هل الشريحة التي تشغل شريحتين في موبايل واحد فعلا شغالة و لا أي كلام؟هل حد فيكم جربها؟

[دكتور سعيد]

؟؟

حد يا جماعة جربها؟؟


و سعرها كام؟

و هل هي انواع؟؟

[دكتور سعيد]

يا جماعة خد يفيدني

الشريحة اللي بتشغل خطين في نفس الموبايل حقيقة و لا خدعة؟؟

[haamaad]

؟؟



حد يا جماعة جربها؟؟

و سعرها كام؟

و هل هي انواع؟؟





الصبر يا دكتور علينا مستعجل اوي:jap:
التجربه اعرف واحد جربها وبيقول ماشيه معاه كويس
وقريت بالنت عن انها تستهلك بطاريه
( خد بالك مع كون البطارية صيني هيبقي ايه الحل :detective2:)

سعرها مابين 30 35 40 وسمعت انها وصلت 25
أو عشرين طبعا بالجنية مش بالقرش:0:
( هأ هأ هأ :0: مش ولا جبنه )
طبعا انواع وده حسب ما شفتها وبالمقارنة ما رايته بالنت
وجدت اختلاف بالشكل لكن المضمون واحد
هو في نوع جديد غير اللي بتكلم عنه ده وهو ما ابحث عنه بالفعل هو شريحة
بتنسخ عليها عدة شرائح اخري بواسطة الجهاز المرفق معها
وطبعا سألت بمحلات
والنتيجه حسيت انهم فاكرني خواجه وبيكلم هندي
يعني محدش عارف عنها حاجه ودي فيها ميزة انك حاطط
شريحة واحدة بالجهاز
منسوخ عليها عدة شرائح اخري طبعا سعرها معرفش
اتمني اكون افدتك


قبل ما انسي مشكوررر جدا
علي توقيعك الجميل
http://www.maktoobblog.com/userFiles/g/n/gnaan/images/914549image.jpg
=============================
============================

http://www.maktoobblog.com/userFiles/g/n/gnaan/images/1196507695.jpg

[دكتور سعيد]

جزاك الله خيرا

الف شكر علي ردك المفصل ده

[`~nn~`]

في نوع جديد غير اللي بتكلم عنه ده وهو ما ابحث عنه بالفعل هو شريحة
بتنسخ عليها عدة شرائح اخري بواسطة الجهاز المرفق معها


الشريحة دى موجودة فى الاسكندرية وبتتكلف فى حدود 50 جنيه وموجودة فى سموحة و داون تاون

وعلى فكرة توقيع الاخ مافيهوش اى حاجة جميلة اصلا

[دكتور سعيد]

الاخ nn

بصراحة انا مش فاهم ايه اعتراضك علي التوقيع ممكن توضح

[cheetoos2009]

mobinil وبس

[دكتور سعيد]

mobinil وبس

ايه علاقة ده بالموضوع

[maro_spanish]

المهم .......... جميع انواع الشرائح الذكية الى بتتكلموا عليها موجودة فعلا ومش خيال وبتشغل فعلا خطين مع بعض ولشركتين مختلفتين كمان بس فى مشكله صغيرة جدا انها بعد فترة بتبوظ السوفت وير بتاع الموبيل لغاية ما توصل لمرحلة ان الجهاز يقولك انسرت سيم كارد وهو فى سيم كارد فعلا

يعنى من الاخر لحد دلوقتى الشرايح الى موجوده دى بتبوظ سوفت وير الموبيل وده كلام عن تجربة .

يارب يكون كلامى فى فايده لحد منكم

وبعدين بالنسبه لموضوع التوقيع اعتقد ان كل واحد حر فى رأيه وفى توقيعه طالما ما لم يخرج عن حدود الادب ، انت مع ساويرس انت ضد ساويرس انت حر وانا كمان حر

[radid]

هى شغالة فعلا لكن للاسف لا تستطيع تشغيل الخطين مع بعض فى نفس الوقت : عليك ان تقوم بالتحويل بينهم من خلال قائمة الموبايل

[haamaad]

الشريحة دى موجودة فى الاسكندرية وبتتكلف فى حدود 50 جنيه
وموجودة فى سموحة و داون تاون


