الموضوع الرسمى لأجمد لعبة سيارات فى العالم والتاريخ بعد ما قفلتها ((NFS pro STREET)) [الأرشيف] - موقع الدي في دي العربي

مشاهدة النسخة كاملة : الموضوع الرسمى لأجمد لعبة سيارات فى العالم والتاريخ بعد ما قفلتها ((NFS pro STREET))

khaled ebrahem

25-12-2007, 07:44 PM

السلام عليكم ورحمة الله وبركاتة:
انا مبعملش موضييع كتيير إلا فى المفيد وبس علشان انا مبدورش على نجمة زيادة أو شهرة او اشراف فى اى موقع لكن كل غرضى هوا الإفادة للجميع اما بعد: NEED FOR SPEED PRO STRRET

أنا مش حتكلم كتير كل اللى حقوله ان شركةEA فكرت صح
اكتر من 5 سنوات بتنزل فيه العاب NFS بنفس الوتيرة قصة طويلة سهلة اللعب ومفهاش اى مخاطر وبعيدة كل البعد عن الواقعية من حيث السباق الحقييقى الموجود فى اوروبا وامريكاومن حيث امكانيات السيارات الحقيقية وكمثال: النيتروس الحقيقى هو الموجود فى برو ستريت لان الحقيقى فعلا ان اقصى عدد من انابيب النيتروس التى من الممكن ان توجد فى سيارة هوا ثلاثة انابيب والانبوبة فعلا تنتهى بضغطة زر واحدة
اما ما كان فى العابها السابقه فهوا خيال من مصصمى اللعبة (لا يوجد نيتروس بيتملى مرة اخرى اثناء سباق السيارة)
نرجع للعبتنا الجميله المرة دى EA دمجت ما بين القصة والواقع بنسبه صحيحة 20% للقصة و%80 للواقع
طبعا مش مصدقنى ان اللعبة فيها قصة
والله اللعبة فيها قصة( قصة المتسابق الشهير rayan coper ودة اسمك فى اللعبة ومن اول اللعبة بيجى واحد لابس جاكت بزونط ولابس الزونط على دماغة وبيتحداك وهو دة الى حتقبلة فى اخر اللعبة وحتحاول تكسبة)

نبدء شرح اللعبه
اولا : نظام اللعبة:-

- يوجد عندك فى اللعبه نظاميين للعب :
1 - (الكارير)(career) وده هو الى فيه القصه والتحدى وبعد متخش فية وتعمل بروفيل باسمك بيدخلك سباق اختبار لقدراتك علشان يفتح ليك الخريطة
وهوا سهل بعد كدة بتلاقى عندك (الكارير ماب)(career map) ده خريطة اللعب الى من خلالهابتعرف يعنى اية race day
الخريطه متقسمه الى اربع مراحل كل مرحلة متقسمة الى مجموعات من السباقات اليومية((race day)) من خلالها تكسب فلوس وتدرب على كيفية اللعب وكل ما بتخلص مرحلة بتزيد قدراتك فى القيادة
الـ race day هو شكل من الاشكال المظللة فى اى مرحله من المراحل الاربعة فى الخريطه ينتهى التظليل كلما انتهيت من الـ race day المفتوح قبلة والدليل على الانتهاء منه هو ان بعد خروجك منة بيتلون بالون الاخضر مكان اللون الابيض
الـ race day عبارة عن مجموعة من السباقات بانواعها كالاتى:
1 - grip وهو سباق الى يوصل فية الاول يكسب والى مايخبطش العربيه ويحقق اقل وقت فى اللفة يحصل على درجات عاليةالى من خللها بتكسب الـ race day
2 - grip class وهو سباق عبارة عن مجموعتين من السيارات عربيتك بتكون فى مجموعه منهم حسب امكانيتها وانت طبعا مبتبقاش ليك دعوة بالمجموعة التانيه كل مهمتك انك توصل الاول فى مجموعتك وتحقق اعلى درجات بانك تسوق كويس ومتخبطش عربيتك
3 - drift وهو سباق عبارة عن لفة واحدة بس لازم تعمل فيها امركة بالعربية وانت بسرعتك طول طريق السباق تأمرك بالعربية تاخد بيها درجات بتكون السبب فى انك تتطلع الاول فى السباق
4 - 4/1 mile drag وهو عبارة عن سباق شد بالعربيات تحقق فية اقل وقت ممكن عن طريق النقل السريع فى الوقت المناسب الى السرعات الاول والتانى والتالت والرابع يعنى منيوال مش اوتمتك
5 - wheelie copetition هو عبارة عن طريق لازم ترفع فية العربية من الامام اكبر وقت ممكن بتحقق فية درجات بتكسب بيها المركز الاول
6 - speed challenge هو سباق عبار ة عن طريق طويل جدا متعرج سواء فى الصحراء او المدينه ويجب انك توصل الاول باى طريقة والسرعة فيه بتبقى رهيبة جدا ولازم تحافظ على توزنك حتى النهايه
7 - top speed run وهو سباق لا يختلف من نوعة عن speed challenge الا فى انك مش لازم توصل الاول ولكن لازم تحقق اكبر سرعه ممكنه فى مجموعه من النقاط الموجودة على الطريق وتجمع هذه السرعات فى النهاية والذى يحقق اكبر كم من السرعات هوا الاول وهكذا

دى كانت انواع السباقات الموجودة فى الـ race day تعالوا نتعرف بقى على الخانات الموجودة فية اول ما بنخش على الـ race day بنلاقى الاتى
اول خانة مكتوب فيها race day progress وى البتعرف منها انت خلصت أد اية من الـ race day
تانى خانة عندك مكتوب فيهاrace events ودى الى من خللها بتدخل السباقات وتعرف معلوماتك عن كل سبق وحققت أد اية درجات فى كل سباق على حدا وبتختار العربيه الى حتدخل بيها السباق
تالت خانه هيا view cars بتعرف منها عربياتك ومعلومات عنها
رابع خانة هيا repair cars ودى من خلالها بتصلح عربياتك التخبطتت فى السباقات
باقى الخانات مش محتاجة شرح

نيجى للعربيات الى بتلعب بيها
اولا انت ممكن تشترى اى عربيه عايز تلعب بيها من الـ car lot الموجودة فى خانة الـ cars الموجوده بعد خانة الـ career map
- او ممكن تلعب بالعربيات البتكسبهالما بتكسب race day
اصل في تلاته او اربعة race day بتلعبهم على عربيتين بتكسب منهم عربية واحدة
العربيه ال بتشتريها او بتكسبها لازم تحدد نوع السباق الحتلعب بالعربيه فيه لان كل سباق حتحدد فيه مجموعة العربيات او العربية الحتلعب بيها فيه
مينفعش تدخل بأى عربية اى سباق كل سباق بتحدد ليه نوع من العربيات انت اشتريته او كسبته وده بيحصل عن طريق الـ garage وده بتلاقية فى اول الخريطة أو فى الـ cars خانة الـ garage فى الجراش يعنى
اولا العربية الانت بتشتريها بفلوسك اول ما بتشتريها بيسألك عن اى نوع من السباقات حتحدد العربيه لية وبعد ما بتختار بتبتدى تظبط العربيه وتركبلها اللازم من خانه موجودة لكل عربية تملكهااسمها
drag blueprint وبعدين تدوس costomize blueprint اما العربيات البتكسبها متقدرش تغيرلها حاجه الا إذا غيرتلها نوع السباق الحتستخدم فية عن طريق ضغط الرقم2 وهو الامر يسمى change modeملحوظات هامة جدا

1 - لا تستطيع دخول الـ race day الا اذا كان لديك سيارة لكل نوع من انواع السباقات الموجودة فى ذلك الـ race day
2 - الـ race day لا يحتوى على كل انواع السباقات
3 - اى سياره بتغيرلها نوع السباق الى حتدخل فية بتفقد كل التركيبات والتحديثات لها وذلك عن طريق change mode
4 - عند تصليح السياره يمكنك الاختيار ما بين تصلحها من فلوسك اوماركات التصليح المجانيه الى تكسبها كلما خلصت race day ودخلت اخر
5 - تقدر تبيع اى عربيه عنك فى اى وقت
6 - لازم تتعلم امتى تفرمل وامتى تجرى بالعربيه وكيفية القيادة الصحيحه وهيا دى المتعة والتحدى خلاص مبقاش الكلام الفاضى بتاع الاجزاء السابقه الى كنت بتدوس فيها بنزين وبس وناسى اى حاجه اسمها فرامل
7 - اللعبة دى بتتحدانا ومكتوب فيها (( حنشوف مين السواق على حق ومين فعلا الى بيعرف يسوق )) ده طبعا مكتوب بالانجلش

