منتدى الألعاب الجميل .... أعلم أننى هنا لا أكتب موضوع خاص بالألعاب ... لكن هذا الموضوع كنت أريد أن أسأله للأعضاء و أصدقائى فى هذا المنتدى الجميل

لقد رأيت أن أغير الجو العام لمشاركاتى بمشاركة صغيرة جديدة نوعاً ما :rolleyes: .......... بسؤال ذكى يقيس مدى ذكائك ... لو كنت تشعر أنك ذكى بما يكفى .. و أنك تحل كل ما يواجهك من تحديات فى الألعاب بذكائك ... فأجب على هذا السؤال
و بالمناسبة فالسؤال الذى سأسأله لك قد سؤل لجهاز كمبيوتر ذكى ( واقعه حدثت فى الحقيقة ) ونص السؤال كالأتى

فى واقعة حقيقية أراد عالم منطق ألمانى أن يثبت أن ذكاء الكمبيوتر لا يمكن الأعتماد علية ... و أثبت من خلال تجربة أنه ذكاء أجوف ... لا يستطيع أن يبتكر أو يقرأ ما بين السطور ..... ولا يمكن أبداً أن يتفوق على الذكاء البشرى ... فقام بتجربة بسيطة .. إستعان فيها بكمبيوتر من كمبيوترات الذكاء الأصطناعى التى تستخدم فى تحليل الجرائم ( وهى لمن لا يعلم أجهزه كمبيوتر ذات ذكاء صناعى قوى جداً ... مصممة بحيث تزودها بكل المعطيات و الأحداث لأى قضية مهما كانت .. ثم تطلب منها أن توجد حل لك ) وقد سألها هذا العالم سؤال واحد ... ( وهو نفس السؤال الذى أسأله انا هنا )

" ما الذى تفضلة ... ساعة متوقفة ( بمعنى ساعة لا تعمل ومتوقفة مثلاً على الساعة 2 ) ... ام تفضل ساعة تؤخر كل يوم ثانية واحده ؟؟؟؟؟؟؟؟؟ "

وقد أجاب الكمبيوتر بأنه يختار الساعة الأولى :5forbidde .. أى الساعة المتوقفة ( أنا أقصد هنا ساعة يد أو ساعة حائط ...... أى ساعة تستطيع أن تعرف بها الوقت .. ليس ساعة بمعنى 60 دقيقة )

السؤال هنا ...
لماذا إختار الكمبيوتر هذه الساعة ... فى حال كنت موافق على هذا الأختيار إذكر السبب ... وفى حال إخترت الساعة الثانية إذكر أيضاً السبب .. وللعلم فهنا منطق الكمبيوتر خاطىء تماماً من وجهة النظر البشرية :5bowtie: .

ويجب أن تعرف أن أسباب الأختيار يجب أن تكون فقط بقصد معرفة الوقت ... ليس لأى أسباب أخرى ( بمعنى محدش يقوللى أنه يختار ساعة واقفة علشان هيعرف يعمل حجات كثير و الزمن متوقف !!!!!!!!!!!!!!! ) لأن هذه الأجابة كانت إجابة واحد من أصدقائى الذكيين جداً :5bomb: !!!!!!!!!!!!!!!!!!!

.................................................. ..................

وهناك أيضاً مفارقة منطقية .. لو كنت أجبت السؤال الأول أعتقد أنك ستكون بالذكاء الكافى ليدرك معناها :5bowtie: ... وهى كالتى

" لو فرضنا ( بغرض الفرض فقط ) أن كل الناس كاذبين .... و انا من هؤلاء الناس ... ثم أخبرتك انا أن هؤلاء الناس كاذبين .......... فهل انا صادق ؟؟؟؟؟؟؟؟؟ "

ما رأيك فى هذه العبارة ؟؟؟؟

أنا منتظر أذكياء المنتدى ... أثبتوا لأنفسكم أنكم أذكياء وفكروا جيداً قبل الأجابة .. أنا أعلم ان هذا الموضوع مكانة ليس هنا لكنى أريد أن أضيف شىء جديد .. وللعلم اللى جاوب على السؤالين صح كان أول وثانى الدفعة عندى فقط ... وصديق لى من طب .. من الأوائل أيضاً ....
منتظر ردودكم :rolleyes:

[Mohammed Lotfy]

ده الواحد طلع غبى جدا يا جماعة و هو مش عارف :D
أنا غبائى وصل لدرجة أنى تهت فى الموضوع كله :5headache
و بصراحة أنا مش فاهم إيه المطلوب حتى هذه اللحظة
شكلك كده يا عم Shakshak جاى تعقدنا بس أنا هاحاول أوصل للي أنت عايزه لما أفهم الكلام الكبير أوى إيلي أنت كاتبه
مع أنى فاهم كل جملة و معادلة على حدى و لكن و مش فاهم التركيبة كلها مع بعضها
مش بقولكم توهت :5bomb:

[SHAKSHAK]

صحيح يا جماعه أنا كنت عايز أعرف السبب الأساسى فى إختيار الكمبيوتر للساعة الأولى .. على ماذا إستند الكمبيوتر فى إختيارة للساعة الأولى ؟؟؟؟؟

[SHAKSHAK]

أما عزيزى محمد لطفى ... أنا عايزك تقرأ الموضوع من الأول بتركيز ... وصدقنى هتجيب الحل ... ماتخذلنيش

[Mohammed Lotfy]

و الله يا أستاذ Shakshak أنا شايف
أن الأجابة الثانية أحسن لأن الساعة عندما تقل ثانية كل يوم على أساس أنها ساعة حائط ليس هناك أى ضر بالضبط كما يحدث فى التوقيت الصيفى و الشتوى من تقديم أو تأخير الساعة طبعا ده على أعتبارها ساعة حائط أو يد فقط.