لحظة يامان الأمر فيه خطورة لأنه ممكن ينسخ لنفسه شريحة له
ويكلم من شريحتك زي ماهو عايز !!:0: وتخيل لو خطك نظام فاتورة:jap:
فالافضل انك يكون عندك الجهاز الناسخ والشريحة
وبكده تكون مطمن علي شريحتك
والجديد في الموضوع اني عرفت ان الشرائح الجديدة لا تقبل النسخ:53:
والمقصود اللي شاري خط جديد انما الشرائح القديمة عادي
وده عشان الشركات تنبهت للموضوع ده
ومتنساش انك كده بتخد حق من حقوقها
عشان كدة الشريحة لن تقبل النسخ معاك
واللي عنده كلام وعن تجربة
ياريت يتفضل علينا بالشرح
عشان نستفاد اكتر

وعلى فكرة توقيع الاخ مافيهوش اى حاجة جميلة اصلا

ممكن بالنسبة ليك يكون كده لكن بالنسبة لي الأمر مختلف
معلش يامان الموضوع مبدأ وليس اذواق جمالية ..
اتمني يكون وصلك المعني :questionmark:

ومشكوررررر ليك يا مان للمداخلة الطيبة

[haamaad]

mobinil وبس


ايه علاقة ده بالموضوع


نفس السؤال ايه علاقة ده بموضع الشريحتين :detective2:

ولا يمكن كلامنا مش مفهوم احنا عن بنكلم عن ايه

جايز ليه لأ يمكن كلامنا مش واضح :oh:

[haamaad]

يعنى من الاخر لحد دلوقتى الشرايح الى موجوده دى بتبوظ سوفت وير الموبيل وده كلام عن تجربة .
يارب يكون كلامى فى فايده لحد منكم

اشكرك أخي للمداخلة الطيبة وهو ده اللي المفرض يكون
بينا سرد حقائق وتجارب عشان الكل يستفاد
ليه احنا بنقول منتدي عشان الأمور دي مش كده ولا ايه.
بخصوص ما ذكرته اخي انها بتبوظ سوفت وير بتاع الموبايل
ممكن توضح نوع موبايل بالظبط .. وهل باظ السوفت وير منك بعد فترة أد ايه
ويا تري ده نتيجة ان حضرتك مثلا كل شوية تتنقل للخط التاني
ولا يعني هنقول في اليوم مرة أو تنين لما تحب تتنقل للخط التاني
ياريت توضيح ... عشان انا سألت اللي معاه الشريحة افاد انها ماشية معاه عادي
منذ ما يقرب من شهرين وزيادة
وبيتنقل للخط التاني مرة أو مرتين بالكتير أوي في اليوم


وبعدين بالنسبه لموضوع التوقيع اعتقد ان كل واحد حر فى رأيه وفى توقيعه
طالما ما لم يخرج عن حدود الادب ، انت مع ساويرس انت ضد ساويرس انت حر وانا كمان حر

عفوا اخي انا لا اعترض علي كلامك ولكن تعديل بسيط
كلامي عن التوقيع ليس من ناحية جمالية
أو من ناحية حرية في التعبير
الموضوع مبدأ ليس إلا وممكن ترجع لمنتدي الجولات العام
إحنا ليه ضعفاء كدة !! (http://www.dvd4arab.com/showthread.php?t=691201)
هتلاقي موضوع متثبت بهذا الخصوص

تحياتي لك أخي ومشكورر للمداخلة الطيب

[haamaad]

هى شغالة فعلا لكن للاسف لا تستطيع تشغيل الخطين مع بعض فى نفس الوقت : عليك ان تقوم بالتحويل بينهم من خلال قائمة الموبايل

جميل تواجدك معنا معنا في الحوار .. وبإذن الله نستفاد منك ومن تجربتك

أولا بالنسبة لتشغيل خطين مع بعض ده امر صعب انا عرفه ..

مكنش اتعمل الموبايل ابو شريحتين

ممكن تقولنا سعرها ومنين تقريبا يعني اذكر المنقطة

مثلا من عبدالعزيز .. بقالها اد ايه معاك واستخدامك

لها متكرر ولا بسيط يعني متوسط كام مرة باليوم

وهل قمت بقص الشريحة الأصلية ولا وضعتها كما هي يعني

الموبايل معاك تمام بعد وضعك للشرحتين

عشان موبايل صحبي في معاه مشكلة بالنسبة لوضع الشريحة

ياريت تفدنا أكتر ومشكور ليك كتيررر للمداخلة الطيبة

[`~nn~`]

ممكن بالنسبة ليك يكون كده لكن بالنسبة لي الأمر مختلف
معلش يامان الموضوع مبدأ وليس اذواق جمالية ..
اتمني يكون وصلك المعني :questionmark:

ومشكوررررر ليك يا مان للمداخلة الطيبة
[/CENTER]

انا مقتنع جدا بكلامك ومتأكد ان المنتدى فيه ناس بتعرف تتحاور وتتناقش ذى حضرتك كدا .. وعشان كدا انا قلت رأيى وبصراحة

وعلى فكرة موضوع النسخ ده مهم جدا وانت اتكلمت فى حاجة عمرها ماخطرت على بالى انها ممكن تحصل عشان كدا حتلاقى جهاز نسخ وشرائح فاضية بتتباع فى مراكز خدمة العملاء وانا شفتها فى موبينيل معرفش الباقى ايه نظامه


وشكرا على كلامك الجميل ومداخلتك الاجمل

[haamaad]

وعلى فكرة موضوع النسخ ده مهم جدا


وانت اتكلمت فى حاجة عمرها ماخطرت على بالى انها ممكن تحصل



ما احنا قلنا يا مان اننا هنا عشان تفيد وتستفيد مش كده ولا أيه

امال ايه هدف المنتدي .... زيادة الخبرة لكل المجالات قدر المستطاع

من قبل تعاون الإعضاء مع بعضهم

اعشان كدا حتلاقى جهاز نسخ وشرائح فاضية بتتباع فى مراكز خدمة العملاء وانا شفتها فى موبينيل معرفش الباقى ايه نظامه

امسك هنا مربط الفرس .. :0: هأ هأ حلو مربط الفرس

معلش ممكن توضح توضح المسألة اكتر عشان انا متأكد ان اللي شفته بمراكز خدمة العملاء

يخص نسخ الإسماء والرسائل من شريحة لشريحة وده اعتقادي

عشان مر علي قبل كده جهاز لأم نبيل كان غرضه نسخ الأسماء من بطاقة إلي اخري

لكن المقصود هنا هو نسخ الداتا اللي شريحة الإتصال واللي تمكتك من الإتصال بعد النسخ

أما ما رأيته هو لنسخ الإسماء فقط وإلا كان الموضوع انتشر

وكان كل واحد جاب جهاز وكام شريحه واتحلت مشكلة فقد البطاقه

او تلفها عشان عنده الجهاز وينسخ براحته ولو فقدت منه

او تلفت عادي يستعملها .. صح الكلام يا مان

ومشكورررر ليك يا مان لمتابعتك معانا

[weeja]

الشريحه دى موجوده فى باب اللوق بس انا ما جريتهاش بصراحه

[haamaad]

الشريحه دى موجوده فى باب اللوق بس انا ما جريتهاش بصراحه

يا ماااان احنا اتكلمنا عن نوعين تقصد اي نوع منهم ياريت توضح :detective2:

[radid]

انا جبتها من عبد العزيز ب 20 جنيه قريب و هى معقولة هى تغنيك بس عن حمل 2 موبايل معاك

[دكتور سعيد]

هل الخطين يشبغلوا في ان واحد و لا ببدل بينهم

[haamaad]

هل الخطين يشبغلوا في ان واحد و لا ببدل بينهم

يا دكتور الخطين واحد أصلي والتاني فرعي يعني عن طريق انك بتحول خط علي الخط التاني
مثلا تخلي خط إتصالات الإساسي وتحول عليه خط فودافون
وبكده لو طلبك حد علي فودفون هتلاقية جالك اتصالك
ويفيد ان المكالمة محولة وخد بالك انك بتتحاسب
عن المكالمة المحولة ..لو في استفسارانا حاضر :jap:

[دكتور سعيد]

hammaad

جزاك الله خيرا

طيب استفسار كمان:glasses:


لما اتصل انا باتصل من اي خظ فيهم و لا من الاصلي بس و الفرعي اسبقبل عليه بس؟

[haamaad]

