المساعد الشخصي الرقمي

مشاهدة النسخة كاملة : نقطه اثارت الجدل فى عالم الفنون القتاليه

kotsomoto
06-01-2008, 02:36 PM
بسم الله الرحمن الرحيم
الموضوع اللى هكلمكم فيه ياجماعه اتناقش واتخانق فيه ناس كتير من مختلف الفنون القتاليه ولسه عضو من هنا معانا فى المنتدى طارحه فى موضوع بعنوان ( يا جماعه بصراحه لو اتنين عاوزين يضربوك هتعمل ايه ) وطبعا كان فى ردود كتير ساخرة ونظرا لأهميه الموضوع فانا قررت يكون ردى فى موضوع كامل وردى كالاتى :
[اخى العزيز :
انت بتتكلم فى نقطه مهمه اوى والنقطه دى اثارت جدل كبير جدا فى عالم الفنون القتاليه , انت كدة فعلا جبت من الاخر , ورأيى الشخصى ان الموضوع دة مش مقيد بفن قتالى بعينه , يعنى مينفعش اقول علشان انا لاعب كونغ فو يبقى الكونغ فو هى وبس اللى تقدر تموت بيها خمسين شخص , ولا اكون بلعب كاراتيه اقول الكراتيه بس هو اللى تقدر تكسر بيه تسعين شخص , اى فن قتالى لو اتعلمته صح ( على ابوة ) زى مابيقولوا او زى م بيتطبق فى بلدة هتقدر توصل للى انت عاوزة لان مفيش فن قتالى ضعيف او وحش , الناس القديمه اللى اسست الفنون القتاليه دى مكانتش بتضيع وقت او بتهزر , لاء الناس دى اسست فنون عظيمه وتستحق الاحترام , يبقى كدة احنا متفقين ان الفنون القتاليه كلها كويسه , يتفضل المدرب وهو دة الاجابه على سؤالك , نسبه كبيرة جدا من المدربين العرب اللى على الساحه دلوقتى اكتر حاجه يعرفوها عن الفنون القتاليه ان الواحد لازم يغسل البطاطس قبل مايدخلها المايكروويف وطبعا اذا كان رب البيت بالدوف ضارب فشيمه اهل البيت الرقص , مدرب زى دة هينتج جيل كامل لا يفقه شىء عن الفنون القتاليه وشوف انت بقى الجيل دة هيعمل كام جيل , نرجع لموضوعنا , الاهم من الاعداد البدنى والمهارى هو الاعداد النفسى لان هو دة زى مابيقولوا الباص وورد او كلمه السر لممارس الفنون القتاليه , والدليل انك ممكن تلاقى لاعب رجليه عشرة على عشرة من كتر سرعتها ماتقدرش تشوفها والحوض على الارض والجامب يعدى من فوق عربيه بس ينزل فى الخناقه ينسى كل الكلام دة , والسبب ان اللاعب دة اتأهل بدنى ومهارى ومتأهلش نفسى , والتأهيل النفسى دة غير انه صعب كمان محتاج وقت , يعنى مجبش لاعب بقاله 6 شهور بيتمرن واقله ادخل خناقه بالفن القتالى بتاعك ولا حتى سنه , لكن اما التأهيل النفسى يكتمل هتبقى المشكله اتحلت واقوله ادخل خناقه ضد خمسه مش اتنين بس , وبردو لازم يكون فى عنصر مهم جدا متوفر وهو العقل , يعنى ميكنش قدامى 10 اشخاص عاوزين يقتلونى واقول دانا لاعب مؤاهل نفسيا زى ما قال الواد احمد سعيد وادخل ارمى نفسى وسط ال10 اشخاص دول , وطبعا هتكون اخر حاجه فكر فيها واتمنى من ربنا انه يحققها هى خراب بيت احمد سعيد اللى اتكلم عن التأهيل النفسى , وانصح فى الحلات اللى زى دى انه يتعامل مع شخص او اثنين او ثلانه وبعد كدة يهرب لان الكترة تغلب الشجاعه الا اذا كان واحد من اخوانا بتوع معبد شاولين اللى تلاقيه عندة 5000 سنه وواقف على صباع واحد , يا ترى انت واحد من دول ؟؟؟؟؟
واسمع ناس بتتكلم عن الضرب فى الاماكن الحيويه او الحساسه , يا جماعه اللى ممكن يستغل الموضوع دة واحد يكون قديم جدا فى الفنون القتاليه لانه علشان يصيب النقطه الصغيرة دى اثناء تحرك الخصم هيحتاج لدقه عاليه جدا ما بالك بقى بفكرة السؤال المنيل دة انك بتتخانق مع اكتر من خصم ,
وعلشان اوضح اكتر موضوع التأهيل النفسى دة هضرب شويه امثله منها :
شاب من منطقه راقيه جدا وسبور ومهندسين ومدينه نصر والكلام دة كله والشاب دة بسم الله ما شاء الله عامل زى الباب ضخم جدا , اتفرج عليه بعد 15 ثانيه من الخناقه هتلاقيه عمال ينهج ويترعش ومش قادر يعمل حاجه .
اتفرج بقى على واد من بتوع البطنيه والسيدة والمناطق الشعبيه عموما يسلاااااااااام من غير اى فن قتالى هتلاقى العيل منهم جسمه صغير ورفيع بس بسم الله ما شاء الله عليه يبهدل شارع او يقفله زى مابيقولوا ,
ايه الفرق بين بتاع مدينه نصر وبتاع البطنيه او الفرق بين بتاع المنطقه الراقيه والمنطقه الشعبيه ؟؟؟؟
الفرق ان بتاع المنطقه المتحضرة مفيش اى عنف فى حياته عايش حياة مستقرة جدا , تبص للاخ التانى بتاع المنطقه الشعبيه هتلاقيه وهو رايح يجيب عيش بيتخانق وهو رايح مثلا يوصل اخته واحد عاكسها بيتخانق وهو بيلعب بلى مع العيال الصغيرة اصحابه بيتخانق , يعنى واخد على العنف من صغرة ,
علشان بقى تجيب واحد من المنطقه الراقيه دى وتختصرله كل مراحل العنف اللى مر بيها الشخص بتاع المنطقه الشعبيه هنحتاج علم كبير ومجهود اكبر .
واتمنى التوفيق للجميع ودى كانت وجهه نظرى والموضوع مفتوح للمناقشه المحترمه الجادة يعنى لو حد شايف ان انا غلط يتفضل يقول انا غلط فى ايه من غير سخريه علشان المناقشه تبقى بنائه ويستفيد منها الجميع .
™Mr EtSh
06-01-2008, 02:53 PM
اولا شكرا ليك يا كابتن احمد لطرح هذا الموضوع الهام
الذى اثار الجدل فى الاخر
والكل بيدور على ازاى لو اتنين ضربوك او عشره وازاى تتعامل معاهم وانا بتفق معاك ان ده تاهيل نفسى مش شرط تكون بتلعب لعبه قتاليه عشان تضرب حد او تتخنانق ده بختصار تاهيل نفسى يعنى بيكون داخل الانسان نفسو عنده التاهيل ده او لا
وبتفق كمان معاك ان ممكن واحد بيكون بيلعب لعبه قتاليه ومتفوق فيها بس يجى فى حناقه ممكن ينضرب ويجى الكل يقول شفتو فلان اهو بيلعب اهو لعبه قتاليه وانضرب وده تعبير خطا لان الواحد مابيكونش عنده التاهيل النفسى لاى شى يبقا مش هايعرف يعمل حاجه
بس فى ملحوظه الناس مش وخده بلها منها او الكل المتدربين الجداد الى عايزين يلعبو اى لعبه قتاليه انهم عايزين يلعبو عشان لما يتخنقو مش عشان يمارسو الرياضه دى ويحبوها او يقدرو يفيدو نفسهم وبلدهم وفى الاخر الرياضه اخلاق وليست مصدر للقوه فقط