و لكن عندما تكون الساعة واقفة مثلا عند الساعة 2 كما قلت سيبقى مدى الحياة على هذه الفترة فلا يحدث أى تغيير فى حياتنا و لكن ستظل الحياة قائمة على فترة واحدة و طبعا هذا من المستحيل تطبيقه لأنك لم تنام أبدا و لن تغير أى شئ فى حياتك.

و هذا رأئ و الله أعلم طبعا

[Refoo_5534]

أنا أعتقد إن الكمبيوتر إختار الساعة العاطلة عن العمل بدلا من الساعة التي ثؤخر ثانية كل يوم .
لأنها قيمة ثابتة موجبة , أما الساعة التي تؤخر كل يوم ثانية فهي على المدى البعيد قد تشكل قيمة سالبه ,
أو تأخير يوم كامل , وهو منطق غير مقبول بالنسبه للكمببيوتر .
طبعا ده تخمين شخصي , والله أعلم
وبلاش تريقة :d

[kokoeffect]

طب والله موضوع جامد يا اخ شكشك . وانا بحب جدااااااااا اسالة الذكاء . بس بالنسبه لكلامك علي الموضوع وان منطق الكمبيوتر غلط بالنسبه لمنطق البشر . انا عايز اقول حاجه وانت فهمني(لان انا فكرت فيها من الناحيتين لقتها تنفع بس انا هقولك من ناحيه واحده بس دلوقتي) . لان انت كده حسستني اني غبي . بص يا سيدي ........

بالنسبه لاختيار الكمبيوتر للساعه الثابته فانا كلامي هيكون ذي كلام الاخ Refoo_5534 . بالظبط

اما اختياري انا فهو نفس اختيار الكومبيوتر والسبب . لان الساعه المتوقفه هي فعلا متوقفه فلا يوجد مشاكل غير عدم معرفة الوقت . اي نعم هي مشكله ولكن مشكله محدده .

اما اختيار الساعه التي تؤخر ثانيه كل يوم فانا شايف ان الاختيا ده خاطئ لان انا كده بعتمد علي شئ منطقه خاطئ من البدايه وليس ثابت مثل اجابتي الاولي وعلي هذا فعلي المده البعيد هيكون تقديري للوقت خاطئ تماما .وانا اجابتي اعتمدت علي ان عدم معرفة الشئ افضل من ذكر ذلك الشئ خاطئ . وبس.....

******************************************

بالنسبه بقي لافتراضك الاخير بتاع (لو فرضنا ( بغرض الفرض فقط ) أن كل الناس كاذبين .... و انا من هؤلاء الناس ... ثم أخبرتك انا أن هؤلاء الناس كاذبين .......... فهل انا صادق ؟؟؟؟؟؟؟؟؟ ") .

فانا شايف ان في اجابتين بارضه للموضوع ده . ومش عايزك تضربني بحاجه . :5shocking وانا هقولك الاجابتين ووالله لو فكرت فيهم بتأني هتلاقي الاجابتين صح

الاجابه الاولي : وهي انك سوف تكون كاذب لانك من البدايه معترف بانك من هؤلاء الكذابين

الاجابه التانيه : وهي انك هتكون صادق . لانك ذكرت حقيقه صحيحه عن هؤلاء الناس وهي الكذب وهذا حتي وان كنت انت منهم . لانك اعترفت بكذبهم رغم انك احدهم . وهذا صدق في حد ذاته ... ...

بس كده يا سيدي . منتظر ردك . ومهما حصل احنا اخوه في النهايه . :D

[Cairo]

" ما الذى تفضلة ... ساعة متوقفة ( بمعنى ساعة لا تعمل ومتوقفة مثلاً على الساعة 2 ) ... ام تفضل ساعة تؤخر كل يوم ثانية واحده ؟؟؟؟؟؟؟؟؟ "

وقد أجاب الكمبيوتر بأنه يختار الساعة الأولى :5forbidde .. أى الساعة المتوقفة ( أنا أقصد هنا ساعة يد أو ساعة حائط ...... أى ساعة تستطيع أن تعرف بها الوقت .. ليس ساعة بمعنى 60 دقيقة )


موضوع جميل جدا
بس عندي رد من وجهة نظري
انت قولت ان الكمبيوتر اختار الساعه الاولي بس قولت انها ساعه بنعرف بيها الوقت يعني الكمبيوتر اختار الساعه
اللي بتاخر كل يوم ثانيه ومش معقول انه اختار الساعه الواقفه لان الزمن معروف فعلا انه الساعه 2 فمش هاتكون في ساعات اصلا (حائط او يد ) ملهاش لازمه
تمام كده
وانا باقول ان الكمبيوتر اختار الزمن اللي بيتاخر افضل بالنسبه له لان ده الطبيعي عنده احداث بتحدث في ازمنه معينه ويقوم برصدها اهم حاجه في زمن
اما البشر علي مااعتقد اختار الزمن الواقف لان البشر عارفين ان كل ماالوقت بيمشي عمرهم بيقل وبيقتربوا اكثر
من الشيخوخه والموت (كل واحد بيدور علي مصلحته ) وهم مش عايزين كده

ده اعتقادي في الموضوع ده والله اعلم

[SHAKSHAK]

محمد لطفى
:rolleyes: إجابتك صح ومش صح .. هو صحيح الساعة الثانية المنطق البشرى يجب أن يختارها .. بس مش للسبب اللى أنت ذكرتة :5emoticon

و Refoo_5534
هى فكرتك مش غلط :5bowtie: ... بس مش هيه الصح ... ( شكلك بتقرأ ملف المستقبل )

