المساعد الشخصي الرقمي

مشاهدة النسخة كاملة : بتشرب مياه من الحنفية بطريقة مباشرة أو غير مباشرة ! شوف أية البلاوى اللى بتشربها !!!!

Mohamed2004_201
16-07-2005, 09:46 PM
فى المرفقات صورة لقطع من القطن تم وضعها على فوهة حنفية لمدة أسبوعين .... شايف بقى لونها أية !! فما بالك باللى بيحصل فى الكبد و الكلة !!
doc moody
17-07-2005, 03:29 PM
أخي الفاضل مشكور على الموضوع والمجهود

لكن آسف وأنا اقول ان من المستحيل تشبيه الكبد والكلى بهذه القطنة
Mohamed2004_201
17-07-2005, 10:03 PM
كان مثل بس لتوعية الأعضاء . و (رحم الله أمرء سمع القول فاتبع أحسنه )
السيد س
18-07-2005, 11:58 PM
مشكور اخي
بس هنعمل ايه
هيا القطنه دي كانت لحنفيه في بلد ايه بالظبط؟
doc moody
19-07-2005, 11:45 PM
جربها انت يا باشا في البيت بس تكون القطنه مربوطة على الحنفيه على طول لمدة اسبوعين او اسبوعين هتلاقيها بقيت كدة

على فكرة برضو ممكن تكون موجودة برا مصر برضو وفي كل حته
body_asal
20-07-2005, 01:42 PM
يا جماعه العيب في نوع القطن اصلا
شكله كده قصير التيله
kokoeffect
20-07-2005, 02:00 PM
شكر لاخي Mohamed2004_201 . بس احب اقولكم ان القطنه دي نظيفه . انا عملت الموضوع ده عندي وشلتها بعد شهر والحقيقه انا كان هيغمي عليا من اللي شفته وانا من مصر علي فكره ...(حسبي الله ونعم الوكيل)
انا سؤالي بقي اذاي ممكن نتفادي موضوع ذي ده يعني انا فكرت اننا ممكن نسخن المايه قبل ما نشربها . يعني نسخنها وبعدين نبقي نحطها في الثلاجه وبعد كده نشربها . الكلام ده سليم ولا ايه الحل . وشكرا لكم .....
Mohamed2004_201
20-07-2005, 03:11 PM
مشكور اخي
بس هنعمل ايه
هيا القطنه دي كانت لحنفيه في بلد ايه بالظبط؟
مــــــــــصر الجـــــــديدة
undertekka
23-07-2005, 05:15 PM
أنا مع الأخ kokoeffect يا ريت نشوف حل لموضوع المياه ده خصوصا نسمع أن المياه المعدنية مغشوشة اليومين دول
Mohamed2004_201
25-07-2005, 02:50 PM
أعتقد حكاية ان المية المعدنية مغشوشة مجرد اشاعة لأن كما يعرف كل واحد مصر فبها مروجين اشاعات كتتتتتتتتييييييييييير
fasolia
28-07-2005, 10:43 AM
يا ريت يا جماعة تكون دي فعلا اشاعات لأننا مش ناقصين، الحل بقيى ايه؟ نشرب مياه معدنية؟ بس ممكن في أسر متقدرش على كده.. ، نركب فلاتر ؟
™AlprincE_B@seM
28-07-2005, 11:06 AM
حاجة غريبة والله
Mohamed2004_201
29-07-2005, 04:59 PM
أقول لكل الاعضاء (((((( رحم الله أمرء سمع القول فأتبع أحسنه)) ,,, و (أعقلها و توكل)....)))))))...
moon_light6oc
29-07-2005, 05:36 PM
حكاية الميه في مصر وتلوثها مش موضوع جديد يا جماعة ده موضوع بقاله كتير والحلول مش في إيدينا كمواطنين عاديين لأن الحكاية محتاجة مبالغ طئلة لتنظيف المياه ووضع بعض المواد المفيدة عليها زي ما بيحصل في بعض دول أوروبا.
ومع الأسف معدل الفشل الكلوي زاد في مصر بنسبة كبيرة عن المعدل العالمي المسموح بيه وطبعا بما إننا مواطنين درجة 400 فمش الميه وبس هي اللي بالمنظر ده لأ زيد عليه الأكل اللي بيقدم للمواطن المصري واللي اترش عليه مبيدات ومقويات بالأطنان وكل ده دون رقيب ولا محاسب
ربنا يرحمنا برحمته والله يكون في عون الأجيال الجاية اللي طالعة علي الحال ده
doc moody
30-07-2005, 01:52 AM
ومع الأسف معدل الفشل الكلوي زاد في مصر بنسبة كبيرة عن المعدل العالمي المسموح بيه