نيجى بقى للكارير المفتوح (race day) وده بتلاقيه بره خارج الكارير بعد خانة career مكتوب race day وهو غير الـ race day الموجود جوا الكارير
ده فيه الخريطه المفتوح فيها كل حاجة تختار فيها ما بين افضل السيارات وتخش السباق ال يعجبك
بس انا كدة تقريبا خلصت واى استفسار انا حرد عليه لانى تعبت من الكتابة

فى النهاية انا عايز اقول ان اللعبه ملهاش مثيل لا فى الجرافيك ولا فى الجيم بلاى ممتعة جدا بس انت مدورش على السهل وحاول تتحدى نفسك فيهاوتقبل الصعب وانا متأكد انك اول متوصل فيها %30 حتعرف قيمة اللعبة دى وانها اجمد لعبة عربيات نزلت فى التاريخ
مستنى استفسارتكم وردودكم اخوكم خالد ارجو ان اكون وفقت وشكرا لحسن
اخلاقكم وتعاونكم فى الموقع وهذا الموضوع من بعض افضالكموافضال الموقع على

hosnet

25-12-2007, 08:10 PM

وجهة نظرك تحترم بس انا برده وجهة نظري انها افشل العاب السنه فاشله فاشله جدا

khaled ebrahem

25-12-2007, 08:35 PM

وجهة نظرك تحترم بس انا برده وجهة نظري انها افشل العاب السنه فاشله فاشله جدا

جرب تيجى على نفسك وتوصل بس ل %50 منهاوانت حتغير وجهة نظرك تماما انا كان وجهة نظرى زيك وغيرتها

theevil100

25-12-2007, 09:02 PM

والله يا باشا كلامك صح مليون المية انا لسة باديء فيها من يومين بس بعد ما اقنعت نفسي بالعافية اني اجربها علي الرغم من كل الكلام اللي كان بيتقال عنها والمفاجأة ان انا لقيت اللعبة جامده جدا واقعية في كل حاجة والجرافيك بتاعها فوق الممتاز وأجمد حاجة فيها موضوع الدامج اللي بيحصل للعربية لما بتتخبط في اي حاجة بصراحة لعبة مالهاش حل وان شاء الله يكون الموضوع بتاعك هو الموضوع الرسمي للعبة علشان اللي واقف معاة حاجة في اللعبة تساعدة.ملحوظة صغيرة ياريت يا جماعة تجربوا اللعبة علي xp بدل vista علشان تقدروا تفتحوا حاجات كتير في الجرافيك من غير ما اللعبة تتقل ودة عن تجربة فعلية طبعا النصيحة دي موجهة لأصحاب الأجهزة الغلبانة زي حلاتي.

theincredible22

25-12-2007, 09:20 PM

انا فى ال 72% واللعبة اشتدت عن الاول بكتير بس طويلـــــــــــة

tahloka

25-12-2007, 10:57 PM

اولا انا احترم وجهة نظرك جدا لانك فعلا اثبتلى انك من الناس اللى بتفهم معنى كلمة التغيير لان فعلا السلسله بتاعة اللعبة اصبحت مؤخرا من اسواء العاب السيارات نظرا للتكرار الممل اللى فى الاجزاء الاخيرة ولكن خرج علينا هذا الاصدار بالتغيير والذى جعل الناس تنقسم مابين مؤيد للتغيير وهذا هو الرأى الصح وبين من يريد ان يظل كما هو ملل فى كل شئ نفس السباقات ونفس النظام والاسسلوب ماهو الا تغيير فى السيارات وشكرا
ثانيا اللعبة رائعة فى كل شئ جرافيك اسلوب وطريقة اللعب القصة الجديده وان كانت ضعيفة جدا فاللعبة رائعة جدا وتعتبر من افضل العاب السيارات هذا العام واللى يثبت كلامى حاول تجرب لعبة jucied وانت تعرف معنى كلمة فشل لبة السيارات
ثالثا واخيرا انا بشكرك على الشرح الوافى للعبة وننتظر منك المزيد بأذن الله
جزاك الله كل خير

sub_zero2100

25-12-2007, 11:57 PM

السلام عليكم

واخيرا وجدنا من له رأى سليم بخصوص هذه اللعبة
بصــراحة اللعبة تستحق انت تلعبها ..وليست كما
وصفها الكثير من الاعضاء ونازلين يمين وشمال فى
اللعبة وكأنها لعبة سباق اتارى..........
(الناس اذواق)

وشكراا على رأيك السليم مرة اخرى

mamdoh_22

26-12-2007, 12:09 AM

شكرا لصاحب الموضوع علي الموضوع الرائع والمجهود المبذول فيه

Amesoft

26-12-2007, 12:13 AM

يجماعه اللعبة غاية فى الروعة وربنا بس للاسف الموضوع اننا اتعودنا على ريتم معين
كفاية بس موضوع ال Aero Dynamic ده لوحدة وهم ومن اول ما تبعت اخبار اللعبة حاسس بحاجة جديدة ومخبيش عليكم انا احبط من كلام الناس الى قالو ان اللعبة دى فاشلة وكده
بس بصراحة EA لعبتها صح

khaled ebrahem

26-12-2007, 12:45 AM

شكرا للجميع على الرد فى الموضوع والاهتمام واحب اعرف جميع اعضاء الموقع ان الموضوع ده انا عملته وتعبت نفسى مش من فراغ ولكن لان اللعبة تستاهل فعلا واحنا ظلمنها بكل المقاييس
وبعدين ازاى يعدى على ازهانكم ان العامل ومصمم اللعبة دى هيا الشركة الى اذهلتنا باعملها وتابعناهالسنين وكنا بننتظر العبها على احر من الجمر وبشهادتكم انتم مش حد تانى عمرها ما عملت لعبة وحشة ابدا
فتخيل لما تكون حتنزل الشركة لعبة جديدة لـ need for speed حتعمل اية طبعا جمعت اعضاءها وصناع اللعبة ومصممين الجرافيك فيها وقعدوا وحسبوها صح فى ظل اليوم والغد وعملوا حساب المستقبل والشركات الحوالهم العماله تصنع العاب الجرفك بتعها عالى جدا والافكار بتعتها كلها جديدة وقالت لازم فكر جديد وطريقه جديدة فى اللعب وجرفك اعلى مما اى حد يتصور ووجدوا الفكرة وهى ان اللعبة دى حتخدع الكل فى اولها انها عادية ولكن هم عرفين ان احنا حنعرف وحنقدر فى المستقبل القيمة الحقيقية الفعليه للعبه
وانا وجهة نظرى فى اللعبة بعد ما قفلتها انها لعبة لا يمكن تزهق منها ابدا وممكن تلعبها تانى وتالت وعمرك ما تمل منها والدليل على كدة ان طريقة تقفلها بتخليك بعد كدة عندك كم من السباقات كبير جداتختار منه السباقات الى انت بتحبها وعايز تلعبها مش لازم تلعب من الاول وتبدى القصة من اولها علشان تستمتع باللعبة زى ماست ونتد وكربون بعد الانتهاء من تقفلهم بتحس انك خلاص مفيش مجال للعب الا انك تعيد اللعبه من اولها باسم جديد
لا هما لغوا الحكاية دى ووجدوا فى اللعبة فكر جديد ان اللعب مفتوح وما بيخلص
وشكرا مرة اخرى للاعضاء الاهتموا وردوا واحب انبه ان دة الموضوع الرسمى للعبه وان اى استفسار انا حرد عليه
والموضوع مفتوح لجميع المناقشات حول اللعبة وجميع الاراء محترمة

