المساعد الشخصي الرقمي

مشاهدة النسخة كاملة : أنا....والجواز......وأفاك......!!!!!!

lyonaids
07-12-2007, 04:06 AM
قبل ما تقرا ..الموضوع طويل وعايز تركيز...كنت كاتبه من زمان قوي
وكان بالعربي الفصيح اللي بكتب بيه علي طول...بس نزلته هنا ..وبالعامي......ووجهة نظر من دماغي بنشرها ..واشوف رأيكو..!








هوا...: بحبك بحبك ..بحبك للصبح ..لأ...لبعد بكرة الضهر .............لأ لأ........بحبك للتلات الجي بعد صلاة الجمعة..........مممموه..(بوسه)..!!

هي ..: وانا بحبك بحبك .....بعشقك ....علي بالي.......ولا انتا داري باللي جرالي .....عيشالك احلي سنين ..في العمر يا ضي العيين...مممموه..(زيها .)!!


(بعد سنتين ....!)

خطيبها ..: بقوِللك بعد إذنك يعني ماتدخليش ماما كدا في كل حاجة ..انتي مش مخطوبة لكيس لبن نيدو هنا .انتي فاهمة....؟!!..لكدا ..لإما الباب يفوت دبابة ..ماشي يا حلوة؟؟؟!(لازم ادبحلها القطة امال إيه ؟..هع:mdr:)

خطيبته:(لبن نيدو؟ ..لبن نيدوياحتةمتخلف ..يامتحدي الاعاقة ..)..م...معلش ..معلش يا بيبي والله ..مش قصدي خالص ..وبعدين ايه قطة دي ههههه ..انت عسل كدا ليه النهارده.(عسل اسود ومنيل. .يخربيت اللي تتجوزك..)..!!

(بعد ست سنين ..وأربع أشهر ..ويومين ونص ..)


مراته..: جبت السجادة من بره بعد ما نفضتها.؟؟....كويس ...اوعي تسيب البامية كتير عالنار لتشيط هه...واعمللي شوية فشار عشان المسلسل بتاع فيفي عبده كمان نص.....تفووو.. سوري مش عليك ..دي قشرة اللب ...!!

جوزها :....( الصبر....الصبببرررر...ولقد عجز الصبر عن صبري ..حتي لم يصبر صبري علي صبري.!!)....!!!


* * *

هل من الممكن ان تتحول حدائق الزهور الي امكنة كالقبور ...!
هل يمكن ان تختفي زقزقة العصافير ...لتظهر اصوات اخري ....كنهيق الحمير.....:mdr:!!
هل يمكن لملاك يعيش علي الارض ...تحبه يوما ..فيقص اجنحته ..وتطول اذناه ..و يتسلي بلف ذيله الطويل علي رجل الكنبة مثلا ...!!

تقريبا ..وبنسبة 75% ماشفتش حد متجوز بقاله فترة كدا الا و أشوفه كمان فترة دقنه طويلة وهدومه مكرمشه ..جفونه سودا..وبيكتب جواب ..وماشي ناحية كوبري قصر النيل ..
تسأله مالك يا مواطن ..؟ يقوللك معكش قلم ....؟ .. تقوله ليه ..يقوللك .هاكتب وصيتي قبل ما ارمي نفسي من عالكوبري في النيل ...!..تفتكر والنبي دلوقتي الميه تبقي سقعة ..لحسن يجيلي برد وأنا بموت ..
انا بكره الزكام أوي ...!!!!
..طبعا هنا البوب هيس ..يعني مش اكتئاب وبس ..لأ كمان دي قلبت كلابي ...والسؤال ....اييييييه ال......
اللي ممكن يعمل كدا في بني آدم ...ايه اللي في الجواز يخللي الرجالة طول الليل تبقي عالقهوة ..والستات قرفانة من حياتها وعمالة تفش غلها في الخدامات ..(عن طريق الضرب ..)....والاطفال ..(عن طريق الزعيق..)..والسجاجيد ..( عن طريق التنفيض ..!)....هه ..تتخيل ايه ممكن يخللي الحب جميييل كدا ..في الاول ..
والولد يبقي ليه نافش ريشه كدا ..والبنت الي حد ما لطيفة ....وفي الجواز بتقعد هي تتفرج عالتليفزيون ..وانت قاعد بتعمللها فشار ...!....نحاول نحل اللغز هنا ................



ونشوف الفيلم ...:








...بتنفعل ليه ..:

شوف يا شقيق ..:..أنت مش بنت ..وأدام مش بنت يعني عمرك ماهتبقي حريص في علاقتك بالجنس الاخر وحذر زي ماهما بيعملو ..!.ويارب نفهم ...انت من الاخر عايز تلعب وواخد المسألة تنفيخ.. مش علي صدرك ..ومن هنا بقي ..لما بتتجوز...: بتقعد تكح ..!!......انت من الاخر مش خسران ...والحب عندك كلمة وشكرا ..والبنات حلوه وجمالهم بيدوخك ..ودة اللي بيخليك تكدب كتير في مسألة الحب دي..بس انت الصراحة عندك حق ..انت كدا ..وهيا دي ظروفك ..هنصعبها علي نفسينا ليه ....وأدام عمرك ما حاطط الجواز في دماغك ..(والمأساة اللي انت مش عامل حسابها : انك كدا كدا هتتجوز!)..يبقي في الجواز ..: انت خسران علي طول الخط ...ازاي هتكسب في حاجة انت مش مستعدلها اساسا ..مش حاططها في دماغك ...وعمرك ما تخيلت انك تبقي في وسطها وتتعامل معاها في يوم من الايام...!!
اما علي الناحية التانية ؟..:البنت لازم تاخد بالها ..نو واي ...مافيش تهريج ..المسألة هنا حياة أو موت ..
الولد بيقوللي بحبك ..وايه يعني ..الحب بكل اغانيه وأشعاره والهالة الكبيرة والنفخة الكدابة ما فتحش بيت واحد ...والجواز بكل اللي بيتقال عنه ده ..هو السبب الاساسي لفتح البيوت و مجي العيال ..!!..عمر ما في طفل في العالم دة جه الدنيا بالحب بس ...الجواز ..هو الصح ..مش مهم الصح دة يبقي عامل ازاي ...المهم يبقي صح ..!

والحل ..: .انا رايح حته بعيدة ..بس بمشي لاني مبسوط برجلي اوي ..بس كدا كدا هتعب ..ولازم اركب المواصلة توديني ؟..يبقي احوشلها فلوسها من دلوقت..!!........قيس علي كدا العبارة الجاية :
عايش حياتي ..ومش حاطط الجواز في دماغي ..بس كدا كدا هاتجوز ..يبقي استعد له من دلوقت ..!!

http://photos1.hi5.com/0015/437/087/T8uxVe437087-02.jpg

شايف؟؟..انت ده موقفك يا مونبيه.!!.رذل وهيا زي السكر معاك ..بذمتك مش مكسوف من نفسك وانت ايدك ماسكه الغطا كدا ..ونفسك تاخد ديلك في سنانك وتطير..:mdr:




كلمة(بحبك)..أعملها ..ما تقولهاش ...:

بحبك بحبك من هنا للصبح ..طب وبتعمل ايه .؟........ بتستخف بيا وبتلعب بعقلي ..وواخدني تسليه ..اذن ..:
الحب =صفر...!!
الكلمة لو ما خرجتش من حيز القول ..لحيز الفعل.: تبقي سراب ..ووهم ..وبضاعة مغشوشة بيبيعها طرف للتاني بغض النظر عن الطرف هو مين ...!!
بس انا كنت فعلا بحبها وأنا بقول الكلمة دي ..كنت واقف علي رجلي بالعافية .ما كنتش سامع غير صوت دقات قلبي بس.....! .ماشي صح ...بس دة انفعال ....مش حقيقة ........كام مرة الواحد قال كلام كتير ..صحي تاني يوم الصبح ..قال علي نفسه ايه اللي انا قلته امبارح ده..؟..........الحاله الفكرية ..والعقليه ..والشعورية ..بتوحي للواحد بالكلام كل مرة ...فالكلام بيطلع ......!..الحالة النفسية والشعورية دي بتروح ...فالكلام دة بيختفي خلاص ..وبيطلع كلام جديد تبع الحالة الجديدة ...وده كلام علم النفس ...!!!...
كام مرة اتفقت انت واصحابك تتقابلو تاني يوم الساعة 6 المغرب ؟..ووالله جاي ..لا اكيد ..من غير تليفونات يا عم جاي ...وحقيقي بتتكلم !!..وكلك حماس ..بس لما تيجي تاني يوم الساعة 6 قاعد عالكومبيوتر وفاتح موقع الديفيدي..وبتقرا موضوعي ده...هتعرف ان كلامك امبارح كان كلام انفعال ..!!
عشان بجد الطرف التاني يحترمك .: انشالله عمرك ماتقوللو خالص بحبك دي ...بس اعملها بنسبة 15 % بس ..وشوف الطرف التاني هيبقي سعيد بيك ازاي ..وبجد..هتلاقي سعادة رهيبة في عينيه وامتنان ليك اوي ...!
لما تسالك بزعل : انت ما بتتصلش ليه؟ ..../معيش رصيد...../.وما شحنتش ليه؟...../ بحوش كل قرش يطلعلي /
ليه كدا بس يبني؟ ....../..عشان الحق اجيب تمن الدبل ولا عاوزانا نقضي حياتنا تليفونات ..؟!!،هتلاقيها هيا من نفسها تاني يوم حولتلك عشرة جنيه ...(نصباية ايييه : :mdr: هه؟).........طبعا الكلام ده ماحصلش ...دة مجرد مثال بعيد عن الهزار فعلا يوضح النقطة دي ...!

http://photos1.hi5.com/0012/633/714/bWmP0j633714-02.jpg

الصراحة عندك حق ..!!..منظر وحش اوي وبنت فارضه نفسها عليك ولزجة زي ذبابة الفاكهة..وبتلح في الارتباط

إوعي تعملي كدا ..لتبقي زي الحجة...:mdr:






3.استعد للجواز ..عشان ما تخليكش هي تنفض السجاجيد ..!:

مثال تنفيض السجاجيد ..وعمل الفشار للست مراتك ..وتبادل الادوار اللي حاصل ..ده كوميديا سودا..ومواقف حقيقية بتحصل بجد مش تهريج ...وحصل فعلا يعني (ودة مثال يبكي الحقيقة..) ان واحدة وجوزها بيشترو حاجات ..في محل للملابس ..وحصل بينهم اختلاف ما ...و فجأة الكل سمع صوت ألم محترم ...!! مكانش من الزوج للزوجة للاسف ..كان من الزوجة علي وش المحروس ...!!...
(زوجة تضرب زوجها لضعف شخصيته..وثانية لأنها ترفض العيش في دور امينة وسي السيد ..وثالثة تعتدي علي زوجها لغيرته الشديدة..وأخري تفتح رأسه من اجل مصاريف المنزل ....40% من الازواج يضربون علي يد زوجاتهم ..!!!!).........الكلام اللي بين القوسين ده من مجلة الشباب بالنص بتاريخ اكتوبر 2005..!!
شخصيتك ..شخصيتك ..شخصيتك..انت .او أنتي ..هيا اللي بتحدد الحياه بعد الجواز عامله ازاي .. وكفة الميزان مع واحد بس ( ودة الغلط..).او بالتبادل ....( وده الصح ..)...وشخصيتك اللي بتتعامل بيها مع مراتك .او بتتعاملي بيها مع جوزك بتيجي من الاهتمام بالجنس الاخر من الصغر من التعامل في محيط الاسرة ..في المدرسة والكلية ..والشغل ..والقراءة...واشياء أخري ......!!



http://photos1.hi5.com/0013/188/849/NXJAdd188849-02.jpg


دي حالتك ان ماسمعتش الكلام..:معفن ..ومالكش لزمة ..وهيا ماسكاك من قفاك كدا زي المخبرين ..

مش بعيد كمان تعملها فشار...:mdr:







واخيرا....... أجمل سطور عن هذا الموضوع ......:

الحب سفينة ..والزواج سفينة...الحب سفينة يستقلها عاشقان للنزهة..والزواج سفينة يقودها رجل وامرأه..
الحب يكتفي بالنزهة ويدع لقائد السفينه مهمة الكفاح مع الامواج والرياح والعواصف ..والزواج عمله الاساسي
هو مواجهة هذه العواصف ....
و النزهة هي عمل العشاق ..والكفاح هو عمل الأزواج ..
الحب حالة عقلية ...والزواج وضع اجتماعي ....
الحب بكل شاعريته وعذوبته ومعجزاته التي يهزم بها المستحيل .. لا يستطيع ان ينجب لنا طفلا واحدا ..
اما الزواج فرغم ثقل ظله وسماجته فهو الوحيد القادر علي انجاب الأطفال ومنح الدنيا مزيدا من العقليات الجديدة والافكار ..وهذا هو السر في أن الحب ينهزم دائما أمام الزواج ..ويتلاشي فيه ..ويصبح زواجا..!!

( أحمد بهجت ..مذكرات زوج)





حكمة الموضوع..:


سيبوني....
حر.....!!
طفشان ..!
عريان..!!
قالو لأ..كدا تعيا !
قلت يعني انا
كدا ...:
مش عيان....!!




.....
bigsonson2003
07-12-2007, 04:23 AM
الللللللللللللللللللللللللللللللله بجد
انت يابنى مون بيه ورئيس قسم كلامك بجد جاب من الأخر وفعلا اللى معهوش ميلزموش وفعلا يرجالة ان مكنتش واقف على ارض صلبة بلاش تتسرع عشان تدخل البيت ملو هدومك وسورى رجلك فى وش ابوها يقولك قرش تقوله خد اتنين ياعمىىىىىىىىىىى بدل ما يتشرطوا عليك وتبقى تحت تصرفهم ومزاجهم وسلاطتهم وبابا غنوجهم اه الجواز حلو بس لما يكون على اساس اجتماعى ومادى كويس وخد بالك من مادى
lyonaids
07-12-2007, 04:30 AM
هههههههههههههههههههه..يا حسن انا معرفش انا عمري ماتوقع انك تبقي قاعد دلوقتي..!! ولحقت تقرا كل ده ...!

بس شفت الصورة اللي ماسكاه فيها من قفاه..!!:mdr:


حاجة احترام اوي.. ..فينك يا شاكيرا!!!
bigsonson2003
07-12-2007, 04:32 AM
شاكيرا دى واحدة مش زى البنات اللوكال اللى عندنا بس ما علينا يعنى الصور 100 100
lyonaids
07-12-2007, 04:39 AM
شاكيرا يا حسن مش بتاعة جواز...

شاكيرا بتشجع الرجالة عالجواز..:mdr:

بس الصراحة انا عندي اني اضيع نص عمري عشان ساعة مع شاكيرا..

ولا اقضي تلات دقايق مع واحدة من اللوكال دول يا حسن..!
bigsonson2003
07-12-2007, 04:40 AM
اكيد مش بتاعة جواز دى للعرض فقط واقولك على سر انا مش بحبها اصلا
wolf176
07-12-2007, 04:49 AM
الللللللللللللللللللللللللللللللله بجد
انت يابنى مون بيه ورئيس قسم كلامك بجد جاب من الأخر وفعلا اللى معهوش ميلزموش وفعلا يرجالة ان مكنتش واقف على ارض صلبة بلاش تتسرع عشان تدخل البيت ملو هدومك وسورى رجلك فى وش ابوها يقولك قرش تقوله خد اتنين ياعمىىىىىىىىىىى بدل ما يتشرطوا عليك وتبقى تحت تصرفهم ومزاجهم وسلاطتهم وبابا غنوجهم اه الجواز حلو بس لما يكون على اساس اجتماعى ومادى كويس وخد بالك من مادى

شاكيرا دى واحدة مش زى البنات اللوكال اللى عندنا بس ما علينا يعنى الصور 100 100

عزيزى سنسن ....انا كلامك شدنى اكتر من الموضوع عشان كده بكتب تعليق عليه الاول

الجواز مش انك تحط رجلك فى وش ابوها ..انت كده رايح تشترى معزة مش انسانة المفروض انك بتحبها وهتقضى معها عمرك كله


الجواز مش حلم الجواز حقيقة شوف عندك كام فرح فى مصر كل يوم ...والناس الى حطت فى دمغها الجواز مش بتهزر بس بيطلع عنيهم مصاريف والذى منه

اما بالنسبة لسلطة الاهل وشرطهم ..ما هى الا نظرة لتامين حيات بنتهم الى انت بجلالت قدرك هتتجوزها ... يعنى حط نفسك مكانه وشوف هتقول ايه للى جاى يتجوز بنتك


غنى وحسسك انه جى يشترى منك بضاعة تفتكر ده هيحافظ على بنتك؟؟؟

فقير او على اد حاله ومعهوش ياكلها...تفتكر ده هيقدر يعيش بنتك؟؟؟

الموضوع موضوع نسبة وتناسب مش حرب بين العريس واهل العروسة ...
bigsonson2003
07-12-2007, 04:53 AM
انت اتوصلت تقريبا لنفس النتيجة لكن انت زوقت الكلام بس
للاسف انت بتدفع كل دا وبتنفذ شروطهم ليه ؟؟؟؟
الجواز يسر ياباشا لكن الاهالى اللى بتعمله دا اسمه افترا على البشر
انا يمكن قلته بتعبير بيتقال بين الشباب وهو يمكن صادم لكنه واقعى
lyonaids
07-12-2007, 04:59 AM
انا الحقيقة معاك يا حسن ..