hammaad

لما اتصل انا باتصل من اي خظ فيهم و لا من الاصلي بس و الفرعي اسبقبل عليه بس؟


الأرسال والإستقبال علي الخط الأصلي وهنفترض انه اتصالات
اما الإرسال هيكون علي الفرعي وهنفترض انه فودافون
يبقي حضرتك قبل الكلام تكون عملت اول خطوة وهي تركب شريحة الفودافون
منفصلة لوحدها تماما بالموبايل
وتدخل عادي علي تحويل المكالمات وتختار تقريبا الأختيار
الرابع من قائمة التحويلات وبعد كدة تجيب الشريحتن
اللي هنركبهم بالموبايل وتخلي شريحة اتصالات هي اللي تحت البطارية
يعني تكون هي الأصليه والطرف التاني تركب عليه فودافون ...
وبكدة تمت عملية التركيب..
حياتك هتكون ماشية ببساطة إن شاء الله ..
يعني اتصال واستقبال علي خط اتصالات
والتاني استقبال فقط
وخلي بالك وللمرة التانية اي مكالمة تجيلك علي خط فودافون انت هتستقبلها
ببلاش لكن ترد اوي:jap: فيها فلوس حسب نوع اسعارخطك وعدد الدقايق

لو في اي ايضاح انا حاضر ..قول بس يا دكتور ومهيمكش

[دكتور سعيد]

بصراحة انا مش عارف اقولك ايه

شرحك ممتاز و بالتفصيل


بس

احمممممم


سؤال كمان

انا فهمت انني لن استطيع الارسال من الخط الفرعي((فودافون مثلا حسب مثالك))

فقط استقبل عليه و المكالمات تجيلي علي اتصالات لاني محول عليها

لو انا فاهم كده صح يبقسي الشريحة ده مالهاش اي لزمة!!

و الا لو انا محول المكالمات من فودافون الي اتصالات و رميت شريحة اتصالات في البيت او حطيتها تحت البطارية من غير لا شريحة و لا غيره برضه هتجيني المكالمات علي اتصالات!!

يبقي ايه فايدة الشريحة؟؟


ارجو ان تكون فاهمني

[haamaad]

سؤال كمان
انا فهمت انني لن استطيع الارسال من الخط الفرعي((فودافون مثلا حسب مثالك))
فقط استقبل عليه و المكالمات تجيلي علي اتصالات لاني محول عليها
لو انا فاهم كده صح يبقسي الشريحة ده مالهاش اي لزمة!!
و الا لو انا محول المكالمات من فودافون الي اتصالات و رميت شريحة اتصالات في البيت
او حطيتها تحت البطارية من غير لا شريحة و لا غيره برضه هتجيني المكالمات علي اتصالات!!
يبقي ايه فايدة الشريحة؟؟

ارجو ان تكون فاهمني



يماااان الأمر متعلق بداية من اختيارك التحويل عشان كده انا قلت ليلك من قايمة الستينج ما يخص
التحويلات هتختار تقريبا الأختيار الرابع وهو مفيد في حاله الشريحة غير نشطة فقط وبمجرد انك
شغلتها منفصله ترسل وتستقبل عادي والأمر برضه لما تجي تحول عليها إذا منت مشغل
الشريحتين مع بعض هتحول عليها برضه ترسل وتستقبل عادي ...

الفكرة في الشريحتين ايه.. انك مثلا عاوز تخلع من فودافون وعاجبك عروض إتصالات ومش
عارف تبلغ كل اللي معاك بنمرة اتصالات تخليك مع الإتنين وهيجي وقت مثلا هتحتاج تكلم حد كلمة من اتصالات مثلا وبالمرة عرفه ان ده خطك الجديد وبالتدريج لغاية لما الكل يعرف انك معاك خط اتصالات مثلا

الأمر بسيط غير انه متوقف علي عدة خطوات
1 هتختار مين يكون الخط الأصلي ومين يكون فرعي وغالبا بيكون الأصلي هو اللي هتتكلم بيه
2 تحويل المكالمة واختار تقريبا الاختيار الرابع عشان لو اخترت الأول معناه انك هتحول كل مكالماتك حتي لو كانت هي الأصليه فاهمني.
3 يعني اتمني اكون اقدرت ووصلت ليك ليك المعلومة صح
وبرضه لو عندك استفسار انا جاهز إن شاء الله :jap:

[دكتور سعيد]

خايف اسال تاني تعمل فيا حاجة:)

[haamaad]

خايف اسال تاني تعمل فيا حاجة:)

سبحان الله وحكمت علي ليه كده

ياماااان احنا هنا كلنا فيد واستفيد

مش كده ولا ايه:jap:

[دكتور سعيد]

طيب

برضه عندي اشكال

خد عندك المثال ده عشان تفهم قصدي

انت معاك الشريحة ده و مركب الخطين الاصلي(اتصالات) و الفرعي (فودافون) و عامل التحويل بالطريقة اللي انت شرحتها و اي مكالمة تجيلك علي فودافون بتستلمها و بتحاسب عليها