من قال هذه المعلومة وهو الامراض فيها معدل عالمي مسموح به؟؟

أحب أن أوضح معلومة

الفشل الكلوي في البلاد يتناسب طرديا مع نسبه مرضى السكر في البلد دي لأنه من أشهر اسباب الفشل الكلوي وتاني الاسباب المنتشرة أيضا هو ارتفاع ضغط الدم المزمن ودة برضو منتشر واكثر الاسباب للفشل الكلوي

ويوجد اسباب عدة للفشل الكلوي آخرها ( وكثير من الكتب لا تذكره ) هو تلوث الماء

ومن أكثر ما يؤثر على الكلية ويدخل من الفم هو المسكنات فالاستخدام الكثير والمتزايد من الأسبرين والريفو هو السبب الرئيسي من بين ما يدخل للانسان عن طريق الفم في الفشل الكلوي

أردت تصحيح بعض المعلومات حتى لا ينزعج البعض

وكنت أتكلم عن الفشل الكلوي المزمن اللي هو بيحاج غسيل اونقل كلى

السلام عليكم
moon_light6oc
30-07-2005, 02:42 AM
عزيزي Doc Moody.
أعتذر عن استخدام لفظ "مسموح به" وشكرا للتصحيح
ولكن بالفعل النسبة المصرية للفشل الكلوي تبلغ ضعف المعدل العالمي.
ويمكنكم زيارة اللينك التالي للتأكد من كلامي http://www.muslimworldleague.org/paper/1776/articles/page8.htm

أما بالنسبة للتعرف اكثر علي الفشل الكلوي وأنواعه وأسبابه فيمكن لكم زيارة اللينك التالي
http://www.sehha.com/diseases/ut/crf1.htm
doc moody
30-07-2005, 03:39 AM
أخي الفاصل أشكرك على المواقع وخاصة الموقع الذي تحدث عن مرض الفشل الكلوي ولم يذكر أيضا دور المياه الملوثة في الاصابه بالمرض

أما بالنسبة للمقال الأول فاعذرني أن أقول أن به كثير جدا من المعلومات المخلوطة وتحريف أو مبالغة في بعض الكلام ومزايدة على الكلام العلمي الصادر من الاطباء

عالعموم انا ليا استفسار بسيط والتقرير يقول انه يوجد تزايد في امراض الكلى

هل مثلا دة يدل ان المية كانت قبل كدة نضيفة ودلوقتي بقيت ملوثة؟؟؟؟؟؟؟؟؟؟؟؟؟؟؟؟؟؟؟؟؟؟

قبل الرد على السؤال دة للكل أن يعلم ان الفشل الكلوي يأتي بعد فترة طويلة من التعرض للسموم للكليتين لان الانسان يستطيع ان يعيش بنصف كلية ويحتاج تدمير هذا الجزء الهائل من الاحتياطي الى فترة طويلة وآثار فعاله وبرضو الكلام دة بالصدفه لقيته مكتوب في الموقع التاني اللي تكرمت بوضعه

يبقى مفيش حاجة اسمها تزايد النسبة يعني دة بيقول ان دة في الفترة دي وخطأ علمي فادح أن يقال ان الفشل الكلوي المزمن سببه فترة قريبة مثلا