ومعاك بردو ياوولف...تعرفو ليه لان كلامكم متشابه وان كانت الطريقة

بس بتاعة حسن طبعا اللي لازم يوجعلنا بطننا من الضحك:mdr:

وطريقة وولف بتاعة المحاميين دي ..!!

بس في كلا الحالتين رايكم جميل ومهم طبعا

وفعلا يا حسن عندك حق في موضوع ان الجواز لازم يبقي يسر في الماديات

بتاعته علي قد ما نقدر..

شاكر ليكو رايكو اوي ..وبأذن الله متابع معاكو.
wolf176
07-12-2007, 05:00 AM
عزيزى ليو المنتشر زى الزكام فى اول الشتاء ..ارحمنى مش كل مادخال القيلك موضوع وغصب عنى بقراه واعلق عليه ... ادينى فرصة اشوف موضيعى طيب ... ولا اقولك اكتب كل الى جواك يمكن ربنا يكرمنا ..لانك اكيد بتعبر عن مشكلات بنعانى منها



بص يا عم ..الجواز نعمة من ربنا للانسان ومذكور فى القران ...

تقدر تسميه تقريببا فريضة من كتر الفوائد بتاعته ونعمه على الانسان ..حتى بيسموه ( نص الدين )

اما بالنسبة للشباب فمش كله هيتجوز فى الى فى دماغه احلام وطموح اهم من الجواز ...ووفى الى بيدخل علاقات عاطفية كتير من غير سوء نية بس هو بيكون مش اكتر من ( مفتقد الاهتمام ..وبيدور على الى يهتم بيه...او عنده فراغ عاطفى...والخ الخ)

هديلك مثال على الحب ..الحب عامل زى الدراسة ..والجواز امتحان اخر السنة

متقدرش تدخل غير وانت مجهز نفسك كويس عشان تنجح فيه لانه بيحددلك شكل مستقبلك بعد كده

لو مش مستعد بتفشل فشل زريع ومستقبلك بيدمر بعديه او بيسبلك عقدة

الفرق ان الجواز مفيهوش دور تانى ولا ليه مذكرات شرح

دراسته هى الوظيفة والشقة... بتنجح في الجواز لو دول عندك

واهم حاجة انك تختار الى تنسبك والى انت متاكد انك مش عايز تعرف بنات تانى بعدها او تبص لغيرها ابدا ..مش شرط تكون زى شكيرا عشان تعجبك بالعكس انت لما تحب بجد هتلاقى الى بتحبها احسن وحدة فى الدنيا وهى هتحافظ عليك وانت هتحافظ عليها ومش هتجرحو بعض وحبكم هيذ1يد بعد الجواز ...
لكن الجواز لمجرد الجواز والعيال والوضع الاجتماعى يبقى احب اقولك ان فى اوضع اجتماعية تانية غير متزوج ( ارمل ...مطلق..متعدد الزوجات) فلو انت مش مستعد للامتحان ..... خليك ماشى بشهادة الثانوية الى هى ( اعزب ؟) احسنلك ومتفكرش فيه الا لما تستعدله كويس
bigsonson2003
07-12-2007, 05:02 AM
لا فض فوك ياباشا وخصوصا اخر 3 سطور انت كدا جبت الخلاصة
lyonaids
07-12-2007, 05:06 AM
وولف...
الصباح رباح ..وبكرة هتصحي علي مقاله مني بأذن الله..ماشي:mdr:
wolf176
07-12-2007, 05:12 AM
لا فض فوك ياباشا وخصوصا اخر 3 سطور انت كدا جبت الخلاصة

يا باشا الحمد لله انى عرفت اوضح حاجة ومختلفناش كتير فى وجهات النظر

ولو ان بظروف الشباب دلوقتى كله هيبقى من حملة المؤهلات المتوسطة

وخمس سنين جيش كمان ههههههههههههههههه
bigsonson2003
07-12-2007, 05:18 AM
مصر بتتقدم بينا يا وولف وعلى رأى خالد صالح فى فيلم هى فوضى:
اللى ملوش خير فى .......... ملوش خير فى مصر وحط مكان النقط اللى انت عايزه
xxxmibxxx
07-12-2007, 01:35 PM
اولا انا عايز اقول ل ليو الله ينتقم منك يا شيخ انا اهلي في البيت افتكروني اتجنيت من كتر مانا عمال اضحك وانا بقرا الموضوع اية الصور التحفة دي بجد تحفة حقيقي خصوصا هتتجوزني ولا لا ياض ؟ هههه


ثانيا عزيزي سون سون كلامك صح الواحد لازم يفرق بين الحب والجواز الحب مش محتاج اي حاجة مساعدة هي مجرد شوية كلام الجواز محتاج دعم بالشقة والشبكة ومصاريف الفرح ( مصيبة ليتشال الدعم دا زي بتاع الحكومة:42: ) وعايز اقولك حاجة انا في حاجة عرفتها قريب ( ملكوش دعوة عرفتها منين :40:) ان اول خطوة من خطوات الجواز هي الاعجاب انك مثلا تشوف بنت تعجب بشخصيتها وطالاما اعجبت بشخصيتها اكيد هتعجب بشكلها حتي لو كانت عادية مش ملكة جمال وهي كمان لازم تعجب بشخصيتك وطريقة تفكيرك بعد الاعجاب بتيجي الخطوة التانية الحب وهنا بقا الطرفين بيصارحو بعض ان كل واحد بيحب التاني ممكن في الفترة دي الشاب يكون علي الحديدة بس بيحبها وهي بتحبة ودا الي بيدية دفعة انو يشتغل بعد كدا الخطوة التالتة الخطوبة الشاب كون قرشين كويسين شال شوية في البنك وطلع شوية للخطوبة وعمل خطوبة ولبس دبل وبقيت العلاقة معروفة للكل وعلي فكرة الخطوة دي الشاب بيبقي عايز يعملها بسرعة عشان يضمن انها هتفضل لية هو مش هيجي عريس نافش ريشة في سن التلاتين سنة يخطفها ويطير مهو مش لازم اوصل لسن التلاتين سنة عشان اتجوز اية المانع اني اتجوز في ال 24 او ال 25 الخطوة الي بعدها الجواز هنا ترجمة حرفية للحب هنا بقا خلاص كل شئ بقي في مكانة جيبت الشقة وفرشت البيت والشبكة وظبط امورك ومصاريف الفرح واتجوزتو وكل شئ بقا تمام دا كان سلم الجواز طبعا اي سلم بتطلعة لازم تلاقي في اخرة زحليقة الي هي الطلاق هههههههههه


ثالثا ولف بجد بقا ولف كلامة عجبني بجد وحلوة اوي تشبية الجواز بالامتحانات والحب بالمذاكرة بس انا من كلامك حاسس انك بتقول حب زي مانت عايز في سن الشباب وامشي مع دي ومع دي عشان تعرف تتعامل مع البنات وبعد كدا شوف واحدة تانية خالص تتجوزها غير الي انت مشيت معاهم طب لية كدا متتعلم الحب مع الانسانة الي انت عايز تكمل باقي حياتك معاها


موضوع تحفة يا ليو بس الموضوع دا اول موضوع نتكلم فية بجدية غير باقي المواضيع كلها هزار
lyonaids
07-12-2007, 02:10 PM
اولا الحمد لله ان الموضوع عجبك ..مع اني وبمنتهي الصراحة انا ندمان اني قايل الكلام ده اوي ..بجد لما طلع بالعامي ما بقاش له لزمة ..

بس كويس اوي انك والناس زي وولف ..وحسن ..بنتكلم وبنقول اللي في دماغنا يمكن الواحد يستفاد من التاني ..ومجاملتك دي والله علي دماغي من فوق..وتعليقك جميل ..وان كنت انا لسة شايف ان الحب بح ..

والجواز بقي امر واقع ..وقدر يا خويا الواحد رايحله رايحله ..يلا ربنا يصبرنا.!




ثانيا ..احب اقول لكل الاخوة اللي بيقروا اي سطر وبيخرجو زي مادخلو بطريقة الحراميه .الاخوة ماركة مشكور..والاخوة اللي بتغلط في المواضيع ..وبتقول كلام زي السم ..

انا لولاكم مكنتش كتبت اي حاجة ..لما الاقي مشاهداتكم بتعدي الالف يبقي اكيد لازم اكتب تاني لانكو بتحبو الكلام ده اوي باين ..

فعلا والله رغم اللي بتعملوة الا انكو شجعتوني اوي ..!!







حكمة الرد ..!:


مقولة اجنبية جميلة جدا بتقول ..:


الكلاب المسعورة يمكنهاان تجعلك بطلا في العدو ..!!

يعني ممكن الكلاب اللي بتخاف منها وبتجري من أذاها ..تخليك بطل في الجري ..المفروض هنا تشكر الكلاب ...!!!
xxxmibxxx
07-12-2007, 02:19 PM
ههههههههههه جامد يا ليو حتي في امثلتك متزعلش من الاخوة ماركة مشكور دول ممكن معندهمش وقت يردو ممكن معندهومش ايادي يكتبو بيها عادي يعني نفض طالاما عدد الزوار كتير يبقي الموضوع اتقري وفكرتك وصلت للكل ولا يهمك
lyonaids
07-12-2007, 02:30 PM
والله لو ما في غيرك بس انت وحسن وولف والناس دي ..

والله انتاعلي دماغي من فوق ولو مافيش حديقول رايه ويتكلم انا وانتا نقضيها شات يا عم ..

بس بجد بقت حاجة تخنق ..البلد دي مش عارف هتفضل كدا ولا ايه ,؟

مفيش بني ادم بيتكلم ..ولو حد اتكلم فنسبة قليلة جدا ..

تلاقي الواحد طالع عينه مثلا في الاتوبيس و فاكر ان ده عادي .مش حاجة لازم يعترض عليها..وتلاقيه ساكت كدا زي الخرتيت ولا باين عليه
وقال ايه مسميه كفاح...صباح الفل انا هفرقع ..!

وتلاقي واحد زينا كدا بيحب واحده مثلا ونفسه يتجوزها تلاقي اهلها عاملين عليه كماشة الفلوس اياها والطلبات المبالغ فيها..

وتلاقي الولد ما بيعترضش ..ولو اعترض فبيعترض غلط..اما العروسة .::

فصباح البتنجان يا عروسة ياللي راضيه عن اللي بيحصل من اهلك بسكوتك
ده ..وقلة اعتراضك علي حركاتهم..

مش عارف بجد مشكله ...
مشكله كلام وسكوت في البلد ده ..

الواحد ما بيتكلمش الا في الفارغة..

ونيجي في المهم يبقو عاملين زي القرود الهندية التلاته المشهورين اوي

دول .:لا اسمع ..لا اري ..لا اتكلم ..!!!




لا ارد ..لا اشارك ..لا اتكلم ..!!:mdr:
haiam85
07-12-2007, 05:07 PM
ليو موضوعك حلو جدا كالعادة بس معلش انا هرد عليك لما اقراه تانى عشان فى نقط كتييييييييير اوى اقراه واركز وامخمخ وارد
asa65
07-12-2007, 07:35 PM
مشكووووووووووووووور
asa65
07-12-2007, 07:45 PM
هههههههههههههههههههه
انا بهزر معاك اوعي تزعل يا غالي
واحب اقول كلمتين محشورين في زوري هيخنقوني:15:
الواحد لما يعجب ببنت لازم يحط في اعتباره الماسك اللي هيا لابساه عليه وعلي اهلها وعلي كل البشر حتي نفسها
والماسك ده بيتكون في طبيعة الأنثي (حلوه طبيعة الانثي دي) نتيجه للظروف المجتمعيه والسالبة الاتجاه المنحرف ناحية الجنس الوحش اللي هوا احنا الرجاله
البنات عايشين دور في مسرحيه من تاليفهم واخراجهم( الله يرحمك يا نبيل يا فاروق)
و دورك انت انك تخلي البنت دي تبقي علي طبيعتها علشان تقدر تدرس شخصيتها وتشوف هي تنفع تبقي ام اولادك وللا لأ
و ربنا يستر علينا ويرزقنا الاخلاص.
معلش انا عارف اني رغاي بس زي ما قولت كنت مخنوق
تحياتي.
lyonaids
07-12-2007, 08:28 PM
تصدق بالله انت قلت كلمة خلتني كنت هتحول ..ابقي حاجة كدا زي القطة بتاعتك اللي ماسكها في الصورة..!:mdr:

(دورك انت انك تخلي البنت دي تبقي علي طبيعتها علشان تقدر تدرس شخصيتها )هههههههههههههه للصبح......

عزيزي قلتها قبل كدا....واقتباس اهو..:


معلش يبني انتا يبني انت يا اكسلانس انت وكل البنات ..واللي ردو

منهن يعني :mdr:

انا بقي شايف ان لا يمكن لاي ادم انه يفهم اي حوا بالصلاه علي النبي !!

وان انا عن نفسي عايز اتجوز خدامة ...!!أه..وش ..انا بقي يا جدعان

رجعي ...ولسه عايش في عصر سي السيد ..بتاع لمي هدمك وهدومي وهدوم

العيال وروحي ليور مازر يا أمييينااااااااا..!:39:

!

يا عزيزي..التمثيل يفرض نفسه ..ويطلع لسانه الطويل..

متحديا ان يكتشفه أحد..!!

وحزين ايضا لاننا لم نلتفت له ونعطيله الاوسكار..!

عندنا حق مانديش الاوسكار ..وهو احنا قادرين نفرق انه تمثيل

ولا حقيقة...!


تمثيل كالحقيقة!!

وحقيقةكالتمثيل .....!..غريبة كافلام الهنود يا صديقي ..!
el rayk gedan
07-12-2007, 09:03 PM
حبيبى ليونايدس اولا معلش انا ما أخدتش بالى من التوبيك غير دلوقتى

المهم الى عايز أقوله انى مستغرب جدا من الحالات الى انت قلت عليها دلوقتى انا عاصرت حاجات زى دى قدامى
كتييير
لكن نفسى أفهم ايه الى بيوصل الازواج لكده ؟
ايه الى بيعمله الجواز فيهم ؟

انا فكرت كتيير فى الموضوع ده ولقيت حبة نتايج معرفش هل النتايج دى على صواب ولا خطاء لكن أنا هاقولها وخلاص

اولا الشباب التافه

فى شباب كتيير مجرد مايلاقى بنت حلوة يقوم يقلك بس هى دى الى مستنيها هى دى فتاة أحلامى ويأعد يمشى وراها ويقلها قول عليا مجنون قول عليا موهوم وبعدين يعرف البيت ويخطبها على أساس انها جميله وروشه وخلاص وبعد ما الفاس تقع فى الراس يقلك دى طريقتها مش عارف ازاى ,دى معرفش أيه , دى طلعت عارفه نص شباب البلد (الى يختار بنت عشان جمالها زى الى بيختار بيت عشان شكله من بره حلو)

والله يجماعه أنا مش شايف أى تعقيدات فى الجواز

المفروض يكون فى الزوجه المواصفات الى قال عليها سيدنا محمد (ص) الى هى ( لدينها وجمالها وحسبها ونسبها )

فاظفر بذات الدين تربت يداك ) يعنى امسك فى بتاعت الدين دى بالزات يأما أيدك والارض يعنى مش هتطول حاجه

لأن المتدينه دى هتحطك فى عنيها وهتخاف انك تزعل منها عشان ربنا الى قال كده ( أسف مش عارف النص لكن عارف معناه ) وهو ان لو الزوج بات وهو زعلان من مراته فى 70 الف ملك هيلعنوا الزوجه لحد ما تصحى وعملها مش بيعدى راسها
والكلام ده برده للزوج لازم يتقى ربنا فى زوجته والله لو الكل مشى بما يرضى الله هيبقى الكل مبسوط لأنه وهو بيعامل زوجته كويس والزوجه برده بتعامل زوجها كويس يبقى تعتبر بتعبد ربنا عشان بتنفذ كلامه

وأنتى برده (اذا أتاكم من ترضون دينه وخلقه فزوجوه ) بمعنى لو جالك راجل أخلاقه ودينه كويسين مترفضهوش

ومعلش أذا كنت طولت عليكم لكن مستنى رأيكم فى الكلام دوت

وأعزرونى اذا كان كلامى غير مرتب عشان كنت مستعجل جدا
lyonaids
07-12-2007, 09:09 PM
حبيب قلبي ..اللي غاب عني ..