وبهنيك ياكابتن على طرح الموضوع ده وارجو ان تكون المناقشات فى محور الموضوع ولا يتم الخروج عن الموضوع واى مخالفه من اى عضو او ذكر اسماء لعبين او مدربين او الاساءه ليهم سوف يتم حذف مشاركته وتحذيره واذا تقرر هذا سوف يتم ايقافه
وسوف يتم تثبيت الموضوع لو تفاعل الاعضاء فيه وننتظر منك موضيع اكثر

ارجو من الجميع ان يلتزم با اداب الحديث
قال الله تعالى : {مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }

تحياتى للجميع
kotsomoto
06-01-2008, 03:45 PM
اهلا بيك اخى الكريم فى الموضوع وشكرا على تأييدك لوجهه نظرى وعلى ملحوظتك الهامه اللى بأيدها لان عندنا مثلا فى الكونغ فو اول ماتأسس فى معبد شاولين كان يدرس ما يسمى بمبادىء اللا عنف البوزيه وهى تنص على عدم استخدام الضربات الاكثر فتكا فى مواجه الخصم , ولكن يستخدم فى البدايه الدفاعات التقليديه اما اذا كان الهجوم عنيفاومصر على احداث ضرر فلا بأس من استخدام بعض الضربات او المسكات التى تهبط من حماس الخصم وتعجزة , هذا بالنسبه للعنف اما بالنسبه لممارسه الرياضه فهذا بحد زاته شىء عظيم لان الرياضه تقوم بصناعه فرد صالح ذهنيا وبدنيا واذا تحقق استقرار هذة العناصر تحقق السلام والهدوء النفسى , وارجوا من الجميع فهم المعنى لحقيقى لكلمه رياضه والدعوى اليها .
™Mr EtSh
06-01-2008, 03:52 PM
وارجوا من الجميع فهم المعنى لحقيقى لكلمه رياضه والدعوى اليها
هذا هو المعنى الذى اريد ان يوصل اليه الجميع
هو فهم معنى كله رياضه شكرا اخى احمد على الموضوع ثانيه وفى انتضار تفاعل الاعضاء
ولى مناقشه اخرى
full_attack
06-01-2008, 09:18 PM
بسم الله الرحمن الرحيم
تحية طيبة ياكابتن أحمد
موضوعك رائع
والحقيقة عجبني جدا قولك بان هنك من يقول لك لعبتي هي الافضل وتقدر تغلب بيها 100 شخص بس استنى
الحقيقة ان ايمان الكثير من اللاعبين بلعبتة ليس عيبا لكن ليس معنى ذلك ان لا ينظر الى باقي الالعاب القتالية ولا ياخذ منها فيصبح بذلك قاصر العلم
والأعداد النفسي كما قلت ايضا ياكابتن هام جدا ويهملة الاغلبية بااعتبار ان القتال هو بعض الركلات وبعض اللكمات وادخل لطبق
كنت قديما ممارسا لرياضةبدون ذكر اسمها
وبعد نتعلمت اللكم والركل يقول لي المدرب ادخل طبق اجي ادخل ماتش الاقي اللاعباللي قدامي عندة حاجاتغريبة بيعملها وخبرة رهيبة اسال مدربي يقولي طبق كتيييييييييييير وان شاء الله هاتعرف تضرب
ياسلام
يعني اقعد 4 سنين العب نفس الركلات ونفس اللكمات ويرميني في ماتش ويسبني ويقولي اتعلم لوحدك
طب لزمتها اية اني اتدرب بقى كل يوم مع مدرب
حقيقي ان حال المدربين ليس العرب فقط بل كثير من المدربين حال مزري فهم لا يهتمون بعلم نفس المقاتل ولا بالافكار القتالية والقتال عنهم هو حركات محفوظة يتم تعلمها

شكرا لاثارتك ذلك الموضوع ياكابتن احمد
Jackie_Chan
07-01-2008, 04:56 AM
موضوع رائع ويستحق صاحبه الشكر

بالنسبه لموضوع الخناق في الشارع لازم تاخد بالك كويس قوي من الملاحظات الهامه جدا دي


*** اخر حاجه تلجأ ليها في حياتك هي الخناق وماتنساش الكلام بيحل حاجات كتير جدا الا طبعا في حالة لو ماشي مع خطيبتك او اختك وماكنش فيه حل غير كده يبقى لازم تلجأ للقتال وبيكون مشروع جدا ونفسيا حتبقى مهيأ للقتال ضد اي خصم واهم حاجه فالقتال واسباب النجاح هو العامل النفسي اللي بيسبق القتال .

***لو بتلعب جميع الألعاب القتاليه اللي فالدنيا وماعندكش جرأه للقتال او نسبة الخوف عندك بتبقى عاليه وقت المواجهه عمرك ماحتعرف تهزم اللي قدامك .... لازم مايكونش عندك رهبه منه او بمعنى اصح ماتحسسهوش بيها مطلقا.


***لازم تحط المقوله دي في دماغك دائما (ماحدش بيضرب ومابيتضربش) مهم جدا انك تكون عارف انك مهما كنت مقاتل جيد لازم حتجيلك ضربه والأهم انك تكون مستعد ليها لو ماكنش عندك وقت لتفاديها لازم عالأقل تقلل من قوتها مفروض تكون مستعد كويس جدا وتعرف ان الضربه ممكن تجيلك اي وقت وده طبعا بييجي من كثرة التدريب وسرعة رد الفعل.

*** يتبقى اللعبه القتاليه اللي مفروض تلعبها ودي انا اتعمدت تبقى اخر حاجه علشان دي ترجع لصاحبها والمفروض انك تتعرف على كل الرياضات القتاليه او تقرا عنها وبعدين تختار منها اللي يناسبك...اللي حتحبه هو اللي حتجيد فيه وماتنساش لو سألت حد بيلعب فن قتالي وقولتله العب ايه اكيد حيقولك اللعبه بتاعته لأنه بيبقى شايفها احسن لعبه فالدنيا ولأنه اكيد بيحبها علشان كده عايزك تبقى زيه وتختار لعبتك بنفسك علشان تحبها :)

وان شاء الله حبدأ في عمل مواضيع لمعظم الألعاب القتاليه


والسلام عليكم
™Mr EtSh
07-01-2008, 05:34 AM
مشكور على الاراء لكل من فول اتاك وجاكى شان
وسوف يتم تثبت الموضوع للنقاش
kotsomoto
07-01-2008, 02:32 PM
بسم الله الرحمن الرحيم
تحية طيبة ياكابتن أحمد
موضوعك رائع
والحقيقة عجبني جدا قولك بان هنك من يقول لك لعبتي هي الافضل وتقدر تغلب بيها 100 شخص بس استنى
الحقيقة ان ايمان الكثير من اللاعبين بلعبتة ليس عيبا لكن ليس معنى ذلك ان لا ينظر الى باقي الالعاب القتالية ولا ياخذ منها فيصبح بذلك قاصر العلم
والأعداد النفسي كما قلت ايضا ياكابتن هام جدا ويهملة الاغلبية بااعتبار ان القتال هو بعض الركلات وبعض اللكمات وادخل لطبق
كنت قديما ممارسا لرياضةبدون ذكر اسمها
وبعد نتعلمت اللكم والركل يقول لي المدرب ادخل طبق اجي ادخل ماتش الاقي اللاعباللي قدامي عندة حاجاتغريبة بيعملها وخبرة رهيبة اسال مدربي يقولي طبق كتيييييييييييير وان شاء الله هاتعرف تضرب
ياسلام
يعني اقعد 4 سنين العب نفس الركلات ونفس اللكمات ويرميني في ماتش ويسبني ويقولي اتعلم لوحدك
طب لزمتها اية اني اتدرب بقى كل يوم مع مدرب
حقيقي ان حال المدربين ليس العرب فقط بل كثير من المدربين حال مزري فهم لا يهتمون بعلم نفس المقاتل ولا بالافكار القتالية والقتال عنهم هو حركات محفوظة يتم تعلمها

