كل سنه وانتو طيبين ..وغيرنا مش لاقيين ..!!!

[lyonaids]

كل سنه وانتو طيبين.....



لكل ادم ولكل حواء....
كل شاب وكل بنت بمناسبة العيد...
ولكل حبايبي في القسم ده....

كلنا عارفين ايه اللي بيحصل في العيد .

.اسراف...استخفاف ..مخدرات..معاكسات..وحاجات تانيه كتير ..كلنا عارفينها..!!

.انا اسف ...مش وقت نكد.....بس انا شايف ان في ناس منكو حاسه انها
مابتعيدش كويس ..وان في حاجات ناقصاها...صح ولا لأ...!!
اذا كان طقم معين عاوزه....مبلغ معين .....
حد معين كنت عايزه ومالقتوش لان الظروف كانت صعبه!

انا اسف ..أحب اقوللكو انتو كويسين اوي ....اوي!
لو ناقصكو لبس...لو ناقصكو فلوس ....حتي لو ناقصكو حد جنبكو مش لاقيينه في العيد
...لو خايفين من الامتحانات بعد العيد حتي....!!
.صدقوني احنا في نعمه....!
وللمرة الاخيرة يا جماعة اللي هيحس اني بكئب الناس في الموضوع
بالعكس ...الموضوع ده للتفاؤل..وللأمل...لان الناس اللي في الموضوع..: إحنا مش زيها .....!!

ماتبصش فوقيك لتتعب...
بص تحتيك تندم ..وتبدا تحمد ربنا..
وتبص للي في ايديك وجنبك وحواليك....وأكيد هتبقي أسعد !!









طفـــــــــــــــــــــــــــــــــــــــــــــــل ....:




http://photos1.hi5.com/0010/838/848/bTiS6J838848-02.jpg







طفل لا يعي شئ لسه..اي شئ ...

.كل اللي مدايقه وهيخليه يعيط.
.والده اللي بيشاورله من ورا إزاز طيارة الانقاذ اللي شايلة والدته معاه
وهو مش عارف يلمس حتي ايده ...والده طبعا مش معاهم لانه هيستني
يجيب بقية الاهل والناس من لبنان اللي اتدمرت في اواخر رمضان..وبداية العيد..!طفــــــــــــــــــــــــــــــــــــــــ ــــــــلة ...:




http://photos1.hi5.com/0015/401/643/u3Kz53401643-02.jpg




دي صورتها في العيد الصغير اللي فات ....

كان لبس العيد بتاعها بدلة جندي ...!!
وكانت عروستها..بندقيه بلاستيك ..

نفسها تعمل بيها اي حاجة زي والدها واخوها ..

والستات ذات نفسها اللي بتحارب عن شرفها هناك
ضد السفلة.. والدون..والمغتصبين... رعاع الناس ..!!!






ولــــــــــــــــــــــــــــــــــــــــــــــــ ــد ....:





http://photos1.hi5.com/0011/425/327/x0TH4t425327-02.jpg

ولد ...من ساعة ماتولد وهو ما بيسمعش غير صوت المدافع والرصاص
..واصوات صريخ اخواته البنات ..وامه واهل بيته ..
.قرر يعمل اي حاجة ...
ما إكتفاش بالكلام ..وعمل ...

راجل ...

يبخته هو ووالدته ليهم الجنة ...!!






بـــــــــــــــــــــــــــــــــــــــــــــــنـ ـــــــــت....:







http://photos1.hi5.com/0015/547/361/mZ.0aX547361-02.jpg

بنت لبنانية ..لسه عروسة ...صحيت من النوم في امان الله بتعمل حاجة لبنتها الصغيرة اللي زي القمر..
بإختصار...البيت وقع....وجوزها مش عارفة هو فين.. يا تري عايش ولا مات
..تأمل حضرتك في تعبيرات وشها ..والحرقة والقهر..
وهيا بتجري وخايفة علي نفسها..وعلي بنتها ورا بتوع الانقاذ...كل امنيتها متهيألي اللحظة دي
ان دموعها تخف شويه علشان تعرف تشوف الطريق كويس ...!!





راجــــــــــــــــــــــــــــــــــــــــل ....:




رجل .

في قمة شبابة ورجولتة وقوتة وفتوته

...لة زوجة وأولاد ومال ..يعني لا ينقصه شئ من متاع الدنيا .

...جدة النبي علية الصلاة والسلام.......!!يعني مافيش أكتر من كدا شرف وحسب ونسب ...!!!

فجأة يقرر خوض قضية هي الانتحار بعينه..!! ان يقف ومعاه 70 بس .
..70 ومعاه اهل بيته من النساء والاطفال بعد أن تخلي عنة كل الناس
وخللو سيوفهم علية بعد ما كانت معاه.
.ويقف في وسط الناس قدام الظلم ويقول أنا لسان الفقراء ..انا صوت من لا صوت له

..انا ترجمان الخائفين ..!!..

.وتنزل علية السهام والسيوف ويقتل ابنة الرضيع..بين ايديه...ويرفعة للسما يشهد ربنا عليه ...!!

كل دة عشان خاطر الفقرا وعشان خاطر كلمة حق ....ويحارب ..

.من غير خوف لغاية اخر نفس علشان خاطر بيته واهل بيتة من النساء والاطفال .

..يدافع عنهم لغاية ما يتقطع جسمه تحت سنابك خيول الظلمة قساة القلوب ...!!!

الراجل دة اسمة الامام الحسين..!!



بطولة نادرة...

بطولة نادرة اوي اوي ...

لحد دلوقتي مش لاقي حتي قصة خيالية ممكن تعمل كدا...؟

بجد مافيش في دماغي حد من الخيال لان الراجل دة لحد دلوقتي ماشفتش حاجة ابدا كدا ...

انا مش متدين قوي والقصة قريتها بالصدفة...!! بس الراجل دة انا نفسي ابقي زيه ...!!!!
http://photos1.hi5.com/0013/563/873/4smxXf563873-02.jpg




محمد عبد القدوس عضو مجلس نقابة الصحفيين!!

الصحفي والكاتب الكبير قوي وابن الاديب العبقري احسان عبد القدوس !!

راجل لقيته اقرب شبه بالامام الحسين في الايام السودا دي .....الراجل ده في الصورة....؟؟

.قابلته وجها لوجه في الدستور لما كنت باتمرن هناك...اول مرة دخلت هناك!!

لقيته معدي قدام المكتب ..الهيبه كلها ...كنت هاموت وانا قاعد....وقفت اول مادخل غصب عني كاني انسحرت

قلت لكل الناس يا جماعة مش ده كذا...قالولي ايوه ..قلت انا هاقوم اسلم عليه..... ازاي يعني اسيبه كدا!!

قالولي انت بطل .....!!!

لان لحد دلوقتي كل ماحد فينا بيشوفه مابيقدرش يقوم يسلم عليه ....!


http://photos1.hi5.com/0015/166/919/6DwEpC166919-02.jpg

محمد عبد القدوس ده...بيروح لوحده ماسك علم مصر وماسك المصحف...وبيقف قدام مبني نقابة الصحفيين

لوحده....!!! ..لوحده....بيتكلم ويصرخ لوحده علي اللي حاصل لينا وفينا في زمن السوء....!

مش خايف من اي حاجة ولا اي حد...........اخر مرة وقف ولوحده جابوله 4..اربع ...4....عربيات امن مركزي ليه لوحده

تراقبه وهو عجوز وفي هذا السن ....!!!

فعلا ....الرجالة ماتت في الحرب زي مابيقولو ...


بس لسه الاغاني ممكنه.....!!







ســــــــــــــــــــــــــــــــــــــــــــــت.. ..:





http://photos1.hi5.com/0014/224/938/dGiJF.224938-02.jpg


شايف الست اللي ورا خالص هناا......ك دي ؟؟؟

اللي بتكسر في الحجارة تفتتها علشان تعرف تمسكها تحارب بيها وتدافع عن نفسها وعن بنتها
قدام طلقات الرشاشات

ورصاص المدافع والبنادق ...!!

شايف اللي جنبها بقي اللي راقده علي الرصيف دي ...!!

يا تري انت ايه رايك وتعليقك لاني عجزت عن اني اكتب كمان ...

انا كنت فاكر ان الرجل بس اللي ممكن يتهور ...ويحارب لغاية مايموت

بس كنت غلطان.....وبقوة..!!