.وسابني عليه قلقان ...

كنت فين كل ده...يا مان..!:mdr:


فرحتي بيك خلتني هاقول شعر ..الرد في الطريق عشان لسه هاركز في كلامك

نص بيس..:mdr:
asa65
07-12-2007, 10:05 PM
يا اخي انا معاك ان في بنات صعب الواحد يعرف هما من اي نوع من البشر ولا عايزين ايه لان هما نفسهم مش عارفين هما عايزين ايه
وخلي بالك في شباب كده كمان الا من رحم ربي
بس عندك برضه ناس طبيعيه ممكن التواصل معاهم وممكن نوصل لحقيقة شخصيتهم بشوية حاجات هقوللك عليها بيني وبينك في الخباثه
ولو سمحت بلاش نخسر بعض علشان القطه دي تخصني:jap:
دي كانت البت بتاعتي قبل ما ادعي عليها و تتسخط حتي شوف:rules:
lyonaids
08-12-2007, 12:14 AM
هههههههههههههه

يا اخي سبحان الله انا ربنا واعدني بشوية شباب زي العسل ..!!

بدور علي شباب في خفة دمكو في بقية الاقسام ..ما صادفتش ..

كلامك جميل طبعا ..واوافقك عليه ..وشاكر لك المتابعة اوي اوي ..!
el rayk gedan
08-12-2007, 01:15 AM
أوكى يا ليو..... تيك يور تايم ومستنى ردك على التعليق
haiam85
08-12-2007, 01:49 AM
حبيبى ليونايدس اولا معلش انا ما أخدتش بالى من التوبيك غير دلوقتى

المهم الى عايز أقوله انى مستغرب جدا من الحالات الى انت قلت عليها دلوقتى انا عاصرت حاجات زى دى قدامى
كتييير
لكن نفسى أفهم ايه الى بيوصل الازواج لكده ؟
ايه الى بيعمله الجواز فيهم ؟

انا فكرت كتيير فى الموضوع ده ولقيت حبة نتايج معرفش هل النتايج دى على صواب ولا خطاء لكن أنا هاقولها وخلاص

اولا الشباب التافه

فى شباب كتيير مجرد مايلاقى بنت حلوة يقوم يقلك بس هى دى الى مستنيها هى دى فتاة أحلامى ويأعد يمشى وراها ويقلها قول عليا مجنون قول عليا موهوم وبعدين يعرف البيت ويخطبها على أساس انها جميله وروشه وخلاص وبعد ما الفاس تقع فى الراس يقلك دى طريقتها مش عارف ازاى ,دى معرفش أيه , دى طلعت عارفه نص شباب البلد (الى يختار بنت عشان جمالها زى الى بيختار بيت عشان شكله من بره حلو)

والله يجماعه أنا مش شايف أى تعقيدات فى الجواز

المفروض يكون فى الزوجه المواصفات الى قال عليها سيدنا محمد (ص) الى هى ( لدينها وجمالها وحسبها ونسبها )

فاظفر بذات الدين تربت يداك ) يعنى امسك فى بتاعت الدين دى بالزات يأما أيدك والارض يعنى مش هتطول حاجه

لأن المتدينه دى هتحطك فى عنيها وهتخاف انك تزعل منها عشان ربنا الى قال كده ( أسف مش عارف النص لكن عارف معناه ) وهو ان لو الزوج بات وهو زعلان من مراته فى 70 الف ملك هيلعنوا الزوجه لحد ما تصحى وعملها مش بيعدى راسها
والكلام ده برده للزوج لازم يتقى ربنا فى زوجته والله لو الكل مشى بما يرضى الله هيبقى الكل مبسوط لأنه وهو بيعامل زوجته كويس والزوجه برده بتعامل زوجها كويس يبقى تعتبر بتعبد ربنا عشان بتنفذ كلامه

وأنتى برده (اذا أتاكم من ترضون دينه وخلقه فزوجوه ) بمعنى لو جالك راجل أخلاقه ودينه كويسين مترفضهوش

ومعلش أذا كنت طولت عليكم لكن مستنى رأيكم فى الكلام دوت

وأعزرونى اذا كان كلامى غير مرتب عشان كنت مستعجل جدا

ليو انا كنت قلتلك انى هرد عليك لما اركز فى الموضوع بس بصراحه رايق رد عليك بكلام حلو جدا تقريبا هو اللى كنت عايزة اقوله معنديش رد بعد رده
lyonaids
08-12-2007, 01:57 AM
فعلا هيام كلام الرايق جميل جدا ..جدا ..وليه تعقيب عليه باذن الله
waelsabry
08-12-2007, 03:07 AM
يا عم مافيش مره تعمل موضوع رخم ؟؟
زهقتني يا جدع موضيعك كلها احسن من بعضها ما ينفعش كده احنا نعملك قسم ليك في الدي في دي ونلم موضيعك كلها فيه ونرتاح مش هنجري وراك في المنتدي احنا كل ما ندخل قسم يقولولنا كان هنا ومشي ولا ما جاش انهرده اركز في حته وحيات امو سحلول هيفا بتاعتك دي
lyonaids
08-12-2007, 03:21 AM
ههههههههههههههههههههههههههههههههههههههههههههانتابج د موتتني من الضحك والله انتا زي العسل ...ومنورني والله يا وائل اوي في المواضيع كلها ..وشهادتك اعتز بيها...ميرسي يا حبيب قلبي



بس بردو انا طالب رايك في الكلام..وجهة نظرك..ماتهربش ياض انت
من الكتابة ما تبقاش كسلي ..:mdr:
wolf176
08-12-2007, 05:31 AM
ايه يا ليو مش وعدتنى هترد على كلامى مردتش ليه ولا مكسل تكتب؟؟
waelsabry
08-12-2007, 12:13 PM
ليو باشا وللف بيه تحياتي الحاره لسعادتكم

وردا علي موضوعك يا ليو افندي والي انا مش مكسل في الكتابه
ها !!!!!!!!!!! فاهمني انت ؟
عموما الواحد مننا لازم يتعمل الاول يحب نفسه علشان يعرف يحب الي حوليه والطرف التاني خصوصا في علاقت الحب الي هو متورط فيها هيهيهيهيه

لازم تلاتيب البيت من الداخل الاول
حلوه ترتيب البيت من الداخل دي التلفزيون بيعلم الواحد كلام ابيح اوي اليومين دول عموما اديني رديت اهو
عداني العيب يا افندي؟
waelsabry
08-12-2007, 04:15 PM
كشفت احدي المجلات العلميه ان كلمه ياض بينطقوها في لندن ياض وفي الريف البريطاني ياد
يا تري علي كده بقي يا ليو انت في لندن العاصمه ولا دي حركه تموين؟؟؟؟؟؟؟؟؟؟؟؟؟؟؟؟؟؟؟
el rayk gedan
08-12-2007, 05:40 PM
ليو انا كنت قلتلك انى هرد عليك لما اركز فى الموضوع بس بصراحه رايق رد عليك بكلام حلو جدا تقريبا هو اللى كنت عايزة اقوله معنديش رد بعد رده

هيام مرسى كتيير ليكى على المجامله وكلامك الجميل والحمد لله انك موفقانى الرأى نفسه

بس معلش بقى ملحقتش أرتب أفكارى وكلامى عشان كنت مستعجل جدا

يلا بييييس
nihal2
08-12-2007, 08:26 PM
جميل انك بتفكر في الزواج كامر اساسي قبل الحب واعجبتني كلماتك لكن ايضا الحب جميل
lyonaids
08-12-2007, 11:28 PM
كشفت احدي المجلات العلميه ان كلمه ياض بينطقوها في لندن ياض وفي الريف البريطاني ياد
يا تري علي كده بقي يا ليو انت في لندن العاصمه ولا دي حركه تموين؟؟؟؟؟؟؟؟؟؟؟؟؟؟؟؟؟؟؟

اعتقد يااض ..! انها حركة تموين ..:mdr:
lyonaids
08-12-2007, 11:29 PM
ايه يا ليو مش وعدتنى هترد على كلامى مردتش ليه ولا مكسل تكتب؟؟

اتقل ..دانتا ملبخ جااامد..:mdr:
lyonaids
09-12-2007, 01:44 AM
جميل انك بتفكر في الزواج كامر اساسي قبل الحب واعجبتني كلماتك لكن ايضا الحب جميل

ميرسي نهال متابعتك للموضوع وكلامك صح طبعا .
.الحب جميل جدا!
kokilina
09-12-2007, 02:03 AM
عزيزى ليو المنتشر زى الزكام فى اول الشتاء ..ارحمنى مش كل مادخال القيلك موضوع وغصب عنى بقراه واعلق عليه ... ادينى فرصة اشوف موضيعى طيب ... ولا اقولك اكتب كل الى جواك يمكن ربنا يكرمنا ..لانك اكيد بتعبر عن مشكلات بنعانى منها



بص يا عم ..الجواز نعمة من ربنا للانسان ومذكور فى القران ...

تقدر تسميه تقريببا فريضة من كتر الفوائد بتاعته ونعمه على الانسان ..حتى بيسموه ( نص الدين )

اما بالنسبة للشباب فمش كله هيتجوز فى الى فى دماغه احلام وطموح اهم من الجواز ...ووفى الى بيدخل علاقات عاطفية كتير من غير سوء نية بس هو بيكون مش اكتر من ( مفتقد الاهتمام ..وبيدور على الى يهتم بيه...او عنده فراغ عاطفى...والخ الخ)

هديلك مثال على الحب ..الحب عامل زى الدراسة ..والجواز امتحان اخر السنة

متقدرش تدخل غير وانت مجهز نفسك كويس عشان تنجح فيه لانه بيحددلك شكل مستقبلك بعد كده

لو مش مستعد بتفشل فشل زريع ومستقبلك بيدمر بعديه او بيسبلك عقدة

الفرق ان الجواز مفيهوش دور تانى ولا ليه مذكرات شرح

دراسته هى الوظيفة والشقة... بتنجح في الجواز لو دول عندك

واهم حاجة انك تختار الى تنسبك والى انت متاكد انك مش عايز تعرف بنات تانى بعدها او تبص لغيرها ابدا ..مش شرط تكون زى شكيرا عشان تعجبك بالعكس انت لما تحب بجد هتلاقى الى بتحبها احسن وحدة فى الدنيا وهى هتحافظ عليك وانت هتحافظ عليها ومش هتجرحو بعض وحبكم هيذ1يد بعد الجواز ...
لكن الجواز لمجرد الجواز والعيال والوضع الاجتماعى يبقى احب اقولك ان فى اوضع اجتماعية تانية غير متزوج ( ارمل ...مطلق..متعدد الزوجات) فلو انت مش مستعد للامتحان ..... خليك ماشى بشهادة الثانوية الى هى ( اعزب ؟) احسنلك ومتفكرش فيه الا لما تستعدله كويس


كلامك صح جدا ومتفقه معاك فى رأيك ده بس احب اضيف حاجه صغنتوته اوى ..الجواز مش عاوز استعداد مادى وبس يعنى مش شقه وووظيفه وحتى كمان لو معاهم حب مش كفايه ..فيه حاجه تانيه مهمه وهى انك تكون شايف نفسك قادر تتحمل مسئوليه الجواز ده ولا لا..يعنى انا هاتكلم عن البنات..نقول مثلا ان المجتمع شايف ان مسئوليه البنت لما تتجوز هى انها تهتم بالبيت والزوج والعيال وتطبخله وتخليله البيت جنه وتكون مسئوله عن اسعاد اسرتها دايما حتى لو على حساب نفسها ..ماشى ..لكن للاسف ناس كتير مبتقدرش تعمل ده ..يعنى بعد ما تتجوز تلاقى نفسها مش عارفه توفق مثلا بين بيتها وشغلها او تلاقى نفسها عايشه فى روتين او تلاقى نفسها مش قد المسئوليه ويجى بعد كده بقى الزوج يشتكى وهنا معاه حق لانها فى الاول ادعت انها تقدر تشيل المسئوليه دى بس جت ومقدرتش وندخل بقى فى دوامه خلافات وخناقات وطلاق وخلافه ويمكن ده يكون من اسباب انتشار الطلاق فى المجتمع حتى فى الجواز اللى عن حب...طب من الاول يا ابقى قد المسئوليه دى يا بلاش ..انا عن نفسى من العينه اللى مش قد المسئوليه دى واعتقد ان مهما دار الزمن بيا عمرى ما هابقى قدها ..عشان كده خلينا فى بلاش
haiam85
09-12-2007, 02:10 AM
[QUOTE=el rayk gedan;1045796880]هيام مرسى كتيير ليكى على المجامله وكلامك الجميل والحمد لله انك موفقانى الرأى نفسه

بس معلش بقى ملحقتش أرتب أفكارى وكلامى عشان كنت مستعجل جدا

يلا بييييس[/COLOR][/SIZE][/QUOTE
ميرسي ليك انت بس مش مجامله بجد انت قلت المفيد وانا موافقاك جدااااا وياسيدى ولا يهمك ترتيب افكارك وكلامك المهم انه وصل .
haiam85
09-12-2007, 02:24 AM
كوكى انا معاكى انت وولف فى ارائكو ومعاكى اللى يتجوز ده يكون اد المسؤليه بس مش معاكى بصراحه فى نقطة انى لازم من الاول ابقى عارفه انى مش اد المسؤليه لانك عمرك ماهتعرفى الا لما تدخلى التجربه بنفسك يعنى مثلا لو حد اداكى فاكهة (مثلا يعنى) وانتى عمرك مادوقتى الفاكهة دى هتقولى لا انا مش بحبها ولا هتجربى الاول عشان تعرفى انتى بتحبيها ولا لاء هتجربيهااكيد .كتير الواحد بيفكر انه مش اد حاجه بس لما يجرب يلائي نفسه ادها جدا وناس تبقى فاكرة انها اد الحاجه دى ولما تجرب تفشل .طبعا الزواج مفيهوش اجرب يا نفع يا منفعش بس انتى لازم يكون عندك النيه فى الاول انك عايزة تبنى بيت وعايزة يبقى ليكى مستقبل وانك هتبذلى جهدك انك تنجحى فى حياتك وانك تبنى بيت ومتهيئلى ساعتها هتبقى اد المسؤليه لانك عندك نيه انك تنجحى زواجك ده اما بقى موضوع طلاق ومش طلاق دى كلها مسائل نصيب ولازم هتلائى غلطه فى النص هى اللى سببت الطلاق منها المسؤليه بس مش عشان هم مش اد المسؤليه هيبقى عشان هم مش عايزين يكونو اد المسؤليه فى فرق بين انى اكون قادرة او مش قادرة وبين عايزة او مش عايزة. ومعلش طولت عليكو
lyonaids
09-12-2007, 02:29 AM
ليو باشا وللف بيه تحياتي الحاره لسعادتكم

وردا علي موضوعك يا ليو افندي والي انا مش مكسل في الكتابه
ها !!!!!!!!!!! فاهمني انت ؟
عموما الواحد مننا لازم يتعمل الاول يحب نفسه علشان يعرف يحب الي حوليه والطرف التاني خصوصا في علاقت الحب الي هو متورط فيها هيهيهيهيه

لازم تلاتيب البيت من الداخل الاول
حلوه ترتيب البيت من الداخل دي التلفزيون بيعلم الواحد كلام ابيح اوي اليومين دول عموما اديني رديت اهو
عداني العيب يا افندي؟


وائل ..

علي فكرة ياض انتا انا مش فاهم منك حاجة..!!

انت كروتني هه:mdr:

تليفزيون ايه وريموت ايه...

