الأساليب...هل تصلح للقتال؟؟!! [الأرشيف] - موقع الدي في دي العربي

مشاهدة النسخة كاملة : الأساليب...هل تصلح للقتال؟؟!!

Jackie_Chan

11-02-2008, 11:59 AM

بسم الله الرحمن الرحيم

اسلوب الأفعى

اسلوب النسر

اسلوب الكركي

اسلوب التنين

اسلوب .....

هل تصلح هذه الأساليب فالقتال؟؟؟!!

اولا : ماهو الأسلوب ؟؟

الأسلوب هو عباره عن مجموعه من الحركات المتتاليه تؤدى بشكل معين وبترتيب معين وفي مختلف الأتجاهات ويختلف شكل القبضه من اسلوب لأخر

ولكن يحتاج هذا الأسلوب الى لياقه بدنيه عاليه وتختلف متطلبات الأسلوب للياقه من اسلوب لأخر وايضا من مستوى لمستوى في نفس الأسلوب.

فمعظم الأساليب في اول مستوايتها يمكنك القيام بها لكن بعد ذلك ستحتاج الى مرونه ولياقه عاليه كي تتمكن من تكملة ادائها وذلك لوجود حركات صعبه في المستويات المتقدمه للأساليب مثل (الباك دايفينج)

ايضا اسلوب مثل السكير يحتاج الى مرونه ولياقه عاليه كي تتمكن من اداؤه بالشكل الصحيح

والاساليب بصفه عامه لها نظام خاص فى المسابقات فهي لا تمارس عن طريق القتال ولكنها تمارس في شكل حركات يقوم بها اللاعب كما تعلمها وبالأسلوب الصحيح ويمارسها بسلاح وبدون سلاح على ملعب اساليب محدد بمقاس 8فى 14 متر
ويقيم الاعب الذى يقوم بعرض الاسلوب عن طريق حكام يدعون << لجنه الجورى >>
وهذا بمعايير الزمن المحدد للاسلوب وهو دقيقه وعشرون ثانيه
وبالنسبه لاسلوب التاى جى 5-6 دقائق واسلوب سيف تاى جى 3-4 دقائق.

ثانيا : نرجع لسؤال الموضوع مره اخرى ...هل يمكنني استخدامها فالقتال؟؟؟؟

اذا اتقنتها واجدتها جيدا بكل تأكيد نعم نعم نعم يمكنك استخدامها فالقتال

سيأتي شخص يسألني ( ياعني انت عايزني ادخل خناقه واضرب واحد بأسلوب الأفعى مثلا؟؟؟)

انا تحدثت فالأول وقولت ان الشخص الذي يجيد استخدام الأسلوب هو الذي يستطيع تطبيقه وليس اي شخص اخر ونعم يمكنك ضرب خصمك بأي اسلوب اتقنته واقول لك ايضا انك ممكن ان تتسبب له في اصابات بالغه

***ما الذي تقوله؟؟!! بالطبع لا يوجد وجه للمقارنه بين رياضتي واساليبك

بكل بساطه انت لو لعبت اي فن قتالي ستدرس مجموعه من الحركات الثابته التي يمكنك استخدامها فالقتال وهي انك تتخيل وجود خصم امامك وتبدأ في توجيه ضربات اليه عن طريق مجموعه من الحركات المتتاليه مثلا الكاتا في الكراتيه او البومزا فالتايكواندو ايضاهذا مايتم تطبيقه فالأساليب اذن لا يوجد فرق بين رياضتك والأساليب.

الأساليب لا يمكن الأستهانه بها فيوجد بها ضربات خطره توجه في اماكن ومناطق معينه ضعيفه فالجسم

ويتم التدريب على قوة الضربات من خلال التدريب على قوة اطراف اليد او قوة قبضة اليد نفسها

مثل القيام بعمل ضغط على اطراف الأصابع وعمل ضغط على يد واحده وهكذا...

سبب طرحي لهذا الموضوع هوانه فالأيام الأخيره بدأ الأشخاص يهتمون بالفنون القتاليه الأخرى وبدأ اتهام الأساليب انها قديمه ولا تصلح للقتال ده غير اني بقيت اسمع كلام سئ عنها

يارب يكون الموضوع عجبكم وهو مفتوح للنقاش

kotsomoto

11-02-2008, 03:00 PM

hero_xp10

11-02-2008, 09:18 PM

Jackie_Chan

12-02-2008, 12:36 AM

موضوع مهم يا جاكى ,
بس انت دخلت حجات كتيرة فى بعضها
الاساليب نوعين نوع قتالى ونوع استعراضى
الاساليب القتاليه :
عاوزة شغل عالى اوى ومدرب دماغ ولاعب فاضى , مثلا اسلوب النسر ضربات اليد فيه تكون بثلاثه اصابع ( الابهام والسبابه والوسطى )
ولازم الثلاثه اصابع دول يكونوا زى الحديد علشان تبقى الضربه بيهم زى ضربه القبضه العاديه .
انت لو جبت شخص عادى جدا من الشارع مش بيلعب اى رياضه ولا ليه علاقه بالفنون القتاليه وقلتله يضربك اقوى ضربه عندة , هيضربك ازاى ؟؟ زى ما كلنا عارفين هيضربك ( بالبوكس ) فى وشك .
لان فى نظرة ان دى اقوى ضربه وان اضعف منطقه هى الوش ودة لجهله بالفنون القتاليه .
علشان تخلى بقى الثلاثه اصابع بتوع اسلوب النسر دول يوصلوا لانهم يبقى اقوى ضربه عند ممارس الاسلوب دة , شغل تانى خالص دة بالنسبه للاعداد البدنى .
الاعدام المهارى والتكنيكى لاى اسلوب قتالى فدة بيبقى مسلى اوى واكتر حاجه بيحبها اللاعب لانه بيعتمد على تشغيل مخه اكتر من تشغيل جسمه زى المرحله الاولى المنيله اللى بيتعزب فيها علشان جسمه يبقى مؤهل لممارسه الاسلوب دة ,
والاعداد التكنيكى دة بيرسم المدرب على الارض ساعه كبيرة ويوقف اللاعب فى مركزها ويبدا بقى تشغيل المخ , مثلا لو جتلك ضربه يد كذا من اتجاة الساعه كذا يبقى دفاعك هيكون فى اتجاة الساعه كذا واكتر نقطه فى جسم الخصم هتكون مفتوحه هى النقطه كذا اللى طبعا متنفعش تصيبها غير بالضربه كذا ,
شغلانه زرقه بعيد عنك ,
والجزء التانى اللى هو الاساليب الاستعراضيه هو دة اللى انت اتكلمت عنه وهو دة بتاع البطولات .
أسف لو كنت طولت وشكرا على الموضوع المهم .

شكرا ياكابتن احمد على ردك الرائع والشامل

فعلا انت كلامك تمام ومظبوط والواحد بيستفيد منك حاجات كتير بجد
انا بس لما حبيت اعمل الموضوع ماكنش الغرض منه اني اعرف الناس بأنواع الأساليب القتالي منه او الأستعراضي انا كنت عايز اكلم ناس ماتعرفش اي حاجه فالكونج فو
ياعني واحد مثلا شاف فيلم لجاكي شان وهو بيقاتل بأسلوب الأفعى حيتفرج عالفيلم وحيعجبه واول حاجه حتيجي في دماغه بعد مالفيلم يخلص
هل ياترى الأسلوب ده ممكن استخدمه فعلا فالقتال ولا ده عباره عن فيلم؟؟؟

انا اتكلمت في نقاط عامه خالص وحتى ماردتش استخدم اسامي زي (تاولو) علشان ماحدش يزهق او يقرا كلمه مايعرفهاش ومايكملش الموضوع

علشان اي واحد مبتدأ خالص وعايز يعرف ايه هي الأساليب نوضح له الصوره عامة ثم نبدأ بالتدريج فالشروح

وشكرا ياباشا على ردك مره اخرى

Jackie_Chan

12-02-2008, 12:45 AM

شكرا يا احمد على الموضوع خاصة وانك قد اثرت نقطة مهمة فعلا مفيدة فعلا للمبتدئين
وسواء كان الاسلوب قتالى او استعراضى فيستطيع الممارس الاستفادة منه فى القتال كما يستفيد منه فى اللياقة العامة

شكرا يا غالي على ردك
الموضوع ده كان شاغلني لوقت كبير وحبيت اوضحه بس بصوره عامه للمبتدئين زي مانت قولت علشان الناس تبقى عارفه ايه هي الأساليب او لو حتى مش عايزين يستخدموها فالقتال يبقى حتى عارفين البطولات بتاعتها بتبقى عامله ازاي وكده ياعني

ELPRINCE AMR

15-02-2008, 01:25 PM

thanks alot

Jackie_Chan

16-02-2008, 02:06 PM

thanks alot

العفو ياباشا

عبده طرابيه

16-02-2008, 10:07 PM

Jackie_Chan

19-02-2008, 06:06 PM

http://www.swahl.com/up/m89/swahlcom_2775.gif

موضوع قد يطول النقاش فيه أخى فى الله

ولكن أسمح لى بسؤال واحد فقط :

أين أبطال الأساليب فى بطولات القتال المفتوح ؟

فوة الفن القتالى تنبع من ممارسه ودرجة أتقانه به وهذا أمر مفروع منه

لكن إلى يومنا هذا لم أرى اسلوب من الأساليب القتالية أوالتقليدية

او الأستعراضية من أساليب الووشو كونج فو أثبت قوته

أو سيطرته على حلبات القتال المفتوح

بسم الله الرحمن الرحيم

اولا انا سعيد جدا ياكابتن بردك ومشاركتك للموضوع

ثانيا انا فاتح الموضوع للنقاش ومش متمسك برأيي وانا متقبل النقاش جدا مهما طال لأننا كلنا هنا علشان نستفيد ونفيد وربنا يوفقنا بأذن الله

بالنسبه للأساليب انت بتقول انها لم تثبت قوتها او لم نرها من قبل على حلبات القتال المفتوح.