اشكرك مرة اخرى اخي الفاضل

لكني للاسف الشديد لا اعتمد على اي مقال يذكر من أي صحفي أو كاتب حتى لو استشهد بكلام علماء الطب كلهم لانه سوف يحرف كل الكلام لتوصيل فكرة معينه هو يرمي إليها

تحياتي لسعه صدرك واسف للاطاله
moon_light6oc
30-07-2005, 11:46 AM
أخي العزيز د/ موودي
أشكرك كثيرا من أجل ردك الكريم
حينما تتعامل مع غير المختصين (المواطن العادي) فإنه من المفترض أن توصل إليه المعلومات كمتخصص ومن هنا فإن المعلومات التي بين أيدينا نحن غير المتخصصين يكون المتخصصون هم مصدرها.
والكلام الموجود بالمقال الأول عن ارتفاع المعدل تم مناقشته من قبل علي القناة الأولي المصرية منذ سنوات لا أتذكر عددها ولكنها أقل من خمس سنوات وبالبرنامج تمت مناقشة أحد الأطباء حول المشكلة وأكد لنا ان نسبة الفشل الكلوي في مصر نسبة مخيفة.
كما قلت لك في البداية نحن غير متخصصين ولكن يمكننا استخدام العقل وهو الذي يقول لنا "لماذا تزايد هذا المرض في هذه الحقبة بالذات؟" ليست بالطبع المياه هي العامل الأوحد ولكن هناك مجموعة من الأسباب التي توافرت لدي المواطن المصري ليصاب بهذا المرض اللعين وهو ما يجعلنا نخاف ونرتعب مما يقدم لنا كمواطنين بسطاء.
المياه في منطقتي بنادي الرماية بالهرم سببت للكثيرين فشلا كلويا لأنها غير صالحة للشرب (ليست كباقي المناطق بالجيزة) ومن هنا وكغير متخصص أتساءل، لماذا ازدادت نسبة مرضي الفشل الكلوي في هذه المنطقة عن غيرها من مناطق الجمهورية؟ (هذا الكلام نشر في صحيفة الأهرام والأخبار منذ عامان في شكوي تقدم بها أهالي المنطقة من أجل إدخال مياه الشرب النظيفة) الملاحظة والمشاهدة هي التي جعلتنا نكتشف هذا ولكن زاد علي هذا كلام المتخصصين في وسائل الإعلام المختلفة.
أعتذر لك من أجل تلك المقالة الطويلة
وشكرا لك فنحن نحاول مناقشة موضوع مهم بالنسبة للكثيرين وهدفنا المصلحة العامة
Mohamed2004_201
30-07-2005, 11:51 AM
شكرا لمشاركتك فى الموضوع أخى ,,
art-810
30-07-2005, 09:46 PM
يا جماعه مش حنختلف بس في سوال :احنا نعمل ايه دلوقتي؟؟
هل نسمي ونشرب من ميه الحنفيه وخلاص ,ولا نعيش علي الميه المعدنيه, ولا نركب فلاتر