احب اعرفكم بأمكانيات جهازى :-
cpu core 2 duo 2.33 E6550 path 1333 4MG cash
matherboard asus P5W DH Deluxe dual vga
3X1GB RAM DDR2 PATH 800
8600GTS VGA DIREKTX10 256 MG 2000 MEMORY CLOCK
HARD DISK 500GB SATA2 16MG
HARD DISK 200GB SATA 8MG

http://www.dvd4arab.com/attachment.php?attachmentid=238331&d=1198603618

arnge

26-12-2007, 12:53 AM

so2al wa7ed bas

enta le3ebt DIRT we afeltaha

we TOCA3 we afeltaha walla la2

argok egaba be ah aw la2 bas

ah we GTR2

khaled ebrahem

26-12-2007, 01:20 AM

so2al wa7ed bas

enta le3ebt DIRT we afeltaha

we TOCA3 we afeltaha walla la2

argok egaba be ah aw la2 bas

ah we GTR2

لا والله ملعبتهمش لكن شفتهم وحملت منهم GTR2 ومكملتش فيها لكن قفلت اللعبة الرائعة TEST DRIVE UNLIMTED

arnge

26-12-2007, 01:24 AM

lol
play DIRT and TOCA3

and then lets about how great is NFS

khaled ebrahem

26-12-2007, 01:50 AM

lol
play DIRT and TOCA3

and then lets about how great is NFS

معلش انا اسف فى سؤالى بس حضرتك مبتعرفش تكتب عربى
ولو حضرتك بتعرف عربى ليه الرد ميكنش بالعربى
ثالثا انا باحترم رايك وحلعب اللعبتين الانت قولتلى عليهم لكن حارجع وقول ان الموضوع لتقييم اللعبه وليس للمقارنة بينها وبين اى لعبة اخرى وزى ما قولت قبل ذلك حاول تيجى على نفسك وتوصل فيها لـ %50 وساعتها حتعرف قيمة وجمال اللعبه وليس افضليتها على لعبة اخرى

lolo87

26-12-2007, 01:53 AM

موضوع جامد جدا يا خالد

وكبير قوى تحياتى ليك يا باشا

على فكرة يا جماعة انا خالدة مهندس كمبيوتر كبير قوى صدقونى

وعلى فكرة كمان كل الالعاب الى عندى زى كريسس وجيرز اوف وار

وحاجات تانية كتير واخدة منة

وصدقونى راجل تمام بجد

ويا عمى ...يا سيدى... ياريس.. (اقتباس من المشرف Geeni)

موضوع جامد

والى الامام يا خالد

خالد ابقى ايعتلى دعوة تورنت دامج

الايميل

simo9521@yahoo.com

arnge

26-12-2007, 02:15 AM

ooh i finished it

with the 3 levels of the game

and i hated every second

lolo87

26-12-2007, 02:24 AM

يا arange

نا معاك ان اللعبة فى الاول تصيبك بالملل لكن

اصبر بس لما تعدى شوية وتشترى عربيات وتظبط عربيتك من محركات للبودى وتلونها وتزود سرعتها

هتحبها اكتر

انا شوفت التقفيلة بتاعت خالد

اللعبة فيها شويت طرقات روووووووعة

بس اصبر واكمل

دة الراجل اشترى متسوبيشى الجديدة ولانسر ومبهدل الدنيا فى اللعبة

طبعا الا اذا كنت مش محبى نوعية العاب السيارات

ومن محبى العاب تانية

لانطبيعى هتذق منها لانها مش نوعيتك المفضلة

arnge

26-12-2007, 02:27 AM

ya ged3an afelaatahaaaaaaaa

3 marat read the whole post

and i hated it

the spy 0.0

26-12-2007, 02:35 AM

[SI*E="6"]شكرررررررررررررررررررررررررررررررررررررر ليك[/SI*E]

khaled ebrahem

26-12-2007, 03:12 AM

ya ged3an afelaatahaaaaaaaa

3 marat read the whole post

and i hated it

برده مصر انك تكتب عربى بالانجلش ده شىء يخصك بس حاجة مش حلوة

ثانيا منينن قفلتها ومنين بتكرها وطالما بتكرها كملت فيها للاخر ليه وقفلتهااكيد انت بتهظر او مش لاقى حاجة تقولها او تعمل عليها موضوع وبعدين انا اعرف ان الى يلعب لعبة ويكرها اوى كدة ما يكملش فيها ويقفلها الا اذا كانت عجبته واستفذته فاتحداها وقفلها لكن لو لعبة ممله مش حيكمل فيها ويقفلها
وانا متأكد انك لو لو فعلا قفلتها يبقى اكيد حبتها جدا علشان كدة قفلتها
اما لو كنت فعلا بتكرها الكرة الانت بتقول عليه يبقى انت مقفلتهاش وزهقت منها وسبتها لانها لعبة ممله وانت كرهتهاتها هاها
وبعدين ده رايك لوحدك وانت حر فيه

lolo87

26-12-2007, 03:22 AM

ا خالد فين الدعوة الى قلتلك عليها

arnge

26-12-2007, 05:55 AM

برده مصر انك تكتب عربى بالانجلش ده شىء يخصك بس حاجة مش حلوة

ثانيا منينن قفلتها ومنين بتكرها وطالما بتكرها كملت فيها للاخر ليه وقفلتهااكيد انت بتهظر او مش لاقى حاجة تقولها او تعمل عليها موضوع وبعدين انا اعرف ان الى يلعب لعبة ويكرها اوى كدة ما يكملش فيها ويقفلها الا اذا كانت عجبته واستفذته فاتحداها وقفلها لكن لو لعبة ممله مش حيكمل فيها ويقفلها
وانا متأكد انك لو لو فعلا قفلتها يبقى اكيد حبتها جدا علشان كدة قفلتها
اما لو كنت فعلا بتكرها الكرة الانت بتقول عليه يبقى انت مقفلتهاش وزهقت منها وسبتها لانها لعبة ممله وانت كرهتهاتها هاها
وبعدين ده رايك لوحدك وانت حر فيه

i did it because i finished every single NFS since the need for speed 1

and i did it 3 times because it have 3 difficality levels you genuis

proof.:

http://img257.imageshack.us/img257/4081/21il0.jpg (http://imageshack.us)

and don't ever call me a liar again

play dirt and then lets talk

lolo87

26-12-2007, 06:03 AM

يا arange هى لعبة dirt دى حلوة

يعنى نظامها اية اصل انا سمعت عنها كتير

لو تعرف حاجة عنها او لعبتها قولى عشان حاسس انها جامد بردو

arnge

26-12-2007, 06:20 AM

a7ala game play 7atshofoh fe 7ayatak DIRT

a7la car simulation 3ala PC men hena le 100 sanna gaya

TOCA 3

azbal racing game fe taree7' el basha NFSMW

lolo87

26-12-2007, 06:24 AM

انا شفت الجيم بلاى بتاعهاا

بصراحة وهم جدا

لازم اجربها

شكرا arnge

شكرا يا

lolo87

26-12-2007, 06:29 AM

arnge انا ناوى اجيب برسيسور كورتى ديو جديد

بدل الانتل الى عندى

اجيبة الاول ولا اجيب كرت الشاشة الشانتيك 8800 gt

لان مينفعش غير انى اجيب حاجة واحدة اليومين دول

عشان كدة محتار اجيب الكرت الاول ولا البرسيسور

والفرق هيكون قد اية بالظبط

مكونات جهازى

intel3ghz

بوردة p31

كرت 8600gt

رامات 2 جيجة باص 667

easyenemy

26-12-2007, 11:41 AM

Foaad2015

26-12-2007, 11:59 AM

فعلاً لعبة رائعة جداً .. أنا بصراحة معجب فيها .

arnge

26-12-2007, 01:38 PM

Keroghee

26-12-2007, 03:06 PM

انا من رائي ان اللعبة دي تحفة بكل المقاسييس انا برده اول ما لعبتها قولت عاليها وحشة بس لما مشيت فيها شوية رايي اتغير خالص

memo lovely

26-12-2007, 03:08 PM

اولا الف شكر لصاحب الموضوع لان فعلا اللعبة اكثر من ممتازة

وبجد على رأيك لازم الواحد يمشى فيها شوية مجرد مثلا 20 فى المية وعيييش بقى

اللعبة تحفة بأمانة بس محتاجة زى ما قولت انك تلعبها شوية

ahmed_ali688

26-12-2007, 03:44 PM

والله العظيم انك محترم جدا وموضوع جامد وكنت مستنيه من زمان

khaled ebrahem

26-12-2007, 04:51 PM

الله يكرمك يا خالد عندى سؤال , انا كنت بلعب اللعبة بأول version عادى و كانت شغالة تمام و فعلا اللعبة حلوة و ان كانوا شالو بعض ال options من اللى قبل كدة , المهم انا نزلت ال patch 1.1 و بعد ما شغلت اللعبة بيه لقيت ان ال handling اتغير و بقى فيه بطىء فى استجابة العربية و لقيت نفسى مش عارف العب و البطىء ملوش علاقة بالأداء ده بطئ فى الاستجابة , قمت شايل شايل اللعبة و نزلتها تانى على اساس انها ترجع زى ما كانت لقيت ان البروفيل بتاعى مش عايز يعمل لود على الفرجين الاصلى و لازم العبها بالجديد عشان يشتغل و الجديد بايز و انا كنت وصلت لل 77% من الcareer فارجوك تشوفلى حل فى الموضوع ده الله يخليك عشان انا كدة اتسوحت و الف شكر ليك مقدما.