هل القتال المفتوح بمعنى البطولات ال UFC ؟؟

لو قصد حضرتك كده طيب ماحنا ماشوفناش فالبطوله دي برضه اي حركات بتؤدى بنظام الكاتا فالكراتيه ... انا اقصد ماشوفناش حركه تؤدى بطريقه معينه محفوظه زي (الكاتا) او (البومزا) وطبعا الأساليب

حضرتك بتقول ( لم أرى اسلوب من الأساليب القتالية أوالتقليدية

او الأستعراضية من أساليب الووشو كونج فو أثبت قوته

أو سيطرته على حلبات القتال المفتوح) وكما اشرت ان الأساليب مثل الكاتا و البومزا فيما سبق ... اذن لن ترى الكاتا او البومزا في يوم من الأيام تثبت سيطرتها ايضا

وذلك ليس بسبب ضعف هذه الطرق لكن يختلف استخدامها من وضع لأخر ويتحكم طريقة قتال خصمك أي من الأساليب ستستخدمه (الأساليب - البومزا - الكاتا) او (الكيك بوكسينج مثلا) في ال UFC

للعلم :

منذ بضعة سنين بسيطة جدا تم فتح أكاديمية دولية للجوجيتسو البرازيلية والقتال المفتوح فى الصين

المنشأ للووشو كونج فو وبدء فى المشاركة فى البطولات التى تعقد تحت رعايتها

الكثير من ماسترات وابطال الووشو فى فى الصين

وإلى اليوم لم أرى ما يستحق العناء

الخلاصة :

المقاتل هو يعتبر الواجهة الأساسية لنجاح الفن القتالى

ولكن هذا بلا شك من فاعلية الفن القتالى

السينما شىء وحلبات القتال شىء أخر

بالتوفيق لكم ولنا وللمسلمين أجمعين

http://www.m5zn.com/uploads/d9d4fe8526.gif

http://www.m5zn.com/uploads/b3bf2ce5f0.gif

السلام عليكم ورحمة الله وبركاته

اعذرني يا كابتن انا لم افهم ماذا تقصد بأفتتاح هذه الأكاديميه الخاصه بالجيوجيتسو ومشاركة ابطال الكونج فو فيها ممكن توضح اكثر رجاء

بالنسبه للخلاصه :- انا متفق معك تماما المقاتل وفنه القتالي وجهان لعمله وحده ضعف احداهما يضعف الأثنين معا لكن بالنسبه للأفلام انا لم اقصد في حديثي بعد مشاهدة اي فيلم تستطيع انك تقاتل بما شاهدت انا اقصد ممارسة الأساليب بصوره واقعيه والتدريب والتمكن منها جيدا

وشكرا ليك ياكابتن مره اخرى

والسلام عليكم

full_attack

19-02-2008, 09:41 PM

بسم الله الرحمن الرحيم

تحية طيبة لكاتب الموضوع
أهلا بك يااخي
الحقيقة أنك أثرت نقطة كبيرة جدا وعميقة جدا وأعتقد ان النقاش سيتوسع فيها بنا لأشياء عديدة , فهي نقطة ينحاز البعض لها ويعارضها البعض .... ولنتكلم بهدوءوعقلانية

الاساليب ....!!! الأساليب كما درستها قديماً في عمومها تنقسم إلى أساليب تتخذ الحيوانات نماذج لها ... أي يقوم اللاعب تقليد بعض حركات وأوضاع الحيوانات ودمجها ببعض الحركات والضربات ... وكما يسميها المدربين الأساليب التقليدية ..... مثل اسلوب النسر أو أسلوب الأفعى أو أسلوب التنين أو أي كان الأسلوب

أما النوع الثاني من الأساليب في الووشو فتقوم على استخدام حركات وتكنيكات وافكارمعينة وتوظيفها في القتال ... ومثال على ذلك اسلوب الوينج تصون بمدارسة مثل الوينج تشن والفينج تشن , واساليب مثل التشوي لي فات وأساليب أخرى ....

إذن هيا لنأتي ونحلل النوع الأول وهو الأساليب الحيوانية
ونقول :
إن المقاتل الحقيقي هو الذي إذا وضعتة في اي موقف قتالي كان قادراً على التعامل معه .... إذن يجب أن أدرس شيء يفيدني في أي موقف قتالي .... فيجب أن تمتلك لفن هجومي جيد وفن دفاعي جيد وفنون التحامية ثم كيفية التحرك على الأقدام وكيفية المراوغة وأشياء أخرى هذا ليس المجال لذكرها الأن .
وإذا أحضرنا أي أسلوب من الأساليب الحيوانية ولنفحصة ببساطة أكثر
الأسلوب يمتلك بسم الله ماشاء الله كمية رهيبة من الحركات الأستعراضية و القفزات والشقلبات والتي بالطبع لن يستخدمها المقاتل في القتال الفعلي .... اليس كذلك ....
اذن بقى لنا ما يربوا على نصف الأسلوب ولنرى مما يتكون
بعض اللكمات وأشكال اليد
بعض ضربات الأقدام وفي بعض الاساليب تندر ضربات الأقدام
حركتين للمصارعة
حركة او أثنين للافلات أو السيطرة على المفاصل
قتال أرضي ( صفر )
بعض المراوغات
خدعتين أو ثلاثة
بعض الوقفات التي يقفها الاعب أثناء القتال مثل المابو والتنج سبي

إذن بقى لي بضعه حركات في كل فرع قتالي وتم اهمال فروع كثيرة مثل كيفية استخدام الركب والكوع واستخدام الأصابع وأستخدام التشريح القتالي والقتال الأرضي والمراوغة وفنون الأفلات وفنون كسر المفاصل و الاسطبات

وأما ما بقى فالنحللة لنجد أن ضربات القدم بها الكثير من الخطأ والتي لن تصلح للقتال الواقعي , وبعض الضربات في كل فرع قتالي

إذن هل ما خرجت منه بهذا الأسلوب سيفيدني في أي موقف قتالي ؟؟؟؟؟
ماذا اذا وضع أحدهم مطواه على شريان يدي مهددا اياي بسحب المطواه وقطع شرايين في اي لحظة ؟؟؟؟
ماذا اذا قاتلت مصارع له خبرة بالقتال الارضي وأوقعني على الارضوبدأ يتعامل معي ؟؟؟؟؟
ماذا اذا هاجمني أكثر من شخص ؟؟؟؟؟

ربما كنت أمتلك لياقة هائلة من ادائي للاساليب ولكن أفتقر للفنيات القتالية

وربما سأتي لأحلل الوقفات القتالية للاساليب الحيوانية فأقول
أنك كأنسان قد خلق الله لك القدمين لتكون بالاسف ولتقف عليها ... فكيف لي أن أتشبة بالحيوانات في وقفتي وأن أقف على قدم واحدة مثلا أو أقف وأفتح ثغرات جسدي للمقاتل الذي أمامي؟؟؟؟
ربما يقول البعض انني اتكلم على الصينيين بما لااعرف
فأقول
أن ( لينج تنج ) بنفسة قد هاجم الصينيين وقال أن وقفاتهم كلها عقيمة جدا لأنها لا توفر الأمان أثناء الوقفة , وقال بأن الوينج تشن بوقفتة يحقق نسبة أمان بنسبة 80 % للمقاتل ... على عكس باقيس الوقفات العقيمة للاساليب ....!!!! هذا هو كلام أحد الصينيين المشهورين
فما بالنا الأن

وأريد أن أعلق على رد الكابتن عبده طرابية وأقول
بالرغم من أختلافي مع الكابتن عبده طرابية في الكثير من الأمور إلا أنه يعلم مدى أحترامي له وعدم مقدرتي على تخطية لأنة يفوقني في العلم وأقول له :
ياكابتن أعتقد أن سؤالك عن عدم وجود مقاتلي الاساليب هو عدم تدريب مقاتلي الاساليب على فنون المصارعة والللكم والركل وهي الثلاثية المشهور لعلوم القتال ( لكم ... ركل .... مصارعه ) أو كما يسميها البعض ( استرايك + جرابلينج )
فإهمال المقاتل لأي فرع من فروع القتال لن يجعل له أي ذكر في أي جانب قتالي وفروع لقتال كثيرة تصبواعلى الـ 18 فرع قتالي