شكرا لاثارتك ذلك الموضوع ياكابتن احمد

اخى العزيز حسن انا لم اعيب على اللاعب ايمانه بفنه ولكن فى حدودالعقل كما قلت فلم يخلق حتى الان الفن القتالى ولا المقاتل الذى يتصدى الى 100 خصم, الشىء الاخر بالنسبه لتدريبك القديم والذى لا اعلم اسلوبه ولكنك قلت ان هناك زميل لك فى هذا التمرين يمتلك خبرة هائله وهذا يجعل اسلوب التمرين جيد ومدربك على حق لان الخبرة تأتى مع الوقت ولا داعى للاستعجال , واشكرك على مشاركتك التى اعتز بها .
اخوك : أحمد سعيد
kotsomoto
07-01-2008, 02:38 PM
موضوع رائع ويستحق صاحبه الشكر

بالنسبه لموضوع الخناق في الشارع لازم تاخد بالك كويس قوي من الملاحظات الهامه جدا دي


*** اخر حاجه تلجأ ليها في حياتك هي الخناق وماتنساش الكلام بيحل حاجات كتير جدا الا طبعا في حالة لو ماشي مع خطيبتك او اختك وماكنش فيه حل غير كده يبقى لازم تلجأ للقتال وبيكون مشروع جدا ونفسيا حتبقى مهيأ للقتال ضد اي خصم واهم حاجه فالقتال واسباب النجاح هو العامل النفسي اللي بيسبق القتال .

***لو بتلعب جميع الألعاب القتاليه اللي فالدنيا وماعندكش جرأه للقتال او نسبة الخوف عندك بتبقى عاليه وقت المواجهه عمرك ماحتعرف تهزم اللي قدامك .... لازم مايكونش عندك رهبه منه او بمعنى اصح ماتحسسهوش بيها مطلقا.


***لازم تحط المقوله دي في دماغك دائما (ماحدش بيضرب ومابيتضربش) مهم جدا انك تكون عارف انك مهما كنت مقاتل جيد لازم حتجيلك ضربه والأهم انك تكون مستعد ليها لو ماكنش عندك وقت لتفاديها لازم عالأقل تقلل من قوتها مفروض تكون مستعد كويس جدا وتعرف ان الضربه ممكن تجيلك اي وقت وده طبعا بييجي من كثرة التدريب وسرعة رد الفعل.

*** يتبقى اللعبه القتاليه اللي مفروض تلعبها ودي انا اتعمدت تبقى اخر حاجه علشان دي ترجع لصاحبها والمفروض انك تتعرف على كل الرياضات القتاليه او تقرا عنها وبعدين تختار منها اللي يناسبك...اللي حتحبه هو اللي حتجيد فيه وماتنساش لو سألت حد بيلعب فن قتالي وقولتله العب ايه اكيد حيقولك اللعبه بتاعته لأنه بيبقى شايفها احسن لعبه فالدنيا ولأنه اكيد بيحبها علشان كده عايزك تبقى زيه وتختار لعبتك بنفسك علشان تحبها :)

وان شاء الله حبدأ في عمل مواضيع لمعظم الألعاب القتاليه


والسلام عليكم

اشكرك يا جاكى على مشاركتك وأضيف مقوله احببتها كثيرا وذكرتنى بها انت ( تعلم كل شىء عن شىء وتعلم شىء من كل شىء )
اخوك : أحمد سعيد
kotsomoto
07-01-2008, 02:41 PM
مشكور على الاراء لكل من فول اتاك وجاكى شان
وسوف يتم تثبت الموضوع للنقاش

اخى الكريم اوشا بشكرك على متابعتك وتثبيتك للموضوع .
اخوك : أحمد سعيد
amer68
07-01-2008, 02:49 PM
الموضوع اتقفل ليه يا جماعه نفسى اعرف و لو اتقفل عشان سبب مش المفروض انا اللى اكمل باقى موضعى فى موضوع جديد
amer68
07-01-2008, 02:53 PM
الموضوع اتقفل ليه يا جماعه نفسى اعرف و لو اتقفل عشان سبب مش المفروض انااااااااااااااااااااااااا ااااااا اللى اكمل باقى موضعى فى موضوع جديد مش شخص بفتح بيه موضوع ويحط فى موضوعى اللنك بتاع موضوعه
™Mr EtSh
07-01-2008, 02:54 PM
اخى الكريم امير تم غلق الموضوع بتاعك
للاسباب الاتيه
اولا دخول بعض الاعضاء فى مناقشات سخريه
ثانيا : دخول ليس من لهو فى الالعاب القتاليه وفادتك بما لا يعرفو يعنى توضيحا هو مش عارف اساسا اى شى عن اى لعبه قتاليه وداخل يفيدك
ُثالثا : تم مشكورا احد الاعضاء بفتح موضوع جديد يكون بيه مناقشات وردور للاساله الذى تشغل جميع كل من هو جديد فى الالعاب القتاليه
واعلم اخى الكرم لقد تم غلق الموضوع وهذا ليس لفرض سيطره منا او تحكم او لفرض رائ وانما هو لعدم احداث ردرو سخريه ومشاركات سيئه من قبل بعض الاعضاء
وفى هذا الموضوع سوف يتم مناقشه جميع الاساله فى محور ادبى لايخرج عن اداب الحديث
ارجو ان تكون قد تفهمت سبب غلق الموضوع
وسوف يتم جزاء كل من يخالف قوانين المنتدى بالخروج عن اداب الحديث او السخريه من بعض الاعضاء او ذكر اسماء بعض المدربين والسخريه منهم
وبالتوفيق للجميع وارجو ان تكون مناقشتك للموضوع سليمه
Jackie_Chan
07-01-2008, 03:00 PM
ماتزعلش يا امير

المهم الموضوع اتفتح تاني

وانا ياسيدي رديت على سؤالك انت وقولتلك ايه الحاجات اللي مفروض تعملها لما تحب تتخانق مع حد مضايقك ولو احتجت اي حاجه تانيه اتفضل اسأل

والسلام عليكم
™Mr EtSh
07-01-2008, 03:18 PM
ارجو من الاخ امير تفهم غلق الموضوع جيدا
واى سوال او استفسار يرجى ثرده هنا فى هذا الموضوع
واعلم اخى الكريم اننا كلنا فى خدمه الاعضاء ولا يوجد حياد بين عضو واخر
ولقد قمت بحذف المشاركات السيئه فى موضوع وايضا المشاركات فى هذا الموضوع وتركت مشاركه سبب غلق الموضوع
kotsomoto
07-01-2008, 03:40 PM
على فكره الموضوع ده بتاعى انا و انته اللى اخذته منى و مش عارف ايهالسبب اللى يخلى الموضوع يغلق عشان انته تفتحه