[CENTER]
KOKO EFFECT
بجد و الله عجبك الموضوع :) .. أشكرك أخى العزيز ... مع الأسف يا كوكو ... بالنسبة للسؤال الأول .. مش هذه الأجابة .. الأجابة أبسط بكثير
خلى تفكيرك فقط فى معرفة الوقت حالياً .. مش أكثر ولا أقل .. لا أريد تكهنات مستقبلية أو تفكير يتعدى معرفة الساعة .. أصل العملية ممكن تفتح وتوسع جداُ لو ماحصرتش تفكيرك شوية
أما بالنسبة للأجابة السؤال الثانى برضة غلط :o ... وهوضحللك بردى على السؤالين بالترتيب
1 - معنى أنى اكون كاذب .. أن الناس صادقين .. صح ولا أنا غلطان .. و أنا قايلك أساساً أنهم صادقين .. ينفع الكلام ده :rolleyes: !!!!!!
2 - إزاى ياراجل يا طيب أكون صادق و أنا بقوللك أنى من الناس الكذابة :D .. بقى ده برضة كلام
معلش فكر ثانى .. وهديك فرصة ثانية :cool:
بس ياريت تفكر فى السؤال الأول من وجهة النظر اللى قولتهاللك

يا جماعه انا مش عايز تفكيريكم يروح لبعيد .. خلى نطاق تفكيركم أنكم عايزين تعرفوا الساعة كام .......... فقط ...
بمعنى .. أنت دلوقتى عايز تعرف الساعة كام .. تختار الساعة الأولى أم الثانية ... فقط علشان تعرفوا الساعة كام دلوقتى .. ياريت تكونوا فهمتوا انا أقصد إيه ؟
وسبب إختيار الكمبيوتر للساعة الأولى سبب مش خيالى ورهيب زى ما فكرتم .. السبب بسيط جداً ومحصور فقط فى معرفة الساعة كام ؟؟ بس عايز تركيز شديد ..
خذوا بالكم .. أنتم عايزين تعرفوا الساعة كام فقط ..


بعدين محمد لطفى و Refoo_5534 فين إجابة السؤال الثانى ؟؟؟؟؟ :cool:

[SHAKSHAK]

مع الأسف عزيزى Cairo أيضاً الأجابة ليست صحيحة ... إقرأ الرد اللى قبل هذا و أعتقد أنك ستفهم ما المطلوب بالضبط

[Mohammed Lotfy]

بعدين محمد لطفى و Refoo_5534 فين إجابة السؤال الثانى ؟؟؟؟؟
مش لما نخلص السؤال الأول نشوف التاني يا راجل :D
بمعنى .. أنت دلوقتى عايز تعرف الساعة كام .. تختار الساعة الأولى أم الثانية ... فقط علشان تعرفوا الساعة كام دلوقتى .. ياريت تكونوا فهمتوا انا أقصد إيه ؟
طيب يا باشا يبقى أنا كده كلامى منطقى أنا قولتلك علشان نعرف الساعة نختار الساعة التانية
لأن أنا قولت هاتبقى على أساس أن لما الساعة هاتقل ثانية كل يوم يبقى مافيش أى خلل فى توقيت الكون
بالضبط كما فرق التوقيت فى الصلاة أو فى الصيف و الشتاء أى أنها لا تدمر الحياة و لكن الساعة الأولى لا يمكن تحملها
و يا ريت تحلل كلامى كويس أو تقول أنت عايز توصل لإيه بالضبط
و لو ليه الكمبيوتر أختار الأجابة الأولى لأن طبعا هو مبربج على أن اليوم به 24 ساعة و إذا قلت ثانية فهذا يعطى خطأ لديه
و الله أعلم برده

[hitman47]

انا رأيي ان الكمبيوتر اختار الساعة الاول عشان
الساعة الاولى بتحسب الوقت الصحيح مرتين فى اليوم
اما الساعة التانية فتحسب الوقت الصحيح
مرة كل 131400 يوم
و الله اعلم :d

[SHAKSHAK]

Kokoeffect
معلش انا إتلخبطت فى ردى على السؤال الثانى بالنسبة لردك الأول .. وهعيد الحتة دية
1 - معنى أنى اكون كاذب .. أن الناس صادقين .. صح ولا أنا غلطان .. و أنا قايلك أساساً أنهم كاذبين .. ينفع الكلام ده !!!

محمد لطفى
عزيزى .. انا مش عايزك تروح لهذا التفكير الخيالى :5shocking .. بكل بساطة أنت عايز تعرف الوقت .. فقط
وخذ باللك .. ميزة العقل البشرى أنه بيستطيع أن يحلل الأمور ببساطة .. ويستطيع أن يقرأ مابين السطور بسهولة ويسر .. على عكس الكمبيوتر الذى لا يعرف سوى الحقائق المصمتة فقط .. ليس لدية تفكير بإبتكار

أما إجابتك الثانية :rolleyes: .. فهى قريبة جداً من الصحيحة .. وهى تعتبر جزء من الأجابة الصح ... لكن هناك سبب أخر معتمد على هذا السبب .. انا سهلتها قوى .. كده أنا بغش :D .. فكر شوية .. بس أنت كده على الطريق الصح ..كمل
يا جماعه هذه القصة حقيقة .. وحدثت بالفعل و انا مش بألفها من دماغى .. فكروا شوية بتركيز

[Tigger]

عفوا
لماذا لم يوضع هذا الموضوع فى منتدى الأذكياء .. هنا
http://www.dvd4arab.com/forums/forumdisplay.php?s=&daysprune=&f=57
رجاء من صاحب الموضوع أو المشرف وضع نسخة من الموضوع هناك.
وحتى ينتقل الموضوع لمكانه الصحيح سأفكر معكم فى الإجابة. :)