واخيرا وليس أخراً أقول
أنني أحترم جميع الأراء بالموضوع ولا أقصد برأيي أنني دائما الصحيح ولكنها مناقشة ودية للوصول للأسباب المقنعه

Genral_Huncky

20-02-2008, 12:12 AM

Jackie_Chan

20-02-2008, 03:32 PM

بسم الله الرحمن الرحيم

تحية طيبة لكاتب الموضوع
أهلا بك يااخي
الحقيقة أنك أثرت نقطة كبيرة جدا وعميقة جدا وأعتقد ان النقاش سيتوسع فيها بنا لأشياء عديدة , فهي نقطة ينحاز البعض لها ويعارضها البعض .... ولنتكلم بهدوءوعقلانية

شكرا لمشاركتك فالموضوع ونحن نريد فالنهايه نقاش بناء نستفيد منه ان شاء الله

الاساليب ....!!! الأساليب كما درستها قديماً في عمومها تنقسم إلى أساليب تتخذ الحيوانات نماذج لها ... أي يقوم اللاعب تقليد بعض حركات وأوضاع الحيوانات ودمجها ببعض الحركات والضربات ... وكما يسميها المدربين الأساليب التقليدية ..... مثل اسلوب النسر أو أسلوب الأفعى أو أسلوب التنين أو أي كان الأسلوب

أما النوع الثاني من الأساليب في الووشو فتقوم على استخدام حركات وتكنيكات وافكارمعينة وتوظيفها في القتال ... ومثال على ذلك اسلوب الوينج تصون بمدارسة مثل الوينج تشن والفينج تشن , واساليب مثل التشوي لي فات وأساليب أخرى ....

إذن هيا لنأتي ونحلل النوع الأول وهو الأساليب الحيوانية
ونقول :
إن المقاتل الحقيقي هو الذي إذا وضعتة في اي موقف قتالي كان قادراً على التعامل معه .... إذن يجب أن أدرس شيء يفيدني في أي موقف قتالي .... فيجب أن تمتلك لفن هجومي جيد وفن دفاعي جيد وفنون التحامية ثم كيفية التحرك على الأقدام وكيفية المراوغة وأشياء أخرى هذا ليس المجال لذكرها الأن .
وإذا أحضرنا أي أسلوب من الأساليب الحيوانية ولنفحصة ببساطة أكثر
الأسلوب يمتلك بسم الله ماشاء الله كمية رهيبة من الحركات الأستعراضية و القفزات والشقلبات والتي بالطبع لن يستخدمها المقاتل في القتال الفعلي .... اليس كذلك ....

كل كلامك صحيح واتفق معك فيما تقوله تماما ولكن يوجد نقطه واحده اريد التعليق عليها وهي عدم استخدامي للقفزات والشقلبات في القتال والله انا عارف ان اكثر من 90% من القراء سيندهشون مما اقوله وسيقولون اتريدني ان اقوم ببعض الشقلبات والقفزات اثناء قتال الشوارع!!!!

سأقول له لما تستغرب!!!
ماذا تفعل لو جاء شخص يمسك عصا طويله والمسافه بينك وبينه ليست كبيره واراد ان يضربك بها عند القدم او اسفل الرجل...الن يكون ماتعلمته من قفز (واقصد القفز بالطريقه الصحيحه) مفيدا في مثل هذه الأمور كمثال
انا كل ما اهتم به دائما اثناء ممارستي للفن القتالي ان ابعد كل البعد عن التقاليد في ممارسة الفن
(كل صحابي في التدريب بيقولوا ياعم افعى ايه وشقلبات وقفزات ايه انا المهم عندي اني ادخل خناقه اعرف اضرب اللي قدامي)
انا دائما بحب اكون مختلف وبحب اتعلم كل حاجه واعمل من الحاجه اللي اتعلمتها شئ ممكن استفاد منه فالحقيقه

اذن بقى لنا ما يربوا على نصف الأسلوب ولنرى مما يتكون
بعض اللكمات وأشكال اليد
بعض ضربات الأقدام وفي بعض الاساليب تندر ضربات الأقدام
حركتين للمصارعة
حركة او أثنين للافلات أو السيطرة على المفاصل
قتال أرضي ( صفر )
بعض المراوغات
خدعتين أو ثلاثة
بعض الوقفات التي يقفها الاعب أثناء القتال مثل المابو والتنج سبي

إذن بقى لي بضعه حركات في كل فرع قتالي وتم اهمال فروع كثيرة مثل كيفية استخدام الركب والكوع واستخدام الأصابع وأستخدام التشريح القتالي والقتال الأرضي والمراوغة وفنون الأفلات وفنون كسر المفاصل و الاسطبات

وأما ما بقى فالنحللة لنجد أن ضربات القدم بها الكثير من الخطأ والتي لن تصلح للقتال الواقعي , وبعض الضربات في كل فرع قتالي

اكرر واقول ان كلامك صحيح 100% ولا جدال عليه ولكن دعني اسألك سؤال
ذكرت ان الأساليب تحتوي على

لكمات مع اختلاف اشكالها من اسلوب لأخر

ضربات للأقدام

حركات مصارعه

حركتين لللإفلات

مراوغات

بالله عليك الم تشمل الأساليب بذلك جزء كبير من الحركات الهامه فالقتال ماعدا القتال الأرضي
وليست الأساليب هي الوحيده التي لايوجد فيها قتال ارضي...اين القتال الأرضي في
الكونج فو (سندا) - التايكواندو - الكراتيه ... الخ
اذن ليست الأساليب وحدها هي التي لاتشمل القتال الأرضي وهذا ليس مبرر لضعفها الا واصبحت كل الرياضات السابق ذكرها ضعيفه
وكذلك معظم الرياضات القتاليه حتى التي تشمل القتال الأرضي كالجودو والمصارعه والجيوجيتسو لا يوجد فيها الركب والكوع واستخدام الأصابع اذن لا يوجد رياضه تشمل كل هذا ليست الأساليب فقط

إذن هل ما خرجت منه بهذا الأسلوب سيفيدني في أي موقف قتالي ؟؟؟؟؟
ماذا اذا وضع أحدهم مطواه على شريان يدي مهددا اياي بسحب المطواه وقطع شرايين في اي لحظة ؟؟؟؟
ماذا اذا قاتلت مصارع له خبرة بالقتال الارضي وأوقعني على الارض وبدأ يتعامل معي ؟؟؟؟؟
ماذا اذا هاجمني أكثر من شخص ؟؟؟؟؟

ربما كنت أمتلك لياقة هائلة من ادائي للاساليب ولكن أفتقر للفنيات القتالية

نقطه هامه جدا...وفعلا الأساليب لا تمكنك من السيطره على مثل هذا الموقف
لكن بالله عليك اذكرلي رياضه واحده فالعالم تمكنني من التخلص من مثل هذا الموقف ... وهو عند وضع شخص مطواه على يدي

بالنسبه للقتال الأرضي ايضا لن يستطيع كل من يلعب تايكواندو او كاراتيه التعامل مع هذا الموقف وليس الأساليب فقط...اليس كذلك؟؟

وربما سأتي لأحلل الوقفات القتالية للاساليب الحيوانية فأقول
أنك كأنسان قد خلق الله لك القدمين لتكون بالاسف ولتقف عليها ... فكيف لي أن أتشبة بالحيوانات في وقفتي وأن أقف على قدم واحدة مثلا أو أقف وأفتح ثغرات جسدي للمقاتل الذي أمامي؟؟؟؟
ربما يقول البعض انني اتكلم على الصينيين بما لااعرف
فأقول
أن ( لينج تنج ) بنفسة قد هاجم الصينيين وقال أن وقفاتهم كلها عقيمة جدا لأنها لا توفر الأمان أثناء الوقفة , وقال بأن الوينج تشن بوقفتة يحقق نسبة أمان بنسبة 80 % للمقاتل ... على عكس باقيس الوقفات العقيمة للاساليب ....!!!! هذا هو كلام أحد الصينيين المشهورين
فما بالنا الأن

هذا صحيح ليس كل الوقفات يمكنك استخدامها فالقتال لكن انت كمقاتل يمكنك استبدال حركات بحركات اخرى ماالمانع من التفكير في مشاهدة فنون قتاليه اخرى واستبدال وقفات اعجبتنا بوقفات لا تصلح للقتال وانا المستفاد من ذلك فالنهايه

وأريد أن أعلق على رد الكابتن عبده طرابية وأقول
بالرغم من أختلافي مع الكابتن عبده طرابية في الكثير من الأمور إلا أنه يعلم مدى أحترامي له وعدم مقدرتي على تخطية لأنة يفوقني في العلم وأقول له :
ياكابتن أعتقد أن سؤالك عن عدم وجود مقاتلي الاساليب هو عدم تدريب مقاتلي الاساليب على فنون المصارعة والللكم والركل وهي الثلاثية المشهور لعلوم القتال ( لكم ... ركل .... مصارعه ) أو كما يسميها البعض ( استرايك + جرابلينج )
فإهمال المقاتل لأي فرع من فروع القتال لن يجعل له أي ذكر في أي جانب قتالي وفروع لقتال كثيرة تصبواعلى الـ 18 فرع قتالي

