نتائج البطولة الرابعة للمنتدي في فيفا 2005 [الأرشيف] - موقع الدي في دي العربي

VIPAT2

01-07-2005, 05:34 AM

وهنا نتائج الادوار النهائية بالتفصيل

دور ال 16
_________

اسامة 4-1 مصطفي
مصطفي 0-1 اسامة

____________________

علي 3-1 عبد الحميد
عبد الحميد 3-2 علي

____________________

فيصل 1-1 ديساينو
ديساينو 1-3 فيصل

____________________

ميدو 4-2 سكوب
سكوب 4-4 ميدو

____________________

شعبان 4-3 البوب
البوب 0-3 شعبان

____________________

ب.ايهاب 5-2 كمال
كمال 2-2 ب.ايهاب

_____________________

امون 4-2 ميمو
ميمو 4-4 امون

____________________

احمد 4-2 سيد
سيد 0-2 احمد

____________________

وبهذا انتهي دور ال16

VIPAT2

01-07-2005, 05:35 AM

دور ال 8
________

علي 5-1 اسامة
اسامة 4-2 علي

_________________

فيصل 1-4 ميدو
مديو 7-3 فيصل

_________________

شعبان 3-2 ب.ايهاب
ب.ايهاب 0-1 شعبان

__________________

امون 3-1 احمد
احمد 4-3 امون

___________________

وبهذا انتهي دور ال 8

VIPAT2

01-07-2005, 05:36 AM

دور ال 4
_______

علي 5-4 ميدو
ميدو 4-4 علي

______________

شعبان 4-3 امون
امون 5-3 شعبان

_______________
وبهذا انتهي دور ال 4

VIPAT2

01-07-2005, 05:40 AM

ومباراة الثالث والرابع كانت بين
شعبان وميدو
وفاز شعبان 5-2

VIPAT2

01-07-2005, 05:43 AM

والمباراة النهائية كانت بين

علي وامون
وانتهت بفوز علي 7-4

وتوج (( علي فينجر )) VIPAT2 بطلا للبطولة

VIPAT2

01-07-2005, 06:03 AM

واليكم بعض الصور التي التقتطها كاميرة ( اي كلام والسلام )
من موقع البطولة

VIPAT2

01-07-2005, 06:08 AM

وهنا باقي الصور

كان معكم مديحة حاتم
(( جريدة اي كلام والسلام ))
من موقع الحدث

VIPAT2

01-07-2005, 06:27 AM

تصنيف الاعبين سوف يكون كالتالي

دور ال8 ===> نقطتان
دور ال4 ====> 4 نقاط
النهائي ====> 6 نقاط
الفائز بالبطولة ==> 8 نقاط

والتصنيف كالتالي

shoka

01-07-2005, 06:28 AM

الف مبروك يا على بالفوز بالبطوله والحتفاظ بالكاس

المفروض يا جماعه ان احنا نهىء على ونشكره على التنظيم الرائع للبطوله
وانا وسمسم كنا سعداء للتعرف على كل الرجال الذين شاركوا وخصوصا بطلها النجم على

بس على فكره يا على حظك حلو انك ملاعبتنيش كان ممكن يضيع منك الكاس :d :d :d

وبعدين المفروض ان كل الاهلاويه منسمعش صوتهم لمده 10سنين لان النجم على ظبطهم كلهم

VIPAT2

01-07-2005, 06:51 AM

شكرا يا شوكا باشا
ويارب تكون انت اتبسط بس
عشان ديه اهم حاجة
وطبعا مش انا اللي كسبت بس
ده الزمالك والارسنال كمان ولا عزاء للباقين

VIPAT2

01-07-2005, 07:01 AM

تصنيف المنتدي للفيفا 2005

1 علي ====> 26 نقطة
2 فيصل ====> 14 نقطة
3 اموون ====> 10 نقاط
4 مجدي ====> 10 نقاط
5 نبيل ====> 8 نقاط
6 شنو ====> 6 نقاط
7 فودي ====> 6 نقاط
8 مرتضي ====> 6 نقاط
9 ميدو ====> 6 نقاط
10 شعبان ====> 4 نقاط
11 اسامة ====> 2 نقاط
12 عبد الحميد ==> 2 نقاط
13 كمال ====> 2 نقاط
14 احمد ====> 2 نقاط
15 سكوب ====> 2 نقاط
16 ديساينو ====> 2 نقاط

VIPAT2

01-07-2005, 07:10 AM

وقد صرح مسئول من جريدة (( اي كلام والسلام ))
ان الجريدة نجحت في اجراء حوار مع الكابتن علي فينجر بعد البطولة مباشرة
وسوف يعلن الحوار اليوم ان شاء الله

VIPAT2

01-07-2005, 07:12 AM

اما عن بطولة الزوجي فقد فاز بها سكوب وديساينو
بعد تغلبهم علي كمال واحمد في المباراة النهائية
بنتيجة 6-2

Dr_M_N@bil

01-07-2005, 07:36 AM

الف الف مبروك يا علي
تستاهل يا باشا
و انا الخامس في التصنيف
مع اني جيت مرتين بس
و الله كويس

محمد ابراهيم

01-07-2005, 09:57 AM

الف مبروك يا على و البطولة كانت روعة الصراحة

و المرة الجاية هشترك ان شاء اللة

و هتلاقوا وحش قدامكم

sheno0000

01-07-2005, 10:36 AM

الانشكاح قبل الانفتاح
العدد:1899 تاريخ:1/7/2005 الطبعة الاولي

"علي من جديد..انسان من حديد..فاز بالبطولة الرابعة....وكشف عن كل الاقنعة"
استقر كأس بطولة الديفيدي في جسر السويس في منزل علي وذلك بعد حصوله عليه للمرة
الثالثة ..اتسم علي في المباريات بالهدوء والطمائنينة واحساسه غير العادي بالمسئولية الملقاة
علي كتفيه..فتراه في دور ال32 يطيح بمنافسيه بهدوء وهو منهمك جدا في التنظيم..
ثم يصعد الي دور ال16 ويطيح بمنفسه وهكذا حتي دور قبل النهائي والذي كان من الممكن
ان يضيع منه ولكن لتركيزه واصراره طاح باسامة(اكتر واحد اتكلم..لا مواخذة يا ابو اسامة)
ويصعد الي النهائي ليقابل امووون لتشتعل المبارة اموووووون يضغط وعلي يتماسك ثم يحرز
اول اهدافه وبعد ذلك يفلت الماتش من ايدي امون ويتحكم علي في مجريات الامور..ولايستطيع
علي نفسه ان ينكر الفضل الكبير للمشجعين..حيث انك تري ان جميع المشتركين في البطولة في
المبارة النهائية كانوا يشجعون علي(كان من باقيت اهليهم يعني)..

