حد يقولى أزاى اتكلم عن نفسى بـenglish

[دنيا زاد]

للأسف فيه مشكلة بتقابل ناس كتير وأولهم انا فى اى مقابلة لاى وظيفة وهى إنك تقدم نفسك بـ english والغريب انى بلاقى ناس كتير اضعف منى فى اللغة بكتير بينجحوا وانا لأ مع إن لغتى الى حد ما تقدر تخلينى جديرة بالوظيفة دى فى حد يعرف ايه النقط الاساسية اللى الواحد يقدر يكلم فيها عن نفسه بجمل بسيطة وسهلة ومن غير متلاقى نفسك فى وضع محرج او مش قادر تتصرف
وعلى فكرة انا كمان بدور على وظيفة ومش لاقية لو حد يعرف مكان اقدم فيه ياريت يقول
بس يكون فى القاهرة وعلى فكرة انا محاسبة وكمان عاملة دبلومة فى المراجعة المالية

[balack4u]

بسم الله الرحمن الرحيم والصلاه والسلام على رسولنا الامصطفى الامين محمدعليه السلام0

هذه هى اول مشاركه لى بالمنتدى وقد رليت طلب العضوه المحترمه وبما اننى خريج تربيه قسم انجليزى حبيت ارد عليها لعلنى اكون سبب فى افادته انشاء الله0

على العموم لما الواحد بيجى يقدم لوظيفه بتبقى فيه نقط محدده ممكن يكلم فيها وطبعا اولها الاسم والعمر والشهاده وسنه التخرج والحاجات الاضافيه الى هو بيجيدها زى الكمبيوتر
وعشان ما اطولش عليكى انا هكتب تقديمه لنفسى مثلا وانتى تعملى زيها

my name is ahmed, i had graduated from college of
education ,department of english at 2004

i am also very good in using computers and internet,i am good in using some programs like word and excell

بالنسبه ليكى هيكون التغيير فى الكليه والقسم وممكمن تضيفى ان معاك دبلومه ولو عندك سنين خبره بتقولى برضه
ودى بعض الكلمات اللى هتساعدك
محاسبه:accountant
مراجعه ماليه:comptroller
دبلومه:diploma

واتمنى انى اكون قدرت اساعدك شويه

[دنيا زاد]

بسم الله الرحمن الرحيم
شكرا على الرد والاهتمام انا الحمد لله اللغة عندى لحد ما كويسة لكن المشكلة يمكن فى سرعة الرد او بمعنى ادق المحادثة بابقى فاهمة كويس قوى وعندى الرد لكن مفتقدة للسرعة وبالتالى عقبال ماحضر الرد المناسب تكون الوظيفة طارت
عموما شكرا مرة تانية وهحاول اعمل طريقة كويسة لتقديم نفسى بالاسلوب السابق ذكره وافضل احفظ فيها وربنا يسهل

[balack4u]

العفو يا دنيا ولو احتجتى اى حاجه فى اللغه ياريت تطلبيها منى وبالنسبه للرد ممكن تاخدى كورس محادثه او تحاولى تتطورى من نفسك عن طريق الاستماع الكتير للغه عن طريق الاغانى والافلام واتمنالك التوفيق وتلاقى فرصه عمل فى الظروف الصعبه اللى احنا عايشينها من ناحيه البطاله

[دنيا زاد]

ربنا يسمع منك وإن شاء الله أول مرتب بالنص

[balack4u]

على فكره يا ريت كل اللى عنده فكره عن الموضوع ده يشارك لحد ما نقدر نطلع بصيغه ثابته ممكن من خلالها اى حد يقدم نفسه لوظيفه ومن كل المشاركات نقدر نستنبط شكل نهائى ليها

[mado208]

انتى ممكن تاخدى دورة فى كتابة الcvوكيفية البحث عن عمل والمقابلة
الدورة فى جمعية جيل المستقبل :idea0000:

[arctraz2]