يا عم اقرا الموضوع ...!!

اقرا الموضوع تاني يا وائل انا مش كهربائي :mdr:

قال تليفزيون قال !!!
moon_rody
09-12-2007, 02:38 AM
بجد موضوع جميل أوووووووووووي
وعندك حق في كلام كتير
هو فعلا الزواج يعتمد على شخصيه الطرفين
والحب من غير زواج لعب وكلام فاضي لإنه لو الطرفين بيحبوا بعض بجد الولد هياخد فعلا خطوه إيجابيه وحاجه يقدر يفتخر بيها بعد كده

بس بالنسبه للنسبه بتاعت إن الزوجات هما إللي بيضربوا الأزاج أنا مسمعتش الموضوع ده قبل كده ومعتقدش إن في راجل في الدنيا مراته تخليه ينفض السجاد :glasses:

بس أنا أعتقد إن الأغلبيه من الصبيان بيحبوا بس لمجرد الحب واللعب لإنه هو فعلا مش قد الزواج الموضوع بالنسبه له مجرد تضيع وقت أحيانا كمان بيكونوا كدابين في مشاعرهم وأحيانا بيكونوا صادقين بس عارفين إن الحب ده ملوش نهايه ونفس الموضوع على البنات هي إيه إللي يخليها تمشي في موضوع زي ده وهي عارفه إنوا ملوض نهايه ولا برده تضيع وقت؟؟:questionmark:
المهم فعلا الموضوع جميل جدا
شكرااااااااااااااااااا
lyonaids
09-12-2007, 02:39 AM
وولف ..

انا ياض عامل ياض زي الزكام ياض..!:mdr:

طب احسن ....!!

وبعدين خد هنا انتا جايب الكلام ده ازاي ..ومنين ياض..

الكلام ده عجبني جدا ياض ..!!:mdr:

لا بجد انا الصراحة مش لاقي حاجة اتكلم فيها معاك انا قريته كذا مرة!

وبعدين بردو كلام الرايق جميل جدا وصح..وعجبني لدرجة ماعرفتش اعلق .!


انا بس يا جماعة الموضوع كان قصدي بيه ..

ان الحب ده مش كلمة ولا لعبة ..

ولازم ابقي عارف الانفعال من الجد ..

وان انا بحب بجد الشخص اللي معايا..ولا بظلمة باسم الحب ..

وليه ما تبقاش مستعد لجوازك بعلاقتك باللي بتحبه ..

زي اني احاول علي قد ماقدر ما امثلش اوي ..ابقي بطبيعتي

عشان بعد كدا الطرف التاني ما يتفاجئش..

كل اللي غايظني ومفرتكني بس :mdr:

ان في ناس بتمثل ..مهما تمثل ..وبتنكشف..

وناس بردو مهما تمثل..تمثيلها المفروض ياخد الاوسكار..

ومن هنا يا اعزائي المونبيهات والبنات ..

تحدث كل مفاجآت ومآسي الزواج...!!
kokilina
09-12-2007, 02:39 AM
حبيبتى هيومه..انا قصدى انى عن نفسى شايفه انى مقدرش اشيل مسئوليه بيت ولا اسره..انا عشت لفتره صغيره لوحدى وجربت لفتره تانيه انى اعتمد على نفسى فى كل حاجه بس لقيت الموضوع صعب اوى ومقدرش انى اتخيل اقضى بقيه عمرى كده وبما انى مش قد المسئوليه دى فقلت بلاها بقى من الاول بس كلامك صح فى ان العمليه نصيب بس بردو التخطيط فى القرارات المصيريه زى الجواز والخلفه ده مهم جدا جدا جدا وبيتوقف عليه حاجات كتيييير ...مقولتيليش عجبتك الحلبسه ؟
lyonaids
09-12-2007, 02:41 AM
رودي !


هاي ..

وجه جديد اول مرة يرد في اي موضوع من اللي بكتبه..:mdr:


استننني بقا عشان اركز في كلامك كدا...والرد في الطريق..!
haiam85
09-12-2007, 02:49 AM
حبيبتى هيومه..انا قصدى انى عن نفسى شايفه انى مقدرش اشيل مسئوليه بيت ولا اسره..انا عشت لفتره صغيره لوحدى وجربت لفتره تانيه انى اعتمد على نفسى فى كل حاجه بس لقيت الموضوع صعب اوى ومقدرش انى اتخيل اقضى بقيه عمرى كده وبما انى مش قد المسئوليه دى فقلت بلاها بقى من الاول بس كلامك صح فى ان العمليه نصيب بس بردو التخطيط فى القرارات المصيريه زى الجواز والخلفه ده مهم جدا جدا جدا وبيتوقف عليه حاجات كتيييير ...مقولتيليش عجبتك الحلبسه ؟

ياكوكى يا سكرة هو انتى ان شء الله لما تتجوزى هتعيشى لوحدك ولا هتشيلى مسؤليه لواحدك اومال اللى هتتجوزيه ده هيعمل ايه انتى يمكن شايفه الموضوع صعب لانك قلتى انك عشتى لوحدك مانتى لما تعيشي لوحدك لازم تتعبى وتعتمدى على نفسك فى كل حاجه كتير عليكى برضوبس الزواج ده مشاركه مش هتعيشي فيه لواحدك واكيييد التخطيط فى القرارت المصيريه مهم محدش يقدر يقول حاجه بس كتير تخططى وتخطيطك يطلع غلط وكتير يطلع صح يعنى التخطيط مش مضمون ... وياستى جميله الحلبسه كفايه انها منك مع ان اسمها مضايقنى بس اى حاجه منك حلوة
kokilina
09-12-2007, 02:53 AM
يارب يخليكى يا هيومه ..المره الجايه ابقى اخليكى تدوقى السكلانس بقى..بس بينى وبينك كده فيه راجل فى الدنيا بيقبل يشيل شغل البيت مثلا مع مراته ولا يساعدها فى تربيه الاولاد ؟ ولا لو راجعه من الشغل قرفانه يقدر يجى على نفسه ويستحملها ؟؟؟ صعب شويه ..بس عموما احنا بنخطط ونتوكل على اللى خلقنا وهو بيقى بيعمل اللى فيه الخير لينا..ميرسى لكلامك الجميل يا روح قلبى
lyonaids
09-12-2007, 02:56 AM
بجد موضوع جميل أوووووووووووي
وعندك حق في كلام كتير
هو فعلا الزواج يعتمد على شخصيه الطرفين
والحب من غير زواج لعب وكلام فاضي لإنه لو الطرفين بيحبوا بعض بجد الولد هياخد فعلا خطوه إيجابيه وحاجه يقدر يفتخر بيها بعد كده

بس بالنسبه للنسبه بتاعت إن الزوجات هما إللي بيضربوا الأزاج أنا مسمعتش الموضوع ده قبل كده ومعتقدش إن في راجل في الدنيا مراته تخليه ينفض السجاد :glasses:

بس أنا أعتقد إن الأغلبيه من الصبيان بيحبوا بس لمجرد الحب واللعب لإنه هو فعلا مش قد الزواج الموضوع بالنسبه له مجرد تضيع وقت أحيانا كمان بيكونوا كدابين في مشاعرهم وأحيانا بيكونوا صادقين بس عارفين إن الحب ده ملوش نهايه ونفس الموضوع على البنات هي إيه إللي يخليها تمشي في موضوع زي ده وهي عارفه إنوا ملوض نهايه ولا برده تضيع وقت؟؟:questionmark:
المهم فعلا الموضوع جميل جدا
شكرااااااااااااااااااا


اولا ميرسي لكي اوي المجاملة دي ..وكويس انا لموضوع عجبك..

كلامك جميل ..وتعليقك البسيط واللي اختصرتي فيه بلباقة رايك في الموضوع .ورايك كمان في بعض الحاجات فيه وفعلا كلام صح..

ولو اني احب اضيف عليه حاجة انا متأكد منها ..

ان فعلا كتير من الولاد والبنات ..بيبقو داخلين في علاقات ..عارفين انها بنهايه تانية غير الجواز..وان الجواز بعيد حبتين ..
وبيبقي طبعا هدفهم المصلحة الشخصية وخوض تجربه تساعدهم بعد كدا مش اكتر...
الناس دي كلها كدا علي بعض ...:


بحبكو اوي ..!
haiam85
09-12-2007, 03:03 AM
يارب يخليكى يا هيومه ..المره الجايه ابقى اخليكى تدوقى السكلانس بقى..بس بينى وبينك كده فيه راجل فى الدنيا بيقبل يشيل شغل البيت مثلا مع مراته ولا يساعدها فى تربيه الاولاد ؟ ولا لو راجعه من الشغل قرفانه يقدر يجى على نفسه ويستحملها ؟؟؟ صعب شويه ..بس عموما احنا بنخطط ونتوكل على اللى خلقنا وهو بيقى بيعمل اللى فيه الخير لينا..ميرسى لكلامك الجميل يا روح قلبى

بينى وبينك كده ياكوكى اه فى راجل بيساعد فى البيت موجودين والله يابنتى بس مش باينين ويساعد فى تربية الولاد ده اساسى اصلا اومال هوشغلته ايه يشتغل يجيب فلوس وخلصت وانا هربى لوحدى كمان ده لو مساعدش فى تربيتهم ايه لازمته هيبقى فين هو فى البيت ده اللى ناقص كمان ميساعدش فى تربيتهم بس بصراحه مشوفتش واحد لما مراته تبقى راجعه من الشغل قرفانه بيستحملها ..وفعلا يابنتى احنا نخطط وكله بايد ربنا .. انا مستنيه السكلانس بس متنسيش المكونات اوك
waelsabry
09-12-2007, 03:08 AM
حصلت كمان يا ليو تخوفنا بالعيال الصغيره بقي كده طيب ماشي هي بقت كده وقال يقولي ادينا الوه خدمه الخط الساخن دول ولا ايه

ليو اصحي بدل ما اجيب اصحابي من القهوه بتاعت كارهي البنات ووتبقي عركه والدم فيها يبقي للركب وانا اراهن انك مش عامل حسابك في مايوه ومركب علشان انهار الدم الي هتحصل
lyonaids
09-12-2007, 03:10 AM
يارب يخليكى يا هيومه ..المره الجايه ابقى اخليكى تدوقى السكلانس بقى..بس بينى وبينك كده فيه راجل فى الدنيا بيقبل يشيل شغل البيت مثلا مع مراته ولا يساعدها فى تربيه الاولاد ؟ ولا لو راجعه من الشغل قرفانه يقدر يجى على نفسه ويستحملها ؟؟؟ صعب شويه ..بس عموما احنا بنخطط ونتوكل على اللى خلقنا وهو بيقى بيعمل اللى فيه الخير لينا..ميرسى لكلامك الجميل يا روح قلبى

عزيزتي كوكي ..

هاي الاول ..وتاني حاجة انا معرفش يعني ايه سكلانس ..بجد بتقولي كلام جميل!

ثالثا ..:

في يا كوكي تلاتين مليون راجل في مصر انتي اكيد ما عشتيش

مع حتي 2 منهم !!!!!!!!!!!

يبقي منين بتقولي في راجل في الدنيا بيساعد ؟ في راجل في الدنيا بيسوي ...في راجل بيقدر..في راجل ممكن يعمل لمراته حلبسة!!!!

عن نفسي ..انا عازب ...وماجربتش نفسي لسه في جواز..

بس والله ..انا ممكن اساعد كمان في شغل البيت مفيش مانع والله عندي ..لاني متعود علي الاعتماد علي نفسي من صغري..

والله كمان مرة من غير كسوف ومش عامل حساب لاي حاجة..

انا من وانا صغير بساعد نفسي غسيل اكل كوي مسح كنس ..بكلمك جد..!

في يوم من الايام اكيد مراتي بأذن الله يعني تبقي تعبانه .متدايقة ..

ماأساعدهاش ليه..!!!ولو مش كدا حتي انا من نفسي ساعات هبقي عايز اريحها ..فهاخفف عنها ..

بس تكون تستحق..!

ياكوكي الراجل لما بيحب فعلا وما بيقدرش يستغني عن اللي بيحبها
ممكن يعمل علشانها اي حاجة...!
امال الرجالة اللي بتروح تحارب دي بس بتحارب مش عشان البنات والستات اللي بيحبوهم وخايفين عليهم من اي اذي بيهددهم من حد.؟!




وكفاية كدا يا كوكي ..قلبتيهالي دراما :sadwalk:
lyonaids
09-12-2007, 03:13 AM
حصلت كمان يا ليو تخوفنا بالعيال الصغيره بقي كده طيب ماشي هي بقت كده وقال يقولي ادينا الوه خدمه الخط الساخن دول ولا ايه

ليو اصحي بدل ما اجيب اصحابي من القهوه بتاعت كارهي البنات ووتبقي عركه والدم فيها يبقي للركب وانا اراهن انك مش عامل حسابك في مايوه ومركب علشان انهار الدم الي هتحصل

وائييييييل ..:mdr:

هتقول رايك في الموضوع من الاخر وتبطل هروب ..!

ولا اتصللك ببتوع اسمها ايه تتحدي الملل..!!

وبعدين انتا الرجالة اللي هتجيبهم من القهوة دول..:

تبعي اساسا ..!!

انتا نسيت اني عمدة القهوة ولا ايه ياض:mdr:


قول رايك يا اكسلانس من الاخر مش هاسيبك...!!
kokilina
09-12-2007, 03:21 AM
لا لا لا ..دا انا كده اللى بقت دراما عندى ..انا مقصدش والله انى اقول حاجه وحشه ضد الرجاله انا بس اللى اقصده ان فيه نسبه كبيره اوى من الشباب والرجاله شايفين ان شغل البيت حاجه عيب انهم يعملوها وده انا شفته من التعامل مع الناس اللى حواليا ومن حكاوى اصحابى اللى اتخطبوا واللى اتجوزوا وبصراحه كل اما اسال حد مثلا من زملائى او قرايبى يقولى لا طبعا شغل بيت ايه ده اللى هاعمله ولو هو كويس حبتين بيقول اه ممكن اساعدها لو عيانه بس غير كده لا ..ما انا تعبان انا كمان وشغل البيت ده مسئوليتها هى وبس...ومعاك حق انى مشوفتش كل الرجاله اللى فى الحياه عشان احكم بس انا كنت بتكلم عن اللى حواليا وبس ..انما بصراحه بقى برافو عليك انك تتعود تعمل كل حاجه لنفسك مش عشان حاجه بس على الاقل فى وجهه نظرى اللى بيقدر يعمل كل حاجه لنفسه من اصغر حاجه لاكبر حاجه بيبقى انسان قوى فى وجهه نظرى
نيجى بقى للسكلانس..السكلانس فى مختار الصحاح وقاموس ابو كبير للغه العربيه هو خليط من التمر الهندى والسوبيا -البتاع الابيض اللى طعمه زى جوز الهند ده -وبيحطوهم على بعض ويسموه سكلانس ..وبما انى من هواه التردد على القاهره الاسلاميه وما حولها فلو نزلتوا هناك هتلاقوا محلات كتير بتبيع السكلانس مع عصير القصب وكده ..وطعمه حلو والله ..وعموما لما اروحلكم على القهوه بقى هعزمكم على طقم سكلانس فله القله يجنن ..
lyonaids
09-12-2007, 03:25 AM
انا بس يا جماعة الموضوع كان قصدي بيه ..

ان الحب ده مش كلمة ولا لعبة ..

ولازم ابقي عارف الانفعال من الجد ..

وان انا بحب بجد الشخص اللي معايا..ولا بظلمة باسم الحب ..

وليه ما تبقاش مستعد لجوازك بعلاقتك باللي بتحبه ..

زي اني احاول علي قد ماقدر ما امثلش اوي ..ابقي بطبيعتي

عشان بعد كدا الطرف التاني ما يتفاجئش..

كل اللي غايظني ومفرتكني بس :mdr:

ان في ناس بتمثل ..مهما تمثل ..وبتنكشف..

وناس بردو مهما تمثل..تمثيلها المفروض ياخد الاوسكار..

ومن هنا يا اعزائي المونبيهات والبنات ..

تحدث كل مفاجآت ومآسي الزواج...!!


الاخوة اعضاء المجلس ...دي بوينت الموضوع الاساسية

وياريت الكلام مايتفرعش الي بوينتات تانيه صغننه صغننه هه!