هذا تماما ما اردت ان اوضحه فيما سبق

واخيرا وليس أخراً أقول
أنني أحترم جميع الأراء بالموضوع ولا أقصد برأيي أنني دائما الصحيح ولكنها مناقشة ودية للوصول للأسباب المقنعه

تشرفت كثيرا بردك واستفدت منه الكثير وهذا ماطلبته في بداية الموضوع وهو فتحه للنقاش...انا ايضا لا انفرد برأيي وما يهمني فالنهايه الوصول للنفع والمعرفه وذلك في ظل وجود لاعبين واعضاء لديهم خبره كبيره فالفنون القتاليه مثلكم... ومنتظر ردك ان شاء الله

Jackie_Chan

20-02-2008, 04:11 PM

السلام عليكم
اسمحولى انى اتدخل فى النقاش
لكن اولا انا لم امارس اى اساليب من قبل فى حياتى عشان يكون واضح انى بتكلم عن عدم معرفة والمام بيها
انا عايز اقول اكتر من نقطة و اغلس على جاكى كعادتى :)))

اولا و اهم نقطة : اذا كانت فنون القتال بجانبها التقليدى تفشل كثيرا فى التطبيق الواقعى للقتال فما بالك باساليب تحتاج اضعاف ما يحتاجة القتال التقليدى من تركيز عقلى و استعداد بدنى لا يتوفران فى الغالب فى اشتباكات الشارع

ثانيا : يجب ان نراعى ايقاع العصر اللذى نعيشة و كم ساعة تستطيع ان تتدرب و الى متى يمكنك الحفاظ على اللياقة والمرونة المطلوبة لهذا النوع من الاساليب و كذلك اختلاف طبيعة البشر من عصر لاخر

ثالثا : بالنسبة للحديث عن ان هذة الاساليب و كذلك الكاتات لم تنجح فى القتال المفتوح على اختلاف البطولات اقول ان الاساليب التقليدية لم تنجح ايضا (( كاراتية كونج فو تايكوندو بكل الاشكال لم تحقق نجاح يذكر ))

و نرى ان السيطرة لرياضات (( ملاكمة bjj سامبو مواى تاى و كيك بوكسينج مصارعة ثم الخلفيات العسكرية السابقة )) اذن فالحال متساو

اتمنى انى مطولتش عليكم

ياباشا اولا الف شكر على ردك...وبعدين مافيش غلاسه ولا حاجه ان بتشرفني بردك انا حتناقش معك فالنقاط بتاعتك واغلس عليك انا بقى :33:

اولا : فعلا الأساليب تحتاج لتركيز عقلي وجاهزيه بدنيه عاليه بس دي ميزه وليس عيب ده بيخليك قادر على القتال بصوره اكبر (لا يمكن ان يكون التدريب العقلي والبدني شئ مضر ابدا او لا يساعدك في القتال)..انا عارف انت بتتكلم من حيث قتال الشوارع وده بيرجع بقى للشخص نفسه اللي موجود فالموقف كما ذكرنا ياعني انا حتكلم عن نفسي
انا دارس اساليب كويس وعندي لياقه مش عاليه اوي لكن بعرف اعمل الحركات البسيطه...لو طلع عليا واحد فالشارع بيغلس عليا او كنت ماشي مع خطيبتي وبيستظرف مثلا انا لن اقاتله في اول الأمر حتفادى كل الضربات اللي ممكن يوجها لي ليس بالصد ولكن بالأبتعاد والقرب اوالتحرك يمينا ويسارا وخلينا كده ساعه مش مهم عندي (لاحظ انا بلعب اساليب ولدي لياقه عاليه) اللي حيحصل فالنهايه ان نفسه عمال يتناقص ويبذل مجهود كبير وضرباته تمر دون فائده ولم يلمس ملابسي حتى ولكن في لحظه معينه عندما اشعر ان ضرباته ارهقته وخلاص نفسه حينتهي دعني اقوم بضربه بأسلوب مثل الأفعى في وجهه (منطقة العين) وسأنتقل من ضربه لأخرى بسرعه متناهيه مع دفعه للخلف واستخدام كل الضربات الممكنه بل ويمكنني التنقل من اسلوب لأخر مثلا اني اضربه في عينه بأسلوب الأفعى من الجنب وانا برجع يدي لمكانها يمكنني جعل قبضتي على شكل اسلوب النمر وتجريحه في وجهه بصوره كبيره او يمكنني مثلا استخدام اسلوب السكير والذي يمتاز بسرعة الضربات في منطقة الصدر والوجه
هنا انا لم استخدم الأساليب فقط ولكن استخدمت ذكائي ايضا من خلال استغلال لياقتي ونفسي فالقتال وعدم اهمالي لهم

ثانيا: انا ذكرت ان الأساليب فعلا تحتاج لياقه عاليه ويجب عليك ان يكون لديك الدافع في ذلك اذا اردت استخدامهاولكن اذا كنت لا تملك الوقت الكافي للتدرب عليها يمكنك ممارسة اي فن قتالي اخر ليست مشكله

ثالثا: لم تنجح هذه الرياضات لعدم استخدامها في القتال المفتوح فكما قال فل اتاك ان هذه المسابقات تعتمد على الأيدي والركل والمصارعه

يارب اكون قدرت ابينلك الصوره ومستني ردك ياباشا

hiishaam

20-02-2008, 04:45 PM

شكرااااااااااااا جزيلاااااااااااااا لكل الاعضاء على الافادة بصراحة انا ما بعرف اي شي عن اساليب القتال بس قلت خليني اشكركم على افادتكم لي في نقاشاتكم

Genral_Huncky

20-02-2008, 04:53 PM

ياباشا اولا الف شكر على ردك...وبعدين مافيش غلاسه ولا حاجه ان بتشرفني بردك انا حتناقش معك فالنقاط بتاعتك واغلس عليك انا بقى

اولا : فعلا الأساليب تحتاج لتركيز عقلي وجاهزيه بدنيه عاليه بس دي ميزه وليس عيب ده بيخليك قادر على القتال بصوره اكبر (لا يمكن ان يكون التدريب العقلي والبدني شئ مضر ابدا او لا يساعدك في القتال)..انا عارف انت بتتكلم من حيث قتال الشوارع وده بيرجع بقى للشخص نفسه اللي موجود فالموقف كما ذكرنا ياعني انا حتكلم عن نفسي
انا دارس اساليب كويس وعندي لياقه مش عاليه اوي لكن بعرف اعمل الحركات البسيطه...لو طلع عليا واحد فالشارع بيغلس عليا او كنت ماشي مع خطيبتي وبيستظرف مثلا انا لن اقاتله في اول الأمر حتفادى كل الضربات اللي ممكن يوجها لي ليس بالصد ولكن بالأبتعاد والقرب اوالتحرك يمينا ويسارا وخلينا كده ساعه مش مهم عندي (لاحظ انا بلعب اساليب ولدي لياقه عاليه) اللي حيحصل فالنهايه ان نفسه عمال يتناقص ويبذل مجهود كبير وضرباته تمر دون فائده ولم يلمس ملابسي حتى ولكن في لحظه معينه عندما اشعر ان ضرباته ارهقته وخلاص نفسه حينتهي دعني اقوم بضربه بأسلوب مثل الأفعى في وجهه (منطقة العين) وسأنتقل من ضربه لأخرى بسرعه متناهيه مع دفعه للخلف واستخدام كل الضربات الممكنه بل ويمكنني التنقل من اسلوب لأخر مثلا اني اضربه في عينه بأسلوب الأفعى من الجنب وانا برجع يدي لمكانها يمكنني جعل قبضتي على شكل اسلوب النمر وتجريحه في وجهه بصوره كبيره او يمكنني مثلا استخدام اسلوب السكير والذي يمتاز بسرعة الضربات في منطقة الصدر والوجه
هنا انا لم استخدم الأساليب فقط ولكن استخدمت ذكائي ايضا من خلال استغلال لياقتي ونفسي فالقتال وعدم اهمالي لهم

ثانيا: انا ذكرت ان الأساليب فعلا تحتاج لياقه عاليه ويجب عليك ان يكون لديك الدافع في ذلك اذا اردت استخدامهاولكن اذا كنت لا تملك الوقت الكافي للتدرب عليها يمكنك ممارسة اي فن قتالي اخر ليست مشكله

ثالثا: لم تنجح هذه الرياضات لعدم استخدامها في القتال المفتوح فكما قال فل اتاك ان هذه المسابقات تعتمد على الأيدي والركل والمصارعه