اخى العزيز امير :
انا مش عارف يعنى ايه موضوعى وموضوعك , انا شفت واحد بيسأل سؤال الاجابه عليه طويله ومينفعش تبقى وسط الردود الساخرة اللى انت شفتها واللى لو اى عضو شدة اسم الموضوع ودخل وشاف الردود دى مش هيفكر يكمل باقى الردود ونظرا لاهميه الموضوع رديت عليه فى موضوع لوحدة وانا ذكرت انى مش صاحب الموضوع وذكرت ايضا اسم موضوعك القديم ولو دى حاجه تفرق معاك اوى فأنا برجو من كابتن هشام انه ينقل الموضوع بأسم امير ويحزف الردود الكتيرة اللى خارج نطاق الموضوع حتى لا يصاب الاعضاء بالملل , لو دة ينفع انا معنديش اى مانع المهم انى اكون مشارك زيى زى اى عضو عاوز يفيد ويستفيد .
kotsomoto
07-01-2008, 03:58 PM
[COLOR="Blue"][SIZE="الموضوع اتقفل ليه يا جماعه نفسى اعرف و لو اتقفل عشان سبب مش المفروض انااااااااااااااااااااااااااااااا اللى اكمل باقى موضعى فى موضوع جديد مش شخص بفتح بيه موضوع ويحط فى موضوعى اللنك بتاع موضوعه

اخى العزيز : انا لم اضع لينك موضوعى بموضوعك ولكن من وضعه هو المشرف الكريم لكى ينهى ما رأة من سخريه الاعضاء وقام بتحزير اى عضو يقوم بالسخريه هنا واشكرة على ذلك لانى لم ارى سخريه هنا , واتمنى التوفيق للجميع .
اخوك : احمد سعيد
™Mr EtSh
07-01-2008, 04:25 PM
شكرا اخى الكريم احمد للتوضيح للعضو وانا قد قمت بتوضيح سبب غلق الموضوع
وارجو ان يكون الاخ امير قد تفهم سبب غلق الموضوع
واولا واخير مش مهم مين يكون صاحب الموضوع او مين الى عملو دى مش نقطه اساسيه المهم هو افاده الاعضاء فى موضوع يليق بالقسم وليس وسط ردوو من قبل اعضاء ليس لهم اى علاقه باى فن من فنون القتال او ليسو لديهم الخبره الكافيه فى افاده الاخرين
وارجو اقفال المناقشه فى اى موضوع خارج عن موضوعنا الرئيسى الذى تحدثنا عنه
ويكون شغلنا الشغل هذا الموضوع وليس الردود على موضوعات اخرى
وسوف يكون الموضوع مثبت حتى يكون مرئى لجميع الاعضاء للذين لديهم استفسارات فنحن هنا فى خدمه الاعضاء وارجو منك اخى احمد متابعه الموضوع باستمرار
ولكم جزيل الشكر لكل من الاخ
احمد

جاى شان

فول اتاك
وفى انتظار تفاعل الاعضاء
full_attack
08-01-2008, 12:57 AM
ياكابتن احمد توضيح بسيط
في تدريسبي القديم
الشخص اللي هزمني كان من فريق تاني دخل ماتش ودي قصاد فريقي
يعني كان شخص بيتدرب تحت ايد مدرب تاني
مش تحت ايد مدربي
amer68
08-01-2008, 11:43 AM
شكرا اخى الكريم احمد للتوضيح للعضو وانا قد قمت بتوضيح سبب غلق الموضوع
وارجو ان يكون الاخ امير قد تفهم سبب غلق الموضوع
واولا واخير مش مهم مين يكون صاحب الموضوع او مين الى عملو دى مش نقطه اساسيه المهم هو افاده الاعضاء فى موضوع يليق بالقسم وليس وسط ردوو من قبل اعضاء ليس لهم اى علاقه باى فن من فنون القتال او ليسو لديهم الخبره الكافيه فى افاده الاخرين
وارجو اقفال المناقشه فى اى موضوع خارج عن موضوعنا الرئيسى الذى تحدثنا عنه
ويكون شغلنا الشغل هذا الموضوع وليس الردود على موضوعات اخرى
وسوف يكون الموضوع مثبت حتى يكون مرئى لجميع الاعضاء للذين لديهم استفسارات فنحن هنا فى خدمه الاعضاء وارجو منك اخى احمد متابعه الموضوع باستمرار
ولكم جزيل الشكر لكل من الاخ
احمد

جاى شان

فول اتاك
وفى انتظار تفاعل الاعضاء







عادى يا جماعه و مفيش اى مشكله خالص و الشكر و التحيات للجميع
amer68
08-01-2008, 11:45 AM
الف شكر جداجداجداااااااااااااااااااااااا
ليكم جميعا
amer68
08-01-2008, 11:54 AM
موضوع رائع ويستحق صاحبه الشكر

بالنسبه لموضوع الخناق في الشارع لازم تاخد بالك كويس قوي من الملاحظات الهامه جدا دي


*** اخر حاجه تلجأ ليها في حياتك هي الخناق وماتنساش الكلام بيحل حاجات كتير جدا الا طبعا في حالة لو ماشي مع خطيبتك او اختك وماكنش فيه حل غير كده يبقى لازم تلجأ للقتال وبيكون مشروع جدا ونفسيا حتبقى مهيأ للقتال ضد اي خصم واهم حاجه فالقتال واسباب النجاح هو العامل النفسي اللي بيسبق القتال .

***لو بتلعب جميع الألعاب القتاليه اللي فالدنيا وماعندكش جرأه للقتال او نسبة الخوف عندك بتبقى عاليه وقت المواجهه عمرك ماحتعرف تهزم اللي قدامك .... لازم مايكونش عندك رهبه منه او بمعنى اصح ماتحسسهوش بيها مطلقا.


***لازم تحط المقوله دي في دماغك دائما (ماحدش بيضرب ومابيتضربش) مهم جدا انك تكون عارف انك مهما كنت مقاتل جيد لازم حتجيلك ضربه والأهم انك تكون مستعد ليها لو ماكنش عندك وقت لتفاديها لازم عالأقل تقلل من قوتها مفروض تكون مستعد كويس جدا وتعرف ان الضربه ممكن تجيلك اي وقت وده طبعا بييجي من كثرة التدريب وسرعة رد الفعل.

*** يتبقى اللعبه القتاليه اللي مفروض تلعبها ودي انا اتعمدت تبقى اخر حاجه علشان دي ترجع لصاحبها والمفروض انك تتعرف على كل الرياضات القتاليه او تقرا عنها وبعدين تختار منها اللي يناسبك...اللي حتحبه هو اللي حتجيد فيه وماتنساش لو سألت حد بيلعب فن قتالي وقولتله العب ايه اكيد حيقولك اللعبه بتاعته لأنه بيبقى شايفها احسن لعبه فالدنيا ولأنه اكيد بيحبها علشان كده عايزك تبقى زيه وتختار لعبتك بنفسك علشان تحبها :)

وان شاء الله حبدأ في عمل مواضيع لمعظم الألعاب القتاليه


والسلام عليكم

طيب انا عاوز اعرف حاجه مهمه و هى الملخص و هى فن الاحتكاك فى الشارع او فن خناقات الشوارع للضروره القصوى الواحد مش مشاى فى الشاررع عشان يتخانق لقدر الله لو فى حاجه بس ودى بتحصل كتير زى المعاكسات لما بتبقى ماشى مع اختك و تلقى الشخص يجى يتخانقك معاك و يشهر فى وجهك اسلحه هتعمل ايه ودى كتير اوى فى الزمن ده و كلمه كتير قليله
kotsomoto
08-01-2008, 01:47 PM
ياكابتن احمد توضيح بسيط
في تدريسبي القديم
الشخص اللي هزمني كان من فريق تاني دخل ماتش ودي قصاد فريقي
يعني كان شخص بيتدرب تحت ايد مدرب تاني
مش تحت ايد مدربي