الموافق علي هذا الاقتراح يتفضل برفع يده موافقة:mdr:
kokilina
09-12-2007, 03:29 AM
مووووووووووااااااااااااافففففففففففقققققققققققققه وتصفيق حاااااد والارسال قطع
lyonaids
09-12-2007, 03:33 AM
هههههههههههههه يخربيت كدا يا كوكي انتي فظيعة بجد..!

واكيد انا متاكد انك ماتقصديش اي حاجة طبعا بس انا عادي يمكن اتكلمت بشوية توتر مش عارف ليه..:mdr:

بس معلش بردو بوينتايه صغننه كدا:انا ماقلتش اساعد لو تعبانةبس !
والمصحف يا كوكي وماليكي عليا حلفان انالما بحب بصعب علي نفسي
انا لو حبيت مراتي جامد ممكن تستعبدني يا بنتي !!
وبعدين اسكتي خالص انتي مش شايفة الستات بتعمل ايه في اجوازها دلوقت
انتي كروتي الموضوع ولا ايه..ماعندك بالنص من المجله اهو ..واتعملت تحقيقات كمان في الجرايد عشان كدا..وانا عن نفسي عاصرت تجربة الالم اللي زي السكلانس علي خد المحروس اللي المفروض يتكسف علي دمه.. الننس ده!
el rayk gedan
09-12-2007, 03:44 AM
كلامك صح جدا ومتفقه معاك فى رأيك ده بس احب اضيف حاجه صغنتوته اوى ..الجواز مش عاوز استعداد مادى وبس يعنى مش شقه وووظيفه وحتى كمان لو معاهم حب مش كفايه ..فيه حاجه تانيه مهمه وهى انك تكون شايف نفسك قادر تتحمل مسئوليه الجواز ده ولا لا..يعنى انا هاتكلم عن البنات..نقول مثلا ان المجتمع شايف ان مسئوليه البنت لما تتجوز هى انها تهتم بالبيت والزوج والعيال وتطبخله وتخليله البيت جنه وتكون مسئوله عن اسعاد اسرتها دايما حتى لو على حساب نفسها ..ماشى ..لكن للاسف ناس كتير مبتقدرش تعمل ده ..يعنى بعد ما تتجوز تلاقى نفسها مش عارفه توفق مثلا بين بيتها وشغلها او تلاقى نفسها عايشه فى روتين او تلاقى نفسها مش قد المسئوليه ويجى بعد كده بقى الزوج يشتكى وهنا معاه حق لانها فى الاول ادعت انها تقدر تشيل المسئوليه دى بس جت ومقدرتش وندخل بقى فى دوامه خلافات وخناقات وطلاق وخلافه ويمكن ده يكون من اسباب انتشار الطلاق فى المجتمع حتى فى الجواز اللى عن حب...طب من الاول يا ابقى قد المسئوليه دى يا بلاش ..انا عن نفسى من العينه اللى مش قد المسئوليه دى واعتقد ان مهما دار الزمن بيا عمرى ما هابقى قدها ..عشان كده خلينا فى بلاش

كوكى ريلى أوفلى سورى عندى تعليق بسيط على كلامك

اولا صاحب بالين كداب

طول ما انتى متجوزة وفنفس الوقت بتشتغلى عمرك ما هتعرفى توفقى ما بينهم

لسبب بسيط جدا , انتى جايه من الشغل مرهقه وجوزك نفس القصه , مين بقى الى هيعمل شغل البيت ؟

وده أقل سبب أقدر أجيبه لكن أنا شايف انه مهم جدا

ثانيا انتى حطه الشغل رقم واحد فى حياتك , طيب مش يمكن يكون الراجل مستريح مديا او شغله كويس ويريحك من موضوع الشغل ده

وبعدين ليه تبهدلى نفسك فى الشغل ما تأعدى معززة مكرمه فى البيت أحسنلك

وبالنسبه للمسؤليه الى بتقولى انك مش مؤهله ليها , انتى بتقولى كدا بس عشان خايفه أو مديا الموضوع أكبر من حقه أو سمعتى حاجه مش كويسه على الجواز من صحباتك لكن انا هديلك ابسط الامثله

وليكن لمؤخذه فى اللفظ الكلب

لو بسألك تقدرى تأعدى مع كلب مسعور ؟ أكيد ردك الطبيعى هتقولى لأ

طيب لو أنا حطيتك غصب عنك فى أوضه انتى والكلب ده لوحدكم , والاوضه مقفوله خالص هتعملى أيه ؟

( هتسرخى - هتقوليله والله انا عندى أخوات بنات وبجرى عليهم -ولا هتحولى تجمعى الموقف وتتعملى معاه بهدؤ عشان يهدى )

طبعا لو مش مستغنيه عن عمرك هتختارى الاخير

يبقى انتى لما تتحطى فى الفعل او فى الحدث بينتج منك تصرفات انتى مكنتيش متخيلاها او مكنتيش متوقعه ان عندك المقدرة للتصرف فى الموقف ده
بدليل المثال الى قلته

طيب هقولك على قصه حقيقيه

واحده زهقانه من جوزها ومش عارفه تتعامل معاه

راحت لشيخ وقالتله انا عيزاك تعمل عمل لجوزى انه يسمع كلامى, قلها اوكى , بس ليا طلبات عايز كذا وكذا وكذا وكمان عايز شعره من ديل قرد شمبانزى
الست جابتله كل طلباته لكن ما عدا الشعرة
وبعد فترة كبيرة جابت الشعرة للشيخ قالها جبتيها ازاى
قالتله كل يوم بجيب موز وجوافه للقرد لمده شهر لحد ما القرد خد عليا وعرفنى
وبعدين لما اطمن ليا قام جالى, رحت وخده الشعرة من ديله
قام الشيخ قالها يعنى عرفتى تسايسى القرد ومش عارفه تسايسى جوزك

يعنى ساعات الحاجه بتبقى فى أيدينا بس أحنا مش شيفينها

لكن البنى أدم هو الى بيعقدها لنفسه

مثلا انتى جايلك عريس مش كويس خالص, وموافقه عليه, لكن أهلك مش راضيين ,هتلاقى نفسك عماله تخترعلهم أسباب عشان يوافقوا
اما بقى لو جايلك عريس لقطه مفيش اتنين يختلفوا عليه ,لكن مش عجبك, هتطلعى فيه القطط الفاطسه وتكرهى خلق الله فيه وتعقديها وتقولى هرمى نفسى من الشباك لو ضغطوا عليا (مع انكم ساكنين فى الدور الارضى )
وده الى بيحصل بالظبط

معلش طولت عليكم
kokilina
09-12-2007, 03:45 AM
صعب اوى موضوع الضرب ده ..سواء بقى راجل او ست واللى يرضى على نفسه بانه حد يتعامل معاه بالطريقه دى يبقى خرج من عداد البنى ادمين ..معلش يعنى..الحته دى بقى بتعصبنى وبتقلب معايا دراما واكشن كمان..ست تضرب راجل ولا راجل يضرب ست مالهاش غير تفسير واحد ان اللى بيضرب ده بيحصل عنده طفره فى الجينات وبيقلب بهايمى واللى بينضرب لو وافق على كده واستكان يبقى الطفره صابته هو كمان ..
وانا عارفه ان فيه ستات بتظلم الرجاله جامد بس هى النسبه الاشيع ان تلاقى راجل هو اللى بيظلم مراته وهى ممكن متشتكيش لاى سبب من الاسباب بس عموما يعنى انا ضد الظلم سواء اللى ظالم ده راجل ولا ست لان اللى بيتظلم ده فى الاول والاخر انسان
وياسيدى ربنا يخليك للى هيسعدها حظها وتتجوزك وتشيل عنها وتريحها وبجد بقى بعيد عن كلام الشعارات والمظاهرات طول ما انت هتشيل عنها وتريحها اكيد هى هتشيل عنك كمان وتريحك ..والطيبون للطيبات ..وابقى اعزمنا على الفرح واجى كده وافرق سكلانس قدام الكوشه...لولولولولولى
lyonaids
09-12-2007, 03:48 AM
راحت لشيخ وقالتله انا عيزاك تعمل عمل لجوزى انه يسمع كلامى, قلها اوكى , بس ليا طلبات عايز كذا وكذا وكذا وكمان عايز شعره من ديل قرد شمبانزى
الست جابتله كل طلباته لكن ما عدا الشعرة
وبعد فترة كبيرة جابت الشعرة للشيخ قالها جبتيها ازاى
قالتله كل يوم بجيب موز وجوافه للقرد لمده شهر لحد ما القرد خد عليا وعرفنى
وبعدين لما اطمن ليا قام جالى, رحت وخده الشعرة من ديله
قام الشيخ قالها يعنى عرفتى تسايسى القرد ومش عارفه تسايسى جوزك



شكرا رايق اوي علي القصة دي بجد عجبتني رغم غرابتها

واسمحلي اعلق عليك بس استناني يا مونبيه حبه هجيبلك اقتباس حلو:mdr:
lyonaids
09-12-2007, 03:52 AM
كوكي ...انتي بجد دمك زي العسسل !!

وبأذن الله فرحي علي ميج رايان انتي اول واحده هتجيلك الدعوة:mdr:
lyonaids
09-12-2007, 03:58 AM
خدمة مجانية لقراء الموضوع ولكل اتنين بيحبو بعض بمناسبة العيد..

انا تحت امركو وكل سنه وانتو طيبين .أعضاء ...وحبايب قلبي المشرفين




بص ..انا أخدمك من قلبي لو قلتلك اوعي تمشي انت وهيا في الشارع لوحدكو كدا في العيد بالذات ..وخصوصا وسط البلد..وبجد والله انا ما بهزر..الزحمة هناك وحشة اوي...

وبعدين انا عجبني طريقتك اوي انك بتسأل في المنتدي علي حاجة زي كدا

ببساطة وشياكة ..خلتني اعجب بيهم ..وبص يا سيدي الاماكن انا رايي انك تروح تقعدو في مكان زي الكافيه ..

ولا ضيق اوي ..ولا واسع لدرجة اللمه اوي اوي ..وجهة نظر بس يعني ..

والصراحة يا اكسلانس انا تعبت اوي اوي في اخد الكلام الجاي ده كوبي بست الصراحة ..(الموضوع ده كان عندي من موقع تاني ..!)

و اعتبرها هديه مني لك.. قايمة بشوية اماكن جايبهابالنص من الموضوع ده اللي قلتلك عليه ..ويارب اكون افدتك ..وعقبال مانشوفك عريس انشاء الله ..




- اكسبرسو
المهندسين
17 شارع شهاب
الحد الأدنى:5 ج
ساعات العمل:OPen 24 hrs
يصلح لسهرة مع أصدقائك، ويستحق ما ستدفعه، ولكن لا تتوقع أن تسمعوا بعضكم فالموسيقى عالية للغاية




2- سبورتس كافيه
المهندسين
شارع البطل أحمد عبد العزيز
مكان جميل جدا ومناسب جدا لمشاهدة المباريات المحليه والعالميه
السعر::متوسط





3- سبكترا
المهندسين
14 شارع عبد الحميد لطفي
ساعات العمل:07:30 - 01:00
الحد الأدنى:12ج
من السهل ادمان ما يقدم من طعام سواء في البيت، العمل، أو في مكانهم الظريف،لا تنس أن "تحبس" بقهوتهم المتعددة النكهات.
ويوجد به (( أماكن لغير المدخنين ))




4- اوردونيا سنتر
((6 أكتوبر))
الحي السابع مجاورة لجامعة 6 أكتوبر




5- المعمورة
المنيل
1 شارع السرايا امام قصر محمد علي
ساعات العمل:08:00 - 03:00
الأجازة الأسبوعية:مفتوح طول الأسبوع
مكان لطيف يطل على الفرع الضيق من النيل، تجنب الذهاب إلى هناك أيام الخميس وإلا وجدت نفسك في فرح
وأنت متعرفش أي واحد فيهم



6- جراند كافيه
الجيزة
باخرة تي جي اي شارع النيل
الحد الأدنى:21 ج
ساعات العمل:14:00 -
سلسلة من الكافيتيريات المكشوفة، شاشات تلفزيون كبيرة،شيشة،و قائمة طعام جيدة



7- سيلنترو
مدينة نصر(( سيتي سنتر مدينة نصر))
مصر الجديدة ((87 شارع الميرغني))
الحي السابع مجاورة لجامعة 6 أكتوبر
السعر:::متوسط
الوجبات خفيفة وتناسب تماما استراحة الغذاء وسط يوم العمل – مع وجود نية استكمال ذلك العمل! سلطات طازجة وشوربة ممتازة. اذا كنت لا تزال تشعر بالجوع، جرب سندويتش اللحم المتميز.
ساعات العمل:24 ساعة



8- فرح
المهندسين (( 22 شارع عبد الحميد لطفي ))
المعادي ((شارع النصر، بجوار بنزينة كالتكس ))
مصر الجديدة(( 100 شارع عمار بن ياسر ))
السعر:: متوسط
الأجازة الأسبوعية:مفتوح طول الأسبوع




9- لاجورمانديز
الجيزة
فرست مول خلف حديفة الحيوان
ساعات العمل:10:00 - 19:00
السعر::غالي
مكان رومنسي جدا جدا جدا وهي مكان لغير المدخنين




10- مومنتو كافيه
الدقي
37 شارع عمان، من شارع محي الدين أبو العز
السعر::متوسط



11- الفيشاوي
خان الخليلي
ساعات العمل:12:00 -00:00
القهوة الشهيرة فى قلب خان الخليلى، تقدم كافة المشروبات المتاحة فى المقاهى "البلدى"، بما فيها الشيشة المتميزة، مفتوحة 24 ساعة فى اليوم (على ما يبدوالقهوة الشهيرة فى قلب خان الخليلى،)
(( وعلى ما يبدو أن الحجز ضروري ))



12-نجيب محفوظ
خان الخليلي
5 سكة البادستان خان الخليلي
ساعات العمل:10:00 - 02:00
الأجازة الأسبوعية:مفتوح طول الأسبوع
السعر::غالي
قهوة ومطعم شهير جدا، يدار بكفاءة عالية





حديقة الأزهر :
مكان في منتهى الروعة والجمال ..... الدخول بـ5 جنيه والكافيهات اللي جوا من غير منيمم وأسعارها معقولة جدا

دار الأوبرا :
طبعا مش المسرح ...انما في الساحة الخارجية مكان جميل لأقصى درجة وفي 3كافيهات واحد جنب مركز الابداع وواحد جوا مركز الهناجر وواحد جنب مكتبة الموسيقى...كافيهات شيك جدا ورخيصة جدا

ساقية عبدالمنعم الصاوي بالزمالك :
هو مكان اصلا عبارة عن مركز ثقافي تحت كوبري أبوالفدا في الزمالك ....بس تحفة ...وفيه جزء منه على النيل مباشرة في كافيه صغير (( محدود الامكانيات )) بس الفيو هناك جبااار بمعنى الكلمة و رخيص لأقصى درجة

اما بقى المكان ده فانا روحته قريب وحبيته جدا جدا


هو مطعم رومانسي وهادي وجميل وفي نفس الوقت متوسط في السعر ..سلسلة مطاعم لاكازيتا الإيطالية .. الديكور رومانسي جدا وعتيق أوي .. وموسيقى كلاسيك هادئة طول الوقت .. والجرسونات لابسين لبس زمان .. والترابيزات من أيام الملك من زمان .. بجد حسيت إني قاعد ه في سفينة تيتانيك بالضبط .. وده كله ممكن تدفع على 2 بيتزا 30 جنيه بس .. لو ضيفنالهم 2 نيسكافيه .. هيكون الحساب كله 50 جنيه بس ..


بجد لو معاك خطيبتك أو مراتك خدها وروحوا إقعدوا هناك ..بـ50 جنيه بس
وهتدعليلي ..






العنواين ..


مدينة نصر .. ورا جنينة مول بعد عصير فرغللي .. متفرع من ش الطيران
الدقي .. بجوار نادي الصيد
مصر الجديدة .. في هيليوبليس ..