"افراح انجليزية باقدام زماكوية..علي الحديد يعيد البسمة من جديد"
حقا تستحق يا علي ان تكون نجم اللعبة محليا...ولكن لما لا تفكر بالاحتراف خارج البلاد..؟؟

في صفحة الحوادث.."خروج مشين من دور الاتنين وثلاثين"
خروج لرئيس التحرير من دور ال32 ..وبعد لقاء صحفي مع الكابتن shenoo اعرب عن اسفه
الشديد عن الخروج مبكرا واعطي اسباب وافق عليها وتقبل عذره الجماهير التي كانت تشجعه...
وهي انه خرج بفارق الاهداف..وانه كان يملي فكره الخوف من الامتحان المقبل (غدا ان شاء الله)

وايضانقرا تحت هذا البند خروج بوبو الذي كان يتوعد علي بفارق الاهداف مثلي تماما..

"اين البطل الغائب...فيصل اغلي الحبايب"
خرج فيصل من دور ال8 وهو علي غير مستواه...كان يتوعد علي وعاد يجر اذيال الخيبة

"اشخاص جديدة باعمار الزهور....حضرت الي البطولة وحاولت العبور"
لاتعليق منعا للمشاكل السياسية..

رئيس مجلس الادارة:sheno0000
لمزيد من المعلومات:www.el_ensheka7.com

Dr_MoStAfA

01-07-2005, 10:55 AM

اف مبروك البطولة شكلها جامد طحن

cavallero

01-07-2005, 12:32 PM

مبرووووووووووووووك يا علي يا جن :).......انا فخوووور بيك يا علي يا بني .....انت من الأحرار يا علي.......كده الواحد اطمن علي نفسة....بيخرج من البطولة علي يد عمالقة اللعبة.....مرة من مجدي وطلع تاني البطولة التالتة.....ومرة من علي وحش الديفيدي. صائد البطولات...معشوق الهايبري والجاننرز في العالم....انت المفروض يتعملك تمثال في لندن يا بني والله :)...الف الف مبروك يا علوة.....البطولة الجاية بسرعة عايزينها....التنظيم بجد كان جميييييل....وبرضة احب اشكر رجال الأمن علي التنظيم الرائع والسيولة المرورية اللي خلتنا نحس ان احنا رايحين نتمتع في استاد المطرية....بس ياريت يا علي تحلو مشكلة الأحصنة الللي علي البوابات عشان كان في حصان هيرفسني امبارح وانا داخل....اشوفككو المرة الجاية يا شباب

cavallero

01-07-2005, 12:36 PM

واحب برضة اقول انني بجد سعيد جداً انني اتعرفت علي الشباب اللي زي العسل شنودة وعبد الحميد وأمون وشعبان ومدحت وفيسو وايهاب وفيصل ومصطفي واحمد وبوب و..و.و......مش عايز انسي اسماء بجد شباب زي الفل.....متنساش بقي يا شيينو.البنات ...تبعتلهم الصور ها...انا مستني الميسدات والتليفونات اشوفكم علي خير المرة الجاية ان شاء اللة وياريت بسرعة

sheno0000

01-07-2005, 02:53 PM

انا اللي سعيد جدا اني اتعرفت عليك يا اسامة باشا...

انا عملت اللي اتفقنا عليه...وردت عليا واحدة وبعتت صورتها مع جوزها القديم
وهي مطلقة دلوقتي ومستنية رايك وهي مستعدة تشيل تكاليف الفرح وكده
انا راي توافق علي طول.....هههههههههههههههههههه

الصورة في المرفقات..هي عايزة اسامة بس محدش له دعوة بيها..!!!

Dr_M_N@bil

01-07-2005, 03:32 PM

sheno0000

لأ بجد

انت مجرم تصريحات صحفيه

Dr_M_N@bil

01-07-2005, 03:35 PM

يا جماعه احنا عايزين رأي الناس
البطوله دي تبقي اسبوعيه و لا كل اسبوعين

Scooop

01-07-2005, 03:44 PM

الف الف مبروك يا على باشا
تستحقها عن جدارة والله ياواد
ياسلام عليك يا واد يا على غزال الجنرز بس فى الفيفا
ومبروك على الاحتفاظ بالكاس مدى الحياة
وكاس البطولة الجاية على حسابك يا نجم عشان تبقى تكسب بقى

cavallero

01-07-2005, 03:49 PM

هههههه بس تصدق يا شينو هي حلوة.....وصباعها اللي في مناخيرها ده احلي حاجه فيها....تحس فيها انها مليانه خيير !! :)...........
البطولة في رأيي تبقي كل اسبوعين بحيث مانلغيش كل خميس من كل اسبوع في ناس عايزة تسافر ناس عايزة تخرج كده يعني...دة رأيي المتواضع

eng_amroo

01-07-2005, 03:50 PM

يا جماعة انا شايف انها تبقي اسبوعية علشان احنا في اجازة و في وقت فضب كتييييييييييييييير ومفيش حد وراه حاجة

Scooop

01-07-2005, 03:50 PM

فى اول تصريحاته بعد الخروج المشين من دور ال16
اكد معتز انشيلوتى على تقديم استقالته من تدريب فريقه الحبيب الميلان لانه قدراته الفنية اصبحت ضعيفة جدا
ولا تتناسب مع عراقة و عظمة الميلان
متمنيا للميلان الافضل دائما و ابدا معكلمنيلعب بالميلان وخصوصا كمال باشا

Scooop

01-07-2005, 03:55 PM

وتهنئة كبيرة قوى ليا انا و كبلى البركة ديساينو باشا
بمناسبة فوزنا ببطولة الزوجى
الف مبروك يا بركة
واحنا بنحذر الجميع بعد كده مننا فى الزوجى

eng_amroo

01-07-2005, 04:05 PM

يا علي باشا يا ريت تنزل بقيت الصور انت و شنو
وعايزين نشوف الردود علي حكاية البطولة الاسبوعية

Dr_M_N@bil

01-07-2005, 04:05 PM

Scooop

ماشي يا كبير يا بتاع الزوجي

medoelboss

01-07-2005, 04:16 PM

مبروك ياعلى على البطولة

sheno0000

01-07-2005, 05:23 PM

sheno0000

لأ بجد

انت مجرم تصريحات صحفيه

تسلملي يا كبير واحنا نيجي حاجة جنب كبير مشجعي النادي الاهلي

sheno0000

01-07-2005, 05:26 PM

والف مبروك عليك يا معتز باشا انت وديساينو علي بطولة الزوجي..