بس دلوقتي مشكله الفلاتر انها بتغير طعم الميه بجانب انها مبتتخلص من كل الشوائب الموجوده في الميه
يعني مش حتفرق كتير عن ميه الحنفيه,طيب نعمل ايه دلوقتي؟؟
tariq66
30-07-2005, 09:56 PM
يا رب انا مش مسامح الي يبشربونا الميه دي ولا مسامح كل الي جايبنا ورا وسط بقية العالم
يارب خد لي حقي منهم
Mohamed2004_201
30-07-2005, 10:06 PM
بدل من الدعاء عليهم أدعى لهم بأن يهديهم الله عز و جل ...
سلوم8
17-09-2005, 10:02 PM
عندنا في البيت من زمان عارفين الموضوع ده علشان كدة احنا مركبين فلتر ينقي المياه و لما بنيجي ننضفه بيطلع بلاوي
bond22
18-09-2005, 04:13 AM
فى ناس بتشرب من الميه دى طول عمرها ومحصلهاش اى امرض حتى وصلوا سن السبعين سنه
بس الموضوع ده اهمال من المسؤلين فى مصر ولكن نسمع عن معظم هذه الامرض تصيب المسؤلين عن هذا مع انهم بيشربوا ميه معدنيه
عشان كده ولا على بالهم الشعب يتحرق يموت مش مشكله لكن الله يبتليهم بهذه الامراض انتقاما منهم
وفى الاخر انا عايز اوضحلكم ان
لن يصيبنا الا ما كتب الله لنا
Mohamed2004_201
19-09-2005, 06:36 PM
فى ناس بتشرب من الميه دى طول عمرها ومحصلهاش اى امرض حتى وصلوا سن السبعين سنه
بس الموضوع ده اهمال من المسؤلين فى مصر ولكن نسمع عن معظم هذه الامرض تصيب المسؤلين عن هذا مع انهم بيشربوا ميه معدنيه
عشان كده ولا على بالهم الشعب يتحرق يموت مش مشكله لكن الله يبتليهم بهذه الامراض انتقاما منهم
وفى الاخر انا عايز اوضحلكم ان
لن يصيبنا الا ما كتب الله لنا
صدقت أخى و لكن (فذكر فان الذكرى تنفع المؤمنين)
bdf999
22-01-2006, 10:48 AM
شكرا على الموضوع
REDMAN20102
22-01-2006, 05:09 PM
أخوانى الأعزاء فى طريقه جيده للتخلص من الشوائب فى المياه وذلك بملأ زجاجه بالمياه وتركها فتره من الوقت مثلا ثلاث ساعات فبالتالى تترسب الشوائب فى قاع الزجاجه ويقل تلوث المياه إلى حد كبير
Mohamed2004_201
23-01-2006, 04:31 PM
جزاك الله خيرا على المعلومة . و لعل أحدا يعمل بها ان شاء الله ..
wee2am
24-01-2006, 03:55 AM
يا أخواني المشكلة ديه بقلها سينيييين طويلة و ياما الشعب بيقدم شكاوي و ولا حد سائل فيه و حسبي الله و نعم الوكيل في اللي خاربها و قاعد على تلّها
الحل سهل و بسيت جدا ,في حاجة اسمها محطة تنقية مكونة من ثلاث شمعات هي غالية بس مش أوى بلاضافة انها فعّالة جدا و بتعيش كتير بس شرط لازم تتنظنف كلّ شهر على الأقل و اشتريها و وفر علا نفسك القلق والتعب و صحتك بالدنيا و عاى فكرة أنا مركبها عندي بقلها كذا سنة و صراحة عاملة شغل جامد جدا
Mohamed2004_201
22-02-2006, 01:41 PM
جزاك الله خيرا على نصيحتك , أخى !
Roshi707
22-02-2006, 03:14 PM
يا جماعة لما هنا المياة مش صالحة فى القاهرة ..

امال المياة اللى فى القرى تبقى اية ............................


بصراحة

دية مشكلة معقدة جدا ....

لكن انا اعتقد الصح ...

ان هما الاول يوصلوا المياة بتاعت القرى لمستوى المياة بتاع القاهرة ...

لان القرى كلها مظلومة فى الموضوع دة ...

على فكرة معظم مرضى الفشل الكلوى موجوديين فى القرى
Roshi707
22-02-2006, 03:16 PM
يا جماعة لما هنا المياة مش صالحة فى القاهرة ..

امال المياة اللى فى القرى تبقى اية ............................


بصراحة

دية مشكلة معقدة جدا ....

لكن انا اعتقد الصح ...

ان هما الاول يوصلوا المياة بتاعت القرى لمستوى المياة بتاع القاهرة ...

لان القرى كلها مظلومة فى الموضوع دة ...

على فكرة معظم مرضى الفشل الكلوى موجوديين فى القرى
Eng.3mrlizm
22-02-2006, 03:55 PM
طيب نعمل إيه !!!!!