أقولك ريح دماغك وإتصل بـ 140 دليل التليفون .. وهما هيدوك عناوين فروعها كلها


وبالتوفيق ونرجو الافادة لجميع الاعضاء ..والاسف للمشرفين لو حد كان جايب الموضوع ده ..!!
kokilina
09-12-2007, 03:59 AM
كوكى ريلى أوفلى سورى عندى تعليق بسيط على كلامك

اولا صاحب بالين كداب

طول ما انتى متجوزة وفنفس الوقت بتشتغلى عمرك ما هتعرفى توفقى ما بينهم

لسبب بسيط جدا , انتى جايه من الشغل مرهقه وجوزك نفس القصه , مين بقى الى هيعمل شغل البيت ؟

وده أقل سبب أقدر أجيبه لكن أنا شايف انه مهم جدا

ثانيا انتى حطه الشغل رقم واحد فى حياتك , طيب مش يمكن يكون الراجل مستريح مديا او شغله كويس ويريحك من موضوع الشغل ده

وبعدين ليه تبهدلى نفسك فى الشغل ما تأعدى معززة مكرمه فى البيت أحسنلك

وبالنسبه للمسؤليه الى بتقولى انك مش مؤهله ليها , انتى بتقولى كدا بس عشان خايفه أو مديا الموضوع أكبر من حقه أو سمعتى حاجه مش كويسه على الجواز من صحباتك لكن انا هديلك ابسط الامثله

وليكن لمؤخذه فى اللفظ الكلب

لو بسألك تقدرى تأعدى مع كلب مسعور ؟ أكيد ردك الطبيعى هتقولى لأ

طيب لو أنا حطيتك غصب عنك فى أوضه انتى والكلب ده لوحدكم , والاوضه مقفوله خالص هتعملى أيه ؟

( هتسرخى - هتقوليله والله انا عندى أخوات بنات وبجرى عليهم -ولا هتحولى تجمعى الموقف وتتعملى معاه بهدؤ عشان يهدى )

طبعا لو مش مستغنيه عن عمرك هتختارى الاخير

يبقى انتى لما تتحطى فى الفعل او فى الحدث بينتج منك تصرفات انتى مكنتيش متخيلاها او مكنتيش متوقعه ان عندك المقدرة للتصرف فى الموقف ده
بدليل المثال الى قلته

طيب هقولك على قصه حقيقيه

واحده زهقانه من جوزها ومش عارفه تتعامل معاه

راحت لشيخ وقالتله انا عيزاك تعمل عمل لجوزى انه يسمع كلامى, قلها اوكى , بس ليا طلبات عايز كذا وكذا وكذا وكمان عايز شعره من ديل قرد شمبانزى
الست جابتله كل طلباته لكن ما عدا الشعرة
وبعد فترة كبيرة جابت الشعرة للشيخ قالها جبتيها ازاى
قالتله كل يوم بجيب موز وجوافه للقرد لمده شهر لحد ما القرد خد عليا وعرفنى
وبعدين لما اطمن ليا قام جالى, رحت وخده الشعرة من ديله
قام الشيخ قالها يعنى عرفتى تسايسى القرد ومش عارفه تسايسى جوزك

يعنى ساعات الحاجه بتبقى فى أيدينا بس أحنا مش شيفينها

لكن البنى أدم هو الى بيعقدها لنفسه

مثلا انتى جايلك عريس مش كويس خالص, وموافقه عليه, لكن أهلك مش راضيين ,هتلاقى نفسك عماله تخترعلهم أسباب عشان يوافقوا
اما بقى لو جايلك عريس لقطه مفيش اتنين يختلفوا عليه ,لكن مش عجبك, هتطلعى فيه القطط الفاطسه وتكرهى خلق الله فيه وتعقديها وتقولى هرمى نفسى من الشباك لو ضغطوا عليا (مع انكم ساكنين فى الدور الارضى )
وده الى بيحصل بالظبط

معلش طولت عليكم

اخويا الرايق من غير اوفلى سورى ولا اى حاجه رايك ليه كل الاحترام والتقدير وكفايه انك اهتميت برأيي ..الفكره فى الشغل بالنسبه ليا هو انه جزء منى زى ما يكون يعنى حاجه فى شخصيتى كده ..حلم عشت طول عمرى بحلم احققه وقربت -ياااااااا مسهل -اوصل لاول خطوه فيه ..ببساطه يعنى حته من شخصيتى دا غير طبعا الامان المادى والمعنوى اللى يوفرهولى الشغل بس حتى لو الماديات قليله فعلى الاقل اكون بعمل حاجه انا بحبها ومؤمنه بيها وحاسه انى ممكن انجح فيها على الاقل قدام نفسى دا غير ان المجال اللى اخترته صعب جدا انى اوفق بينه وبين البيت وانجح فى الاتنين بنفس النسبه لازم اخسر حاجه وساعتها لو اخترت انى اهمل بيتى على حساب شغلى يبقى ظلمت اللى فى البيت ولو اهملت شغلى على حساب بيتى يبقى ظلمت نفسى فخرجت نفسى من الحوار ده عشان مظلمش حد..منكرش ان فيه ستات بتوفق بس انا مقدرش دا غير انى مش طبعى انى اكون ست بيت وكده ..وبينى وبينك حتى لو اللى اتقدملى ده هيحطلى فلوس الارض بين ايدى مقابل انى اسيب الشغل هرفض -ولو معاه فلوس الارض طب ما يجيب حد بقى هو اللى يعمل شغل البيت حتى كمان ابقى فاضيه ليه هو وبس ؟؟؟ - دا حاجه الحاجه التانيه انى شفت فى نفسى انى مقدرش اشيل مسئوليه بيت واسره واوعد انسان انى اريحه واسعده واخلقله جنه فى قلب البيت وارجع فى الاخر الاقى نفسى مقدرش اعمل ده ..طب ليه بقى اظلمه واظلم نفسى ؟؟؟؟ يعنى لقيت ان شخصيتى مش راكبه انى اكون ست بيت واكون زوجه بالمعنى المفهوم..يعنى مش مستعده لمسئوليه الجواز ومسئوليه بيت واسره وزوج ..وعموما شكرا على رايك واهتمامك بكلامى وكلامك صح بنسبه كبيره لناس كتير جدا وياريت الناس تتعلم منه
el rayk gedan
09-12-2007, 04:03 AM
عن نفسي ..انا عازب ...وماجربتش نفسي لسه في جواز..

بس والله ..انا ممكن اساعد كمان في شغل البيت مفيش مانع والله عندي ..لاني متعود علي الاعتماد علي نفسي من صغري..

والله كمان مرة من غير كسوف ومش عامل حساب لاي حاجة..

انا من وانا صغير بساعد نفسي غسيل اكل كوي مسح كنس ..بكلمك جد..!

في يوم من الايام اكيد مراتي بأذن الله يعني تبقي تعبانه .متدايقة ..

ماأساعدهاش ليه..!!!ولو مش كدا حتي انا من نفسي ساعات هبقي عايز اريحها ..فهاخفف عنها ..

بس تكون تستحق..!

:sadwalk:

على فكرة انا والله ليا نفس الرأى , ليه مأساعدهاش ادام فاضى ومش تعبان ؟

بالعكس ده حتى لما أساعدها هتحس انى مقدر تعبها وحبنا يكبر , وحتى لو مكبرش , كفايا انى هحسسها انى مهتم بيها ومتأعدتش تشغل نفسها بكلام زى ما كوكى بتقول ( انا المفروض الى بتطبخ وبمسح وبغسل )
عشان لو أعدت تفكر كتيير بالطريقه دى العلاقه هتفشل

وبعدين بينى وبينكم انا عايز أساعدها لسبب شخصى

عشان متفضلش تشتغل طول النهار وتيجى بالليل تقولى والله تعبانه موووووت من الشغل

وأنا موتى وسمى الحركات دى هه:31:
lyonaids
09-12-2007, 04:10 AM
كوكي من الاخر كدا يعني لو اتقدملك واحد في وسامة وشياكة وجمال وحلاوة وطعامة النجم مثلا اللي زي العسل توم كروز..واللي والله انا لو بنت كان ممكن اسافرله امريكا.... بس.. ابعتلة ممممموه..بوسه في الهوا!!

تفتكري واحد زي كدا ترفضيه وتكملي في شغلك..:mdr:

والنبي يا كوكي والنبي خلاص بقي خلاص انا عارف ردك !!


هه:mdr:
lyonaids
09-12-2007, 04:13 AM
بس ياض يارايق ياض بطل نرفزة ياض لامسكك القهوة تلات ايام ورا بعض !!

هه:mdr:


بس برافو عليك ياض المتابعة ياض والله ياض...انا كدا بدات انبسط منك



خليك كدا فريش يا رايق والله ..دانتا اللي علمتني الروقان بردو ..

ولا ايه؟
kokilina
09-12-2007, 04:14 AM
تصدق مبحبش توم كروز ..طب قول براد بيت ولا الشاب اللى بيعقد بتاع بريزون بريك -وينتورس ميلر -اهو ده بقى ابيع بطاطا بس اشوف وشه ساعه واحده بس ...وبعدين انت مش كنت قلت هتنفض لميج رايان ..جاى من شويه تقولى هتعزمنى على فرحك انت وهيا ؟؟؟ بتشتغلنى يا ليو ؟؟؟؟؟؟؟؟؟ ماشى ..اسحب السكلانس من الاخ ليو يا بنى
lyonaids
09-12-2007, 04:19 AM
هههههههههه وانا بقي ما بحبش الواد ده بتاع بريزون بريك

بتاع تدييقة عينيه دي عشان يعمللي فيها محترف يا خرابي !

وبعدين ماتهربيش ..كنتي هتوافقي ولا لا...؟

وبعدين انا مش عايز السكلانس ...بس !!

انا عندي قهوتي حبيبتي اقعد ملك هناك واكلم ميج رايان بالتليفون
وانا ماسك الحاجة الساقعة:mdr:
kokilina
09-12-2007, 04:23 AM
ايوه اتغاظ وغل منه كده ..بس بصراحه الواد لعيب واللى كاتب المسلسل لعيب اكتر منه ..طب خلينا فى حل وسط بقى ..الواد لينك اخوه ..ينفع ..بس انت ظبطنى عنده وليك الحلاوه وهاجيبه ونجيب الاولاد ونيجى نشيش عندك فى القهوه
lyonaids
09-12-2007, 04:24 AM
علي فكرة يارايق يبني انتا اكسلانس حقيقي وكلامك غالبيته صح

ساعات الصراحة بردو ستات يعني بيبقو شكايين جامد اوي من شغل البيت
وكدا...هيا تستحق الشكوي بس بتبقي ساعات اوفر اوي !

بس الحق يقال الراجل وهو جاي من شغله بيبقي اكنه فاتح عكا ..
معلش يعني كلمة علينا بردو يا ولاد لازم نقولها!وكفايه بقي يا رايق جد حبتين وروقني بقااااا:mdr:
lyonaids
09-12-2007, 04:26 AM
كوكي ..:mdr:


هتوافقي بقولك علي واحد من حيث المبدا يعني يكون توب مثلا زي كدا

ولا لأ...هه...

مش هاعيد السؤال تاني ...:mdr: هه!!
el rayk gedan
09-12-2007, 04:28 AM
اخويا الرايق من غير اوفلى سورى ولا اى حاجه رايك ليه كل الاحترام والتقدير وكفايه انك اهتميت برأيي ..الفكره فى الشغل بالنسبه ليا هو انه جزء منى زى ما يكون يعنى حاجه فى شخصيتى كده ..حلم عشت طول عمرى بحلم احققه وقربت -ياااااااا مسهل -اوصل لاول خطوه فيه ..ببساطه يعنى حته من شخصيتى دا غير طبعا الامان المادى والمعنوى اللى يوفرهولى الشغل بس حتى لو الماديات قليله فعلى الاقل اكون بعمل حاجه انا بحبها ومؤمنه بيها وحاسه انى ممكن انجح فيها على الاقل قدام نفسى دا غير ان المجال اللى اخترته صعب جدا انى اوفق بينه وبين البيت وانجح فى الاتنين بنفس النسبه لازم اخسر حاجه وساعتها لو اخترت انى اهمل بيتى على حساب شغلى يبقى ظلمت اللى فى البيت ولو اهملت شغلى على حساب بيتى يبقى ظلمت نفسى فخرجت نفسى من الحوار ده عشان مظلمش حد..منكرش ان فيه ستات بتوفق بس انا مقدرش دا غير انى مش طبعى انى اكون ست بيت وكده ..وبينى وبينك حتى لو اللى اتقدملى ده هيحطلى فلوس الارض بين ايدى مقابل انى اسيب الشغل هرفض -ولو معاه فلوس الارض طب ما يجيب حد بقى هو اللى يعمل شغل البيت حتى كمان ابقى فاضيه ليه هو وبس ؟؟؟ - دا حاجه الحاجه التانيه انى شفت فى نفسى انى مقدرش اشيل مسئوليه بيت واسره واوعد انسان انى اريحه واسعده واخلقله جنه فى قلب البيت وارجع فى الاخر الاقى نفسى مقدرش اعمل ده ..طب ليه بقى اظلمه واظلم نفسى ؟؟؟؟ يعنى لقيت ان شخصيتى مش راكبه انى اكون ست بيت واكون زوجه بالمعنى المفهوم..يعنى مش مستعده لمسئوليه الجواز ومسئوليه بيت واسره وزوج ..وعموما شكرا على رايك واهتمامك بكلامى وكلامك صح بنسبه كبيره لناس كتير جدا وياريت الناس تتعلم منه

كوكى عارفه مشكلتك أيه انك مش عايزة تتقبلى الواقع وهو انك بنت ومش عايزة تتجوزى عشان شغل البيت وبالعكس والله انك بنت مش حاجه وحشه دى حاجه جميله جدا لكن معلش خلينا نفكر سوا
افرضى انك كملتى حياتك من غير شغل ايه الى هيحصل
عندك بيت - حد مهتم بيكى وبيخاف عليكى -أولاد يملوا عليكى البيت وحاجات كتيير يمكن انتى تعرفيها لكن انا مش فاكرها ناو
طيب دلوقتى خلينا نتخيل حياتك بالشغل
اذا مفيش جواز عشان صعوبه التوفيق زى ما قلتى
طيب وبعدين افرضى ان الشغل ده بيجيبلك مليون جنيه فى الشهر
وبعد ما يبقى معاكى ملايين وتصرفى على نفسك وتحققى امانيكى وأثبتى ذاتك أيه بقى الى حصل
مش المفروض فى الوقت ده يكون معاكى حد انتى رقم واحد فى حياته يشجعك
طيب انتى مستفديش أى حاجه غير الماديات
يبقى هانرجع تانى مكان ما أبتدينا
ان جوزك ممكن يوفرك الامكانيات دى
او ممكن تعرفيه فى فترة الخطوبه انه مثلا يجيب حد يساعدك فى البيت واذا وافق كان بها
واذا رفض يبقى كل شئ قسمه ونصيب
وصدقينى يا كوكى انا ليا واحده قريبتى متجوزة لكن شغلها مبوظ عليها حياتها
lyonaids
09-12-2007, 04:30 AM
يا خرابي عليكو كلكو:mdr:

اه يا تعب قلبي يانا ااااااااه...

انا داخل انام..

