الحس القتالى

[kotsomoto]

بسم الله الرحمن الرحيم
هتكلم فى موضوعى دة يا جماعه عن نقطه مهمه جدا من الكونغ فو القديم واللى ناس كتير اهملتها او بمعنى الاصح مكنوش يعرفوها ولا يعرفو تمارينها وهى الحس القتالى .
تعريف الحس القتالى :
هو تأهب المقاتل فى كل وقت وفى اى وضع للدفاع عن نفسه ضد اى هجوم مفاجىء مهما كانت سرعته .
مثال على الحس القتالى :
واحد ماشى فى امان الله وفجأة اتحدفت عليه طوبه من اى جمب سواء يمين او يسار بتلاقيه لو عندة الحس القتالى دة بمنتهى السرعه قفز للأمام او للخلف علشان يتفادى الطوبه دى او اى ضربه .
تدريبات الحس القتالى :
فى المرحله الاولى يبداء اللاعب بمراقبه اى شىء متحرك ولا يقوم بأبعاد نظرة عن هذا الشىء وليكن هذا الشىء مثلا سرب حمام او ذبابه او أى شىء يتحرك بسرعه .
فى المرحله الثانيه تتدخل بهذا الجزء حاسه السمع بنسبه 90 % ومخبيش عليكم الجزء دة عاوز مدرب خبرة شويه ومكان خالى وهادىء وبتبقى المرحله دى طويله اوى وبتطول حسب عدد ساعات وايام وخبرة المدرب وتركيز المتدرب .
المرحله الاخيرة وهى ما يسميه أحمد الفشاوى فى فيلم الحاسه السابعه بالحاسه السابعه بردو , غريب الموضوع دة ,
المهم , الجزء دة بيبقى مكون من عدد من جولات القتال البسيط جدا جدا واللاعب معصب العينين وبتؤدى عن طريق استخدام عصاتين فى مقدمه كل من هما جرس صغير يقوم المدرب بتوجيه هذة العصا ببطى الى أى منطقه بجسد اللاعب لكى يتفادى او يقوم بصد هذة العصا عن طريق سمع صوت الاجراس التى فى مقدمه العصا ويقوم المدرب بتدريج سرعه هجومه حسب تقدم اللاعب .
وعلى فكرة فى حجات كتير اوى انا مذكرتهاش ان شاء الله هبقى اكملها بعدين لانها هتحتاج وقت طويل ويارب يكون الموضوع عجبكم ويستفيد بيه اكبر عدد ممكن .

[turpo5]

يسعدني ان اكون اول من رد على الموضوع الجميل ده
وتقريبا انا بهتم بالموضوع ده الى حد مامن غير م اعرفه بس دلوقتي لقيت ليه تفسير
بجد تسلم دماغك على الموضوع الجامد
وياريت تكمل فيه على قد م تقدر
واتمنالك حياه سعيده

[mostafafawzyzak]

اه معلش بقى فاتتنى انى اكون اول واحد يرد عليك مش مشكله بس بجد موضوع جامد وياريت اقدر اتدربه برده على العموم انا سمعت عن الحاجات دى بس كان متهيقلى انها عايزه قدره فوق مقدره البشر علشان احس بالخطر زى رجل المستحيل كد بس لو ممكن اى واحد يوصلها بالتدريب يبقى هايل اوى اه بالمناسبه هو الجمباز اخر سن ممكن يلعبه كام سنه؟
والسلام عليكم ورحمه الله وبركاته
اخوك : محمد

[™Mr EtSh]

موضوع جميل جدا يا ابو حميد وفعلا زى مابتقول لو الواحد عنده الحس القتالي ممكن يستفاد بيه كمان فى الماتشات والبطولات لانه يعتبر هايتوقع الضربه الى جايلو دى فين
وعلى فكره كان فى فيلم فاندام بتاع التحدى باين لما كان الواد الى معاه رما فى وشو زى بوده تعميه كده وهو كمل الماتش عادى وكان بيتوقع الضربات وفاز فى الماتش بس ده فيلم يعنى
بس اكيد فى الحقيقه ممكن يوكن فى حاجه زى كده بس عندنا فى مصر صعب انك تلاقى حتى واحد ممكن يكون بالشكل ده
ولو وجد ده بيبقا توفيق من عند ربنا
شكرا يا ايو حميد وطبعا لو فى فيديو يبقا الموضوع اجميل واجميل شكرا ليك ياجميل على الموضوع

