شىء من الخوف..و..لحمة من الخروف [الأرشيف] - موقع الدي في دي العربي

مشاهدة النسخة كاملة : شىء من الخوف..و..لحمة من الخروف

wolf176

18-12-2007, 02:31 AM

بسم الله الرحمن الرحيم

قبل اى كلام ممنوع دخول اولاد ابو اسماعيل للموضوع ده ياعم الحج ماشى

الاول كده كل سنة وانتو طيبين وبمناسبة العيد انا بقى هقول لكل حوء وكل ادم على بعض طرق غش التجار فى عمليات بيع الخرفان وده لو دل على حاجة مش بيدل على النصب لسمح الله

ده بيدل على مدى ( فتاكة الشعب المصرى ) الى عنده استعداد يعمل من التراب مسحوق غسيل ومن الفسيخ مربى ...طيب دى شوية نصايح ع الماشى للى عايز يعرف

عمر الخروف

ازاى تعرف الخروف عمره كام من غير محد ياخد باله ؟؟

تيجى جنب الخروف وتمسكه من ودنه جامد وكانك بتوشوشه وتقوله عندك كام سنة

لو رد عليك ( ماء ماء )يبقى كبير وفاهم ولو مردش متزعلش عشان هتبقى عرفت انه صغير ولسه مبيفهمش ..

صحة الخروف

بص بقى انت عايز دلوقتى تدخل تاخد خروف جامد

الخروف الى تلقيه نايم ولا قاعد قدام التلفيزيون سيبك منه دول تعبنين من كتر القعدة

ولو لقيت خروف قاعد بعيد اعرف ان ده مدمن وبتاع مزاجه متجبوش احسن

الخروف الحلو هتلقيه بيخبط فى الحيطة زى العبيط ...او بيحاول يحفر نفق يهرب منه ...او بيلعب ضغط هو وواحد تانى عشان يلفتو نظر الخرفان الاناث

بس خلى بالك لتاخد واحد لسه خارج من خناقة ومضروب وطالع عينه

نصائح لما بعد شراء الخروف

طيب كده تمام وجبت الخروف لازم وانت جيبه تربطه من ايده اليمين و ورجله الشمال ليه بقى ؟؟؟!!!

اقولك يا سيدى عشان ممكن يكون خروف غاوى كورة وشاف رونالدينهو فى اخر ماتش فاول ميشوف عيال بتلعب كورة فى الشارع يحب يجرب ...فانت خليك فى السليم لان لو مربطوش وشاف الكورة وعملة الحركة صح هيخطفه سمسار كورة وتطير لحمة العيد ولو معملهاش هيبقى منظرك وحش ( على اساس انك معرفتش تدربه )

ليه لازم تجيب الخروف قبل العيد بفترة

كمان لازم تجيب الخروف قبل العيد بفترة عشان تحطه مع الاولاد يتفرجو عليه ويلعبو معه وبالمرة يعلمهم حركة روناليدنهو الى اتكلمنا عليها من شوية

جوعه ومتاكلوش عشان يعرف ان الدبح بالنسبة له رحمة عن العيشة معاك وبكده توفر تمن اكله..

ودى نصايحى لخروف عيد ممتاز وادى دقنى لو حد شاف الموضوع واشترى خرفان :glasses:

فاحسنلكم خليكم فى لحمة الجمعية ام سبعتاشر جنيه ونص

وكل سنة وانتو طيبين ... واحذرو من خرفان الصين

bigsonson2003

18-12-2007, 02:36 AM

ههههههههههههههههههههههههههههههه موضوع فى الجون انا نازل دلوقتى ادور على خروف ببدلة سموكن كدا واشتريه
كل لحمة وانت طيب

faith

18-12-2007, 02:47 AM

هههههههههههه بجد موضوع مشكلة .. طيب الخروف الى يعلمهم حركة روناليدنهو دة لو ادبح يبقى قضينا على مستقبل اشبال الخرفان و اشبالنا ما نسيبة احسن

lyonaids

18-12-2007, 02:47 AM

wolf176

18-12-2007, 02:48 AM

ههههههههههههههههههههههههههههههه موضوع فى الجون انا نازل دلوقتى ادور على خروف ببدلة سموكن كدا واشتريه
كل لحمة وانت طيب