VIPAT2

01-07-2005, 05:55 PM

شكرا يا شباب علي الردود الحلوة ديه
وطبعا بشكر شنو علي نجاح الجريدة وربنا يوفقه
في لقب مراسل البطولة

hmama

01-07-2005, 05:56 PM

ارجو ان تكون البطولة كل اسبوعين لمزيد من التشويق وارجو ان تكون يوم الجمعة علشان الناس الى عندها شغل تقدر تيجى وانا واحد منهم الى منعنى من اللعب البطولة السابقة ظروف الشغل
فارجو تغير الميعا
وارجو ان تعلمونا بمعاد البطولة القادمة

VIPAT2

01-07-2005, 05:58 PM

ايه يا جماعة في موضوعين يا ريت اخد رأي الناس فيهم

اول حاجة ميعاد البطولة
يكون الجمعة ولا وسط الاسبوع
وتاني حاجة ممكن اشتراك منتخبات ولا لأِ

VIPAT2

01-07-2005, 06:00 PM

قرر المسئول الرسمي لتنظيم بطولات الديفيدي
باعطاء لقب مراسل للبطولة

للصحفي الدكتور الشاب شنو
نظرا لمجهوداته الجباره في التغطيه الكاملة للبطولة

mimoo2000

01-07-2005, 06:01 PM

الف مبروك ياكبير الفوز بالبطوله والاحتفاظ بالميداليه مدى الحياه واوعى ترجعها تانى لمحمد نبيل

وياريت تخلو البطوله اسبوعيه علشان فيه ناس كتير عايزه تشترك

:5shocking :5shocking :5shocking :5shocking :5shocking
:5flowerfa :5flowerfa :5flowerfa :5flowerfa :5flowerfa

VIPAT2

01-07-2005, 06:03 PM

الله يبارك فيك يا ميمو
وانت كمان شد حيلك في البطولات الجاية بئا

VIPAT2

01-07-2005, 06:05 PM

فين باقي التصريحات وفين باقي الناس

أيمـن

01-07-2005, 06:14 PM

الف مبروك الكاس الغالية لعلي فخر الزملكاوية
وشكرا للمنظم الكبير محمد نبيل فخر الاهلاوية
واذا كنتم عايزين رأيي في الموعد فالاحسن كل اسبوعين
والمعاد اذا اتفقتم على تغييره يبقى في اول الاسبوع سبت او احد

Dr_M_N@bil

01-07-2005, 06:27 PM

من الاخر
انا شايف ان البطوله تبقي يوم الخميس و نتجمع علي الساعه 5 بدل 4 كل اسبوعين
و شايف ان يبقي مافيش منتخبات عشان اقوي من الانديه بكتير
و عايزين ناخد اصوات الناس اللي معانا

cavallero

01-07-2005, 06:47 PM

يوم الخميس يا جماعة ده أنسب يوم..كل اسبوع او كل اسبوعين ...مش مشكلة بالنسبة لي...

Sesko

01-07-2005, 07:05 PM

مبررررررررررررررررررررروك علي علوة
وعقبال الخامسة

sheno0000

01-07-2005, 07:18 PM

قرر المسئول الرسمي لتنظيم بطولات الديفيدي
باعطاء لقب مراسل للبطولة

للصحفي الدكتور الشاب شنو
نظرا لمجهوداته الجباره في التغطيه الكاملة للبطولة

شكرا ياعلي باشا واحنا بنوعد كل المشتركين بمجهودات اكبر والارتقاء بمستوي الصحافة عاليا
وهارخص اللحمة وهانعمل الcta بربع جنبه...هههههههه

sheno0000

01-07-2005, 07:24 PM

انا راي معاد الخميس ده مناسب جدا...وطبعا بعد اذن نبيل الساعة اربعة كويسة جدا علشان
انا وميمو ساكنين في الهرم فنلحق نروح وكده..
وانا برده راي انها تبقي كل اسبوع هاتبقي جامدة ....وبعدين مين يقدر مايشوفش الناس
الحلوة ده لمدة اسبوعين..؟؟؟؟!!!!

Dr_M_N@bil

01-07-2005, 07:55 PM

sheno0000

خلاص يبقي نثبتها علي كده
انا فكرتي ان الناس هتزهأ لو كل اسبوع

moamen_chan

01-07-2005, 08:05 PM

مبروك يااخ على الفوز بالبطوله الرابعه واحنا كاهلاويه بنبركلك بالبطوله ودى هى الروح الرياضيه اللى بيتمتع بيها كل الاهلاويه مش الزملكاويه وصدق من قال ان الاهلى جمهوريه

mimoo2000

01-07-2005, 09:11 PM

بالنسبه لمعاد البطوله خليها مثلا اسبوعين وراء بعض وبعد كده راحه اسبوع
ويوم الخميس معاد ممتاز

KABAB007

01-07-2005, 11:40 PM

انا فى البداية احب اهنى الكابتن على الكبير على الفوز المستحق بالبطوله واحتفاظه بالكاس مدى الحياه واحب اهديله اغنيه(( من حق الكبير يدلع ))واهنى بردو الكابتن الكبير فيصل رغم الأداء الغير متوقع والهزيمه من الكابتن ميدو
((بلدياته)) صاحب المستوى الرفيع نتمنى التوفيق للجميع فى المرات القادمه !!!!!!