بص يا باشا فى اى لعبة فى الدنيا متجبش ليها الباتش الجديد وتسطبه الا اذا كان عندك الكراك الجديد بالفرجن بتاع الباتش
مثال : انت سطبت الباتش 1.1 لـ nfsps كان لازم قبل متسطبه يبقى عندك الكراك الجديد فرجن 1.1 وهو هدية منى ليك وجرب وبأذن الله يكون الحل لمشكلتك
الكراك :
http://gbw.naxphost4.com/files/NeedForSpeedProStreetv1.1NoDVDFixedexeEng.7z

lolo87

26-12-2007, 07:08 PM

بص يا ارنج

خلى موضوع التحديث الى قلتلك علية فترة كدة يكون معايا مبلغ محترم

واشترى الكرت والبريسيسور وريح دماغى

ali refaat

26-12-2007, 10:30 PM

gearsboy

26-12-2007, 10:44 PM

ياجماعة انا شايف اننا أتكلمنا كتير على اللعبة دي
وكان فى ناس بتأيدها وناس بتطرها جدا
وانا شايف ان كل واحد لازم يعبر عن رأيه بحرية تامه ويجب على الأخر احترام رأيه والأستماع الى وجهة نظره
وبلاش يا أخ Arnge تقارن اللعبة دي بلعبة تانيه زي Dirt لأن صاحب الموضوع (جزاه الله خيرا) قال فى الأول أنه بيعرض وجهة نظره على اللعبة ودا بعد ماشاف ناس كتير بتهاجمها
والباشمهندس خالد عنده حق أنا شايف أن اللعبة مش وحشة بس عايزانا نخرج من مود تيد فور سبيد الأجزاء السابقة بتاعة السباقات غير الشرعية

على العموم أنا شايف أن خالد قدم موضوع جميل جدا جدا ومنسق وهايل وفيه شوية معلومات جامده جدا عن اللعبة
بجد تسلم أيدك يا خالد على المجهود الجميل دا

وماتزعلش مني يا Arng أنا بس مختلف معاك فى ردك فى الموضوع

khaled only

26-12-2007, 11:47 PM

easyenemy

27-12-2007, 12:02 AM

بص يا باشا فى اى لعبة فى الدنيا متجبش ليها الباتش الجديد وتسطبه الا اذا كان عندك الكراك الجديد بالفرجن بتاع الباتش
مثال : انت سطبت الباتش 1.1 لـ nfsps كان لازم قبل متسطبه يبقى عندك الكراك الجديد فرجن 1.1 وهو هدية منى ليك وجرب وبأذن الله يكون الحل لمشكلتك
الكراك :
http://gbw.naxphost4.com/files/NeedForSpeedProStreetv1.1NoDVDFixedexeEng.7z

الف شكر يا خالد ليك بس انا كنت بالفعل نزلت ال crack و واضح انك مفهمتش قصدى بالضبط , البروفيل بتاعى مش شغال على الفرجين الاصلى اللى هو 1.0 و ده عشان انا شغلتو على الجديد ف مش عايز يشتغلى على القديم تانى , اللى انا عايزو انى اشغله على القديم تانى و شكرا لإهتمامك جدا و لذوقك و لة قابلك حل ليا ابقى قوللى و شكرا ليك مرة اخرى

easyenemy

27-12-2007, 12:07 AM

مشكور جدا على الموضوع

عندي سؤال.

كيف بدي اتحكم كويس بالسيارات يعني لما اروح يمين اروح يمين بسرعة وشمال بسرعة؟

يعني احس انه السيارة بتجاوب معي بسرعه ما تحتاج لفترة حتى تنفذ الامر وشكرا الك كتير .
يا جماعة هى ده المشكلة اللى عندى باردو و المشكلة ده ما كنتش موجودة اول ما نزلت اللعبة بس حصل انى شلتها و نزلتها لقيت ان التحكم بقى تقييييل اوى و الامر فعلا بيتنفذ بعد شوية و والله ما كانت كدة و انا دلوقتى مش عارف العب اللعبة عشان الموضوع المقرف ده شفلنا حل ابوس اديكوم

khaled ebrahem

27-12-2007, 02:32 AM

انا عندى الحل الوحيد وهو انك تخش على كل عربية وتعملها tune حتلاقية فى قيمة تظبيط العربيات ومن خلاله وده الجديد ان اللعبة حتعلمك لغة كمان حتدور على التظبيط الملائم للعربيه الى يخلى الباور هورس يزيد وتزيد قوة العربية وكما ن تقدر من خلاله تتحكم فى سرعة الحوديات يمين او شمال ولكن انا كان عندى نفس المشكلة لكن حلتها بانى كنت بضغط على الزراير يمين وشمال بقوة لدرجة انى حسيت ان الكى بورد حتتكسر لغاية ما اكتشفت الـ tune وان كل ما تركب للعربية اعلى مستوى من كل المعدات اللازمة لها كل ما العربية تبقى سريعة وسهلة القيادة وهيا دى الواقعية
اما بنسبه للاخ الكريم easyenemy ان حل مشكلتك هيا انك تسطب الباتش 1.1 وتحط الكراك 1.1 والسيف بتاعك حيشتغل طبيعى
او انك تدخل عل مكان السيف وتاخد منه كوبى وتنزل ويندوز جديد على نضافة
او انك تخش على الاوبشن وتقلل الجرفك شوية لانة ممكن يكون اترفع بسسب الباتش
لكن انا متأكد ان العيب مش من الباتش فى ان السيف مش قابل اللعبه

khaled ebrahem

27-12-2007, 02:49 AM

الف شكر يا خالد ليك بس انا كنت بالفعل نزلت ال crack و واضح انك مفهمتش قصدى بالضبط , البروفيل بتاعى مش شغال على الفرجين الاصلى اللى هو 1.0 و ده عشان انا شغلتو على الجديد ف مش عايز يشتغلى على القديم تانى , اللى انا عايزو انى اشغله على القديم تانى و شكرا لإهتمامك جدا و لذوقك و لة قابلك حل ليا ابقى قوللى و شكرا ليك مرة اخرى

ممكن يا صديقى ايضا ان يكون سبب ان السيف مش عايز يشتغل علشان انت لما شلت اللعبة وستبطهاتانى حطيت سريل جديد وهو لازم تحط نفس السريال القديم وطبعا انت مش فاكر السريال القديم لكن انا عندى طريقة تعرف بيها السريال القديم من السيف بتاعك وهى:
ا - حتخش على السيف بتاعك حتلاقى اول فولدر اسمه ....ALIAS والنقط دى معناها اسمك انت المهم تخش جو الفولدر ده حتلاقى فايل واحدحتضغط عليه كلكه يمين وتختار open with وتختارمن قائمةالتشغيلnotepad دور فى الكلام المكتوب حتلاقى السريال فى اول سطر مكتوب ورا بعضه من غير مسافات خده فى ورقه وسطب بيه اللعبة ويكون دة الحل بأذن الله

khaled ebrahem

27-12-2007, 04:15 AM

تنبيه هام جدا
اولا : انا دخلت على قسم المناقشات فى موقع gamespot ولقيت الكل بيشتكى من الباتش 1.1 وانة بيتقل اللعبه وبيبوظ السيف جيم

ثانيا : اكتشفت ان كل فرجن من اللعبه والمقصود بالفرجن اشتريت اللعبه اسطوانة دفيدى من مكان ما او اشتريتها من النت وعملتلها دونلود وكل فرجن ليه باتش 1.1 مخصوص ليه

ثالثا : كل فرجن من السابق بينزل بلغه معينه لكل دولة على حدى اوروبى او امريكى وكل لغة ليها باتش 1.1 مخصوص ليها