يارب اكون قدرت ابينلك الصوره ومستني ردك ياباشا

ربنا يخليك واحنا واضح ان هنكون اصدقاء باذن الله

شوف يا معلم فى سبب مهم ان الاساليب منجحتش فى القتال المفتوح و حتى فى الشارع وحتى الفنون التقليدية زى الكونج فو و الكراتية مثلا

الاتنين على اختلافهم مبيحققوش اهم مبدئين فى القتال الواقعى و قتال الشوارع
الاول اسمة اقتصادية الحركة
التانى غير مركب فاكر الكلام عن الادرينالين والضغط النفسى يعنى اى ضربات معقدة مش هتقدر تنفذها فى الواقع

لماذا تعتمد مباريات القتال المفتوح على الركل و اللكم و القتال المتلاحم ؟ لان هذا هو ما ينجح فى الواقع و ليس شئ اخر
و انا طبعا منفتح للرأى الاخر و فى انتظارك

ملحوظة سريعة انا اضع مرجعى الاساسى فى الفاعلية دوما الجانب العسكرى
حتى دول المنشأ لهذة الاساليب لاتدرسها فى مدارسها العسكرية حتى صفوة القوات الخاصة ! لماذا ؟ لانها لاتنجح فى الواقع واقل فاعلية من طرق اخرى عدة

Jackie_Chan

20-02-2008, 05:46 PM

ياباشا انا والله اللي يشرفني اننا نبقى اصدقاء ان شاء الله

انا فاكر الكلام كويس وعارف قصدك...ومقتنع ان الركل واللكم والمصارعه هما اكثر فاعليه في مسابقات (القتال المفتوح) و دي الحاجات اللي اعتمدت عليها بطولات ال Ufc والناس اللي بتروح تقاتل ماحدش فيهم شوفته بيلعب اساليب لأن البطوله نظامها كده وطرق القتال فيها كده وبعدين القتال بيبقى في حلبه ممكن لاعب الأساليب مايعرفش يأخذ راحته علشان يخرج كل اللي عنده من حركات ولو حبيت تتأكد من كلامي شوف الحلبه بتاعت القتال بتبقى قد ايه وشوف مساحة البساط اللي بيتم فيه اختبار اللاعبين في الأساليب بيبقى قد ايه...لو عايز تشوف قتال فعلا هات واحد من ال Ufc وحطه فالشارع وهات واحد من لاعبي الأساليب وخليه يتخانق معاه...الشارع يعتبر مكان واسع وغير محدود وهنا لاعب الأساليب حيقدر يخرج كل ماعنده
ومش لازم لاعب الأساليب هو اللي يكسب لأن انت عارف دي بترجع للاعب نفسه لكن انت حتشوف قتال بيحصل قدامك لم تكن تتخيل ان يظهر من لاعب الأساليب ابدا

بالنسبه للكلام عن الجانب العسكري وعن تدريباته تفتكر ليه الصين مش بتدرب العساكر والجنود عن الأساليب وطرق القتال بها... عارف ليه؟

لأن الأساليب زي ماقلت قبل كده عايزه لياقه عاليه جدا ياعني يفضل ان اللي يمارسها يكون بيلعب جمباز علشان يقدر يؤدي حركاتها فطبعا مش معقول في الفن العسكري حيدربوا العساكر والجنود على الجمباز لأن دي عايزه وقت طويل جدا وبرضه مش كل الأفراد ممكن يستجيبوا بسهوله للتمارين انت فاهم قصدي غير كده الأساليب فيها حركات محفوظه كتير جدا ياعني اكثر من 90% منها حفظ للحركات مش معقول حيقعدوا يحفظوا الجنود...بيبقى الأهتمام فالجانب العسكري بالطرق البسيطه والسهله واللي بيها تقدر تسيطر على الموقف اللي بتتحط فيه بسهوله وفي وقت قصير لأن القتال بيبقى في حرب فبيبقوا عايزين حاجه تنجزهم مش حيقعدوا يتقاتلوا في ساعه

يارب اكون قدرت ابين وجهة نظري

Jackie_Chan

20-02-2008, 05:52 PM

شكرااااااااااااا جزيلاااااااااااااا لكل الاعضاء على الافادة بصراحة انا ما بعرف اي شي عن اساليب القتال بس قلت خليني اشكركم على افادتكم لي في نقاشاتكم

شكرا يا غالي على ردك وان شاء الله في هذا القسم ستعلم اي شئ عن اي فن قتالي تريده ليس الأساليب فقط وكلنا هنا علشان نتعلم ونعلم وربنا يوفقنا جميعا بأذن الله

Jackie_Chan

20-02-2008, 06:02 PM

Genral_Huncky

20-02-2008, 07:00 PM

معلش يا جماعه نسيت اقول حاجه مهمه

اكثر الأعضاء والاعبين الذين ردوا في الموضوع تطرقوا لقتال الشوارع...اذن دعوني اذكركم بشئ طالما تكلمنا عن الأساليب في قتال الشوارع الا وهي الأسلحه

مارأيكم اذا مسك مقاتل Ufc عصا في يده ومثله مقاتل الأساليب اليس هذا وارد في قتال الشوارع ... لن اقول ماذا سيحدث سأترك لكم الأجابه

ولنفرض شئ اخر ان لاعب الأساليب لم يستطع التغلب ابدا على لاعب ال Ufc فالقتال بالأيدي والأشتباك ووجد عصا ملقاه على الأرض واستخدمها ... وطبعاهذا متاح في قتال الشوارع

اليست هذه ميزه تقدمها لنا الأساليب وهي استخدام الأسلحه بجانب ما ذكرنها من حركات و اشياء اخرى

انا اتحدث عن قتال بين لاعب اساليب ولاعب قتال مفتوح لأنه يعتبر لاعب قوي ومعتاد على المواجهات الصعبه والقتال... فما بالكم اذا واجه لاعب الأساليب خصم لا يعلم شئ عن الفنون القتاليه مثل الحراميه او اللصوص فالشارع!!!

النقطة بتاعة السلاح دى انا معاك فيها انا شفت عرض للعصا الطويلة وعرض للرمح و كانت بتأديهم بنت صغيرة حوالى 16 سنة و فعلا لو انا و 2 معايا كمان مش هنقدر نقرب حتى منها دا من ناحية

من ناحية تانية الفاعلية او الكفاءة هى مقدار ما تبذل من جهد بالنسبة لمقدار ما تحقق من ناتج و عشان احسملك رايى بشكل نهائى انا شايف انى ممكن ادرب شخص عادى معندوش اى خلفية قتالية سابقة لمدة شهر واحد بس و يكون عندة نفس فرصة لاعب اساليب يتمرن من 10 سنين مثلا فى قتال شوارع هذا اذا جنبنا موضوع السلاح طبعا اللى انا معترف بالافضلية فية للاساليب على اختلافها

اخر نقطة حلبة القتال اوسع و اكثر تنظيما وانتظاما من اى مسرح قتال فى الشارع وليس العكس و ارجو ان تثق فى فيما يتعلق بهذة النقطة و هذا ليس حجرا على رايك و لكن من باب الود والعشم

و بعدين انت رحت فين فى موضوع قتال الشوارع :004_smad:

Jackie_Chan

20-02-2008, 07:56 PM

ياباشا كلامك كله صحيح وكله على عيني ورأسي وانااثق في كلامك ولا اشك فيه مطلقا انا بس بتناقش

انا والله بحضر لموضوع قتال الشوارع كام حاجه كده حيعجبوك اوي والأعضاء ان شاء الله بس معلش انا انشغلت شويه بس ححطهم قريب

والسلام عليكم

gogo079

21-02-2008, 07:02 AM

بسم الله ما شاء الله يا شباب معلوماتكم رائعه وفعلا اضفتو لمعلوماتى الكثير والكثير
مشكووووووور جدا للإفادة

Jackie_Chan

21-02-2008, 04:06 PM

بسم الله ما شاء الله يا شباب معلوماتكم رائعه وفعلا اضفتو لمعلوماتى الكثير والكثير
مشكووووووور جدا للإفادة

شكرا ياغالي على ردك والحمد لله انك استفدت حاجات من هذا القسم وكلنا هنا علشان نفيد ونستفاد بأذن الله

full_attack

22-02-2008, 01:31 AM

سبحان الله اول مرة اشوف نقاش يستمر بدون تعصب ... والحقيقة أنا أسف لتغيبي عن النقاش هذه المدة ولكني راجع مرة أخرى لأكمال النقاش الجميل بعد ساعات

full_attack

22-02-2008, 12:07 PM

شكرا لمشاركتك فالموضوع ونحن نريد فالنهايه نقاش بناء نستفيد منه ان شاء الله

كل كلامك صحيح واتفق معك فيما تقوله تماما ولكن يوجد نقطه واحده اريد التعليق عليها وهي عدم استخدامي للقفزات والشقلبات في القتال والله انا عارف ان اكثر من 90% من القراء سيندهشون مما اقوله وسيقولون اتريدني ان اقوم ببعض الشقلبات والقفزات اثناء قتال الشوارع!!!!