KABAB007

01-07-2005, 11:46 PM

مع التحيات الخاصة الحاره للكابتن الكبير الميلانى الأصيل سكوب باشا اللى نكر جميل الميلان بعد مافاز علينا
فى نهائى الزوجى بالارسنال واتمنى له كل التوفيق فى البطولات القادمه وان شاء الله هيرجع لعقله وللميلان المحتاج له
فى ظل وجود كباتن بجد فى قيادة الارسنال امثال على وفيصل و ديساينو على سبيل المثال لا الحصر

KABAB007

01-07-2005, 11:57 PM

بعد اذن الجميع انا رايي ان البطوله تكون الخميس كل اسبوعين فى اى وقت عشان الناس متملش
وتكون متشوقه للعب وانا بحذر كل الناس عشان تستعد المرة الجايه كويس للبطوله الزوجى اللى
خطفها منا المرة دى الكبل الرائع اصحاب المراكز المتقدمه فى التصنيف سكوب و ديساينو بس المرة الجايه يا سكوب خلى بالك!!!!!!!!!!!!
واحب اهنى الكبلز الرائع ((على & شعبان )) بعد تلقى الهزائم المتتاليه فى الدوره الزوجى و انسحابهم من المباراه الأخيرة امام ((مجدى & نبيل )) خوفا من زياده الاهداف بعد الهزيمه من الكبلز الرائع ((سكوب & ديسلينو )) 4 - 0 و ((احمد & كمال )) 5 - 1 مع الرافه (((لا مؤاخذه يا على )))

Sesko

02-07-2005, 12:06 AM

هاااااااااااااااى شباب انا سيد
قريب بطل الفيفا بقوله الف مبروك يابطل وعقبال المليون بطوله

وعقبال لقب بطل القرن فى الفيفا

medoelboss

02-07-2005, 12:08 AM

انا رايى تكون البطولة يوم الخميس وتكون كل اسبوعين علشان الناس متملش
او تكون اسبوع بطولة فردى واسبوع زوجى
والساعة4 كويس
وانا مع الاغلبية

medoelboss

02-07-2005, 12:12 AM

هاااااااااااااااى شباب انا سيد
قريب بطل الفيفا بقوله الف مبروك يابطل وعقبال المليون بطوله

وعقبال لقب بطل القرن فى الفيفا

دى بعيدة عن عين الزمالكوية

Sesko

02-07-2005, 12:13 AM

مبروك علوة وعقبال لقب بطل القرن

KABAB007

02-07-2005, 12:17 AM

الله ينور عليك يا ميدو يا جن ايوة كدة هى دى الاراء الجامدة وانا معاك ويا ريت يا على تعمل تصنيف لبطولة الكبل عشان تزيدها حماس وراى ميدو هيزود المشتركين عشان المرة اللى فاتت كانت متاخرة

sayed f1

02-07-2005, 01:26 AM

مبروك ياعلى وياريت البطوله اللى جايه يكون
فيها منتخبات (((واجهزه كويسه))) وأوعدك انى مخسرش بسهوله
كان نفسى اللعبك بس معلش المره الى جايه

theblackpirate

02-07-2005, 01:47 AM

يا جماعه احنا عايزين رأي الناس
البطوله دي تبقي اسبوعيه و لا كل اسبوعين

انا عن نفسى عايزها يوميه يا عم نبيل كفايه ان احنا بنقابل ناس جدعان زيك انتا وعلى وبقيه الناس كلها
خليها كل اسبوع وافتحوا توبيك وهتلاقوا الكل بيجى واحنا ورانا ايه بعنى
توكل على الله واعملها كل اسبوع

xeroxx

02-07-2005, 01:50 AM

مبروك لابو الكباتن علي فينجر او علي لوز مش هاتفرق كتير علي البطوله و احب اقولو بعد ما غلب التلاته الصعايده ثلاث مبريات من اصل اربعه انو مايخرجش من بيتهم لان يا علوه يا ابني احنا هنا بنقول التار و لا العار و احب كمان كمان اقول ان ظروف السفر و الارهاق كانت عامل اساسي في الهزائم دي و زي ما قولتلك يا علوه يا حبيبي غير الخطه دي بقي لان الثغره اتفقست و متنساش ان انا غلبتك بسببها في اخر ماتش بينا ولو ناوي تكمل بيها يبقي تزرع الكام فدان الي بين الدفاع و الوسط بتاعك دره علشان المهاجمين بتاع الفرق الي قدامك تتوه في الدره و انا كان ليا تعليق بسيط جدا علي لعبك و ده رائي الفني ان انت كسبت ثلاث بطولات لحد دلوقتي(فيهم وحده صغيره)بسبب انك احسن واحد شوفتو في اللعبه دي يخلص و هو تحت ضغط و يتحكم في الدفاع كويس (التانيه دي بعدي طبعا و اسأل هنري في ماتش 3-2)و في النهايه احب انقلك تهاني الجاليه الصعيديه كلها الموجوده في القاهره و الاسكندريه و جميع الاقطار المجاوره لهم و تهاني السيد الرئيس (رئيس الفيفا يعني) علي تالت بطوله و ربنا يخرب بيتك

xeroxx

02-07-2005, 01:51 AM

با النسبه للجريده بتعتنا خلاص مش هاتتطلع تاني مدام الاخ شنوده عملاق التحقيقات موجود هنا و لما نحب نقول حاجه نبقي نقولو و هو ينشرلنا (غساله يعني)

xeroxx

02-07-2005, 01:58 AM

احب اقول ان امون امبارح عمل انجاز كبير و بهنيه من مكاني هنا و اقولو بذمتك انا مش اديلي يومين بغلبك؟
كلمه اخر احب اضيفها للاخ اسامه و هي
انت ليه بتحب تصتاد عصفير دايما في كل فولاتك الي بتلعبها؟
و احب اقولو كمان لعبك نظيف و قلبك نظيف و ان شاء الله تاخد البطوله الي هاتبقي انت فيها و معاك انتين تلاته تاني و بس
و متنساش انت حبيبي يا أسامه و ليك عندي لتر بيبسي يا عم
يلا انشاله ما حد حوش ولا اتجوز

sheno0000

02-07-2005, 06:12 AM

زي العسل والله يا عبد الحميد...تسلم وتعيش والغسالة تحت امرك...وايه ياعم الداخلة
الشمال ديه في الناس دول كده ممكن يقوموا عليك (انا بهدي النفوس يا اسامة) ....