موبايلات بقا هه!!:mdr:
kokilina
09-12-2007, 04:30 AM
امممممممم...زنقتنى انت فى خانه اليك وقفلت عليا عاده ومحبوسه ..لا مش هاوافق ..من حيث المبدأ يعنى انا عندى كمان مبدأ ومفيش مبدأ احسن من مبدأ والكبير كبير والنص نص واللى خايف يروح ..هو يعنى هيشترينى بفلوسه عشان هو يعنى فى بريزون بريك ؟؟؟ انا فى جوانتانامو ومفيش حد احسن من حد
lyonaids
09-12-2007, 04:37 AM
كدااااااااااابااااااااااااهههههههههههههههههههههههه ههه


والله يا كوكي لو شفتي واحد زي توم كروز قدامك ممكن يغمي عليكي

وتقوليله طوع امرك

ورهن اشارتك

يا سيدي

يا ملكي

يا حبيب قلبي ..ههههههههههههههههه:mdr:

مسيرك تتشنكلي يا كوكي وابقي قولي ليونايدس ملك اسبرتا قال !
el rayk gedan
09-12-2007, 04:38 AM
ايوه اتغاظ وغل منه كده ..بس بصراحه الواد لعيب واللى كاتب المسلسل لعيب اكتر منه ..طب خلينا فى حل وسط بقى ..الواد لينك اخوه ..ينفع ..بس انت ظبطنى عنده وليك الحلاوه وهاجيبه ونجيب الاولاد ونيجى نشيش عندك فى القهوه

على فكرة انا بحب ونورث ميلر عشان شخصية مايكل بس

لكن هو نفسه قال ان الناس بتحبنى عشان شخصيه مايكل وانا عايز الناس تحبنى انا لشخصيتى

وكمان مش عاجبه شكله لأنه بيأعد ساعتين فى تظبيط شكله يوميا

لكن خلينا فى المهم انا هسيب حالى ومالى وأعد أحب فى وينورث خلينا فى موضوعك يا ست هانم
kokilina
09-12-2007, 04:42 AM
والله للعكس انا بحب كونى بنت وبستمتع بده بس فعلا انا بحب مجالى ومختاراه وفخوره بيه ..يمكن انا نقطه الاختلاف الوحيده انى شايفه ان الجواز مكمل لحياتى لكن مش شئ اساسى فيها ..هى بس مسأله اولويات مش اكتر ..واكيد جميل انى اكون نمره واحد فى حياه حد ويشجعنى بس اكيد الحد ده ليه حقوق وانا مش هاقدر اوفيها ..وعموما انا فيه ناس اتقدمولى وناقشت معاهم الفكره دى -فكره ان حد يساعدنى فى شغل البيت - والناس دى انا عارفه ان عندهم المقدره الماديه على ده ورغم ان الناس دى فى نفس المجال اللى انا فيه الا انهم رفضوا بحجه انه ميحبش ياكل غير من ايد مراته ..طب انهو الاحسن تاكل من ايدها ولا تاكل معاها ؟؟؟تفضل هى مشغوله عنك ولا تقضى وقت فراغك وفراغها مع بعض ؟؟؟ بدل ما تقولك مشغوله وشغل البيت ولازم الحق اشترى حاجه بكره ولازم اعمل معرفش ايه ..انا مثلا اذا ربنا كرمنى بعائد مادى محترم مش هاخليه هو يدفع حاجه للى هتساعدنى دى ومش هاحاول انى اتقل عليه فى مصاريفها مثلا بس على الاقل عشان اوفر وقتى لنفسى وليه ولحياتنا سوا ..وعلى فكره انا فكره الشغل مش مسببالى ازعاج او متضايقه من انى اشتغل بالعكس انا حابه ده وجربت اشتغل حاجات بسيطه وانا بدرس وحسيت بالسعاده وطول ما انا حاسه بالسعاده اكيد هاسعد اللى حواليا..يعنى فى الاول والاخر الموضوع اولويات وارجع واقولك كل شئ بايد ربنا ..وشكرا مره تانيه على اهتمامك برأيى وارحب برأيك دايما
وشكلى انا كمان كده هاقوم انام عشان الحق اسمع الديك بدرى
kokilina
09-12-2007, 04:46 AM
ايه يا ليو ؟ اتشنكل ايه يا عمنا ؟ هو انت شايفنى ماشيه عاوزه ظبط زوايا ولا ايه ؟؟؟؟؟؟؟ دا انا حتى ظابطه العجل على 30 ومخلياه يمشى زى السهم ..انت مش كنت قايم تنام...قوم بقى الحق افتح لهيفاء احسن البنت قلبت على هيكل عظمى من البرد اللى بره ده
lyonaids
09-12-2007, 04:46 AM
معلومات اول مرة اعرفها يا عزيزي الرايق ونقول لكل بنت بتحب اي ولد

ادي ممثلين هوليود ..بيقعدو اربع ساعات يظبطو..في الوش بس:mdr:

طب دانا يارايق ومالك عليا حلفان ..هوالقميص والبنطلون بس ..

وببقي وحياتك ولا الواد اللي اسمه ايه ده كولين فاريل .واوعي يا

رايق وشك:mdr:
kokilina
09-12-2007, 04:47 AM
انا هناااااااااااااااااااااااااااااااااااااااااااااااا ااامممممم
lyonaids
09-12-2007, 04:53 AM
كوكي ماتحننيش قلبي علي هيفاء سيبيها خالص لازم اعلمها الصح..

لسةفاكرة نفسها في لبنان ونسيت اني راجل رجعي ممسمر:mdr:












(بس يا هيفااا...بس يا حلواا.. بس يا مشمشاااا .. بطلي عياط..:mdr:)
el rayk gedan
09-12-2007, 04:56 AM
على فكرة يا كوكى أنتى مقتنعه بكلامى بس بتكابرى
وبعدين أنا أكل من أيد مراتى وأكل برده مع مراتى ولو فضينا لبعض طول النهار هنزهق من بعض بسرعه
وبالنسبه للأولويات , الجواز رقم واحد يا ست هانم والشغل بالنسبه للبنت اذا كان عندها وقت فراغ ومش عارفه تعمل فيه ايه
لكن الجواز نمرة واحد وبطلى عناد
lyonaids
09-12-2007, 05:04 AM
الصراحة رايق انا رايي بردو من رايك ..الست اولا بيتها

مملكتها والشغل للراجل ..لان الشغل ده مش حاجة حلوة .ولا حاجة سهله

الشغل بيدايق الراجل مش حاجة حلوة ..الشغل ربنا عمله للراجل عشان

يساعد الست ...المراه هيا اللي بتعمل اللي ولا مليون راجل يعمله

انها بتنجب الاطفال اللي انا وانت واي بنت كنا منهم!!

المرأه هي واهبة الحياه..

والراجل مهمته ثانويه !!!!!!!!!!

انه يطورلها الحياه ...

!عشانها وعشان اولادها ...

بالشغل ..!!

مش قادر اطلع كلام تاني بجد ...انا هنام .

موبايلات بقا هه..:mdr:
el rayk gedan
09-12-2007, 05:10 AM
كوكى مستنى ردك على كلامى دلوقتى او بكره

يلا تصبحى على خير

وانت كمان ياليو تصبح على خير
lyonaids
09-12-2007, 02:02 PM
صباح الخير يا رااايق ..:mdr:هههههههههههههه

ماقريتش ردك الا لما صحيت .منك لله يارايق !!
lyonaids
09-12-2007, 03:26 PM
(لما يكون نفسك تحبى وتتحبى والفرصه تتاحلك كتير لكن انتى ماشيه فى طريقك ومش عايزه تبعدى عنه.... تبقى انتى كده صح!!


لما يكون بيتقدملك ناس كويسين واهلك بيرفضوا لاسباب متهمكيش ولاتفرق معاكى لانها مظاهر وانتى عايزه تعيشى فى قصة حب فى ظل شرع ربنا وده غير متاح.... تبقى انتى كده سلبيه وضعيفه ومقدرتيش تاخدى قرار وتعارضيهم!


لما يكون الحب مش من حقك كلمه بتتقلك وانتى محتاجه للحب ده ولما تقولى من حقى يتقلك لا مش من حقك والمفروض متهتميش غير بدراستك وشغلك ومستقبلك وبس والا تبقى مش انسانه لان الانسان ربنا كرمه بالعقل وانتى كده عايزه تمشى بعواطفك بس.... وقتها هتردى بايه خاصة ان اللى بيقولك الكلام ده ناس ماقدروش يعيشوا لحظه من غير قصة حب


لما تكونى انتى خلاص محتاجه حد معاكى لان ده حقك وانتى بتتحرمى من الحق ده بحجة لسه مجالكيش نصيبك وقتها هتعملى ايه.... اصل النصيب زى الشماعه اللى بيعلقوا عليها اى حاجه مش جايه على مزاجهم


لما انتى تصبرى كتير وكتير وكتير وفى النهايه تلاقى نفسك فى وضع المتهمه واللى حواليكى يحسسوكى انك هم عليهم بقى تقيل اوى.... وقتها هتفكرى فى ايه


لما فى وسط كل ده تلاقى حد بيحبك وبيعترفلك بده وعلى استعداد انه يتقدم ليكى وانتى تقولى مش وقته عشان عارفه لو اتقدم هيترفض وفى نفس الوقت انتى محتاجاه معاكى وعايزه ترضى ربنا فى كل حاجه وكل ده غير متاح.... )
(من موقع الاستاذ عمرو خالد بالنص..للافاده..)

من شكوي بنت ..نفسها تحب اللي تتجوزة ..وتتجوز اللي بتحبه..!
خايفة تتجوز واحد عمرها ما شافته غير مرتين تلاته ورا بعض..!!

الكلام للاهل...ومفتوح للنقاش ..!
waelsabry
09-12-2007, 04:05 PM
مافيش حاجه اهم بين الراجل ومراته غير الاحترااااااااااااااااااااام
lyonaids
09-12-2007, 04:24 PM
:mdr:


وائل ..ايه ده يا وائل..!!
kokilina
09-12-2007, 06:10 PM
والله العظيم ما هى مكابره ولا حاجه يا جماعه..انا عن نفسى لما بكون غلط بعترف واقول انى غلطانه واعتذر كمان بس فعلا انا مش مقتنعه انى غلط ..انا بقول بس ان العمليه اولويات وعمرى ما قولت ان الجواز تحقير للست ولا حاجه ولا قولت انى اعظم من انى اعمله انا بس بقول انى مش قد مسئوليه الجواز وانه مش الاولويه العظمى بالنسبه ليا فى حياتى -او على الاقل فى الخطه العشريه الجايه-وده من زمان كان كل حلمى انى احقق هدف معين فى دماغى يمكن اكتر من انى اكون زوجه او ام..والشغل مهما كان مرهق او متعب فعن نفسى كنت بحس انى عايشه فعلا وانا بعمل حاجه حاسه ان ليها اهميه عندى مش عمليه وقت فراغ ولا اثبت ذاتى والسلام ولا بشتغل لمجرد انى الاقى لقمه العيش..عن نفسى بحب مجالى ومختاراه عن حب وحاسه انى اقدر اشيل مسئوليته اكتر ما اقدر اشيل مسئوليه بيت ..دا غير اكيد زى ما قولت قبل كده انى مجرد احساسى بانى بقدر اصرف على نفسى واشيل مسئوليه نفسى فى حد ذاته احساس رااااااائع بصراحه مقدرش استغنى عن الاحساس ده ..وعموما الاختلاف فى الرأى ( والاولويات ) لا يفسد للود قضيه ..
ليونايدس ..فاكر صحيح كلامى فى موضوع عمرك مثلت على حد ؟؟؟؟؟ مش الموقف ده بيفكرك بحاجه بردو ؟؟؟؟
magicmay
09-12-2007, 06:42 PM
ههههههههه الصور دي حلوه اوووي ضحكتني كتير
الموضوع طويل اويوصعب هاقري بتركيز واقول رايي
ميرسي
lyonaids
09-12-2007, 07:30 PM
ليونايدس ..فاكر صحيح كلامى فى موضوع عمرك مثلت على حد ؟؟؟؟؟ مش الموقف ده بيفكرك بحاجه بردو ؟؟؟؟

:mdr:

طبعا يا كوكي فاكره ..وكله صح ..كلللله..وانا لو حاولت اقوله
مش هعرف اقوله كدا ابدا..!

وبعدين انا مالي انا ..انا اتكلمت علي كلامك خالص..

بالعكس انا مقتنع بوجهة نظرك.واسبابها اللي تهمك طبعا..

كل واحد حر ..بس كلامي اللي فوق ده كان عام والله رايي الشخصي

اللي هوا مازال ان الشغل للراجل عشان خاطر المرأه وأطفالهم مع بعض!

وده كلام ما فرضتوش علي حد ..هه:mdr:
el rayk gedan
09-12-2007, 08:06 PM
والله العظيم ما هى مكابره ولا حاجه يا جماعه..انا عن نفسى لما بكون غلط بعترف واقول انى غلطانه واعتذر كمان بس فعلا انا مش مقتنعه انى غلط ..انا بقول بس ان العمليه اولويات وعمرى ما قولت ان الجواز تحقير للست ولا حاجه ولا قولت انى اعظم من انى اعمله انا بس بقول انى مش قد مسئوليه الجواز وانه مش الاولويه العظمى بالنسبه ليا فى حياتى -او على الاقل فى الخطه العشريه الجايه-وده من زمان كان كل حلمى انى احقق هدف معين فى دماغى يمكن اكتر من انى اكون زوجه او ام..والشغل مهما كان مرهق او متعب فعن نفسى كنت بحس انى عايشه فعلا وانا بعمل حاجه حاسه ان ليها اهميه عندى مش عمليه وقت فراغ ولا اثبت ذاتى والسلام ولا بشتغل لمجرد انى الاقى لقمه العيش..عن نفسى بحب مجالى ومختاراه عن حب وحاسه انى اقدر اشيل مسئوليته اكتر ما اقدر اشيل مسئوليه بيت ..دا غير اكيد زى ما قولت قبل كده انى مجرد احساسى بانى بقدر اصرف على نفسى واشيل مسئوليه نفسى فى حد ذاته احساس رااااااائع بصراحه مقدرش استغنى عن الاحساس ده ..وعموما الاختلاف فى الرأى ( والاولويات ) لا يفسد للود قضيه ..
ليونايدس ..فاكر صحيح كلامى فى موضوع عمرك مثلت على حد ؟؟؟؟؟ مش الموقف ده بيفكرك بحاجه بردو ؟؟؟؟

على العموم أنا حاولت أساعد وأنتى حرة فى رأيك

لكن هتلفى تلفى وترجعى فى الاخر وتقولى ايه الى انا عملته ده

وده عشان بتلعبى دور غير دورك الاصلى كبنت

تقبلى فائق أحترامى
lyonaids
09-12-2007, 11:27 PM
ههههههههه الصور دي حلوه اوووي ضحكتني كتير
الموضوع طويل اويوصعب هاقري بتركيز واقول رايي
ميرسي

ميرسي لكي انتي مرورك والمجاملة دي !!


اوعي يا مي تكون دي صورتك :mdr:هه
fahd gohary
10-12-2007, 12:58 AM
موضوع هادف ورائع .
لكن الأروع الصور الداعمه للموضوع.
تحياتى
lyly777
10-12-2007, 01:44 AM
كالمعتاد مواضيعك حلوة اوووووووووووووى (كتير مش تعد)
واسلوبك جرىء ومش بتجمل الحقيقه
بصراحه انت بتجيب من الاخر فى اى موضوع من غير لف ودوران وتجميل للواقع

مرسى ليك بجد على موضوعك
el rayk gedan
10-12-2007, 02:31 AM
مافيش حاجه اهم بين الراجل ومراته غير الاحترااااااااااااااااااااام

أوله حبيبى

كرامه البنت من كرامة جوزها والراجل برده كرمته من كرامة مراته ومفيش بينهم أى كرامة بس طبعا ميزعلوش بعض

والكلام ده مش من عندى الكلام ده كلام أئمه كبار
lyonaids
10-12-2007, 08:55 PM
كالمعتاد مواضيعك حلوة اوووووووووووووى (كتير مش تعد)
واسلوبك جرىء ومش بتجمل الحقيقه
بصراحه انت بتجيب من الاخر فى اى موضوع من غير لف ودوران وتجميل للواقع

مرسى ليك بجد على موضوعك

انتي اللي ميرسي بجد علي زوقك ده وردك الجميل اللي خلاني مش لاقي كلام اشكرك بيه

والحمد لله الموضوع عجبك ...ويارب علي طول كدا..
lyonaids
10-12-2007, 08:56 PM
موضوع هادف ورائع .
لكن الأروع الصور الداعمه للموضوع.
تحياتى


شاكر لك جدا يا فهد متابعتك وتعليقك الجميل ....

بالتوفيق..
i_care
10-12-2007, 10:51 PM
شكرا علي موضوعك و كمان علي الصور الجميله
magicmay
10-12-2007, 11:57 PM
لا طبعا دي مش صورتي وبعدين انتا بتدحك ليه كدا
علي فكرة كلامك عجبني بس انا مش عارفه انت الهدف ايه الجواز ولا الحب
ميرسي ليك
I-IEMA012
11-12-2007, 01:53 AM
سيبوني....
حر.....!!
طفشان ..!
عريان..!!
قالو لأ..كدا تعيا !
قلت يعني انا
كدا ...:
مش عيان....!!



كلام مين دا يا باشا ؟
لو انت اللى كاتبه , يبقى انت ما تتسابش كدا
انت من بكرة تكتب كتب و تنزلها السوق

------------
موضوعك جامد و فيه كلام فى الجون
lyonaids
11-12-2007, 01:59 AM
اولا شاكر لك اوي اوي مرورك في المواضيع وتعليقك الجميل ..

وبالنسبة للحكمة بتاعة الموضوع بتبقي غالبا منقولة لكتب كبار من نوعية احمد رجب وبهجت وكدا زي ما في اغلبية مواضيعي ..!!

والكلام اللي عجبك ده حتة من شعر عامي للصحفي المببببببببببببببببدع للصبح ....وليد طاهر ..والي كان في جريدة الدستور اللي كنت باتمرن فيها ..