[SHAKSHAK]

يا سلام عليك يا hitman47
الله ينور عليك ... جوابك صح 100% .... انا كنت بدأت أيأس أن حد هيعرف الجواب ...
الكمبيوتر إختار الساعة الأولى لأن من وجهة نظرة المنطقية سيستطيع أن يعرف الساعة بدقة مرتين فى اليوم مرة الصبح و الأخرى بليل .. وهذا يخالف المنطق البشرى .. كيف ؟؟؟
بس انت كده جاوبت على ربع السؤال فقط ... ليه بقى ياباشا جواب الكمبيوتر كان غلط ؟؟؟ ويخالف المنطق البشرى إزاى ؟؟؟
ولية هنختار إحنا الساعة الثانية ؟؟؟ ثم وبعد كل ده إيه رأيك فى العبارة الأخيرة ؟؟؟؟

[SHAKSHAK]

عزيزى TIGGER
انا اعلم أن هذا الموضوع ليس مكانه هنا .. لكنى أردت أن أسأل الأعضاء هنا فى منتدى الألعاب بصفة خاصة و المنتديات الأخرى بصفة عامة
لهذا السبب وضعته هنا .... لكنى سعيد بمشاركتك ... و انتظر منك الحل

[hippo]

موضوع جميل وشيق للغاية وكنت اتمني المشاركة فى التفكير معكم ولكنى لا امتلك ترف الذهن الصافي مثلكم

وكنت افضل وجود الموضوع في منتدي الاذكياء حيث ستكون المشاركات اكثر والحلول اسرع

[SHAKSHAK]

يا سلام أخى العزيز الكبير دائماً بقدرة Hippo شرفنى فى الموضوع ... أشكرك أخى الكبير على زيارتك الغالية
و سواء فكرت أو لا يكفينى زيارتك الجميلة
وأنا عايز أذكر أن السبب فى وضعى الموضوع هنا هو أننى كنت أريد أن أسأل إخوانى من الأعضاء هنا فى هذا المنتدى .. بمعنى انى كنت أسأل أصدقائى ومن أعرفهم بصورة شخصية إلا حد ما.. ثم سأضعة هناك فى منتدى الأذكياء .. لأنى لا أعرف أحد هناك بعكس هذا المنتدى ومنتدى الترجمة .. الذى أشعر اننى فيهم فى بيتى

[hitman47]

اخجلتم تواضعنا يا shakshak
مممم
يمكن اصول نختار الساعة التانية عشان الانسان هيبقى عارف ان الساعة التانية بتاخر
ثانية كل يوم فهيحط ده فى اعتباره
مش عارف بس حاسس ان اجابتى دى غلط
و بالنسبه للسؤال التانى طبعا هتكون صادق
بس مش متاكد من السبب

[SHAKSHAK]

بالعكس إجابتك عين الصح .. العقل البشرى يتميز بمرونتة فى التعامل مع المعلوملت .. وبالتالى يمكنه قبول إستثناءات لا يقبلها الكمبيوتر بمنطقة الجامد .. الصلب

بس عديت عليك فى السؤال الثانى .. مش صح

[hitman47]

يعنى انا جاوبت السؤال الاول كله صح :)
خلاص بقى مليش انا عايز جايزة :p

[GENNI]

شوف يا shakshak ... بالرغم من إني مشغول جدااااااااا دلوقتي ... إلا إني ماقدرش أشوف فزورة و مافكرش فيها :D ...

أنا للأسف ماقريتش كل الردود فسامحوني لو كان ردي مكرر ...

بالنسبة للسؤال الأول ... الكمبيوتر يتميز بسرعة التفكير و لكنه تفكيره محدود ... أما الإنسان يتميز بلامحدودية التفكير (القدرة على الابتكار) و لكنه بطيء ...
الكمبيوتر هايدخل له المعلومات دي:

الساعة هي أداة تستخدم لمعرفة الوقت ...
الساعة الأولى مشكلتها كذا كذا كذا ...
الساعة الثانية مشكلتها كذا كذا كذا ...

و هو لما يفكر ... هايقول إن الساعة الأولى بتظهر الوقت الصحيح (يعني بتأدي وظيفتها الصحيحة) مرتين في اليوم و هما الساعة 2 ظهرا و 2 صباحا ...
أما الساعة الأولى فبرغم فرق التوقيت البسيط جدا ... إلا إنه لا يعتبره التوقيت الصحيح ... و يستمر هذا إلى أن ترجع الساعة لتقرأ الوقت الصحيح بعد 60*60*12 يوم ... أي 43200 يوم !!!!!
فبالتالي نسبة إصابة الساعة الأولى هي مرتان لكل يوم ...
أما نسبة إصابة الساعة الثانية هي 0.00002 مرة كل يوم ...
و بالتالي الساعة الأولى أحسن بكتير جدا لحالته ...
لأنه لا يقبل أي تفاوت (No Tolerance) ...

بالنسبة للمنطق البشري ... يختلف اختلافا كليا ... فهو يقبل كثيرا بالتفاوتات و التجاوزات ...
فمثلا ... إذا كانت ساعتك تقرأ 12:28 و سألك أحدهم على الساعة ... فستقول له أنها 12 و نصف ... أي أنك يمكن أن تقبل حتى دقيقتين أو ثلاثة كفارق زمني مقبول بالموجب أو السالب ... إذا فيمكننا القول أن المدى المقبول عندك للخطأ هو حوالي خمس دقائق ...
فبالنسبة للإنسان ... الساعة الأولى يمكن أن تستخدم لمدة 10 دقائق فقط في اليوم ... و هم من الساعة 1:57.5 إلى 2:02.5 صباحا و ظهرا ...