عليا انا برضو يا حسن تلقى شكيرة بعتتلك الخروف والذى منه ايوة يا عم ناس ليها حظوظ ونا ليها لحمة الجمممممممممممممعية ام سبعتاشر جنيه ونص

ابقى افتكرنا بحتتين لحمة بقى ههههههههههه

كل سنة وانت طيب يا جميل

bigsonson2003

18-12-2007, 02:49 AM

اساسى يا برنس دى شاكيرا فاتحة محل فى كولومبيا بيعمل لحمة راس وفتة وحاجات من اللى قلبك يحبها وكاتبة بسم الله حلال بس بالأسبانى
وشاكيرا شاكيرااا

wolf176

18-12-2007, 02:51 AM

هههههههههههه بجد موضوع مشكلة .. طيب الخروف الى يعلمهم حركة روناليدنهو دة لو ادبح يبقى قضينا على مستقبل اشبال الخرفان و اشبالنا ما نسيبة احسن

بلو كل سنة وانتى طيبة يا جميل

وبعدين ايه هنقضى على موضوع الاشبال ومستقبلهم وبعدين

مش مهم ندخل كاس العالم لاننا مش هندخله
بس مش هيبقى كورة ولا لحمة لييييييييييه

وبعدين مانا بقول بدل الخرفان هاتو لحمة من ام سبعتاشر جنيه ونص

من الجمعية ..طيب اللعيبة فى منها فى الجمعية ؟؟

kokilina

18-12-2007, 02:51 AM

هههههههههههههههههههه
والله زى العسل..احنا جبنا بقى خروف لولو بينونو ..تقريبا معمول بالهندسه الوراثيه ومحشى هرمونات بقى للركب

wolf176

18-12-2007, 02:53 AM

ههههههههههههههههه يخرب عقلك ...انت شوقك للحمة خلاك تهيس :mdr:

والله لذيذ كلامك يا وولف ...بس انت اتأخرت ليه يا عم في نصايحك دي ده الوقفة بكرة...الناس خلاص اشترت الخرفان واللي اتغش في خروف طلع حاجة تانية واللي جاب معزتين توأم ملتصق افتكرهم عجل صغير:mdr:

موضوعك لذيذ اوي ....وكل سنة وانت طيب....

ماااااااااء:mdr:

حبيب قلبى يا ليو

الوحيد الى علق على موضوع الخرفان الناس اشترتها خلاص مهى دى الخدعة يا مان اعرف مين الى اشترى الخروف عشان اعرف هقضى العيد مع مين من الاعضاء هههههههههه

يا جماعة الفطار بكرة عن ليو وانا هبعتلكم عنوانه فى رسايل خاصة للى يحب يجى

wolf176

18-12-2007, 02:55 AM

اساسى يا برنس دى شاكيرا فاتحة محل فى كولومبيا بيعمل لحمة راس وفتة وحاجات من اللى قلبك يحبها وكاتبة بسم الله حلال بس بالأسبانى
وشاكيرا شاكيرااا

انت ياعم انت ايه واخد كل حاجة شكيرا ولحمة متسيبو حاجة والله شكلى هقضى تانى يوم عندك يا حسن ههههههههههههههههه

wolf176

18-12-2007, 02:57 AM

هههههههههههههههههههه
والله زى العسل..احنا جبنا بقى خروف لولو بينونو ..تقريبا معمول بالهندسه الوراثيه ومحشى هرمونات بقى للركب

ماليش دعوة يا كوكى معدل وراثيا معدل جينينا انشالله يكون بيقول شعر للمتنبى والفرزدق