يعني نستورد مياه كمان ... ما هو كل ما حاجة تطلع بايظة عندنا بنقوم مستوردينها من بره

نعمل إيه ؟

و ده علي كدة بقي أصحاب شركات المياه المعدنية لهم حق يطلعو شائعات بالهبل علشان يكسبوا بدل ما مفيش حد بيشتري منهم
yalaa13
22-02-2006, 03:59 PM
قول يارب ياباشا واشرب بالهنا والشفا
amr yousry
23-02-2006, 02:22 AM
و اللة الموضوع حلو و جميل
بس اسالك سؤال
اللي انتا شفتو في القطنة دة اية
اقولك
دة بواقي صداة المواسير(اكسيد حديد)
الحل في 4 حلول
الحل الاول القطنة ولو انة حل مش فعال
الحل الثاني تغير جميع المواسير بالعقار الي pvc
الحل الثالث الفلتر
الحل الرابع المياة المعدنية
و ربنا يستر
Mohamed2004_201
23-02-2006, 02:55 PM
جزاك الله خيرا للنصيحة ,,
♥commy♥
23-02-2006, 03:10 PM
ربنا يستر اهو الواحد بيسمى الله وبيديها

( قل لن يصيبنا الا ما كتبه الله لنا )
Mohamed2004_201
23-02-2006, 03:18 PM
ضدقت أخى . و ربنا يسترها معانا ..
zeropoint
23-02-2006, 03:33 PM
أخر ما يمكن أن يسبب هذا الشكل
هو تلوث المياه
و أولها صدأ المواسير
حتى تكون تجربتك صحيحة علميا
يجب وضع القطنة قبل وصولها الى مواسير منزلك
Mohamed2004_201
23-02-2006, 03:51 PM
جزاك الله خيرا على النصيحة بس مقدرش أفك العداد بتاع البيت و أحط قطنه على الماسورة . دا السكان يضربونى :)
ebnelneel
23-02-2006, 03:53 PM
انسو هتقولوا على الميه ولا على رغيف العيش ولا على الهوا ولا على ايه ؟
يا ابني احنا كده هنموت مش من الميه بس هنموت من الزعل كمان
وربك يسترها ويعوضنا عوض الصابرين
Mohamed2004_201
23-02-2006, 07:39 PM
أيه ياعم مش تدافع عن النيل و ميته ! أمال أبن النيل ازاى ! :)
essasoft
23-02-2006, 08:00 PM
الاخ العزيز ...لو احنا دورنا على كل حاجه فى حياتنا هنلاقيها للاسف مش مظبوطه بدأ من التلوث الهوائى مرورا الى ما شاء الله ...الخ
ولكن ربنا سبحانه وتعالى سترها معانا ...ولكن مش معنا ذللك انا احنا نستهين بالوضع ..ولكن كا واحد فينا يحاول على اقد ما يقدر ان يقلل من عملية التلوث اللى حوليه ...
Mohamed2004_201
23-02-2006, 09:00 PM
شكرا لمشاركتك و (رحم الله امرء سمع القول فأتبع أحسنه )
undertekka
26-02-2006, 11:42 AM
مشكور أخونا دكتور مودي على الافادة وشكرا يا جماعة على الموضوع
Mohamed2004_201
26-02-2006, 02:56 PM
يارب عفوك و سترك ورضاك ,,
red6horse