جمعية جيل المستقبل 3 شهور

ومش بتكون فاضي في الـ 3 شهور دوووول

يعني كتير جدا نتعلم تاني 3 شهور وخلالهم نتعلم نعمل C V
وفي نفس الوقت مش عارف هتقبل في ال interview ولا لا

[henno911]

[B]استاذ احمد
يا ريت ماتزعلش منى
لكنى لا اتفق معك بالنسبة لبعض التعبيرات اللى حضرتك استخدمتها
هاقولهالك لعلى اكون مخطئ فتصححها لى
1- ليه قلت college و مش faculty
2- ليه at 2004 و مش in 2004
3-ليه good in و مش good at
منتظر ردك

[misho5210]

ربنا يوفق الجميع وشكرا على الرد

[m_elmogy]

يا جماعة بعد إذنكم .... أنا لي رأي
الموضوع ببساطة إنك ممكن تحفظ حوالي عشر كلمات طوال وتحفظ طريقة نطقهم بلكنة إنجليزية ممتازة وتحط هذه الكلمات في جمل سليمة وتقدر تنوع الجمل على قد ما تقدر لكن باستخدام نفس الكلمات
وإسمحولي أن أقدم مقدمة بسيطة لكن لن تحتاج أكثر منها في المقابلة على شرط أن تحفظها جيدا وبنطق سليم جدا كما أوضحت ... والباقي أنصح أن تكون مقتضب تماما ولا تكثر من الكلام حتى لا يفتضح أمرك (مع الأخذ في الاعتبار أنك المفروض معقول في الانجليزي حتى لا تخدع مديرك)

Dear Sir:

I understand that you have an opening in that Position. Since I'm in the background in that field , I'm sure I could make significant contribution in a short time.
I am conscientious in my personal and professional life. I take pride in my work , also in myself and derive considerable satisfaction from doing an assignment well.
I cope well with high-stress situations and can manage a variety of projects simultaneously.
I am seeking a responsible position that offers challenge and opportunity I believe my background provides the skills you require for this position.

[aymanabozed]

كلنا عارفين english

ولكن اهم حاجه هى الثقه بالنفس

[morbid-angel]

take a conversation course...........or talk to ur foriegn or local friends in english by the mic this my mail if anyone want to converse with me (morbid_angil@hotmail) ...

[dr_waleed]

في فكرة جميلة ممكن تحل مشكلة اللي يعرف اجلش نص نص وفي نفس الوقت يعرف يتكلم في المقابلات

وهي طريقة الفرانكو اراب .. هناخد مثلا صاحبة الموضوع معاها محاسبة ودبلومة يعني تعرف كل الألفاظ الأنجليزية المتعلقة بالمحاسبة وشغلها زي account مثلا

تيجي وهي بتعمل مقابلة تتكلم بسرعة عربي على انجلش وده اليويمن دول بينفع في المقابلات

يعني مثلا تقول : تعليمي جامعي تخصص اكونتنج و موني ريفيشن
او : ماي اكسبيرينس مثلا كنت بشتغل اكونت مانيجير في الشركة الفلانية

وهكدا مع التدريب ممكن يجي نتيجة والعملية سهلة كل اللي عليكي انك تعرفي اغلب الأسئلة اللي بتتسأل وتعمليلها لغة فرانكو اراب مع شوية تدريب على نطق الأجليزي بسرعة في الكلمات

ارجو اني اكون افادتك

تحياتي

[دنيا زاد]

يا دكتور وليد لو الموضوع سهل كده مكنش حد غلب دلوقت المقابلة فى اغلب الاماكن انقسمت لقسمين جزء اختبار كتابى فى اللغة وجزء يحاورك فيه المسئول عن الوظيفة وانت داخل عليه ولسه بتقول ياهادى وهتقول السلام عليكم تلاقى بيقول please speak english وطبعا دى مقدورعلى فهمها وحتى لو حاولت تجمع كلمتين من هنا على كلمتين من هنا تلاقى الوظيفة طارت
ياريت لو حد يعرف موقع للمحادثات الشائعة فى المقابلات يقول على الرابط بتاعها

[goldberg_300]

با دنيا .....