ميرسي لك اوي مرورك مرة تانيه
lyonaids
11-12-2007, 02:01 AM
شكرا علي موضوعك و كمان علي الصور الجميله

ميرسي لك انتي اللي نورتي الموضوع بمجاملتك الرقيقة ..
lyonaids
11-12-2007, 04:23 AM
لا طبعا دي مش صورتي وبعدين انتا بتدحك ليه كدا
علي فكرة كلامك عجبني بس انا مش عارفه انت الهدف ايه الجواز ولا الحب
ميرسي ليك

لا اصلي افتكرتها صورتك ..بجد كانت هتبقي مشكله :mdr:

وكويس ان الكلام عجبك وباذن الله اجيب اقتباس هنا يجاوب علي سؤالك
lyonaids
11-12-2007, 06:40 PM
كلاكيت ..:mdr:


(لما يكون نفسك تحبى وتتحبى والفرصه تتاحلك كتير لكن انتى ماشيه فى طريقك ومش عايزه تبعدى عنه.... تبقى انتى كده صح!!


لما يكون بيتقدملك ناس كويسين واهلك بيرفضوا لاسباب متهمكيش ولاتفرق معاكى لانها مظاهر وانتى عايزه تعيشى فى قصة حب فى ظل شرع ربنا وده غير متاح.... تبقى انتى كده سلبيه وضعيفه ومقدرتيش تاخدى قرار وتعارضيهم!


لما يكون الحب مش من حقك كلمه بتتقلك وانتى محتاجه للحب ده ولما تقولى من حقى يتقلك لا مش من حقك والمفروض متهتميش غير بدراستك وشغلك ومستقبلك وبس والا تبقى مش انسانه لان الانسان ربنا كرمه بالعقل وانتى كده عايزه تمشى بعواطفك بس.... وقتها هتردى بايه خاصة ان اللى بيقولك الكلام ده ناس ماقدروش يعيشوا لحظه من غير قصة حب


لما تكونى انتى خلاص محتاجه حد معاكى لان ده حقك وانتى بتتحرمى من الحق ده بحجة لسه مجالكيش نصيبك وقتها هتعملى ايه.... اصل النصيب زى الشماعه اللى بيعلقوا عليها اى حاجه مش جايه على مزاجهم


لما انتى تصبرى كتير وكتير وكتير وفى النهايه تلاقى نفسك فى وضع المتهمه واللى حواليكى يحسسوكى انك هم عليهم بقى تقيل اوى.... وقتها هتفكرى فى ايه


لما فى وسط كل ده تلاقى حد بيحبك وبيعترفلك بده وعلى استعداد انه يتقدم ليكى وانتى تقولى مش وقته عشان عارفه لو اتقدم هيترفض وفى نفس الوقت انتى محتاجاه معاكى وعايزه ترضى ربنا فى كل حاجه وكل ده غير متاح.... )
(من موقع الاستاذ عمرو خالد بالنص..للافاده..)

من شكوي بنت ..نفسها تحب اللي تتجوزة ..وتتجوز اللي بتحبه..!
خايفة تتجوز واحد عمرها ما شافته غير مرتين تلاته ورا بعض..!!

الكلام للاهل...ومفتوح للنقاش ..!
omnia_omo
11-12-2007, 10:36 PM
انا مقدرتش اقرا كل التعليقات بس جميييييييييل اوي الموضوع و حلو اوي موضوع ان الحب هو الدراسه و الجواز امتحان اخر السنه..
انا شايفه ان الجواز هو امتحان بدايه السنه.. لو فى امتحان بدايه السنة اساسا.. لان لو فى امتحان يبقى محدش هيدخل السنه ايه الغلاسه دي
الامكانيات الماديه هى الوظيفه و الشقه.. بس مش اى حد معاه وظيفه و شقه بينجح فى جوازه...
لازم يبقى فى فهم لطبيعه الزواج من مودة و رحمة و سكن . مش انه يبقى مجرد حرب و يبقى اثبات شخصيه ليس الا... لو كل واحد مشى على كلام ربنا و كلام الرسول صلى الله عليه و سلم و لو كل واحد قبل ما يتجوز يسأل و يقرا عن حقوق الزوج و الزوجه و السعاده الزوجيه اللى كتير من شيوخنا اتكلمو عنها و شرحوها شرح لذيذ جداااااا يحببك فى الزواج
لو كل زوجه عرفت ان طاعه الزوج من طاعه ربنا و انه هو اللى هتدخل بيه الجنه او النار و كل زوج استغل الحق ده صح منغير فرد عضلات ... اتحدى اى حد يجبلى مشكله بين زوج و زوجته... المشكله فعلا هى قله فهم و قله توعيه دينيه
ايه الكلام الكبير ده... ربنا يكملنى بعقلي يا رب
lyonaids
12-12-2007, 12:34 AM
امنية كلامك جميل اوي اوي ..

وانتظري مني تعليق اخر :mdr:
kind scorpion
12-12-2007, 05:24 AM
ياخي من ساعة ماستفزتني وقلتلي غير العنوان...... اهنتني في اعز ماملك يعني.....ومن ساعة كمان ماقلتلي يااكسلانس... وانا بادورلك في كل موضوع على حته امسكك منها
انما المرادي ....... مش لاقيلك ديل امسكك منه
بجد ضحكت من قلبي على كلامك وعلى الصور الرائعه
برافو ياكسلانس
مش هاقدر اقولك المره دي غير
ايه الحلاوه دي ........ تسلم ياكسلانس
وبردو مش مغير العنوان
lyonaids
12-12-2007, 06:21 PM
والمصحف يا اخي انتا زي العسل والله ..
وكل ماشوفلك ردود في مواضيعي بانبسط ..

ميرسي لك يا جميل ..وبالراحه شوية في كلامك عشان بجد انا جالي مغص من الضحك من ردك في موضوع البعرور:mdr:

انتا بجد مشكلة !!
eslam wega
12-12-2007, 10:37 PM
بص يا lyonaids
انت بسم الله مشاء الله عليك
مواضيعك
كلها جامدة وتستهل تثبت
بس ليك عندى نصيحة صغيرة متخليش المنتدى يخد كل وقتك
يعنى خالى شوية وقت لنفسك برضوا
يعنى انت مشاء الله معدل مشركتك 23 مشركة يوميا
وكل مشركة والتانية قد كدة اللهم لا حسد يعنى
يعنى على الاقل بتعقد على المنتدى من 8 الى 10 ساعات
كل الى عوز اوصلهلوك انوا اهم من المنتدى حياتك الشخصية
وكليتك ودرستك لانوا بردوا فى الاخر المنتدى مش هينفعك فى حياة الواقعية
يا رب تكون رسالتى وصلت
واسف لو كلامى فى اى حاجة مش عجبك
eslam wega
12-12-2007, 10:41 PM
نسيت اقولك حاجة اخيرة يعنى معنى كلامى
انك تمسك العصاية من النص
ولا انك تقضى وقتك كلوا على المنتدى
ولا انك تعقد شوية صغرين
خير الامور عند الله الوسط
تحياتى لك
اخوك اسلام
lyonaids
12-12-2007, 11:55 PM
اسلام حبيب قلبي ..

انا عن نفسي صحفي تحت التمرين ..

والمواضيع دي من دماغي ..كتابتي الشخصية ..

انا مانكرش اني بقعد فاتح المنتدي كتير ..

بس ببقي موجود عالنت في نفس الوقت باكتب حاجات تانيه .

او باعمل حاجات تانيه ..

واكيد هييجي وقت هاسيب فيه المنتدي خالص ..

كل شئ بيتغير..

وميرسي علي نصيحتك ...اكيد صح ...
eslam wega
13-12-2007, 12:17 AM
كل كلامك 100 100
لكان الحتة دى وحشة
واكيد هييجي وقت هاسيب فيه المنتدي خالص
انا اعترض يا كابتن
اوعا تفكر حتى ها انت فاهم ولا نستخدم العنف
lyonaids
13-12-2007, 12:47 AM
:mdr:


يا حبيب قلبي لو مافيش غيرك في المنتدي انا معاك ..!

انا خلاص غيرت رايي يا اسلام ..


البنطلون آه:mdr:
kind scorpion
13-12-2007, 12:56 AM
والمصحف يا اخي انتا زي العسل والله ..
وكل ماشوفلك ردود في مواضيعي بانبسط ..

ميرسي لك يا جميل ..وبالراحه شوية في كلامك عشان بجد انا جالي مغص من الضحك من ردك في موضوع البعرور:mdr:

انتا بجد مشكلة !!
خلاص ياعم ..... عسل ايه وبتاع ايه ........ لميت النمل
ماقلتلك قبل كده باتكسف من الكلام ده
eng_omar_1
13-12-2007, 02:33 AM
عمو انا متجوز ومش هارد على الموضوع ده احسن انا سامع المدام داخله بتدور على المنفضة علشان تنفض دماغي قصدي السجاد والموكيت
كفاية بقي
kind scorpion
13-12-2007, 02:35 AM
اسلام حبيب قلبي ..

انا عن نفسي صحفي تحت التمرين ..

والمواضيع دي من دماغي ..كتابتي الشخصية ..

انا مانكرش اني بقعد فاتح المنتدي كتير ..

بس ببقي موجود عالنت في نفس الوقت باكتب حاجات تانيه .

او باعمل حاجات تانيه ..

واكيد هييجي وقت هاسيب فيه المنتدي خالص ..

كل شئ بيتغير..

وميرسي علي نصيحتك ...اكيد صح ...
شوف يابني ياحبيبي
رغم انك بتناكفني كتير......... ومش عاجبك عنواني
الا اني والله العظيم بحب جدا ادخل مواضيعك لاني بجد باضحك من قلبي
وعلشان كده بقولك تسيب المنتدى لا........ هازعل منك
مهما كنت مشغول ممكن ولو يوم في الاسبوع....... اصل هاتوحشني جدا مناكفتك
المهم الراجل بردو نصحك نصيحه كويسه
لو وراك حاجه تانيه فعلا ....... وان كنت من خلال مواضيعك اشك ان وراك اي حاجه ...... المهم بردو ماتخليش وقتك كله منتدى وبردو ماتحرمناش من مواضيعك ...... الرائعه جدا........والي بجد بتخلينا كلنا نضحك من قلبنا
kind scorpion
13-12-2007, 03:12 AM
عمو انا متجوز ومش هارد على الموضوع ده احسن انا سامع المدام داخله بتدور على المنفضة علشان تنفض دماغي قصدي السجاد والموكيت
كفاية بقي

ليونايدس ............ ايه دا بقى
انتا يابني يالي اسمك ليونايدس .......... تعالى
وقعتك منيله
نعم.......... يعني مش عارف فيه ايه
اه صحيح .......... مانتا نايم على ودانك
ايه الي جاب الزملكاويه دول هنا ياسي ليونايدس
وكمان مهندسسسسسسسسسسسسسسس ياليله مش معديه
لالالالا ........... خلاص
من النهارده انتا من طريق وانا من طريق
وعلى راي اخونا الباشمهندس الكبير/ عادل امام
يانا يالزمالك في قلب ال.... في قلب ال.......في قلب ال.......
ايه ......... هيا مش عاوزه تيجي ليه
على العموم يلا زي بعضه
مش مهم ...... سيبهم يسترزقوا بضحكه ولا حاجه بدل الغم الي هما فيه على طول
وربنا يابني يخليك للغلابه الي فرقهم دايما معكننه عليهم
ويجعلو عامر
lyonaids
13-12-2007, 03:29 AM
شوف يابني ياحبيبي
رغم انك بتناكفني كتير......... ومش عاجبك عنواني
الا اني والله العظيم بحب جدا ادخل مواضيعك لاني بجد باضحك من قلبي
وعلشان كده بقولك تسيب المنتدى لا........ هازعل منك
مهما كنت مشغول ممكن ولو يوم في الاسبوع....... اصل هاتوحشني جدا مناكفتك
المهم الراجل بردو نصحك نصيحه كويسه
لو وراك حاجه تانيه فعلا ....... وان كنت من خلال مواضيعك اشك ان وراك اي حاجه ...... المهم بردو ماتخليش وقتك كله منتدى وبردو ماتحرمناش من مواضيعك ...... الرائعه جدا........والي بجد بتخلينا كلنا نضحك من قلبنا


والله كلامك ده باعتز بيه شهاده والله ولا شهاده الاعدادية يعننني :mdr:


ومش سايبك ماتخافش ..غير لما تغير عنوان الدوله ده ..

قال شارع الفرن جنب ترابيزة البنج ...!!:mdr:
lyonaids
13-12-2007, 04:57 PM
عمو انا متجوز ومش هارد على الموضوع ده احسن انا سامع المدام داخله بتدور على المنفضة علشان تنفض دماغي قصدي السجاد والموكيت
كفاية بقي


بس يا عمر ..طب وادام انت كدا ايه اللي خلاك تفتح الموضوع يبني انتا انتحاري ليه..!:mdr:




امنية .التعليق في السكة انشاء الله :mdr:

kind scorpion,,شخصية مش هتتكرر في تاريخ المنتديات .

.والمنتجعات:mdr:
eng_omar_1
14-12-2007, 03:20 AM
بس يا عمر ..طب وادام انت كدا ايه اللي خلاك تفتح الموضوع يبني انتا انتحاري ليه..!
انا مش باخاف من حد ياعم.......يارب صوتي يكون واطي
مراتي نايمة واقدر دلوقتي ادخل نت
ههههههههههههه
انا صعيدي ومش باخاف من حد يا ولد (بكسر الواو وتسكين اللام)

على رأيك ....يخرب بيت الفقر>>>>منقول علشان متزعلش
lyonaids
14-12-2007, 06:34 PM
هههههههههههههه يا عمر انت لو متجوز فعلا وما بتهرجش !

يبقي انا عرفت الفقر ده كله جه منين
brooa122
14-12-2007, 06:47 PM
أنت اللى زيك مش يعيش ليوم الثلاثاء؟؟!!؟
هو انت معاك مشاكل مع الحكومة...
ههههه
lyonaids
14-12-2007, 07:03 PM
??? :mdr:

عزيزي الغامض الاكسلانس ! ما بلاش اسلوب ادهم صبري

وتوضح يا مونبيه :mdr:
eng_omar_1
14-12-2007, 09:49 PM
هههههههههههههه يا عمر انت لو متجوز فعلا وما بتهرجش !

يبقي انا عرفت الفقر ده كله جه منين

انا متجوز
اااااااااي
اصل ايدي اتهرت من الغسيل والكوي
brooa122
15-12-2007, 12:57 AM
??? :mdr:

عزيزي الغامض الاكسلانس ! ما بلاش اسلوب ادهم صبري

وتوضح يا مونبيه :mdr:

لية كدة ...."ملحوظة مش عارف اكتب اسمك" وأنا اللى اعتبرتك صاحبى تتهمنى بالغموض
هو أنت معندكش أصحاب بلاستيك
eng_dody_do
15-12-2007, 09:06 PM
موضوع جامد طحن و معاك حق فى كلامك
الف شكررررررر
lyonaids
16-12-2007, 04:20 AM
thank you emad

rabena ywafa2ak
حمو الأهلاوى
17-12-2007, 04:46 AM
يا مان كلامك كلو تمام

وانت راجل ميه ميه
والجواز عمرو مكان بلأتفاق الجواز بلخناق
lyonaids
18-12-2007, 02:20 AM
ahlawy 3ala toooooool :mdr:


thank you darling
توتامندى
19-12-2007, 03:02 AM
ياريت فعلا الشباب يستوعبوا الكلام ده كويس ويقدورا فعلا البنت الى بيحبوها
lyonaids
19-12-2007, 03:14 AM
انت ولد ولا بنت ..:mdr:؟


يعني ايه توتامندي ؟؟!!

انت مين ؟؟!!

عدووو ولا حبيب :mdr:
$ABEER
20-12-2007, 03:31 AM
شكرا جزيلا لك
lyonaids
21-12-2007, 10:42 PM
العفو عبير وشاكر لكي مرورك وتعليقك الجميل في المواضيع الاخري ..

كل سنة وانتي طيبة وبخير .
eng_omar_1
23-12-2007, 09:17 PM
عزيزي ليو.....
انت الاول انتحرت ولا لسه....؟؟!!
لو كنت لسه مانتحرتش عاوز اسألك سؤال بجد...
انت نفسك تتجوز دلوقتي....
انت عاوز تتجوز اساسا...
هل الجواز هو ما ينقصك في حياتك الان...
حدد هدفك....وربنا يوفقك

الاسئلة دي مش ليك انت بس
ده لكل الشباب والبنات