amooooon

02-07-2005, 09:06 AM

مبروك يا على البطوله الرابعه وانا بنبهك الجماعه راحوا يأجروا الربع نقل (الحق استخبى ) وانا بطلب من شينو تعيينى مراسل فى الجريده بتاعته عن الصعيد و السى فى بتاعى هتبقى عنده على الطبليه قصدى على المكتب بكره
وانا رأيى البطوله تبقى كل عشر ايام مره فى نص الاسبوع ومره يوم الخميس علشان مانزهقش وعشان فى نفس الوقت متفتناش اللمه الحلوه دى

cavallero

02-07-2005, 02:30 PM

في قرار مفاجئ وسريع ومباغت...قدم المدير الفني " أسامة لوكسمبورجو " إستقالتة من تدريب النادي الملكي وذلك بعد ورود انباء عن مصرع 3 عصافير في العاصمة لندن ابان مباراة الأرسنال والريال.......وأيضاً بعد تلقيه تهديدات بالقتل بعد الخروج من دور الـ 8 في بطولة الديفيدي الرابعة.......وقد قرر المدير الفني المستقيل عرض خدماته علي ناديه القديم " اليوفي" بحثاً عن الدفء والعودة لجدران النادي اللي اتربي فيه..ومحاولة منه للتصالح مع الجماهير البيانكونيرية الوفية واللي ساندته في أصعب الظروف وطالبت بعودتة لقياده الفريق في البطولة الخامسة.......نحن في إنتظار ماذا ستسفر عنه الأيام القادمة !!

cavallero

02-07-2005, 02:33 PM

لتر البيبسي المرة الجاية يا عبدة ....مش هاسيبه.......
شينو...في بنت اتصلت بيا امبارح ...تخصك ؟ :)

cavallero

02-07-2005, 02:34 PM

انا باعلن انني من أول المشاركين في البطولة الخامسة......

Dr_M_N@bil

02-07-2005, 04:18 PM

theblackpirate

الله يخليك يا باشا
و انا و الله باجي عشان الناس التمام

half_life003

02-07-2005, 06:06 PM

مبروك ياعلى
وانا باتمنى انى اشارك معاك
انا شايف ان البطولة اسبوعية ولو العدد كبير اعمل تصفيات فى الاول
وخليها يوم الخميس

m.popo

02-07-2005, 07:00 PM

اولا : انا بقولك يا على الف الف الف مبروك على البطوله وعقبال البطوله القادمه ان شاء الله

ثانيا : فى تصريح المدير الفنى لفريق الريال مدريد عقب البطوله قال : ان الفريق لم يكن مستعدا للبطوله بالنسبه لمستواها العالى وبالنسبه وبرر خروجه من دور 32 ان الفريق هذه اول اشتراك له فى البطوله والرهبه من الفرق الاخرى اثروا بالسلب عليه وان الدفاع لم يكن على المستوى ولذلك قرر الاستقاله من تدريب ريال مدريد وقال مدير اعماله انه امامه عروض من مان يونايتد و الميلان والاقرب لتدريبه هو مان يونايتد .

وفى تصريحى الشخصى : انا بشكر على على التنظيم الرائع للبطوله ولو ان الاجهزه لم تكن على المستوى المطلوب او المتوقع وانا سعيد جدا انى اتعرفت على الناس اللى زى العسل ديه وبالاخص على وشنو ومعتز واحمد ومجدى وبقية الناس الحلوه اللى كانت معانا ولو انى زعلان من شنو طبعا هوه عارف ليه بس مش مشكله ادينا اتعرفنا على بعض

وانا حزين انى خرجت من دور 32 بهذه الطريقه بفارق الاهداف بس يجماعه اللى ينافس على بطوله مش لازم يكون فى الموقف ده .

ومره تانيه مبرووك ياعلى

m.popo

02-07-2005, 07:07 PM

وبالنسبه لموضوع البطوله انا رايى انها تكون كل اسبوع علاشان نشوف الناس الحلوه ديه على طول

وانا رايى ان المنتخبات هتكون اقوى بكتير من الفرق

لان مثلا اللى بيلعب بالارسنال هيلاقى فى فرنسا فريق الارسنال واحسن منه بكتير

واللى بيلعب بريال مدريد لاما يلعب بالبرازيل او بالمنتخب الانجليزى وهكذا

Scooop

02-07-2005, 09:01 PM

انا رأيى ان البطولة تكون كل اسبوعين
يوم الخميس الساعة 4 وكده اعتقد انسب حاجة
وبالنسبة للمنتخبات و الاندية ممكن نخلى بطولة اندية بس
واللى بعديها منتخبات بس و تيقى dvd world cup
بس بلاش الخلطبيطة دى بتاعت اندية على منتخبات
مرة كده ومرة كده

Scooop

02-07-2005, 09:05 PM

والله يا كمال باشا انا مقدرش انكر فضل الميلان عليا وحبى ليه
ولا اهقدر اصلا افكر فى كده
بس اصل الزوجى اتنين مع بعض ولازم يتفقوا مع بعض على فرقة
عشان يبقوا مستريحين ويعرفوا يلعبوا
واعتقد ان انا و كبلى البركة متفاهمين اوى
ولا ايه رايك؟

Scooop

02-07-2005, 09:10 PM

قشطة يا كبلى
الزوجى مستنينا المرة الجاية انشاءالله
عايزين نشد حيلنا كده عشان نحتفظ بالبطولة
خاصة ان هيبقى فى زوجى جامد اوى على و نبيل واكيد كمال واحمد هيشدوا حيلهم
بس ولا يهمنا طبعا

VIPAT2

02-07-2005, 09:25 PM

اول حاجة انا بحب اشكر سيسكو علي الكلام الجميل ده

وعلي فكرة يا جماعة سيسكو ده يبئا خالي وهو اصغر مني في السن بسنتين

VIPAT2

02-07-2005, 09:31 PM

في الصفحة الاولي من جريدة اي كلام السلام

عرض احتراف في اسبانيا للكابتن علي فينجر ومازالت الاتفاقات مستمرة
بدأ العملاق الكتالوني اتفاقات مع فينجر لبدأ الموسم الجديد والبطولة الجديدة
ومازال فينجر يفكر في توقيع العقد مع النادي
ولكن لم يأخذ القرار

VIPAT2

02-07-2005, 09:34 PM

كما اكد الكابتن علي فينجر ان بطولة الزوجي اللي فاتت كانت فاشلة
حيث انه لم يلعب مع الكابل بتاعه وهو محمد نبيل طبعا واللي كان متفق معاه علي كل حاجة
لكن مجدي دخل البطولة بدون موافقه منظم البطولة وبدون اشتراك ولذلك سوف تلغي البطولة واعتبارها بطولة ودية وتجريبيه

VIPAT2

02-07-2005, 09:35 PM

وعلي فكرة يا كمال احنا اتعادلنا مع معتز وديساينو 1-1
ماتغلبناش 4-0 زي مانت بتقول

VIPAT2

02-07-2005, 09:37 PM

وبخصوص موضوع يوم الخميس
تقريبا كل الناس موافقه علي يوم الخميس

وبخصوص التوقيت
هتكون كل 10 ايام يعني مرة الخميس ومرة في نص الاسبوع
ومتهيألي كدة هترضي كل الاطراف