وأخيرا : الباتش مبيذودش اى حاجة للبيلعب سنجل الباتش مخصوص للعب على النت ورك اللان يعنى
فلا داعى لهذا الباتش

http://www.dvd4arab.com/attachment.php?attachmentid=238584&stc=1&d=1198718057

khaled ebrahem

27-12-2007, 04:25 AM

موضوع جاااااااااامد

وبجد اللعبه ممتازه

وعلى فكره انا حبيت ابعتلك على الخاص

بس انته مش مظبط التراسل الخاص ليه

عندى شوية افكار فى اللعبه

حبيت احطهالك على الخاص

وانته تحطها فى موضوعك الجميل ده

علشان منكررش المواضيع

على فكرة انا دخلت على لوحة التحكم وشغلت استقبال الرسائل من الاعضاء وشكرا لردك الجميل ومنتظر افكارك الشيقة وانا عارف انها حتكون جميلة وحتعمل منافسه شريفة بين الاعضاء فى اللعبه

easyenemy

27-12-2007, 10:37 AM

الف شكر يا خالد على اهتمامك و مجهودك مشكور مشكور مشكور

khaled only

27-12-2007, 05:20 PM

مشكور يا اخي خالد
انت ممكن اعطيتني الحل لكن بعد ما قمت بحذف اللعبة

انشا الله راح ارجع اللعبة والعبها من اول وجديد بس عشان موضوعك الهايل
ومشكور

khaled ebrahem

27-12-2007, 07:01 PM

انا تحت امركم فى اى حاجة تطلبوها يا جماعة واى استفسار حرد عليه حتى ولو كان لاى حاجة تانية
ومتشكر لرددودكم الجميلة واهتمامكم العظيم

MHF

29-12-2007, 06:21 PM

هالعبها تانى عشان موضوعك دة يابشا

DJ_KamBoosha

30-12-2007, 04:24 AM

ايه المشكلة فى وجود مدينة و انا اروح لمكان السباق ؟؟
ايه امتع من انك تجرى بالعربية ، و وراك كومة عربيات بوليس ده غير الهليكوبتر اللى ممكن يظبطك لو مشيت فى مكان مفتوح ؟؟
بلاش كل ده ، التراكات الجديدة قصيرة و مملة !!

مع احترامى للجميع most wanted كانت التوب ، و كاربون حطوا فيها حاجات جديدة لكن ما وصلوش للمستوى المطلوب ، و فى اقل من سنة نزلولنا النسخة الجديدة دى ... نيد فور سبيد برو ستريت مش عاجبانى يا رجالة !

555557

30-12-2007, 10:12 AM

شكرا ليك يا باشا و انا فعلا قفلت اللعبة دى بع 4 ايام من نزولها

Secret One

31-12-2007, 01:38 AM

بسم الله الرحمن الرحيم

الف شكر ياخالد على الموضوع الرائع دة

وجهــــة نظر سلـــــيمة 100% وأحيـــك عليــها

ياريت الكل يغير وجهة نظره تجاة النسخة السنادى لان شفت كتير هاجمو اللعبة واعترضوا عليها إعتراض كبير

وبصراحة مكنتش مصدق الكم الرهيب دا ضد النسخة السنادى NFS Pro Street

ياجماعة NFS Pro Street السنادى رائعة رائعة و رهيـــــــــــــــبة وبكل معانى الكلمة

كفاية تجسيمها والجرافيك الاكثر من رائع وهي كلمة قلها منتج اللعبة More Realistic انها حقا اكثر واقعية

ونظام الكرير دا لوحدة حكاية ونظام ال Race Days الموجودين فى كل Showdown من التلاتة وفى أخر الـ 3 Showdown هتلاقى اللعب الحقيقى الاكثر صعوبة مع اقوى المحترفين فى عالم السباقات اللى هو RYO الجبار هتلاعبة ولازم تهزمة علشان تبقى الكينج

وكلمة قلها المنتج ايضا ان اللعبة (NFS PS) اكثر صعوبة واطول فى ال Career بـ 3 اضعاف NFS Carbon

النسخة السنادى ياجماعة صدقونى ومش هيقدر كدة الا اللى بيلعب NFS وعارف باقى الاجزاء نظامها اية كفاية الاصوات والموئرات داخل اللعبة ونظام ال NOS الجديد وتخصيص كل عربية لنظام دفع معين مثلا فى الدفع الامامى الاقضل فى الطرق المفتوحة وايضا الدفع الخلفى والدفع الرباعة كما هو الحال فى ال Lancer EVO 9 وايضا كما هو الحال فى الـ Pagani zonda التى تصل عدد الاحصنة الى أكثر من الف 1000حصان والله وشوفو قوة العربية عاملة ازاى دا غير الاضافات الرائع الجديد داخل اللعبة من سيارات وAccessorise اكثر من سابقتها NFS C دا غير رجوع الدرفتات Drifts من جديد فى هذة الاصدارة وطهور انواع جديد من السباقات ومزايــــــــــا لا حصر لــــــــها

على عكس سابقتها NFS Carbon وبالاخص NFS MW وايضا NFS UG2 السيارات كلها زى بعض تلعب باى وحدة وفى اى طريق وفى الاخر تقفل اللعبة والسلام لأ دا هنا كل كذا عربية مخصصة لطرق معينة ومش أى طريق تقدر تلعب فى بأى عربية ودا مش عيب دى ميزة رائعة وحقيقيةة بالفعل واكثر واقعية فى الواقع يعنى مثلا فى اللعبة ال Impreza متقدرش تلعب بيها فى طرق ال Drifts وهكذا وايضا بيساعدك على اختيار افضل عربية لافضل طرق مخصصة لها

علشان كدة لازم تلعبها وكل اللى لعبوها ورجعو غيرو رائيهم فيها لعيوب طفيفة ذى مثلا اللى دخل اللعبة وبدأ الCareer ومكملش حتى طريق ويخرج يقول انها اسوق نسخة فى تاريج NFS وبعدين يقوم مسحها وطيب ولية ،،، علشان لعب طريق واحد فى اللعبة غير رائية ،لا ياجماعة انــــــصح الجميع بالمواصلة فى اللعب وحتشوفو بنفسكم مدة جدارتها فى عالم العاب السرعة وصدقونى ياجماعة والله إسألو مجرب وخبير وانا على استعداد لحل اى مشكلة تقابل اى حد تخص NFS انشاء الله

وانصح الجميع مع بداية ال Career اختيار الـ Option الاخير وهو KING علشان تقدر تعيش السرعة وتحس بقدرة العربية والتحكم بها تحكم كامل وتام على عكس الاختيار الاول والثانى (او بالنسبة لكل اللى بدء فى اللعبة ممكن يغير نظام اللعبة من اى Option الى KING

ملحوظة : الاختيار الثالت KING أكثر أكثر صعوبة وبالذات بعد 20% من الـ Career ولاكن يتيح لك التحكم التام بالعربية بأكثر صعوبة وإثارة وواقع..

واتمنى ان أكون قد وفقت فى تعديل وتصحيح بعض الافكار الخاطئة التى ثبتت ف اذهان من لعبوها

والف شــــكر مرة تانية ياخالد على هذا الموضوع الرائع

تم تقفيل اللعبة بنجاح على مستوى KING وكل الـ Dominated , Race Days 100% Completed

:great:

وأحيك ياخالد وأحيى اى واحد يلـــــــــــعب NFS أجمد ناس:cool:

تقبلــــــــــــو من خالص التـــــــــــــــــحية

والســــلام عليكم ورحمة الله وبركاتة :cool:

meslo2007

31-12-2007, 02:25 AM

thankessssssssssssssssssssssssssssssssssssssssss

~A7meD_RauL ~

31-12-2007, 07:08 PM

khaled ebrahem

31-12-2007, 08:26 PM

تسلم يا مان على الموضوع الرائع
اسمحلى انا عندى سؤال فى السباقات نوعيه سباق اسمهاSector Shootout
اتمنى ان توضح ما معناه فى اللعبه بما انك قفلت اللعبه زى ما بتقول
ولك منى جزيل الشكر