اشكرك على التوضيح ياحسن ياخى , بس بردو انا حاسس انك استعجلت فى الحكم على المدرب لأن من الطبيعى ان اللاعب القديم يفوز على اللاعب الأحدث منه ودة زى ما قلت بفضل الخبرة المكتسبه من التطبيق الكثير , وبشكرك على متابعتك للموضوع واسلوبك الراقى فى النقاش .
أخوك : أحمد سعيد
kotsomoto
08-01-2008, 01:59 PM
طيب انا عاوز اعرف حاجه مهمه و هى الملخص و هى فن الاحتكاك فى الشارع او فن خناقات الشوارع للضروره القصوى الواحد مش مشاى فى الشاررع عشان يتخانق لقدر الله لو فى حاجه بس ودى بتحصل كتير زى المعاكسات لما بتبقى ماشى مع اختك و تلقى الشخص يجى يتخانقك معاك و يشهر فى وجهك اسلحه هتعمل ايه ودى كتير اوى فى الزمن ده و كلمه كتير قليله

اخى امير
الاخ الكريم جاكى جاوبك على سؤالك وقالك انك لو سألت اى حد عن اللعبه اللى تنفعك هيقولك على اللعبه اللى هو بيمارسها وانا قلتلك كل الالعاب كويسه المهم اسلوب التمرين كويس ولا لاء , انت المفروض تدور وتروح هنا وهنا وتتفرج على التمرين واللى تحس انه يناسبك جربه ولو جربته ومعجبكش دور تانى لغايه اما توصل للى انت عاوزة واهم حاجه متزهقش .
أخوك : أحمد سعيد
Jackie_Chan
08-01-2008, 07:37 PM
بسم الله الرحمن الرحيم

اولا :- شكرا لجميع الأعضاء على المساهمه والمساعده في نمو المعلومات والمعرفه الخاصه بفنون الألعاب القتاليه

انا عارف يا أخ امير انت عايز ايه (انت عايز من الأخر تعمل ايه لو طلع عليك واحد فالشارع ماسك سكينه وعايز تضربه)

اول حاجه بص في عينه ماتخفش منه ولا تحسسه انك قلقان وتذكر دايما انه هو اللي بيبقى خايف

ماتحولش تتخانق خالص في وجود سلاح وحاول تسيبه وتمشي ياعني اخرج من الموضوع بطريقه ذكيه

لو مافيش فايده خالص والموضوع متعلق بأحد من العائله او خطيبتك يبقى لازم تتعامل والتعامل هنا مقصود بيه السرعه في اداء الحركات ولازم تكون ضرباتك موجهه صح وفي مناطق معينه مش كل منطقه فالجسم مؤثره ياعني مثلا ايهما اقوى اني اضرب واحد 5 لكمات في خده ولا اضربه لكمه واحده في مناخيره او تحت مناخيره عند شفايفه وطبعا كل اللي انا بقوله ده بييجي من تدريبك الكتير لأي فن من فنون القتال وانا برضه مش حقدر اقولك تلعب انهي لعبه كل الألعاب تمتاز بالقوه وكلها تمتاز بالسرعه يبقى عليك انت الأختيار.

وخليك فاكر دائما ان القوه بتيجي من السرعه

ياعني هات قلم واخبط بيه على ايدك بالراحه ثم كرر المحاوله بس اخبط بالقلم على ايدك بسرعه وقولي انهي اقوى؟
Jackie_Chan
08-01-2008, 08:15 PM
ودي المناطق الحساسه في جسم الأنسان اللي ممكن تعتمد عليها في توجيه ضربات للخصم عند اللزوم فقط



http://www.m5zn.com/uploads/1096b2ff06.jpg



ويبقى لك الأختيار في توقيت صدور الضربه الموجهه

ياعني في ناس تحب تدخل الخناقه تفضل تضرب وماتديش فرصه للي قدامها انه يتحرك ده طبعا مع التنقل في المكان وعدم الثبات في مكان واحد

وفيه ناس بتحب تضرب الضربه بعد صدور ضربة الخصم (وانا عن نفسي مش بحب الأسلوب ده)

علشان كده بروس لي عمل اسلوب جديد عند القتال وحطه اساس لأسلوب الجيت كون دو واكتشف ان احسن وقت لتوجيه الضربه هو اثناء قيام الخصم بضربك اثناء ليس بعد او قبل وقال ان الوقت ده بيكون الخصم فيه جسمه كله مفتوح ومش بيبقى مهيأ جيدا للدفاع عن جسده بس طبعا ماتسيبش الضربه تيجي فيك ساعتها ياعني اقصد عند صدور الضربه من الخصم حاول تتفادها اما لليمين واما لليسار في نفس وقت صدور ضربتك ليه طبعا وتفادي الضربات ده عايز موضوع 100 صفحه لوحده
Genral_Huncky
08-01-2008, 08:30 PM
السلام عليكم
اعتقد ان احنا لازم نفصل فصل كامل بين الرياضات القتالية و دى رياااااااضة

و بين الدفاع عن النفس
تستطيع تعلم الكثير عن الدفاع عن النفس او حفظ الذات كما يسمى فى الغرب فى اسبوع واحد فقط وتتفوق على اى رياضى عادى
لكن لكى تستخدم فنون القتال فى الدفاع عن النفس تحتاج الى عدة سنوات و تبقى فاعلياتها اقل
و اعتقد ان اكثر ما اثبت ذلك هو المسابقات التى انتشرت فى السنوات السابقة مثل vale tudo و غيرها فلم يفز بها يوما اى من لة خلفية رياضية
كالكاراتية والكونج فو ساندا تايكوندو ايكيدو
و لكن من لة خلفية مثل جيت جيتسو مواى تاى والملاكمة و السامبو او خلفية عسكرية ما
و فى خلال ال10 سنوات الماضية ظهرت عدة انظمة جديدة للدفاع عن النفس تعتمد على اخذ شئ من كل شئ و انا توقفت عن الساندا والملاكمة من فترة واتبعت هذة الانظمة و خاصة وانها تتماشى اكثر مع نظام حياتى كرياضى غير محترف

مسألة عدة مهاجمين هى مسألة صعبة ولا ترتبط فقط بفن او اسلوب مححد ولكن تعتمد اكثر على قوانين بلدك و على كفاءة الفرد العقلية والقتالية

و لكن هناك شبة اجماع على تفاديها بأى ثمن لان الفوز بها شديد الصعوبة وغير مأمون على الاطلاق
و اهم ما رأيتة فى هذا المجال كان مدرستين
الاولى تتحدث عن ايجاد ركن ان امكن و تبادل الضربات حتى تجد ثغرة للهرب
الثانية تتحدث عن تغير زاويتك لرص الخصوم على خط واحد ثم انتقاء الفرد المسيطر او القائد المعنوى للمجموعة و التنكيل بة باسرع واقسى طريقة ممكنة كنوع من التاثير النفسى ثم الهرب
و هناك مدارس اخرى ولكن ليست منتشرة كهاتين

و لنا عودة للمزيد من النقاش
hero_xp10
08-01-2008, 11:27 PM
شكرا اخى احمد على طرحك للموضوع فالكثير بالفعل لا يعرفه
وبالطبع اتفق معك فى وجهة النظر ولكنى احب ان اضيف شئ بسيط قد قالة لى مدربى قديما لعله يكون ذو اهمية
" القشة التى لاتقصم ظهرك تقوية " وبمعنى آخر " الخصم الذى لا يقتلك يجعلك أقوى "