VIPAT2

02-07-2005, 09:38 PM

وبخصوص موضوع المنتخبات
انا شايف ان معظم الناس مش موافقه
وكمان المنتخبات اقوي من الفرق بكتير قوي قوي ومش هيكون في تكافؤ

VIPAT2

02-07-2005, 09:40 PM

وردا علي زيروكس ( عبد الحميد )
قال الكابتن علي فينجر
ان الثغرة اللي الخطة موجودة وهو عارفها بس المشكلة مش في الصغرة المشكلة في الدفاع يعني المشكلة انك تعدي اخر مدافع
والثغرة ديه بلها واشرب مايتها

VIPAT2

02-07-2005, 09:43 PM

وفي مفاجأه كبري في البطولة
ان فينجر تغلب علي ثلاثي الصعايدة
مؤمن شان
ثم عبد الحميد
ثم امون
وصرح انه مختبئ في مكان صعب علي الصعايدة الوصول له

VIPAT2

02-07-2005, 09:46 PM

وعلي فكرة يا امون انت وعبد الحميد
انا سلمت المستندات اللي معايا لواحد صاحبي وقلتله لو جرالي حاجة يسلم المستندات ديه لاقرب قسم
يعني تديني الامان اسلمك المستندات

VIPAT2

02-07-2005, 09:47 PM

وبخصوص البكولة الجاية هتكون يوم الاتنين اللي بعد الجاي
وطبعا ده بعد مانشوف أراء الناس

VIPAT2

02-07-2005, 09:48 PM

ايه رأيكم نخلي البطولة الجاية منتخبات بس

VIPAT2

02-07-2005, 09:49 PM

ومتهيألي كدة هنكون راضينا كل الاطراف

VIPAT2

02-07-2005, 09:50 PM

والموضوع الجديد للبطوبة هيكون موجود يوم الاتنين
عشان ندي فرصة للناس للاشتراك

m.popo

02-07-2005, 10:00 PM

انا معاك يا على فى موضوع المنتخبات علاشان يبقى فى تغيير فى البطوله ويكون فى جديد

sheno0000

02-07-2005, 10:32 PM

اجازة يا جدعان....!!!!!!!!!!!

sheno0000

02-07-2005, 10:34 PM

انا اللي سعيد جدا اني اتعرفت عليك يا بوبو ..وياريت متزعلش مني مع اني خوفتك بس وانا
معملتش حاجة غلط بس كنت هاعمل ايه يعني ده معتز برده يا باشا.....

sheno0000

02-07-2005, 10:37 PM

بعد اذنك خلي البطولة اللي جاي اندية ياعلي وبعدين نشوف حكاية الفرق ده بعدين...
علي فكرة انااحتمال كبير ابقي مسافر يوم 9/7/2005

sheno0000

02-07-2005, 10:42 PM

انت مش محتاج ورق يا امووون باشا...بس احنا متفقناش علي المرتب..وكمان خلي بالك
من حقوق الطبع...

ahmed190078

02-07-2005, 11:54 PM

السلام عليكم
ازيكم يا شباب عاملين اية واية يا شنو الحلاوة دى والف مبروك على اللقب الجديد
ويا على انا مش عارف اقولك اية يعنى مش هنعرف نوصل لمستواك يا عم انت لازم تدى كورسات او تصور متشاتك فيديو علشان اتعلم من الاسلوب السهل الممتع اللى انت بتلعب بية يعنى اسلوب خلص والعب وحط جون من غير فزلكة
وياريت بلاش موضوع المنتخبات دى يا اما نعملة كل مثلا ثلاث بطولات نعمل واحدة منتخبات وياريت فعلا كل 10 ايام نعمل بطولة كدة احلا فعلا بدل كل اسبوع علشان اللى مشغول يوم الخميس ممكن يشترك فى نصف الاسبوع
وحتى الواحد ياخد فترة فى التدريب علشان اللعيبة بتاعتنا تعبانة واللياقة فى الارض فتستريح 10 ايام ونصف يوم تدريب كدة حلو اوى

VIPAT2

03-07-2005, 01:38 AM

مبروك يا شنو علي الاجازة
ايوة كدة ياعم بلا مزاكرة بلا وجع دماغ

VIPAT2

03-07-2005, 01:39 AM

شكرا يا حمادة علي الكلام الجامد ده
بس والله انت فعلا اللي كنت مفا<اه البطولة وعلي فكرة انت مستواك في تقدم وشد حيلك يا باشا

xeroxx

03-07-2005, 04:02 AM

ماشي يا علي ماشي
بقي انا ابلها و اشرب ميتها؟
طيب ده رونالدو راح و جه و رقص و مرمط ومانت حصيلة الماتش التاني بتعنا ان عندك كام لعيب ضاع منهم الكام جنيه الفكه الي كانو في جيوبهم غير التلات موبيلات الي وقعو منهم في الماتش و انت عارف انا انا حبيت اتمنظر لما لقيت انك لا حول لك ولا قوه غير انك تدافع بس في النهايه انت صعدت و انا قعدت اتفرج عليك
مش مهم بيني و بينك بطوله جايه
ملحوظه
المستندات وصلت يا علي و صحبك الشرطه عندهم دلوقت بيحولو يعرفو مين الي قتلوه و الناس جايالك في الطريق
شاو

Scooop

03-07-2005, 05:19 AM

يعنى ايه بطولة الزوجى ملغية
هو لعب عيال ولا ايه
البطولة محسوبة ياعم الأمور
وابقى ورينا انت و كبلك نبيل باشا فى البطولة التانية
التانية مش الأولى سامعنى

DESIGNO

03-07-2005, 07:39 AM

اولا احب اهني علي بك الكبير على ال fifa الجديده اللي اخترعها!!!!!!!!!!