تحياتى

انا فعلا السباق الوحيد ال مشرحتوش هو sector shootout وهو سباق عباره عن اربع نقاط فى اللفة من اول متبدء السباق لغاية النقطه الاولى لازم تحقق اكبر رقم ممكن وده بيظهر امامك اول مايبدء السباق بين كل نقطه واخرى على شكل عداد تنازلى فى اعلى وسط الشاشه
وبتحاول انك توصل الى النقطه التاليه وتحقق اعلى رقم بيظهر فى العداد امامك بانك تسوق بأحتراف واذا حققت فى اول لفة لانه بيديلك فرصه تمر على الاربع نقط فى ثلاث لفات اعلى نقط بيديلك جائزة 500 درجة زيادة
المهم انك لازم تحقق فى كل نقطة اعلى درجات علشان تكسب السباق

essam_000

01-01-2008, 01:34 AM

thanxxxxxxxxxxxxxxxxx

~A7meD_RauL ~

01-01-2008, 07:03 PM

الف شكر يا مان على الشرح
تحياتى

wild7osny

01-01-2008, 08:07 PM

khaled ebrahem

02-01-2008, 01:19 AM

انت بتقول لازم تتعلم امتى تفرمل وامتى تجرى بالعربيه وكيفية القيادة الصحيحه وهيا دى المتعة والتحدى خلاص مبقاش الكلام الفاضى بتاع الاجزاء السابقه الى كنت بتدوس فيها بنزين وبس وناسى اى حاجه اسمها فرامل
7 - اللعبة دى بتتحدانا ومكتوب فيها (( حنشوف مين السواق على حق ومين فعلا الى بيعرف يسوق ))

انا كنت فاكر في حاه غلط عندي في الكنترول بتاع العربيه
دة لو كلامك صح و ان دى طريقه اللعبه تبقى لعبه فااااااااااااااشــله

ثم انت بتقول ان الاجزاء اللي فاتت وحشه يا راجل حرام عليك انت نسيت كاربون دي بجد احلى لعبه عربيات نزلت تحكم ممتع انت بتلعب يعني لازم تستمتع و برو ستريت دي غلسه اوى في التحكم
انا اساسا كنت داخل اسال هو في غلطه في الكنترول عندي و لا ايه النظام
بس لو كلامك كدة يبقى مليش في كاااااربون

اولا شكرا لردك ومرورك على الموضوع
ثانيا متقولنيش كلام انا مقلتوش
انا مقولتش ان كربون وماست ونتيد وحشين بالعكس انا مقفلهم عشرات المرات بسبب حلواتهم
لكن EA المره دى قررت انها تلتزم بالواقعية سواء فى الجرافيك اوالجيم بلاى وبعدين الكنترول مش صعب اوى كده زى ما بتقول بالعكس هو سهل وفى نفس الوقت واقعى يعنى لازم تفرمل بحساب وتدوس بنزين بحساب ومعا الوقت حتاخد على اللعبه ولما توصل فيها لـ%20 حتلاقى الموضوع اختلف واللعبه بقت بسيطه والكنترول سهل لانك بتبقى اتعلمت خلاص قواعد اللعبه وساعتها حتغير رأيك تماماوحتعرف ان الـ عمل ماست ونتيد وكربون ما يعملش العاب فاشله ده كمان قمة الاثارة حتوصلك لما توصل فيها لـ %50 وساعتها حتعرف هدف اللعبة وبتتكلم عن ايه
واخيرا احب اقولك اذا كان ده رأيك انابحترمه جدا ولكل واحد رأيه وذوقه واختياره للالعاب وشكرا ليك مرة اخرى وتحت امرك فى أى استفسار

إنًسَانِ

02-01-2008, 08:12 AM

موضع رائع فعلا

wild7osny

02-01-2008, 03:02 PM

انا هحاول اوصل لنص الكريير زي ما بتقول يارب كلام يبقى صح اصلك متعرفش الاحباط اللي انا فيه انا كنت مستنىاللعبه دي من اد ايه

معلش نسيت اقولك ان الموضوع رائع جداااااا

شكرا

555557

02-01-2008, 04:40 PM

ال Drift هى احسن حاجة فى اللعبة

khaled ebrahem

02-01-2008, 05:41 PM

ال Drift هى احسن حاجة فى اللعبة

الـ drift من اجمد السباقات الى عايزة واحد حريف يقدر يتحكم فى العربية علشان تامريك بيها على اعلى سرعة ممكنه واطول وقت ممكن قبل السباق ما يخلص وهيا فعلا متعة كبيرة جدا لما تلاقى نفسك حققت اكبر رقم لكن السباقات الـ عجبتنى فعلا وأمتعتنى هيا الـ speed challenge و top speed run بكل طرقهافعلا فظيعه ومنتهى التحدى والتركيز والخطورة
وشكرا لردك الجميل واشكر كل من مر على الموضوع

thebeginner

20-01-2008, 06:51 PM

مشكووووووووووووووووووووور

exit1988

20-01-2008, 09:45 PM

يا جماعه انا عندى سؤال عن سباق ال wheel compition

أنا عارف أن لازم العربيه تكون ليها هورس باور عالى عشان كده انا اشتريت
FORD SHELBY GT 2006
وخصصتها لسباقات ال DRAG

بس مش عارف أرفع عجلات العربيه عن الطريق خالص ولو لمتر واحد

ياريت اللى قفلوا اللعبه يقولولى أزاى بترفع عجلات العربيه عن الارض وتكسب السباق ده

شكرا على الموضوع الجميل

microsoft11

21-01-2008, 12:07 AM

موضوع بجد تحفه يا مان وانا اشكرك على المجهود الخرافى اللى انته عامله وبجد انا اول ما لعبت اللعبه دى مليت منها بس حاولت اتحدى نفسى فيها لاقيتها لعبه مالهاش حل ومافيهاش ملل الاجزاء اللى فاتت بس انت عارف انا مفتقد اوى فى الجزء دا سيارات البوليس بجد كانت بتعمل شغل عالى فى اللعبه بالذات لو انت مخنوق او مضايق وبتلعبها علشان تنسى مشاكلك.............!

cena2005

21-01-2008, 06:36 PM

انا بعد ما نزلتها مسحتها مش عاجبانى خالص
موست ونتد برقبتها....

sh3waza

23-01-2008, 09:14 PM

أولاً موضوع 10/10 على الموضوع وعلى فكرة انا مشاركاتى قليلة جداً ومبرضتش على حد إلا إذا كان الموضوع عاجبنى قوى فعلاً أحييك عليه 0
ثانيا أنا مرضيتش أجيب اللعبة والعلبها من الكلام قلى سمعته عنها انها افشل لعبها نزلتها Nfs بس بعد ما شفت موضوعك بدءت ادونلودها علشان شوقنى انى العب اللعبة ولو على سبيل التجربة الأول وان شاء الله هارود عليك اول ما العبها

زي ما انتا عايز

23-01-2008, 11:19 PM

معلش يا خالد انا واقف في حته اني المفروض ارفع العربيه ومعرفش ازاي ومن ساعتها ومش بلعبها ونفسي جدا اعرف يريت تقولي اكون شاكر جدا ليك

ams_aboali93

02-02-2008, 02:04 PM

يسلمو بس ياريت تعلمني كيف بدي العب سباق عادي لاني ختمة العبة ومو عارف اللعب سباقات عادية وازبط سيارة والعب فيها ياريت تساعدني

khaled ebrahem

16-02-2008, 05:09 PM

معلش يا جماعة انا المده الى فاتت كنت مشغول تماما وانا اسف على التأخير فى الرد على استفسرتكم

khaled ebrahem

16-02-2008, 05:16 PM

بالنسبة للعضو الكريم(( زى ما انت عايز)) علشان ترفع عجل السيارة الامامى لمده طويلةلازم تنقل منوال فى الوقت المناسب من سرعه الى سرعه وفى نفس الوقت تدوس نيتروس مع التحكم التام فى السياره وكل ده بيحصل بسرعه وهنا بيختبر قوة استجبتك السريعه
ثانيالابد ان تكون سيارتك ذات قوة دفع خلفى وليست امامى وده بتختاره اثناء شراءك للسيارة

sh3waza

16-02-2008, 06:42 PM

moa6n

04-03-2008, 06:02 PM

موضوع جميل لكن معلش انا عندي كل انواع nfs من highstakes حتي prostreet , بأمانة انا شايف انها اكتر لعبة مملة السنة دي
و انصح ب juiced_2

http://files.playstatic.com/xbox/juiced/2.jpg

lovedody_a1

05-03-2008, 06:16 AM

انت شايف كده يامان
انا راميها عندى ف ...
اللبه ممله ومفهاش اى اثارة
والجيم بلاى بتاعها عبيط
طب ف عربيه totaled
تفضل زى مهيا ف الشكل
؟؟؟؟؟؟؟؟؟
بعد متتهبد ستوميت حته
ولا هيا صفيح

اه اللعبه واخده
6.00
ف تقدير اكبر موقع العاب
gamespot
يعنى فاشله فشل سحيييييق

DIESEL87

06-03-2008, 05:30 PM

nefsi a3ref a7san 3arbia al3eb beha sprrd chelange

DIESEL87

06-03-2008, 05:31 PM

nefsi a3ref a7san 3arbia al3eb beha speed chelange

DIESEL87

06-03-2008, 05:34 PM

nefsi a3ref a7san 3arbia al3eb beha speed chelange
3alshan ana 60% we fe race speed chelang we kol showia e; car tet2leb
yaret ba2a 7ad y2oli a7san 3arbia al3eb beha ah?