سأقول له لما تستغرب!!!
ماذا تفعل لو جاء شخص يمسك عصا طويله والمسافه بينك وبينه ليست كبيره واراد ان يضربك بها عند القدم او اسفل الرجل...الن يكون ماتعلمته من قفز (واقصد القفز بالطريقه الصحيحه) مفيدا في مثل هذه الأمور كمثال
انا كل ما اهتم به دائما اثناء ممارستي للفن القتالي ان ابعد كل البعد عن التقاليد في ممارسة الفن
(كل صحابي في التدريب بيقولوا ياعم افعى ايه وشقلبات وقفزات ايه انا المهم عندي اني ادخل خناقه اعرف اضرب اللي قدامي)
انا دائما بحب اكون مختلف وبحب اتعلم كل حاجه واعمل من الحاجه اللي اتعلمتها شئ ممكن استفاد منه فالحقيقه

اكرر واقول ان كلامك صحيح 100% ولا جدال عليه ولكن دعني اسألك سؤال
ذكرت ان الأساليب تحتوي على

لكمات مع اختلاف اشكالها من اسلوب لأخر

ضربات للأقدام

حركات مصارعه

حركتين لللإفلات

مراوغات

بالله عليك الم تشمل الأساليب بذلك جزء كبير من الحركات الهامه فالقتال ماعدا القتال الأرضي
وليست الأساليب هي الوحيده التي لايوجد فيها قتال ارضي...اين القتال الأرضي في
الكونج فو (سندا) - التايكواندو - الكراتيه ... الخ
اذن ليست الأساليب وحدها هي التي لاتشمل القتال الأرضي وهذا ليس مبرر لضعفها الا واصبحت كل الرياضات السابق ذكرها ضعيفه
وكذلك معظم الرياضات القتاليه حتى التي تشمل القتال الأرضي كالجودو والمصارعه والجيوجيتسو لا يوجد فيها الركب والكوع واستخدام الأصابع اذن لا يوجد رياضه تشمل كل هذا ليست الأساليب فقط

نقطه هامه جدا...وفعلا الأساليب لا تمكنك من السيطره على مثل هذا الموقف
لكن بالله عليك اذكرلي رياضه واحده فالعالم تمكنني من التخلص من مثل هذا الموقف ... وهو عند وضع شخص مطواه على يدي

بالنسبه للقتال الأرضي ايضا لن يستطيع كل من يلعب تايكواندو او كاراتيه التعامل مع هذا الموقف وليس الأساليب فقط...اليس كذلك؟؟

هذا صحيح ليس كل الوقفات يمكنك استخدامها فالقتال لكن انت كمقاتل يمكنك استبدال حركات بحركات اخرى ماالمانع من التفكير في مشاهدة فنون قتاليه اخرى واستبدال وقفات اعجبتنا بوقفات لا تصلح للقتال وانا المستفاد من ذلك فالنهايه

هذا تماما ما اردت ان اوضحه فيما سبق

تشرفت كثيرا بردك واستفدت منه الكثير وهذا ماطلبته في بداية الموضوع وهو فتحه للنقاش...انا ايضا لا انفرد برأيي وما يهمني فالنهايه الوصول للنفع والمعرفه وذلك في ظل وجود لاعبين واعضاء لديهم خبره كبيره فالفنون القتاليه مثلكم... ومنتظر ردك ان شاء الله

بسم الله الرحمن الرحيم

تحية طيبة لك يااخي الكريم :
أعتقد أنك لم تفهم مقصدي في نقطة أن الأسلوب قد ترك لك بضعه حركات في كل فرع .... فأنت كمقاتل إذا أمتلكت مثلا من ضربات القدم اربع أو خمس ضربات فهؤلاء لا يكفوا بالفعل للقتال .... هذا إذا ما حللنا الضربات لنرى ان بها عيوب واضحة مثل أن مراكز الأتزان غير كاملة ففي بعض ضربات القدم في الأساليب تكون مراكز الاتزان 30 % وهو مايعرضك لخطر الوقوع أثناء القتال الفعلي .... فمن المستحيل أن تعلمني انت مثلا أربع حركات للمصارعة وحركتين للافلات وبضعه حركات في كل فرع ويكون القتال مثلا بيني وبين لاعب يجيد الاسترايك والجرابيلينج .... فإذا أراد أن يطرحني أرضاً ماذا أفعل بالاربع حركات اليتيمة التي تعلمتها ... والمشكلة هي حتى أن الحركات البسيطة هذه بعضها غير صحيح والبعض لا يصلح للقتال الأن ...؟؟
فيجب أن تمتلك الخبرة الكافية في كل فرع قتالي حتى تكون مستعداً لأي موقف قتالي مهماً كان ولا تكتفي بحركتين أو ثلاثة وإلا أصبحت مقلداً لا مقاتلاً ...
وموضوع القتال الأرضي مثلاً الذي لا يوجد في الاساليب وهو مثال قد وضحتة فأنت صحيح أن هناك رياضات أخرى لا تشمل القتال الأرضي وليست الأساليب ولكننا نتناقش في الأساليب اليوم فقط لنرى مالها وما عليها , فإذا ... ولكن دعني أذكرك أن فن التشن نا وهو من فنون الووشو يحتوي على قتال أرضي ...... ليس معنى أن القتال الأرضي غير موجود في رياضات كثيرة أنة غير مفيد .... بل هو من أحد أضلاع القتال ولكنني أقصد فنون الألتحام عاماً ( افلات ... سيطرةعلى المفاصل .... كسر المفاصل .... طرحات ورميات المصارعة باانواعها .... فنون القتال الأرضي ) .....

اما عن موضوع المطواه فأقول لك الأتي ...
التخلص من ذلك الموقف اسهل ما يكون يااخي .... والواقع أنني تعلمت ذلك في الفل أتاك .... وتعلمت تكنيكات وتثبيتات أصعب من ذلك بكثير تكاد تكون مستحيلة ....ودعني اذكرك مرة أخرى .... أن حل هذا الموقف موجود في بعض الفنون الالتحامية .....
إذن فقد فادتك الفنون الالتحامية ..... كمقاتل
وخذ عندك وضع احدهم مطواه على أذنك مع أن يضغط بإصبع الابهام على الاذن من ناحية وسلاح المطواه من الناحيةالثانية .. وفي اي لحظة إذا حاولت الافلات سيقطع اذنك .... ماذا ستفعل ...؟؟
من الموقف السابق ....تعرف اخي الكريم أن المقاتل ليس مجرد أله لحفظ الحركات وعرضها مرة أخرى .... فقد كان مدربي في الفل اتاك يقول لي ....
أن رجل الشارع يطور مهاراته دائماً كما تطور أنت مهاراتك .... ربما كان تطويرة بطيئاً .... لكن في بعض الأحيان يكون تطويرا جذرياً .....

وبالنسبة اخي للوقفات القتالية .... فأنت تقول لي ان هناك وقفات في الحقيقة لا تصلح لقتال الشارع أو للقتال عاماً .... إذن لماذا ادرسها من الاساس .... اما عن مشاهدة فنون قتالية للاسفادة فهذا شيء جميل ولكن لما تضيع وقتك مع وقفات عقيمة من البداية ويمكنك أن تدرس الوقفات التي ترى أنها سليمة وتصلح للقتال

وفي النهاية أقول رأيي أن الأساليب تحتوي على الكثير من الحركات الجميلة والتي تبين جمال ومرونة اللاعب بحق ... لكنها للأسف لا تصلح للقتال الفعلي في الواقع

وبالطبع هذا رأيي ... ربما احتمل الصواب وربما احتمل الخطأ .... وأرجوا أن لا تتضايق من ردي أخي جاكي شان فأنا لا أقصد الأساءة فأنا مستمتع بناقشانا في مسائل فنية والتي أرجوا أن نتطرق لمسائل فنية أكثر داخل الرياضات القتالية والاساليب ليكون نقاشاٌ رائعاً .......

full_attack

22-02-2008, 12:24 PM

ياباشا اولا الف شكر على ردك...وبعدين مافيش غلاسه ولا حاجه ان بتشرفني بردك انا حتناقش معك فالنقاط بتاعتك واغلس عليك انا بقى :33:

انا دارس اساليب كويس وعندي لياقه مش عاليه اوي لكن بعرف اعمل الحركات البسيطه...لو طلع عليا واحد فالشارع بيغلس عليا او كنت ماشي مع خطيبتي وبيستظرف مثلا انا لن اقاتله في اول الأمر حتفادى كل الضربات اللي ممكن يوجها لي ليس بالصد ولكن بالأبتعاد والقرب اوالتحرك يمينا ويسارا وخلينا كده ساعه مش مهم عندي (لاحظ انا بلعب اساليب ولدي لياقه عاليه) اللي حيحصل فالنهايه ان نفسه عمال يتناقص ويبذل مجهود كبير وضرباته تمر دون فائده ولم يلمس ملابسي حتى ولكن في لحظه معينه عندما اشعر ان ضرباته ارهقته وخلاص نفسه حينتهي دعني اقوم بضربه بأسلوب مثل الأفعى في وجهه (منطقة العين) وسأنتقل من ضربه لأخرى بسرعه متناهيه مع دفعه للخلف واستخدام كل الضربات الممكنه بل ويمكنني التنقل من اسلوب لأخر مثلا اني اضربه في عينه بأسلوب الأفعى من الجنب وانا برجع يدي لمكانها يمكنني جعل قبضتي على شكل اسلوب النمر وتجريحه في وجهه بصوره كبيره او يمكنني مثلا استخدام اسلوب السكير والذي يمتاز بسرعة الضربات في منطقة الصدر والوجه
هنا انا لم استخدم الأساليب فقط ولكن استخدمت ذكائي ايضا من خلال استغلال لياقتي ونفسي فالقتال وعدم اهمالي لهم