فلا يوجد معنى او أحساس بالقوة قبل المرور بمراحل من الهزيمة
كما لا يوجد انسان بلا نقط ضعف
وقد تعتقد انك لن تستطيع هزيمة خصمك وبعد الخوض فى التجربة تجد هزيمته اسهل مما كنت تتصور فكل الذى ينقصك هو مقاومة خوفك وعدم الاستسلام له
كما اتذكر مقولة اخرى عن هذا "الضربة التى لا تصب خصمك فهى خطوة ايجابية ضد خوفك "
فإذا كنت فى اى موقف لاتفكر كثير ولا تترد امتلك انت عنصر المفاجأة وبعدها ستجد تفسك ملم بزمام الأمور
® KaNe RkO ®
09-01-2008, 02:57 AM
:42:شكرا يا غالى
® KaNe RkO ®
09-01-2008, 02:58 AM
:sadwalk::42:شكرا يا غالى
Genral_Huncky
09-01-2008, 03:56 AM
شكرا اخى احمد على طرحك للموضوع فالكثير بالفعل لا يعرفه
وبالطبع اتفق معك فى وجهة النظر ولكنى احب ان اضيف شئ بسيط قد قالة لى مدربى قديما لعله يكون ذو اهمية
" القشة التى لاتقصم ظهرك تقوية " وبمعنى آخر " الخصم الذى لا يقتلك يجعلك أقوى "

فلا يوجد معنى او أحساس بالقوة قبل المرور بمراحل من الهزيمة
كما لا يوجد انسان بلا نقط ضعف
وقد تعتقد انك لن تستطيع هزيمة خصمك وبعد الخوض فى التجربة تجد هزيمته اسهل مما كنت تتصور فكل الذى ينقصك هو مقاومة خوفك وعدم الاستسلام له
كما اتذكر مقولة اخرى عن هذا "الضربة التى لا تصب خصمك فهى خطوة ايجابية ضد خوفك "
فإذا كنت فى اى موقف لاتفكر كثير ولا تترد امتلك انت عنصر المفاجأة وبعدها ستجد تفسك ملم بزمام الأمور

اخى الكريم
هذا الكلام ينطبق على البساط وليس فى الشارع و ليس عندما يكون هناك سلاح ابيض فى الموضوع وليس عندما يتعلق الامر باختك زوجتك او امك
فى الحياة الواقعية الطعنة التى لن تقتلك ستتركك فريسة سهلة او اسوء اختك لا قدر الله لكلاب بلا ضمير
و الضربة التى لن تقتلك ستتركك بعاهة مستديمة يجب تنحية المعايير الرياضية تماما من هذة الامور
kotsomoto
09-01-2008, 05:20 PM
اخى الكريم
هذا الكلام ينطبق على البساط وليس فى الشارع و ليس عندما يكون هناك سلاح ابيض فى الموضوع وليس عندما يتعلق الامر باختك زوجتك او امك
فى الحياة الواقعية الطعنة التى لن تقتلك ستتركك فريسة سهلة او اسوء اختك لا قدر الله لكلاب بلا ضمير
و الضربة التى لن تقتلك ستتركك بعاهة مستديمة يجب تنحية المعايير الرياضية تماما من هذة الامور

اخى الكريم جينرال بشكرك على مشاركتك لكن نحن هنا نتحدث عن الحلول وانت لم تقدم اى حل وبشكرك ياهيرو على مشاركتك واتمنى المتابعه .
™Mr EtSh
09-01-2008, 06:05 PM
شكرا لجميع الاراء والتداخل وارجو عدم الخروج عن الموضوع الاساسى وتكون المناقشه داخل الموضوع


وبالنسبه لموضوع الاخ امير ده فيديو فن الدفاع عن النفس كان عملو احد الاعضاء بالقسم وانا جبتهولك واعتقد انو هايفيدك اكتر والمقطع بيه ملفات فيديو كتير ممكن تشوفها وهيا على موقع اليوتيب
وممكن انت برده تبحت على الموقع بكتابه Street Defense هايجلك كل مايتعلق بالموضوع



http://www.youtube.com/watch?v=D3K-mrlYG7Y (http://www.youtube.com/watch?v=D3K-mrlYG7Y)

وايضا موضوع اخر قام بيه احد الاعضاء ارجو ان تستفاد منه تعلم الدفاع ضد قتال السكين مع أسطوانات الماستر Sang.H.Kim (http://www.dvd4arab.com/showthread.php?t=741773)

تقبلو مرورى ولى عوده ان شاء الله ومناقشات اخرى
hero_xp10
09-01-2008, 07:32 PM
اخى الكريم
هذا الكلام ينطبق على البساط وليس فى الشارع و ليس عندما يكون هناك سلاح ابيض فى الموضوع وليس عندما يتعلق الامر باختك زوجتك او امك
فى الحياة الواقعية الطعنة التى لن تقتلك ستتركك فريسة سهلة او اسوء اختك لا قدر الله لكلاب بلا ضمير
و الضربة التى لن تقتلك ستتركك بعاهة مستديمة يجب تنحية المعايير الرياضية تماما من هذة الامور

اخى Genral
الكلام ينطبع على الشارع ايضا فالمقصود منه عدم التردد فى أول فرصة للهجوم على الخصم
وان كنت خائفا من القتال ففى اول الامر فقط وبعد ذلك سيزول اثره بعد بداية هجومك وخاصة اذا جعلت الامر مفاجأً فسينتقل الخوف لخصمك بل وسيتضاعف ايضا لعدم توقعه ذلك
والامر عندما يتعلق بأحد معك يكون اشد فتكون اما خيارين المقاومة او الاستسلام
والمقاومة فى هذه الحالة افضل بكثير حتى لو تركك الامر بعاهة

اتمنى ان تكون فهمت ما اقصده
Genral_Huncky
09-01-2008, 08:47 PM
اخى Genral
الكلام ينطبع على الشارع ايضا فالمقصود منه عدم التردد فى أول فرصة للهجوم على الخصم
وان كنت خائفا من القتال ففى اول الامر فقط وبعد ذلك سيزول اثره بعد بداية هجومك وخاصة اذا جعلت الامر مفاجأً فسينتقل الخوف لخصمك بل وسيتضاعف ايضا لعدم توقعه ذلك % من الدفاع عن النفس هو وعى امنى
والامر عندما يتعلق بأحد معك يكون اشد فتكون اما خيارين المقاومة او الاستسلام
والمقاومة فى هذه الحالة افضل بكثير حتى لو تركك الامر بعاهة

اتمنى ان تكون فهمت ما اقصده


صديقى العزيز
حين يتعلق الامر بالاهل فخيار الاستسلام غير مطروح للنقاش من الاصل
ما قصدتة ان الاشتباك مع اكثر من شخص و ربما يكونوا مسلحين كذلك لا يتم عن طريق توجية معنوى فقط بعدم الترد والمبادرة فالمبادرة يزول اثرها فى خلال 3-5 ثوان فقط على اقصى تقدير اذا لم تحسن استخدامها و عامة فرص التفوق فى موقف عدة خصوم مع السلاح والارادة لاستخدامة تكاد تكون معدومة
و لهذا يجب انتقاء المسارات التى تمشى فيها مع الاهل و ان ندرك ان 90% من الدفاع عن النفس هو وعى امنى قبل اى شئ
kotsomoto
09-01-2008, 10:08 PM
اخى العزيز جينرال انا معك فى مسأله المسارات والوعى الامنى ولكن المرء معرض للقتال فى اى وقت وفى اى مكان سواء كان مع اهله او بمفردة السؤال هنا كيف يمكنه الدفاع عن نفسه او ما العامل الذى اذا توفر فى الشخص استطاع الدفاع عن نفسه ؟
أخوك : أحمد سعيد
Genral_Huncky
10-01-2008, 02:40 AM
اولا اخوانى انا سعيد ان النقاش اخد مسار عملى و راقى
ثانيا فى ناس بالفطرة عندها استعداد للقتال و بدون اى تدريب و فى ناس لازم تتدرب والا فلا امل يرجى منها من الناحية القتالية
المشكلة هنا اننا لا نتحدث عن حالة قتال بشكل عام ولكن عن حالة محددة جدا كما فهمت من الموضوع و هو هجوم عدة اشخاص و ربما يكونوا مسلحين