DIESEL87

06-03-2008, 05:48 PM

nefsi a3ref a7san 3arbia al3eb beha speed chelange
3alshan ana 60% we fe race speed chelang we kol showia e; car tet2leb
yaret ba2a 7ad y2oli a7san 3arbia al3eb beha ah

Thunderboy7000

12-03-2008, 08:36 PM

على فكره هى اللعبه رائعه انا بلعبها على Xbox 360 مع Drivewheel

Mr:HOSSAM

13-03-2008, 10:45 AM

مشكور على التقرير

groggyguy

13-03-2008, 01:24 PM

شكرا لصاحب الموضوع علي الموضوع الرائع والمجهود المبذول فيه

abdalsalam

16-03-2008, 11:47 AM

khaled ebrahem

18-03-2008, 05:45 AM

شكرا علي هذا التقرير الرائع
ممكن تقولي افضل السيارات لكل سباق ايه لاني محتار في الاختيار
وبما انك قفلتها فأكيد عارف ايهم افضل
وموضوع التيون ممكن توضحه شويه وكيفية ضبطه لاني مش علرف اضبطه كويس
وشكرا لك علي مجهودك ومتابعتك

على فكره حتى لو قلتلك افضل السيارات لازم تعرف ان اللعبه معتمده على جودة القياده والتحكم فى السياره

وحكاية افضل السيارات لكل سباق موضح تماما فى الـ car lot لانهم عملين لكل سياره تقرير شامل بتقدر منه تحكم على السياره من ضمن التقرير بيقولك انواع السباقات ال تنفع فيه السياره واذا كانت متنفعش فى سباق معين برده بيقولك

اما موضوع التيون ده مبنى على اختيارك وتجربتك للسياره بعد كل تيون بتعمله علشان تعرف السياره كده تمام معاك ولا لأ

وشكرا لردك ومرورك على الموضوع وتحت امرك فى اى استفسار

khaled ebrahem

18-03-2008, 05:48 AM

nefsi a3ref a7san 3arbia al3eb beha speed chelange
3alshan ana 60% we fe race speed chelang we kol showia e; car tet2leb
yaret ba2a 7ad y2oli a7san 3arbia al3eb beha ah

احسن عربيه بالنسبه لى فى سباقات الـ speed chelang هيا( لمبرجينو)

fokak_ba2a

18-03-2008, 08:36 PM

يا ريتنى يا ريتنى يا ريتنى يا ريتنى
كونت رديت عليك فى اول صفحة عشان اقلك بس كلمتين
نيد فورسبيد عشقى منذ الطفولة

http://www.up-pal.com/uploads/5a1eb96145.jpg (http://www.up-pal.com)

fokak_ba2a

18-03-2008, 08:40 PM

يا ريتنى يا ريتنى يا ريتنى يا ريتنى
كونت رديت عليك فى اول صفحة عشان اقلك بس كلمتين
نيد فورسبيد عشقى منذ الطفولة

:glasses::glasses::glasses::glasses::glasses::glas ses::glasses::glasses::glasses::glasses::glasses:: glasses::glasses::glasses::glasses:

http://www.up-pal.com/uploads/5a1eb96145.jpg (http://www.up-pal.com)

amrrefat

19-03-2008, 03:18 AM

عندي سؤالين مهمين جدا بالنسبالي
الاول:عايز اعرف افضل عربية ممكن استخدمها في سباقdrag
الثاني:ودة شيء مهم جدا وهو ان عندي العربية في اي نوع من انواع السباقات بيحدث في الطرق الطويلة ان العربية بتجنح ناحية اليمين وطبعا لازم اظبطتها وطبعا دة بياثر على الوقت والترتيب وخاصة في drag

والف شكر

amrrefat

20-03-2008, 01:59 AM

وفي سؤال كمان اذا مش كان فيها رزالة

انا وصلت لسباق wheelie competition بس عايز اعرف ازاي اخلي العربية تترفع لفوق وتعمل حصان زي ماهو عايز

khaled ebrahem

21-03-2008, 08:36 PM

وفي سؤال كمان اذا مش كان فيها رزالة

انا وصلت لسباق wheelie competition بس عايز اعرف ازاي اخلي العربية تترفع لفوق وتعمل حصان زي ماهو عايز

بص يا باشا اولا لازم تختار عربيه بماتور ذات الدفع الخلفى فقط او انك تلعب باحلى واجمد عربيه لسباق الـ wheelie competition وهيا اول عربيه بتبدء بيها اللعبه المازدا وعلشان ترفع العجل الامامى بتتبع خطه فى سرعة التحكم وقوة التركيز من اول ما يبدء السباق وحتى النهايه
اول ثانيه بيبدء فيها السباق بيبقا النقل مانوال بتحاول تنقل نقلاتك بسرعه على شرط ان عداد السرعه ميعديش آخر شرطه خضراء الا لما تكون نقلت اذا حققت ده خلال السرعه الاولى والتانيه حتلاقى العربيه رفعت عجلها الامامى تلقائيا واول ما توصل لسرعه الثالثه وتنقل تدوس بعد النقل للسرعة الثالثه نيتروس علشان تستمر العربيه فى رفع عجلها اطول مسافه وبتتحسب لينا فى اللعبه بالـ FIT وذلك مع مرعاة عدم تخطى السرعه فى العداد اخر خط اخضر يعنى قبل ما تخش السرعه فى العداد على اللون الاحمر ولما بتحقق طبعا اعلى رقم مسافه بتكسب
وتحت امركم فى اى استفسار
عل فكره انا بلعبها لتانى مره ومستمتع بيها جدا
بتحب التحدى وتعدى الصعاب ، عندك قوة تركيز وكنترول ملوش حدود يبقى تلعب PRO STREET

desperadox911x

22-03-2008, 04:21 PM

الف شكر علر على مجهودك المتميز

Black.Angel

31-03-2008, 04:37 AM

khaled ebrahem

31-03-2008, 02:36 PM

شباب محدش اتكلم ليه عن العربيات الماكلارين و الاستون مارتن و السيات و اليكزس
كل دول بيتفتحوا إزاي
و كمان الاجزاء المتقدمه قوي ليفيل 4 في المواتير بتتفتح إزاي و في باقي الإمكانيات بتتفتح إزاي مع العلم إن الكارير 100