بلــــــــــــــــــــــــــــــــــــــــــــــــ ــد ...:




http://photos1.hi5.com/0015/630/539/MrfNda630539-02.jpg





صباح الخير يا مصر ..
صباح الخير على الناس المرهقين من عناء الحياة
والدايرين في الساقية اللي منصوبة لهم من سبع الاف سنة
.. الناس اللي عايشة اليوم بيومه ..كل أملها يعدي من غير اي خساير ..
مابتفكرش في بكره عشان ماتتقهرش..
. مابتفكرش في النهارده علشان ماتتنقطش .
. صباح الخير على ضحكة عالية في قهوة شايها مايتشربش ..
على شاب بيقوم لست كبيرة في الاتوبيس..
على كوباية شاي باللبن وحتة بقسماط بعد صلاة الفجر جنب السيدة نفيسة .
. .. على سينما زحمة والضحك طالع من القلب للركب ......
.... على سور الأزبكية وكتبه المعتقة .
. على عشاق فقرا مش لاقيين شقة فبيخطفوا الفرحة متداريين في صخور الكورنيش ورا شجر النيل ..
!! على صوت الشيخ السيد متولي وهو بيقرا سورة يوسف وبيخلينا نعيط على سيدنا يعقوب اللي ابيضت عيناه من الحزن !!







http://photos1.hi5.com/0013/314/754/LbShoi314754-02.jpg







بحبك يا مصر....

بحبك بكل قساوتك قبل حلاوتك....

ناسيكي اه...بس بحبك...زي صباعي اللي حته مني واتعودت عليه ...

ناسيه وما بقولش فيه شعر.!.بس لو حد بس حاول يعوره

هافتكر اد ايه ده حتة مني ..مهم بالنسبالي ...

.وهحارب عشان يبقي دايما فيا... وبيا... ومعايا !!












حكمة الموضوع .....:





كل عيد واحنا طيبين

والخرفان مدبوحين ..!

كل سنة واحنا طيبين..

و في ناس تانيه مش لاقيين!:mdr:












لكل الناس اللي هتقول عليا نكدي كئيب...ااقولهم اقرو اول الموضوع ....

وبعدين صدقوني انا هيست كتير اوي ..في مواضيع كتير قبل كدا..!!

[lyonaids]

سطور فقرة صباح الخير يا مصر ..

للعبقري بلال فضل ..

[HiL@Ry]

موضوع جميل جدا جدا جدا مش عارفا اقول ايه بجد انا اتاثرت بالموضوع

اوى اوى والحمدلله على اللى احنا فيه بجد الحمدلله وربنا يكرم الناس كلها

وعجز لسانى عن التحدث كثيرا ومش عارفا اجيب كلمات منين علشان

اوصف شعورى بالموضوع دا بجد موضوع زى ما هو يحزن بس بيفكرنا

بنعم كبيره علينا وبقول بصوت عالى الحمدلله على كل شى

تم التثبيت لقيمه الموضوع الرائعه وبجد مميز

تحيتى لك ...وجزاك الله خيرا فى رعايه الله

[romanza]

جزاك الله كل الخير
وكل عام وانت بخير
يعجز لساني على قول أكثر من ذلك

[lyonaids]

يا خرابي ..:mdr:




يا لهوي :mdr:




مش عارف يا ناس اقول ايه ...




ايدي متصلبه عالكيبورد يا جدعان


استنو اما افوق ..:mdr:

[trazan2010]

كلام جميل اوى يا ليو بس صدقنى مش كتيير اللى هيدخلوا الموضوع ولو دخلوا مش كتيير اللى هكملوه ولو كملوه مش كتيير اللى هيردوا ولو ردوا مش كتيير اللى هيقتنعوا ولو اقتنعوا مش كتيير اللى هيفتكروا ويغيروا تفكريهم لكدة يعنى مالاخر مهما كان الانسان ربنا عاطيه من نعم برده بيرجع يقول عايز اكتر ولو العالم كله فكر بالطريقة اللى مكتوب بيها موضوعك كنا عيشنا فجنة مش عشنا فالعالم
ومبروك التثبيت

[lyonaids]

حبيب قلبي اللي منورني في كل مواضيعي

بجد انت مشرفني هناكمان ...وميرسي لك مجاملتك علي دماغي من فوق

وكل سنه وانت طيب ياجميل

[trazan2010]

وانت طيب
بس بلاش نفاق النور دة نور الشاشة مش نورى انا

[lyonaids]

:mdr:





اسكت ياض انا قلت منورني يبقي منورني:mdr:

[trazan2010]

طب يمين على يمينك دة نور الشاشة وكلمة زيادة اصور قتيل
(هجيب قتيل واجيب كاميرا واصوره)

[lyonaids]

:mdr:




خلاص يا باشا



البنطلون آه....:mdr:

[Zer0 0ne]

ًيا ليو مش عارف أشكرك إزاي على كلامك
وما فيش كلام أقدر أقوله غير....الحمد لله
كل سنه وانت طيب............. .

[bigsonson2003]

يا اكسلانس يا برنس الليالى انت الموضوع دا بتثبتلى ادايه ان لسة الناس فيهم فئة بتفهم وبتفكر وانهم ممكن يحسوا بغيرهم
للاسف الشديد انا بقيت ماشى فى الشارع شايف اد ايه احنا بقينا جبلاية مصر العربية مع تدنى مستوى الحوار والهيافة فى التفكير وقلة الحيلة ولغة الحوار اللى بقت اسمه كيف تقفش على غيرك
البلد دى يا باشا تعيش ازهى عصور الاضمحلال واتحدى اى حد يقولى انه بيحس بطعم العيد او رمضان او حتى اى حاجة
لقد تحولنا يا مون بيه الى ثيران فى الساقية كل مهمتنا البحث عن لقمة العيش وسدقنى ياباشا احناوصلنا لعهد كل حاجة اسمها عادى فى الزبادى
الشاب يحشش.....عادى
البنت تمشى على حل شعرها....عادى
الواحد يسرق وياخد رشوة....عادى
الناس تسافر وتلعن الدنيا .......عادى
واخر حاجة اقولها :عيد بأى حال جئت يا عيد وشاكيرا شاكيرااااا
كل سنة وانتم طيبين وباللحمة متهنيين وبالعضم ممصمصين
سلام

[ghedor]

فعلاً الحمدلله على كل شئ ، وربنا يفرج عنهم الكروب جميعاً

شكراً على موضوعك المميز

وكل سنة وانتوا كلكم طيبين وبخير

[lyonaids]

يا اكسلانس يا برنس الليالى انت الموضوع دا بتثبتلى ادايه ان لسة الناس فيهم فئة بتفهم وبتفكر وانهم ممكن يحسوا بغيرهم
للاسف الشديد انا بقيت ماشى فى الشارع شايف اد ايه احنا بقينا جبلاية مصر العربية مع تدنى مستوى الحوار والهيافة فى التفكير وقلة الحيلة ولغة الحوار اللى بقت اسمه كيف تقفش على غيرك
البلد دى يا باشا تعيش ازهى عصور الاضمحلال واتحدى اى حد يقولى انه بيحس بطعم العيد او رمضان او حتى اى حاجة
لقد تحولنا يا مون بيه الى ثيران فى الساقية كل مهمتنا البحث عن لقمة العيش وسدقنى ياباشا احناوصلنا لعهد كل حاجة اسمها عادى فى الزبادى
الشاب يحشش.....عادى
البنت تمشى على حل شعرها....عادى
الواحد يسرق وياخد رشوة....عادى
الناس تسافر وتلعن الدنيا .......عادى
واخر حاجة اقولها :عيد بأى حال جئت يا عيد وشاكيرا شاكيرااااا
كل سنة وانتم طيبين وباللحمة متهنيين وبالعضم ممصمصين
سلام


لا اله الا الله

لا اله الا الله يا حسن

بجد انا كل ماقرا كلامك اتخيل جدي بيتكلم

انا نفسي اعرف عند كام سنه علي كلامك ده

يا سيدي عايز اقوللك مثل اجنبي

always there someone looksafter

يعني ربنا موجود

ومشاهد ومراقب الجميع اتطمن ..

عيد يا سيدي ..والله الموفق ..

وكل سنه وانتا طيب يا حسن ..:glasses:

[ahmedmosad20011]

موضوع جميل مش شاب جميل ألف شكر ياباشا

[superher0]

.اسراف...استخفاف ..مخدرات..معاكسات..وحاجات تانيه كتير ..كلنا عارفينها..!!