و المشكلة هى اننا لا لانحمل سلاح فى مصر ( الناس المحترمة طبعا) و هذا يقلص فرصة النجاة من موقف كهذا
و لكن عن نفسى تعرضت لموقف كهذا من فترة طويلة نسبيا ( بدون سلاح ) و اكلت علقة جامدة مووووووووووووووووووووووت و لم يكن فى جيبى يومها الا 4 جنيهات فقط و حين استعيد الامر فى ذهنى اجد انة لم يكن يستحق اطلاقا و لقد بلغت تكلفة علاجى حينها حوالى 500 ج ولم يفدنى الكونج فو وقتها و لم يكن مستواى سئ فى ذلك الوقت و لم يكن الشابان اللذان حاولا سرقتى جامدين اوى
و لكن ما يحدث ان الفارق شاسع فعلا بين البساط والشارع و ان النادى غالبا يعلمك كيف تجمع النقاط وليس كيف تنقذ نفسك و بعدها بفترة ما توقفت عن ممارسة القتال كرياضة ( لضيق الوقت وليس العلقة :) ) ههههه
و تعرفت على عالم الدفاع عن النفس و هو مختلف تماما عن العالم الرياضى و افادنى فى مواقف تالية خرجت منها باقل مجهود يذكر و لم اضطر الى الاشتباك مع احد الا مرة واحدة وانتهت فى ثوان معدودة لانى اخذت الموقف بعقلية مختلفة تماما (( ولان ربنا ستر))
عشان كدة انا ممكن اظهر انى متحامل شوية على الرياضات القتالية كوسيلة دفاع عن النفس لكن انا بتكلم من خبرة نسبية
Jackie_Chan
10-01-2008, 04:03 PM
بسم الله الرحمن الرحيم

بصراحه الموضوع بقى شيق جدا وبقى من الوضوعات المميزه فالقسم

بالنسبه لقتال الشوارع انت كل اللي حتستفيد منه من لعبتك القتاليه اللي انت بتلعبها هو سرعة رد الفعل واللياقه البدنيه والنفس.

وانا اتعرضت لموقف مشابه فالشارع بس ماكنش الأمر متعلق بأحد من الأسره او خطيبتي ولكنه كان متعلق بالموبيل بتاعي...وفعلا اوقفني احد الأشخاص وكان معاه سكينه صغيره وقاللي انه عايز الموبيل كانت الساعه حوالي 2 بليل وكنت في شارع مافيهوش اي حد (فالعجمي عندنا في الأسكندريه)

هو كان شايفني جاي من اول الشارع وهو كان ماشي اول ماشفني بدأ يهدي من خطواته علشان نبقى ماشيين على نفس الخط وفعلا اول ماوصلت جانبه طلع السكينه وقاللي انا عايز الموبيل اللي في ايدك.

على الرغم من انه كان موبيل (حاجه تافهه ياعني) لكن حب الأستطلاع خدني اني مش اديله الموبيل بسهوله حاولت ابقى هادي جدا في تعاملي معاه وهو كان مستعجل جدا خايف حد يشوفه وانا كنت متعمد اعمل كده علشان يزداد توتره .

المهم بعد فتره قررت اني اديله الموبيل وكنت فعلا حديهوله وفي نفس الوقت اللي كان بيمد ايده وياخده مني ضربته بأقصى قوه في اسفل جسمه عند اعضاؤه التناسليه وانا بثبت رجلي على الأرض بعد الضربه ضربته في وجهه مستقيمه في منطقة الشفه.

الولد والله وقع على الأرض وماكنش حاسس بالدنيا بس اللي حصلي اني جاتلي حاله وهي كأني مثلا كنت على اعتاب الموت وروحي رجعتلي تاني وفضلت اضرب فالولد ده لغاية بجد ماكان حيموت وهو ملقى على الأرض لولا تداركت الموقف وعرفت انه ساعتها مش حيقدر يعمل حاجه ومافيش خوف منه قومته من هدومه ووديته قسم شرطه قريب وهناك عملت محضر بالحاله

اللي انا استفدته من الموقف ده اني دائما ابقى هادي في المواقف اللي زي دي والحاجه الوحيده اللي فادتني من دريب الكونج فو مش السندا ولا الأساليب لكن اللي فادني هو سرعة رد فعلي وحركة رجلي المظبوطه واللي طالعه صح في مكانها الصحيح وايضا المستقيمه الموجهه فالمكان الصحيح.
بالنسبه للجرأه اللي جاتلي فالتعامل معاه فأنا برجع سببها الأول والأخير في كثرة الأحتكاك دائما مع اشخاص غير معروفه في البطولات والفايت اللي بيحصل دايما بعد كل تدريب جعلني معتاد على كده

الحمد لله المره دي عدت على خير لكن انا ماعرفش المره الجايه مين حيكون الضحيه وفعلا تجنبت الشارع ده خالص وبقيت بمشي في اماكن متواجد فيها الناس لأن العمر غالي جدا

واسف للأطاله.

والسلام عليكم
™Mr EtSh
10-01-2008, 04:37 PM
بجد انا مبسوط جدا ان المناقشه بدات وما زلت على محور جيد وسعيد جدا بمشاركات كل من الاعضاء

جينرال و كابتن احمد وكابتن احمد سعيد وhero وبجد اراء جميله فعلا
والى انا شايفه برده والكل قالو فى كلامه بس لم ياخد احد من توافق الجميع ان المهم الثقه بالنفس وسرعه رد الفعل وليس مرتبط باى لعبه
انت بتلعبها زى ماقال جينرال
المهم ان تكون واثق فى ربنا اول شى وثانيا ان تكون لديك الثقه فى نفسك وقدراتك واعلم ان اى حد بيكون عايز يتعرض ليك فى الشارع او يريد السوء لك بيكون خايف جدا ومهتز ذهنى ومعندوش اى تفكير فى الوقت ده وعلى المراء الهدوء فى هذه الحلات والتفكير لمجرد ثوانى فقط حتى يتم التعامل مع هذا الشى
وفى مزيد والتوفيق للجميع وفى انتظار مناقشات اخرى

وانا بقترح اننا نعمل زى عمل موضوع بالشرح الكلامى او بالصور او بالفيديو كيفيه الدفاع عن النفس يعنى كل واحد يشرح ازاى لو حد اتهجم عليه ازاى يعرف يتعامل معاه ويتخلص منو ده يا اما عن طريق الشرح الكلامى او بالصور او ملفات فيديو للدفاع عن النفس
تقبلو اقتراحى
kotsomoto
10-01-2008, 06:43 PM
اقتراح جميل والله يا كابتن هشام وانا عن نفسى لو اوتيحت لى الفرصه قريبا هنفزة .
Jackie_Chan
10-01-2008, 07:39 PM
بسم الله الرحمن الرحيم

انا معاكم فالفكره دي ... وعايز اقول حاجه اني بجانب لعب الكونج فو اتدربت على رياضات اخرى كثيره لمدة سنتين ومن ضمن هذه الرياضات رياضة قتال الشوارع وممكن افيد الأعضاء كثير جدا فيها... بس المشكله صعب اني اشرح الحركه بالكلام بس ححاول والله وان شاء الله حكون موضحها كويس وربنا يوفق.