تالت يوم العيد عندك شليلى نصيبى بقى

بس سوال يا ترى بيعرف يعمل حركات رونلدينه ولا شكلك بتفرجى على الدورى المصرى وهيبقى اخره

على زينهم بتاع تليفونات السويس

bigsonson2003

18-12-2007, 02:57 AM

wolf176

18-12-2007, 03:01 AM

تعالى ومدبح اولاد ابو شاكيرا مفتوحلك اى وقت
كيلو ضانى قائم.......32 بيزو
كيلو ضانى مش قائم..........28 بيزو
كيلو شمبرى نايم...........26 بيزو
والمفاجأة اطلب كومبو ب 15 بيزو ومتاخدش اى حاجة

ايه يا عم حسن ده على كده الجمعية ارخص بقى

بقولك هو الخروف زى الى عندنا ولا حاجة تانى يعنى يستاهل ولا ايه ؟؟

lyonaids

18-12-2007, 03:02 AM

بيزو دي يا حسن عملة الاكوادور مش كولومبيا :mdr:هه

يا حرامي العملة...!

bigsonson2003

18-12-2007, 03:05 AM

خروف مخلى من غير عضم وهو دا الاعجاز
ايه يا عم ليو انت حتقطع علينا ولا ايه؟؟؟؟دا مباحث الاموال مفتحة عنيها علينا

wolf176

18-12-2007, 03:05 AM

بيزو دي يا حسن عملة الاكوادور مش كولومبيا :mdr:هه

يا حرامي العملة...!

ايه ياعم ليو هتعملنا فيها مثقف ال يعنى شغال فى بنك ولا فى صرافة

سيبك منه يا حسن قول كمان وقولى الريش بكام بس متغليش انا عندى تسعيرة كولومبيا قدامى

بعتهالى واحد صحبى من التشيك

bigsonson2003

18-12-2007, 03:07 AM

الريش من مدبح شاكيرا دبح اليوم والله ب 25 بيزو عشان خاطرك وفيه كمان بتلو بس دا بالطلب والسعر بالداخل

wolf176

18-12-2007, 03:08 AM

الريش من مدبح شاكيرا دبح اليوم والله ب 25 بيزو عشان خاطرك وفيه كمان بتلو بس دا بالطلب والسعر بالداخل

هههههههههههه الا قولى يا حسن هى شكير من عيلة ولاد ابو اسماعيل ولا حاجة ؟؟

bigsonson2003

18-12-2007, 03:10 AM

لا بس شاكيرا ليها تخصص برده واولاد ابو اسماعيل بيحاولوا يحجمو اسمها فى السوق

kokilina

18-12-2007, 03:10 AM

لا لا لا خروفنا تربيه مانشستر يونايتد..الا مين رونالدينهو ده ؟؟؟؟؟؟

wolf176

18-12-2007, 03:12 AM

لا بس شاكيرا ليها تخصص برده واولاد ابو اسماعيل بيحاولوا يحجمو اسمها فى السوق

خلاص لو كده هنتفق على صفقات بس قبل راس السنة عشان عايزنها توردلنا ضفاضع على سحالى اميركاوى

ونبقى تجار حشرات اد الدنيا من غير ولااد ابو سماعيل مايخدو خبر هههههههههه

bigsonson2003

18-12-2007, 03:14 AM

موافقك بس خد بالك شغلنا كله يبقى فى التكاتيم عشان برده شاكيرا بتحب النظام

wolf176

18-12-2007, 03:16 AM

لا لا لا خروفنا تربيه مانشستر يونايتد..الا مين رونالدينهو ده ؟؟؟؟؟؟

انا بقى افهمك قصة رونالينهو ده بقى

نشاء رونالدينهو باحدى ضواحى سوباولو ( فى باب الشعرية جنب عزبة القرود ) ونبغ فى النشل وكان ديما بيطلع اتوبيس 10 خط الجيزة - رمسيس عشان كده ارتبط بالقميص رقم 10.........
بس شافه واحد فى مركز شباب الحبنية اخده وربنا فتح عليه وراح البرازيل اصل ابوه كان تاجر بن اصلا