بكل اسف اصبح العيد
وحصوصا الانيل الحاجات اللي عارفينها
ولو جيت تكلم حد وتقله ده غلط و حرام اللي بتعمله
يقلك ده عيد


صباح الخير يا مصر ..
صباح الخير على الناس المرهقين من عناء الحياة
والدايرين في الساقية اللي منصوبة لهم من سبع الاف سنة
.. الناس اللي عايشة اليوم بيومه ..كل أملها يعدي من غير اي خساير ..
مابتفكرش في بكره عشان ماتتقهرش..
. مابتفكرش في النهارده علشان ماتتنقطش .
. صباح الخير على ضحكة عالية في قهوة شايها مايتشربش ..
على شاب بيقوم لست كبيرة في الاتوبيس..
على كوباية شاي باللبن وحتة بقسماط بعد صلاة الفجر جنب السيدة نفيسة .
. .. على سينما زحمة والضحك طالع من القلب للركب ......
.... على سور الأزبكية وكتبه المعتقة .
. على عشاق فقرا مش لاقيين شقة فبيخطفوا الفرحة متداريين في صخور الكورنيش ورا شجر النيل ..
!! على صوت الشيخ السيد متولي وهو بيقرا سورة يوسف وبيخلينا نعيط على سيدنا يعقوب اللي ابيضت عيناه من الحزن !!

انا بحب الحكومه
:detective2::detective2::detective2:


وكل سنه وانتو طيبين و بخير

[amr_elsharkawy]

بصراحة الموضوع جميل جدا.........و اخر كلام قلتة عن مصر بجد شدنى و عجبنى لان لازم نحب البلد بحلوها و مرها بكل حاجة دى بلدنا.......مش عارف كلامى صح ولا غلط.......بس فية حاجة واحدة انا متاكد منها انك بجد فنااااااااااااااان و مش اى فنان لا فنان كبيرررررررررر

[lyonaids]

:mdr:




عمرو انا عايز اعيط ..!

هارد عليك بعدين :mdr:






معاك منديل ؟

[lyonaids]

موضوع جميل من شاب جميل ألف شكر ياباشا


انت الاجمل يا احمد ..

والشكر لك

[lyonaids]

بصراحة الموضوع جميل جدا.........و اخر كلام قلتة عن مصر بجد شدنى و عجبنى لان لازم نحب البلد بحلوها و مرها بكل حاجة دى بلدنا.......مش عارف كلامى صح ولا غلط.......بس فية حاجة واحدة انا متاكد منها انك بجد فنااااااااااااااان و مش اى فنان لا فنان كبيرررررررررر

يا عمر والله مجاملتك دي علي دماغي من فوق..

وانت عارف انك من الناس اللي لما بترد في المواضيع انا ما بعرفش اعقب عليها خالص..
بقعد افكر في كلام اقوله مابلاقيش ..

شكرا يا عمرو ,, والله ماعندي غيرها :mdr:

[asa65]

بااااااااااااااااااااااشا والله باااااااااااااااشا
يابني طول عمرك
وانت بالكلام ده مسيت شغاف قلبي و اصبت كبد الحقيقه وخليت حالي يصعب علي الكافر:sadwalk:
موضوع جميل جدا جدا جدا
و مبروك التثبيت يا كبير

[mota_ug]

بدون تعليق

[lyonaids]

بااااااااااااااااااااااشا والله باااااااااااااااشا
يابني طول عمرك
وانت بالكلام ده مسيت شغاف قلبي و اصبت كبد الحقيقه وخليت حالي يصعب علي الكافر:sadwalk:
موضوع جميل جدا جدا جدا
و مبروك التثبيت يا كبير

يا عم والله انا مابكتبش الا عشانكو انتو بجد ..والباشا هو انت بذوقك وكلامك الجميل.

وكل سنه وانت طيب ...

انت والقطة دي طبعا يبختها اللحمة هاتكتر:mdr:

[lyonaids]

بدون تعليق

موتا :mdr:

ايه الي انتا كاتبه في خانه الدولة ده هه..

جمهورية الكيسة:mdr:

يخربيت الفقر!

[ندي الورد_2]

موضوع جميل اخي وجزال الله كل خير
والحمد لله علي اللي احنا فية
وكل سنة وانتو طبيبن
عيد سعيد علينا وعليكم

[eng_omar_1]

الف الف مبروك على تثبيت الموضوع الرائع
على الرغم اني شايف ان مواضيعك كلها تستاهل التثبيت
والله مش نفاق ولا هذار
انت تستاهل كل خير



نرجع لموضوعنا
انت الاول بجد اثرت احزاني الموضوع فيه كمية جد مش متعودها عليك
رائعه هي صور البطوله .....جميلة هي لوحات الشجاعة
لكن الي اين نسير
احنا ماشيين في سكك وحارات سياسية غريبة
.............
انا برضة باحب الحكومة اوي ياعم
................
ياريت كلنا نكون زي الاطفال دي ....ياريت نرجع نقاوم
المقاومة هي السبيل الوحيد للنجاة ولدحض الاحتلال
............
***مصر***
عشقي
ياريتني باشتغل في مصر
يارتني اعمل حاجة لمصر
ربع ...لا واحد على الالف اللي عملته هنا في السعودية
على فكرة انا الحمد لله كان ليا الشرف اني اشتغلت في مشروع القاهرةالفاطمية
وبحب مصر ونفسي ارحع النهاردة قبل بكرة
بس الظروف انت عارف
انت بجد خليت جسمي يقشعر من الصور الفظيعة اللي في المقال
واللي اثر فيا كتير هي صورة الهرم الاكبر
............
والله احنا عندنا حاجات كتير كويسة بس احنا مش شايفينها
نعم كتير عندنا مش بنحمد ربنا عليها
ومش بنحس بيها غير لما نلاقيها راحت
...............
الحمد لله على كل النعم
......
الف شكر على الموضوع
وعاوز اقول حاجات كتير في حب مصر
انا باحب مصر اشمعنا انت
وصباح الخير يا مصر

[lyonaids]

يا حبيب قلبي انا مش عارف والله ارد علي زوقك وكلامك الجميل ازاي ..

كلامك انتا فعلا اللي اثر فيا بسيط.لكن معبر اوي ...

باذن الله ربنا معاك في شغلك هنا او في السعوديه كلنا واحد..والله بجد

وكل سنه وانتا طيب وفي صحة وسعاده دايما يارب..

[eng_omar_1]

يا حبيب قلبي انا مش عارف والله ارد علي زوقك وكلامك الجميل ازاي ..

كلامك انتا فعلا اللي اثر فيا بسيط.لكن معبر اوي ...

باذن الله ربنا معاك في شغلك هنا او في السعوديه كلنا واحد..والله بجد

وكل سنه وانتا طيب وفي صحة وسعاده دايما يارب..

ربنا يخليك يا غالي
..
انا قريت انك بتقول انك صحفي تحت التمرين
بص يا حبيبي لو انت فعلا كده تبقي مصيبة
لان اللي زيك وبيكتب بالتلقائية الجميلة دي لازم يبقي رئيس تحرير
وعلى الاقل يكون له عمود ثابت(او اكرامي) في احد الصحف الرئيسية
ولا عزاء للصحافة
لاننا اكيد اكيد في مصر

[haiam85]

فعلا ياليو احنا مبئناش نحس بعيد ولا نحس بأى حاجه تفرح اصلا
بس الحمدلله عاللى احنا فيه
كل سنه وانتو كلكو طيبين

[lyonaids]

موضوع جميل جدا جدا جدا مش عارفا اقول ايه بجد انا اتاثرت بالموضوع

اوى اوى والحمدلله على اللى احنا فيه بجد الحمدلله وربنا يكرم الناس كلها

وعجز لسانى عن التحدث كثيرا ومش عارفا اجيب كلمات منين علشان

اوصف شعورى بالموضوع دا بجد موضوع زى ما هو يحزن بس بيفكرنا

بنعم كبيره علينا وبقول بصوت عالى الحمدلله على كل شى

تم التثبيت لقيمه الموضوع الرائعه وبجد مميز

تحيتى لك ...وجزاك الله خيرا فى رعايه الله


مجاملة كبيرة جدا يا هيلاري يسطتني جامد ..وشهاده اعتز بيها ..

ميرسي لكي جدا كلامك الجميل ..

بالتوفيق

[lyonaids]

جزاك الله كل الخير
وكل عام وانت بخير
يعجز لساني على قول أكثر من ذلك


الله يبارك فيكي رومانزا ..

وكل سنه وانتي طيبة ..ويارب تبقي مبسوطة علي طول .

