يا ترى اكون صريح ولا منافق

[trazan2010]

انا شاب فى اولى كلية المهم عايز اعرف رأيكم فى حاجة كدة
عايز اعرف من البنات يا ترى تحبى الولد الصريح يعنى لو الولد صارحك بعيب فيه او بحاجة كانت غلط بيعملها لكنه بطل يعملها (مش بتكلم عن سجاير ولا مخدرات) يا ترى هيعجبك صراحته ولا هتقولى لا استحالة يتغير اكيد هيرجع تانى ومعاملتك معاه هتختلف
وياريت الاجابة بسرعة وحتى لو كنتم شايفين ان دة يختلف من فتاة لاخرى برضه ياريت تقولى رأيك وتقولى انتى شايفة مثلا معظم البنات هيعملوا اية
وياريت لو الشباب عندهم خبرات بكدة بس تكون صادقة مش مجرد تخمين يجاوبونى

[*Rula*]

لا طبعا .. اكيد الصراحة ..
علشان العلاقة تبقى بأساس صح ..
ومش ممكن تستمر لو غير كده ..
والصراحة مش هتخليني اغير معاملتي خالص بالعكس .. حتزيد احترامي للشخص ده انو مكدبش عليا ..
وصراحتو حتأكدلي صفاء نيتو عشان مش ممكن بعد كده يرجع يعمل حاجة غلط اعترف انو مبيعملهاش ..
ودي اهم حاجة .. علشان حتكون حاجة قاسية اوي ان اكتشف الموضوع ده بنفسي واعرف انو كان مخبيها وبيكدب عليا ..

طبعا الرأي ده ممكن يختلف من بنت لتانية ..
واكيد حسب الحاجة نفسها .. وخطورتها ..

لكن الصراحة غالبا احسن مهما كانت نتائجها ..

[xxxmibxxx]

بص يا سيدي انا مجربتش اصارح حبيبتي باي حاجة لكن صارحت بنات صديقات في مثابة الاخوة يعني سمعت كلمتين حلوين ولية كدا ومش عارف اية واهلك وحرام وكل دا بس بعد كدا احترموني جدا اني صارحتهم وانهم شافوني مش بكرر الحكاية دي تاني

[trazan2010]

مشكورين انتوا الاتنين على رايكم وياريت لو حد شايف حاجة تانى يقولى

[romanza]

الصراحة أفضل

[lyonaids]

حبيب قلبي

وروح قلبي ..!!:mdr:

ليه قدام خلاص بطلت مثلا حاجات كتير كنت باعملهافي الماضي

..يبقي اصارح بيها في الحاضر..!

خلاص الماضي راح وخلص ..يبقي ليه نعرفة لبعض..ونتعاتب عليه

ونزعل منه..ونتأثر بيه كمان ..وهو مش موجود..!!

الحاضر يشهد عليك اكتر من الماضي ..

لكن الصراحة مطلوبة طبعا كمبدأ اساسي بعد كدا.

وعامة ..انا اعتقد راي شخصي ..

ان الجنس الناعم ..(والغير ناعم كمان علي فكرة ..) يحبو الصراحة

والصدق ..اكتر من الكذب..!لان كدا انت بتريح الشخص اللي قدامك

وتحسسه بالامان...!!


وميرسي لك أوي ردودك في مواضيعي ..نورتني ..

باي يااكسلانس ..!

[trazan2010]

بص يا مواطن اقولك لية اتكلم واقول عشان لو الطرف التانى عرف بكدة من حد تانى برة هيرجع يزعل فهمت يا مواطن

[MĄĐĄ_KĄLǾSHĄ]

مهما كان الموقف فالصراحه افضل طبعا لان اما انت اما تعترف بالموضوع اللى شاغلك ده احسن ما هى تعرفوا وماتسمحكش عليه
وفى كل الاحوال الصراحه افضل

[trazan2010]

مشكورين وانا شايف ان كله بيقولى الصراحة احسن يا جماعة مش عايز حد يدخل يقول الصراحة احسن من باب ان الصراحة احسن لا انا عايز الواقع

[*Rula*]

مشكورين وانا شايف ان كله بيقولى الصراحة احسن يا جماعة مش عايز حد يدخل يقول الصراحة احسن من باب ان الصراحة احسن لا انا عايز الواقع

وده هو الواقع !!

[trazan2010]

بس انا جربت انى اصارح بنت بحاجة ولكنها فضلت فاكراها وحاسس انها بتفكرنى بيها فى كل فرصة ممكنة وفكرت انى لو مكنتش قلتلها كان هيبقى احسن وافضل يبقى ازاى الصراحة هى الواقع

[eminem©]

ياtrazan الصراحة حلوة ماشى قوللى ماشى
بس مش اى حد تصارحة باى حاجة ماشى
لازم يكون بيحبك بجد علشان مايفضلش شايلهالك وصلت