DESIGNO

03-07-2005, 07:43 AM

و مبروووووووك على البطوله يا باشا

و مبرووووك لأحمد (اموون) على المركز التاني

و الف الف الف مبروك لشعبان بك على المركز التالت و كنت فعلا انت الحصان الاسود للبطوله

يا جماعه الواد ده معجزه بيعمل كل حاجه في الكوره و انشاءالله البطوله اللي جايه ناخدها من علي

VIPAT2

03-07-2005, 07:44 AM

البطولة ملغية عشان مجدي مكنش مشترك وفجأه كدة اشترك

VIPAT2

03-07-2005, 07:46 AM

فعلا يا عمرو الواد شعبان ده مشكلة
وانت كمان عملت ماتش جامد قوي مع فيصل وكنت هتاخد منه الماتش

DESIGNO

03-07-2005, 07:46 AM

و بالنسبه ليا في البطوله و الخروج الغير متوقع بالمره من دور ال 16 على يد فيصل في مباراه كانت الاقوى في البطوله احب اقول ان الحكم كان متعشيييييييي و ده ظلم

و يا عم فيصل ده اسمه كلام يعني تطلعني من دور ال 16 و تخرج انت من دور ال 8

طب كنت سيبني اكمل انا :(

VIPAT2

03-07-2005, 07:47 AM

ويا عم زيروكس كل الفلوس اللي وقعت لميناها والموبايلات اشترينا غيرها والحمد لله
وجبت لهنري تليفون بكاميرا عشان اللي كان بيعملو في الماتشات ده
والله هنري ده بيهرج

VIPAT2

03-07-2005, 07:49 AM

ههههههههههههههههه وايه حكاية الخروج غير المتوقع ديه
كنت عايز توصل للنهائي ولا ايه
عالم طماعة صحيح
يعني المرة ديه دور 16 المرة الجاية الفاينال علي طول

VIPAT2

03-07-2005, 07:49 AM

وايه رأيك يا عمرو في موضوع المنتخبات ده

DESIGNO

03-07-2005, 07:52 AM

و احب اهني نفسي و اهني كبلي الرائع سكووووووووووب على الاداء الفظيع اللي احنا عملناه بجد يا جماعه احنا ملناش حل و الاجوان كانت بتيجي بكل الطرق

و انا من مكاني هذا اتحدى اي كبلز في الزوجي و البطوله اللي جايه الزم بطولة الزوجي تكون منظمه اكتر

DESIGNO

03-07-2005, 07:54 AM

حقك يا علي تغير ل هنري الموبايل و تجوزه كمان يا باشا دي تالت بطوله (ما شاء الله يعني)

DESIGNO

03-07-2005, 07:56 AM

ههههههههههههههههه وايه حكاية الخروج غير المتوقع ديه
كنت عايز توصل للنهائي ولا ايه
عالم طماعة صحيح
يعني المرة ديه دور 16 المرة الجاية الفاينال علي طول

ماشي يا عم علي اتريئ براحتك بس يكفيني ان شعبان اخد المركز التالت (مبيعرفش يغلبني على فكره) لاننا حافظين لعب بعض بطريقه ممله

DESIGNO

03-07-2005, 07:59 AM

اكييد لأ لان المنتخبات اقوى بكتير جدا من الفرق

و لو الناس مصره على موضوع المنتخبات يبقى مره من كل اربع مرات

لكن مينفعش تبقى كوسه كده

DESIGNO

03-07-2005, 08:01 AM

و على الفكره البطوله تبقى كل اسبوعين ده في رأي انسب معاد لكن مينفعش حكايه ال 10 ايام دي

DESIGNO

03-07-2005, 08:02 AM

و احب اهني كل القائمين على تنظيم البطوله لانها خرجت بجد بصوره جميله جدا(انا يعني)

DESIGNO

03-07-2005, 08:05 AM

و قبل ما امشي احب اقول للبطل علي فينجر : متعملش عبيط يا حبيبي و رجع الميداليه علشان دي مش ميداليه اوليمبيه يا خفيف دي ميدالية ابويا

VIPAT2

03-07-2005, 08:14 AM

انت شكلك نسيت يا عمرو كنا بنعمل فيكو ايه انا ونبيل
ولا بلاش يا عم ربنا أمر بالستر

VIPAT2

03-07-2005, 08:16 AM

انا كسبت الميدالية ديه قدام كل الناس
واتصورت بيها وديه من حقي
وانا خدتها مدي الحياة خلاص
والناس هي اللي قالت كدة

sheno0000

03-07-2005, 10:24 AM

اولا يا علي متظلمش حق الناس اللي كسبت البطولة الزوجي وده اكيد علشان
الوقت اتاخر عليا انا ومينا ولو كنا لعبنا كنا عكينا عك علشان احنا عمرنا ما لعبنا
مع بعض بس المرة اللي جاي هانوريكم..بس كده يبقي معتز وديساينو اول ناس
تحصل علي بطولة الزوجي

sheno0000

03-07-2005, 10:25 AM

الله يبارك فيك ياعلي باشا...(علي فكرة انا محدش قدي النهاردة..اجازة وعيد ميلاد وحفلة في يوم واحد)

mrbody

03-07-2005, 10:42 AM

يا جماعه أنا عايز أشترك فى البطوله الجديده ومش عارف أعمل إيه أنا مستنى الرد.............................................. ..

sheno0000

03-07-2005, 12:32 PM

يا جماعه أنا عايز أشترك فى البطوله الجديده ومش عارف أعمل إيه أنا مستنى الرد.............................................. ..

يص ياباشا انت خليك متابع معانا في الموضوع ده والاخبار وقول رايك في المعاد ولو فيه ايه
حاجة تانيه او عايز تعلق علي اي حاجة قول برده..

المشرف الرسمي هنا (علي) هو اللي بيقول اخر حاجة اتفقنا عليها وهو بيعرف ينظم حلو جدا..

بس معظم القرارت للامانة كلنا بنتفق عليها داخل الموضوع...واهلنا بيك معانا..ونتمني
نشوفك في البطولة اللي جاية..

sheno0000

03-07-2005, 12:35 PM

اه نسيت اقولك المعاد بتاع البطولة الجديدة بيتحط هنا ومعاه لنك الموضوع الجديد..

m.popo

03-07-2005, 12:45 PM

ولا يهمك يا شنو اعتبر ان ما فيش حاجه حصلت ومبروك على اللقب الجديد واجازه سعيده ان شاء الله

m.popo

03-07-2005, 12:47 PM

وياريت يا جماعه توفقوا على موضوع المنتخبات علاشان احنا بقلنا اربع بطولات اهيه فرق يبقى نخلى اللى جايه منتخبات علاشان نغير شويه بقى وادينا هنجرب والله نجحت نكمل ولو منفعش خلاص بلاش منها الفكره ديه تانى

m.popo

03-07-2005, 12:54 PM

اه نسيت اقولك يا شنو كل سنه وانت طيب وعقبال المليون سنه

sheno0000

03-07-2005, 12:59 PM

وانت طيب يا بوبو ...وخلاص صافي يالبن..