خلاص


و انا معيش الشريحة الذكية ده

لكن معايا خطين واحد فودافون عامل تحويل مكالماته علي الثاني اللي هو اتصصالات

ثم وضعت خط اتصالات في الموبايل و رميييت خط فودافون في البيت

انا كده باتصل من اتصالات و اي مكالمة بتيجي علي فودافون باستلهما محولة علي اتصالات و لو رديت بادفع تمنها



ايه الفرق بيننا دلوقتي و ايه فايدة الشريحة ده بقي

[haamaad]

طيب
برضه عندي اشكال
خد عندك المثال ده عشان تفهم قصدي
انت معاك الشريحة ده و مركب الخطين الاصلي(اتصالات) و الفرعي (فودافون) و عامل التحويل بالطريقة اللي انت شرحتها و اي مكالمة تجيلك علي فودافون بتستلمها و بتحاسب عليها
خلاص
و انا معيش الشريحة الذكية ده
لكن معايا خطين واحد فودافون عامل تحويل مكالماته علي الثاني اللي هو اتصصالات
ثم وضعت خط اتصالات في الموبايل و رميييت خط فودافون في البيت
انا كده باتصل من اتصالات و اي مكالمة بتيجي علي فودافون باستلهما محولة علي اتصالات و لو رديت بادفع تمنها

ايه الفرق بيننا دلوقتي و ايه فايدة الشريحة ده بقي

شكلك كده يماااان هتجيبها قريب

وبعدين يمااااان بالراحة علي شوية الخط الأحمر
خلاص ضارب في عينيه باين عليك عاوز تضربني هأهأ هأ هأ :glasses:

ركز يمااان معاي
أولا من ناحية انها شريحة ذكية هي مش ذكية خالص
ثانيا جايز انك مش لازمه معاك لكن هقولك علي فكرة حلوة
يمكن تغير رأيك بعدها ولو عجبتك متنساش الدعاء لي

بالهداية وصلاح الحال وحسن الخاتمة

ركز يامااان انت رحت فين .....بتفكر في ايه بقولك ركز..... ركز
الفكرة وهنفترض ان كل معارفك عرفت ان معاك نمرة اتصالات هنفترض:detective2:
طيب ايه الفايدة من شريحة فودافون ارميها ... أقولك لأ ليه هيجي ممكن تحتاجها
زي ايه ... أقول زي الخدمة بتاعة ( خدمة صلة الرحم ) طبعا ده مش اسمها
لكن الخدمة بتاعتهم اسمها اهم خمسة انا بقول عليه خدمة صلة الرحم
كون مجموعة من اسرتك الأب الأم الأخ الأخت ابناءك المهم
تكون المسافات بعيدة بينكم يعني يلزمها انتقال
والحياة والمعيشه اللي احنا فيها تخليك تزور مش مرة الأبوع
أو مرة بالشهر لأ دا ممكن كل كام شهر تفكر ترفع
السماعه وتطمن اخباركم ايه إزاي الحال..
اظن والله أعلم خدمة اهم خمسة هتشجع انك تتصل اكتر من مره
وبكدة يكون في صله وتواصل وفي حالة الشريحتين
بجهازك عادي اللي يرن عليك كنسل وادخل علي قايمة
التحويل واتكلم أو عاوز تكلم حد منهم عااادي ادخل علي قايمة التحويل وحول ....
مش تقولي بقأة افك غطا الموبايل واشيل البطارية
واشيل الشريحة واركب البطارية ...و...و....:31:
الموضوع كبير اوي مش كده ولا ايه:jap:

يبقي الشريحتين ممكن تخدم في الحالة دي صح يماااان

ولو عندك استفسار قووول يا دكتور

[meky_matrix]

طيب كلد ده تمام
وانا اشتريت الشريحة الذكية وتعمل معى تمام

لكن فى الشريحة ميزة هى التغير بين الخطين كل دقيقة او اكثر اوتماتك

لكن المشكلة عند كل مرة يقوم بالتغير الى الخط الثانى يطلب منى الموافقة يعنى يقولى (السماح بتحديث بطاقة Sim ) ولازم اقوله موافق كل مرة

هل يوجد حل ينتقل كل دقيقه او اكتر بين الخطين بدون سؤالى


والسؤال ده من الشريحة ولا من الموبايل نفسه

الخطين اتصالات وفدوفون والموبايل N70

[haamaad]