والسلام عليكم
Jackie_Chan
10-01-2008, 08:06 PM
بسم الله الرحمن الرحيم

دي بعض الكليبات من رفعي الخاص تبين كيفية التعامل مع المسكات المختلفه.
وانا اتعمدت اني ارفعها عالموقع ده علشان يمكنك رؤيتها قبل تحميلها

1 - عند مسك الخصم بيده لأحد كتفيك

http://www.zshare.net/video/637748627b294e/

http://www.zshare.net/video/6377680f00224a/

http://www.zshare.net/video/6377751aac768b/



2 - عند مسك الخصم لك بيديه الأثنين على كتفيك

http://www.zshare.net/video/63777952183ced/

http://www.zshare.net/video/6377856817d19b/


3 - التعامل مع العصا

http://www.zshare.net/video/63779135b6fa78/

http://www.zshare.net/video/637794106d4c98/



4 - التعامل مع السكين وللأسف كليب واحد فقط

http://www.zshare.net/video/6377989102a199/



5 - التعامل في ظل اوضاع مختلفه

http://www.zshare.net/video/6377989102a199/

http://www.zshare.net/video/637804169c8821/

http://www.zshare.net/video/6378074d99c99c/

http://www.zshare.net/video/6378116721e8bd/


الكليبات مدتها قصيره لكن لو تم اتقانها ستصبح مهمه ومفيده وان شاء الله دي بدايه والباقي قادم

والسلام عليكم
kotsomoto
11-01-2008, 03:23 PM
جزاك الله خيرا على المجهود يا جاكى بس جرب كدة اللينكات شوفها شغاله ولا لاء اصلها مشتغلتش عندى ومش عارف العيب من النت عندى ولا من اللينكات .
أخوك : احمد سعيد
Jackie_Chan
11-01-2008, 04:38 PM
شكرا على ردك ياغالي انا جربتها امبارح بعد مارفعتها وكانت شغاله كويس بس فعلا النهارده مش شغاله عالعموم انا رفعتهم تاني بس المره دي لازم يتحملوا قبل رؤيتهم عالعموم هم صغيرين جدا ومش حياخدوا وقت فالتحميل


1 - عند مسك الخصم بيده لأحد كتفيك

http://www.ultrashare.net/hosting/fl/5b4e9ad0d8/1

http://www.ultrashare.net/hosting/fl/1555b63099/4

http://www.ultrashare.net/hosting/fl/6fdd323e13/5


2 - عند مسك الخصم لك بيديه الأثنين على كتفيك

http://www.ultrashare.net/hosting/fl/3ae9972c3a/2

http://www.ultrashare.net/hosting/fl/76af808b27/3


3 - التعامل مع العصا

http://www.ultrashare.net/hosting/fl/88b3031868/7

http://www.ultrashare.net/hosting/fl/7cb3ceaa28/9


4 - التعامل مع السكين وللأسف كليب واحد فقط

http://www.ultrashare.net/hosting/fl/61161886b0/8


5 - التعامل في ظل اوضاع مختلفه

http://www.ultrashare.net/hosting/fl/9cf447a56d/6

http://www.ultrashare.net/hosting/fl/281114e0be/10

http://www.ultrashare.net/hosting/fl/0f3f7e9a98/11

http://www.ultrashare.net/hosting/fl/7936ef8035/12


انا جربت اللينكات وان شاء الله شغاله ولو فيه اي حاجه انا موجود
™Mr EtSh
11-01-2008, 05:45 PM
شكرا على الكليبات ياكابتن احمد وبالفعل الروابط شغاله انا جربت احد الروابط وشغلين فعلا وتسلم اديك على المجهود الجميل وجزاك الله كل خير
وانا بقترح بعد الموضوع الجميل ده انك تعمل موضوع منفرد بيه شرح وصور وفيديو برده ده اذا كان لديك من الوقت مايكفى لهذا العمل وان شاء الله برده الكل يشارك فى الموضوع ليكون موضوع شامل عن فن الدفاع عن النفس
وتسلم اديك ياغالى على الكليبات مره تانيه
™Mr EtSh
11-01-2008, 05:45 PM
شكرا على الكليبات ياكابتن احمد وبالفعل الروابط شغاله انا جربت احد الروابط وشغلين فعلا وتسلم اديك على المجهود الجميل وجزاك الله كل خير
وانا بقترح بعد الموضوع الجميل ده انك تعمل موضوع منفرد بيه شرح وصور وفيديو برده ده اذا كان لديك من الوقت مايكفى لهذا العمل وان شاء الله برده الكل يشارك فى الموضوع ليكون موضوع شامل عن فن الدفاع عن النفس
وتسلم اديك ياغالى على الكليبات مره تانيه
kotsomoto
12-01-2008, 02:25 PM
عاش يا كابتن على المجهود ومستنى منك مواضيع اكتر وافضل ان شاء الله .
™Mr EtSh
12-01-2008, 03:09 PM
شكرا يا ابو حميد على الكيبات الجميله تسلم اديك
Jackie_Chan
13-01-2008, 06:17 AM
بسم الله الرحمن الرحيم

شكرا جزيلا يا جماعه على الردود ويارب الموضوع يكون عجبكم وان شاء الله يا كابتن هشام حعمل موضوع قريب عن قتال الشوارع والدفاع عن النفس بس مستني احضرله كام حاجه كده علشان يبقى موضوع جيد ويعجبكم ان شاء الله .

والسلام عليكم
mostafafawzyzak
17-01-2008, 03:38 PM
انا اولا عايز اشكرك على موضوعك ده ثانيا انا بلعب كاراتيه بصراحه اللعبه دى حولتنى من واد كرش ومبقلز لواد جسم يتمناه اى واحد الحمد لله فى3 اشهر بس واللعبه زاتنفسها قويه جدا لكن حاجه واحد زعلتنى انا بتدرب مع مدرب كويس جدا جدا جدا جدا اسمه تالكابتن حماد ده من زمن برسلى هو اقوى واحسن واحد فى اللعبه دى فى مصر ربنا يديه الصحه عنده 59 سنه بس لو واحد وقع فى ايده الله يرحمه الكابتن ده مش لقى ولا موضوع عنه ولا شكر ولا اهداء ولا حته شتيمه مش متقدر خالص على النت مع انه اول واحد جاب بطولع العالم لمصر طلع تالت عالم بس متادرش خالص وانا لعبت فى نوادى كتير كان نفسى الاقى واحد بربع قدرته بس للاسف مفيش انا نفسى واحد
ابن حلال يقولى عايزين اللعبه تتقدم ازاى والكوره هى الاولى والاخيره فى مصر وراجل محترم زى ده مبيتقدرش
مش بجد حراااااااااااااااااااااااااااااااااااااااااااااااا اااااااااااااااام
mostafafawzyzak
17-01-2008, 03:50 PM
اه ياريت لو ليك ايميل ياكبتن احمد عايزه ضاروورررررررررررررررررررررررررررررررررررررىىىىىىىى ىىىىىىىىىىىىىىىىى او ضفنى عندك [...........]

----------------------------
ممنوع وضع اى ايميل بالمنتدى
mostafafawzyzak
17-01-2008, 11:24 PM
Bgfhgfhgfhfg
kotsomoto
18-01-2008, 09:10 PM
اهلا بيك يا مصطفى , بشكرك على مشاكركتك فى الموضوع , وبخصوص الكابتن بتاعك مش هو لوحدة اللى مش واخد حقه هو الصراحه معظم الالعاب الفرديه مش واخدة حقها , دة فى ابطال عالم واخدين مركز اول ومفيش حد يعرف حاجه عنهم وهو دة الجهل الرياضى ربنا يعفى عنا , وانا ضيفت ايميلك .
أخوك : أحمد سعيد
mostafafawzyzak
19-01-2008, 03:11 PM
الف شكر على ردك عليه ياكابتن احمد
وثانيا احب اعرفكم بنفسى علشان الخبطه دى انامحمد وبدخل بعضويه اخويا وفى القريب حعمل عضويه باسم كاراتيه مان 2020
وانا سعيد جدا بالقسم الخطير ده
mostafafawzyzak
23-01-2008, 01:35 AM
اه الروابط الى نزلها جاكى بتاعت الزد شير شغاله بس هيه اتقطعط لمده علشان الزد شير بقى رابط مباشر وهى دلوقتى رابط مباشر