أما بالنسبة للساعة الثانية ... بمثل هذا المنطق يمكنك أن تستخدم الساعة الثانية لمدة 5*60 يوما أي 300 يوما كاملا لتعتمد عليها في معرفة الوقت ... و ستكون متأكدا أن الوقت حتى و إن كان فيه خطأ فإنه في المجال المسموح (Tolerance-accepted Range) ...

فالحل بالنسبة لي كإنسان هو
الساعة الثانية بالطبع
دعك من أنه حتى تمر فترة الـ 300 يوم ستكون البطاريات قد نفذت أساسا :D ...

~~~~~~~~~~~~~~~~~~~~~~~~~~~~~~

بالنسبة للسؤال الثاني ... يبدو أنك تقرأ سلسلة فانتازيا كثيرا ... أليس هذه هي الخدعة التي ضحكت بها عبير على ابن عم الكمبيوتر يونيفرسال (لا أتذكر اسمه) في العدد الرابع المسمى إمبراطورية النجوم ؟؟!!!! :D

هذه أحجية قديمة من النوع الذي يلتف حول نفسه ... أو بلغة الكمبيوتر هذه هي infinte loop ... أي أنك ستظل تدور حولها بدون أن تجد حلا يرضي كل شروطها ...
كل الناس كاذبين ... و أنت من هؤلاء الناس .... و قلت لنا أن كل الناس كاذبين ... فهل أنت صادق؟؟!!!
حسنا ... إذا افترضنا أنك صادق ... فإن كل الناس فعلا سيكونوا كاذبين ... و بما أنك أنت منهم ... فلهذا ستكون أنت كاذب أيضا ... مما ينفي الشرط الذي بدأنا منه ...
و إذا افترضنا أنك كاذب ... فإن كلهم صادقين ... و بما أنك أنت منهم ... فلهذا ستكون صادقا ... مما ينفي الشرط الذي بدأنا منه ...

هناك حل ... و لكنه حل "مِتكَلفِتْ" :D ...
ما هو الشخص الكاذب؟ هو الشخص الذي لا يقول الحقيقة ... و ليس هو الشخص الذي كل كلامه كذب ... بمعنى أن الشخص إذا قال أشياء صحيحة و شيء واحد كاذب فسيكون كاذبا ...
بافتراض أن جملتك صحيحة ... و لكن بما أنك قلت أن كل الناس كاذبين و أنت منهم ... إذن فأنت كاذب ... و بالنسبة لجملتك فهي جملة صحيحة من وسط الأكاذيب الكثيرة ...
إذن الحل هو أنك كاذب
و لكنه حل "نص كم" :D ...

~~~~~~~~~~~~~~~~~~~~~~~~~~~~~~

ألف شكر يا shakshak على الوقت الجميل ده ... فكرتني بأيام منتدى الأذكياء يا راجل ...
أرجع بقى أكمل كتابة محاضرات التربية العسكرية :cry: ...

[medo_21]

اولا بشكرك يا اخي شكشك علي ردك السريع و علي كلامك اللي دائما بيفيدني , اما بالنسبه للسؤالين بتوعك ...
1- الكمبيوتر اختار الساعه الاولي لانه بيتعامل مع البيانات اللي موجوده فيه فقط و لا يمكن له التعامل مع ما بين السطور زي ما انت قولت . لكن بالنسبه للانسان الساعه التانيه طبعا هتكون هي اختياره لانه هيعرف يتعامل معاها حتي ولو بتاخر الوقت و هيبقي حاطط في دماغه كل مره يبص في الساعه انها ماخره و هيقدر يوفق بين الوقت اللي في الساعه و الوقت الحالي .
2- نعم انت صادق , لانك قولت الحقيقه و هي ان الناس كدابين . و ارجوك تقوللي نتيجة اجابتي بسرعه علشان انا فضولي جدا و هفضل اعد الساعات علشان اعرف النتيجه و شكرا ....

[حسام محمد]

اجابه السؤال الاول
انا شايف ان المشكله في بطاريه الكمبيوتر


الثاني بقي انا تايه

[SHAKSHAK]

الله عليك يا GENNI بجد أفحمتنى بردك
يا عم ده أنت راجل بروفيشنال ..... كلامك كلة من الأول للأخر مليون الصح ....
و انت عندك حق أنا بقرأ فانتازيا .. ( قفشتنى :D ) .... ( على فكرة فكرتها عجبانى جداُ ) .. و مدمن روايات د/ نبيل فاروق
ردك بجد أكثر من ممتاز ... و أسلوبك رائع ...
بس انا عندى إعتراض خفيف على :D

فبالنسبة للإنسان ... الساعة الأولى يمكن أن تستخدم لمدة 10 دقائق فقط في اليوم ... و هم من الساعة 1:57.5 إلى 2:02.5 صباحا و ظهرا ...

بصراحة أنا مش فاهم أنت تقصد إيه ... بس أنا هقوللك لية الساعة اللى إخترها الكمبيوتر ماينفعش العقل البشرى يختارها .. السبب
انك صحيح هتكون عارف أن الوقت هيحدد بدقة مرتين فى اليوم بس إمته ؟؟؟؟ ... مش هتعرف تحدد متى ستشير الساعة مثلاً ال 2 صباحاً .. و أنت أساساً مش عارف الوقت ...
بمعنى أنك هتكون عارف أنك هتحدد الوقت بدقة .. وفى نفس الوقت مش عارف برضة تحددة ...