26-02-2006, 03:03 PM
اللهم احفظنا وسائر المسلمين
Mohamed2004_201
26-02-2006, 03:04 PM
يارب ...,,
medo45100
31-03-2006, 11:30 PM
تسلـــــــــــــــــــــــــــــــم ياغالى وربــــــــــنــــــــــــــا معاك ومع الجميع يارب ويارب نشوف المزيد على احلى منتدى عربى
Mohamed2004_201
02-04-2006, 01:45 AM
جزاك الله خيرا ,,
Mohamed2004_201
02-04-2006, 01:50 AM
جزاك الله خيرا ,,
عمر فواد
04-04-2006, 04:18 AM
شكرا اخى على الموضوع وندعوا الله باخز من ازر هذه الامه وتصحيح ماهو قد يا تى بالسلب على هذه الامه بس للايضاح لو اتجعت الى محافظه الجيزه سترى قريه بها اسمها طموه المياه فيها لاتصلح لاستخدام الادمى ومع ذالك يشترون المياه العاديه وليست المعدنيه والله المعين
Mohamed2004_201
05-04-2006, 05:06 AM
اللهم انصر الاسلام و اعز المسلمين ,,
tazmanuan-devil
19-04-2006, 02:48 AM
شكرا جزيلا على هذه المعلومات
Mohamed2004_201
20-04-2006, 06:21 PM
رحم الله إمرء سمع القول فأتبع أحسنه
alucky4ever
20-04-2006, 06:47 PM
يا جماعه من الاخر ....البركه قلت فى كل حاجه
الوقت ........ ديما بيجرى اسرع من الاول بكتير
و الجهد.........الواحد بقا يتعب لو مشى نص ساعه او صلع دورين على رجله
و الصحه ........ بقت علطول فى النازل
و الاكل........ مبقاش يشبّع (انفلونزا الطيور/جنون البقر/ الحُمّه القلاعيه .......................)
و حاجات تنيا كتير
مش كدا ولا ايه ؟؟؟؟؟؟؟؟؟؟؟؟؟؟ّّّّ!!!!!!!!!
osamamash3al
20-04-2006, 06:51 PM
حكاية الميه في مصر وتلوثها مش موضوع جديد يا جماعة ده موضوع بقاله كتير والحلول مش في إيدينا كمواطنين عاديين لأن الحكاية محتاجة مبالغ طئلة لتنظيف المياه ووضع بعض المواد المفيدة عليها زي ما بيحصل في بعض دول أوروبا.
ومع الأسف معدل الفشل الكلوي زاد في مصر بنسبة كبيرة عن المعدل العالمي المسموح بيه وطبعا بما إننا مواطنين درجة 400 فمش الميه وبس هي اللي بالمنظر ده لأ زيد عليه الأكل اللي بيقدم للمواطن المصري واللي اترش عليه مبيدات ومقويات بالأطنان وكل ده دون رقيب ولا محاسب
ربنا يرحمنا برحمته والله يكون في عون الأجيال الجاية اللي طالعة علي الحال ده
good words
thanks to u moon_light
samesomeone
20-04-2006, 08:50 PM
ياجماعة .. اللي بيربي سمك . عارف انه لوحط المية دي في الحوض السمك بيموت .. لكن لازم يحط الاول نازع كلور ..