[lyonaids]

ًيا ليو مش عارف أشكرك إزاي على كلامك
وما فيش كلام أقدر أقوله غير....الحمد لله
كل سنه وانت طيب............. .

وانت طيب ودايما بصحة وسعادة ..ويارب علي طول ..

[lyonaids]

فعلاً الحمدلله على كل شئ ، وربنا يفرج عنهم الكروب جميعاً

شكراً على موضوعك المميز

وكل سنة وانتوا كلكم طيبين وبخير

العفوghedor..

وانتي طيبة وبسعاده دايما بأذن الله ميرسي لكي مجاملتك الرقيقة..ّ

[lyonaids]

يا اكسلانس يا برنس الليالى انت الموضوع دا بتثبتلى ادايه ان لسة الناس فيهم فئة بتفهم وبتفكر وانهم ممكن يحسوا بغيرهم
للاسف الشديد انا بقيت ماشى فى الشارع شايف اد ايه احنا بقينا جبلاية مصر العربية مع تدنى مستوى الحوار والهيافة فى التفكير وقلة الحيلة ولغة الحوار اللى بقت اسمه كيف تقفش على غيرك
البلد دى يا باشا تعيش ازهى عصور الاضمحلال واتحدى اى حد يقولى انه بيحس بطعم العيد او رمضان او حتى اى حاجة
لقد تحولنا يا مون بيه الى ثيران فى الساقية كل مهمتنا البحث عن لقمة العيش وسدقنى ياباشا احناوصلنا لعهد كل حاجة اسمها عادى فى الزبادى
الشاب يحشش.....عادى
البنت تمشى على حل شعرها....عادى
الواحد يسرق وياخد رشوة....عادى
الناس تسافر وتلعن الدنيا .......عادى
واخر حاجة اقولها :عيد بأى حال جئت يا عيد وشاكيرا شاكيرااااا
كل سنة وانتم طيبين وباللحمة متهنيين وبالعضم ممصمصين
سلام

حسن انا قريا كلامك اكتر من مرة ..

انت كلامك بجد كانه طالع مني..اكنك بتقر افكاري ..

ولو جيت اقول الكلام ده تاني مش هقوله غير بطريقتك دي

حسن شاكر ليك اوي متابعتك ..ويارب تبقي مبسوط في العيد يا جميل.

لانك تستحق كدا..!

[bigsonson2003]

شكرا اوى يا ليو وبجد انت اللى بتخلينى ارد على مواضيعك المحترمة والمعبرة

[lyonaids]

حبيب قلبي انتا يا حسن ..

وتشجيعك بس وكلامك الحلو والله هو اللي خلاني اكمل وانزل مواضيع رغم اني بتسرق في المنتديات التانية يا اكسلانس

[Wanna Help]

lyonaids
بجد أول مره أقرألك حاجه وتأثر فيا وتعجبني
دا رأيي بصراحه
ربنا يكرمك ويهديني
ياريت تراجع توقيعك والصور اللي فيه
شكرا

[lyonaids]

عزيزي الاكسلانس ..!

شاكر لك جدا مجاملتك والحمدلله ان الموضوع اثر فيك وعجبك ..!

ثانيا ..:

بالنسبة لبقيه المواضيع ..

هيا أزواق المسألة...

يعني انا عن نفسي في ناس كتير بتحب مثلا اكلة معينة..بس انا بكرهها

انا كدا..! أمزجة ..وشخصيات..وأراء.

اما يكون في كذا موضوع تاني بلاقي مشاهداته عدت الالف في كذا يوم ..

يبقي في ناس كتير عجبها الموضوع ..

انا ممكن اكتب بالفصحي ,,

وهاعجبك اوي لأني شايف نفسي متمكن منها اوي.!! وبدون غرور ..

بس ساعتها مافيش غيرك هيقراها..!!! بجد الفصحي بقت صعبة اوي ..

انا لازم اكتب اي حاجة واي رأي ليا بلغة الناس ...

عشان تفهمني الناس ...

ويوصل كلامي ليهم ..


شاكر لك نصيحتك اوي ..علي دماغي من فوق والله ..

اما بالنسبه للتوقيع ..

والله التوقيع بيعبر عن شخصية صاحبة في لحظة معينه هيا وقت كتابة التوقيع ..

واكيد هيتغير كمان فترة كدا....

شاكر لك متابعتك ..وكل سنه وانت طيب ..

وعلطول بصحة وخير وسعادة ...

[Wanna Help]

يمكن تعبيري خاني لكن أنا من متابعي مواضيعك أخي العزيز لكن ها الموضوع أكثر موضوع اثر في
أما بالنسبة للصوره الموجوده بتعليقك فأنا أنصحك لا أكثر ولا أقل لأني أحبك
شكرا

[lyonaids]

انت كلامك والله علي دماغي من فوق زي ماقلتلك ..
وده رايك طبعا...وانا مبسوط انك بتقوله وما بيهمكش اي حد

مش احسن ماتجاملني وتنافقني وانا ممكن ماستاهلش كدا؟!

الصديق الصح هو الذي لا يجاملني باخفاء شئ يراه مهم عني ..!

انتا مش متخيل سطورك البسيطة اللي كتبتها بتبقي قيمتها عاليه اوي عندي

علي الاقل احسن من اي حد بيكتب مشكور وثانكس والحاجات دي مش كدا؟


ماتشغلش بالك والتوقيع فعلا هاغيره لاني اكتشفت انه غلط في حاجات كتير

وكل سنه وانت طيب ...

[lyonaids]

فعلا ياليو احنا مبئناش نحس بعيد ولا نحس بأى حاجه تفرح اصلا
بس الحمدلله عاللى احنا فيه
كل سنه وانتو كلكو طيبين

ميرسي لكي هيام متابعتك للموضوع

وكل سنة وانتي بالصحة والسعاده انشاء الله

[maxx_4ever]

بحبك يا مصر....

بحبك بكل قساوتك قبل حلاوتك....

ناسيكي اه...بس بحبك...زي صباعي اللي حته مني واتعودت عليه ...

ناسيه وما بقولش فيه شعر.!.بس لو حد بس حاول يعوره

هافتكر اد ايه ده حتة مني ..مهم بالنسبالي ...

.وهحارب عشان يبقي دايما فيا... وبيا... ومعايا !!


SIZE]

[SIZE="4"]من أجمل ما قرأته منذ فترة كل الموضوع جميل جدا و مش نكد لان احنا اتربينا علي كل ده و بالتالي بقي شئ عادي بس مش عادي
يعني مش عادي ان كل ده يحصل بس اهه بيحصل ولا احنا بنعمل حاجه بتحصل و بنقول يحصل اللي يحصل و لما الموضوع يحصلنا نرجع نقول يا ريت اللي جري ما كان(أتمني موضوع يحصل وحصلنا ما يضايقش ساعدتك هههههه)
كاتب متميز لفت نظري منذ ان قرأت موضوعاتك استمر يا معلم و لك مني التقدير و الاحترام

كل سنه و كلنا طيبين و الخرفان قليلين بعد ما استراليا رفضت تصدير الخرفان لمصر بدعوي ان احنا بنسئ معاملتها

[maxx_4ever]

بحبك يا مصر....

بحبك بكل قساوتك قبل حلاوتك....

ناسيكي اه...بس بحبك...زي صباعي اللي حته مني واتعودت عليه ...

ناسيه وما بقولش فيه شعر.!.بس لو حد بس حاول يعوره

هافتكر اد ايه ده حتة مني ..مهم بالنسبالي ...

.وهحارب عشان يبقي دايما فيا... وبيا... ومعايا !!


SIZE]

[SIZE="4"]من أجمل ما قرأته منذ فترة كل الموضوع جميل جدا و مش نكد لان احنا اتربينا علي كل ده و بالتالي بقي شئ عادي بس مش عادي
يعني مش عادي ان كل ده يحصل بس اهه بيحصل ولا احنا بنعمل حاجه بتحصل و بنقول يحصل اللي يحصل و لما الموضوع يحصلنا نرجع نقول يا ريت اللي جري ما كان(أتمني موضوع يحصل وحصلنا ما يضايقش ساعدتك هههههه)
كاتب متميز لفت نظري منذ ان قرأت موضوعاتك استمر يا معلم و لك مني التقدير و الاحترام

كل سنه و كلنا طيبين و الخرفان قليلين بعد ما استراليا رفضت تصدير الخرفان لمصر بدعوي ان احنا بنسئ معاملتها

[M!ĐǾNH0]

ياليوندس انت دماغك عاليه وشاب محترم ودمك زي العسل
وكلامك اثر فيناكلنا فعلا...
مواضيعك دايما حلاوه بس ليا تعليق علي نقطه بتحب مصر زي صباعك
تشبيه غريب شويه
وبخضوض توقيع ياريت تغيره فعلا
وكل سنه واحنا كلنا طيبين ولربنا طائعين والحمدلله علي كل شئ.