طبعاً اللى أنا قلتة لا يقلل أبداً من ردك المفحم الرهيب .. ( و تقوللى مش فاضى يا راجل ) ;)

صحيح أنت فى تربية عسكرية السنة ديه .... أنا سبقتك السنة اللى فاتت :p .. ديه أيام عسل :D ..... ده انا كنت بنام نوم فى المدرج .. وكان واقف علينا ضابط مسخرة إسمة أسامة
لو حظك معاه هتبقة العسكرية لذيذة ... بس بينى وبينك أرخم حاجة الطوابير الصبح .... حاجة خنقة .. ربنا يصبرك :5headache

أما hitman47
فأنت برضة جاوبت صح .. بس معرفتش السؤال الثانى .. الجايزة إذاً هتكون من نصيب جينى ... بس انا شايف تقسموها مابينكم ... ( انا مش عارف الجايزة إيه بس هيه موجودة ) :D

و عزيزى medo_21
أنا اللى أشكرك على إهتمامك بالموضوع ... وردك فيه بعض الصحة ... ولو عايز تعرف الأجابة الكاملة إقرأ رد جينى ... رد كامل متكامل

حسام محمد
بطارية الكمبيوتر يا راجل :eek: ... طب إزاى !!!!!!!!!!!!!!! :5cold: .... عموماً أنا سعيد بمشاركتك و أشكرك عليها

أعتقد يا جماعة ان اللغز إتحل لكنى و ربنا يعلم سعيد بتفاعلكم مع الموضوع ... أشكركم من كل قلبى على ردودكم و إهتمامكم .. و إنتظروا منى مواضيع إخرى جديدة بإذن الله
شكراً للجميع

[GENNI]

هاهاهاهاهاها ... عيب عليك ...

بالنسبة لاعتراضك يا باشا ... أنا كنت بافكر في كده فعلا ... لكن توصلت لفكرة أحسن ... و هي إنك تبص للساعة من وجهة نظر الدنيا (Bird's eye) مش من وجهة نظر الراجل ...
الراجل فعلا مش هايستفيد بالساعة خالص ... لكنه هايبقى عارف إنه فيه 10 دقايق في اليوم ممكن يعتمد على الساعة ... لكن امتى مايعرفش ...

و يا ريت تقول لي لو حبيت تنقل الموضوع لمنتدى الأذكياء (عشان نبين لهم بس إن احنا بنفكر مش بنلعب بس :p) ...

و على فكرة ... و أنا داخل الموضوع في الأول ... لقيته منور خالص و طالع منه عطر جميل ... فماعرفتش السبب ... لكن دلوقتي لما قريت الموضوع كله عرفت ... إزاي بقى ما يبقاش منور و الأساتذة الأفاضل hippo و Tigger بحالهم موجودين فيه :D ...

[اسماعيلاوى اوى]

بص يا حاج شكشك
انا ماقريتش كل المداخلات اللى فاتت دى لانى عاوز انام ومصدع للاسف
بس ردى على السؤال الثانى هو :

السؤال ده حاجة اسمها متناقضة ابيمنيدس وهى على اسم العلم ابيمنيدس وهو لما اخترعها قال بالظبط:
لو كل المحامين كاذبين
وانا محام
فهل انا صادق فى هذه العبارة ام لا

والمتناقضة دى زى ماهو باين من اسمها متناقضة
لان الاجابة لو كانت ايوة انت صادق فهنا يبقى بناقض نفسنا
ازاى هو صادق وهو بيقول انه محامى والمحاميين كذابين كلهم
ولو قلنا لا انت كاذب
فازاى هو كاذب ومعنى كدة ان المحامين مش كذابين يعنى المحامين صادقين وهو محامى فمعنى كدة انه صادق طب ازاى بنقول كاذب؟؟؟؟



المنفذ الوحيد هى اننا نقول انت كاذب انت لست محامى
انت مش محامى بس كاذب
ازاى
احنا قلنا ان كل المحاميين كذابين بس مش معنى كدة ان غير المحاميين كلهم صادقين
يعنى ممكن يكون فى واحد مش محامى وكذاب
ونققطة الكذب بالنسبة للمتحدث تكون مش اعتراض على العبارة او على الحقيقة وانما اعتراض على قوله انه محامى
فهمتنى؟؟؟؟؟



ممكن تشيل كلمة محامى وتحط بدالها كلمى الناس دول
والغير محاميين يبقوا الناس التانيين (اللى هما مش الناس دول او الناس المشار اليهم)



وشكرا

[REDMAN20102]

.من وجهة نظرى سوف أختار الأجابه الثانيه ..لأن تأخير الوقت كل يوم لمدة تانيه سيؤدى إلى تأخير الساعه لمدة دقيقه بعد شهرين وبالتالى سيؤدى إلى تأخير الساعه لمدة 6 دقائق بعد سنه وهكذا ....إذا سوف أعرف الوقت بسهوله
من الساعه الثانيه بزيادة دقائق أو حتى ثوانى التأخير......أما الساعه الثانيه المتوقفه أوبمفهوم أخر فهى تؤخر كل يوم 12ساعه إذا مستحيل معرفة الوقت منها.....أما رأيى فى السؤال الثانى فأنت صادق

[SHAKSHAK]

طبعاً أشكر كل من شارك فى الموضوع .. وحقيقى الموضوع جميل بمشاركاتكم

GENNI
طبعاً ياريت تنقل الموضوع لمنتدى الأذكياء .. و انا معاك فى أن الموضوع منور بمشاركة الأستاذ الكبير hippo و أخى Tigger .. هما كل فترة بيدخلوا على موضوعاتى ويشجعونى ... علشان بداية تعارفى ودخولى المنتدى كان الفضل فية بعد ربنا للراجلين دول .. خصوصاً أخى الكبير جداً فى نظرى وفى نظر كل الأعضاء hippo ... لأن كان ليا تعامل أكثر معاه من بداية منتدى الترجمة ... حتى وصل إلى ما هو علية الأن ... أصل أنا كنت من أول الناس اللى كانوا فى منتدى الترجمة من أكثر من 3 سنين ونصف ...