أخي الكريم
المقاتل هو من ينهي القتال بأسرع وقت لأن طول الوقت ليس في صالحه ....
أما عن مثال ان الشخص يسير هو وخطيبتة ويقابل شخص بلطجي فقد قابلت هذا المثال بعيني وكانوا بلطجيان هذه المرة ... وإذا ظللت أراوغ فسيصلون لي بالنهاية مهما حدث لأنني في شارع ولأن خطيبتي تسير بجانبي فربما وصلوا لها هي وأنا مازلت أرواغ .... وأما عن مسألة النفس فأنا ربما أمتلكت نفساً طويلاً ولكني بذلك تحولت بدلا من مقاتل إلى آله للعدو ...؟؟ يجب التعامل بأسرع وقت مع الهجوم لأنة ليس هناك وقت فماذا تفعل إذا هجم عليك ... هل سأجري منه ويجري هو ورائي وأسيب البنية لوحدها ...؟؟ :didas:
لام تتعامل معاه بطرق قتالية ... ثم ماذا لو جاء الهجوم من خلفك ليثبتك الشخص من الخلف بمطواه على رقبتك تهدك بذبحك عند أي بادرة منك للتحرك ؟؟؟؟ لا يوجد افلات في هذا الموقف أو أستخدام لاساليب أخي الكريم
لقد نشأت في مدرسة ثانوية بإحدى المناطق التي كانت تتعامل بالاسلحة الحية في يومها بطريقة عادية ... وكان الشباب يحملون الاسلحة الحية من مطواه إلى المسدس ... وكانت حالات القتال والذبح عادية ونراها كثيراً :46:.... وتعاملت في احدى خناقات الشارع بها وعرفت معنى لالتحام في الشارع بحق ومعنى استخدام فنون قتالية تصلح للالتحام الفعلي .... لم يكن هناك وقت لأضيعه فالثانية الضائعه تساوي موتي الفوري ....؟؟ ومن تلك اللحظات بدأت أفند الفنون القتالية والفنون الاستعراضية حيث أنني مارست الساندا لسنوات ومارست الاساليب ايضاً ... ومارست الكارتية والتايكوندو ... وتعلمت التفنيد جيداً:showoff:

ملحوظة تعلمتها :
قال مدربي في إحدى محاضراته أن الفن القتالي الذي يجعل في منهجة مايسمى بقتال الشارع ويعلمة لطلابة .... فذلك يعني أن هذا الفن غير معد أساساً لقتال الشارع ... وأنه يحاول الأقتراب من القتال الفعلي بوضعه منهجاً جديداً لقتال الشارع
ومعنى ذلك أنك تشاهد مدرب يدربك على الاساليب مدة طويلة ... ثم يأتي ليقول لك والان هيا لأعلمك بعض حركات قتال الشارع .... إذن ماذا كنت تتعلم في الاساليب كل تلك الفترة ...!!!!
ومعنى ذلك أن ماتعلمتى لا لا يصلح لقتال الشارع ..... إذن فهذا قصور في هذه الرياضة يحاول مدربك تعويضة لك في بضعه حركات يأخذها من بعض الرياضات الاخرى ...

وأسف للاطاله يااخي
وارجوا ان تستمر المناقشة بهذه الطريقة

full_attack

22-02-2008, 12:28 PM

واعود مرة أخرى يااخواني لتلكملة باقي المناقشة بإذن الله بعد استعراض المزيد من الاراء والدخول في التفاصيل الفنية

Genral_Huncky

22-02-2008, 02:57 PM

السلام عليكم
اخى fullattack
انا متفق معاك فى جانب كبير من اللى انت بتقولة و مختلف فى جزء صغير
اتفق معاك فى ضرورة سرعة الحسم
والنظرة الواقعية لما اتعلمة قبل ان استهلك وقتى و طاقتى فية مادمت انظر الية من الجانب القتالى وليس الرياضى
وفى الطبيعة شديدة العنف للقتال فى الشارع
و لكنى اختلف معك فى ضرورة الالمام بكل جوانب القتال لان هذا غير ممكن لغير المقاتل المحترف الذى امتهن القتال والرياضات القتالية او من يتعلق عملة بهذة الجوانب
الالمام بكل جوانب القتال بشكل كامل يعنى الالمام الكامل باربع رياضات قتال على الاقل اليس كذلك (( اذا كنا نتحدث عن الرياضات وليس الانظمة وهى مختلفة ولا قواعد لها و لكن لا تعطيك المام كامل فقط ما تحتاجة فى كل جزء وانا افضل هذا ))
بالنسبة للسلاح الابيض بكل اشكالة بالنسبة لى لا يخيفنى حين يستخدم بالطريقة التى تتحدث عنها اى static attack يعنى تثبيت يوجد عشرات الطرق لاستخدام سلاح الخصم ضدة حتى و قتلة اذا اضطررت
الخطر حين يستخدم بطريقة ديناميكية و فى التمرين اخسر 9 مرات من كل 10
فى هذة الحالة
و المشكلة الكبرى ان البلطجية كما نسميهم يجيدون استخدام هذة الاسلحة مع الاسف

فى انتظار النقاش
--------------------------------------------
ملحوظة العالم كلة بيتناقش بهدوء و يا رب نكون احنا كمان اتعدينا منهم

moonknight

19-03-2008, 03:23 AM

السلام عليكم يا كباتن ...
موضوع حلو جدا وانا منبهر من طريقة النقاش فعلا...المهم انا كنت عايزكم تسمحولي اتدخل في الحوار....
من وجهة نظري .. الاساليب تصلح للقتال والا ماكنش استخدمها الناس مدة طويلة جدا...انا كمان شايف انها تنفع في القتال المتطور اكتر...يعني لو كان كلا الخصمين مهرة في استخدام فنونهم....لكن رجع و اقول الفكرة ان المفروض الانسان يشوف هو بيحب ايه و يحاول يخليه الافضل...
يارب مااكونش طولت عليكم
يلا سلام

15gnih

21-04-2008, 09:25 AM

شكرا علي مجهودك وكلامك المظبوط بس احب اقولك ان الاساليب بتاعت الكتاكيت ومفيش غير السندا وعن تجربة مع واحد كان فار ان هو مدرب اسلاليب وسندا والعبد لله خلاه زي الكتكوت
يبقي مفيش غير السندا وبس انا معاك ان الاساليب افيد من اي حاجة للجسم واحسن رياضة للجسم بس هي زي الرقص مش اكتر
ممكن اكون بقول كدا علشام ملعبتهاش بس انا متاكد اني لو لعبت مش هاستمتع بيها زي السندا

واحزر اي حد يحب يلعب سندا ان هي بتازي لو انت مش فاهم ازاي تلعب
وشكرا علي الموضوع مرة تانية

IpMan

19-06-2009, 01:44 AM

شكرا لجميع الإخوة الذين أثروا الموضوع بنقاشهم الهادئ حقيقة استفدنا كثيرا خصوصا من أصحاب الرأي الآخر
كما أرجو من كل من شكك في قوة الأساليب و فعاليتها في القتال الواقعي ، قتال الشوارع أن يشاهد هذا الفيديو

Shaolin street fight skills

http://www.youtube.com/watch?v=9TajusIENTs

mr vigo

19-06-2009, 10:13 PM

الحقيقه موضوع جميل جدا يا احمد وشكرا لطرحه

وقد تكلمت من قبل عن تأثير الساندا على الكونغ فو ومدى مصداقية الكونغ فو الان وهل اصبحت مؤثره في القتال كما في السابق ام ضعفت
وسأتكلم على موضوع اليوم بإستفاضه اكثر

ايه اللي بيفرق المقاتل المدرب عن الشخص الطبيعي ؟؟؟

الفرق بينهم مثل الفرق بين ضوء اللمبه وضوء الليزر
ضوء المبه ضوء مشتت وغير محدد الأبعاد ولذلك لا يؤثر
ضوء الليزر ضوء مركز في نقطه معينه وله تأثير مركز وله أثر فعال

ده اللي بيفرق الشخص الطبيعي عن المقاتل
لأن الشخص العادي هجومه مشتت لأنه يقاتل بمبدأ الغريزه الطبيعي ولذلك لا يكون قتاله فعال بل يكون عشوائي وغير ملم بالشكل القتالي
قد يكون فعال في صورته الطبيعيه ضد انسان طبيعي مثله
لكنه يكون عقيم امام شخص مدرب على القتال