[Wanna Help]

جزاكم الله خيرا ليو
ويا ريت فعلا نكون أصدقاء

[lyonaids]

maxx
mido

كلامك اسعدني ..

والتوقيع غيرته ..:mdr:

وانتظرو مني تعليق اخر..!

[kamba]

جزاك الله كل خير علي الموضوع داااااا

موضوع حلوووو قوي......و فعلا الواحد في نعم و مش حاسس بيها

[lyonaids]

:mdr:

يا خرابي يا كامبا ..!

عضو بمكانتك هنا كلامه:.. جميل اشيله علي دماغي ..

وشهاده اعتز بيها...وافخر بيها..

بالتوفيق ..ودايما للامام ..

[lyonaids]

جزاكم الله خيرا ليو
ويا ريت فعلا نكون أصدقاء


حبيب قلبي انت من اول رد لك عليا من حوالي شهر..عرفت اد ايه انت انسان متدين ومحترم..

واكيد شرف ليا اني اصاحب ناس قل وجودهم في هذا الزمن ..

متابعك دائما...وسابعث لك دائما بالجديد ...

بالتوفيق...

[mira_10000]

اولا كل عام وانتم بخير وعيد سعيد عليكم وعلى الامة الاسلامية
بجد موضوع هايل جداا من شخص مبدع
فعلا الموضوع عجبنى وعندك حق فى كل كلمه
مش عارفة اشكرك ازاى
جزاك الله كل خير

[magicmay]

علي فكرة من اجمل ما قرات وربنا يوفقك
وكل سنة وانتم طيبين

[heno_diab]

يا اكسلانس يا برنس الليالى انت الموضوع دا بتثبتلى ادايه ان لسة الناس فيهم فئة بتفهم وبتفكر وانهم ممكن يحسوا بغيرهم
للاسف الشديد انا بقيت ماشى فى الشارع شايف اد ايه احنا بقينا جبلاية مصر العربية مع تدنى مستوى الحوار والهيافة فى التفكير وقلة الحيلة ولغة الحوار اللى بقت اسمه كيف تقفش على غيرك
البلد دى يا باشا تعيش ازهى عصور الاضمحلال واتحدى اى حد يقولى انه بيحس بطعم العيد او رمضان او حتى اى حاجة
لقد تحولنا يا مون بيه الى ثيران فى الساقية كل مهمتنا البحث عن لقمة العيش وسدقنى ياباشا احناوصلنا لعهد كل حاجة اسمها عادى فى الزبادى
الشاب يحشش.....عادى
البنت تمشى على حل شعرها....عادى
الواحد يسرق وياخد رشوة....عادى
الناس تسافر وتلعن الدنيا .......عادى
واخر حاجة اقولها :عيد بأى حال جئت يا عيد وشاكيرا شاكيرااااا
كل سنة وانتم طيبين وباللحمة متهنيين وبالعضم ممصمصين
سلام

والله عندك حق

[nodi22]

كل سنة وانت طيب يا ليووغيرنا مش لاقى
تنفع كاتب ساخر على فكرة واسلوبك جميل جداااا

[kokilina]

قلبت المواجع يا ليو..على فكره بقى الناس مش ناسيه العالم دى ولا ناسيين اللى بيحصلهم بس احنا اللى بنكبر دماغنا ومش عاوزين ننكد على نفسنا والسلام..عاوزين نقضيها وايام وبنعيشها على رأى كبير الفن والفنانين اياه
مش هاقول غير ربنا يعينهم والاهم يعينا احنا على خيابتنا

[lyonaids]

يا خرابي مش عارف اقوللك ايه وربنا كلامك سكر,,

انت بطل يبني روح يا شيخ ...


وتعالي بسرعة :mdr:




ميرسي لك يا جميل ..

[designer.brain]

very nice topic

[lyonaids]

قلبت المواجع يا ليو..على فكره بقى الناس مش ناسيه العالم دى ولا ناسيين اللى بيحصلهم بس احنا اللى بنكبر دماغنا ومش عاوزين ننكد على نفسنا والسلام..عاوزين نقضيها وايام وبنعيشها على رأى كبير الفن والفنانين اياه
مش هاقول غير ربنا يعينهم والاهم يعينا احنا على خيابتنا

كوكي ...حمدلله علي السلامة ...وكل سنة وانتي طيبة وسعيدة يارب ..

وكويس اوي انك قريتي الموضوع والله كان رايك يهمني ..انتي يا كوكي من

البنات العاقلة جدا بجد ..ورايها بيفيدني ويهمني ...

ميرسي لكي المتابعة وتعليقك الجميل ده ..

وكل سنة وانتي طيبة وبخير ..

[lyonaids]

very nice topic

thanks alot for your support darling:glasses:

rabena ywafa2ak

bie

[kokilina]

كوكي ...حمدلله علي السلامة ...وكل سنة وانتي طيبة وسعيدة يارب ..

وكويس اوي انك قريتي الموضوع والله كان رايك يهمني ..انتي يا كوكي من

البنات العاقلة جدا بجد ..ورايها بيفيدني ويهمني ...

ميرسي لكي المتابعة وتعليقك الجميل ده ..

وكل سنة وانتي طيبة وبخير ..

عاجبك كده ؟ ادينى انكسفت بقى ووشى احمر وبقى عامل زى كيس الطرشى ...بجد كلامك ده كتير عليا اوى وشكرا ليك يا ليو وشكرا لموضوعاتك واسلوبك الباهر فى الكتابه ...روح يا بنى ..هيبقالك مستقبل فى الصحافه ان شااااااء الله
دعوه وليه خارجه من الجمعيه وكل سنه وانت طيب يا ليو ..اشوفك على القهوه بقى

[lyonaids]

هههههههههه ماشي كوكي ..والله انا قعدت اضحك من كلامك للصبح ..

بجد اسلوبك بميت صحفي ..

متشكر كوكي ...ودايما للامام ..وربنا يوفقك


باي

[kokilina]

واضح انك مصمم تحرجنى ..بس عموما فعلا كلامك اخجلنى وبجد انا سعيده بيه جدا ..وايوه كده ادعيلى احسن انا كان محل لطفى بتاع الاحذيه كله بيدوس عليا النهارده الصبح

[lyonaids]

اوكي كوكي .شكله كان يوم طويل اوي ..وقصتك تستحق تتحكي .

بصي في موضوع شات في قسم عالم ادم للاعضاء كلها ..

لو ممكن نتكلم هناك ...لو مش فاضية مش مشكلة..

بجد سعدت بوجودك جدا...

[maxx_4ever]

متميز كالعادة
حاولت ارد قبل كده بس كان في مشكلة في المنتدي

في حاجات كتير بتحصل و بقينا نتعامل معاها عادي رغم انه المفروض ما تبقاش عادي ولا نحس انها عادي
عموما اهو ده اللي بحصل و زي ما بيحصل هيحصلنا و حصل لغيرنا قبلنا و قريب طول ما احنا ساكتين حنحصلهم طيب ليه ما نلحقش غيرنا و بالتالي نلحق نفسناارجع و اقول ان احنا خدنا علي اللي بيحصل و هما كمان بيقولوا انهم مش المفروض انهم يتعودوا علي الدمار وا لحرب بس يعني شبه اتعودوا علي اللي بيحصل و ليه اللي بيحصل بيحصل؟؟؟
علشان احنا محصلناش الدول الكبيرة و علينا ديون كتيرة و بالتالي بنقول يحصل اللي يحصل لحد ما يحصلنا
مش عايز اتوهك باللي بيحصلهم و اللي هيحصلنا ولا عايز اسبق بالأحداث بس أ ب ابجدية محفوظة من الكراس و الورق كان مكتوب بدم كتير نتعلم من اللي قبلنا اكيد لا مستنين يحلنا اللي بيحلنا لاننا اصلا واحد ولكن ولا همنا ولا قلقانين علي نفسنا بنعيش يوم بيومه و نقول بنحب نفسنا

مش عايز اطول اكتر من كده و لا انكد علي حد
احنا داخلين علي عيد و كل سنه و احنا بخير و مبسوطين

[lyonaids]

ماكس يا حبيب قلبي

والله لو مكنتش في دماغي وقت كتابة الموضوع مكنتش بعتلك رساله اقولك علي اني نزلت الموضوع ..استناني بقي اقرا ردك الجميل عشان اديلك حقك في ردك ...