[Jackie_Chan]

بجد موضوع ممتاز ياكابتن احمد تسلم ايدك
وفعلا الحس القتالي ده موجود وبيتم التدريب عليه لكن للأسف مش موجود في مصر
واكيد مدارس الكونج فو فالصين عندها العديد من الأسرار المتعلقه بهذا الحس القتالي ولكن تبقى فالنهايه اسرار

[Jackie_Chan]

بالصدفه وجدت عندي احد الكليبات المتعلقه بهذا الحس وهو كليب لأثنين من الاعبين معصوبين العينين ويقومون بأداء حركات بالأيدي


http://www.ultrashare.net/hosting/fl/69dbdc1a0c/blindfold_sticky_hands

[kotsomoto]

يسعدني ان اكون اول من رد على الموضوع الجميل ده
وتقريبا انا بهتم بالموضوع ده الى حد مامن غير م اعرفه بس دلوقتي لقيت ليه تفسير
بجد تسلم دماغك على الموضوع الجامد
وياريت تكمل فيه على قد م تقدر
واتمنالك حياه سعيده

اشكرك ياأخى على مجاملتك الجميله دى وان شاء الله هحاول اكمل على اد ما اقدر.

[kotsomoto]

اه معلش بقى فاتتنى انى اكون اول واحد يرد عليك مش مشكله بس بجد موضوع جامد وياريت اقدر اتدربه برده على العموم انا سمعت عن الحاجات دى بس كان متهيقلى انها عايزه قدره فوق مقدره البشر علشان احس بالخطر زى رجل المستحيل كد بس لو ممكن اى واحد يوصلها بالتدريب يبقى هايل اوى اه بالمناسبه هو الجمباز اخر سن ممكن يلعبه كام سنه؟
والسلام عليكم ورحمه الله وبركاته
اخوك : محمد

معليش يامحمد انك مردتش اول واحد المهم انك رديت , بالنسبه للحجات دى فهى مش خارقه جدا زى مانت متخيل , فى حجات فى الكونغ فو اصعب من كدة بكتير بس للاسف معندناش العلم اللى يوصلنا ليها والكوادر القديمه مبقتش موجودة دلوقتى ,
وبالنسبه لسن الجمباز فلو كنت تقصد الجمباز الجمباز يعنى ودخول البطولات وكدة يبقى اربع سنين ويوم مينفعش , لازم يكون اربع سنين ودة كلام مدرب الجمباز بتاع اتحاد الشرطه .
أما لو كنت تقصد الجمباز الخفيف بتاع الكونغ فو - وبقول خفيف مقارنه بالجمباز التانى طبعا - فدة مالوش سن هو بس عاوز شويه لياقه واللياقه دى هتيجى مع التمرين العادى اللى بتتمرنه وهتلاقى نفسك كل مابتقدم بتجيب فيه .
وشكرا على مرورك .

[kotsomoto]

موضوع جميل جدا يا ابو حميد وفعلا زى مابتقول لو الواحد عنده الحس القتالي ممكن يستفاد بيه كمان فى الماتشات والبطولات لانه يعتبر هايتوقع الضربه الى جايلو دى فين
وعلى فكره كان فى فيلم فاندام بتاع التحدى باين لما كان الواد الى معاه رما فى وشو زى بوده تعميه كده وهو كمل الماتش عادى وكان بيتوقع الضربات وفاز فى الماتش بس ده فيلم يعنى
بس اكيد فى الحقيقه ممكن يوكن فى حاجه زى كده بس عندنا فى مصر صعب انك تلاقى حتى واحد ممكن يكون بالشكل ده
ولو وجد ده بيبقا توفيق من عند ربنا
شكرا يا ايو حميد وطبعا لو فى فيديو يبقا الموضوع اجميل واجميل شكرا ليك ياجميل على الموضوع

منور الموضوع يا كابتن اتش ,
بس غلط نقول على اى حاجه مش سهله شغل افلام , ايه الاحباط دة ياعم , لازم يكون للواحد هدف علشان يحققه والا هيبقى فى ملل من الرياضه كلها وانا بقولك دة موجود فعلا مش شغل افلام بس زى ماقلت فى الموضوع بردو مش سهل وعاوز امكانيات ومدرب كويس .
وشكرا على مشاركتك .