اسماعيلاوى اوى
كلامك صح مليون المية .. وبصراحة معلومات أول مرة أقرأها ... بس تعرف المنفذ الوحيد بتاعها يتعب الدماغ بتحس كأنك عمال تلف حولين نفسك ... أشكرك على المشاركة .. ومنور

REDMAN20102
تفكيرك صح .. و الأجابة صحيحة بس الأجابة الثانية لأ ... إقرأ رد GENNI أو اسماعيلاوى اوى و أنت تعرف لية ... لكن عموما أشكرك على تشريفك الموضوع

[suffocation]

للاسف ملحقتش اشارك في الموضوع بس فعلا موضوع جامد طحن
شكرا يا شكشك

[SHAKSHAK]

أشكرك عزيزى suffocation
وملحوقة المرة الجاية إن شاء الله ... نورت الموضوع

[kikoooo]

العب ايه ياجماعه انا جيت متاخر ولا ايه هو الموضوع مش ف منتدى الاذكياء ليه مع انى مش فاضى حتى ادخله هاهاهاها

مشكور اخى الغالى shakshak على الموضوع الجميل الفانتازى هاهاهاها انا فعلا مدمن هذه الروايات

[SHAKSHAK]

يا 1000000 ألف أهلاً kikoooo
نورت الموضوع .. و انا سعيد أنى لقيت حد يشترك معايا فى حب الروايات ... على فكرة أنا أكتشفت أن مدمن رويات
وفكرة فانتازيا أكثر من ممتازة .. عجبانى جداً ... نورت يا اباشا

[GENNI]

منقول من منتدى الألعاب ...

[emadanton]

معلش يا جماعة أنا جيت فى الآخر بعد ما خلصتوا الموضوع

بس أنا عندى حل عملى و بسيط فى نفس الوقت للسؤال الأول :5bowtie:

بقى معقول كمبيوتر مجهز بذكاء اصطناعى على أعلى مستوى و يستخدم لتقصى الحقائق فى الجرائم و ما الى ذلك
و ميكونش فيه --> ساعة داخلية :5bouncy:

أنا بأقول أن الكمبيوتر أختار الساعة الأولى المتوقفة لأنه أساسا مش محتاج يعرف الوقت من ساعة خارجية
و مش محتاج يضيع وقته أو ذاكرته فى حساب تأخير ساعة أخرى هو فى غنى عنها أساساً و لا يحتاجها

ده أعتقادى و يا ريت لو تقولولى رأيكم فى الحل ده

[Trible x]

بص يا اخينا ................ طالما الحكاية عك يبقى لازم اخش فيها
اناهاجاوب على السؤال الثانى وبعدين الاول
الس}ال الثانى مالهوش اجابة واللى كتبه كان قرأ كوكتيل..............وده بما انم جاب سيرة نبيل فاروق فى الموضوع
اما بالنسبة للسؤال بتاع الساعة
فالكمبيوتر قال الساعة المتوقفة لانه استطاع معرفة الزمن بها فى نفس اللحظة اللى اتسال فيها
ولم يختار الساعة اللى بتاخر ثانية علشان مش هايستفيد بيها خالص

[Ahmed Maan]

بالنسبه لموضوع الساعتين انا من رأيي ان الساعه اللي بتأخر كل يوم ثانيه احسن لأنها بعد شهرين هتكون متأخره دقيقه وبعد سته شهور هتكون متأخره تلات دقايق وساعتها هيكون التوقيت اتغير او اثناء السته شهور يعني دقتين او تلاته كلها محصله بعضها
اما بالنسبه لأختيار الكمبيوتر فالسبب هو ان الكمبيوترزي ما انت قلت او زي ما العالم قال انه جهاز ذكاءه اجوف وبعدين عادي ان اله اخترعها الانسان تغلط

[moromorovisa]

أنا من رأي ان الساعتان مفيش نفع للانسان بيهم خالص لانهم لا يعطوا الوقت الحقيقي للانسان وان الساعة التانيه هتتأخر دقيقة كل 60يوم وأظن أن الكمبيوتر اختار الساعة الاولي عشوائي لانه مش هيقعد يفكر في الاجابة و لا أقولك حاجة جيب ساعة جديدة

[FAWEST]

i enjoy a lot with yr solves
god bess every working mind

[metooo]

ياريت كونت جيت بدرى عشان اشارك بس ملحوءه هستنا منك موضوع جامد زى ده قريب

[™AlprincE_B@seM]

مشكوووووووووووووووووور جدا

[HOHO3000]

انا رأيي نختار الساعة التانية الطشاش ولا العمي ولا اية؟؟؟؟؟؟؟؟
و بعدين يا سيدي أبقي اعمل حسابك أنها بتأخر كل يوم ثانية و خلاص أحسن مايكون مافيش ساعة أصلا
:)

[hokas]

انا شايف ان الساعة التانية هية الاختيار الصحيح لان الواحد كدة حيعرف الساعة كام لو بعد يوم يزود ثانية بعد يومين يزود 2 لكن الساعة التانية الواحد مش حيعرف ابداُ الساعة كام .
لكن الكمبيوتر اختار الأولى لانها ثابتة و الكمبيوتر الة ف حيعتقد ان الثابتة احسن من الاللي بتأخر
شكرأ
و مستنين الاجابة

[saiko]

انا هاجاوب السؤال الثانى وهو بم ان الناس كلها كذابين وانا ايضا من ضمنهم فهاكذب عليك وهاقولك مصدقك

[saiko]

و انا مجاوبتش السؤال الاول لانه خلاص اتجاوب

[Zabadius]

انت كذاب عشان انت مألتش كل ال حقيقه لأنك قولت انه كذابين و مألتش انك انت كمان كذاب

[wael-m]

المضوع يستحق التفكير

[egypirate]

والله يا شكشك سؤال جميل وموضوع اجمل
انا بس خايف محدش يفهم الاجابه بتعتي اصل انا مش فاهمها بس اكيد الاجابه


الكمبيوتر لا يقبل الا الثوابت يعني like we say that the present simple all about (facts)

[wael-m]

يا أخ شكشك اعتقد انني وجدت الحل وهو الاجابة الاولي اي عندما تكون الساعة واقفة لماذا؟؟؟؟؟؟!!!!!!