وميرسي لك كلامك يا حبيب قلبي ..

وكل سنة وانتا طيب

[koky25]

انت لسه واخد بالك منهم دلوقت؟؟
دول طول عمرهم موجودين
وهيفضلوا موجودين
شهود على زمن انعدمت فيه الكرامة و الرجوله
وكل خروف وانت طيب

[حمو الأهلاوى]

ايه كميه التفائل دى يا مان

[astra9000]

موضوع رائع
وبالنسبه ليا فوقنى من حاجات كتيييييييييييييييييير اوى جه فى وقت تمام يا ليو
شكرا على موضوعك الرائع

[blckyoligy]

طبعا مفيش شك ان موضوعك موضوع امد ومميز وجميل وشدني جدا واتأثرت بيه جدا انا شفته صدفه عل فكره وكانت صدفه كويسه بس ليه تعلي ق واحد بس................


بلاش حكايه حب مصر ديه والنبي لحسن بتجبلي العصبي ولمزيد من التفاصيل وعشان تعارف ليه شوف الموضوع ده بس لازم يكون عندك صبر وفي اخره هتلائي انك عايش في بلد يمكن تلخيصها في كلمتين ......


لصوص ينهبون شعبا جاهلا في بلد بلا موارد في زمن اغبر .....وادي الموضوع

مصر لييييه....رساله من واحد مخنوق ( http://www.dvd4arab.com/showthread.php?t=624150)

[lyonaids]

عزيزي انا عن نفسي بحب البلد وماليش دعوة تانية بحد متدايق منها لدرجة الكرة ..

متهيالي اني ساعات بقعد بشتم كتير وباتدايق من اللي بيحصل ..

بس الناس دي اساسا اللي بتسرق وتنهب مش من البلد دي ..بكلمك جد..

ده تلاقيه واحد من سلالة المماليك ..والاتراك والعبيد..مستحيل واحد مصري بجد يعذب الناس في المعتقلات ..ويحرق الناس في المراكب ..

ويغش في اسمنت واساسات البنا ..مستحيل ..انا عن نفسي علي قد ما متدايق اوي من ناس كتير..وسكوتهم وتغاضيهم ..بس بردو والله الناس غلبانة اوي اوي ..وماشيين بالصبر وبالعافية ..وببركة اولياء الله الصالحين !!

اللي بيقول بلدنا دي كذا وكذا ..يبقي بيظلمها بذنب الحرامية والفاسدين ..وناسي ان فيها امه واخواته ..واصحابة ..وكليته ..وكل الناس اللي خلوه يضحك من قلبة وخلوه كمان يعيط ...

معلش قالبها دراما...بس والله بكلمك جد ..

في ناس هنا عزيزة عليا اوي ..ولو جالي ميت فرصة اني اسيب المكان ده مش هسيبه..ولو مش مصدق ..

اسأل الراجل المصري اللي اشتغل في ايطاليا 40 سنة ...وبقي عنده سلسلة مطاعم وبقي مليونير ..وفي الاخر باعها بالخسارة عشان ييجي مصر في الاخر ..!!

وأسال احمد زويل العالم الكبير جدا واكتر الناس اللي متدايقة من اللي بيحصل في البلد ..ولف العالم كله ,..وفي الاخر كل سنة ييجي ..عشان يدوق الطعمية بتاعتنا المعفنة دي :mdr:

صدقني بلدنا زفت ..بس بالنسبة لبلاد تانية وناس البلاد التانية :

مثل بيقوللك :

ما أسخم من ستي ..إلا سيدي !!




وتقبل تعليقي..وكل سنة وانت بصحة وسعاده وخير..

[blckyoligy]

طب انت بتقول اللد زفت وفيها حاجات وحشه طب انا هسالك سؤال بس بالله عليك تجاوبني عليه بصراحه



هل تشعر بادميتك في بلدك الللي بتقول عليها بلدي مصر ؟


بتحس انك بني ادم بتحس انك انسان ليه حقوقو وواجبات بتحس بكرامتك يا ريت تجاوب بس متزوءش الكلام يا ريت ....وانا بنتناقش معاك مجرد اختلاف وجهات نظر يا ريت بردو الموضوع ده مياثرش عل ردك

[blckyoligy]

صحيح ...وانت طيب مخدش بالي

[lyonaids]

اطلاقا عمري ماحسيت اني بتعامل بأدمية ...

بس فعلا نبقي حيوانات لو مقدرناش نغير ده وقبلنا بيه ...!

ولا ايه ... وعشان نعرف نغير..المفروض الاول نعرف ليه نغير ..:

اكيد عشان بنحب ناس هنا عزيزة علينا...

انا مابتكلمش انا بحب مصر..بقي وحبيبتي يا مصر..وبلدييييييي

وكدا...مابتكلمش علي البلد كارض ومكان ...انا بتكلم علي ناس حبيتها

الناس ذات نفسها ...بكل الوحش اللي بيعملوه قبل الكويس...لان اكيد

انا كمان مش ملاك علي طول صح ..!انا بقي بحب البلد ناسها يعني اقصد.

اي حاجة خليتني مبسوط فيها ...هو الوحش كتيييييييييييير ...


بس لما تقيس فرحة ثانية اتنين..: بيبقو بسنة سنتين ضيق وزعل...

واكيد طبعا كلامك صح ...بس مين قاللك انا مختلف معاك ...بالعكس انت كلامك هو الي بقوله ....انا يا ما قرفت وزهقت ولسه من حاجات كتير اوي..

بس انا مش ممكن اسيب حقي ...
زي ماطلعو عيننا ..لازم ناخد حقنا من اللي طلعوها دول !

[lyonaids]

موضوع رائع
وبالنسبه ليا فوقنى من حاجات كتيييييييييييييييييير اوى جه فى وقت تمام يا ليو
شكرا على موضوعك الرائع

العفو انا تحت امرك ..وكل سنه وانت طيب

[lyonaids]

انت لسه واخد بالك منهم دلوقت؟؟
دول طول عمرهم موجودين
وهيفضلوا موجودين
شهود على زمن انعدمت فيه الكرامة و الرجوله
وكل خروف وانت طيب


كوكي كلامك رغم انه يحزن بس صح ..طبعا صح ...

ميرسي لكي متابعتك للكلام ..وتعليقك ورأيك ...

وكل عيد وانتي طيبة

[lyonaids]

ايه كميه التفائل دى يا مان


اي خدمه :mdr:

[$ABEER]

شكرا على موضوعك وبالتوفيق

[lyonaids]

العفو.. وكل عيد وانتي طيبة وبخير

[OMF]

والله يا ليو انا مش عارف اقول ايه عن الكلام الجميل اللي انتا كاتبه زي ماتعودنا منك علي طول
كل اللي اقدر اقوله ان ربنا يعيد علينا العيد دا و كل الناس في حال احسن من حال اليوم
وبس
و كل سنه و انت بخير


اه بالمناسبه
ياريت توضح حكايه سجناء الرأي دي
و هل هما الصحفيين ولا مين بالضبط

[lyonaids]

ازيك ...والله وحشتني انت لسه كنت علي بالي والله لما شفت ردك القديم في موضوع القهوة ..

يارب تكون كويس ومبسوط في العيد..

وكويس ان الموضوع عجبك ...

ولجنة سجناء اه طبعا انت صح ..
اللي هما الصحفيين اللي بيتسجنو لانهم شرفاء...