m.popo

03-07-2005, 01:09 PM

حليب يا قشطه

Dr_M_N@bil

03-07-2005, 02:16 PM

ايه يا رجاله

هتلعبوا الخميس دا ولا ايه

Dr_M_N@bil

03-07-2005, 02:18 PM

احب اضم صوتي لصوت عمرو DESIGNO و اقول لعلي الميداليه لاشقك

cavallero

03-07-2005, 07:02 PM

اتفقتوا علي ايه؟

cavallero

03-07-2005, 07:10 PM

منتخبات ولا أندية؟

cavallero

03-07-2005, 07:12 PM

الأندية أظرف بكتير....المنتخبات مفيش فيها منتخبات كتيير جامدة عكس الأندية

KABAB007

03-07-2005, 07:54 PM

يا ريت يـــا جماعه تتفقوا على المعـــــاد بقا عشـــان الواحد يقدر يجهز نفسه
والف الف الف مبروك يا شنو باشا وكل سنه وانت طيب وعقبال الف سنه
يا باشا بس اوعى تنسي الساقع وانت جاى ههههههههههههههههههههههههه
((اعتبرها تدبيسه))

hanymedhat2005

03-07-2005, 08:40 PM

كل سنه وانتا طيب يا شنو باشا وعقبال متحتفل المره الجايه بالبطوله مع عيد ميلادك(وده فى المشمش طبعا)
انا عايز يبقى فى بطوله الخميس الجاى ونفسىتبقى منخبات وانا شايف ان احنا نعمل تصويت وانتيجه التصويت هى اللى تمشى وكل سنه وانتا طيب تانى يا دكتور شنو

ahmed_m

03-07-2005, 09:47 PM

اوكي يا جمااعة بس انا عايز اشترك فيها فيا ريد اي حد يقولي اية النظااام في الاشتراك
ودة الايميل بتاعي يعني لو عوزتووة ahmed_ko2010@hotmail.com

theblackpirate

03-07-2005, 10:13 PM

sheno0000

04-07-2005, 12:32 AM

وانت طيب يا كباب باشا...والساقع موجود ولو كنت نورتيني النهاردة كان هايبقي فيها تورتة و........

sheno0000

04-07-2005, 12:37 AM

وانت طيب يا بلاك بيريت...كويس انك قولتلي انك ردت باسم اخوك علشان مكنتش هاعرف مين ده...

mimoo2000

04-07-2005, 01:50 AM

ياريت يكون الخميس ده فيه بطوله
ومش فارقه منتخبات ولا انديه

theblackpirate

04-07-2005, 02:38 AM

انا بضم صوتى لشنو انا نفسى يكون فى بطوله المرداى منخبات انديه ننزل احنا نلعب مع بعض بس لازم يكون فى بطوله الخميس ده

theblackpirate

04-07-2005, 02:39 AM

افتح توبيك يا على وشف عدد الناس اللى هيجى ان كملنا العدد يبقى الف مبروك ان مكملش ناجلها

VIPAT2

04-07-2005, 01:20 PM

كل سنة وانت طيب يا راجل يا طيب

VIPAT2

04-07-2005, 01:23 PM

انا شايف ان معظم الناس مش عايزه منتخبات

VIPAT2

04-07-2005, 01:27 PM

وانا شايف ان موضوع الخميس ده صعب قوي عشان الناس مش هتلحق تتجمع

وانسب معاد تكون الاتنين الجاي ان شاء الله

VIPAT2

04-07-2005, 01:28 PM

وان شاء الله هتتعمل كل 10 ايام

VIPAT2

04-07-2005, 01:30 PM

وبخصوص الميدالية
انا خلاص خدتها مدي الحياة
وده قدام كل الناس
واثبت يا نبيل انت واخوك انها بتاعتكو

VIPAT2

04-07-2005, 01:39 PM

كل الناس عايزه تعملها يوم الخميس ده
وطبعا انا مع الناس
البطولة هتكون الخميس ده
والتوبيك هيكون موجود دلوقتي

VIPAT2

04-07-2005, 01:41 PM

البطولة الجاية يوم الخميس القادم 7-7

VIPAT2

04-07-2005, 01:50 PM

اي واحد عياز يشترك في البطولة الخامسة يدخل علي اللينك ده

هنا توبيك البطولة الخامسة
وهيكون فيه كل حاجة تخص البطولة الخامسة

http://www.dvd4arab.com/forums/showthread.php?t=75726

VIPAT2

04-07-2005, 01:52 PM

وكدة يا شباب الموضوع هنا تقريبا مغلق
واللي عايز يشترك او يكتب اي رد
يدخل علي لينك البطولة الخامسة
هنا
http://www.dvd4arab.com/forums/showthread.php?t=75726

sayed f1

04-07-2005, 02:00 PM

sayed f1

04-07-2005, 02:03 PM

ايه رأيكم نعمل بطوله بظام الدورى وديه تكون انديه
وبطوله بنظام الكاس وتكون منتخبات
زى الواقع عوزين دورى قوى

theblackpirate

04-07-2005, 02:12 PM

ياجماعه مفيش فرق كبير بين المنتخبات والأنديه انا عندى واحد بيلعب بنادى اسمه (إشبيليا) وبيغلب بيه اى منتخب وناس جمده وهو دلوقتى بنافس على المركز الأول فى البطوله بتاعتنا بس بطولتنا بنظام الدورى من دورين علشان الى مكنش فى متش مش موفق يقدر يعوض بس بتاخد وقط شويه واللهى بتكون جمده طحن وفرق نقط بيعمل منفسه رهيبه
الدورى عشاان يتعمل عايزله اسبوع متصل من غير لوا نوم ولا شرب ولا اى حاجه ومنافسه ايه اللى بتتكلم عليها احنا معانا واحد اسد مفيش امل انه يتغلب (اللهم ما حسد ياابو على انا بنق بس )
يعنى انسى ان حد ياخد منه الدورى هو فى امل بتاع نص فى الميه انه ينخطف منه ماتش وكده نبقى خلصنا منه وخسر البطوله بس الدورى ده لو حتى اتعمل يبقى مبروك على ابو على مقدما
الدورى فى راى فكره لن تلقى اى قبول نهائيا