لأن علي حسب الكومبيوتر فانها تعطي قيمة ثابتة اي لها قيمة هذا هو الحل
إن اردت التفسير اكثر من ذلك راسلني علي wael_vama@yahoo.com[/FONT]
وشكرا

[kixxxmo]

ياسلام عليك يا عم شكشك دايما تحب تعقد الامور ...
الاجابه سهلة وبسيطة الكمبيوتر اختار الساعه الاولي عشان الكمبيوتر عايز ويندوز جديد عشان القديم قرب يقع او ممكن انه يكون في فايرس عالجهاز .....

[MEDO55BASHA55]

{رمضان كريم}

[عيناوي صريح]

اخوي هذا مب لغز هذي قصة
بس انا اقدر احلها

[osama_xxx]

الحل هو البديل التاني لان ساعه بتأخر كل يوم ثانيه واحده بمعني انها متأخره ثانيه واحده بس يعني مش كل يوم بتأخر ثانيه لأ دي هي متأخره ثانيه واحده طول السنه يعني برضو لحساب الوقت (الوقت في الساعه زائدالثانيه المتأخره)

[osama_xxx]

بالنسبه للسؤال التاني فأنا ايضا من هؤلاء الناس واقول لك انك كاذب_لانني كاذب_

[zarzoor]

السلام عليكم ورحمة الله وبركاته
اولا كل سنة وانتوا طيبين بمناسبة شهر رمضان
اما بالنسبة للموضوع بتاع الساعة ده
فانا اعتقد ان الكمبيوتر صح
علشان الساعة اللى واقفة دى هاتكون قرايتها صح مرة واحدة كل 12 ساعة
اما الساعة اللى بتاخر ثانية فهتكون قرايتها صح كل 8640 ساعة
والله اعلم

[marion83]

akeeed el e7'tiar el tany ha3raf meno el sa3a leny ha2dar arbot el sa3a bel tar7' we men el tare7' a2dar a3raf el sa3a met27'ara kam sania .we dah wallah a3lam .
bas 3amatan ana ba7eb eny sa3ty tekon met2a7'ra 3an sa3a el nas men 5-10 3lshan ana low 3aiz akon fe ma3ad mo3yan akon feah ableah be 5 min low 7asal 7aga fe el saka we et2a7'rt 15 min ab2a eta7'art 5 min .bas el moshkla low ma3ady ma3a w7ed sa3to ma27'ra zay ta7'yalllo.

[amro_127]

يا جماعه الواحد كان فاكر ان عم شكشك او عم سكسك زي ما اخوه بيقول عليه وهو بيزعل اوي من عم سكسك دي
بيفكر كويس لحد ما دخل علي الموضوع ده وعرف الحقيقه
ان عم سكسك طلع حاااااااااااافظ
مش فاااااااااااااااااااااااااهم

[world_crade]

السلام عليكم يا اخ شك شك
انا بقول ان العقل الالكترونى مهما زادت زكائه فهو محدود لا يقبل الاستثناءات لكن الرد المنطقى على سؤالك من العقل البشرى هو الرد الثانى لان العقل البشرى من الممكن ان يتجاوز هذه الاستثناءات .. بمعنى انا اخترت الساعه اللى بتأخر كل يوم ثانيه لانى هاحسبها كل يوم يعنى كل 60 يوم هأدرك انها مأخره دقيقه او كل 300 يوم هأدرك انها مأخره خمس دقائق و هكذا اما بالنسبه لاختيار العقل الكترونى هذا الاختيار لان تفكيره محدود مبنى على ادخال شخص بيانات له


و على فكره الموضوع ده اول موضوع ارد عليه فى حياتى فى اى منتدى لانك عرفت تجزبنى لموضوعك

[kawanna]

انا قعدت افكر كتير

وطلع اني مش فاهم اي حاجة :sadwalk0:

[hwd]

اعتقد ان البشر سوف يختارون الساعة الثانية نظرا لانه ادا كان الخلل معروف و تاخير ثانية كت يوم فمن السهل عليه حساب الوقت
اما عن رفض الكمبيوتر فقد يكون تعامل معها على اساس هن اليوم سوف ينقص منه ثانية و هدا غير منكقى بالنسبة له

[amr_acer]

الكمبيوتر اختارالساعه الاولى لان احتمال اعطاء اجابه صحيحة في الساعه الثانيه معدوم

[ahmed_elmancy]

ده الواحد طلع غبى جدا يا جماعة و هو مش عارف

[xeplod]

انا من رائى ان الكمبيوتر اختار الساعتين لانه هيحتفظ بالساعه الاولى ويركب لها الحجارة اللى فى الساعة التانيه و بعد كده يبقى حل المشكله

او ممكن انه يريح دماغو و يبص عند تحت على اليمين فى الtoolbar يشوف الساعة من الجهاز و خلاص هههههههههه

اتمنى تكون الاجابه صح

xeplod