ياريت لو حد يرد

بص ياباشا انت بتخش الـ RACE DAY وانت مش عارف ان علشان تتفتحلك كل حاجه لازم تعمل بروكن كسر يعنى للرقم بتاع كل سباق وتحقق اعلى اسكور ممكن علشان تتفتحلك المرحله الرابعه فى CUSTOMIZE BLUEPRINT وكمان تتفتحلك كل السيارات الموجوده

fokak_ba2a

24-04-2008, 12:12 PM

يا ريت تكون لسة متابع الموضوع عشان وئعت فى مشكلة مكنتش اتوقعها
انا كسبت الكنج وعربيتو معاية الهي الانسر
بس وئفلت الكنج بتاع التركات والدراج والدرفتات بس الطريق الطويل لسة فضلى تلات تطرق اجيب فيهوم اسكور عشان افتح الطرق الطويلة ومش عارف شوف اذاى ومبالك بقا لما افتح الطرق الطوية هئفلو اذاى
معئنى جايب المبرجينى ومظبط المتور النئلات ومهبطها على الاخر وبردو بتقلب فى الطريق الصحراوى
لدرجة ان اخت السيف من ماى ديكمنت عشان اخوش اشترى عربية غيرها ولو منفعتش بروح مرجع السيف save الاديم تانى فى ماى ديكمنت عشان الفلوس ترجعلى واشترى عربية تانية اجربة
دنا كمان اشتريت العربية البسبعميت الف وبردو سريعة جدآآآآآ وبتتقلب وبقالى تلات شهور عمال اجرب فى العربيات لغايت مذهئت وفى امل بس فى عربية وحدة مش فاكر نوعها اية بس الكبيوتر بيدهالك بتلعب بيها فى تانى نجمة فى البداية بس انت بتبعها وتشتريها من الاول طبعآ وتظبطها انت بس بردو صعبة جدآ وانا بلعب على المستوى المديم المتوسط
عشان انت عارف لما بتعملها ايذى بيتحكم فى سرعة العربية وكدة طبعآ الطريق مش هيخلص بسرعة ومش هجيب اسكور
اة بوص فى ناس قالولى ان البورش المكتوب عليها تحت نو دريفت الهيا ب... 1120 دى بمتتقلبش وسرعتها كويسة
يا ريت تفدنى بخدمة صغيرة ويارت مكونش تقلت عليك : بوص صور الاوبشن بتاعك بتاع المسعدين والماتور والنئلات والربعة الفى الاخر دى وارفعها بعد اذنك عشان اعرف دة بل النسبة لعربيت المبرجينى لان للعلم يعنى مش بل العربية بتظبيت الاوبشن وتبئا عملت فيا خدمة مش هنسهالك عشان شكلى مليت منها اوى عشان خاطر الطريق دة بس :42:

fokak_ba2a

25-04-2008, 05:27 AM

دة تظبيط العربية الامبرجينى

http://www7.0zz0.com/2008/04/25/02/130185226.jpg (http://www.0zz0.com)

ودى العربية التودشى الممكن تبقا تمام فى الطريق الطويل بدل الامبرجينى

http://www7.0zz0.com/2008/04/25/02/513399063.jpg (http://www.0zz0.com)

بوص بقا يا معلم انا عايذ بس صور لتظبيت الموبشن بتاع المسعدين الهوة
اول حاجا فى الاوبشن بل النسبة لعربية الامبرجينى
بل النسبة للعربية الدوتشى لو انت اشترتها وظبطها ابعتلى صور للؤبشن بتعها

fokak_ba2a

25-04-2008, 05:48 AM

بوص بقا البورش دى واحد لسة قيلى مجربها وتفع بردو للطريق الطويل بس عايذه تظبيت اوبشن بردو
واللة مفيش عربية تنفع فى العبة دى غير لما تظبطلها الاوبشن ويا ريت لو اى حد تانى مخلص العبة دى
يقول كان معاه عربية نوعها اية فى الطرق الطويلة

http://www5.0zz0.com/2008/04/25/02/719841445.jpg (http://www.0zz0.com)

khaled ebrahem

28-04-2008, 03:55 PM

معلش ياباشا انا مضطر اقولك خبر وحش حصلى وهوا انى نزلت ويندوز جديد ونسيت اخد كوبى من الـ save بتاعى وانا لسه بلعبها من تانى ووصلت لـ 3/4 اللعبه
بس صدقنى الحكايه معتمده اكتر على تركيزك فى الطريق وانك تكون ثابت على حاره واحده ولازم تهدى فى الملفات وتسرع جدا فى المستقيمه وانا خلصت اللعبه كلها باللمبرجينو بس حاول زى ما قولت لك انك تهدى فى الملفات وتحس فعلا مع اللعبه انك سايق فى الحقيقه وانت حتكسب كل سباق حتدخله

fokak_ba2a

29-04-2008, 12:21 PM

طيب كونت عايذ اقلك ان بلعب على مستوى الكينج انت الهوة يعتبر هرد
لان فى مديم وايذى ولو انت اخترت اى مستوى تانى هوه هيتحكم فى سرعة العربية ومش هتجيب اسكور حتا عشان تئدر تقفل الدى
وكدة دى تبقا ميذا فى مستوى الهرد
عيوبو بقا ان مفيش تحكم فى الملف خالص بدوس اى اتجاة بلقى العربية برة الطريق هههههه حاجا صعبة اوى بجد معتقدش ان انت لعبتها ايذى او مديم اكيد كان هرد
وعلى فكرة انا فتحت الطرق الطويلة وخر داى ابل كينج الطرق الطويلة مش عارف اعمل فيهوم حاجا بسبب ان العربيات المعاية بتجرى صوريخ وطبعآ انا لذيم اجرى عشان احصلهوم مكلملش الطريق عشان الداى ده فى الصحراوى غير العمدان البخبط فيهوم واعت العب فى الدى دة خلصت 25 مفتاح والدى مخلص بردو
لو انت عايذ save بدل التمسح ممكن ابعتلك السيف بتاعى

HAZEM.ROBBEN

29-04-2008, 01:07 PM

لو سمحت انا واقف عند دريفت صعب جدا ضد الكينج
ومش عارف اكسبه خالص, انا ممكن ارفع ملف التسيف
ويا ريت لو حد يقدر يلعبلى الدريفت ده...

fokak_ba2a

02-05-2008, 08:28 PM

لو انت كسبت الكنج بتاع الدرفتات خوش العب بعربيتو
ودة حوار سهل انت لسة شوفت حاجا :)
انا لغايت دلوقتى فضلى داى ولعيب كنج الطرق الطويلة وبئا كدة خلصتها
86% :(

mickel2006

03-05-2008, 06:43 AM

مشكور يا مان على الشرح الوفير و مستنين لينك داونللود

fokak_ba2a

05-05-2008, 01:13 AM

ممكن تقلى انت قفلتها على مستوى اية ايذى ولا مديم ولا هرد ...

HAZEM.ROBBEN

05-05-2008, 09:51 AM

ده لينك السيف بتاعى ويا ريت لو حد يكرم
ويكسبلى الدريفت ده وشكرا>>> هـنــا (http://www.4shared.com/file/46463382/9495f490/CAREER_01.html)

™ Mr.Bluetooth

05-05-2008, 10:27 PM

الف شكر تسلم ايدك

*((MBZ))*

06-05-2008, 03:37 PM

شكرا على الموضوع

momogh

07-05-2008, 01:18 PM

يا جماعه انا مش عارف ازاى ارفع العربيه من قدام اخليها تعمل حصان يعنى برجاا اى حد يساعدنى انا معايا عربيه دودج و الهورس باور بناعها 989hpحد يكلمنى على الاميل او يرد عليا ضرورى bmw_320i_hiline@hotmail.com

fokak_ba2a

07-05-2008, 04:20 PM

انا بعتلك توبيك من شهر وقلتلك ان بقلى تلات شهور مش عارف اخلص الطرق الطويلة
شكلى هعد سنة لغايت مئفلها واللة خلصت العبة فى شهر ونص
وبقالى اربع شهور فى الطرق الطويلة عملت اخر تظبيت للعربية الامبرجينى
ومبتقلبش خالص بس المشكلة ان الكمبيوتر حاطيت معاية العربية البسبعمية
سريعة جدآ وبتخلينى اطلع التانى وبلعب ايذى على ائل مستوى
وطبعآ بعد مبخلص بيدينى خمس نقط فقط
عشان مبوصلش ابل الطيم المطلوب ودة بسبب تحم الكبيوتر فى سرعة العربية البلعب بيها
بس مش مهم انا عايذ الخمس نقط بس اطلع الاول اذاى انا بعمل اقصى تركز فى السواقة
ومبتقلبش بس ابل العلم بلقى عادانى فى ثانية
وانا دلقوتى فى اخر داى البل الكينج بتاع الطرق الطويلة
واللة كسبت ريو وخت عربيتو يعنى افلتها
بس الطرق الطيلة دى بينذل معاك سبع عربيات مبيتفهموش
دة الكنج ريو اسهل بكتير واللة عايذ بس حل اى حل بعد اذنك قلى انت بس لعبت على انى مستوى
الداى يا باشا عايذ 41.400
وعاندك ست طرق لو جبت فى كل طريق 5 نقط يبقا كلو 30 طيب يبقا اذاى تخلصو
وفى توبيك فى الصفحة التلتة واحد حاطيت صورة انو خلص العبة 100%100 طيب اذاى
يا ريت ترد علية عشان العبة دى جننتنى