الشخص المدرب والمقاتل يكون قتاله منظم ومخطط بشكل ذو خبره
لأنه هنا يستعمل القتال بشكله الخططي ويعرف كل ابعاد القتال ويدرس كل خططه وثغراته ويلم بكافة مراحل القتال من هجوم وقت الضروره الى مراوغه وقت معرفته بقوة الخصم الى قلب الهجوم الى دفاع والعكس
كل هذه النظريات القتاليه لا يعرفها الشخص العادي لأن الشخص العادي
لايعرف الا الهجوم ولا يستطيع الدفاع وحتى هجومه يكون غير منظم وبالتالي مهما بلغت خبرته في قتال الشارع الا انه لا يستطيع ان يكون مؤهلا لقتال مقاتل كونغ فو

نيجي للاساليب ومدى فعالياتها في الشارع

طبعا مقاتل الكونغ فو يختلف عن ممارس الاساليب الاستعراضيه
لنتكلم عن كل نوع

1/ مقاتل الكونغ فو القتالي
مقاتل الكونغ فو هنا مقاتل ملم بالقتال امام شخص مدرب مثله وبالتالي يعرف اشكال القتال من هجوم الى هجوم مضاد ومن صده الى هروب استراتيجي يهدف الى استدراج الخصم ويعلم اشكال الوقفات التي تؤمن موقفه
وهو هنا اصبح كضوء الليزر يعني اصبحت كل حركه يستطيع القيام بها ذات فعاليه حتى صداته للضربات اصبحت صدات لا تؤدي لكسر عضو لديه بل ان بعض اللاعبين اصبحت لديهم القوه لكسر ذراع الخصم عند القيام بصده لضربته
يعني اصبح ملم بالفورمة القتاليه التي يجب ان يكون عليها

فلو هجم على لاعب الاسلوب خصم حاملا سكين
لاعب الاساليب حيعرف يتعامل معاه لانه اتدرب على كده وعرف ازاي وامتى يهرب من الهجوم وازاي وامتى يهجم بكل قوته .

الشخص العادي هنا حيهاجم اللي شايله سكينه لكن بالتأكيد حيتصاب هو كمان لأن اللي شايله السكينه مش شخص عادي ده شخص مجرم يعني اكتسب شراسة الشارع واساليبه وهي القتال بمبدأ الغريزه

عارفين اولاد الشوارع بيقاتلو بسنج وبيدافعو بأيه؟
بيلفو قميص حوالين الذراع التانيه يعني يهاجمو بالسنجه ويلفو التانيه للصد:32:

هو ده مبدا الدفاع الغريزي اللي بيتعلمه الشخص الاجرامي في الشارع

لكن الشخص المدرب بيتعامل مع الموقف ده وبيستعمل اي سلاح قدامه حتى لو الحزام او الرمل اللي تحت رجليه لأنه ببساطه اتعلم قتال يساعده وقت الخطر

والشخص المدرب حيعرف امتى يدافع وامتى يكون هجومه للكسر او للقتل:32:
وبيعرف استغلال نقاط الضعف في الجسم لتوفير قوته وللوصول لنتيجه فعاله في اقرب وقت وبدون استهلاك للطاقه

قد يشكك الكثير من ان لاعب الأساليب لا يستعمل اكثر مما يستعمله الشخص العادي او لاعب الملاكمه من لكمات
ولكن هل تستطيع قياس قوة لاعب الأساليب بشخص عادي
إن ضربته قد تكون قاتله لأنها ذات سرعه وقوه معا

نيجي لعامل مهم جدا وهو السرعه
يكتسب لاعب الاساليب السرعه والتي تفوق الشخص العادي بمراحل
فقبل ان يكون الشخص العادي قد لكمه يكون قد صدها ووجه له عدة لكمات بل وقد يكون قد طرحه ارضا ايضا
وسرعته ليست في اللكمات ولكن في رد الفعل وفي المراوغه وفي الهجوم ايضا لأن هجوم الشخص العادي هجوم غير مقفل للثغرات ويمكن السيطره عليه(( راجع موضوعي في مقاتلة لاعب كمال الاجسام ))

لقد علمت في قتالي استعمال السكين بأكثر من مسكه وبأكثر من طريقة تمزيق وفي اي الاماكن اهجم وفي ايها اطعن
الشخص العادي يستعمل السكين اما للجرح بها كتخويف او كطعن بها
وفي كلتا الحالتين يمكن السيطره عليه واخذها منه
ولو جربنا الاساليب في قتال الشارع اجد انها لو طبقت بصوره صحيحه ستؤدي الى افظع النتائج ولنرى طريقه منهم
اسلوب الثعبان
ويعرف بأنه اسلوب قاتل
http://www.espytv.com/images/RONDIE%20CHEN%20COLOR%20copy.jpg
هذه الضربه تسمى الثعبان يصعد للشجره
والهدف منها قاتل وهو كسر الحنجره وبكسر الحنجره يختنق الخصم ويموت
والحنجره من المناطق المحرم ضربها الا وقت الخطر لأنها قاتله وتم استعمال سلاح الاصابع وهو اخطر اسلحة الجسم لانها تنغرس _ من قوتها _ في اضعف الاماكن
http://tallahasseeshaolinkungfu.com/photos/snake_hand.jpg

اسلوب النمر
http://takwahkungfu.com/images/dedication5.jpg

.معروف انه اسلوب عنيف جدا وكل قوته في ضرباته الكف الثقيله والمحطمه للغايه او مخالبه التي تلطش بقطوع فأصابع لاعب النمر اصابع فولاذيه
http://whithaydn.com/smfimages/TigerRising.jpg
http://superiormartialarts.com/images13/29610%5B1%5D.jpg

اسلوب الكركي هل تستهونون به انظرو للصوره
http://www.rising-dragon.co.uk/articles/martial-arts/images/iain-breaking-brick.jpg
شفتو قدر يحطم قالب الطوب بصوابعه ازاي فمابالك لو وجه الضربه للجمجمه!!
مخلب الكركي مدمر لأن الكركي يستعمل منقاره في الهجوم
وقد كان اسلوب الكركي هو اسلوب الحرس الامبراطوري لحراسة الامبراطور
وقد كان فعال جدا
http://i264.photobucket.com/albums/ii186/DutchPhil/crane-1.jpg

اسلوب الفهد
http://wikimartialarts.org/main/images/thumb/7/75/Leopard_kung_fu_1.JPG/180px-Leopard_kung_fu_1.JPG

يستعمل مفاصل الاصابع في ضربات موجهه للحنجره والعينين وكل ضرباته قاتله
http://tallahasseeshaolinkungfu.com/photos/leopard_hand.jpg

اسلوب الحيوانات الخمسه
http://www.kongssiulumpai.com/images/5animals_buck_jose.jpg

كلنا يتعملم الاساليب وبنعرف كل طرق القتال بهاوبنتعلم كل تعاليمها
ولكن هذه الطرق لا نستعملها في الشارع ولكن تستعمل للقتال امام خصم مقاتل ويعرف يستعمل فنه امامنا في هذه اللحظه نستعمل فننا الذي سيقهر اسلوبه اما في الواقع فأقل اللكمات او الرفسات ستنهي القتال لأنه لا وجه للمقارنه بين مقاتل الكونغ فو والشخص العادي.
قد يتشابه قتالنا في اللكمات مع مقاتلي الشارع لكن قوتنا بالطبع تفوقه قوه وسرعه وحنكه؟

كل هذا يوضح ان لاعب الكونغ فو المتدرب قتاليا يكون قتاله ذو خبره وحرفه ضد اي شخص عادي .

2/ ممارس الكونغ فو بأساليب العرض

طبعا حبيت اصنف النوعين للفرق الشاسع بينهم
لأن لاعب الاساليب العرضيه كل غرضه المرونه والخفه فقط
وكل ما تعلمه هو الجمبات والشقلبات وما الى ذلك من اساليب الرقص

وطبعا في قتال الشارع لايتم استعمال اي من هذه الطرق لأن قتال الشارع لم تستعمل الا ما يفيدك وما ينهي القتال بأي وقت وطريقه
مقاتل الووشو الاستعراضي لا يهمه الا البساط وطربيزة الكؤووس والميداليات فقط وكل همه ان يغطي جدار ناديه او غرفته بالشهادات
ولكن فيالقتال الحقيقي لن تجد من تقف اماه لانه للأسف لا يصلح :17:
((وقد ذكرت ذلك في موضوع في تدريبات الووشو))

ولنعلم كلنا قاعده مهمه جدا

اننا يجب ان لا نكون مقيدين لأسلوبنا ويجب ان نطوع فننا لكل موقف ولا يسيطر علينا بتكنبكاته

وشكرا لكم واتمنى الردود

mr vigo

12-07-2009, 07:54 PM

يعني ولا حد علق خالص

microbiologist

15-07-2009, 01:06 PM

دي هاتكون اول مشاركة ليا هنا في منتديات الفنون القتالية بس هرد في موضوع منفصل لطول الرد