ادعيلي والنبي ماتسجنش ...بس افضل شريف :mdr:

[kind scorpion]

زيك ياليونايدس
كل سنه وانتا طيب
بجد موضوع رائع
بس كنت عاوز اعلق على حاجه
انتا كنت في الاول غرضك من الموضوع انك تواسي من له هم في العيد بان هناك من هو اكثر منه هما
طيب ....... ايه علاقة قصة الامام الحسين ... واستاذنا الفاضل محمد عبد القدوس بالموضوع ....... خاصة لما تعرف ان الامام الحسين مااتقتلش في العيد
انتا عارف ياليونايدس انتا بتفكرني بايه....... بتفكرني بالافلام العربي لما بيحشرو مشهد ولا اتنين في السيناريو مالهمش اي علاقة بالموضوع اما لاستعراض مهارات المخرج او الممثل زي مثلامشهد مطاردة بعربيات او خناقه او لقطه كوميديه معينه....... ورغم انها بتبقى حلوه الا انها بردو بتبقى باينه انها محشورة وخارجه عن السياق
اتمنى انك تكون فهمتي ........ وماتزعلش مني
بس انتا لما بتعمل موضوع حلو باقولك حلو ....... فكذلك الموضوع ده من حلاوته ماعجبنيش ان الاقي فيه حاجه خارجه عن السياق بغرض استعراض معلومه اوتوضيح علاقتك بالاستاذ الكبير/محمد عبد القدوس .... وانتا راجل زي ماتبتقول صحفي تحت التمرين والمفروض تاخد بالك من الكلام ده علشان مواضيعك ماتبقاش زي الافلام العربي البايخه
دي في الاول والاخر مجرد وجهة نظر
وكل سنه وانتا طيب

[lyonaids]

اولا ..: اسكت ياض انتا ..:mdr:


ثانيا ..: استني هافهمك ..!

ثالثا ..:

ياعمي الحج انا اقصد من الموضوع ان في ناس تانية بتعاني وعانت عشان حاجات تانية احنا مش مقدرينها ...

انت عارف واحد زي محمد عبد القدوس بيتسجن ويعدي عليه عشرين عيد وهو برة..

وناس تانية كتير تعبانة..في عيد ولا مش عيد ..في ناس بتموت في ايام عادية عشان الظلم اللي حاصل..فما بالك بالعيد !!


كان قصدي اني احط امثلة لناس بتتعذب وتموت عشان خاطر قضايا اكير وافكار اهم و اكبر من اللي عايز الطقم الفلاني او المبلغ العلاني !

رابعا ..: كلامك ووجهة نظرك علي دماغي من فوق ..! ومرورك اسعدني ..

واستني بقي انت دخلت موضوع الامتحانات وشكلك لبخت كتير هه:mdr:

هارد عليك هناك ..!


وكل سنة وانت طيب يا حبيب قلبي ..وبصحة وسعاده علي طول

[lyonaids]

اوتوضيح علاقتك بالاستاذ الكبير/محمد عبد القدوس .... وانتا راجل زي ماتبتقول صحفي تحت التمرين والمفروض تاخد بالك من الكلام ده علشان مواضيعك ماتبقاش زي الافلام العربي البايخه



اولا ..:انا ماليش علاقة بالاستاذ محمد نهائي ...!!!!!! مايعرفش اساسا شكلي ايه ..!!!


ثانيا ..ياريت والنبي النقد ما يبقاش بالطريقة دي احنا صحاب وكويسين مع بعض يا سكوربيون من فترة ..

وانا ماشفتش منك حاجة زي كدا قبل دلوقت ...

واعتقد انك عمر ماشفت مني حاجة تدايقك ..


فياريت الكلام مايبقاش بالطريقة دي ....



عامة شكرا ليك ..!

[eng_omar_1]

ياريت المشرف بتاع ادم وحواء يحذف المشاركة دي
بجد حاجة تضايق
معلش يا ليو
كلنا معرضين لحاجات زي دي

[lyonaids]

عادي يا عمر مش مشكلة لازم الناس تعبر عن ارائها ...

دي وجهات نظر مش مشكلة انا متقبل كدا ...هو شايف اني بستعرض..

وانا وضحت ان مش كدا ...عادي سوء تفاهم !!


علي فكرة موضوع العراق جميل و علقتلك فيه وقلت رايي ..

[kind scorpion]

عزيزي ليونايدس
بيتهيالي انتا عارف رايي فيك كويس
وعارف كويس جدا اني بحب كتاباتك والكلام ده قولتهولك قبل كده تقريبا في كل مواضيعك
بس الي انتا ماتعرفوش اني مابعرفش اجامل...... يعني لما كنت بقولك برافو ليونايدس ..... ايه الجمال ده ....... كنت بقولها وانا حاسس بيها وعارف انا بقول ايه
والمرة دي لما قولتلك ياليونايدس ..... انا وجهة نظري انك غلطت ...... وقلتلك في الاخر دي مجرد وجهة نظر ...... بيتهيالي كده ماغلطتش فيك باي شكل من الاشكال
وبعدين رؤية الاستاذ الكبير / محمد عبد القدوس - مجرد رؤيته وجها لوجه- امنية لناس كتير وحاجه تشرف اي حد ......... ومن حقك كمان تستعرض وتختال انك شفته وسلمت عليه ...... زي مامن حقك انك كمان تفخر وتختال انك صحفي تحت التمرين في جريدة محترمه زي الدستور
بس ........ فالي عاوز اقولهولك ........ انا لما نقدت شئ معين في موضوعك مانقدتش استعراضك للحاجات دي ........ انا نقدت وجودها هنا ...... في الموضوع ده ........ الي كان الغرض منه حاجه تانيه
لكن طبعا لو كانت متوظفه في مكانها ...... يعني انك تعمل موضوع مستقل عن الاستاذ الكبير وبعدين تقول متفاخرا انك حظيت بشرف اللقاء بيه والسلام عليه ...... كنت هاقولك يابختك ياليونايدس ..... ياسلام ياريتني كنت مكانك
ولو انتا اخدت بالك كويس من الي انا كاتبه في المشاركه الي انتا اعترضت عليها ....... انا شبهت الي انتا عملته بمشهد كويس في فيلم ..... بيظهر مهارات المخرج او الممثل ..... لكن ....... مش متوظف في محله ...... انما يمكن لو شفناه كشورت كليب بعيد عن الفيلم هانقول ياسلام ايه الامكانيات دي.... ايه المخرج الرائع ده .... اوايه الممثل الجامد ده
ردك ياليونايدس - واقصد الرد التاني- بعتقد مش في محله
كنت مستني منك تفهم كلامي كويس وتقبل النقد بصدر رحب وتعرف اني لما قلتلك جملة( علشان مواضيعك ماتبقاش زي الافلام العربي البايخه) كان قصدي الكلام الي وضحته ليك يعني حكاية المشاهد المحشورة في سياق الافلام....... ولم يكن قصدي اطلاقا ان مواضيعك بايخه ....... بالعكس انا بس حسيت ان موضوعك المرا دي فيه مطب كده صغير .... فقلت انبهك علشان تاخد بالك المره الجاية .
وعموما ياليونايدس ..... انا اسف لو كنت قلت كلام يضايقك ....... او لو كنت وصلتلك كلمه او نقد بشكل خاطئ
ياريت المشرف بتاع ادم وحواء يحذف المشاركة دي
بجد حاجة تضايق
معلش يا ليو
كلنا معرضين لحاجات زي دي
__________________

عزيزي المهندس عمر
مش عارف اقولك ايه
بس ماعتقدش اني تجاوزت حدود الادب او غلطت في حق عزيزي ليونايدس ..... انا بس عبرت عن وجهة نظر ....... يمكن ماعجبتكش .... بس مش معنى كده انك تطلب من المشرف انه يحذف وجهة نظر لمجرد انك مختلف معاها
وعلى العموم ...... انا مش هاستنى اني يتحذف لي مشاركه لم اتعدى فيها على احد ....... لمجرد بس اني عبرت عن وجهة نظري دون تجريح في احد
شكرا ياجماعه على الفتره الي استضفتوني فيها معاكو ...... وبجد استمتعت جدا بالمشاركه معاكو
وانا اسف ان كنت ازعجتكو
السلام عليكم ورحمة الله وبركاته

[lyonaids]

بس بقي يا سكوربيون ماتقولش كانت فترة وكلام من ده ماتحسسنيش انك ماشي من هنا عشان متدايقش عليك :mdr:

انت عارف اني ماقدرش استغني عنك يا عم ...ولا عن وجودك في اي حاجة بكتبها ..

وقلتلك قبل كدا انت كلامك كله علي دماغي من فوق يا سيدي ..

بس انا بردو قلتلك انا جايب الناس دي امثلة لناس بتموت عشان خاطر حاجة تانيه غير العيدية واللبس ؟؟وانت بردك مصمم انه مش مكانها :mdr:

طب اعمللك ايه تاني اقنعك ؟؟؟مش عارف...

شكلي كدا هاروحلك شارع الفرن اياه ده واجيبك من هناك :mdr:

[magicmay]

3ala fekra enta za3alteny kteeeeer bas kol she2 kada2 w kadar rabena m3ahom oslob gamel fe el kalam merce leeeek

[im lover]

[SIZE="5"]
كل سنه وانتو طيبين.....