وانا فاكر ايام الكلية .. لو اشتغلنا بمية الحنفية في المعمل .. التجارب كلها بتبوز ..

يعني طريقة تنقية المياه نفسها تقرف ...
كفاية ان اول ارشادات للسياح قبل مايجوا مصر .. متشربوش من المياه بتاعتهم ..


وعلى فكرة انا كان عندي فلتر على الحنفية .. بس شلته من المنظر الفظيع لما بيسود قبل اسبوع من تغيير الفلاتر ..
كده احسن على الاقل الواحد مش بيشوف اللي بيشربه .. لان اغلب الفلاتر مش عملية اوي
ربنا يبارك لنا في صحتنا .. والله احنا مشايين ببركة ربنا
monanet
21-04-2006, 09:11 AM
نحمد ربنا على ان احنا عايشيين
mohamad_saeed90
21-04-2006, 09:28 AM
الميه سليمة 100 % بلاش اشاعات بقى.....تلاقى القطنة دى مدسوسة علينا من اعدائنا الارهابيين...!!
Mohamed2004_201
21-04-2006, 11:06 AM
على فكرة أخى محمد سعيد أنا اللى صورت الصورة دى و جايبها من بيتى , أعدائك الارهابيين !!! أنا ؟!!! :(:(:(:(:(:(
mohamad_saeed90
21-04-2006, 02:47 PM
لا ده انت حبيبى و اخويا و شريكى فى نفس المعاناه .....اللى انا قلته ده بيان الحكومة.....!!!
tttara
21-04-2006, 03:42 PM
thanxxxxxxxxxxxxxxxxxxxxxxxxxxxxxxxxx
khaledshareef
21-04-2006, 04:00 PM
فكرتني بمدام نظيفة
والقطنة اللي ما بتكدبش
كان فيه واحد قال ان الارياف مياهها امر من كده
احب ان اوضح ان مياه الطرمبات اليدوية المعروفة ان كانت بعيدة عن اماكن التلوث زي الرشاح
والاملاح الزائدة مثل اراضي الاستصلاح
فمنها ما يعطي انقى واعذب المياه
هناك اخ قال ان الصدأ جاي من مواسير البيوت الحديدية
وان ما في القطنة ما هو الا صدأ فقط
مع ان مسببات التلوث لا تحصى ومنها المعادن الثقيلة
كما ان المياه التي تصلنا تمر بمراحل معالجة محدودة جدا
وهي الترسيب لازالة الشوائب العالقة
ثم اضافة غاز الكلور بنسب علمية اعتقد انهم بيوفروا فيها زي ما بيوفروا في القطن والسرنجات في المستشفيات
وقد لاحظت ان نسبة الكلور زادت عندما اشيع تلوث ماء النيل بانفلونزا الطيور
واستدللت على ذلك عند سماعي لصوت جديد وهو خروج غاز الكلور اثناء غلي الماء لعمل الشاي
ربما لاحظها ايضا بعض اعضاء المنتدى!
الحل ان كل واحد ياخذ احتياطاته اللي يقدر عليها
من اول فلاتر ال ار او اللي ثمنها يبدأ من 1500 جنيه
الى القطنة و ترويق المياه بتخزينها حتى ترسب الشوائب
وبعدين خطورة المياه برضه اقل من خطورة
تفشي الكبد الوبائي من نوع سي
انا في خلال سنة لي اصدقاء واقارب ماتوا به عدد 2
وعلمت ايضا باصابة بعض الاشخاص
ياريت يكون فيه موضوع في المنتدى زي ده يوعي الاعضاء بكيفية تجنبه
وشكرا
Mohamed2004_201
27-04-2006, 07:11 PM
أخى العزيز جزاك الله خيرا على المعلومات القيمة التى أدليت بها و لكن صدقنى اللى فى القطنه مش بس صدأ !!
khaledshareef
29-04-2006, 12:16 PM
أخى العزيز جزاك الله خيرا على المعلومات القيمة التى أدليت بها و لكن صدقنى اللى فى القطنه مش بس صدأ !!
اخي الحبيب
لو كان ردك موجه لي
فانا معاك انه مش مجرد صدأ - وانا كلامي السابق بيقول انه مش بس صدأ
لكن ممكن اللي يقرأه يفتكر ان كلامي العكس
ولكن ايضا فيه مواد ذائبة ضارة او مفيدة لا تحتجزها القطنة
اضافة الى الميكروبات والفيروسات
القطنة تعتبر فلتر ميكانيكي
لا تحتجز الا المواد ذات الاقطار الاكبر من فتحاتها
يعني اللي يركب فلتر ميكانيكي لا يجب ان ينام مرتاح البال
هو كده شال بعض المواد الصلبة غير المذابة
اضافة الى ان المياه في الدول المتقدمة يضاف اليها عنصر الفلورين
وهو يساعد على حماية الاسنان وخاصة في الاطفال
يا ترى العنصر ده موجود عندنا ولو موجود هل تمت اضافته على نفقة الدولة
ام انه هبة من الله في مياهنا !
هذا ما ستجيب عنه الايام المقبلة !
romaro007
29-04-2006, 02:11 PM
ربنا يستر علينا ده احنا غلابه
triple-h
29-04-2006, 02:22 PM
صحيح على رأى الست نجمة القطنة مبتجدبش
شكرا على التنبيه
وانا لله وانا اليه راجعون
تحياتى
tsonamy
29-04-2006, 02:27 PM
مشكوووووووووووووور
Mohamed2004_201
01-05-2006, 06:54 AM
على فكرة يا شباب زجاجات البلاستك اللى أنت بتملوها تؤدى الى مرض السرطان لتفاعل المياة بها فنصيحة الى كل أخ فى المنتدى انه يحفظ المياة فى زجاجات زجاج فى الثلاجة و حتى جربوا تضعوا مياه فى زجاجتين احداهما بلاستيك و الأخرى زجاج و اتركوا كلاهما يوم و نصف و ذوقوا المياة من كل زجاجة هتلاقو فى طعم بكرر (طعم) فى الزجاجة البلاستك على العكس من الزجاجة الزجاج .
و على حسب معلوماتى المية لا فيها :
1- طعم
2- رائحة
3- لون
و الــــــلـــــــــه الموفق ,,
karam_dvd
01-05-2006, 08:04 AM
شكرا يا باشا علي موضوعك و اللي حصل في القطنة ده أقل واجب لأن احنا بنشرب من ترعة وسخة كبيرة اسمها نهر النيل

