المساعد الشخصي الرقمي

مشاهدة النسخة كاملة : كنت بعمل انترفيو فى شركة سفريات وحصل .....!!!!

shishoo
19-01-2008, 05:23 PM
السلام عليكم ورحمة الله وبركاته أحبائى وإخوانى
كنت بعمل انترفيو فى شركة سفريات وحصل الاتى:
أولا قابلنى واحد فى عمرى سألنى على الاكسيل واكلم معايا شوية بالانجليزى وشوية محاسبة .
والمدير شاف شهاداتى وكان سعيد وبعدين قالى انت هتشتغل محاسب فى فندق ب 1500 ريال والاقامة والاكل على الفندق
قلتله تمام قالى معاك رخصة مهنية (درجة تالتة ) قلت لا معايا (خاصة) قالى طاب اعمل مهنية
قلت هو انا هشتغل سواق ولا محاسب قالى اصل الفيزا جاية سواق عشان تكلفتها رخيصة انما لو انت عايزها محاسب ومش هتلاقيها هتكلفك حوالى 15000
المهم قالى انت عندك كام سنة قلتله 23 قالى مش هينفع عشان القنصلية السعودية لاتعتمد سواق الا 25 سنة
على العموم هنشوفلك سفرية تانية وتطلع عامل
================================================== =================
يا جماعه انتو اية رايكم فى الكلام ده ان كل اللى عايزه
كيف أضمن ان اسافر واجد العمل محاسب؟؟؟؟؟؟؟؟؟؟؟؟؟؟؟؟؟؟
مش اروح الاقى ارغى الغنم واقطع النخل وعيش فى الجبل
احنا اهلنا تعبانين معانا اوى وحرام اللى بيحصل ده
vip_hms
19-01-2008, 07:36 PM
يا اخى الفاضل اولا 50%من الكلام مظبوط وهقولك لية
لان مفيش مهنه محاسب فى السعودية الا للسعوديين فقط (متسعوده)
اما كلام سن السائق والكلام ده مش صحيح وعلى فكرة هو كان يقصد بالمبلغ اللى قالك علية ده انه يعملك فيزا حرة بمهنة محاسب عموما لو أردت انا عندى محاسب بمهنة عامل براتب 1500 ريال لوعاوزها انا تحت امرك اتصل بية على 0127931418
mohamed5431550
20-01-2008, 12:19 AM
ماله السواق ( مليونير
shishoo
20-01-2008, 02:02 AM
يا اخى الفاضل اولا 50%من الكلام مظبوط وهقولك لية
لان مفيش مهنه محاسب فى السعودية الا للسعوديين فقط (متسعوده)
اما كلام سن السائق والكلام ده مش صحيح وعلى فكرة هو كان يقصد بالمبلغ اللى قالك علية ده انه يعملك فيزا حرة بمهنة محاسب عموما لو أردت انا عندى محاسب بمهنة عامل براتب 1500 ريال لوعاوزها انا تحت امرك اتصل بية على 0127931418

مشكور اخى الكريم على تعاونك
اولا عنوان شركتك فين عشان اقابلك
ثانيا السواق بيكون سنه كام
ثالثا وهو الاهم كيف اضمن اننى عندما اذهب سأعمل محاسب؟؟؟؟؟؟؟
deso2y77
02-02-2008, 12:48 AM
على فكره انا برضه قالى اعمل رخصه مهنيه والمرتب كان 1200 ريال
ولقيت ان الرخصه هتكلفنى 1200 جنيه طبعا لزوم تفتيح المخ او ابقى قابلنى لو عرفت تطلعها فلقيت ان الفلوس اللى معايا هبعزق 1200 للرخصه بس وارجع استلف لحد ما اكمل اللى معايا عشان اسافر فكسلت وادينى صابر
samirrrrr
20-11-2009, 03:29 PM
بسم الله الرحمن الرحيم
رساله لكل مهندس عايز يسافر وبالاخص اللي عايز يسافر طبعا تبع اي مكتب وهو مش عارف ايه اللي ممكن يلاقيه هناك ..
ياجماعه انا ديه قصتي مع الراجل اللي حاطط الاعلان ده .. انا سافرت من خلاله للسعوديه ..
اللي حصل ان الراجل ده حط اعلان زي كمية الاعلانات اللي حاططها دلوقتي ع النت .. بعتله السي في بتاعي .. اتصل بيا وكلمني كلام زي الفل وانا شفت السي في بتاعك وعجب الراجل السعودي والراجل عايزك معاه هناك .. طيب .. طبيعي ان ده اول سفر ليا اكيد هبقي قلقان .. كلمته عن الراجل نظامه ايه كويس ولا لا .. قاللي يا بشمهندس احنا يعتبر بلديات من القليوبيه احنا الاتنين وعشان كده انا كلمتك انت لان ديه فرصه مش هتتعوض .. والراجل السعودي هناك قمه في الادب والاخلاق والاحترام .. وكلام كتييير من النوع ده .. وافقت مشينا في الاوراق .. وكل شويه يطلب فلوس ده غير ال 5500 جنيه اللي خادهم في الاخر .. انا المفروض يا رجاله كنت رايح علي مصنع استيل .. لقيته ورشة حداده زي اللي موجودين في مصر بالظبط .. وسكني في مكتب الشركه وتخيلوا انتوا بئه علشان مااطولش ان انت ساكن في مكتب .. الكلام من استاذ هشام والراجل نفسه ان انا رايح مهندس لمصنع استيل ليا احترامي ليا خط موبايل ليا سكن محترم .. ولا لقيت اي شيء من ده .. طلبت من السعودي اني انزل وقلتله والدي تعبان لازم اشوفه .. تخيلوا كلم هشام ده في مصر .. المفروض ايه بئه .. هشام ده يبقي معايا ولا ضدي .. لا يا رجاله ده كان ضدي ومش هقول تفاصيل عشان مااطولش .. المهم النهايه كانت بعد 8 ايام من سفري للسعوديه والسعودي المحترم عشان ينزلني مصر اخد مني 1000 ريال ده بعد 8 ايام .. انا حبيت اقول الكلام ده ونفسي اقوله للناس كلها بس مش عارف ازاي .. لان يا جماعه اللي شفته هناك بجد مش سهل واللي عايز يعرف حاجه اوي يسالني عن حاجه عن الراجل ده ومكتب السفريات اللي هو مش بتاعه اصلا ده رقمي 0104494234 والراجل ده اسمه هشام عبد الرحمن
mada2005
20-11-2009, 04:27 PM
يا جماعه كفايه نصب بأه هوا احنا ناقصين يلعن ابوكو ولاد كلب دا الجزائر ليها حق تعمل فينا كده ماهى امثالكو اللى مبوظه البلد خليكو محترمين شويه بأه واتقوا الله
ah_fathi2005
20-11-2009, 07:33 PM
يا جماعه انا في السعوديه يا جماعه محدش يطلع اقل من 2500 العيشه هنا غالييييه جدااااااااا اسالوا مجرب يا جماعه اللهم اني بلغت اللهم فاشهد ومحدش يجي علي مهنه سائق دي ازبل فيزا انا جاي عليها محدش يجي علي المهنه دي
hamadahitler
21-11-2009, 04:07 AM
منكم لله تيجى على ابن بلدك بدل ماتيجى على الغريب سبحان الله