ودلوقتى بقى بيفكرو يرجعو تانى و كفر مدوحس ..وجولدى ..ومزارع دينا عرضو عليه عقود بس مش موافق

وقال فى مؤتكر صحفى انه لو رجع مصر بيحلم يلعب فى نادى السكة الحديد ...بس بعيد عن القضبان بتاعت المرحلة التالتة عشان كهربوها هههههههههههههههه

lyonaids

18-12-2007, 03:17 AM

انا بقول نقلبها شات في الموضوع ايه بتاع الشات يا جماعة عشان مانتوقفش كلنا يعني :mdr: وكل عام وانتم بخير!

wolf176

18-12-2007, 03:19 AM

موافقك بس خد بالك شغلنا كله يبقى فى التكاتيم عشان برده شاكيرا بتحب النظام

طبعا يا عم سنسن بس هناجل الموضوع ده لبعد راس السنة عشان لسه بنشوف شحنة الديوك الى من غير عرف الى هنقول عليها ديوك رومى جاية من رومنيا

وبعدين ديوك عادية من رومنيا ولا يدوك رومى مهو كله ديوك ومن رومنيا مش عارف الناس بتدقق ليه

wolf176

18-12-2007, 03:21 AM

انا بقول نقلبها شات في الموضوع ايه بتاع الشات يا جماعة عشان مانتوقفش كلنا يعني :mdr: وكل عام وانتم بخير!

طيب معاك حق ونشوف موضوع الصفقات الى هناك يا سنسن

وكوكى بقى متنسيش العنوان كده و شوية ريش كده فى ايميل تصبيرة لحد تالت يوم

mesk_islam

18-12-2007, 12:43 PM

ههههههههههههههه
يخرب بيت عقلك ياليو
داانتاطلعت كاتب فظيع
انا ابصملك بالعشرة
ومستنى مواضيعك قريب فى اقوى المجلات و الجرائد

ahmedmosad20011

18-12-2007, 02:14 PM

هههههههههههه موضوع رائع ألف شكر يا جامد

wolf176

18-12-2007, 05:52 PM

[QUOTE=ahmedmosad20011;1046105925]هههههههههههه موضوع رائع ألف شكر يا جامد[/QUانت الى جامد نورت ياباشا

كل سنة وانت طيب ...وهات العدية بقى هههههههه

bigsonson2003

18-12-2007, 06:42 PM

يا جدعان البلد بقت ريحتها خرفان اروح فين طيب؟

lyonaids

18-12-2007, 06:48 PM

بس يا حسن هه:mdr:

وبعدين تعالي الشات عشان عايز اعمل معاك حوار تليفزيوني..

bigsonson2003

18-12-2007, 06:49 PM

تأمرنى يا كبير

wolf176

18-12-2007, 06:56 PM

سنسن بعنى فى اول محطة

wolf176

18-12-2007, 06:57 PM

بس يا حسن هه:mdr:

وبعدين تعالي الشات عشان عايز اعمل معاك حوار تليفزيوني..

تلفيزيونك ايه ياعم انت انت اخرك رايدو من ابو حجارة قلم

wolf176

18-12-2007, 06:58 PM

حد يمسك ليونيدز بيحرض الاعضاء عبيخطفهم من موضوعى حد يمسكه اقفلو الباب احبسوووووووووووووووه

wolf176

18-12-2007, 08:55 PM

ههههههههههههههه
يخرب بيت عقلك ياليو
داانتاطلعت كاتب فظيع
انا ابصملك بالعشرة
ومستنى مواضيعك قريب فى اقوى المجلات و الجرائد