طيب كلد ده تمام
وانا اشتريت الشريحة الذكية وتعمل معى تمام
لكن فى الشريحة ميزة هى التغير بين الخطين كل دقيقة او اكثر اوتماتك
لكن المشكلة عند كل مرة يقوم بالتغير الى الخط الثانى يطلب منى الموافقة يعنى يقولى (السماح بتحديث بطاقة Sim ) ولازم اقوله موافق كل مرة
هل يوجد حل ينتقل كل دقيقه او اكتر بين الخطين بدون سؤالى
والسؤال ده من الشريحة ولا من الموبايل نفسه
الخطين اتصالات وفدوفون والموبايل N70


لأ من الشريحة ..... وعشان كدة عاوز اعرف ليه اطلقوا عليها الشريحة الذكية :31:

[SALSA2008]

الراجل اللى كاتب موبنيل وبس بيعترض على التوقيع لان فيه صوره ساويرس وعليها علامه اكس وكلمه قاطعوا . على فكرع الموضوع جميل وياريت اللى عنده مغلومه يضيفها فعلا بس انا شايف ان لو الشيحه دى لو مش معتمده من نوكيا يبقى انت بتبوظ تليفونك بأيدك

[cyber007]

هوا الشريحه الذكيه دى لو مركبها فى 6630 مثلا هل كل ما اجى احول من شريحه للتانيه الموبايل بيرستر ؟

[loaloa22]

اخوانى
الموضوع ده بالفعل مهم وشيق
انا اعتقد ان هناك بالفعل امكانية لنسخ شريحتين على شريحة واحدة لكن شركات الاتصالات ترفض تطبيق الفكرة لكن اجهزة نوكيامعظمها تدعم 2 خط على جهاز واحد ، وهذا يعنى ان هناك بالفعل امكانية تشغيل خطين على جهاز واحد فقط ، اتمنى ان نصل بالفعل لجهاز يمكنه القيام بهذه العملية

[loaloa22]

ايضا يا اخوانى
يمكنكم الدخول الى هذاالرابط
http://www.duosim.com/supersim.html
فهذا الجهاز لنسخ من 1 الى 16 شريحة على شريحة واحدة و قد يكون به حل هذا الموضوع على قدر فهمى

[mohamed_mans]

والله يا يا جماعه انا جربت الموضوع
جبت الشريحه الذكيه اللى بيقولو عليها
وقصيت الشريحتين عشان يتركبو فيها
بالظبط 3 ايام ورميتها
اولا : البطاريه كانت اصليه وكانت مش بتكمل يوم واحد
ثانيا : خط واحد اللى شغال ولو عايز التانى يبقى تحول على التانى
يعنى فى النهايه برضه خط واحد اللى شغال

بس انا حليت المشكله !!:50: :50:

جبت جهاز samsung D 880
بيشغل الخطين فى نفس الوقت :50:

معلش طولت عليكو

[cyber007]

عيب الجهاز الوحيد انه معدى ال 2000 ومفهوش ميزه غير تشغيل الخطين بس

[دكتور سعيد]

انا اشتريت الشريحة ده اخيرا و جاري التجربة

[zaher_90]

السلام عليكم
اولا بخصوص الشريحه اللي بيركب عليه خطين انا جربتها على موبايلي n95
,و كانت النتيجه انها كستلي السنون بتاعت غطاء البطاريه لان المساحه غير متوفره اما بالنسبه لعملها فهي كانت بطيئه و بتهنج و مش بتشغل غير خط واحد ولازم اعمل ريستارت علشان اختار الخط التاني و هي ملهاش لازمه من رأيي


اما بالنسبه لنسخ الشريحه على شريحه اخره فهي حقيقيه و انا لدي جهاز صغير و لكن ليس لنقل الاسماء و الرسايل فقط و ليس خدمة الشبكه
يعني تحط الخط الاول و تضغط على باك اب ثم تنتظر هتى ينتهي من الباك اب و تخرج الخط و في حالة فقدان او احتراق الخط ف؟أنت تقوم بوضع اي خط اخر في الجهاز و تختار رايت(كتابه)write
ليقوم بنسخ الاسماء و الرسايل على الخط الجديد و ميزته انه بيقرأ الاسماء من على الخط حتى لو كان محروق

ارجو ان اكون افتدكم و اي استفسار ارجو مراسالتي على الخاص

[kingsaler]

مشكور
سبحان الله وبحمده سبحان الله العظيم