و رجاء لكل من لا يصدق أن يتوجه إلي نهر النيل تحت أي كبري عشان تعرف الفضيحة .

و الله يا جماعة واحد صاحبي زميله في الشغل اشتري منقي للمياه ب كام ألف جنيه و لما بدأ بتنقية الماء شاف العجب الماء الأبيض اللي الناس بتتخيل إن من شرب منه مرة لازم يرجع يشرب منه تاني تحول إلي لون أخضر كاتم
kingofmaya
02-05-2006, 07:58 PM
شكرااا
...................................
Mohamed2004_201
03-05-2006, 02:32 AM
لا شكر على واجب اخى ,,,
كرميلا
12-02-2007, 08:08 AM
دي بالنسبه للميه عندنا تبقي الميه الي في القطنه دي معدنيه يبختكم بتشربه ميه نضيفه
fahd_628
04-03-2007, 02:16 AM
يا ساتر يا رب

شكرا يا باشا
Mohamed2004_201
20-03-2007, 02:35 AM
لا شكر على واجب ..
العـنـتـيـل
21-03-2007, 04:19 PM
يا جماعه ..
الميه فيها بلاوي فعلا .. بس دي من المواسير اللي ماشي فيها الميه
حد شاف أي ماسورة ميه مكسوره من جوه ؟؟؟؟
بلااااااااااااااااااااااااااااااااااااااوي من جوه
بلاااااااااااااااااااااااااااااااااااااااااااااااا ااااااااااااااااااوي على حق
و مش أي بلاااااااااااااوي ... طين إسود قذر و صدأ حديد يقطع القلب !!!!!!!!!!!!!!!!!!!!!!!!!!!!!!!
ربنا يعافينا من البلاوي دي
و ممكن الفلتر يقلل شويه من الضرر .. بس مش هيمنع كل حاجه .. لأن فيه بلاوي دايبه و كيميائيه .. مش هتتشال بالفلتر
ربنا يستر علينا .. و يجعله عامر
zizo_danger
21-03-2007, 04:35 PM
لا تعليق :no000000:
Mohamed2004_201
21-03-2007, 08:52 PM
شكرا على مشاركتكم ...
MR . K A B O
31-03-2007, 07:34 PM
الف الف شكر يا كبير علي النصيحة
بس نعمل ايه
حسبي الله ونعم الوكيل
بس نعمل ايه يعني
حسبي الله ونعم الوكيل
zeco_zeco
01-04-2007, 12:18 AM
ربنا يرحمنا برحمته يعني احنا هنعمل ايه

انا عن نفسي هشرب واقول (( قل لن يصيبنا الا ما كتب الله لنا ))

وبعدين الإنسان هيموت كم مرة؟

وشكرا على المعلومة
Mohamed2004_201
01-04-2007, 01:03 AM
إن شاء الله أكون أفدتكوا ..