ايه يا عمنما ليو ايه انا كده هطلب بمعاقبتخه استنادا لقانون الحقوق الفكرية وعود الحقوق الثقفية وجيتار الحقوق الكتابية وكمانجة الحقوةق النشرية

اقول روح اضربلك 2 كيلو لحمة من ام سبعتاشر جنيه ونص وبعدين تعالى اقرى الموضوع تانى

mesk_islam

18-12-2007, 11:55 PM

ايه يا عمنما ليو ايه انا كده هطلب بمعاقبتخه استنادا لقانون الحقوق الفكرية وعود الحقوق الثقفية وجيتار الحقوق الكتابية وكمانجة الحقوةق النشرية

اقول روح اضربلك 2 كيلو لحمة من ام سبعتاشر جنيه ونص وبعدين تعالى اقرى الموضوع تانى

على فكرة يا استاذ وولف انا عارف ان جنابك صاحب الوضوع بس هقولك ياسيدى انا كتبت ردى على اساس رد البشامهندز ليو
وبصراحة بقى انت بتسرق افكار الراجل وكمان اسلوبه
على فكرة انا جاى اهدى النفوس ومش بوقع حد فى التانى
ويجعله عامر

nodi22

19-12-2007, 12:10 AM

هههههههههههههههه
نيس توبيك يا وولف وكل سنة وانت طيب ياعسل

حزينـــــة

19-12-2007, 02:02 AM

موضوع تحفة بجد

wolf176

19-12-2007, 09:06 PM

على فكرة يا استاذ وولف انا عارف ان جنابك صاحب الوضوع بس هقولك ياسيدى انا كتبت ردى على اساس رد البشامهندز ليو
وبصراحة بقى انت بتسرق افكار الراجل وكمان اسلوبه
على فكرة انا جاى اهدى النفوس ومش بوقع حد فى التانى
ويجعله عامر

طيب تصدق بقى يا mesk_islam شكلى هخطفلك ليو ده خالص ...

وبعدين ياعم حتى لو بقلده ده شيىء يسدعنى ميضايقنيش ابدا وبعدين احنا اصحاب ...وانا بحب اسلوبه وموضيعه كتيييير

wolf176

19-12-2007, 09:07 PM

هههههههههههههههه
نيس توبيك يا وولف وكل سنة وانت طيب ياعسل

ميرسى لمرورك يا جميل انتى الى عسولة اوى

كل سنة وانتى طيبة

wolf176

19-12-2007, 09:09 PM

موضوع تحفة بجد

ميرسى يا قمر وكل سنة وانتى طيبة

lyonaids

19-12-2007, 10:49 PM

...

وبعدين ياعم حتى لو بقلده ده شيىء يسدعنى ميضايقنيش ابدا وبعدين احنا اصحاب ...وانا بحب اسلوبه وموضيعه كتيييير

يا وولفي العزيز انا الاسعد

وبعدين يا جدعان انا المواضيع كلها ما بتمشيش غير بينا احنا الاتنين ...انا وولف...

والمواضيع ليكم ...وبتنجح بيكم ...وبالنسبة لان في تقليد او حاجة ده مش صح ...

لان المواضيع الساخرة هدفها واحد ..واسلوبها متشابه ..

.وبالعكس لان انا بقي الي باخد من وولف حاجات وجمل كتير...

wolf176

20-12-2007, 09:12 AM

ايوة صح هو بيقلدنى ديما وانا سيبه عشان يتعلم ..هههههههههه:glasses::glasses:

الحقيقة ان انا وليونيدس اصحاب جدا بخلاف اننا بنتكلم باسلوب متشابه ده لان ده طبيعى يا جماعة وغصب عننا متاثرين ببعض ..احنا بنتكلم كده فى الشارع بره المنتدى....

ومع ذلك انا لسه عند رايى ممكن اتعلم من عضو مش مشارك غير بموضوع واحد فقط ... بس هو ده هدف المنتدى الاساسى ان كله يشارك ويستفيد ولا ايه؟؟؟..