أنا برده خريج تجاره عين شمس برده


و بحضر تمهيدى ماجستير حاليا فى الجامعه فى قسم المحاسبه الماليه


أنا باخد دوره إعداد التويفل عندنا فى الجامعه ب 350 ج


الدوره دى مفيده جداااااااااااا


لو عندك أى إستفسار ... بس قولولى


انا عندى كذا لينك لتعليم الانجليزى هكتبهم بعد دقايق ...

[دنيا زاد]

شكرا للاهتمام انا عملت فى الجامعة دبلومة مراجعة مالية وخلصتها فى مايو 2005 وطبعا دى مش محتاجة للغة انا مش محتاجة دوره إعداد التويفل انا كل اللى محتاجة ليه دورة محادثة ياريت لو تقدر تسألى عليها يبقى جزاك الله كل خير انا كنت هاقدم السنة دى تمهيدى ماجستير مراجعة مالية بس قالوا لازم يكون تقديرى جيد فى البكالوريوس لكن للاسف انا جايبة مقبول ومينفش جيد الدبلومة بس وسمعت كمان ان كل الدفعة بتاعتكو 35 طالب فقط انا لى اصدقاء معاك فى تمهيدى السنة دى ربنا يوفقكم كلكم

[goldberg_300]

بجد طيب كويس والله


انا خريج السنه اللى فاتت و جبت تقدير جيد علشان كده على طول عملت تمهيدى ماجستير بدون الدبلومه ....


و ياريت لو تعرفى حد معانا تقوليلى على إسمه ..


و دفعتنا قليليبن + بعض الاخوه العرب و بس ...


و التويفل مطلوب مننا علشان الرساله ..


بالنسبه لدوره المحادثه يتهيالى مش موجوده عندنا فى الجامعه


بس موجود فى الجامعه الامريكيه .......... و اصحابى فيها . و هسائلك على تفاصيليها قريب

[محترف نت]

المشكله اتحلت والحمد لله ويبقي فاضل مشكلتي انا الا وهي النطق وياريت اي حد يفيدني

[hassan250]

لو عايز اي استفسار بخصوص الكمبيوتر من برامج نادرة او تركيب شبكات يمكنك الاتصال من داخل مصر علي الهاتف رقم 0105020293 او 0111306977 طوال 24 ساعة علي مدار الاسبوع وانا في جميع خدمات الاخرين قال رسول الله صلي الله علية وسلم (كان الله في عون العبد مادام العبد في عون اخية ) ووفقني الله سبحانة وتعالي واياكم الي فعل الخير
التوقيع المهندس : حازم سعيد عبد الرحمن

[wakedreams]

استاذ موجى الصيغة الى كتبتها رائعة جدا ياريت لو فية اى موقع يكون فية كلمات ومحادثات انجليزية ويا ريت تكون بتهتم بعصب اللغة اى الكلمات التى تساعد فى اقامة محادثة غير تقليديه مثل فى الشارع والفندق والنادى الخ
ارجو ان اكون وفقت بشرح وجهة نظرى
شكرأ لكم جميعا وجزاكم الله كل خيرأ

[wakedreams]

مشكوررررررررررررررين محدش عندة موقع عملى لتعلم الانجليزية بس يكون بروفشنال لان معظم مواقع تعلم اللغة كلماتها سازجة يريت لو حد عندة موقع يكون بيهتم بعصب اللغة مش بالفروع


وجزاكم الله خيرأ وافادنا الله واياكم

[hanyshalby]

السلام عليكم ورحمة اللة وبركاتة اناهانى شلبى من مصر وعايز اتعلم طريقة محادسة كامل بلانجلزى

[hanyshalby]

السلام عليكم ورحمة اللة وبركاتة اناهانى شلبى من مصر وعايز اتعلم طريقة محادسة كامل بلانجلزى