[kotsomoto]

بجد موضوع ممتاز ياكابتن احمد تسلم ايدك
وفعلا الحس القتالي ده موجود وبيتم التدريب عليه لكن للأسف مش موجود في مصر
واكيد مدارس الكونج فو فالصين عندها العديد من الأسرار المتعلقه بهذا الحس القتالي ولكن تبقى فالنهايه اسرار

اهلا بيك يا باشا فى الموضوع , كنت عاوز اقولك ان الموضوع دة واللى زيه من ما يطلق عليه اسرار الكونغ فو موجود فعلا فى مصر بس العيب على المدربين , لان للاسف الكونغ فو دلوقتى بقت تجارة اكتر منها رياضه , الاغلبيه تبص لاشتراكتها تلاقى اللى يقولك 90 و100 واسعار غريبه واتفرج بقى على اللى يقولك تعالى اعملك كورس ......... بكام الكورس دة ياعم ..... بألف جنيه .
وتبص لمحتويات الكورس تلاقيه عبارة عن تمرين ساندة مكثف شويه .
يا راجل ربنا يعفو عنا , وحسبى الله ونعم الوكيل فى اللى عندة علم ويكتمه .
وشكرا على الفيديو بس للاسف معرفتش انزله ازاى .

[hero_xp10]

شكرا يا احمد على الموضوع الجميل
ومنتظرين منك الاستمرار بحيث يكون موضوع شامل
وبالتوفيق دائما

[Jackie_Chan]

اهلا بيك يا باشا فى الموضوع , كنت عاوز اقولك ان الموضوع دة واللى زيه من ما يطلق عليه اسرار الكونغ فو موجود فعلا فى مصر بس العيب على المدربين , لان للاسف الكونغ فو دلوقتى بقت تجارة اكتر منها رياضه , الاغلبيه تبص لاشتراكتها تلاقى اللى يقولك 90 و100 واسعار غريبه واتفرج بقى على اللى يقولك تعالى اعملك كورس ......... بكام الكورس دة ياعم ..... بألف جنيه .
وتبص لمحتويات الكورس تلاقيه عبارة عن تمرين ساندة مكثف شويه .
يا راجل ربنا يعفو عنا , وحسبى الله ونعم الوكيل فى اللى عندة علم ويكتمه .
وشكرا على الفيديو بس للاسف معرفتش انزله ازاى .

هههههههههههههه

فعلا ياباشا الكلام ده حصلي فعلا ومش فالحس القتالي بس ده كمان فالتشي كونغ واللي تعتبر من احد اسرار الكونج فو ايضا احد المدربين قاللي ادفعلي مبلغ معين وانا اعلمك التشي كونغ المظبوط واللي اخليك بيه تقدر تعلو من على الأرض والكلام ده
ربنا يرحمنا من امثال هؤلاء المدربين اللي انت لو رجعت لتاريخهم حتلاقيهم حاجه من الأثنين

1 - اما انهم قروا كام كتاب وشافوا كام فيديو عن التشي كونغ او الحس القتالي وعن تمارينهم وبكده افتكروا نفسهم علماء في هذا الفن وده بيبقى غش ومش بيبقى التدريب صحيح

2 - او مدربين اتعلموا فعلا الفن ده فالصين على يد مدربين صينيين ومش مشكله عندهم انت حتستفاد بالتدريبات بتاعتهم ولا لأ المهم عندهم المال مع اني واثق ان مدربينهم لم يعلموهم هذه الأسرار بغرض المال

[meskkah]

تسلم ايدك يامان على المعلومات الجميلة دى

[kotsomoto]

شكرا يابو حميد على مرورك .