صباح الخير يا مصر ..
صباح الخير على الناس المرهقين من عناء الحياة
والدايرين في الساقية اللي منصوبة لهم من سبع الاف سنة
.. الناس اللي عايشة اليوم بيومه ..كل أملها يعدي من غير اي خساير ..
مابتفكرش في بكره عشان ماتتقهرش..
. مابتفكرش في النهارده علشان ماتتنقطش .
. صباح الخير على ضحكة عالية في قهوة شايها مايتشربش ..
على شاب بيقوم لست كبيرة في الاتوبيس..
على كوباية شاي باللبن وحتة بقسماط بعد صلاة الفجر جنب السيدة نفيسة .
. .. على سينما زحمة والضحك طالع من القلب للركب ......
.... على سور الأزبكية وكتبه المعتقة .
. على عشاق فقرا مش لاقيين شقة فبيخطفوا الفرحة متداريين في صخور الكورنيش ورا شجر النيل ..
!! على صوت الشيخ السيد متولي وهو بيقرا سورة يوسف وبيخلينا نعيط على سيدنا يعقوب اللي ابيضت عيناه من الحزن !!
[COLOR="Navy"]
بحبك يا مصر....

بحبك بكل قساوتك قبل حلاوتك....

ناسيكي اه...بس بحبك...زي صباعي اللي حته مني واتعودت عليه ...
ناسيه وما بقولش فيه شعر.!.بس لو حد بس حاول يعوره
هافتكر اد ايه ده حتة مني ..مهم بالنسبالي ...
.وهحارب عشان يبقي دايما فيا... وبيا... ومعايا !!
لكل الناس اللي هتقول عليا نكدي كئيب...ااقولهم اقرو اول الموضوع ....

وبعدين صدقوني انا هيست كتير اوي ..في مواضيع كتير قبل كدا..!!


انا مش عارف اقول ايه ؟
معقوله في ناس في الدنيا بتفكر زيك كده انت انسان عبقري
انا لولا الصدفه الجميله اللي خلتني اشوف الموضوع ده كنت هاقول اني بحلم
وان كل اللي قريتوه ده هواجس فكريه في دماغي
انا داخل وقلت ان الموضوع ده عن العيد وعن حلاوة العيد والخروج
ولكن ...
ده طلع عن حياة امة بكاملها باعياده وافراحها واحزانها
يااااااااااااااااااااااااااااه .....
اولا انا عارف اني حتي مشكرتكش علي الموضوع بس ده لاني اتصدمت لما شفت الموضوع بتاعك
اعزرني يا lyonaids
اصلك اتكلمت عن مليون موضوع في موضوع واحد خلاتني اتجننت
انا لما شفت الصور بتعليقك عليه كانت الدموع هاتنزل من عيني
ومعلش يا lyonaids انا مش هاقدر اتكلم عن الموضوع لاني لو اتكلمت مش هاسكت واكيد مش هاقدر امسك نفسي
اما بالنسبه للموضوع عن مصر ....
كلنا بنحب مصر ..
وكلنا بنعشق مصر .....
ومستعدين نموت علشان مصر بس الظاهر ....
ان مصر مش بتحب ولادها......؟
انا اسف لو كنت طولت وعلي العموم كل سنه وانتم طيبين وعيد طيب علي كل اللي في المنتدي
انا عضو جديد وياريت اشوف مواضيع كتيره ليك لاني منبهر باسلوبك والف شكر يا LYONAIDS علي الموضوع وانا كنت عايز اشوف مواضيعك اللي بتقول هيست فيها
وانتظروا مني مواضيع كتيييييييييييييير اوي قريبا جدا وانشاء الله تعجبكوا
M

[lyonaids]

عزيزي ..

متشكر جدا علي مجاملتك وكلامك الجميل...
والحمد لله ان الموضوع عجبك ..

وكل سنة وانت طيب وبخير ..

[lyonaids]

merci may

happy new year for you

[إنًسَانِ]

happy new year
merci

[sarsor555]

صح معاك حق فى كل كلمه قلتها ,فعلا الواحد بيقعد ينكد على نفسه عشان حاجات بسيطه .بس انا عايزه اقولك حاجه انا عارفه انك اكيد سمعتها قبل كده ,اسلوبك فى الكتابه بجد فوق الرائع ومؤثر جدا و فعلا بتعرف ازاى تشد الواحد و توصله فكرتك . واللى فهمته من كلامك ان انت صحفى ,بس انت موهبه عاليه على فكره ماشاءالله عليك وان شاء الله هتبقى مميز فى مجالك.و منتظره بقيت كتاباتك.

[moustatfa]

موضوع رائع جداا يا ليو و اكيد انت كدة مش نكدى ولا كئيب لان هى دى الحقيقة ولازم نواجهاها و للاسف هو دة حال العالم كلة و ربنا يهدى الجميع و مش عارف اكتب اية ادام الموضوع الرائع دة الف شكر ليك

[lyonaids]

ميرسي لك يا مصطفي ربنا يوفقك في الامتحانات بأذن الله..

[lyonaids]

happy new year
merci


merci lek enta kteer w happy new year



صح معاك حق فى كل كلمه قلتها ,فعلا الواحد بيقعد ينكد على نفسه عشان حاجات بسيطه .بس انا عايزه اقولك حاجه انا عارفه انك اكيد سمعتها قبل كده ,اسلوبك فى الكتابه بجد فوق الرائع ومؤثر جدا و فعلا بتعرف ازاى تشد الواحد و توصله فكرتك . واللى فهمته من كلامك ان انت صحفى ,بس انت موهبه عاليه على فكره ماشاءالله عليك وان شاء الله هتبقى مميز فى مجالك.و منتظره بقيت كتاباتك.


والله انا سعيد بكلامك جدا ..وفعلا كلام افتخر بيه...

ميرسي لكي تعليقك الجميل ...وكل عام وانتي بخير ..

[ehmegy]

الموضوع هايل بجد
ويحسسنا بقيمه الى احنا فيه
حتى ولو كان بسيط
شكرا
ليك

[Dr.Mo7a]

بجد موضوع جامد جداا وياريت كدة دايما وللامام

[mohammedsoliman]

مشكووووووووووووور

[lyonaids]

الموضوع هايل بجد

ويحسسنا بقيمه الى احنا فيه
حتى ولو كان بسيط
شكرا

ليك



العفو ..وكل سنة وانت طيب وبخير ...،



بجد موضوع جامد جداا وياريت كدة دايما وللامام



الله يخليك ..وشكرا ليك ..وكل سنة وانت طيب ..




مشكووووووووووووور



احنا في سنة جديدة ..وانتا استفتحتها كرم ...


ميرسي ليك يا جميل ..!!!!



..

[Keroghee]

انت عارف......انا من اول ما الموضوع ده اتعمل وانا مكسل ادخله. قلت ح الاقيك كاتب كل سنة وانت طيبين و الاعضاء يردوا عليك بنفس الكلام. النهارده كنت زهقان قلت لما اشوف بيباركوا لبعض بيقولوا ايه, و بالصدفة دخلت.
الموضوع ده جامد اوي اوي اوي. بجد انت فنان فنان فنان يا ليو بجد مش مجاملة انا اتاثرت اوي و اسلوبك جامد طحن و التنسيق وكل حاجة الحقيقة.
وخصوصا الجزء بتاع رجل ده فورلي دمي, و كمان باقي الاجزاء برده عجبتني جدا واتاثرت بيها جدا.
انا صحيح جيت متاخر اوي و قريت الموضوع بس قلت حرام ما اردش حتى لو انت ما قراتش الرد.
شكرا اوي و فعلا موضوع يستحق التثبيت عن جدارة.

[Keroghee]

و كل سنة وانت طيب وبالف خير

[Keroghee]

و كل سنة وانت طيب وبالف خير

[Keroghee]

و كل سنة وانت طيب وبالف خير

[Keroghee]

و كل سنة وانت طيب وبالف خير

[lyonaids]

ومين قالك اني مش هقرا الرد ..انا مابسيبش حد محترم وزوق ابدا قدرني يا معاذ ..

بجد والله انا اللي عاجز عن شكرك والله ..كلامك ده وكلام الناس من اول الموضوع ..أثر فيا بدرجة لا تتخيلها ...فعلا ..


يارب تكون كويس وبخير دايما ..ومنور دايما هنا في القسم ..

ومواضيعك انت عارف اكيد رأيي فيها من مدحي ليك فيها ..

وكل سنة وانت طيب وبخير دايما ...,

[im lover]

باااااااااااااااااااااااشا
من يومك